ATUAQQISSAAGASSAQ 9
Angutit inuusuttuususi – tatigineqalersinnaavusi
“Guuti, inuusunninnilli ajoqersorparma, tupinnartuliatillu oqaluttuariuarpakka.” – TUSS 71:17.
ERINARSUUT 48 Jehovamut kiffartortuassaanga
QILANAARTUUT *
1. Ilagiinni angutit inuusuttut qanoq iluaqutaasinnaappat?
ANGUTIT inuusuttuususi, ilagiinnut iluaqutaangaarsinnaavusi. Amerlanersasi nukissaqaqaat. (Uss 20:29) Aamma anersaakkut qatanngutissinnut ikiuuttaqaasi. Ilagiinni kiffartortunngornissaq anguniagarinnguatsiarparsi. Immaqali misigivusi allat inuusuppallaartutut misilittagakippallaartutullu isigigaasi. Inuusuttuugaluarlusili ilagiinnit tatigineqalerlusilu ataqqineqalerumallusi iliuuseqarsinnaavusi.
2. Allaaserisami matumani suut sammineqassappat?
2 Allaaserisami matumani kunngi Daavi pingaarnertut sammissavarput. Aamma Judami kunngiusimasut marluk – Asa Joshafatilu – paasisaqarfigilaassavagut. Angutit taakkua pingasut unamminiagaat misissussavagut paasiniarlugulu ilagiinni angutit inuusuttut qanoq ilinniarfigisinnaaneraat.
KUNNGI DAAVI ILINNIARFIGIUK
3. Ilagiinni inuusuttut utoqqarnik qanoq ikiuisinnaappat?
3 Daavi inuusuttuulluni allanut iluaqutaasunik piginnaasaqarpoq. Anersaakkut pingaartitsisuunera qularutissaanngilaq. Aamma nipilersullaqqinnerulernissani ilungersuutigisimavaa tamannalu Guutip kunngiutitaata, Saulip, iluaqutissaatut atorlugu. (1 Sam 16:16, 23) Ilissimi, ilagiinniittut iluaqutigisinnaasaannik piginnaasaqarpisi? Ilimanarpoq. Maluginiarsimassajunnarsivarsi utoqqaat atortorissaarutinik elektroniskiusunik ilitsersuunneqaraangamik qanoq qujamasutsigisartut. Ilissi tamakkuninnga ilisimasaqarluarnersi utoqqarnut iluaqutaangaarsinnaavoq.
4. Qatanngutit angutit inuusuttut Daavi qanoq ilaarsinnaavaat? (Saqqaani assiliaq takuuk).
4 Daavip tatiginartuunini ersersittarsimavaa. Inuusuttuulluni ataatami savaatai ilungersorluni paarisarpai, aamma navianartorsioraluaraangamiluunniit. Ilaanni Daavip kunngi Sauli ima oqaluttuuppaa: “Ataatama savaatai paarisarpakka, løvimillu nannumilluunniit takkuttoqarpat taannalu savamik aallarussippat malersortarpara anaalerlugulu savamillu kimmiaanik arsaartarlugu.” (1 Sam 17:34, 35) Daavi misigivoq savat akisussaaffigalugit, taamaattumillu pisariaqaleraangat sapiilluni illersortarpai. Qatanngutit angutit inuusuttut suliassiissutigineqartunik ilungersuussigunik Daavi ilaassavaat.
5. Tussiaat 25:14 naapertorlugu qatanngutit angutit inuusuttut iliuuserisinnaasaanni suna pingaarnerpaava?
5 Daavip Jehova Guutigiinnarnagu ikinngutigillualersimavaa. Qanoq? Inuusuttuullunili tamanna ineriartortissimavaa sunillu tamanit pingaarnerutillugu. (Tussiaat 25:14, NW atuaruk). * Angutit inuusuttuususi, Jehovamik qanimut ikinnguteqalernissarsi pingaarnerpaatissiuk. Jehovamummi qanimut attaveqalerussi imaassinnaavoq ilagiinni annerusumik akisussaaffilerneqartusi.
6. Daavi aallaqqaammut allanit qanoq isigineqarpa?
6 Daavi aallaqqaammut allanit tatigineqanngikkaluarpoq. Assersuutigalugu Goliati unammillermagu kunngip Saulip unitsinniarsaraa ima oqarluni: “Illit taama inuusutsigigavit akiorsinnaanngilat.” (1 Sam 17:31-33) Aamma tamanna sioqqutitsiarlugu angajuata akisussaassuseqannginnerarpaa. (1 Sam 17:26-30) Jehovalli Daavi ilisarisimalluaramiuk nalunngilaa inuusuppallaanngitsoq akisussaaffimminillu ilungersuussisartuusoq. Daavillu ikinngutigilluakkani, Jehova, tatigilluinnaramiuk Goliati ajorsartissinnaasimavaa. – 1 Sam 17:45, 48-51.
