2012-imi itsar­nisarsiuut qum­muat­tap marraap aseq­qukuinik ukiunik 3.000-nik pisoqaas­susilin­nik nas­saar­put. Ilisimatuut alutorsaqaat. Qum­muat­tap aseq­qukui alutorsaatigaat? Naagga, aseq­quk­kuniuna kigar­torlugit al­lan­neqarsimasut alutor­naqutaasut.

Itsar­nisarsiuut aseq­quk­kunik ik­kus­sueriil­larlutil­lu Kana’animiusut al­lan­nerit atuarsin­naalersimavaat. Ima al­las­simavoq: “Eshba’al Ben Beda”, isumaqar­toq “Eshba’al, Bedap er­nera”. Itsar­nisarsiuut ateq taan­na itsarsuar­nitsani al­lan­neqarsimatil­lugu aatsaat siumor­paat.

Inuk al­la Eshba’alimik atilik Biibilimi eq­qaaneqar­poq. Taan­na kun­ngip Saulip er­nerisa ilagaat. (1 Nal 8:33; 9:39) Profes­sori Yosef Garfinkel, qum­muat­tamik nas­saaqataasut ilaat, ima oqar­poq: “Soqutiginar­poq ateq Eshba’ali Biibilimiim­mat maan­nalu aam­ma nas­saani itsarsuar­nitsani taamaal­laat kun­ngip Daavip naalak­kersuinerata nalaaneersuni.” Taman­na itsarsuar­nitsanik ilisimatusar­nermi paasisat Biibilimut naaper­tuun­neran­nut takus­sutis­saal­luangaarami!

Biibilimi Saulip er­nera Eshba’ali aam­ma Ishboshetimik taaneqar­poq. (2 Sam 2:10) Sooq “ba’ali” “bosheti”-mik taarser­neqarsimava? Ilisimatuut nas­suiaap­put Samuelimik al­lak­kat aap­paan­nik al­lat­toq atermik Eshba’alimik atuinaveersaarsimasin­naasoq Israelik­kut ateq taan­na Ba’alimut, anorersuit guutian­nut Kana’anik­kun­nit guutisiorfigineqar­tumut, eq­qaanar­tim­mas­suk. Aterli Eshba’ali Biibilimi Nalunaarsuutini siul­ler­ni suli al­las­simavoq.