1. Biibilimi anusin­ngorsaaneq qanoq al­laatigineqak­kajut­tar­pa?

OQAASEQ “anusin­ngorsaaneq” tusaraangak­ku suna eq­qarsaatigisar­piuk? Inup­pas­suit pil­laaneq eq­qarsaatigisar­paat, anusin­ngorsaanerli pil­laaneruin­nar­nani Biibilimi uagutsin­nut iluaqutaasutut ilaan­nik­kul­lu paasisimasaqar­nermut, ilisimasaqar­nermut, asan­nin­nermut aam­ma inuunermut ilan­ngul­lugu eq­qaaneqar­tar­poq. (Uss 1:2-7; 4:11-13) Tamatumani Guutip anusin­ngorsaanerata asan­nin­neranut naas­saan­ngitsumil­lu inuunis­satsin­nik kis­saateqar­neranut up­per­narsaataanera pis­sutaavoq. (Hebr 12:6) Guutip anusin­ngorsaanera ilaan­nik­kut pil­laanermik ilaqar­taraluar­toq naak­kit­taan­ngisaan­narlunilu ajoqusiin­ngisaan­nar­poq. Al­laat oqaatsip ‘anusin­ngorsaanerup’ pingaar­ner­tut isumaa ilin­niar­titsinermut, soorlu angajoq­qaat meeq­qamin­nik asasamin­nik ilin­niar­titsineran­nut, at­tuumas­suteqar­poq.

2, 3. Anusin­ngorsaaneq ilin­niar­titsinermik pil­laanermil­lu qanoq ilaqarsin­naava? (Al­laaserisap aal­laq­qaataani as­sit takuk­kit).

² Una as­sersuut eq­qarsaatigiuk. Nukap­piaraq Johnimik atilik il­lumi arsar­poq. Ar­naata oqarfigaa: “John, nalun­ngilat il­lumi arsaq­qusaanak! Arlaan­nik aseruisoorsin­naavutit.”  Anaananili tusaan­ngitsuusaarlugu arsarluni naasulivik eq­qorlugu sequmip­paa! Ar­naata John qanoq anusin­ngorsar­paa? Iliuusiata kuk­kuneruneranut pis­sutaasoq nas­suiar­paa. Paasitik­kusup­paa angajoq­qaaminut naalan­nini iluaqutigis­sagaa malit­tarisas­siatil­lu pisariaqarlutil­lu naleq­qut­tuusut. John ilin­niagas­sin­niaramiuk aalajanger­poq arsamik arsaaral­lar­neratigut naleq­qut­tumik pil­lar­niarlugu. Johnimut taman­na nuan­ner­pal­laan­ngilaq, taman­nali iluaqutigalugu eq­qaamas­savaa angajoq­qaaminut naalan­ngin­nini kingunerlus­sasoq.

³ Kristumiuugat­ta Guutip inoqutaanut ilaavugut. (1 Tim 3:15) Ataatat­ta, Jehovap, suna eq­qor­tuusoq sunalu eq­qun­ngitsuusoq aam­ma naalan­ngik­kaangat­ta anusin­ngorsar­niarluta aalajangersin­naavaa. Tamatuma saniatigut iliuutsivut nuan­nin­ngitsunik kinguneqar­pata Jehovap asan­nil­luni anusin­ngorsaanera taas­sumun­nga naalan­nerup qanoq pingaaruteqar­tiginerata eq­qaamanis­saanut iluaqutigis­savar­put. (Gal 6:7) Guutip asangaarlutalu naal­liun­nis­sar­put kis­saatigin­ngilaa. – 1 Petr 5:6, 7.

4. (a) Jehovap al­lanik qanoq ilin­niar­titsis­sasugut kis­saatigaa? (b) Al­laaserisami matumani suut eq­qar­tus­savavut?

