1. Biibilimik misis­suisalin­ngik­kal­laravit qanoq inuuneqarsimavit?

 JEHOVAP NALUNAAJAASUINIT Biibilimik misis­sueqatigineqar­talin­ngik­kal­laravit qanoq inuuneqarsimavit? Amerlanersatta tamanna eqqarsaatigiin­narluguluun­niit nuan­narineq ajor­par­put. Nalitsinni inuusut malil­lugit isigin­nit­taaser­put kinaas­suser­pullu ilusilersor­neqarsimavoq, tas­sami suut pingaar­tin­neqar­tut, eqqor­tuusorineqar­tut eqqun­ngitsuusorineqar­tullu malil­lugit taamani inuuvugut. Taamaam­mat ‘neriuuteqar­natalu Guuteqan­ngilagut’. (Ef 2:12) Biibilimilli misis­suisaleravit allan­nguisaler­putit!

2. Biibilimik misis­suitil­lutit suut paasivigit?

² Biibilimik misis­suitil­lutit paasivat ilin­nik asan­ningaar­tumik qilam­miusumik Ataataqarlutit. Paasivat Jehovamit iluarisaajumal­lutit taas­sumin­ngalu guutisior­tunut ilaalerumal­lutit inooriaatsik­kut eqqarsar­taatsik­kullu allan­nguingaatsiar­tariaqarlutit. Najoq­qutas­siat qutsis­sut malil­lugit qanoq inuunis­sat ilin­niar­tariaqarsimavat. – Ef 5:3-5.

3. Kolos­simiut 3:9, 10-lu naaper­torlugit Jehovap qanoq ilioq­quaatigut, allaaserisamilu suna sam­mis­savar­put?

³ Pin­ngor­titsiser­put Ataatar­pullu qilam­miusoq, Jehova, ilaqut­tami qanoq pis­susilersor­nis­saan­nik najoq­qutas­sior­nis­saminut pisin­naatitaavoq. Piumasaraalu imermut morsutsin­neqan­ngin­nitsinni ‘kinaas­susitoqaq tamatumalu pis­susii piis­sagigut’. * (Kolossimiut 3:9, 10 atuakkit). Allaaserisaq una iluaqutigalugu imermut morsutsik­kusut­tut apeq­qutit pingasut uku akis­sutis­sarsis­savaat: (1) “Kinaas­susitoqaq” suugami? (2) Sooq piis­sagip­put Jehovap piumasaraa? (3) Qanoq taamaaliorsin­naavugut? Allaaserisaq una imermut morsutsin­neqareersimagutta kinaas­susitoq­qap pis­suserileq­qin­ngin­nis­saanut iluaqutigis­savar­put.

4. Inuk “kinaas­susitoqaq” malil­lugu inuusoq qanoq pis­suseqar­pa?

⁴ Inuk “kinaas­susitoqaq” malil­lugu inuusoq ajor­tumik inooriaaseqarlunilu eqqarsar­taaseqar­poq. Imaas­sin­naavoq nam­minis­sarsior­tuusoq, kamajasoq, qujasuitsoq qaf­fas­simaar­torlu. Aamma immaqa por­nografiinik isigin­naagas­sianillu atoqatigiin­nik­kut eqqun­ngitsulior­ner­talin­nik nakuuser­ner­talin­nillu isigin­naar­tar­neq nuan­narivaa. Soorunami ajun­ngitsunik pis­suseqarsimas­saaq aamma ajor­tuliani oqaatsinilu pil­lugit ilerasut­tarunarluni. Inooriaatsiminilli eqqarsar­taatsiminillu allan­nguerusus­suseqan­ngilaq. – Gal 5:19-21; Tim 2. 3:2-5.

5. Kinaas­susitoqaq iperavin­neqarsin­naava? Nas­suiaruk. (Apustilit Suliaat 3:19)

⁵ Tamatta naam­mal­luin­nan­ngitsuugatta kialuun­niit eqqarsaatit kis­saatillu ajor­tut tamaasa piivis­sin­naan­ngilai. Peq­qis­simis­sutigisatsin­nik ilaan­nik­kut ajor­tulior­toor­tarlutalu kuk­kusumik oqar­toor­tas­saagut. (Jer 17:9; Jaak 3:2) ‘Kinaas­susitoqarli’ iperarutsigu pis­susilersoriaatsinit ileq­qunillu ajor­tunit aqun­neqarun­naas­saagut. Inut­tut allan­ngorsimas­saagut. – Es 55:7; Apustilit Suliaat 3:19 atuaruk.