7. Daavi qanoq ilinniarfigisinnaaviuk?
1 Sam 16:7) Guutimut attaveqarluarnerulerit. Daavi Jehovap pinngortitarsuanik misissueqqissaarnermigut taamaaliorpoq. Misissuigaangami paasiniartarpaa Jehova pillugu qanoq ilikkagaqarsinnaanerluni. (Tuss 8:4, 5; 139:14; Rom 1:20) Illit aamma pisariaqaraangat Jehovamut ikiortissarsiortarsinnaavutit. Assersuutigalugu atuaqativit Jehovamik Nalunaajaasuunerit illaruaatigisarpaat? Taamaappat pinertusaarsinnaaqqullutit qinunikkut Jehovamut ikioqqugit. Aamma Biibilimi Biibililersaarutitsinnilu siunnersuutit iluaqutaasut atorluartakkit. Ajornartorsiorninni Jehovap ikiuinera takugaangakku tatiginerulertassavat. Taava Jehovamik tatiginninnerit allat takugunikku tatiginerulissavaatsit.
7 Daavip misigisaa qanoq ilinniarfigisinnaavarput? Utaqqisinnaassuseqartariaqarpugut. Meeraaninniilli ilinnik ilisarisimannissimasut inersimasunngoriartornerit aallaqqaammut akueriuminaatsissinnaavaat. Qularissanngilalli Jehovap inuusuttuunerit apeqqutaatinngikkaa. Ilisarisimalluaramitit qanorpiaq piginnaasaqartutit nalunngilaa. (8-9. Daavip kunnginngornissani qanoq utaqqisinnaasimavaa, angutillu inuusuttut qanoq ilinniarfigisinnaavaat?
8 Daavip unamminartissinnaasaa alla maluginiaruk. Israelimi kunngissatut taninneqarami ingerlaannaq kunnginngunngilaq. (1 Sam 16:13; 2 Sam 2:3, 4) Kunnginngornissaminut qanoq ukiorpassuarni utaqqisinnaasimava? Utaqqikatalluni uniinnanngilaq, piffissanili iliuuserisinnaasaminut atortarpaa. Assersuutigalugu qimaasutut filisterit nunaanniikkami periarfissani atorluarlugit Israelikkut akeraat sorsuffigisarpai. Taamaaliornermigut Israelikkut saassunneqarnissaat pinngitsoortittarpaa. – 1 Sam 27:1-12.
9 Angutaaguit inuusuttoq Daavi qanoq ilinniarfigisinnaaviuk? Kiffartornissannut periarfissatit atorluartakkit. Qatanngutip Ricardomik atillip misigisaa eqqarsaatigiuk. * Pionerinngornissani ukiorpassuarni kissaatigisimavaa. Utoqqaanertalli piareersimannginnerarpaat. Ricardo tunniutiinnanngilaq narrujuummernanilu. Akerlianilli oqaluussinerusalerpoq. Ima oqarpoq: “Kingumut qiviaraangama takusinnaasarpara taamani suli sulissutissaqarsimallunga. Oqaluussininni soqutiginnittut uterfigeqqinnissaat pulaaqqiinissannullu piareersartarnissara sulissutigilerpakka aatsaavissuarlu Biibilimik atuaqqissaaqateqartalerlunga. Oqaluussinermi misilittagaqarluarnerulerama annilaangavallaartarunnaarpunga.” Ricardo ullumikkut pioneriuvoq ilagiinnilu kiffartortuulluni.
10. Ilaanni Daavi pingaarutilimmik aalajangiitinnani qanoq iliorpa?
10 Daavip misigisaa alla maluginiaruk. Taamaallutik sakkutuunilu qimaasutut filisterit nunaanniitillutik ilaquttatik qimallugit sorsugiarput. Peqannginneranni akeraat najugaqarfiannut saassussiartorput ilaqutaallu aallarullugit. Daavi sakkutuutut misilittagaqarluarami misigisimasinnaagaluarpoq nammineerluni ilaquttatik aallarunneqarsimasut aniguisissinnaallugit. Taamaaliornanili Jehovamut siulersoqquvoq. Palasi Ebjatarimik atilik ikiortigalugu Daavip Jehova ima aperaa: “Taakku malersorukkit angusinnaanerpakka?” Jehovap Daavi taamaalioqquaa oqarfigalugulu aallarussaasimasut 1 Sam 30:7-10) Pisoq taanna qanoq ilinniarfigisinnaaviuk?
aniguisikkumaarai. (11. Aalajangiitinnak qanoq iliorsinnaavit?
