1. Aal­laq­qaataaniil­li suleriaatsimut tun­ngatil­lugu Guutip kif­faasalu suna ilisar­naatigaat?

JEHOVA Jiisusilu pin­ngor­titsinerup aal­laq­qaataaniil­li ataasius­suseqar­tuarsimap­put. Jehovap al­lanit tamanit siul­liul­lugu Jiisusi pin­ngor­tip­paa. Jiisusil­lu Jehova ‘sulior­tutut’ suleqatigaa. (Us­s 8:30, tastamantitoĸaĸ) Jehovap kif­fai aam­ma suliamin­nik suleqatigiit­tar­put. As­sersuutigalugu Noa ilaqut­tanilu suleqatigiil­lutik umiarsualior­put. Kingusin­nerusuk­kut Israelik­kut Tupermik Naapeqatigiit­tarfilior­nermin­ni suleqatigiip­put, aam­ma ingitser­neqar­nerani pif­fim­miil­lu pif­fim­mut nuut­tar­nerani suleqatigiit­tar­put. Naalaf­fim­mi Jehova un­nersiutiginiarlugu nuan­nersunik erinarsorlutil­lu nipilersoqatigiit­tar­put. Jehovap in­nut­taasa tamak­ku tamaasa suliarisin­naavaat suleqatigiit­taramik. – 1 Mos 6:14-16, 22; 4 Mos 4:4-32; 1 Nal 25:1-8.

2. (a) Kristumiut siul­liit ilagiivisa suna im­mik­kuul­laris­sutigaat? (b) Apeq­qutit suut sam­mis­savavut?

 ² Kristumiut siul­liit aam­ma suleqatigiit­tar­put. Apustili Paulusi nas­suiaavoq naak inut­tut as­sigin­ngitsunik pigin­naaneqaraluarlutik sulias­saqaraluarlutil­lu ataasius­suseqar­tuusut. Tamarmik siulersor­ter­tik, Jiisusi Kristusi, malip­paat. Paulusip timip pisataanut as­sigiin­ngitsunut suleqatigiin­nut as­sersuup­pai. (1 Korinthimiut 12:4-6, 12 atuakkit). Uagum­mi ul­lumik­kut? Qanoq oqaluus­sinermi, ilagiin­ni ilaqutariin­nilu suleqatigiis­sin­naavugut?

3. Apustili Johan­nesi qanoq takorruuisitaava?

³ Kr.in.king. ukiut hundredit siul­liit naaler­neran­ni apustili Johan­nesi in­ngilinik arfineq-marlun­nik qarlor­tar­tunik takorruuisitaavoq. In­ngilit tal­limaata qarlor­taas­suani supim­magu Johan­nesip takuaa “ul­loriaq qilam­mit nunamut naloriun­neqar­toq”. ‘Ul­loris­sap’ tamatuma itinersuup puilasuata am­mar­nis­saanut matuersaat ator­paa. Siul­lermik pujoq anialer­poq, putsumil­lu pil­ler­tat anialer­put. Naasut or­piil­luun­niit ajoquser­nagit inuit ‘qaamik­kut Guutip naqitsisaanik nalunaaqutser­neqan­ngitsut kisiisa ajoquser­paat’. (Saq­q 9:1-4) Johan­nesip nalun­ngilaa pil­ler­tat ajoquseerujus­suarsin­naasut, Mosesim­mi nalaani Egyptenimi taamatut pisoqar­nikuuvoq. (2 Mos 10:12-15) Pil­ler­tat Johan­nesip takusai tanitanut kristumiunut, up­perisarsior­tunut eq­qun­ngitsunut sak­kor­tuumik oqariar­tuuteqar­tunut, as­sersuutaap­put. Inuit al­lat mil­lionil­lit nunarsuarmi inuunermik neriugisal­lit taak­ku ilalersor­paat. Ataasius­suseqarlutik oqaluus­sinermi suleqatigiip­put. Oqaluus­sineq aq­qutigalugu inup­pas­suit up­perisarsior­nermi eq­qun­ngitsumit aniguisimap­put Saatanimil­lu sun­nersimaneqarun­naarlutik.

