1-2. Inuk imermut morsutsitaan­nginnermini soqqaassava?

 UKIUT tallimat kingulliit inuit millionit sinnerlugit Jehovamik Nalunaajaasun­ngorlutik imermut morsutsitaasimapput. Taakkua ilarpassui Timuutiusitut kristumiut siulliit nalaanni inuusutut ‘naalungiarsuunerminniilli’ Jehova pillugu ilinniar­tinneqarput. (Tim 2. 3:14, 15) Allat inersimasun­ngoreerlutik, allaallu ilaat utoqqaliar­tornerminni, Jehova pillugu ilinniarsimapput. Arnaq Biibilimik misissueqatigineqartartoq 97-inik ukioqarluni imermut morsutsitaavoq!

² Angajoqqaatit Nalunaajaasuuppata Nalunaajaasunil­luunniit ilinniar­tinneqaruit imermut morsutsitaanissat anguniagaraajuk? Tamanna anguniagassaavoq pitsaasoq. Imermulli morsutsitaan­nginninni Jehovamut tunniul­luinnaq­qaartariaqarputit. Allaaserisami matumani tunniul­luinnarneq nassuiar­neqassaaq. Aamma paasissavat Guutimut tunniul­luinnar­nissannut imermullu morsutsitaanissannut piareersimaguit sooq nangaasariaqan­ngitsutit.

TUNNIUL­LUINNARNEQ QANOQ PAASISARIAQARPA?

3. Jehovamut tunniul­luinnarsimasunik Biibilimi oqaluttuarineqartunik assersuuteqarit.

³ Biibili naapertorlugu Jehovamut tunniul­luinnartoq siunertamut illernartumut immikkoor­tinneqarpoq. Israalikkut inuiaapput Jehovamut tunniul­luinnarsimasut. Israalikkulli ilaat immikkut ittumik Jehovamut tunniul­luinnarsimapput. Assersuutigalugu Aaronni palasiunertut immikkut ittumik kiffartor­nissaminut ilisarnaateqarpoq. Aaronnip niaqorutaata saavani kuulti allannertalik palasiunertut ‘illernar­titaaneranut Jehovamullu pigititaaneranut’ ilisarnaataavoq. (Mos 2. 28:36; Mos 3. 8:9) Aamma nasiræerit Jehovamut immikkut ittumik tunniul­luinnarsimapput. Oqaaseq “nasiræeri” hebræerisut  oqaatsimit nazir-imit “immikkoor­titaasumik” aamma “tunniul­luinnarsimasumik” isumalimmit naggueqarpoq. Nasiræerit maleruagas­saannik Moorsisip inatsisaani immikkut ittunik inassuteqarpoq. – Mos 4. 6:2-8.

4. (a) Jehovamut tunniul­luinnarsimasut qanoq siunertamut illernartumut immikkoor­titaappat? (b) ‘Kissaatinik tunulliussineq’ qanoq paasisariaqarpa? (Aamma assiliaq takuuk).

⁴ Jehovamut tunniul­luinnartoq aalajangerpoq Jiisusimut Kristusimut ilinniar­titanngor­niarluni Guutillu piumasaatut iliornissani inuunermini pingaar­nerpaatin­niarlugu. Qanoq taamaaliorsin­naavugut? Jiisusi ima oqarpoq: ‘Uannik malinnik­kumasup kissaatini tunulliutissavai.’ (Mat 16:24) Tassani imminut naaggaarneq pineqarpoq. Tassa Jehovamut tunniul­luinnaruit taassuma piumasaanut naapertuutin­ngitsut suulluunniit itigartit­tariaqas­savatit. (Kor 2. 5:14, 15) Taakkununnga ilaapput “pileris­susipiluit”, soorlu ‘atoqatigiinnikkut eqqunngitsuliornermik’ kinguneqarsinnaasut. (Gal 5:19-21; Kor 1. 6:18) Killilersuutit taamaattut inuuninnik ajornakusoor­titsissappat? Jehova asagukku inatsisaasalu ilinnut iluaqutaajuaan­narnerat upperil­luinnarukku taamaan­navianngilaq. (Tuss 119:97; Es 48:17, 18) Qatanngut angut Nicholasimik atilik ima oqarpoq: “Jehovap najoqqutassiai parnaarus­sivimmi ungalutut kissaatigisattut iliortitsinaveersaartutut isigisin­naavatit, imaluunniit løvit inaannut ungalutut ulorianartunut illersuutaasutut isigisin­naavatit.”

