1. Guutip in­nut­taasa Babylonersuarmit aniguinis­saat qanoq nalun­ngilar­put, apeq­qutil­lu suut akis­sutis­sarsis­savavut?

AL­LAASERISAMI kingul­lermi kristumiut aalajaatsut Babylonersuarmit tigusaanerat, qujanar­tumil­li kingusin­nerusuk­kut aniguisus­saanerat, paasivar­put. Taman­na nalun­ngilar­put Biibilimi Guutip in­nut­tani up­perisarsior­nerup eq­qun­ngitsup naalagaaf­fis­suanit ‘aneq­qum­magit’. (Saq­qum­mersitat 18:4 atuaruk). Tamatuman­nga kristumiut Babylonersuarmit aniguisitaajumaar­nerat up­per­narsar­neqar­poq. Qanga aniguisitaasut paaserusungaar­par­put! Apeq­qutil­li uku akis­sutis­sarseq­qaar­tariaqar­pavut: Al­laat 1914 sioq­qul­lugu Biibilimik Atuaq­qis­saar­tar­tut Babylonersuarmut tun­ngatil­lugu suna aalajangiusimavaat? Sorsun­nersuup siul­liup nalaani qatan­ngutit oqaluus­sinermin­ni qanoq aal­lus­sil­luar­tigip­pat? Guutip in­nut­tai minguiar­neqar­tariaqaramik Babylonimiunit tigusaap­pat?

2. Sorsun­nersuaq siul­leq sioq­qul­lugu Biibilimik Atuaq­qis­saar­tar­tut suna aalajangiusimavaat?

² Sorsun­nersuaq siul­leq (1914-1918) ukior­pas­suar­nik  sioq­qul­lugu kristumiuunerar­tut sal­lusuis­sut Biibilimeersoq ilin­niar­titsis­sutigin­ngik­kaat Charles Taze Rus­sel­lip Biibilimil­lu Atuaq­qis­saar­tar­tut al­lat paasigamik­ku up­perisarsior­nermit eq­qun­ngitsumit avis­saar­niarlutik aalajanger­put. Al­laat 1879-imi Zion’s Watch Tower-imi al­las­simavoq oqaluf­fiit Kristusimut nulias­satut ilumoor­tuunerar­tut naalak­kersuisunil­li tapersersuisut tamarmik Babylonersuarmut, Biibilimi ar­narsuar­tut ator­tit­tar­tutut taaneqar­tumut, ilaasut. – Saq­qum­mersitat 17:1, 2 atuak­kit.

3. Biibilimik Atuaq­qis­saar­tar­tut up­perisarsior­nermut eq­qun­ngitsumut ilaan­ngin­ner­tik qanoq ersersip­paat? (Al­laaserisap aal­laq­qaataani as­seq takuuk).

³ Angutit ar­nal­lu aalajaatsut up­perisarsior­nermik eq­qun­ngitsumik tapersersuigunik Guutimit pil­luaq­quneqar­navian­ngin­ner­tik nalun­ngilaat. Taamaat­tumik ilaasor­taajun­naar­ner­tik pil­lugu oqaluf­fin­nut al­lat­tar­put. Ilaasa al­laat al­latatik oqaluf­fim­mi najuut­tut tusaatil­lugit atuar­tar­paat. Taamaaliorsin­naan­ngik­kaangamik oqaluf­fiup ilaasor­taanut tamanut al­lat­tar­put. Biibilimik Atuaq­qis­saar­tar­tut up­perisarsior­nermut eq­qun­ngitsumut ilaarusun­natik ersaris­sumik nalunaarutigaat! Ukiualuit sioq­qul­lugit taamaaliorsimasuugunik im­maqa toqumik pil­lar­neqarsimas­sagaluar­put. 1870-imili nunar­pas­suar­ni oqaluf­fiit naalak­kersuisunit tapersersor­neqar­pal­laarun­naariar­tor­put. Maan­na inuit iser­tuaratik Biibili oqaloqatigiis­sutigisin­naal­lugulu al­laat tamanut saq­qumisumik oqaluf­fik isumaqatiginagu oqarsin­naap­put.