⁴ Biibili tun­ngavigalugu anusin­ngorsaagaangat­ta meeraq imaluun­niit Biibilimik atuaq­qis­saaqatigisar­tagaq Kristusimik maleruaasun­ngoq­qul­lugu ikior­tar­par­put. Biibili atorlugu atuaq­qis­saaqatigisar­tak­kavut suup eq­qor­tuuneranik ilin­niar­tit­tarlugil­lu Jiisusip ‘peq­qus­sutaanik tamanik maleruaanis­samik’ paasin­nin­nis­saan­nut ikior­tar­pavut. (Matt 28:19, 20; 2 Tim 3:16) Taak­kut­taaq al­lat Kristusimik malin­nin­nis­samik ilin­niar­titsisin­naaler­nias­sam­mata Jehovap taamatut ilin­niar­tis­sagivut kis­saatigaa. (Titusi 2:11, 12, 14 atuakkit). Maan­na apeq­qutit pingasut pingaarutil­lit eq­qar­tus­savavut: (1) Guutip anusin­ngorsaanera asan­nin­neranut qanoq up­per­narsaataava? (2) Guutimit anusin­ngorsar­neqarsimasut qanoq ilin­niarfigisin­naavavut? (3) Jehovap Er­neratalu anusin­ngorsaariaasiat qanoq ilaarsin­naavar­put?

5. Jehovap anusin­ngorsaanera uagutsin­nik asan­nin­neranut qanoq up­per­narsaataava?

⁵ Jehovap asagamisigut naq­qit­tarlutalu perorsar­tarlutalu ilin­niar­tit­tar­paatigut. Qanit­tuas­sagitsin­ni naas­saan­ngitsumil­lu inuus­sasugut kis­saatigaa. (1 Joh 4:16) Ajual­latsin­ngisaan­narlutalu naleqan­ngitsutut misigitin­ngisaan­nar­paatigut. (Uss 12:18) Jehovap pis­susivut ajun­ngitsut isiginiar­nerusarlugil­lu nam­mineq aalajangiisin­naatip­paatigut. Biibili, Biibililersaarutivut, angajoq­qaavut utoq­qaaner­tal­luun­niit  aq­qutigalugit anusin­ngorsar­neqar­ner­put Jehovap uagutsin­nik asan­nin­neranut qanoq up­per­narsaataasoq takusin­naaviuk? Al­laat ilisimanagu ajor­tuliorsimaner­put pis­sutigalugu utoq­qaaner­tat saamal­lutik asan­nil­lutil­lu naq­qik­kaangatigut Jehovap uagutsin­nik asan­nin­nera ilaar­tar­paat. – Gal 6:1.

6. Kil­liliinik­kut anusin­ngorsaaneq Guutip asan­nin­neranik qanoq ersersitsiva?

⁶ Anusin­ngorsaaneq ilaan­nik­kut siun­nersuinerin­naaneq ajor­poq. Ingasat­tumik ajor­tulior­toq ilagiin­ni sulias­sin­neqar­nis­samut piuk­kun­narun­naarsin­naavoq. Al­laat tamatumani anusin­ngorsaaneq Guutip taas­sumin­nga asan­nin­neranut takus­sutis­saavoq. As­sersuutigalugu pif­fis­sap sivisunerusup Biibilimik atuaq­qis­saar­nermut, eq­qarsaatigin­neq­qis­saar­nermut qinunermul­lu ator­nis­saa taman­na im­maqa iluaqutigalugu paasis­savaa. Taamaalior­nermigut Jehovamut at­taveqar­nini nakus­satsis­sin­naavaa. (Tuss 19:8) Pif­fis­sap ingerlanerani imaas­sin­naavoq akisus­saaf­fiit imaluun­niit sulias­sat an­naasimasani isumageq­qilerai. Al­laat ilaajun­naarsitsineq ilagiit ajor­tumik sun­ner­neqar­nis­saan­nut il­lersuutaam­mat Jehovap asan­nin­neranut up­per­narsaataavoq. (1 Kor 5:6, 7, 11) Guutip anusin­ngorsaanera naaper­tuil­luar­tuaan­narami ilaajun­naarsitaasup qanoq ingasatsigisumik ajor­tuliorsimanerminik paasin­nin­nis­samut peq­qis­siminis­samul­lu iluaqutigisin­naavaa. – ApS 3:19, 20.

