1. Mat­thæusi 24:9 naaper­torlugu sooq silarsuarmit uumis­sor­neqar­ner­put tupaal­laatigin­ngilar­put?

JEHOVAP asan­nit­tus­satut asaneqar­tus­satul­lu pin­ngor­tip­paatigut. Taamaat­tumik uumis­sor­neqaraangat­ta taman­na an­niaatigisar­par­put im­maqalu al­laat an­nilaangasarluta. As­sersuutigalugu qatan­ngut ar­naq Europamiu Georginamik atilik ima oqar­poq: “14-inik ukioqar­tunga Jehovamut kif­far­tor­nera pis­sutigalugu anaanama uumis­suler­paanga. Ajat­tor­neqar­tutut misigivunga isumaqaleralut­tuin­narlungalu inut­tut ajor­tuul­lunga.” * Qatan­ngut angut Danylomik atilik ima al­lap­poq: “Jehovamik Nalunaajaasuunera pis­sutigalugu sak­kutuunit unatar­neqaraangama, narrunarsar­neqaraangama sioorasaar­neqaraangamalu an­nilaangasar­punga nikas­sar­neqar­tutul­lu misigisarlunga.” Taamatut uumis­sor­neqar­neq nuan­nin­ngil­luin­nar­poq. Taamatul­li pineqar­tar­ner­put tupaal­laatigin­ngilar­put, Jiisusim­mi siulit­tuutigaa uumis­sor­neqas­sasugut. – Matthæusi 24:9 atuaruk.

2-3. Sooq Jiisusip malin­nit­tai uumigineqar­tar­pat?

² Jiisusip malin­nit­tai silarsuarmit uumis­sor­neqar­put. Sooq? Jiisusitut silarsuarmut akuun­ngin­namik. (Joh 15:17-19) Taamaat­tumik naalak­kersuisut inuit pilersitaat ataq­qigaluarlugit pal­lorfigineq ajor­pagut, naalak­kersuisunul­luun­niit taak­kunun­nga ilisar­naatigitin­neqar­tar­tut, soorlu erfalasut, pal­lorfigineq ajor­pagut. Jehova kisiat pal­lorfigaar­put. Tapersersor­par­put Guutip inuian­nut kisimi oqar­tus­saanerata eq­qor­tuunera – taman­nali Saatanip ‘kinguaavisalu’ akueriuman­ngilaat.  (1 Mos 3:1-5, 15) Guutip kun­ngeqarfiata, tas­sa naalagaaf­fiata, inuian­nut neriuutis­satuaanera Kun­ngeqarfiul­lu tamatuma akeq­qaminik suujun­naarsitsingajaler­nera oqaluus­sis­sutigisar­par­put. (Dan 2:44; Saqq 19:19-21) Taman­na maniguut­tunut nutaarsias­saavoq nuan­nersoq inun­nul­li ajor­tunut nutaarsias­saal­luni nuan­niitsoq. – Tuss 37:10, 11.

³ Aam­ma Guutip najoq­qutas­siaanik naaper­tuil­luar­tunik maleruaaner­put uumis­sor­neqaatigaar­put. Najoq­qutas­siat taak­ku silarsuarmi ileq­qorineqar­tunit al­laanerul­luin­nar­put. As­sersuutigalugu Sodomami Gomorramilu inuit Guutip suujun­naarsitaasa kinguaas­siuutitigut inuunerlus­simaneran­nut as­singusumik inooriaaseqar­neq ul­lumik­kut inup­pas­suit akuersaar­paat. (Jud 7) Najoq­qutas­siat Biibilimeersut maleruar­taratsigit inup­pas­suit il­laruaatigisar­paatigut akuersaar­tuun­ngin­nerar­tarlutalu. – 1 Petr 4:3, 4.

4. Uumis­sor­neqar­til­luta suut iluaqutigis­savagut?

⁴ Uumis­sor­neqar­til­luta narrunarsar­neqar­til­lutalu piner­tusaar­nis­samut suna iluaqutigisin­naavar­put? Jehovamit ikior­neqarumaar­ner­put up­peril­luin­nar­tariaqar­par­put. Eq­qor­tin­naveeq­qutitut il­luni up­per­nit­ta “Ajor­tup qarsui ikumasut” qamis­sin­naavai. (Ef 6:16) Aam­mali asan­nis­suseqar­tariaqar­pugut. Sooq? Asan­nin­neq ‘puf­fas­sar­tarin­ngim­mat’. Asan­nin­nerup an­niaataasin­naasut tamaasa naam­magalugit ator­tar­pai. (1 Kor 13:4-7, 13) Jehovamik, up­peqatitsin­nik uumis­sor­titsin­nil­lu asan­nin­neq iluaqutigalugu qanoq piner­tusaarsin­naasugut misis­soriar­tigu.