4. Guutip in­nut­taasa ul­lumik­kut suna sulias­saraat, taman­nalu aatsaat qanoq iluatsis­sin­naava?

⁴ Naggatis­sap nal­liutin­ngin­nerani nunarsuaq tamak­kerlugu naalagaaf­fim­mik nutaarsias­saq nuan­nersoq oqaluus­sis­sutigisus­saavar­put. Sulias­saqaqaagut! (Mat­t 24:14; 28:19, 20) ‘Imermik inuus­sutaasumik imerusut­tut’ tamaasa qaaq­qusariaqar­pavut, tas­sa paasin­nik­kusut­tunut tamanut sal­lusuis­sut Biibilimeersoq ilin­niar­titsis­sutigisariaqar­par­put. (Saq­q 22:17) Aatsaat taamaaliorsin­naavugut ‘timi katitigaal­lunilu ataqatigiis­sin­neqar­pat’, tas­sa ilagiin­ni tamat­ta suleqatigiik­kut­ta. – Ef 4:16.

5, 6. Nutaarsias­samik nuan­nersumik oqaluus­sinitsigut qanoq ataasius­suseqar­pugut?

⁵ Inuit amerlaner­paat angus­sagutsigit oqaluus­siner­put aaq­qis­sugaal­luar­tariaqar­poq. Ilagiit siulersuineratigut taman­na angusin­naavar­put. Katersuut­tuneereeraangat­ta inuit Naalagaaf­fim­mik nutaarsias­saq nuan­nersoq pil­lugu oqaloqatiginiar­tar­pavut. Aam­ma Biibililersaarutit mil­lionil­lit neqeroorutigisar­pavut. Ilaan­nik­kul­lu oqaluus­sinermi im­mik­kut  it­tumik suliniar­nermut peqataasar­pugut. Peqataagaangavit nunarsuaq tamak­kerlugu inuit mil­lionil­lit oqariar­tuum­mik tamatumin­ngar­piaq oqaluus­sisut suleqatigisar­patit! Aam­ma in­ngilit, Guutip in­nut­taanik nutaarsias­samik nuan­nersumik oqaluus­sisunik ikiuisut, suleqatigisar­patit. – Saq­q 14:6.

⁶ Nunarsuaq tamak­kerlugu oqaluus­sinermi angusimasat ‘Årbogen’-imi atuarlugit ila pis­sanganar­taqaat! Aam­ma ataatsimeersuar­nitsin­nut inun­nik qaaq­qusisar­nitsigut ataasius­suseqar­ner­put eq­qarsaatigiuk. Ataatsimeersuar­ner­ni nunarsuaq tamak­kerlugu as­sigiin­nik paasis­sutis­sin­neqar­tar­pugut. Oqalugiaatik­kut, isigin­naagas­siatigut takutitsisar­ner­tigul­lu Jehovamut pitsaaner­paamik tunisinis­satsin­nut kajumis­saar­neqar­tar­pugut. Aam­ma ukiut tamaasa Jiisusip toquneranik eq­qaaniaanermi silarsuaq tamak­kerlugu qatan­ngutivut ataasioqatigisar­pavut. (1 Kor 11:23-26) Ul­lormi tamatumani, nisanip 14-ian­ni, seqer­nup tarrin­nerata kingor­na katersuut­tar­pugut Jehovap uagutsin­nut iliuuserisimasaanut qujamasul­luta Jiisusil­lu peq­qus­sutaanut naalal­luta. Aam­ma eq­qaaniaanis­saq sapaatit-akun­nialuinik sioq­qul­lugu inuit sapin­ngisamik amerlasuut pisumut pingaarutilim­mut eq­qaaniaaqatigeq­qul­luta qaaq­qusar­pavut.

7. Suleqatigiik­kaangat­ta suna angusar­par­put?

⁷ Pil­ler­taq ataasiin­naq angusaqangaatsiarsin­naan­ngilaq. Uagut­taaq kisimiil­luta inuit tamak­kerlugit oqaluus­sif­figisin­naan­ngilavut. Suleqatigiik­kat­tali inuit mil­lionil­lit Jehova pil­lugu oqalut­tuut­tarlugil­lu taas­sumin­nga un­nersiutigin­niler­nis­saan­nik ataq­qin­niler­nis­saan­nil­lu ikior­tar­pavut.

