Angajoqqaajususi, qitornarsi kuisinnissamut piukkunnarsarnerani ikiorpisiuk?
“Sooq piumaataarpit? Nikuigit kuisillutillu.” – APS 22:16.
1. Qitornap kuisinnginnerani angajoqqaat kristumiut suna qulakkeerusuppaat?
“KUISIKKUSULLUNGA anaana ataatalu qaammaterpassuarni oqarfigisaqattaarpakka, tamannalu pillugu oqaloqatigisarpaannga. Aalajangikkama pimoorussassaaneranik paasinninnissara qulakkeerusuppaat. 1934-mi decembarip 31-anni inuuninni ulloq pingaartorsiorfik pivoq.” Blossom Brandt kuisinniarluni aalajangerami susoqarneranik taama oqaluttuarpoq. Aamma nalitsinni angajoqqaat qitornatik silatusaartumik aalajangiinissaannut ikiorusuppaat. Qitornap kuisinnissani pissutissaqarani kinguarteqqattaaruniuk Jehovamut attaveqarnini ajoqusersinnaavaa. (Jaak 4:17) Qitornap kuisinnginnerani Kristusimut ajoqersuganngornissamut piareersimanissaa angajoqqaat silatusaarlutik qulakkeerusuppaat.
2. (a) Ajornartorsiut suna ilagiinnik nakkutilliisut ilaasa maluginiarsimavaat? (b) Allaaserisami matumani suut sammissavavut?
2 Ilagiinnik nakkutilliisut ilaasa maluginiarsimavaat inuusuttorpassuit
sallusuissummi peroriartoraluarlutik 20-t pallillugit sinnerlugilluunniit ukiullit suli kuisissimanngitsut. Amerlanertigut inuusuttut taakku ataatsimiigiartarlutillu oqaluusseqataasarput, aamma Jehovap Nalunaajaasuisut imminnut isigisarput. Arlaannilli pissuteqarlutik suli Jehovamut tunniulluinnarsimanatillu kuisissimanngillat. Angajoqqaammi ilaat isumaqarput qitornartik kuisinnissaminut piareersimanngitsoq. Allaaserisami matumani angajoqqaat ilaasa isumakuluutigisartagaat sisamat, qitornamik kuisinnissaannik kajumissaarinissamut aporfiusartut, sammissavavut.QITORNARA UKIUKIPPALLAARPA?
3. Blossomip angajoqqaavisa suna isumakuluutigaat?
3 Blossomip angajoqqaavisa, allaaserisap aallaqqaataani eqqaaneqartut, panitsik kuisinnerup qanoq isumaqarneranik qanorlu pimoorussassaatigineranik paasinninnissamut ukiukippallaarnersoq isumakuluutigaat. Qitornaq Jehovamut tunniulluinnarnissamut piareersimanersoq angajoqqaat qanoq nalunngissinnaavaat?
4. Matthæusi 28:19, 20-milu Jiisusip peqqussutaa angajoqqaat qanoq iluaqutigisinnaavaat?
4 Matthæusi 28:19, 20 atuakkit. Kuisinnissamut aalajangersimasumik ukioqarnissaq Biibilimi eqqaaneqanngilaq. Ajoqersuganngortitsiortornissalli qanoq isumaqarnera eqqarsaatigissallugu angajoqqaanut iluaqutaassaaq. Oqaaseq grækerisooq Matthæusi 28:19-imi ‘ajoqersuganngortitsiortornermik’ nutserneqartoq ilinniartitsinermik inuup ilinniartunngornissaanik, imaluunniit ajoqersuganngornissaanik, anguniagaqarnermik isumaqarpoq. Ajoqersugaq tassaavoq Jiisusip ilinniartitsissutaanik ilinniarlunilu paasinnittoq, taassumunngalu naalakkusuttoq. Taamaattumik naalungiarsuuneranniilli qitornat Jehovamut tunniulluinnarnissaannut Kristusimullu ajoqersuganngornissaannut ikiornissaat anguniagaralugu angajoqqaat ilinniartitsisariaqarput. Soorunami naalungissat kuisinnissamut piukkunnanngillat. Biibilimili ersersinneqarpoq allaat meeqqat sallusuissutit Biibilimeersut nuannaralugillu paasisinnaagaat.
5, 6. (a) Timotheusip kuisinnera pillugu Biibilimi allassimasut sumik ilinniarfigaavut? (b) Angajoqqaat silatusaartut qitornatik qanoq sunniuteqarluartumik ikiorsinnaavaat?