5. Jiisusip Jehovamik asan­nin­nini qanoq iluaqutigaa?

⁵ Jiisusip akeq­qaminit aqagumut toqutaasus­saal­luni malin­nitsini aalajaatsut ima oqarfigai: ‘Ataataq asavara, Ataatal­lu inas­sutaa malil­lugu ilior­punga.’ (Joh 14:31) Jiisusi Jehovamik asan­nik­kami an­nikil­lioraluarluni piner­tusaarsin­naavoq. Uagut­taaq Jehovamik asan­nik­kat­ta piner­tusaarsin­naavugut.

6. Romamiut 5:3-5 naaper­torlugit Jehovamut kif­far­tor­tut silarsuarmit uumis­sor­neqaraangamik qanoq misigisar­pat?

⁶ Aam­ma itsaq Jehovap kif­faasa malersor­neqar­nermin­ni piner­tusaar­nis­samut Guutimik asan­nin­ner­tik iluaqutigisar­paat. As­sersuutigalugu apustilit juutit eq­qar­tuus­sisoqatigiivisa pingaar­nersaan­nit oqaluus­siun­naaq­quneqaramik Guuti asagamik­ku ‘inun­nit naalan­neruaat’. (ApS 5:29; 1 Joh 5:3) Ul­lumik­kut­taaq qatan­ngutigut naalak­kersuisunit malersor­neqaraluarlutik Guutimik asan­nin­ner­tik iluaqutigalugu piner­tusaarsin­naap­put. Silarsuup uumis­suinera nikal­lus­sutiginagu nuan­naalis­sutigisar­par­put. – ApS 5:41; Romamiut 5:3-5 atuakkit.

7. Ilaqut­tatsin­nit akerlilersor­neqaraangat­ta qanoq qisuariar­tas­saagut?

⁷ Ilaqut­tat­ta ilaata akerlilersor­patigut im­maqa taman­na ar­tor­nar­tin­ner­paas­savar­put. Biibilimik atuaq­qis­saaqatigineqaleraangat­ta im­maqa ilaqut­tat­ta ilaat isumaqar­tar­put nakutitaasugut. Im­maqa al­lat isumaqar­put paatsiveerul­luin­nar­tugut. (Naleq­qiuguk Markusi 3:21). Al­laal­luun­niit im­maqa peq­qar­niitsuliorfigis­savaatigut. Taamatut pineqas­sagut­ta tupaal­laatigis­san­ngilar­put, Jiisusimi ima oqar­poq: ‘Angutip inoqutini akerarilis­savai.’ (Matt 10:36) Soorunami ilaqut­tat­ta qanorluun­niit isumaqarfigigaluar­patigut taak­ku akeq­qatsitut pinavian­ngilagut. Jehovamim­mi asan­nin­nerujar­tor­til­luta inoqatitsin­nik asan­nin­nerujar­tor­tar­pugut. (Matt 22:37-39) Inun­nil­li iluarisaajumaan­narluta inatsisit najoq­qutas­sial­lu Biibilimeersut maleruarun­naar­navian­ngilagut.

8-9. Qatan­ngut ar­naq akerlilersor­neqangaaraluarluni qanoq piner­tusaarsin­naasimava?

 ⁸ Georgina, is­suariigar­put, anaanaminit akerlilersor­neqangaaraluarluni aalajaat­tuar­poq. Ima oqalut­tuar­poq: “Anaanagalu Nalunaajaasunit Biibilimik atuaq­qis­saaqatigineqar­taler­pugut. Qaam­matil­li arfinil­lit qaangiut­tut ataatsimiigiarusut­talerama anaanama pis­susii al­lan­ngorujus­suar­put. Paasivara tunus­sisut at­tavigisalersimagai, taak­kualu sal­luliuutaat uan­nut oqaatigeq­qit­tar­pai. Ajual­latsit­tar­paanga, nujaar­tor­tar­paanga, qimeriaraluar­paanga Biibililersaarutik­kalu eq­qarlugit. 15-ileereerlunga kuisip­punga. Anaanama Jehovamut kif­far­torun­naarsin­niaraluarlunga inuusut­tuaq­qat angerlarsimaf­fian­nut nuutsip­paanga, ineqatigiler­pak­kalu ikiaroor­tar­tut pinerlut­tulior­tar­tul­lu. Asal­lungalu isumas­sor­tus­saagaluarmanga anaanama akerlilersuinera ar­torsaatigeqaara.”

