1, 2. (a) Mianersoq­qus­sut suna inup­pas­suit an­nas­sutigisarsimavaat? (Al­laaserisap aal­laq­qaataani as­seq takuuk). (b) Guutip in­nut­tai inuunermin­nik an­nas­sutaasumik qanoq siulersor­neqar­tar­pat?

“UNIGIT, QINERIT, NAALAARIT.” Oqaatsit taak­ku ukiut hundredinit amerlanerusut matuma sior­na Amerikap Avan­naani qimut­tuitsut aq­qutaasa ikaariaan­ni takus­saasar­put. Sooq? Biilit qimut­tuitsut aq­qutaatigut ikaariar­til­lutik qimut­tuitsunit suk­kalisaaqisunit apor­tin­ngin­nias­sam­mata. Mianersoq­qus­sutit taak­kua eq­qumaf­figinerisigut inup­pas­suit ajunaar­nis­saraluar­tik pin­ngitsoor­tit­tarsimavaat.

² Jehovap mianersoq­qus­sutinit taak­kunan­nga pitsaanerujus­suar­nik tunisimavaatigut. In­nut­tani siulersor­tar­pai naas­saan­ngitsumik inuuneqaleq­qul­lugit navianar­tul­lu ingalas­simaq­qul­lugit. Jehovap as­sigaa savanik paarsisoq savaatiminik siulersuisoq aq­qutik­kul­lu navianar­tuk­koor­naveersaar­titsisoq. – Esaja 30:20, 21 atuakkit.

3. Inuiaat qanoq toqup aq­qutaatiguuler­pat?

³ Inuit oqalut­tuaris­saanerata aal­lar­tin­neraniil­li Jehovap inuit ersaris­sumik malit­tarisas­siuut­tar­pai, imaluun­niit ilitsersoq­qis­saar­tar­pai.  As­sersuutigalugu naatsiivim­mi Edenimi Jehova paasiuminar­tunik malit­tarisas­sior­poq ilaqutariin­nut inuunermik naas­saan­ngitsumik pil­luar­nis­samil­lu kinguneqar­titsisin­naasunik. (1 Mos 2:15-17) Adamil­li Eval­lu Ataatamik asan­nit­tup siulersuinera sumigin­nar­paat. Eva Saatanip pulateriaarsuk aq­qutigalugu siun­nersuutaanut naalap­poq, Adamil­lu nuliani naalal­lugu. Qanoq kinguneqar­pa? Marluul­lutik erloqip­put neriuutis­saqaratil­lu toqul­lutik. Kiisalu naalan­ngitsulior­nerat pis­sutigalugu inuiaat tamarmik toqup aq­qutaatigut ingerlaaler­put.

4. (a) Sooq ulersuup kingor­na malit­tarisas­siaq nutaaq pisariaqar­tin­neqar­pa? (b) Pis­sutsit nutaat Guutip isigin­nit­taasianik qanoq ersersitsip­pat?

⁴ Guutip Noap inuuneranut an­nas­sutaasus­samik malit­tarisas­siuup­paa. Ulersuup kingor­na Jehova inuit aat­tun­ngin­nis­saan­nik peq­qusivoq. Sooq? Pis­sutsit al­lan­ngormata. Maan­nak­kut Jehovap inuit neqitoq­qusaler­pai, taamaat­tumil­lu nutaamik malit­tarisas­siuun­neqar­tariaqaler­put: “[Neqi] uumas­suser­talik, tas­sa aat­talik, neris­san­ngilarsi.” (1 Mos 9:1-4) Peq­qus­sum­mit tamatuman­nga paasivar­put Guutip inuuneq, im­minut pigititani, qanoq isigigaa. Pin­ngor­titsisuuvoq inuunermil­lu tunisisuul­luni, taamaat­tumik inuunermut tun­ngatil­lugu inatsisiliorsin­naatitaavoq. As­sersuutigalugu inum­mik toqutsisoqan­ngin­nis­saa peq­qus­sutigaa. Guutip inuuneq aal­lu il­ler­nar­tutut isigai, tamak­kunun­ngalu tun­ngatil­lugu peq­qus­sutinik unioq­qutitsisut pil­las­savai. – 1 Mos 9:5, 6.