4. Sorsun­nersuup siul­liup nalaani Biibilimik Atuaq­qis­saar­tar­tut Babylonersuaq qanoq isigin­nit­taaseqarfigaat? Nas­suiaruk.

⁴ Biibilimik Atuaq­qis­saar­tar­tut up­perisarsior­nermik eq­qun­ngitsumik tapersersuiun­naar­nermik ilaqut­tamin­nut, ikin­ngutigil­luak­kamin­nut oqaluf­fim­mul­lu ilaasor­tanut oqaatiginis­saa naam­man­ngitsoq nalun­ngilaat. Babylonersuup up­perisarsior­nik­kut ator­tit­tar­tuunera nunarsuaq tamak­kerlugu ilisimaneqalis­sasoq kis­saatigaat! Taamaat­tumik 1917-imi decembarimiit 1918-p aal­lar­tin­neranut Biibilimik Atuaq­qis­saar­tar­tut tuusintialuit naqitaaraq “Babylonip up­pikaanera”-mik qulequtalim­mik al­laaserisalik 10 mil­lionin­ngorlugu aal­lus­sil­luarlutik agguaap­paat. Kristumiuunerar­tut pil­lugit ilumoor­toq naqitaaq­qami qulaar­neqar­poq. Takorloorsin­naasat­tut oqaluf­fiup siut­tui kamangaaler­put! Biibilimil­li Atuaq­qis­saar­tar­tut qunuler­natik oqaluus­siuar­nis­sar­tik ‘Guutil­lu inun­nit naalat­tariaqar­nerunera’ aalajangiusimavaat. (ApS 5:29) Taman­na sumik ersersitsiva? Ersersin­neqar­poq sorsun­nersuup siul­liup nalaani kristumiut angutit ar­nal­lu taak­ku up­perisarsior­nermit eq­qun­ngitsumit tigusatut aal­larus­saanatik avis­saariar­tulerlutil­lu al­lat tas­san­nga avis­saaq­qul­lugit ikioraat.

5. Sooq oqarsin­naavugut qatan­ngutit sorsun­nersuup siul­liup nalaani aal­lus­sil­luar­tuusut?

⁵ Oqar­tar­nikuuvugut sorsun­nersuup siul­liup nalaani aal­lus­sil­luarlutik oqaluus­sin­ngin­nerat pis­sutigalugu Guutip in­nut­tani iluarin­ngik­kai. Taamaat­tumik  isumaqar­tar­nikuuvugut pif­fis­sami sivikitsumi Babylonersuarmit tigusaanerat Jehovap akuerisimagaa. Kingusin­nerusuk­kul­li qatan­ngutit angutit ar­nal­lu aalajaatsut 1914-ip 1918-il­lu nalaan­ni Guutimut kif­far­tor­tut nas­suiaap­put eqimat­tatut sapin­ngisamin­nik oqaluus­siuarsimal­lutik. Tamatuma nalaani Biibilimik Atuaq­qis­saar­tar­tut iliuusaan­nik paasin­nil­luar­neq Biibilimi pisunik aalajangersimasunik paasin­nin­nis­samut iluaqutigaar­put.

6, 7. (a) Sorsun­nersuup siul­liup nalaani Biibilimik Atuaq­qis­saar­tar­tut sunik unam­miniagaqar­pat? (b) Biibilimik Atuaq­qis­saar­tar­tut aal­lus­sil­luar­neran­nut suut takus­sutis­saap­pat?

⁶ Sorsun­nersuup siul­liup nalaani Biibilimik Atuaq­qis­saar­tar­tut oqaluus­sil­lutik ulapip­put. Arlalin­nil­li unam­miniagas­saqar­put, taak­kualu ilaat marluk eq­qar­tulaas­savavut. Siul­ler­tut, Biibilimik Atuaq­qis­saar­tar­tut sal­lusuis­sum­mik nas­suiaanermin­ni Biibili pingaar­ner­tut ator­nagu atuak­kat agguaatatik ator­nerusar­paat. Taamaat­tumik 1918-ip aal­lar­tin­nerani atuagaq Den fuldbyrdede Hem­melighed naalak­kersuisunit iner­teq­qutigineqalermat qatan­nguter­pas­suit oqaluus­sinis­sar­tik saper­nar­tiler­paat. Aap­paat­tut, ukioq taan­na nap­paat nual­lus­suaq atugaaler­poq. Nap­paat perulun­nar­toq tuniluut­torlu pis­sutigalugu qatan­ngutit angalanis­sar­tik oqaluus­sinis­sar­til­lu ajor­nar­tiler­paat. Biibilimil­li Atuaq­qis­saar­tar­tut tamak­kunin­nga unam­miniagaqaraluarlutik sapin­ngisamin­nik oqaluus­siniar­tuar­put.