6. Sooq Jehovap peq­quaatigut eqqarsaatit ileq­qullu ajor­tut iperar­nis­saat tamaviaarutigis­sagip­put?

⁶ Jehovap asagamitigut kis­saatigigamiullu inuuner­put nuan­naarutigis­sagip­put peq­quaatigut eqqarsaatit ileq­qullu ajor­tut iperar­nis­saat tamaviaarutigis­sagip­put. (Es 48:17, 18) Nalun­ngilaami kis­saatipiluit malil­lugit ilior­ner­put imminut allanullu ajoqutaagin­nar­tar­toq, taman­nalu anniaatigisar­paa.

7. Romamiut 12:1, 2-lu naaper­torlugit tamatta qanoq aalajangigas­saqar­pugut?

⁷ Imaas­sin­naavoq kinaas­susitsin­nik allan­nguiniar­ner­put pil­lugu ikin­ngutitsin­nit ilaqut­tatsin­nillu aal­laq­qaam­mut illaruaatigineqar­tugut. (Pet 1. 4:3, 4) Immaqa isumaqar­put piumasatsitut iliorsin­naatitaagatta kialuun­niit aalajangis­san­ngik­kaa qanoq pis­suseqas­sanersugut. Jehovalli najoq­qutas­siaanik itigar­titsisut nam­mineq kis­saatigisamit­tut inuuin­narsorisar­put. Inooriaasialli nunarsuarmit Saatanimit aqun­neqar­tumit naleq­qus­sagaavoq. (Romamiut 12:1, 2 atuakkit). Tamatta aalajangigas­saqar­pugut: Kinaas­susitoqaq nunarsuarmut Saatanimit aqun­neqar­tumut  naleq­qus­sar­neqar­toq pigiin­narsin­naavar­put, imaluun­niit sapin­ngisamik inut­tut ajun­ngin­ner­paajumal­luta Jehovamit ilusilersor­neqarsin­naavugut. – Es 64:7.

8. Ajor­tunik eqqarsaateqalin­ngin­nis­samut ileq­qoqalin­ngin­nis­samullu suut iluaqutigis­savagut?

⁸ Jehovap nalun­ngilaa eqqarsaatit ileq­qullu ajor­tut ilungersoq­qaar­tin­nata iperarsin­naanavian­ngik­kigut. (Tuss 103:13, 14) Taamaat­tumik allan­nguinis­satsin­nut ikiorusup­paatigut. Biibili, anersaani peqatigiis­sor­tanilu atorlugit Jehovap pisariaqar­tumik ilisimas­suseqalersil­lutalu nakus­satsil­lutalu tapersersor­tar­paatigut. Taamatut ikiuisar­nera illit nam­mineq misigereersimas­savat. Imermut morsutsin­neqar­nis­samut piuk­kun­narsiumal­lutit kinaas­susitoq­qap peer­nis­saanut iliuuserisin­naasatit maanna sam­meriar­tigit.

9. Biibili sunis­samut iluaqutigisin­naaviuk?

⁹ Biibili iluaqutigalugu imminut misis­soq­qis­saartarit. Biibili tarrarsuutitut ippoq. Eqqarsaativit, oqaatsivit iliuutsivillu nalilersor­nis­saan­nut iluaqutigisin­naavat. (Jaak 1:22-25) Biibilimik ilin­niar­titsisuvit kristumiullu allat inersimal­luar­tut siun­nersorsin­naavaatsit. Assersuutigalugu Biibili atorlugu nukit­tuf­fin­nik san­ngiif­fin­nillu paasin­nin­nis­san­nut ikiorsin­naavaatsit. Ilin­niar­tis­sin­naavaatsillu Biibililersaarutinik ileq­qupalaanik iperaaniar­nermut iluaqutaasunik qanoq ujarlersin­naasutit. Aamma Jehova ikiuinis­saminut piareersimajuar­poq. Uum­mam­miugisatit ilisimagamigit nalun­ngilaa qanoq pitsaaner­paamik ikiorsin­naal­lutit. (Uss 14:10; 15:11) Taamaat­tumik qinuneq Biibilimillu ullut tamaasa misis­suineq ileq­quliun­niarsarik­kit.

