1, 2. (a) Ul­lumik­kut Guutip in­nut­taasa suna nuan­naarutigisar­paat? (b) Angajoq­qaat utoq­qaaner­tal­lu kuisin­nerup isumaa inuusut­tunut qanoq paasitis­sin­naavaat?

“INUN­NGORAVIL­LI ilisarisimaler­pak­kit,” utoq­qaaner­taq Christopherimut aq­qaneq-marlun­nik ukiulim­mut oqar­poq. “Kuisik­kusut­tutit tusarlugu nuan­naarutigaara. Aperilaarlak­kit: Sooq kuisik­kusup­pit?” Nuan­naarutigingaar­tar­par­put ukiut tamaasa inuusut­tut tuusintilik­kuutaat kuisit­tarmata. (Oqal 12:1) Utoq­qaaner­tap Christopherimut apeq­qutaa pingaaruteqar­poq, angajoq­qaam­mi kristumiusut ilagiin­nilu utoq­qaaner­tat qulak­keerusup­paat inuusut­tut nam­min­neq aalajangiisimanersut kuisin­nerul­lu isumaa paasil­luarsimaneraat.

² Biibilimit paasivar­put tun­niul­luin­nar­neq kuisin­nerlu kristumiutut inuunermut nutaamut aal­lar­niutaasoq. Taamatut nutaamik inooriaaseqaler­neq Jehovap pil­luaq­qungaas­savaa,  aam­mali Saatanimit akerlilersor­neqar­nermik kinguneqas­saaq. (Us­s 10:22; 1 Petr 5:8) Taamaat­tuminguna Kristusimut ajoqersugaanerup isumavia pil­lugu angajoq­qaat kristumiut qitor­namin­nik ilin­niar­titsinis­samut pif­fis­saqar­tariaqar­tut. Inuusut­tut kristumiunik angajoq­qaaqan­ngip­pata ilagiin­ni utoq­qaaner­tat tun­niul­luin­nar­nerup kuisin­nerul­lu isumaat asan­nil­lutik taak­kunun­nga paasitis­savaat. (Lukasi 14:27-30 atuak­kit). Soorlu il­lulias­saq naam­mas­siumal­lugu piareersar­toqar­tariaqar­toq, taamatul­li inuusut­tut kuisin­nis­samin­nut piareersaq­qaar­tariaqar­put aalajaal­lutik Jehova ‘naggatis­samut’ kif­far­torfigisin­naaq­qul­lugu. (Mat­t 24:13) Inuusut­tut naas­saan­ngitsumik Jehovap kif­far­torfiginis­saanik aalajangiusiman­nin­nis­samin­nut suna iluaqutigisin­naavaat? Misis­soriar­tigu.

3. (a) Kuisin­nerup pingaaruteqar­nera pil­lugu Jiisusip Petrusil­lu oqaasii qanoq ilin­niarfigaavut? (Mat­t 28:19, 20; 1 Petr 3:21) (b) Apeq­qutit suut sam­mis­savavut, aam­ma sooq?

³ Inuusut­tuuit kuisik­kusut­toq? Taamaap­pat nersualaar­neqar­tariaqar­putit! Jehovap Nalunaajaasuisa ilaat­tut kuisin­neq ataq­qinaataangaar­poq. Aam­mami kuisin­nis­saq kristumiunut piumasaqaataavoq an­naan­neqar­nis­samul­lu pingaaruteqarluin­narluni. (Mat­t 28:19, 20; 1 Petr 3:21) Jehovamut neriorsuutigiumaak­kat uum­mam­mit pisumik eq­qor­tik­kusuk­kak­ku taamatut pingaaruteqar­tumik iliuuseqar­nis­samut piareersarusup­putit. Taamaat­tumik kuisin­nis­samut piareersimanersutit paasiumal­lugu apeq­qutit iluaqutigisin­naasatit uku eq­qarsaatigiguk­kit pitsaas­saaq: (1) Ima inersimal­luar­tigaanga taamatut aalajangiisin­naal­lunga? (2) Kuisin­nis­sara nam­mineq kis­saatigaara? (3) Jehovamut tun­niul­luin­nar­neq qanoq isumaqar­nersoq paasivara? Apeq­qutit tamak­ku sam­meriar­tigit.