8, 9. (a) Kristumiut ataasius­suseqar­tuar­nis­saan­nik ilin­niar­tin­niarlugit Paulusi qanoq as­sersuusior­pa? (b) Ilagiin­ni qanoq suleqatigiis­sin­naavugut?

⁸ Paulusip ilagiit qanoq aaq­qis­sugaanerat Efesosimiunut nas­suiar­paa, aam­ma al­lap­poq ilagiin­niit­tut tamarmik tamani ‘al­liar­tor­nis­saat’ pisariaqar­toq. (Efesosimiut 4:15, 16 atuakkit). Paulusip timi as­sersuutigalugu ersersip­paa kristumiut tamarmik ataasiak­kaatut ilagiit ataasius­suseqar­nis­saan­nut Jiisusimil­lu, ilagiin­nut niaquusumik, malin­nin­nis­saan­nut ikiuus­sin­naasut. Al­lap­poq timip avatai “ataasiak­kaat katiterutaasut tamarmik nakuus­sut im­min­nut pis­sarsiarititaasoq nukigalugu” suleqatigiiusut. Taamaap­pat inuusut­tuugut­ta utoq­qaagut­taluun­niit, peq­qik­kut­ta peq­qiik­kaluarut­taluun­niit im­mik­kut tamat­ta susariaqar­pugut?

⁹ Jiisusip utoq­qaaner­tat ilagiin­ni siulersuisus­satut toq­qarsimavai, kis­saatigaalu taak­ku ataq­qis­sagivut siun­nersuutaal­lu maleruarlugit. (Hebr 13:7, 17) Taamaalior­nis­saq oqitsuujuaan­nar­neq ajor­poq. Ikioq­qul­lutali Jehova qin­nuigisin­naavar­put. Jehovap anersaava il­ler­nar­toq iluaqutigalugu utoq­qaaner­tat siun­nersuutaan­nik maleruaasin­naavugut.  Aam­ma eq­qarsaatigiuk maniguul­luta utoq­qaaner­tanut suleqatik­kuminarut­ta qanoq ilagiit iluaqutigitigis­sagaat. Ilagiit ataasioqatigiilis­sap­put al­lanul­lu asan­nin­ner­put nukit­tunerulis­sal­luni.

10. Ilagiin­ni kif­far­tor­tut ataasioqatigiin­nis­samut qanoq suleqataap­pat? (Al­laaserisap aal­laq­qaataani as­seq takuuk).

¹⁰ Aam­ma ilagiin­ni kif­far­tor­tut ilagiit ataasioqatigiit­tuar­nis­saan­nut suleqataap­put. Utoq­qaaner­tat ikiorluar­tar­paat, uagul­lu suliaat tamaasa qujamasuutigaavut. As­sersuutigalugu ilagiin­ni kif­far­tor­tut oqaluus­sinis­samut atugas­sanik naam­mat­tunik Biibililersaaruteqar­nis­saq isumagisar­paat ataatsimiin­ner­nilu soqutigin­nit­tunik tikil­luaq­qusinis­saq eq­qumaf­figisarlugu. Aam­ma naalagaaf­filersaarfiup aserfal­latsaalior­neqar­nis­saa eq­qiar­neqar­nis­saalu isumagisar­paat. Qatan­ngutit taak­ku suleqatigigutsigit ataasioqatigiis­saagut aaq­qis­sugaal­luar­tumil­lu Jehova kif­far­torfigis­sal­lutigu. – Apustilit Suliaat 6:3-6 naleq­qiuguk.