⁹ Georgina qanoq piner­tusaarsin­naasimava? Ima oqar­poq: “Anaanaga akerlilersuileriataarmat ul­loq taan­na Biibili atuarlugu naavara. Up­peril­luin­nalersimavaralu ilumoor­toq nas­saarisimal­lugu, misigivungalu Jehovamut qanit­tuararsuul­lunga. Qinukulasar­punga, tusar­neqar­tar­pungalu. Inuusut­tuaq­qat angerlarsimaf­fian­ni ineqar­til­lunga qatan­ngutip ar­nap im­minut qaaq­qusar­paanga marluul­lutalu Biibilimik atuaq­qis­saar­tar­pugut. Aam­ma qatan­ngutit ilagiin­niit­tut qiim­mas­sar­tar­paan­nga. Ilaqut­tamis­sut pisar­paan­nga. Jehova akerlilersor­titsin­nit nukit­tunerungaar­toq nam­mineerlunga misigivara.”

10. Jehovap Guutit­ta qanoq ikior­tar­paatigut?

¹⁰ Apustili Paulusi al­lap­poq suul­luun­niit “avis­saar­tis­sin­naan­ngik­kaatigut Guutip asan­nis­susianit Kristusi-Jiisusimi Naalak­katsin­ni”. (Rom 8:38, 39) Ilaan­nik­kut naal­liut­taraluar­tugut Jehovap tup­pal­lersar­tuarlutalu nakus­satsit­tuas­savaatigut. Soorlu Georginap misigisaanit erser­toq Jehovap aam­ma anersaak­kut ilaqut­tagut aq­qutigalugit ikior­tar­paatigut.

11. Asaqatigiin­neq Jiisusip Johan­nesi 15:12, 13-imilu eq­qaasaa ajoqersuk­kat qanoq iluaqutigaat? As­sersuuteqarit.

¹¹ Jiisusi aqagumut toqutaasus­saal­luni ajoqersuk­kani asaqatigiis­sasut eq­qaaseq­qip­pai. (Johannesi 15:12, 13 atuakkit). Nalun­ngilaa im­minut pil­liutigeriaan­naal­luni asaqatigiin­neq ataasioqatigiin­nis­samut silarsuul­lu uumis­suinerani piner­tusaar­nis­samut iluaqutigis­sagaat.  Ilagiit Thes­salonikamiit­tut as­sersuutigeriar­tigit. Ilagiit tas­saniit­tut pilersin­neqaramil­li malersor­neqar­put. Qatan­ngutil­li taak­ku aalajaat­tuarlutil­lu asan­nik­kamik maligas­saal­luar­put. (1 Th 1:3, 6, 7) Paulusimit kajumis­saar­neqar­put “suli an­nerusumik” asaqatigeeq­qul­lugit. (1 Th 4:9, 10) Asaqatigiik­kunik nikal­lungasut tup­pal­lersas­savaat san­ngiitsul­lu tapersersorlugit. (1 Th 5:14) Paulusimit kajumis­saar­neqar­nermis­sut ilior­put, Paulusimi ukiup ataatsip tamatuma kingor­na al­lak­kami aap­paan­ni ima al­lap­poq: ‘Asaqatigiin­nersi an­neruleriar­tuin­nar­poq tamarluin­nas­sin­ni.’ (2 Th 1:3-5) Asaqatigiik­kamik atugarlior­nermin­ni malersor­neqar­nermin­nilu piner­tusaarsin­naap­put.