10. Eliep misigisaanit suna ilik­kar­piuk?

¹⁰ Jehovap najoq­qutas­siaasa iluaqutaajuaan­narnerat upperilluin­naruk. Jehovap kis­saatigisaatut ilior­neq iluaqutaajuaan­nar­poq. Taas­suma najoq­qutas­siai naaper­torlugit inuusut imminut ataq­qineruler­tar­put, inuunerminni siuner­taqaler­tar­put nuan­naar­nerlu ilumoor­toq misigisarlugu. (Tuss 19:8-12) Jehovalli najoq­qutas­siai soqutiginagit pileris­susipiluit tun­ngavigalugit inuuneq kingunipiloqar­tar­poq. Tamatumun­nga tun­ngatil­lugu angutip Eliemik atil­lip misigisaa maluginiaruk. Jehovamik asan­nit­tunik angajoq­qaaqar­poq. Inuusut­tuaraal­lunili Elie imminik ajor­tunik sun­niisunik ikin­nguteqaler­poq. Kinguneranik ikiaroor­taler­poq, atoqatigiin­nik­kut eqqun­ngitsulior­taler­poq til­lit­talerlunilu. Aamma kamas­saqar­nerulerlunilu peq­qar­niin­neruler­poq. Elie ima nas­suer­poq: “Naatsumik oqaatigalugu kristumiut iliuuserisas­sarin­ngisaat tamaasa iliuuserisar­pakka.” Meeraal­lunili ilik­karsimasani Eliep puiorsiman­ngilai. Kingorna Biibilimik ilin­niar­tin­neqaq­qit­taler­poq, ileq­qupalaamilu iperar­nis­saat ilungersuutigereerlugu 2000-mi imermut morsutsin­neqar­poq. Jehovap najoq­qutas­siai inuunermini qanoq iluaqutigivai? Elie ima oqar­poq: “Maanna qamuuna eqqis­sisimal­lungalu ilerasuuteqan­ngilanga.” * Eliep misigisaanit suna paasivar­put? Paasivar­put kinaluun­niit Jehovap najoq­qutas­siaanik itigar­titsisoq imminut ajoqusiin­nar­tar­toq. Piumagunili allan­nguinis­samut Jehovamit suli ikior­neqariaan­naavoq.

11. Jehovap suut uumigai?

¹¹ Jehovap uumigisaanik uumigin­nin­nis­sat ilin­niaruk. (Tuss 97:10) Biibilimi Jehovap uumigisai allaatigineqar­put, tas­saap­pullu “isit makitar­palut­tut, oqaq sal­lutooq, assaat pin­ngitsup aavanik kuisisut.” (Uss 6:16, 17) Aamma ‘peq­qusersior­tut maajugai’. (Tuss 5:7) Jehovap pis­susit iliuutsillu taamaat­tut uumigingaaramigit  Nooap nalaani nunarsuarmi inun­nik ajor­tunik nakuuser­tunik ulik­kaangaarmat taakku nungutip­pai. (Mos 1. 6:13) Assersuut alla eqqarsaatigiuk. Jehova pruf­fiiti Malaki aqqutigalugu oqar­poq aap­pamin­nik pisuus­suteqan­ngitsumik ilumuun­ngitsuliorfigin­nil­lunilu avit­toq uumigalugu. Guutip taak­kua guutisior­nerat akuerin­ngilaa iliuusiilu naaper­torlugit akisus­saatik­kumaarlugit. – Mal 2:13-16; Hebr 13:4.

12. Ajus­susermik maajugin­nin­neq qanoq paasisariaqar­pa?

¹² Jehovap kis­saatigaa ‘ajus­suseq maajugis­sagip­put’. (Rom 12:9) Oqaatsip ‘maajugin­nin­nerup’ isumaa misigis­sutsik­kut sak­kor­tuumik qisuariar­neruvoq; tamanna uumigin­nil­luin­nar­nermik maajugin­nil­luin­nar­nermillu isumaqar­poq. Nerisas­sanik asiusimasunik nereq­quneqaraluaruit qanoq qisuarias­sanerlutit eqqarsaatigiuk. Eqqarsaatigiin­narlugil­luun­niit immaqa merian­ngulis­sagaluar­putit. Taamatut­taaq Jehovap ajor­tutut isigisaanik iliuuseqar­neq maajugisariaqar­par­put.