4, 5. (a) Sooq kuisis­sagaan­ni inersimasuusariaqan­ngila? (b) Kristumiutut inersimal­luar­tuuneq qanoq paasisariaqar­pa?

⁴ Kuisin­nis­samut tun­ngatil­lugu qanoq utoq­qaatigineq Biibilimi apeq­qutaatin­neqan­ngilaq, imaan­ngilaq inersimasut kisimik kuisis­sin­naasut. Us­satit 20:11-mi ima al­las­simavoq: “Aam­ma nukap­piaraq suliamigut ilisarineqar­tar­poq, tas­sa minguitsumik peq­qusersuitsumil­lu iliuuseqar­nersoq.” Aap, suli inersimasun­ngun­ngitsup paasisin­naavaa eq­qor­tulius­saguni qanoq ilius­sanerluni Pin­ngor­titsisiminul­lu tun­niul­luin­nar­neq qanoq paasisariaqar­nersoq. Tas­sa kuisin­neq tas­saavoq inuusut­tup inersimal­luar­tuunerminik ersersitsisimasup Jehovamul­lu tun­niul­luin­narsimasup iliuuserisas­saa pingaarutilik naleq­qut­torlu. – Us­s 20:7.

⁵ Inersimal­luar­tuuneq qanoq paasisariaqar­pa? Inuup utoq­qaas­susianut  timik­kul­luun­niit perorsimanermut tun­ngajuaan­nan­ngilaq. Biibilimi al­las­simavoq inuit inersimal­luar­tut eq­qor­tumik eq­qun­ngitsumil­lu im­mik­koor­titsisin­naaneq sungiusarsimagaat. (Hebr 5:14) Inuup inersimal­luar­tup suup eq­qor­tuunera nalun­ngilaa uummammigullu eqqortuliornissani aalajangiusimallugu. Tas­sa eq­qun­ngitsulior­nis­samut sun­ner­tian­ngilaq. Aam­ma eq­qor­tulior­nis­samik eq­qaasin­neqar­tuar­tariaqan­ngilaq. Inuusut­tup kuisit­tup angajoq­qaani inersimasul­luun­niit al­lat eq­qaminiin­ngik­kaluar­pataluun­niit eq­qor­tulior­tar­nis­saa ilimagisin­naavar­put. – Filip­pimiut 2:12 naleq­qiuguk.

6, 7. (a) Danielip atugai al­lan­ngor­tut oqalut­tuarik­kit. (b) Danielip inersimal­luar­tuul­luni qanoq ersersip­paa?

⁶ Inuusut­toq ilumut taamatut inersimal­luar­tigisin­naava? Biibilimi Danielimik oqalut­tuaq eq­qarsaatigisigu. Taan­na angajoq­qaaminit avis­saar­titaal­luni Babylonimut aal­larus­saagami inuusut­tuaraasimasin­naavoq. Guutip peq­qus­sutaanik maleruaan­ngitsut akor­nan­ni inuuleriataar­poq. Oqalut­tuas­sar­taali misis­soriar­tigu. Babylonimi im­mik­kut it­tumik pineqar­poq. Inuusut­tuaq­qam­mi kun­ngimut kif­far­tor­tus­satut toq­qagaasut ikit­tut ilagaat. (Dan 1:3-5, 13) Danieli Israelimi periarfis­sarisimasin­naasaraluaminit Babylonimiin­nermini periarfis­saris­saar­nerusimagunar­poq.

⁷ Danieli inuusut­toq inut­tut al­lan­ngor­pa? Up­per­nik­kut Babylonimiunit san­ngiil­lisin­neqar­pa? Naamerluin­naq! Biibilimi al­las­simavoq Danieli Babylonimiitil­luni ‘uummammigut isumalertoq mingutsikkumanani’, tas­sa pal­lorfigin­nin­nermut eq­qun­ngitsumut tun­ngasut  suul­luun­niit at­toruman­ngik­kai. (Dan 1:8, tastamantitoĸaĸ) Inersimal­luar­tuungaarami!