5 Timotheusi ajoqersugaavoq inuusutsillunili sallusuissummik nammineq pigiliussisimasoq. Paulusi allappoq taassuma ‘meeraanerminiilli’ Guutip oqaasiani sallusuissutit ilinnialersimagai. Timotheusip ataataa allamik upperisaqarpoq, anaanaatali aanaavatalu Guutip oqaasianik nuannarinnilernissaanut Timotheusi ikiorpaat. Taamaalilluni upperluartunngorpoq. (2 Tim 1:5; 3:14, 15) Ilagiinni immikkut ittunik suliassinneqarnissaminut piukkunnaateqarami immaqa 20-t pallillugit sinnerlugilluunniit ukioqarpoq. – ApS 16:1-3.
6 Meeqqat tamarmik assigiinnginnamik assigiinngitsunik ukioqarlutik inersimallualeriartortarput. Ilaasa meeraallutik sallusuissut paasisarpaat, silatusaartumik aalajangiisarput kuisikkusulertarlutillu. Allat suli perornerulaalerlutik kuisinnissamut piareertarput. Angajoqqaat silatusaartut qitornatik kuiseqqullugit tatineq ajorpaat. Qitornatilli tamaasa namminneq ineriartornerat naapertorlugu anersaakkut siumukarneranni ikiortarpaat. Qitornap Ussatit 27:11 maleruaraangassuk angajoqqaat nuannaartarput. (Atuaruk). Qitornamilli ajoqersuganngorniarneranni ikiornissaat anguniagaralugu eqqaamasariaqarpaat. Tamanna eqqarsaatigalugu imminut ima aperisariaqarput: ‘Qitornama Guutimut tunniulluinnarnissamut kuisinnissamullu ilisimasai naammappat?’
QITORNARA ILISIMASAQARLUARPA?
7. Kuisikkusuttup Biibilimi ilinniartitsissutigineqartunut tunngatillugu suminiarannguit tamaasa kuisinnginnermini ilisimasariaqarpai? Nassuiaruk.
7 Angajoqqaat qitornaminnik ilinniartitsinerminni taakkua sallusuissummik ilisimannilluarnissaannut ikiortarpaat. Qitornat ilisimasatik Guutimut tunniulluinnarusulernissaminnut iluaqutigissavaat. Imaanngilarli qitornap tunniulluinnannginnermini kuisinnginnerminilu Biibilimi ilinniartitsissutigineqartunut tunngatillugu suminiarannguit tamaasa ilisimasariaqarai. Kristusimut ajoqersugaq kinaluunniit kuisereeraluaruniluunniit ilinniartuartariaqarpoq. (Kolossemiut 1:9, 10 atuakkit). Taava kuisissinnaajumalluni qanoq ilisimasaqartigisariaqarpa?
8, 9. Filippimi parnaarussanik paarsisumut susoqarpa, misigisaanillu suna ilinniarfigisinnaavarput?
8 Itsaq ilaqutariit ataatsit misigisaat nalitsinni angajoqqaat ilinniarfigisinnaavaat. (ApS 16:25-33) Ukiumi 50-imi Paulusi ajoqersuiartortitatut aappassaanik angalanermini illoqarfimmut Filippimukarpoq. Tassani Silasilu eqqunngitsumik unnerluutigineqarlutillu parnaarussaapput. Unnuakkut nuna sajorujussuarpoq parnaarussiviullu matui tamarmik ammarlutik. Parnaarussanik paarsisoq isumaqarpoq parnaarussat tamarmik qimaasimasut imminullu toqunnialeraluarluni. Paulusilli unitsippaa. Taava Paulusip Silasillu parnaarussanik paarsisoq ilaqutaalu Jiisusi pillugu sallusuissummik ilinniartippaat. Taakku Jiisusi pillugu ilikkakkatik upperalugillu taassuma naalannissaata pingaaruteqassusia paasigamikku ingerlaannaq kuisipput. Taakkua misigisaannit suna ilikkarparput?
9 Parnaarussivimmi paarsisoq sakkutuujusimasinnaavoq soraarneq. Guutip oqaasia naluaa. Tassa kristumiunngorumalluni Biibilimi sallusuissutit tunngaviusut ilinniaqqaariarlugit Jehovap kiffaminut piumasaqaatai paasisariaqarlugillu Jiisusip ilinniartitsissutai naalakkusuttariaqarpai. Piffissami sivikitsumi ilikkakkani pissutigalugit kuisikkusulerpoq. Soorunami kuisereerluni ilinniarnini ingerlateqqittariaqarpaa. Tamanna eqqarsaatigalugu qitornat Jehovamik asanninnini taassumunngalu naalakkusunnini pissutigalugu kuisikkusunnerarpat illit susinnaavit? Utoqqaanertanut saaffiginneqqusinnaavat taakku naliliisinnaaniassammata qitornat kuisinnissamut piukkunnarnersoq. * Kristumiut kuisissimasut allat tamarmik assigalugit inuunini tamaat, allaat naassaanngitsumut, Jehova pillugu ilinniartuassaaq. – Rom 11:33, 34.