⁷ 1914-imi Biibilimik Atuaq­qis­saar­tar­tut ilaasa amerlan­ngitsut “Skabelsens Fotodrama” saq­qum­mersip­paat. Isigin­naagas­siaq taan­na seqersit­tak­kanik as­sitalik aalasunil­lu as­siliar­talik nipitalil­lu taamanik­kut nutaaliaavoq. Tas­sani Adamip pin­ngor­titaaneraniit Kristusip ukiuni 1.000-ni naalak­kersuinerata tungaanut inuiaat oqalut­tuarisaanerat  isigin­naagas­siarineqar­poq. 1914-imi, ukiumi saq­qum­merfiani, inun­nit 9 mil­lioninit amerlanerusunit isigin­naar­neqar­poq. Ul­lumik­kut nunarsuaq tamak­kerlugu Jehovap Nalunaajaasuinit amerlanerusunit isigin­naar­neqarsimanera eq­qarsaatigalugu tupin­naan­nar­poq! Nalunaarsuutinit al­lanit ersersin­neqar­poq USA-mi 1916-imi katil­lugit 809.000-nit amerlanerusut 1918-imilu katil­lugit 950.000-ngajaat tamanut am­masumik ataatsimiin­ner­ni najuus­simasut. Biibilimik Atuaq­qis­saar­tar­tut aal­lus­sil­luar­put!

8. Sorsun­nersuup siul­liup nalaani qatan­ngutit siulersuisut Biibilimik Atuaq­qis­saar­tar­tunik qanoq anersaak­kut nakus­satsitsip­pat?

⁸ Sorsun­nersuup siul­liup nalaani Biibilimik Atuaq­qis­saar­tar­tut qatan­ngutinit siulersuisunit, ilungersorlutik sulisunit, Biibililersaarutinik pilersor­neqar­tar­ner­tik qiim­mas­sar­neqar­tar­ner­til­lu oqaluus­siuar­nis­samut nakus­satsis­sutigaat. Richard H. Barber, taamani aal­lus­sil­luarluni oqaluus­sisar­toq, ima oqalut­tuar­poq: “Nak­kutil­liisut angalasar­tut amerlan­ngitsut aal­lar­tit­tar­nis­saat aam­ma Napasuliaq Alaper­naarsuif­fik-up saq­qum­mersit­tuar­nis­saa Canadamul­lu, nunamut atuagas­siamik iner­teq­quteqar­titsisumut, nas­siut­tar­nis­saa iluatsip­par­put.” Ima nangip­poq: “Den fuldbyrdede Hem­melighed-ip kaasarfim­miuusin­naasup ikin­ngutinut atuak­kamik arsaagaasimasunut nas­sius­suut­tar­nis­saa im­mik­kut pisin­naatitaaf­figaara. Sapin­ngisamik qatan­ngutit amerlaner­paat qiim­mas­sar­niarlugit qatan­ngutip Rutherfordip piumasaraa USA-p kip­pasis­suani il­loqarfin­ni arlalin­ni ataatsimeersuar­toqar­nis­saa oqalugiar­tus­sanil­lu aal­lar­titsisoqar­nis­saa isumagis­sagip­put.”

9. (a) Sooq Guutip in­nut­tai 1914-ip 1919-il­lu nalaan­ni minguiar­neqar­tariaqar­pat? (b) Minguiar­neqar­tariaqar­nerat pil­lugu qanoq isum­mer­neq kuk­kunerus­sava?