7. Shebna kinaava, pis­susipalaamil­lu sumik ineriar­tor­titsiva?

⁷ Anusin­ngorsaaneq qanoq pingaaruteqar­tigisoq paasiumal­lugu inuit marluk Jehovamit anusin­ngorsar­neqar­tut eq­qar­tus­savavut. Siul­leq tas­saavoq Shebna, Israelik­kuusoq kun­ngip Hizkijap nalaani inuusoq aap­paalu tas­saal­luni Graham, qatan­ngut nalitsin­ni inuusoq. Shebna kun­ngip Hizkijagunar­tup ‘il­lus­saarsuani pisor­taavoq’ an­ner­tuumil­lu oqar­tus­saas­suseqarluni. (Es 22:15) Shebnali  makitalerlunilu al­lanit pingaaruteqar­tutut isigineqar­nis­saminik kis­saateqar­poq. Al­laat ilivis­saminik akisuumik ikut­taal­lunilu ‘akimasunik qamuteqar­poq’. – Es 22:16-18.

8. Jehovap Shebna qanoq anusin­ngorsar­paa, qanorlu kinguneqar­tumik?

⁸ Shebna im­minut ataq­qinarsisik­kusum­mat Guutip ‘sulif­fianit soraarsip­paa’ angum­mil­lu Eljakimimik atilim­mik taarserlugu. (Es 22:19-21) As­syriami kun­ngip Sankeribip Jerusalemimik saas­sus­sinis­samik pilersaarusior­nerani taman­na pivoq. Kingusin­nerusuk­kut Sankeribip juutit an­nilaangalersin­niarlugit kun­ngilu Hizkija tun­niutiin­nar­tin­niarlugu atorfilit­tat arlal­lit sak­kutoor­pas­suil­lu aal­lar­tip­pai. (2 Kng 18:17-25) Hizkijap atorfilit­tat naapigiaq­qul­lugit Eljakimi angutil­lu al­lat marluk aal­lar­tip­pai. Angutit aap­paat tas­saavoq Shebna, maan­na al­lat­taasoq. Tamatuman­nga paasivar­put Shebnap maniguun­neq ilin­niarsimagunarlugulu narrujuum­minanilu im­minut naak­kigin­ngitsoq. Pingaan­ngin­nerusumik inis­sisimaf­feqaler­nis­sani kajumil­luni akueraa. Matumani Shebnap misigisai pingasutigut ilin­niarfigisin­naavavut.

9-11. (a) Shebnap misigisaanit suut pingaarutil­lit ilik­kar­pavut? (b) Jehovap Shebnamut pis­susilersoriaasia qanoq isumaqarfigaajuk?

⁹ Siul­ler­tut, Shebnap inis­sisimaf­fim­minik an­naasaqar­neranit eq­qaavar­put ‘im­minut pingaar­tin­neq ajunaar­nerup siulerisaraa’. (Uss 16:18) Im­maqa ilagiin­ni im­mik­kut sulias­saqar­pugut im­maqalu al­lanit pingaaruteqar­tutut isigineqarluta. Taamaap­pat maniguut­tuas­saagut? Eq­qaamas­savar­put Jehovap ikiuineratiguin­naq pik­korif­feqarlutalu pitsaasunik angusaqarsimal­luta? (1 Kor 4:7) Apustili Paulusi ima mianersoq­qusivoq: “Im­mis­sin­nik pingaar­teqinasi pisariaqar­tumit an­nerusumik, silaqas­susersili sianisuumik atorsiuk.” – Rom 12:3.