QITORNANNUT ILINNIARNEQ PITSAANERPAAQ SUUA?
10, 11. (a) Angajoqqaat ilaat qanoq isumaqarpat? (b) Qitornap suna piviusumik illersuutigissavaa?
10 Angajoqqaat ilaat isumaqarput qitornartik ilinniagaqarluaqqaarlunilu suliffigissaarluni atorfinereeruni aatsaat kuisippat pitsaanerpaassasoq. Immaqa Oqaluussisartup oqaasii 12:1 atuaruk.
pitsaanerpaamik kissaassigaluarput, imminulli ima aperisariaqarput: ‘Tamanna qitornama piviusumik iluatsilluarnissaminut iluaqutigissavaa? Biibilimi ilinniakkatsinnut tamanna naapertuuppa? Inuunitsinnik qanoq atuinissarput Jehovap piumasaraa?’ –11 Silarsuup silarsuarmiittullu tamarmik Jehovap soqutigisaanut eqqarsaataanullu akerliunerannik eqqaamanninnissaq pingaaruteqarpoq. (Jaak 4:7, 8; 1 Joh 2:15-17; 5:19) Saatanimut, silarsuarmut silarsuullu eqqarsartariaasianut ajortumut qitornap illersuutigisinnaasaa pitsaanerpaaq tassaavoq Jehovamut qanittumik attaveqarneq. Angajoqqaat ilinniagaqarneq suliffigissaarnerlu inuunerminni pingaarnerpaatippatigit ilimanarpoq qitornap upperilissagaa silarsuarmiittut Jehovamut attaveqarluarnermit pingaarnerusut. Tamanna navianarpoq. Angajoqqaatut asannittutut ilumoorlutit qitornat isumaqartikkusuppiuk silarsuup matuma soqutigisai nuannaalissutigissagai? Iluatsinnissamut piviusumillu nuannaarnissamut aqqutissatuaq tassaavoq inuunitsinni Jehovamik salliutitsineq. – Tussiaat 1:2, 3 atuakkit.
QITORNARAMI AJORTULIORPAT?
12. Sooq angajoqqaat ilaasa qitornap kuisinnissaminik kinguarsaanissaa kissaatigisarpaat?
12 Panimmi kuisinnissaa sooq kissaatigisimanagu anaanaasoq ima nassuiaavoq: “Ilaajunnaarsitaasarnermut aaqqissuussap pissutaanerpaanera nassuerutigissallugu kanngusuutigigaluarpara.” Qatanngutitut taassumatut angajoqqaat ilaat misigipput qitornartik sianiilliorluni kukkoqqajaasinnaanera qaangiutereerpat aatsaat kuisippat pitsaanerussasoq. (1 Mos 8:21; Uss 22:15) Angajoqqaat taakku immaqa ima eqqarsartarput: ‘Qitornara kuisissimanngikkuni ilaajunnaarsitaasinnaanngilaq.’ Taamatulli eqqarsarneq sooq kukkunerua? – Jaak 1:22.
13. Imaappa kuisissimanngitsut Jehovamut akisussaasuunngitsut? Nassuiaruk.
13 Soorunami qitornap Jehovamut tunniulluinnarnissamut Jaaku 4:17 atuaruk). Angajoqqaat silatusaartut qitornartik kuiseqqunagu nangartarneq ajorpaat. Qitornaq mikisuuneraniilli Jehovap najoqqutassiaanik, namminneq nuannarinninnermissut, nuannarinninnissaanut ilinniartittarpaat. (Luk 6:40) Qitornap Jehovamik asanninnini eqqortuliorusulissutigissagamiuk ingasattumik ajortuliornissamut illersuutigissavaa. – Es 35:8.