11. Inuusut­tut ilagiin­ni ataasius­suseqar­nis­samut qanoq suleqataasin­naap­pat?

¹¹ Utoq­qaaner­tat ilaat ilagiin­ni ukior­pas­suar­ni tun­niusimal­luarlutik akisus­saaf­fip­pas­suaqarsimap­put. Im­maqali utoq­qaliner­tik pis­sutigalugu qangatut iliuuseqar­pal­laarun­naar­put. Qatan­ngutit inuusun­nerusut ikiuutaasin­naap­put. Sungiusar­neqarunik ilagiin­ni akis­sus­saaf­feqar­nerulersin­naap­put. Ilagiin­nilu kif­far­tor­tut sulil­luar­tarunik siunis­sami utoq­qaaner­tatut kif­far­tulersin­naas­sajun­narsip­put. (1 Tim 3:1, 10) Utoq­qaaner­tat inuusun­nerusut ilaat aam­ma al­lanik anguniagaqarsimap­put. Maan­na nak­kutil­liisutut angalasar­tutut ilagiip­pas­suar­ni qatan­ngutit kif­far­tuut­tar­paat. Inuusut­tut qatan­ngutinik kif­far­tuus­serusus­suseqangaar­nerat qujamasuutigisaqaar­put. – Tus­siaat 110:3; Oqaluussisartup oqaasii 12:1 atuakkit.

12, 13. Ilaqutariit suleqatigiin­neruler­nis­samin­nut suut iluaqutigisin­naavaat?

¹² Ilaqut­tavut suleqatigiit­tar­nis­saan­nut qanoq ikiorsin­naavavut? Sapaatip-akun­neri tamaasa ilaqutariit­tut atuaq­qis­saaqatigiit­tar­neq iluaqutigisin­naavar­put. Angajoq­qaat meeq­qal­lu Jehova pil­lugu ilin­niaqatigiit­tarunik asaqatigiin­nerat sak­kor­tunerulis­saaq. Aam­ma oqaluus­sinermi qanoq oqas­sanerlutik sungiusarsin­naavaat taamaalior­nermik­kul­lu tamarmik oqaluus­sinis­samut piareersimas­sal­lutik. Sal­lusuis­sut pil­lugu oqaloqatigiit­tar­ner­tik ilaqutariit­tul­lu tamarmik Jehovamik asan­nil­lutil­lu nuan­naar­titsiumaner­tik im­min­nut qanin­nerulis­sutigis­savaat.

¹³ Uiusoq nuliaasorlu qanoq suleqatigiis­sin­naap­pat? (Mat­t 19:6) Marluul­lutik Jehova asagunik­ku kif­far­torfigalugulu aap­pariin­nermin­ni pil­luas­sap­put ataasioqatigiil­lutil­lu. Aam­ma tun­niusimaqatigiin­neq im­min­nut ersersit­tas­savaat soorlu Aaperaat Saralu, Iisaaq Rebek­kalu  aam­ma Elkana Han­nalu taamaaliorsimasut. (1 Mos 26:8; 1 Sam 1:5, 8; 1 Petr 3:5, 6) Aap­pariit taamaalior­tarunik ataasius­suseqas­sap­put Jehovamul­lu qanin­nerulis­sal­lutik. – Oqaluussisartup oqaasii 4:12 atuaruk.

14. Up­peqatigin­ngisamik aap­paqaruit qanoq aap­pariil­luar­nis­samut suleqataajuarsin­naavit?

¹⁴ Biibilimi ersaris­sumik al­las­simavoq Jehovamut kif­far­tor­tuun­ngitsumut katis­san­ngitsugut. (2 Kor 6:14) Taamaat­torli up­peqateqar­pugut Jehovamik nalunaajaasuun­ngitsumut katis­simasunik. Ilaasa katereersimal­lutik sal­lusuis­sut ilik­kar­tar­paat aap­paasorli nalunaajaasun­ngor­nani. Al­lat marluul­lutik Jehovamut kif­far­tor­tuul­lutik katis­simagaluar­tut kingor­natigut aap­paasoq ilagiin­nit qimagut­tar­poq. Pis­sutsini taama it­tuni kristumiut Biibilimi siun­nersuutit naalal­lugit aap­pariigin­nar­nis­sar­tik ilungersuutigiuar­tariaqar­paat. Taman­na oqitsuin­naaneq ajor­poq. As­sersuutigalugu Mary uinilu, David, marluul­lutik Jehovamut kif­far­tor­tuup­put. Davidili ataatsimiigias­saar­poq. Maryli nuliaal­luar­niarsariuar­poq kristumiutul­lu pis­sutsini ersersit­tarlugu. Aam­ma meeq­qani arfinil­lit Jehova pil­lugu oqalut­tuut­tuaan­narlugil­lu ataatsimiin­ner­nut ataatsimeersuar­ner­nul­lu ilagiuaan­nar­tar­pai. Ukior­paaluit qaangium­mata meeraasa perorlutik angerlarsimaf­fitsik qimam­mas­suk Maryp, naak kiserlior­narsigaluar­toq, Jehova kif­far­torfigiuar­paa. Taava Davidip atuagas­siat Maryp tun­niut­tagai atuar­taler­pai. Pif­fis­sap ingerlanerani ataatsimiigiaq­qit­taler­poq. Er­ngutaata arfinilin­nik ukiul­lip tamatigut is­siavis­saanik in­nimin­niis­sut­tar­paa, Davidilu aggin­ngik­kaangat nukap­piaq­qap ima oqarfigisar­paa: “Aataa, ul­lumi ataatsimiin­nermi maqaasivak­kit.” Ukiut 25-t qaangiut­tul­lu David Jehovamut uter­poq. Nuliani Jehovamut kif­far­toqatigeq­qileramiuk marluul­lutik pil­luaqaat.