12. Qatan­ngutit ilaasa sorsun­nermi asaqatigiin­ner­tik qanoq ersersip­paat?

¹² Danylop, eq­qaaneqareersup, nuliamilu misigisaat sam­meriar­tigu. Najugaqarfian­ni sorsut­toqaleraluar­toq ataatsimiigiar­tuar­put, oqaluus­siuar­put aam­ma up­peqatigiil­lutik nerisas­saatimin­nik avitseqatigiit­tuarlutik. Taava ul­lut ilaan­ni Danylo sak­kutuunit or­nin­neqar­poq. Danylo ima oqalut­tuar­poq: “Nalunaajaasuujun­naaq­quaan­nga. Taamaaliorusun­ngin­namalu unatar­paan­nga, aal­laam­mil­lu umeriarlunga niaqora qulaal­lugu seq­qor­put. Anileramik sioorasaarip­put uterunik nuliara pin­ngitsaaliniarlugu. Qatan­ngutil­li ingerlaan­naq qimut­tuitsor­til­luta il­loqarfim­mut al­lamukar­tip­paatigut. Qatan­ngutit taak­kua asan­nin­nerat puiun­ngisaan­nas­savara. Qatan­ngutil­lu il­loqarfim­mi tikitatsin­niit­tut nerisas­saqar­tip­paatigut, aam­ma ikiormatigut sulif­fit­taarlutalu initaar­pugut. Taamaat­tumik kingusin­nerusuk­kut Nalunaajaasut al­lat sorsun­nermit qimaasut inisisimatis­sin­naaler­pagut.” Misigisanit taamaat­tunit erser­poq asaqatigiik­kut­ta uumis­sor­neqar­nermi piner­tusaarsin­naasugut.

13. Jehovamut kif­far­tor­nermi uumis­sor­neqar­til­luta piner­tusaar­nitsin­ni anersaaq il­ler­nar­toq qanoq iluaqutigaar­put?

¹³ Jiisusip malin­nitsini oqarfigai uumis­sor­titik asas­sagaat. (Matt 5:44, 45) Taamaalior­nis­saq oqitsuin­naan­ngilaq! Guutil­li anersaava il­ler­nar­toq ikior­tigalugu iluatsis­sin­naavugut. Guutip anersaavata inerititaanut ilaap­put asan­nin­neq, utaq­qisin­naas­suseq, inus­siar­nisaar­neq, saamaneq im­minul­lu aqus­sin­naaneq. (Gal 5:22, 23) Taak­ku pis­suserigutsigit uumis­sor­neqar­nermi  piner­tusaarsin­naas­saagut. Inup­pas­suit akerlilersuiun­naarsimap­put aap­pap, qitor­nap sanilil­luun­niit pis­suserin­nera pis­sutigalugu. Al­laat akerlilersuisimasuugaluar­tut Nalunaajaasun­ngorsimap­put. Jehovamut kif­far­tor­nerit pis­sutigiin­narlugu uumis­sor­neqarsin­naavutit. Uumis­sor­tivit asanis­saat saper­nar­tik­kuk­ku anersaaq il­ler­nar­toq qin­nutigiuk. (Luk 11:13) Guutimul­lu naalan­nerup pitsaanerujuaan­narnera up­peril­luin­naruk. – Uss 3:5-7.

14-15. Siun­nersuutit Romamiut 12:17-21 al­las­simasut Yasmeenip uiminut akerlilersuingaar­tumut asan­nit­tulior­nis­samut qanoq iluaqutigai?

¹⁴ Yasmeenip, Kangiani Qiterlermi najugal­lip, misigisaa sam­meriar­tigu. Jehovamik Nalunaajaasun­ngormat uiata nakutitaasimasoraa Guutimul­lu kif­far­torun­naarsin­niaraluarlugu. Soq­qusaaf­figaa aam­ma ilaqutaasut, palasi angak­kuar­tar­torlu nuliaminut sioorasaariar­toq­quai ilaqut­taminil­lu avis­saar­tuutitsinerarlugu. Al­laat uiata ilagiit ataatsimiin­neran­ni qatan­ngutit nuan­niitsumik nil­liaf­figai. Yasmeen taamatut nuan­niitsumik pineqar­tar­nini aliasuutigigamiuk qiasar­poq.

¹⁵ Yasmeen anersaak­kut ilaqutaminit tup­pal­lersar­neqarlunilu nakus­satsin­neqar­tar­poq. Utoq­qaaner­tanit kajumis­saar­neqar­poq siun­nersuutit Romamiut 12:17-21 al­las­simasut maleruaq­qul­lugit. (Atuakkit). Yasmeen ima oqar­poq: “Taamaalior­nis­sara saper­nar­tip­para. Jehovamul­li ikioq­quvunga Biibilimilu siun­nersuutit sapin­ngisan­nik maleruar­niarsaralugit. Uiga piaaraluni sukujun­nik natermut igitsigaangat eq­qiaasar­punga. Soq­qusaak­kangat saamasumik akisar­para nap­parsimagaangal­lu isumas­sor­tarlugu.”

16-17. Yasmeenip misigisai qanoq ilin­niarfigaagit?