5. (a) Qanoq Jehovamut tunniul­luinnar­toqartarpa? (b) Tunniul­luinnarneq imermullu morsutsitaaneq qanoq assigiin­ngissuteqarpat? (Aamma asseq takuuk).

⁵ Qanoq Jehovamut tunniul­luinnarsinnaavit? Jehova qinunikkut neriorsussavat taanna kisiat guutisiorfiginiarlugu taassumalu piumasaatut iliornissat inuuninni salliut­tuassallugu. Tassa Jehova neriorsussavat ‘uummatit  tamakkerlugu, tarnit tamakkerlugu, isumat tamakkerlugu nukitillu tamakkerlugit asajuas­sallugu’. (Mak 12:30) Allat tusaatinnagit Jehovamut tunniul­luinnassaatit. Imermulli morsutsitaaneq allat isigitillugit pisarpoq, morsutsitaanikkummi ersersissavat tunniul­luinnarsimallutit. Tunniul­luinnarneq neriorsuutaavoq pimoorussassaq. Eqqortin­nissaalu sulissutigiuassavat, Jehovallu aamma tamanna piumasaraa. – Oqal 5:3, 4.

SOOQ JEHOVAMUT TUNNIUL­LUINNAR­TOQARTARPA?

6. Jehovamut tunniul­luinnar­nissamut suna kajumis­sissutaasarpa?

⁶ Jehovamut tunniul­luinnar­nissannut pissutaanerpaaq tassaavoq taassuminnga asanninnerit. Asannin­nerillu misigis­sutsinnit tunngaveqaannarani ‘anersaakkut ilisimas­suseqangaarnermik eqqoqqis­saartumillu paasisimasaqarnermik’ tunngaveqarpoq. Tassa Jehova pillugu paasisatit pissutigalugit asanerulerpat. (Kol 1:9) Biibilimik misissueq­qissaarninni upperilerpatit (1) Jehovap piviusuunera, (2) Biibili isumassarsisitsinermigut allatsis­simagaa, aamma (3) piumasani naammas­siniarlugu peqatigiis­sortani atortarai.

7. Guutimut tunniul­luinnan­nginnitsinni susariaqarpugut?

⁷ Jehovamut tunniul­luinnartut Biibilimi ilinniar­titsissutigineqartut tunngaviusut ilisimassavaat najoqqutassiallu tassaniittut maleruar­tarlugit. Aamma sapinngisartik naapertorlugu ilikkakkatik pillugit oqaluus­sisarput. (Mat 28:19, 20) Jehova asangaalersimavaat qamanngalu pisumik taanna kisiat guutisiorfigerusullugu. Illit taamatut misigivit? Taamaappat Biibilimik ilinniar­titsisunnit angajoq­qaanniil­luunniit iluarineqar­niaannarlutit  ikinngutil­luunniit piinnarlugit tunniul­luinnarlutillu imermut morsutsitaanavian­ngilatit. Kisianni Jehova uummatit tamakkerlugu asagakku taamaaliorusupputit.

8. Qujamasunneq qanoq tunniul­luinnar­nissamut kajumis­sissutaasarpa? (Tussiaat 116:12-14)

⁸ Jehovap illit pillutit ajunngitsuliarpassui eqqarsaatigigukkit qujamasun­nerulissaatit taassumunngalu tunniul­luinnarusullutit. (Tussiaat 116:12-14 atuakkit). Biibilimi allassimavoq “tunissutit ajunngitsut naammal­luinnartullu tamarmik” Jehovameersuusut. (Jaak 1:17) Taakkualu annerpaartaraat ernerata Jiisusip pilliutaa. Tunissutip nuanningaarnera eqqarsaatigeriaruk. Utertitsissut pissutigalugu Jehovamut qanimut attaveqarsin­naavutit naassaan­ngitsumillu inuunermik periarfis­sinneqarlutit. (Joh 1. 4:9, 10, 19) Asannit­tuliornerit annerpaar­taannut Jehovallu ilinnut ajunngitsuliarpassuinut allanut qujamasunnerpit pissusis­samisuugin­nartumik kingunerissavaa Jehovamut tunniul­luinnarnissat. (Mos 5. 16:17; Kor 2. 5:15) Atuakkami Naassaan­ngitsumik pilluarsin­naavutit!-mi ilinniagassaq 46-mi immikkoortoq 4-mi aamma videortaani Guutimut tunissuteqarit-mi qujamasunneq taamaattoq sammineqarpoq.

TUNNIUL­LUINNAR­NISSAMUT IMERMULLU MORSUTSITAANISSAMUT PIAREEQQAVIT?