15. Aap­pariit utoq­qaanerusut aap­pariin­nik inuusun­nerusunik qanoq ikiuisin­naap­pat?

¹⁵ Ul­lumik­kut Saatanip ilaqutariit saas­sutarisar­pai. Taamaat­tumik aap­pariit Jehovamut  kif­far­tor­tut suleqatigiin­nis­sar­tik pisariaqar­tip­paat. Qanorluun­niit sivisutigisumik aap­pariis­simagaluarus­si aap­pariin­nersi nakus­satsin­niarlugu qanoq oqas­sanerlutit qanorlu ilius­sanerlutit eq­qarsaatigisaruk. Aap­pariik­kus­si utoq­qaanerusut inuusut­tunut aap­pariin­nut maligas­siuil­luarsin­naavusi. Im­maqa aap­pariit inuusut­tut ilaqutariit­tut atuaq­qis­saaqatigiin­nis­sin­ni ilaatit­tarsin­naavasi. Paasis­savaat aap­pariit qanorluun­niit sivisutigisumik aap­pariis­simagaluarlutik im­min­nut tun­niusimaqatigiit­tuar­tariaqar­tut ataasioqatigiil­lutil­lu. – Tit 2:3-7.

16, 17. Guutip kif­fai ataasius­suseqar­tut siunis­sami suna qilanaarisin­naavaat?

¹⁶ Israelik­kut Jerusalemimut nal­liut­torsioriar­tor­niaraangamik suleqatigiit­tar­put. Angalanis­samin­nut pisariaqar­titatik tamaasa piareersar­tar­paat. Taava ingiaqatigiil­lutik aal­lakaasar­put ikioqatigiit­tarlutil­lu. Naalaf­fim­mi peqatigiil­lutik Jehova un­nersiutigisarlugulu pal­lorfigisar­paat. (Luk 2:41-44) Ul­lumik­kut silarsuar­taas­sami inuunis­satsin­nut piareersar­nitsin­ni ataasius­suseqar­nis­sar­put sapin­ngisamil­lu suleqatigiin­nis­sar­put pisariaqar­tip­par­put. Arlaatigut iliuuseqar­nerusin­naavit?

¹⁷ Inuit silarsuarmiit­tut isumaqatigiit­tuaan­nan­ngil­lat akior­niagas­sar­pas­suaqarlutil­lu. Uagul­li qujamasuutigeqaar­put Jehovap eq­qis­seqatigiis­sil­lutalu sal­lusuis­sum­mik paasin­nin­nis­satsin­nut ikiorsimam­matigut! Silarsuaq tamak­kerlugu Jehovap in­nut­tai taas­suma kis­saatigisaa naaper­torlugu kif­far­tor­put. Pingaar­tumik ul­luni kingul­ler­ni mak­kunani aatsaat taama ataasius­suseqar­tigiler­put. Esajap Mikal­lu siulit­tuutigisimasaat­tut ‘Jehovap qaq­qaanut’ majuaqatigiip­pugut. (Es 2:2-4; Mika 4:2-4 atuakkit). Ila nuan­nis­saqaaq nunarsuarmi inuit tamarmik ‘ataqatigiis­sin­neqarlutik’ Jehovamut kif­far­tor­nermin­ni suleqatigiiler­pata!