¹⁰ Aap­paat­tut, Jehovap Shebna sukan­nersumik naq­qik­kamiuk im­maqa Shebnap al­lan­ngorsin­naaneranik up­perin­nin­nini ersersip­paa. (Uss 3:11, 12) Taman­na im­mik­kut it­tunik sulias­siis­sutinik an­naasaqarsimasut ilin­niarfigisin­naavaat. Kamaler­natik narrujuum­minatil­lu Jehova pitsaaner­paamik tuniuarsin­naavaat. Anusin­ngorsar­neqar­ner­tik Jehovamit asaneqar­nermin­nut up­per­narsaatitut isigisin­naavaat. Eq­qaamajuk Ataatat­ta maniguut­tuar­tut akis­sarsisis­sam­magit. (1 Petrusi 5:6, 7 atuakkit). Maniguuk­kut­ta marrar­tul­lu ilusilersoruminarut­ta Jehovap asan­nil­luni anusin­ngorsaanerata ilusilersorsin­naavaatigut.

¹¹ Pingajuat­tut, Jehovap Shebnamut pis­susilersoriaasianit pingaarutilim­mik ilik­kagaqar­pugut. Jehovap anusin­ngorsaariaasiatigut ajor­tulior­nermik uumigin­nin­nera erseraluar­toq inum­mik ajor­tulior­tumik suli asan­nin­nera erser­poq. Jehovap inuit ajun­ngitsor­taat isiginiar­tar­pai. Angajoq­qaajuguit utoq­qaaner­taaguil­luun­niit Jehovap anusin­ngorsaariaasia ilaas­saviuk? – Jud 22, 23.

12-14. (a) Ilaat Jehovamit anusin­ngorsar­neqaraangamik susar­pat? (b) Qatan­ngutip angutip isigin­nit­taatsiminik al­lan­nguinis­samut Guutip oqaasia qanoq iluaqutigaa, qanorlu kinguneqar­tumik?

¹² Ajoraluar­tumik inuit ilaat anusin­ngorsar­neqaraangamik ima ajual­latsigisar­put al­laat Guutimit ilagiin­nil­lu ungasil­lisarlutik. (Hebr 3:12, 13) Taava imaap­pa inuit taamaat­tut ikior­neqarsin­naan­ngitsut? Naamik! Graham, ilaajun­naarsitaasoq kingusin­nerusuk­kul­lu ilaalerseq­qin­neqar­toq,  eq­qarsaatigiuk. Ilaalerseq­qin­neqar­nermili kingor­na oqaluus­sisarun­naarlunilu ataatsimiigiar­tarun­naar­poq. Ukiut arlal­lit qaangiut­tut Grahamip utoq­qaaner­taq ikin­ngutini aperaa Biibilimik atuaq­qis­saaqatigisarsin­naaneraani.

¹³ Utoq­qaaner­taq oqalut­tuar­poq: “Grahamip makitanini ajor­nar­torsiutigaa. Utoq­qaaner­tat im­minik ilaajun­naarsitseqataasut isor­nar­torsior­tar­pai. Taamaat­tumik atuaq­qis­saaqatigiin­ner­ni makitaneq tamatumalu sun­niutai pil­lugit al­las­simaf­fiit eq­qar­tor­pavut. Guutip oqaasia Grahamip tarrarsorfigigamiuk im­minut takul­luarsin­naaler­poq, takusanilu nuan­narin­ngeqaa! Tamatuma sun­niutaa ajasoor­naqaaq! Makitanerup ‘paak­karutaa’ pis­sutigalugu takusaqarsin­naajun­naar­nini ajor­tus­sarsior­tar­nermil­lu ajornartorsiuteqarnini nas­suerutigigamiuk inut­tut pitsaanerujar­tupal­lap­poq. Aalajangersimasumik ataatsimiigiar­talerlunilu pimoorus­sil­luni Guutip oqaasianik atuaq­qis­saar­talerlunilu ul­lut tamaasa qinusaler­poq. Aam­ma ilaqutariin­ni it­tutut anersaak­kut akisus­saaf­fim­minik akuersinera nuliata qitor­naasalu as­sut nuan­naarutigaat.” – Luk 6:41, 42; Jaak 1:23-25.