9. Sooq kinaluunniit tunniul­luinnar­nissamut tatineqartutut misigis­sanngila?

⁹ Immaqa misigivutit tunniul­luinnar­nissamut imermullu morsutsitaanissamut piareersimanak. Imaassinnaavoq Jehovap najoqqutassiai maleruarumallugit inuuninni suli allannguisariaqartutit imaluunniit uppernerpit ineriar­tortinnissaanut piffissaqar­nerusariaqartutit. (Kol 2:6, 7) Ilinniartut tamarmik assigiimmik anersaakkut siumukarneq ajorput. Aamma inuusut­tuaqqat meeqqallu tunniul­luinnar­nissamut imermullu morsutsitaanissamut piareeraangamik ukioqatigiinneq ajorput. Illit nammineq anersaakkut siumukarnerit iliuuserisin­naasatillu allanut naleqqiunnagit nalilertakkit. – Gal 6:4, 5.

10. Isummeruit tunniul­luinnar­nissamut imermullu morsutsitaanissamut suli piareersimanak qanoq iliorsinnaavit? (Aamma ungalusaq “ Nalunaajaasunik angajoq­qaalinnut” takuuk).

¹⁰ Paasigukku Jehovamut tunniul­luinnar­nissannut suli piareersimanak tamanna anguniagariuaruk. Pisariaqartunik allannguinissannut Jehovamut ikioqqusarit. (Flp 2:13; 3:16) Qularis­sanngilat qinnutitit tusarnaarumaarai ikiussal­lutillu. – Joh 1. 5:14.

SOOQ ILAAT NANGAASARTUT

11. Aalajaat­tuarnis­satsinnut Jehovap qanoq ikiortarpaatigut?

¹¹ Tunniul­luinnar­nissaminnut imermullu morsutsitaanis­saminnut piareersimagaluarlutik ilaat tunuarsimaartarput. Immaqa imermut morsutsitaareernerup kingorna ingasattumik ajortulior­nissartik ilaajun­naarsitaanis­sartillu ernumas­sutigaat. Illit taama ernumas­suteqaruit qulariun­naarniar­tariaqarpat Jehovap ikiorumaaraatit taassuma ‘kiffaanut naleqquttumik iluaril­luinnagaanillu inuunias­sagavit’. (Kol 1:10) Eqqortulior­nissannut pissatsik­kumaarpaatit. Allarpassuit taama ikiorsimammagit qularis­sanngilat aamma illit ikiorsin­naagaatit. (Kor 1. 10:13) Jehova ikiuisarmat ilaajun­naarsitaasartut amerlan­ngillat. Jehovammi innuttani aalajaat­tuarsin­naaqqullugit ikiortuarpai.

12. Qanoq ingasattumik ajortulior­naveersaarsin­naavugut?

¹² Inuk naammal­luinnan­ngitsoq kinaluunniit eqqunngitsulior­nissamut ussernar­torsiortarpoq. (Jaak 1:14) Ussernar­torsior­nermili qanoq qisuarias­sanerlutit aalajangersinnaavat. Tassa illit aalajangersinnaavat qanoq  inooriaaseqar­niarlutit. Pileris­susipiluit aqussin­naavatit, naak inuit ilaat akerliusumik oqartaraluartut. Tassa ussernar­torsioraluarlutit aalajangersin­naavutit eqqunngitsulior­niarnak. Aamma iliuusissat uku ajortulior­naveersaar­nissannut iluaqutigis­savatit: Ullut tamaasa qinusarit. Nammineerlutit Biibilimik misissueq­qissaartarit. Ataatsimiigiartarit. Uppernerit pillugu allanut oqaluus­sisarit. Taamaaliortaruit tunniul­luinnar­nissamik neriorsuutivit eqqortin­nissaanut nakussatsin­neqassaatit. Aamma eqqaamajuaruk Jehovap ikiorumaaraatit. – Gal 5:16.

13. Juuserfi qanoq maligas­siuilluarpa?

¹³ Ussernar­torsiun­nginninni aalajangereersimaguit qanoq iliussanerlutit Jehovamut aalajaat­tuarnissat ajornan­nginnerutissavat. Biibilimi inuit naammal­luinnan­ngitsut taamaalior­tarsimasut allaatigineqarput. Assersuutigalugu Juuserfi Potifarip nulianit qaninniarujoorfigineqartarpoq, aalajangiutereersimavaali qanoq qisuarias­sanerluni. Biibilimi allassimavoq ‘akueriuman­ngikkaa’ imalu oqartoq: “Qanoq taama kanngunar­tigisumik iliussaanga Guutimut ajortuliorlunga?” (Mos 1. 39:8-10) Ersarippoq Juuserfip ussernar­torsiun­nginnermini aalajangereersimagaa qanoq iliussanerluni. Taamaattumik ussernar­torsior­tinneqarami eqqortulior­nissani ajornan­nginnerutippaa.