5. Maan­nak­kut suna misis­sus­savar­put, aam­ma sooq?

⁵ Noap nalaata kingor­na Guutip in­nut­tani siulersor­tuar­pai. Al­laaserisami matumani Jehovap in­nut­taminik siulersuineranut as­sersuutit ilaat sam­mis­savavut. Misis­sueq­qis­saar­ner­put Jehovap silarsuas­samut nutaamut siulersuineranik maleruaanis­satsin­nut aalajangersimal­luin­nar­nis­satsin­nut nukit­torsaatigis­savar­put.

6. Sooq Guutip in­nut­taasa Inatsisinut Mosesik­kut tun­niun­neqar­tunut naalan­nis­saat pisariaqar­pa, aam­ma Israelik­kut qanoq isigin­nit­taaseqar­tariaqar­pat?

⁶ Mosesip nalaani Jehovap in­nut­tani qanoq pis­susilersor­nis­saan­nik qanorlu pal­lorfigineqar­nis­saminik ersaris­sumik najoq­qutas­siuup­pai. Sooq? Pis­sutsit al­lan­ngoq­qim­mata. Ukiuni 200-nit amerlanerusuni Israelik­kut Egyptenimi inuiaat toqusimasunik guutilianil­lu pal­lorfigin­nit­tut Guutil­lu iluarin­ngisaanik al­lar­pas­suar­nik iliuuseqar­tar­tut akor­nan­ni najugaqar­put. Guutip in­nut­tai Egyptenimit aniguisitaagamik nutaanik malit­tarisas­siuun­neqar­tariaqar­put. Inuiaaler­pum­mi taamaal­laat Jehovap inatsisaanik maleruaasus­sat. Qinerlerfis­siat ilaat naaper­torlugit oqaaseq hebræerisooq “inatsit” ‘siulersuinermik, siun­nersuinermik ajoqersuinermil­lu’ isumaqar­tumik naggueqar­poq. Israelik­kut avatangiisimin­ni inuiaqatigiit inuunerlun­neran­nut eq­qun­ngitsumil­lu up­perisaan­nut Inatsisit il­lersuutigaat. Israelik­kut Guutimut naalak­kaangamik pil­luaq­quneqar­tar­put. Naalan­ngik­kaangamik naal­liungaar­nermik kinguneqar­tar­poq. – 5 Mosesi 28:1, 2, 15 atuakkit.

7. (a) Nas­suiaruk sooq Jehova in­nut­taminut nutaanik malit­tarisas­sior­toq. (b) Israelik­kut Inatsisit qanoq perorsaasigaat?

⁷ Nutaanik malit­tarisas­sior­nermut aam­ma al­lanik pis­suteqar­poq. Israelik­kut Inatsisit aq­qutigalugit Jehovap siuner­taani  pisus­samut pingaarutilim­mut, tas­sa Mis­siarsip, Jiisusip Kristusip, tikiun­nis­saanut, piareersar­neqar­put. Israelik­kut naam­mal­luin­nan­ngitsuunermin­nik Inatsisinit eq­qaasin­neqar­put. Aam­ma Inatsisit uter­titsis­sum­mik, tas­sa pil­lium­mik naam­mal­luin­nar­tumik ajor­tilius­sutsimik suujun­naarsitsisus­samik, pisariaqar­titsinermin­nik paasin­nin­nis­saminut iluaqutigaat. (Gal 3:19; Hebr 10:1-10) Tamatuma saniatigut Inatsisinit Mis­siarsip kinguaavi il­lersor­neqar­put, aam­ma Israelik­kut Mis­siarsi tikiup­pat kinaas­susersinis­saanut Inatsisit iluaqutigis­savaat. Aap, Inatsisit Kristusimut siulersuisutut ‘perorsaasigigal­lar­paat’. – Gal 3:23, 24.