8. Danielimik oqalut­tuaq qanoq ilin­niarfigisin­naaviuk?

⁸ Danielimik oqalut­tuaq qanoq ilin­niarfigisin­naaviuk? Inuusut­tup inersimal­luar­tup ar­tor­naraluaraangal­luun­niit up­perisani aalajangiusimasar­paa. Kamæleonitut eq­qaminiit­tunut naleq­qus­sar­niarluni amermi qalipaataanik al­lan­ngor­titsisar­tutut in­ngilaq. Naalagaaf­filersaarfim­mi Guutimut ikin­ngutaasutut pis­susilersoriarluni atuarfim­mi silarsuarmut ikin­ngutaasutut pis­susilersor­neq ajor­poq. Aap, misilin­neqaraluaraangamiluun­niit aalajaat­tuar­tar­poq. – Efesosimiut 4:14, 15 atuak­kit.

9, 10. (a) Inuusut­tup up­per­nik­kut misilin­neqar­nermini qisuariar­nini eq­qarsaatigiguniuk qanoq iluaqutigisin­naavaa? (b) Kuisin­nik­kut suna ersersin­neqar­tar­pa?

⁹ Soorunami inum­mik naam­mal­luin­nar­toqan­ngilaq. Inersimasuugut­ta inuusut­tuugut­taluun­niit tamat­ta kuk­kusar­pugut. (Oqal 7:20) Kuisik­kusuk­kuil­li Jehovap peq­qus­sutaasa naalan­nis­saat qanoq aalajangiusimatiginerit paasiniaruk­ku silatusaar­nerus­saaq. Im­minut ima aperigit: ‘Jehovamut naalat­tuuneq inooriaaserivara?’ Kingul­lermik up­per­nik­kut misilin­neqaravit qanoq qisuariar­nersutit eq­qarsaatigiuk. Eq­qor­tumik eq­qun­ngitsumil­lu im­mik­koor­titsisin­naal­lutit iliuutsik­kut ersersip­piuk? Danielip kajumis­saar­neqarsimaneratut pigin­naanitit Saatanip silarsuaani atoq­qul­lugit kajumis­saar­neqar­nikuuit? Taamatut us­ser­nar­torsior­tin­neqaraangavit Jehovap suna piumasarineraa paasisin­naasar­piuk? – Ef 5:17.

¹⁰ Sooq apeq­qutinut taak­kunun­nga akis­sutit paasinis­saat pingaaruteqar­pa? Kuisin­nerup pimoorun­neqavin­nis­saata paasinis­saanut iluaqutigis­sagak­ku. Kuisin­nik­kut ersersis­savat Jehova pingaarutilim­mik neriorsorsimal­lugu. Neriorsor­pat uum­matik­kut iluun­ngarlutit naas­saan­ngitsumut asajumal­lugulu kif­far­torfigiumal­lugu. (Mark 12:30) Kuisit­tus­sap kial­luun­niit Jehovamut neriorsuutimi eq­qor­tin­nis­saa aalajangiusimasariaqar­paa. – Oqaluus­sisar­tup oqaasii 5:3, 4 atuak­kit.

11, 12. (a) Kuisis­sanerluni eq­qarsaatigin­nit­tup suna qulak­keer­tariaqar­paa? (b) Kuisin­nermut eq­qor­tumik qanoq isigin­nit­taaseqalersin­naavit?

¹¹ Biibilimi al­las­simavoq Jehovap in­nut­tai tamarmik, ilaatigut inuusut­tut, “kajumil­lutik” taan­na kif­far­torfigiumaaraat. (Tus­s 110:3) Tas­sa inuup kuisik­kusut­tup qulak­keer­tariaqar­paa taman­na nammineq kis­saatigalugu. Sooq kuisik­kusun­nerlutit im­minut un­neq­qarif­figalutit eq­qarsaatigeq­qis­saaruk, ingam­mik sal­lusuis­sum­mi peroriar­torsimaguit.