14. Ussernartut itigartin­nissaat qanoq ilinniarsin­naaviuk?

¹⁴ Qanoq Juuserfi ilaarlugu ussernartut itigartis­sinnaavigit? Ussernar­torsius­sagaluaruit qanoq iliussanerlutit maannangaaq aalajangereersinnaavat. Jehovap uumigisaasa ingerlaannaq itigartin­nissaat allaallu eqqarsaatigin­nginnissaat ilinniaruk. (Tuss 97:10; 119:165) Taamaalioruit ussernar­torsiornermi qanoq iliussanerlutit nalornis­sutiginavianngilat. Aalajangereersimagakkumi Jehovamut aalajaak­kusullutit.

15. Inuup qanoq ersersis­sinnaavaa Jehova ‘qamannga pisumik ujarlugu’? (Hebræerit 11:6)

¹⁵ Imaassinnaavoq nalunngikkit ilumoortoq nassaarisimallugu Jehovamullu uummatit tamakkerlugu kiffartorusullutit, tunniul­luinnar­nissannulli imermullu morsutsitaanissannut suli piareersimanak misigalutit. Taava sussavit? Kunngip Daavip iliorneratut Jehova ima qinnuigisinnaavat: “Misissuif­figinnga, Guuti, ilisimajullu uummatiga, misilinnga, eqqarsaatikka ilisimaniakkit. Alapernaasinnga guutipiluit aqqutaannik [ajoqutigisin­naasannik]  atuaanersunga, ingerlatinngalu aqqutikkut naassaan­ngitsukkut!” (Tuss 139:23, 24) Jehovap ‘qamannga pisumik ujarlersini’ pilluaq­qusarpai. Tunniul­luinnarnissat imermullu morsutsitaanissat sulissutigigakkit ersersippat Jehova ujarlugu. – Hebræerit 11:6 atuaruk.

JEHOVA QANILLIAR­TORTUARUK

16-17. Nalunaajaasunik angajoq­qaallit Jehovap imminut qanoq qanillisittarpai? (Johannesi 6:44)

¹⁶ Jiisusi oqarpoq ilinniartitani Jehovap qanillisittarai. (Johannesi 6:44 atuaruk). Tupinnangaarami, ilaa? Tamanna ilinnut qanoq attuumas­suteqarnersoq eqqarsaatigiuk. Kialuunniit qanillisitami ajunngitsortai Jehovap maluginiartarpai. Erligalugu ‘qinertarpaa pigisariumallugu’. (Mos 5. 7:6) Aamma illit taama misigis­suseqarfigaatit.

¹⁷ Imaassin­naavorli inuusut­tuaraagavit Nalunaajaasunik angajoqqaalik misigisutit nassataritiin­narlutit. Biibilimili ima allassimavoq: “Guuti qanillisiuk, taava ilissinnut qanillissaaq.” (Jaak 4:8; Nal 1. 28:9) Tassa Jehova qanilliniarlugu illit siulliullutit iliuuseqaruit taanna ilinnut qanillissaaq. Jehovap eqimattanut ilaasutut isigiinnarnak illit maluginiarpaatit. Inuit kikkulluunniit – aamma Nalunaajaasunik angajoq­qaallit – ataasiakkaat qanillisittarpai. Jaaku 4:8-mi allassimasutut inuk kinaluunniit Jehova qanilliniarlugu iliuuseqaraangat Jehova taassumunnga qanillisarpoq. – Aamma takuuk Tessaluunikamiunut 2. 2:13.

18. Allaaserisami tulliuttumi suna sammissavarput? (Tussiaat 40:9)

¹⁸ Jehovamut tunniul­luinnaruit imermullu morsutsitaaguit Jiisusi ilaassavat. Ataatami piumasaa naapertorlugu sunaluunniit kajumilluni iliuuseriumavaa. (Tussiaat 40:9 atuaruk; Hebr 10:7) Allaaserisami tulliuttumi morsutsitaareernerup kingorna qanoq Jehovamut aalajaallutit kiffartor­tuarsin­naanersutit sammineqassaaq.