¹⁴ Utoq­qaaner­taq nangip­poq: “Taamaal­luni Grahamip kil­litsis­sutigisan­nik ima oqalut­tuup­paanga: ‘Sal­lusuis­sut ukiuni arlalin­ni nalun­ngilara, al­laat pioneritut kif­far­torsimavunga. Maan­nali aatsaat ilumoorlunga oqarsin­naaler­punga Jehova asal­lugu.’” Sivitsun­ngitsoq Graham ataatsimiin­ner­ni mikrofonilerinermik sulias­sin­neqar­poq, taman­nalu as­sut nuan­naarutigaa. Utoq­qaaner­taq ima oqar­poq: “Maligas­siuineratigut paasivara inuk anusin­ngorsar­neqar­nermik akuersil­luni Guutimut maniguutileraangami pil­luaq­qus­sutinik kueraaf­figineqar­tar­toq!”

15. Anusin­ngorsaaner­put sun­niuteqarluas­sap­pat susariaqar­pugut?

¹⁵ Aatsaat ilin­niar­tuul­luar­nitsigut ilin­niar­titsil­laq­qis­sun­ngorsin­naavugut. (1 Tim 4:15, 16) Taamatut­taaq il­lit Jehovap al­lanik anusin­ngorsaanermut ator­tar­patit maniguut­tuar­tariaqarlutil­lu inuunin­ni Jehova siulersor­tigisariaqar­pat. Maniguun­nerit al­lat takugunik­ku ataq­qis­sal­lutil­lu siun­nersuutitit naq­qiis­sutitil­luun­niit akueriuminar­tin­nerus­savaat. Jiisusip maligas­siuinera ilin­niarfigisin­naavar­put.

16. Sun­niuteqarluar­tumik anusin­ngorsaanermut ilin­niar­titsinermul­lu tun­ngatil­lugu Jiisusi qanoq ilin­niarfigisin­naavar­put?

¹⁶ Jiisusip Ataatani al­laat saper­naraluaraangat naalat­tuaan­nar­paa. (Matt 26:39) Tusar­naar­tini eq­qaasit­tar­pai ilin­niar­titsis­sutini ilisimas­sutsinilu Ataatamineersuusut. (Joh 5:19, 30) Jiisusi maniguun­nini naalan­ninilu misigin­neqatigin­nil­luni ilin­niar­titsisar­nis­saminut iluaqutigai. Inuit eq­qor­tuliorusut­tut ilagis­sal­lugu nuan­narisar­paat. (Matthæusi 11:29 atuaruk). Nikal­lungasut san­ngiitsutul­lu misigisut Jiisusip qanilaarluni oqaasii qiim­maal­laatigisar­paat. (Matt 12:20) Apustilini al­laat kina arlar­tik an­nerunersoq pil­lugu oq­qat­tut qin­ngaritsaas­sin­naagaluarlugit qanilaar­tumik asan­nit­tumil­lu naq­qit­tar­pai. – Mark 9:33-37; Luk 22:24-27.

17. Utoq­qaaner­tat ilagiin­nik isumas­suinermin­ni pis­suserineqar­tus­sat suut iluaqutigis­savaat?

¹⁷ Utoq­qaaner­tat najoq­qutas­siat Biibilimeersut tun­ngavigalugit anusin­ngorsaagaangamik Kristusimik ilaarsiuar­tariaqar­put. Taamaalil­lutik Guutimit Er­neranil­lu siulersor­tik­kusun­ner­tik ersersis­savaat. Apustili Petrusi ima al­lap­poq: “Guutip savaataanik ilis­sin­niit­tunik  paarsisuuniaritsi, paarisigit tamatumun­nga pin­ngitsaalisaasutut pin­nasi nam­minerli kajumis­sutsis­sin­nit, soorlu Guuti taama piumasaqar­toq, iluanaar­niapilun­neq siuner­tarinagu nuan­naarlusili kajumil­lusilu; akisus­saaf­figisas­sin­nut naalagaanias­san­ngilasi, savaatinul­li maligas­saagitsi.” (1 Petr 5:2-4) Utoq­qaaner­tat nuan­naarlutik Guutimut Kristusimul­lu naalatsigitin­ner­tik nam­min­neq iluaqutigis­sal­lugulu isumas­sugaasa iluaqutigis­savaat. – Es 32:1, 2, 17, 18.