11 Aalajangiitinnak siunnersortissarsiorit. Angajoqqaatit oqaloqatigikkit. Aamma utoqqaanertat misilittagaqarluartut siunnersuilluarsinnaasarput. Angutit taakku Jehovap tatigalugit toqqarsimasai aamma illit tatigisinnaavatit. Jehovap taakku ilagiinnut tunissutigai. (Ef 4:8, NW) Uppersusiat ilaartarukku siunnersuutaallu maleruarlugit silatusaarlutit aalajangiisassaatit. Aamma kunngi Asa ilinniarfigisinnaavarput. Tamanna maanna misissoriartigu.
KUNNGI ASA ILINNIARFIGIUK
12. Kunngip Asap naalakkersuileqqaarnermini maniguunnini sapiitsuuninilu qanoq ersersippaa?
12 Kunngi Asa inuusuttuulluni maniguullunilu sapiitsuuvoq. Assersuutigalugu ataatani toqummat kunnginngorami Judap illoqarfiini tamani guutipiluit piiarpai. Aamma “Judakkut oqarfigai [Jehova] siuaasamik Guutiat ujassagaat aammalu inatsisai peqqussutaalu naalassagaat”. (2 Nal 13:23–14:6) Zerap Nubiamiup sakkutuuni millionit ilagalugit Juda saassummagu Asa silatusaarluni Jehovamut ikiortissarsiorpoq. Ima oqarpoq: “[Jehova], ilinnut assigiipput sakkutoorpassualik soqanngitsorlu ikiussallugit. [Jehova] Guuterput, ikiortigut illit tassaagavit tunaarisarput.” Oqaasiinit erserpoq Jehovap innuttaminik annatsitsisinnaanera Asap upperilluinnaraa. Ataatani qilammiusoq tatigilluinnarpaa, ‘Jehovallu Nubiamiut ajorsartippai’. – 2 Nal 14:7-11.
13. Asap inuunera qanoq allanngorpa, aamma sooq?
13 Sakkutoorpassuarnit taama amerlatigisunit saassunneqarneq annilaanganarsimassaqaaq. Asa Jehovamik tatiginnikkami iluatsitsilluarpoq. Kingusinnerusukkulli allamik ajornartorsiuteqalerami Jehova tatiginngitsoorpaa. Qanoq pisoqarami? Israelip kunngianit ajortumit, Bashamit, sioorasaarneqarami Aramip kunngianut ikiortissarsiorpoq. Tamannalu ajoqisumik kinguneqarpoq! Jehovap pruffiitini Hanani aqqutigalugu Asa ima oqarfigaa: “Aramip kunngia tatigigakku [Jehovalu] Guutit tatiginagu Aramæerit sakkutuui ilinnit aniguipput.” Taamanimiilli Asa 2 Nal 16:7, 9; 1 Kng 15:32) Oqaluttuaq taanna qanoq ilinniutigaarput?
sorsuffigineqartualerpoq. (14. Jehova qanoq tatigisinnaaviuk, aamma Timotheusimut allakkat siulliit 4:12 naapertorlugu taamaaliornerit qanoq kinguneqassava?
14 Maniguuttuarit Jehovalu tatigiuarlugu. Imermut morsutsinneqaravit upperluartuunerit Jehovamillu tatiginninnerit takutippat, Jehovallu nuannaangaarluni ilaquttaminut tikilluaqquaatit. Jehovali taamatut tatigiuartariaqarpat. Pingaarutilinnik aalajangiissagaangavit Jehovamik tatiginninnissat ajornartittarunanngilat. Pingaaruteqannginnerusunilli aalajangiisussaagaangavit tatigisarpiuk? Qanorluunniit aalajangiinialeraangavit – assersuutigalugu aliikkutassanut, suliffissamut inuunermilu anguniagassanut tunngatillugu – Jehovap tatiginissaa pingaaruteqangaarpoq! Nammineq ilisimassutsit tatigeqinagu. Aalajangiitinnak Biibilimi najoqqutassiat misissortakkit maleruarlugillu. (Uss 3:5, 6) Taamaalioruit Jehova nuannaartillugulu ilageeqatinnit ataqqineqalissaatit. – 1 Timotheusi 4:12 atuaruk.