8. Sooq Mosesip inatsisaani najoq­qutas­sianit siulersor­tit­tas­saagut?

⁸ Kristumiuugat­ta Inatsisini Jehovap Mosesik­kut tun­nius­saani malit­tarisas­sat iluaqutigisar­pavut. Qanoq? Najoq­qutas­siat Inatsisinik tun­ngaveqar­tut eq­qumaf­figinerisigut. Ul­lumik­kut Inatsisit uagutsin­nut atuut­tuun­ngik­kaluar­tut ilar­pas­sui tatigalugit Jehovamik pal­lorfigin­nin­nitsin­ni ul­lut tamaasa najoq­qutarisin­naavavut. Inatsisit Biibilimut al­latsis­simavai ilik­kagaqarfiginias­sagatsigit, najoq­qutarisin­naanias­sagatsigit Jiisusil­lu Inatsisinut naleq­qiul­lugu itinerusumik ilin­niar­titsinera qujamasuutiginerunias­sagatsigu. Maluginiaruk Jiisusi ima oqarmat: “Tusar­parsi oqar­toqarsimasoq: ‘Al­lasius­san­ngilatit’. Uangali oqarfigaas­si: Kialuun­niit al­lap nulia pilerigalugu isigiguniuk taan­na uum­matimigut al­lasiorfigereer­paa.” Tas­sa al­lasior­naveersaagin­nar­nata aam­mali kinguaas­siuutitigut inuunerlun­nermut tun­ngasunik eq­qarsaateqar­naveersaarlutalu pileris­suseqar­naveersaar­tariaqar­pugut. – Mat­t 5:27, 28.

9. Pis­sutsini nutaani qanoq it­tuni malit­tarisas­sat nutaat Guutimeersut pisariaqaler­pat?

⁹ Jiisusip Mis­siarsitut tikiun­nerata kingor­na Jehova nutaamik malit­tarisas­sior­poq siuner­tanilu pil­lugu sukumiinerusumik paasis­sutis­siil­luni. Sooq taman­na pisariaqar­pa? Pis­sutsit al­lan­ngoq­qim­mata. Ukiumi 33-mi Jehovap inuiaqatigiit Israelik­kut in­nut­tariun­naarlugit ilagiit kristumiut in­nut­tas­samisut toq­qar­pai.

10. Sooq inatsisit nutaat ilagiin­nut kristumiunut tun­niun­neqar­pat, taak­kulu inatsisinit Israelik­kun­nut tun­niun­neqar­tunit qanoq al­laanerup­pat?

¹⁰ Israelik­kut qanoq inooriaaseqar­nis­saan­nik qanorlu pal­lorfigin­nin­nis­saan­nik ilin­niar­tin­niarlugit Jehovap Mosesik­kut Inatsisit Israelik­kun­nut tun­niup­pai. Kr.in.king. ukiuni hundredini siul­ler­ni Guutip inuiaqatigiit ataasiin­naat in­nut­tariun­naarlugit inuiaqatigiin­nit tamalaaneersut as­sigiin­ngitsunil­lu tunuliaqutal­lit in­nut­tariler­pai, taak­kulu anersaak­kut Israelimik taaneqar­taler­put. Jehovap ilagiit kristumiut pilersip­pai nutaamil­lu angerfigeqatigalugit. Qanoq inuuneqar­nis­saan­nik qanorlu pal­lorfigin­nin­nis­saan­nik nutaanik sukumiin­nerusunil­lu najoq­qutas­siuup­pai. Ilumul­limi ‘Guuti kinaas­susersior­tuun­ngilaq, tas­saavorli inuiaqatigiin­ni kik­kuusuniluun­niit im­minik mianerin­nit­tumik iluar­tulior­tumil­lu ilas­sin­nit­tar­toq’. (ApS 10:34, 35) “Kristusip inatsisaa”, pingaar­nerusumik najoq­qutas­sianik uum­matimik­kut ujaq­qamuun­ngitsoq al­las­simasunik tun­ngaveqar­toq, maleruar­paat. Kristumiut sumiik­kaluarunil­luun­niit “Kristusip inatsisaa” najoq­qutaralugu inuus­sap­put iluaqutigis­sal­lugulu. – Gal 6:2.

11. Sutigut marlutsigut kristumiut “Kristusip inatsisaa” inuunermin­nut sun­niuteqar­tis­savaat?

¹¹ Anersaak­kut Israelik­kut Jehovap Jiisusi  aq­qutigalugu siulersuinera iluaqutigingaar­paat. Angeruseq nutaaq pilersin­ngitsiarlugu Jiisusi pingaarutilin­nik marlun­nik peq­qus­suteqar­poq. Siul­leq oqaluus­sinermut tun­ngas­suteqar­poq, aap­paalu kristumiut im­min­nut qanoq pis­susilersorfigeqatigiin­nis­saan­nut tun­ngas­suteqarluni. Najoq­qutas­siat taak­ku kristumiunut tamanut, qilaliar­tus­sanut nunarsuarmilu naas­saan­ngitsumik inuunis­samik neriugisalin­nut, atuup­put.