⁹ Biibilimik Atuaq­qis­saar­tar­tut Jehovap naalak­kersuisunut naalatsigitin­nis­saq pil­lugu oqaasii paasil­luan­ngin­namik­kit minguiar­neqar­tariaqar­put. (Rom 13:1) Eqimat­tatut isigalugit sorsun­nermut ilaan­nik­kut akuusar­put. As­sersuutigalugu USA-mi præsidentip in­nut­tani peq­qum­magit 1918-imi maajip 30-an­ni eq­qis­seqatigiit­toqar­nis­saa pil­lugu qinus­sasut Napasuliaq Alaper­naarsuif­fik-mi Biibilimik Atuaq­qis­saar­tar­tut taamaalior­nis­samut kajumis­saar­neqar­put. Qatan­ngutit ilaat aningaasanik sorsun­nermut tapersiip­put al­laal­lu amerlan­ngitsut sak­kutuun­ngoriarlutik sorsugiarlutik. Sorsun­nersuul­li siul­liup nalaani up­perisarsior­nerup eq­qun­ngitsup naalagaaf­fis­suanit avis­saariar­tulereersimagamik minguiar­neqar­tariaqar­ner­tik pis­sutigalugu Babylonersuarmit tigusaasariaqar­tutut isigigutsigit kuk­kunerus­saaq. – Lukasi 12:47, 48 atuak­kit.

10. Biibilimik Atuaq­qis­saar­tar­tut inuunermik ataq­qin­nin­ner­tik qanoq ersersip­paat?

¹⁰ Biibilimik Atuaq­qis­saar­tar­tut kristumiut sorsun­ner­nut akuliut­tan­ngin­nis­saat paasil­luan­ngik­kaluarlugu toqutsinerup ajor­tulior­nerunera nalun­ngilaat. Taamaat­tumik qatan­ngutit amerlan­ngitsut sorsun­nersuup siul­liup nalaani sak­kutuun­ngoraluarlutik sak­kulisaraluarlutil­lu  toqutsiuman­ngil­lat. Toqutsiuman­ngitsut ilaat toqutaanias­sam­mata sak­kutuuni saarler­paanut inis­sin­neqar­put.

11. Biibilimik Atuaq­qis­saar­tar­tut sorsugiaruman­ngim­mata naalak­kersuisut sup­pat?

¹¹ Qatan­ngutit Guutimut ilumoorfigin­nin­nerat Diaavulup kamaatigingaar­paa. Taamaat­tumik “inatsisit tun­ngavigisuusaarlugit” ajunaar­titsiniar­tar­poq. (Tus­s 94:20, Testamentitoqaq 1990-imi naqitigaq) USA-mi sak­kutuut generaliat James Franklin Bel­lip qatan­ngutit Rutherford aam­ma Van Amburgh oqarfigai sorsugiaruman­ngitsut tamarmik toqumik pil­lar­neqar­tar­nis­saan­nik inatsit naalak­kersuisunit atuutilersin­niar­neqaraluar­toq. Taamatut oqarami Biibilimik Atuaq­qis­saar­tar­tut pineruai. Sak­kutuut generaliata kamal­luni qatan­ngut Rutherford oqarfigaa USA-mi præsidentip itigar­titsineratiguin­naq inatsit atuutilersin­neqan­ngitsoq. Taava ima nangip­poq: “Kisian­ni nalun­ngilar­put qanoq pil­larsin­naal­lusi, aam­ma pil­lar­neqarumaar­pusi!”

12, 13. (a) Sooq qatan­ngutit arfineq-pingasut sivisuumik par­naarus­sas­san­ngor­tin­neqar­pat? (b) Qatan­ngutit par­naarus­saaner­tik pis­sutigalugu Jehovamut naalak­kumajun­naar­pat? Nas­suiaruk.