suli piareersimanani kuisinnissaa angajoqqaat kissaatiginngilaat. Kukkunerussaarli eqqarsaraanni qitornaq kuisimanngitsoq Jehovamut akisussaanngitsoq. Jehovap isaani suna eqqortuusoq sunalu eqqunngitsuusoq paasigaangamiuk qitornaq Guutimut akisussaalertarpoq. (ALLAT IKIUISINNAAPPUT
14. Utoqqaanertat angajoqqaanik qanoq tapersersuisinnaappat?
14 Anersaakkut anguniakkat isumalluartumik eqqartortarnerisigut utoqqaanertat angajoqqaanik tapersersuisinnaapput. Qatanngutip arnap eqqaamavaa arfiniliinnarnik ukioqarluni qatanngutip Russellip oqaloqatigigaani. Ima oqaluttuarpoq: “Minutsit 15-it atorlugit anersaakkut anguniakkakka pillugit oqaloqatigaanga.” Tamanna qanoq kinguneqarpa? Qatanngut taanna ukiut 70-it sinnerlugit pioneritut kiffartorpoq! Oqaaserisat nuannersut kajumissaarisullu inuup inuuneranut sunniuteqangaarsinnaasut erseqqippoq. (Uss 25:11) Utoqqaanertallu angajoqqaat qitornaallu naalagaaffilersaarfimmi suliassanut ikiuukkiartorsinnaanersut aperisinnaavaat. Meeqqat ukiuannut pisinnaasaannullu naleqquttunik suliassiisinnaapput.
15. Ilagiinniittut allat meeqqanik inuusuttunillu qanoq ikiuisinnaappat?
15 Ilagiinniittut allat qanoq ikiuisinnaappat? Meeqqat inuusuttullu naleqquttumik inuttut soqutiginninnermik ersersitsiviginerisigut. Assersuutigalugu taakkua Jehovamut qanilliartornerannut takussutissat maluginiarsinnaavatit. Meeraq ataatsimiinnermi akilluarpa, imaluunniit ataatsimiinnermi saqqummiusseqataava? Tuss 35:18, tastamantitoĸaĸ.
Atuarfimmi nalunaajaasimava, eqqunngitsuliornissamulluunniit usserniarneqarami eqqortuliorpa? Taamaappat nersualaarnissaanut nangaaqinak. Ataatsimiinnerup aallartinnginnerani naammassereerneranilu inuusuttunik oqaloqateqartarnissarput anguniagarisinnaavarput. Taamaaliorutta meeqqat ‘ilagiissorpassuarnut’ ilaasutut misigissapput. –QITORNAT KUISINNISSAMUT PIUKKUNNARSARNERANI IKIORUK
16, 17. (a) Siunissaq eqqarsaatigalugu sooq kuisinneq pingaaruteqarpa? (b) Kristumiut angajoqqaat suna nuannaarutigisinnaavaat? (Allaaserisap aallaqqaataani asseq takuuk).
16 Angajoqqaatut pisinnaatitaaffiit annerpaartaasa ilagaat qitornamik Jehovamik asanninnissaanut ilinniartitsineq. (Tuss 127:3; Ef 6:4) Israelikkut nalaanni meeqqat inunngoraangamik inuiaqatigiinnut Jehovamut tunniulluinnareersimasunut ilaasarput. Qitornatsinnulli tunngatillugu taamaanngilaq. Angajoqqaat Jehovamik asanninnerat sallusuissummillu nuannarinninnerat qitornat kingornunneq ajorpaat. Angajoqqaat ajoqersuganngortitsinissartik, tassa qitornap kuisimasutut Jehovamut kiffartortunngornissaanut ikiuinissartik, inunngorneraniilli anguniagarisariaqarpaat. Suna pingaarnerusinnaagami? Inuup tunniulluinnarnera, kuisinnera aalajaallunilu Jehovamut kiffartornera annikilliornartussarsuarmi annaanneqarnissaanut periarfissiissapput. – Matt 24:13.
17 Blossom Brandt kuisikkusulermat angajoqqaavisa piareersimanersoq qulakkeerusuppaat. Piareersimasoq qulakkeeramikku aalajangernera tapersersorpaat. Aqaguani kuisittussaalluni unnukkut ataatani qanoq iliornersoq Blossomip ima oqaluttuaraa: “Tamatta seeqqummeqqoriarluta qinuvoq. Jehova qinunikkut oqaluttuuppaa niviarsiaraatimi taassumunnga inuunerminik tunniulluinnarnera nuannaarutigingaarlugu.” Ukiut 60-it sinnerlugit qaangiummata Blossom ima oqarpoq: “Una qularinngissinnaavat: Unnuk taanna qaqugumulluunniit puiunngisaannassavara!” Angajoqqaajususi, qitornasi tunniulluinnareerlutik Jehovamut kiffatut kuisittut takullugit qanortoq aamma ilissi tamanna nuannaarutigalugulu nalerisimaarutigigisiuk.
^ par. 9 Angajoqqaat paasissutissat iluaqutaasut uku atorlugit qitornartik oqaloqatigisinnaavaat: Unge spørger – Svar der duer, atuagaq 2, qupp. 304-310. Aamma Guutip naalagaaffianut kiffartorneq, apriili 2011-moortoq, qupp. 2, “Apeqquteqarfik” takuuk.