18. (a) Jehovap angajoq­qaat sumik piumaf­figai? (b) Guutip angajoq­qaat qanoq ikior­tar­pai?

¹⁸ Ilaqutariin­nimi anusin­ngorsaaneq ilin­niar­titsinerlu? Jehovap ilaqutariin­ni it­tuusut ima oqarfigai: “Qitor­nasi kamatseqinasigit, perorsarsigil­li anusin­ngorsar­tarlugit oqaaq­qis­saar­tarlugil­lu Naalak­kamit pisumik.” (Ef 6:4) Ilin­niar­titsineq anusin­ngorsaanerlu ilumut pisariaqar­pat? Biibilimi ima al­las­simavoq: “Er­nerit anusin­ngorsar­niaruk neriuutis­saqar­naral­lar­til­lugu, nukatsin­niaqinagulu ajor­tumik inuulersil­lugu toqus­sutigisin­naasaanik.” (Uss 19:18, Testamentitoqaq) Angajoq­qaat qitor­namin­nik anusin­ngorsaanis­samik Jehovap akisus­saaf­filer­pai. Taamaaliun­ngik­kunik Jehovamut akisus­saatitaas­sap­put! (1 Sam 3:12-14) Jehoval­li angajoq­qaat qinunik­kut ikioq­qup­pata aam­ma oqaatsini anersaamil­lu il­ler­nar­tumit siulersor­tin­nis­sar­tik tutsuigip­pas­suk ilisimas­susermik nukim­mil­lu pisariaqar­titaan­nik tunis­savai. – Jaaku 1:5 atuaruk.

19, 20. (a) Guutip anusin­ngorsaanera akuerigutsigu qanoq pil­luaq­quneqas­saagut? (b) Al­laaserisap tul­liani suna sam­mis­savar­put?

¹⁹ Guutip anusin­ngorsaanera akuerigutsigu aam­ma Jehovap Jiisusil­lu anusin­ngorsaariaasiat ilaarutsigu amerlasoor­pas­suar­tigut pil­luaq­quneqas­saagut! Ilaqut­tavut ilagiil­lu eq­qis­sisimas­sap­put kik­kul­lu tamarmik asaneqar­tutut, pingaar­tin­neqar­tutut toq­qis­sisimasutul­lu misigis­sal­lutik. Taman­na eq­qis­sinerup pil­luar­nerul­lu siunis­sami misigisas­sat­ta ilaminiin­naraa. (Tuss 72:7) Jehovap anusin­ngorsaanera Jehova Ataatatut ilagalugu ilaqutariit­tut eq­qis­sil­luta ataasioqatigiil­lutalu naas­saan­ngitsumik inuunis­samut piareersaatigaar­put. (Esaja 11:9 atuaruk). Taman­na eq­qaamagutsigu anusin­ngorsaaneq paasineqar­tariaqar­neratut, Guutip asan­nin­nerminik nuan­nersumik ersersitseriaasiatut, isigis­savar­put.

²⁰ Al­laaserisap tul­liani ilaqutariin­ni ilagiin­nilu anusin­ngorsaaneq pil­lugu paasisaqar­nerus­saagut. Im­minut naq­qis­sin­naaneq, imaluun­niit naalak­kersin­naaneq, aam­ma anusin­ngorsar­neqar­nermit sumil­luun­niit ajor­nerusoq qanoq misiginaveersaarsin­naal­lugu sam­mis­savar­put.