12. Oqaluus­sinermut tun­ngatil­lugu suut nutaajup­pat?

¹² Oqaluus­seriaaseq sumilu oqaluus­sinis­saq kristumiunut nutaajup­put. Itsaq inuiaqatigiit al­lat Israeliliartarput Jehova pal­lorfigiar­torlugu. (1 Kng 8:41-43) Jiisusili Mat­thæusip iivangkiiliuani 28:19, 20-mi atuarsin­naasatsitut nutaamik peq­qus­suteqar­poq. (Atuak­kit). Jiisusip ajoqersuk­kani peq­quai inuiaqatigiin­nut tamanut ‘aal­laq­qul­lugit’. Ukiumi 33-mi piinsip ul­luani Jehovap ersersip­paa nutaarsias­saq nuan­nersoq nunarsuarmi tamarmi oqaluus­sis­sutigineqas­sasoq. Ul­loq taan­na ilagiin­nut ilaasor­tat 120-t mis­saat anersaamik il­ler­nar­tumik kuineqarlutik oqaatsinik as­sigiin­ngitsunik oqaluler­put juutinul­lu aam­ma juutit up­perisaan­nut ilan­ngus­simasunut oqaluus­silerlutik. (ApS 2:4-11) Kingusin­nerusuk­kut Samariamiut oqaluus­sif­figineqar­taler­put. Taavalu ukiumi 36-mi Guutimik nalusut kipineqarsiman­ngitsut oqaluus­sif­figineqar­taler­put. Taman­na isumaqar­poq kristumiut inuian­nut tamanut oqaluus­sisin­naatitaalersut!

13, 14. (a) ‘Inas­sum­mut nutaamut’ suna ilaava? (b) Jiisusip maligas­siaani suna ilik­kar­par­put?

¹³ Up­peqatitsin­nut qanoq pis­susilersor­tar­nis­satsin­nik Jiisusip “inas­sum­mik nutaamik” tunivaatigut. (Johan­nesi 13:34, 35 atuak­kit). Taak­kunun­nga asan­nin­ner­put ul­lut tamaasa takutit­tariaqar­par­put. Aam­mali taak­ku pil­lugit inuuner­put akigeriaan­naasariaqar­par­put. Taman­na Mosesip inatsisaani piumasarineqan­ngilaq. – Matt 22:39; 1 Joh 3:16.

¹⁴ Jiisusi nam­minis­sarsior­nani asan­nin­nermut tun­ngatil­lugu maligas­siuil­luar­ner­paavoq. Ajoqersuk­kani ima asatigai al­laat taak­ku pil­lugit toqujumal­luni. Ajoqersuk­kamilu taamaalior­nis­saat aam­ma naatsorsuutigaa. Taamaat­tumik uagut naal­liuutit naam­magalugit atorsin­naasariaqar­pavut al­laal­lu qatan­ngutivut pil­lugit toqorusus­sin­naal­luta. – 1 Th 2:8.

15, 16. Pis­sutsini nutaani qanoq it­tuni inuuvugut, Guutil­lu qanoq siulersor­tar­paatigut?

¹⁵ “Pif­fis­saq eq­qorlugu” anersaak­kut nerisas­sanik agguaas­sisar­tus­satut Jiisusip “inus­siaq aalajaal­lunilu silatooq” toq­qar­paa. (Matt 24:45-47, NW) Anersaak­kut nerisas­sanut tamak­kunun­nga ilaap­put pis­sutsit al­lan­ngor­neran­ni Guutip in­nut­taminut malit­tarisas­siai pingaarutil­lit. Ul­lumik­kut pis­sutsit qanoq al­lan­ngorsimap­pat?

¹⁶ “Ul­lus­sani kingul­ler­ni” inuuvugut, ungasin­ngitsuk­kul­lu ‘naal­liun­nar­toqangaar­nis­sarsuaq’ maan­namut as­seqan­ngil­luin­nar­toq nal­liutis­saaq. (Mark 13:19; 2 Tim 3:1) Aam­ma Saatani taas­sumalu in­ngilii qilam­miit nunarsuarmut igitaasimap­put inuian­nil­lu atugarlior­titsingaarlutik. (Saqq 12:9, 12) Aam­mat­taaq Jiisusip peq­qus­sutaa naalal­lugu nunarsuaq tamak­kerlugu inuit aatsaat taama amerlatigisut oqaatsil­lu aatsaat taama amerlatigisut atorlugit oqaluus­sif­figaavut!