¹² Naggataatigut naalak­kersuisut Biibilimik Atuaq­qis­saar­tar­tunik pil­laanis­samut tun­ngavis­sarsip­put. Qatan­ngutit Rutherford aam­ma Van Amburgh qatan­ngutit arfinil­lit al­lat Watch Tower Society-mut sin­niisoqatitik ilagalugit par­naarus­saap­put. Suliami eq­qar­tuus­sisoq oqar­poq qatan­ngutit taak­ku tyskit sak­kutuuinit ulorianar­nerusut. Oqar­poq naalak­kersuisunik, sak­kutuunik oqaluf­fin­nil­lu akerlilersuisimaner­tik pis­sutigalugu sak­kor­tuumik pil­lar­neqas­sasut. ^[1] Taamaat­tumik Biibilimik Atuaq­qis­saar­tar­tut arfineq-pingasut taak­ku Atlantami Georgiamiit­tumi sivisuumik par­naarus­sas­san­ngor­tin­neqar­put. Sorsun­nersuaqarun­naarmal­li iperagaap­put un­nerluus­saajun­naarlutil­lu.

 ¹³ Angutit arfineq-pingasut taak­ku al­laat par­naarus­saaq­qanermin­ni Guutip inatsisaanut naalan­nis­saq aalajangiusimavaat. Taman­na qanoq nalun­ngilar­put? Iperagaajumal­lutik USA-mi præsidentimut al­lak­kamik. Al­lak­kamin­ni eq­qaavaat toqutsin­ngin­nis­samik Biibilimi al­las­simasoqarmat kinaluun­niit Guutimut tun­niul­luin­narsimasoq piaaraluni naalan­ngitsoq iluarisaajun­naarlunilu suujun­naarsitaas­sasoq. Taman­nalu pis­sutigalugu inum­mik toqutsiuman­ngin­ner­tik nas­suiar­paat. Præsidentimut taamatut al­lak­kamik sapiis­suseqangaar­put! Qatan­ngutit Jehovamut naalat­tuar­nis­samin­nik aalajangiusiman­nin­nerat ersarip­poq.

14. Biibili atorlugu 1914-imiit 1919-imut pisut oqalut­tuarik­kit.

¹⁴ Biibilimi Atuaq­qis­saar­tar­tut 1914-imiit 1919-imut atugaat Malaki 3:1-3 nas­suiar­neqar­poq. (Atuak­kit). Jehovap Guutip, ‘Naalak­kap’, aam­ma Jiisusip Kristusip, ‘in­ngilip angerfigeqatigiis­sitsisus­sap’, “Levik­kut”, tanitanut as­sersuutaasut, misis­soriar­tor­paat. “Levik­kut” Jehovamit eq­qiar­neqarlutil­lu minguiar­neqareeramik nutaamik sulias­sin­neqar­nis­samin­nut piareer­put. 1919-imi Jiisusip inus­siaq aalajaal­lunilu silatooq Guutip kif­faanik siulersuisus­satut ilitsersuisus­satul­lu toq­qar­paa. (Mat­t 24:45) Guutip in­nut­tai kiisami Babylonersuarmit aniguisitaap­put. Taamanimiil­li Guutip piumasaa pil­lugu paasisaqar­nerugamik taas­sumun­nga asan­nin­nerat an­ner­tusiar­tuin­nar­poq. Taas­suman­nga pil­luaq­quneqar­ner­tik qujamasuutigingaar­paat! ^[2]

15. Babylonersuarmit aniguisitaasimanitsin­nik qujamasuutigin­nin­ner­put qanoq ersersis­sin­naavar­put?

¹⁵ Babylonersuarmit aniguisitaaner­put qujamasuutigingaar­par­put. Saatani pal­lorfigin­nin­nermik ilumoor­tumik suujun­naarsitsiniar­nermini iluatsitsisiman­ngilaq. Aniguisin­neqar­nitsin­nul­li pis­sutaasoq, tas­sa Jehovap inuit tamarmik an­naan­neqar­nis­saan­nik piumasaa, eq­qaamasariaqar­par­put. (2 Kor 6:1) Inuil­li eq­qor­tuliorusut­tut mil­lionil­lit up­perisarsior­nermit eq­qun­ngitsumit suli aqun­neqar­tut uagutsin­nit ikior­neqar­nis­sar­tik pisariaqar­tip­paat. Inuit aniguisitaanias­sam­mata sapin­ngisatsin­nik iliuuseqar­nik­kut qatan­ngutivut aalajaatsut ilaar­tigit!