13. Sooq eqqarsar­taaser­put illersor­tariaqar­par­put?

¹³ Eqqarsartaatsit illersoruk. Eqqarsaatitta iliuuseqar­tis­sin­naavaatigut. Taamaat­tuminguna Jiisusip ilin­niar­tik­kaatigut eqqarsaatit ajor­tulior­nermik kinguneqar­titsisin­naasut itigar­tis­sagigut. (Mat 5:21, 22, 28, 29) Ataatatta qilam­miusup iluarisaatut iliuuseqarusut­tar­pugut. Taamaat­tumik pingaaruteqar­poq ajor­tumik eqqarsaateqaq­qajaagutta ingerlaan­naq itigar­tin­nis­saat!

14. Oqaloriaatsitta suna ersersit­tar­paat, apeq­qutillu suut eqqarsaatigisariaqar­pagut?

¹⁴ Oqaloriaatsit mianersuutigiuk. Jiisusi ima oqar­poq: ‘[Inuup] oqaasii uum­mam­mit pisuup­put.’ (Mat 15:18) Aap, oqaloriaaser­put inut­tut qamuuna qanoq ittuunitsin­nik ersersitsisar­poq. Taamaat­tumik apeq­qutit uku eqqarsaatigisin­naavatit: ‘Sal­luliorusun­neq ajor­punga, allaat ilumoor­tumik oqar­nis­sara ajor­nar­torsior­titsilis­sagaluar­pal­luun­niit? Aap­paqaruma allamut qanin­niarujoor­naveersaar­tar­punga? Kinguaas­siuutitigut eqqun­ngitsulior­nerit eqqar­tun­ngil­luin­nar­tar­pak­ka? Arlaan­nit kamaatigisin­naasan­nik oqarfigineqaruma eqqis­sisimasumik akisar­punga?’ Apeq­qutit taakku eqqarsaatigeq­qis­saaruk­kit iluaqutigis­savatit. Oqaloriaatsit atisat kiluinut assersuun­neqarsin­naap­put. Kinaas­susitoqaq piis­sagutsigu ajual­lan­nar­tunik kan­ngunar­tunillu oqalut­tar­neq sal­lusar­nerlu unitsit­tariaqar­pagut.

15. ‘Kinaas­susitoq­qatta kikiat­tuun­nera’ qanoq paasisariaqar­pa?

 ¹⁵ Iliuuseqarnis­samut piumas­suseqarit. Inooriaasitsin­nik allan­nguinis­samut pimoorus­sinis­samut tun­ngatil­lugu apustilip Paulusip ilin­niar­tin­niarluta oqaaseq kimit­tooq ator­paa. Allap­poq kinaas­susitoqar­put ‘qisum­mut naal­liutsitsiviliamut kikiat­tuutis­sagip­put’. (Rom 6:6) Kis­saatigaar­put Kristusip maligas­siaata malin­nis­saa. Pis­susit iliuutsillu Jehovap uumigisai ileq­qoriun­naar­tariaqar­pagut. Aatsaat taamaaliorutta nalun­ngeqatigin­nis­suter­put minguitsuusin­naavoq, aamma naas­saan­ngitsumik inuunis­saq neriuutigalugulu nuan­naarutigisin­naavar­put. (Joh 17:3; Pet 1. 3:21) Eqqaamajuk Jehovap najoq­qutas­siani uagut nuan­naar­tin­niaan­narluta naleq­qus­sar­navian­ngik­kai. Uagununa kinaas­suser­put taas­suma najoq­qutas­siaanut naaper­tuut­tun­ngorlugu allan­nguisus­saasugut. – Es 1:16-18; 55:9.