17, 18. Malit­tarisas­sat tun­niun­neqar­tar­tut qanoq qisuariarfigisas­savavut?

 ¹⁷ Biibililersaaruter­pas­suar­nik oqaluus­sinis­samut iluaqutis­satsin­nik Guutip peqatigiis­sor­taanit isumagineqar­tar­pugut. Tamak­ku ator­tar­pigit? Biibililersaarutit tamak­ku qanoq atorluarsin­naanerlugit ataatsimiin­nitsin­ni siun­nersor­neqar­tar­pugut. Taman­na Jehovap siulersuineratut isigaajuk?

¹⁸ Guutimit pil­luaq­qusaas­sagut­ta malit­tarisas­sat ilagiit kristumiut aq­qutigalugit tun­niut­tagai eq­qumaf­figisariaqar­pavut. Maan­nak­kut naalak­kut­ta ‘naal­liun­nar­toqangaar­nis­sami’ Saatanip silarsuaa tamarmi suujun­naarsin­neqaler­pat malit­tarisas­sanik maleruaanis­sar­put oqin­nerutis­savar­put. (Mat­t 24:21) Tamatuma kingor­natigut Saatanimit sun­nersimaneqarun­naarluta silarsuas­sami nutaami naaper­tuil­luas­suseqarfiusumi inuunis­samut malit­tarisas­sat nutaat pisariaqar­tis­savavut.

19, 20. Map­persak­kat suut map­per­neqas­sap­pat, sunalu kinguneralugu?

¹⁹ Mosesip nalaani inuiaqatigiit Israelik­kut nutaanik malit­tarisas­siuun­neqar­tariaqar­put, taamaat­tumik Guutip Inatsisinik tunivai. Ukior­pas­suit qaangium­mata ilagiit kristumiut “Kristusip inatsisaa” maleruagas­sariler­paat. Taamatut­taaq Biibilimi ilisimatin­neqar­pugut silarsuas­sami nutaami map­persak­kanik malit­tarisas­sanik nutaanik imalin­nik tunineqarumaar­tugut. (Saqqummersitat 20:12 atuaruk). Ilimanarluin­nar­poq map­persak­kani taak­kunani Jehovap inuian­nut taamanik­kus­samut piumasaqaatai nas­suiar­neqas­sasut. Taak­kua atuaq­qis­saar­nerisigut inuit tamarmik, makititaasut ilan­ngul­lugit, Guutip taak­kunun­nga piumasaqaatai ilisimalis­savaat. Map­persak­kat taak­ku iluaqutigalugit Jehovap eq­qarsar­taasia paasisin­naanerulis­savar­put. Aam­ma Biibilimik paasin­nin­neruler­nitsigut paratiisimi im­mitsin­nut asan­nit­tumik ataq­qin­nit­tumil­lu pis­susilersorfigeqatigiin­nerulis­saagut. (Es 26:9) Takorlooruk Kun­ngit­ta Jiisusip Kristusip siulersuineratigut uagutsin­nik al­lanil­lu ilin­niar­titsinis­saq qanoq im­mik­kuul­laritsigis­sasoq!

²⁰ “Map­persak­kani al­las­simasut” maleruar­tarutsigit naggatis­samul­lu inaarutaasumik misilin­neqar­nermi Jehovamut aalajaak­kut­ta ater­put ‘inuunerup map­persagaani’ naas­saan­ngitsus­samut al­las­simas­saaq. Tas­sa naas­saan­ngitsumik inuulersin­naavugut! Taamaat­tumik Biibili misis­sor­tariaqar­par­put, atuak­kavul­lu tamak­ku uagutsin­nut qanoq isumaqar­nersut paasisariaqar­par­put Guutil­lu malit­tareq­qusaanut maan­nangaaq naalal­luta. Taamaalior­tarut­ta an­nikil­lior­nar­tus­sarsuarmit aniguisin­naavugut Guuter­pul­lu asan­nit­toq ilisimas­suseqangaar­torlu, Jehova, pil­lugu naas­saan­ngitsus­samut ilin­niar­tuarsin­naal­luta. – Oqal 3:11, qup­per­nerup ataani ilan­ngus­saq; Rom 11:33.