¹² Peroriar­tor­nin­ni kuisit­tunik takusaqar­tarsimas­saatit, im­maqa ikin­ngutivit qatan­ngutivil­luun­niit ilaat kuisis­simap­put. Ukiutit eq­qarsaatigalugit imaluun­niit kik­kut tamarmik kuisim­mata il­lit  kuisit­tariaqar­tutut misigileq­qunak mianersoq­qis­saarit. Kuisin­neq pil­lugu Jehovatut isigin­nit­taaseqar­nerlutit qanoq qulak­keersin­naaviuk? Sooq kuisin­nerup pingaaruteqarluin­nar­nerata eq­qarsaatiginis­saanut pif­fis­saqarluarit. Pis­sutis­saal­luar­tut arlal­lit al­laaserisami matumani tul­liut­tumilu atuarsin­naavatit.

13. Kuisik­kusun­nerit uum­mam­mit pisumik aalajangigarinerlugu qanoq paasisin­naaviuk?

¹³ Kuisik­kusun­nerit uum­mam­mit pisumik aalajangiinerunersoq ilaatigut qin­nutin­nik misis­suinik­kut paasisin­naavat. Qanoq akulikitsigisumik Jehovamut qinusar­pit? Qinugaangavit im­mik­kut erseq­qis­saasar­pit? Tamak­kunun­nga akis­sutitit Jehovamut qanoq at­taveqarluar­tiginin­nik paasisitseqataasin­naap­put. (Tus­s 25:4) Jehovap qin­nutivut Biibili aq­qutigalugu akisarmagit Biibilimik atuaq­qis­saar­nis­samut pilersaarutit eq­qarsaatigeq­qis­saaruk. Taamaalior­nik­kut paasisin­naavat ilumut Jehovamut qanit­tumik at­taveqarusun­nersutit uum­matik­kul­lu iluun­ngarlutit kif­far­torfigerusun­nerit. (Jos 1:8) Im­minut ima aperigit: ‘Biibilimik atuaq­qis­saar­tar­nera qanoq aalajangersimatigaa? Ilaqutariit­tut atuaq­qis­saaqatigiin­neq peqataarusus­suseqarfigaara?’ Akis­sutitit iluaqutigalugit kuisik­kusun­nerit nam­mineq kis­saatigisarinerlugu nalilersin­naas­savat.

14. Tun­niul­luin­nar­nerup kuisin­nerul­lu as­sigiin­ngis­sutaat nas­suiaruk.

¹⁴ Inuusut­tut ilaasa im­maqa tun­niul­luin­nar­nerup kuisin­nerul­lu as­sigiin­ngis­sutaat paasil­luarsiman­ngilaat. Im­maqa oqar­put inuuner­tik Jehovamut tun­niul­luin­nareerlugu kuisin­nis­samul­li piareersimanatik. Taamaat­toqarsin­naavali? Tun­niul­luin­nar­neq tas­saavoq qinunik­kut naas­saan­ngitsumut Jehova kif­far­torfiginiarlugu taas­sumun­nga neriorsuineq. Kuisin­nik­kut takutin­neqar­tar­poq Jehovamut tun­niul­luin­nareerluni. Tas­sa kuisin­nis­samut piareer­tin­nak paasisariaqar­pat Guutimut tun­niul­luin­nar­neq qanoq isumaqar­nersoq.

15. Tun­niul­luin­nar­neq qanoq isumaqar­pa?

¹⁵ Inuunerit Jehovamut tun­niul­luin­naruk­ku oqarfigis­savat taas­suman­nga pigineqalersutit. Neriorsor­pat taas­sumun­nga kif­far­tor­nerit inuunin­ni pingaar­ner­paajusoq. (Matthæusi 16:24 atuaruk). Guutimut taamatut neriorsuineq pimoorus­sas­saavoq! (Mat­t 5:33) Qanorli ersersis­sin­naaviuk nalunagu im­minut isumak­keerlutit Jehovamit pigineqalersutit? – Rom 14:8.

16, 17. (a) Im­minut isumak­keer­nerup qanoq paasisariaqar­nera as­sersuusiorlutit nas­suiaruk. (b) Tun­niul­luin­nar­toq qanor­piaq neriorsuiva?