KUNNGI JOSHAFATI ILINNIARFIGIUK
15. Nalunaarsuutit aappaat 18:1-3; 19:2 naapertorlugit kunngi Joshafati qanoq kukkua?
15 Tamatsitulli naammalluinnanngitsuugavit ilaannikkut kukkusoortarumaarputit. Tamannali Jehovamut kiffartornissinnut tamaviaarunnaassutigeqinagu. Kunngi Joshafati eqqarsaatigiuk. Taassuma pissusii ajunngitsorpassuit Biibilimi eqqartorneqarput. Inuusuttuulluni ‘ataatami Guutia ujarpaa peqqussutaalu maleruarlugit’. Aamma “naalagartami ilaat aallartippai Judap illoqarfiini inuit [Jehova pillugu] ajoqersoriartortillugit.” (2 Nal 17:4, 7) Taamaakkaluartorli ilaannikkut aalajangiinerluttarpoq. Ilaanni aalajangiinerlukkami Jehovap aallartitaanit oqaaqqissaarneqarpoq. (2 Nalunaarsuutit 18:1-3; 19:2 atuakkit). Tamanna qanoq ilinniarfigisinnaaviuk?
16. Rajeevip misigisaa qanoq ilinniarfigaajuk?
16 Ilinnut oqaaqqissaarutigineqartut maleruartakkit. Imaassinnaavoq inuusuttoqatitit allat assigalugit pingaarnersiuinissat ajornartikkit. Nikalloqinalli. Qatanngutip angutip inuusuttup Rajeevimik atillip misigisaa eqqarsaatigiuk. Inuusuttuaraanini Timotheusimut allakkani siullerni 4:8-mi allassimasup paasilluarnissaanut utoqqaanertap ikiorpaanga.” Rajeevip maniguulluni oqaaqqissaarneqarnini maleruarpaa inuunerminilu suna pingaarnerpaatinnerlugu eqqarsaatigeqqissaalerlugu. Aalajangerporlu anersaakkut ittunik anguniagaqarnissani pingaarnerpaatinniarlugu. Tamanna qanoq kinguneqarpa? Ima nassuiaavoq: “Oqaaqqissaarneqarninnit ukiualunnguit qaangiummata ilagiinni kiffartortunngortinneqarpunga.”
pillugu ima oqaluttuarpoq: “Taamanikkut siunissami sussanerlunga nalornissutigisarpara. Inuusuttoqaterpassuattulli timersornissaq nuannisarnissarlu ataatsimiigiarnissamiit oqaluussinissamiillu pingaarnerutippakka.” Rajeevip suna iluaqutigaa? Utoqqaanertamit asannittumit oqaaqqissaarneqarnini. Rajeev ima oqarpoq: “NajoqqutassiapATAATAT QILAMMIUSOQ TULLUUSIMAARTIGUK
17. Angutit inuusuttut Jehovamut kiffartortut utoqqaanerusunit qanoq isigineqarpat?
17 Angutit inuusuttuususi, qatanngutit Jehovamut kiffartornermi ilissinnik ‘suleqateqarluarnertik’ pingaartingaarpaat. (Sef 3:9, NW) Suliassiissutinik aallussilluarlusi suliaqartarnersi nuannaarutigingaartarpaat. Taakkunannga iluarisaangaarpusi. – 1 Joh 2:14.
18. Ussatit 27:11 naapertorlugu Jehovap angutit inuusuttut imminut kiffartortut qanoq isigai?
18 Qatanngutit angutit inuusuttuususi, Jehovap asallusilu tatigivaasi. Siulittuutigisimavaami ulluni kingullerni angutit inuusuttorpassuit ‘kajumillutik sassarumaartut’. (Tuss 110:1-3, NW) Nalunngilaa asallugulu sapinngisamik kiffartorfigerusukkissi. Taamaattumik utaqqisinnaassuseqaritsi kamagittarlusilu. Kukkusimatillusi oqaaqqissaarneqaraangassi siunnersuutit maleruartarsigit qularinagu Jehovameersuusut. (Hebr 12:6) Suliassiissutigineqartut ilungersuutigisarsigit. Pingaarnertullu, qanorluunniit ilioraangassi Ataatarput qilammiusoq tulluusimaartittarsiuk. – Ussatit 27:11 atuaruk.
ERINARSUUT 135 Jehovap asannilluni kajumissaarutaa: “Ernera, ilisimasuuniarit”
^ imm. 5 Angutit inuusuttut kuisimasut anersaakkut siuariartortillutik Jehovamut kiffartornermi iliuuseqarnerorusulertarput. Ilagiinni kiffartortunngussagunik ilageeqatiminnit ataqqineqartariaqarput. Qanoq ataqqineqalersinnaappat?
^ imm. 5 Tussiaat 25:14, NW: “Jehovap mianerinnitsini ikinngutigilluarpai, angerutsinilu taakkununnga ilisimalersippaa.”
^ imm. 9 Atit ilaat allanngortitaapput.