¹⁶ Yasmeen uiminut asan­nit­tulior­tarmat ajun­ngitsumik kinguneqar­poq. Ima oqar­poq: “Uima nalun­ngin­namiuk sal­luneq ajor­tunga tatigineruler­paanga. Up­perisarsior­neq pil­lugu oqaloqatigiik­kangat­ta ataq­qin­nil­luni tusar­naar­taler­paanga aap­pariit­tul­lu eq­qis­seqatigerusulerlunga. Maan­na ilagiin­ni ataatsimiil­luar­nis­san­nik kis­saat­tar­paanga. Aap­pariit­tut pil­luar­nerungaarlutalu eq­qis­seqatigiip­pugut. Neriup­punga uiga Biibili pil­lugu tusar­naarusulis­sasoq Jehovamul­lu kif­far­toqatigilis­sagaanga.”

¹⁷ Yasmeenip misigisaanit erser­poq asan­nin­neq ‘naam­magit­tar­tuusoq, ... tamatigut neriut­tar­toq’ piner­tusaar­tuar­torlu. (1 Kor 13:4, 7) Uumis­suineq an­nersitsisarlunilu sun­niiner­toqaaq, asan­nin­nerli sun­niiner­tunerungaar­poq  uum­matinil­lu kil­liisarluni. Asan­nik­kaangat­talu Jehova nuan­naar­tar­poq. Akerlilersor­neqar­tuaraluarut­taluun­niit nuan­naarsin­naavugut – sooq?

18. Sooq uumis­sor­neqar­til­luta nuan­naarsin­naavugut?

¹⁸ Jiisusi ima oqar­poq: “Pil­luar­pusi inuit ... uumis­sor­pasi.” (Luk 6:22) Uumis­sor­neqar­nis­saq malersor­neqar­nis­sarluun­niit kis­saatigin­ngilar­put. Taavami uumis­sor­neqar­til­luta sooq pil­luarsin­naavugut? Uku pingasut pis­sutigalugit: Siul­ler­tut, piner­tusaaraangat­ta Guutimit iluarineqar­tar­pugut. (1 Petr 4:13, 14) Aap­paat­tut, up­per­nik­kut nakus­satsit­tar­pugut. (1 Petr 1:7) Pingajuat­tul­lu, nalis­saqan­ngitsumik akis­sarsisin­neqas­saagut – tas­sa naas­saan­ngitsumik inuulis­saagut. – Rom 2:6, 7.

19. Sooq apustilit iperar­tor­neqareeramik nuan­naar­pat?

¹⁹ Jiisusip toqusunit makititaanerata kingunin­ngua pil­luar­neq taas­suma eq­qar­tugaa apustilit misigaat. Tas­sami iperar­tor­neqareeramik oqaluus­siun­naaq­quneqareeramil­lu nuan­naar­put. Sooq? ‘Jiisusip aq­qa pil­lugu narrunarsagaaneq’ ataq­qinaatitut isigigamik­ku. (ApS 5:40-42) Uumis­sor­neqar­nis­sar­tik siooragigaluar­paat, Jiisusimil­li asan­nin­nerat kimit­tuneruvoq. Nutaarsias­samil­lu nuan­nersumik “ul­lut tamaasa” oqaluus­sis­sutigin­nin­nik­kut asan­nin­ner­tik ersersip­paat. Ul­lumik­kut­taaq qatan­nguter­pas­suagut ajor­nar­torsioraluarlutik aalajaal­lutik kif­far­tor­tuar­put. Nalun­ngilaat suliatik Jehoval­lu aq­qanik asan­nin­ner­tik taas­suma puior­navian­ngik­kai. – Hebr 6:10.

20. Al­laaserisami tul­liut­tumi suna sam­mis­savar­put?

²⁰ Naggatis­sap tungaanut Saatanip silarsuaanit uumis­sor­neqar­tas­saagut. (Joh 15:19) Siooras­sutis­saqan­ngilagul­li. Al­laaserisami tul­liut­tumi sam­mis­savar­put Jehovap ilumoorfigin­nitsini ‘nakus­satsil­lugil­lu ser­nigisarai’. (2 Th 3:3) Taamaat­tumik Jehova, up­peqatigut uumis­sor­tigul­lu asajuar­tigit. Siun­nersuutit taak­ku maleruarutsigit ataasius­suseqar­tuas­saagut, anersaak­kut nukit­tujuas­saagut, Jehovamut ataq­qinaataas­saagut up­per­narsas­sal­lugulu asan­nin­neq uumis­suinermit sun­niuteqar­nerungaar­tar­toq.