16. Sooq kis­saatipiluit akior­tuar­nis­saat aalajangiusimasariaqar­pagut?

¹⁶ Kissaatipiluit akiortuakkit. Morsutsin­neqareeraluarlutit kis­saatipiluit akior­tuar­tus­saavatit. Mauríciomik atil­lip misigisaa eqqarsaatigiuk. Inuusut­tuul­luni anguteqatiminik atoqateqar­taler­poq. Jehovalli innut­tai naapip­pai Biibilimillu atuaq­qis­saar­talerluni. Inooriaatsiminik allan­nguereerluni 2002-mi imermut morsutsin­neqar­poq. Ukior­pas­suarni Jehovamut kif­faagaluarluni Maurício ima oqar­poq: “Nas­suerutigis­savara pif­fis­sap ilaani kis­saatipiluit akior­tariaqar­tarlugit.” Taman­nali nikal­lus­sutigin­ngilaa. Ima oqar­poq: “Tup­pal­lersar­neqar­tutut misigivunga nalunagu kis­saatipiluit malil­lugit iliuuseqan­ngin­nera Jehovap iluarigaa.” *

17. Nabihap misigisaa qanoq iliuuseqar­nis­san­nut kajumis­sis­sutigaajuk?

¹⁷ Jehovap ikiuinissaa qinnutigisaruk aamma ilinnut tatiginak anersaaq illernartoq tatigiuk. (Gal 5:22; Flp 4:6) Kinaas­susitoqatta peer­nis­saa ileq­quliuteq­qin­ngin­nis­saalu ilungersuutigalugu sulis­sutigiuar­tariaqar­par­put. Arnap Nabihamik atil­lip misigisaa eqqarsaatigiuk. Arfiniliin­nar­nik ukioqarluni ataataminik qimagaavoq. Tamanna misigis­sutsik­kut anniaatigeqaa. Inersimalerami Nabiha kam­mar­tusivoq. Ikiaroor­nar­tunik tuniniaasaler­poq kinguneranillu par­naarus­saavoq. Ukior­paalunni par­naarus­saaq­qavoq. Jehovap Nalunaajaasuisa  par­naarus­sivim­mut oqaluus­siar­tor­tar­tut Biibilimik misis­sueqatigisaler­paat. Nabiha anner­tuunik allan­nguisaler­poq. Ima nangip­poq: “Ileq­qupalaan­nik taamaatitsiniar­nera ajor­nan­ngilaq, pujor­tar­tarun­naar­niar­nerali allaavoq.” Nabiha ukioq ataaseq sin­nerlugu akiuup­poq, tupamilli pingitsuuisin­naan­ngin­nini anigor­paa. Suna iluaqutigaa? “Pingaar­ner­tut Jehovamut kimigiiserlunga qinuneq pujor­tar­tarun­naar­nis­san­nut iluaqutigeqaara.” Allat ima oqarfigerusup­pai: “Upperil­luin­nar­para Jehovap iluarisaatut allan­nguerusuk­kaanni kinaluunniit allan­nguisin­naasoq!” *

18. Korintimiunut allak­kat siul­liit 6:9-11 naaper­torlugit Guutip kif­fai amerlasuut qanoq iliorsin­naasimap­pat?

¹⁸ Kristumiut siul­liit nalaanni arnat angutillu Kristusip kun­ngioqatis­saatut Jehovap toq­qagai ajor­torujus­suarmik iliuuseqar­tar­nikuup­put. Assersuutigalugu allasior­tar­tuusimap­put, anguteqatimin­noor­tar­tuusimap­put aamma til­lit­tar­tuusimal­lutik. Guutip anersaava iller­nar­toq iluaqutigalugu pis­suser­tik allan­ngor­tis­sin­naasimavaat. (Korintimiunut 1. 6:9-11 atuakkit). Taamatut­taaq nalitsinni inuit mil­lionil­lit Biibili inuunermin­nik allanguinis­samin­nut iluaqutigisimavaat. * Ileq­qut qaangeruminaatsitat asoorus­sin­naasimavaat. Taak­kua maligas­siaasa takutip­paat aamma illit imermut morsutsin­neqar­nis­samut piuk­kun­narsarumal­lutit inut­tut qamuuna qanoq ittuunin­nik allan­nguisin­naal­lutillu ileq­qut ajor­tut iperarsin­naagitit.

19. Allaaserisami tul­liut­tumi suna sam­mineqas­sava?

¹⁹ Morsutsin­neqar­nis­samut piuk­kun­narsarumal­lutik kinaas­susitoq­qamin­nik peersinis­samin­nut sulis­suteqarusut­tut ilungersor­tariaqar­put. Allaaserisami tul­liut­tumi qanoq taamaaliorsin­naaner­put aamma allat qanoq ikiuisin­naasut sam­mineqas­saaq.