¹⁶ As­sersuuteqariar­ta. Takorlooruk ikin­ngutivit biilinik tunigaatit. Al­lagar­tat biilinut tun­ngasut tun­niutiitigalugit ima oqar­poq: “Tas­sa biilis­satit.” Taavali ima oqar­poq: “Matuersaatai uanga tigum­miin­nas­savak­ka. Uangalu, il­liun­ngitsoq, aqut­tuusas­saanga.” Tunis­sut taman­na pil­lugu qanoq misigis­savit? Ikin­ngutit biilinik tunisisoq qanoq isumaqarfigis­saviuk?

¹⁷ Jehovamut tun­niul­luin­nar­toq taas­sumun­nga ima oqar­poq: “Inuunera il­lit pigaat. Ilin­nit pigineqarpunga.” Inuup taas­suma neriorsuutini eq­qor­tis­sagaa Jehovap piumasaraa. Taavami inuup taas­suma Jehova naalak­kun­naarlugu Guutimut kif­far­tor­tuun­ngitsoq iser­tor­tumik peerariler­pagu? Imaluun­niit  taan­na Guutimut kif­far­tor­nerminik kil­liliisumik ataatsimiigian­ngitsooqat­taas­sutigisaminil­luun­niit sulif­fit­taar­pat? Taava taas­suma Jehovamut neriorsuutini eq­qor­tis­san­ngilaa. As­sigiin­nas­savaa biilip matuersaataanik tun­nius­siuman­ngitsoq. Tun­niul­luin­narat­ta Jehovamut ima oqar­pugut: “Inuunera uanga nam­mineq piginagu illit pigaat.” Taamaat­tumik Jehovap kis­saataatut ilior­tuaan­nas­saagut, aam­ma nam­mineq al­latut iliorusuk­kaluarut­ta. Jiisusi ima oqar­toq ilaar­tigu: ‘Qilam­mit aq­qar­punga uanga nam­mineq piumasara pin­nagu aal­lar­titsisimali piumasaa naam­mas­siniarlugu.’ – Joh 6:38.

18, 19. (a) Kuisimanerup im­mik­kut pisin­naatitaaf­fiusup pil­luaq­qus­sutis­sar­taqar­nera Rosep Christopheril­lu misigisaan­nit qanoq erser­pa? (b) Kuisin­neq im­mik­kut pisin­naatitaaf­fiusoq pil­lugu qanoq misigivit?

¹⁸ Erseq­qip­poq kuisin­neq pimoorus­sas­saasoq. Jehovamut tun­niul­luin­nar­neq kuisin­nerlu im­mik­kut pisin­naatitaaf­ferujus­suup­put. Inuusut­tut Jehovamik asan­nit­tut tun­niul­luin­nar­nerul­lu isumaanik paasin­nit­tut Guutimut tun­niul­luin­nar­nis­sar­tik kuisin­nis­sar­til­lu tunuarsimaarutigineq ajor­paat. Aalajanger­ner­tik peq­qis­simis­sutigineq ajor­paat. Inuusut­toq kuisimasoq Rosemik atilik ima oqar­poq: “Jehova asavara, taas­sumun­ngalu kif­far­tor­nermit uan­nut pil­luar­nar­nerusoqan­ngilaq. Aalajangik­kan­nit al­lanit tamanit kuisik­kumal­lunga aalajanger­nera qularutigin­ngin­ner­paavara.”

¹⁹ Christopherim­mi, al­laaserisap matuma aal­laq­qaataani eq­qaaneqar­tup, aq­qaneq-marlun­nik ukioqarluni kuisit­tup aalajanger­nini qanoq isumaqarfigaa? Taamatut aalajangersimanini nuan­naarutigingaarlugu oqar­poq. 17-inik ukioqarluni pionerin­ngor­poq 18-inil­lu ukioqarluni ilagiin­ni kif­far­tor­tun­ngorluni. Ul­lumik­kut Betelimi kif­far­tor­poq. Ima oqar­poq: “Kuisin­niarlunga aalajangerama eq­qor­tumik aalajangiivunga. Jehovamut taas­sumalu peqatigiis­sor­taanut kif­far­tor­nin­ni nalerisimaar­nar­tunik sulias­sar­pas­suaqar­punga.” Kuisik­kusuk­kuit qanoq piareersarsin­naavit? Taman­na al­laaserisami tul­liut­tumi akineqar­poq.