1, 2. (a) Guutip kif­fai sumik neriuuteqar­pat? (b) Ajugaasup pisas­saata eq­qaamajuar­nis­saanut suna iluaqutigis­savar­put? (Al­laaserisap aal­laq­qaataani as­siliaq takuuk).

KRISTUMIUT tanitat erlin­nangaar­tumik neriuuteqar­put. Qilaliar­nis­sar­tik qilanaaraat. Apustilip Paulusip neriuut taman­na ima taavaa: ‘Ajugaasup nersor­naatisias­saa, Guutip pavan­nga uatsin­nut qaaq­qusis­sutaa.’ (Fil 3:14) Qilam­mi Jiisusi Kristusi taas­suma naalagaaf­fiani naalak­kersueqatigis­savaat inuil­lu naam­mal­luin­nar­tun­ngor­tin­nis­saan­ni suleqatigalugu. (Saqq 20:6) Neriuutip nuan­nis­susia! Savat al­lat al­latut it­tumik neriuuteqar­put. Nunarsuarmi paratiisiusumi naas­saan­ngitsumik inuunis­samik neriuuter­tik pil­luangaas­sutigaat. – 2 Petr 3:13.

² Paulusip kis­saatigaa kristumioqatini tanitat aalajaatsuus­sasut ajugaasul­lu pisas­saanik pis­sasut. Ima al­laf­figai: “Eq­qarsaatigisigit qilam­miit­tut.” (Kol 3:2) Qilaliar­nis­samik neriuuter­tik erlin­nangaar­toq pingaar­nerutit­tariaqar­paat. (Kol 1:4, 5) Guutip kif­faasa tamarmik, qilaliar­nis­samik  nunamiluun­niit inuunis­samik neriugisaqar­tut, Jehovamit pil­luaq­qus­sutisiamin­nik eq­qarsaatigin­nin­neq ajugaasup pisas­saanik eq­qaaman­nit­tuar­nis­samin­nut iluaqutigaat. – 1 Kor 9:24.

3. Paulusip kristumiut qanoq mianersoq­quai?

³ Paulusip kristumiut ajugaasup pisas­saanik arsaarin­nis­sin­naasumut mianersoq­quai. As­sersuutigalugu Kolos­semiunut al­lap­poq kristumiuunerar­tuusaar­tut Kristusimik up­perin­nin­natik Mosesip inatsisaanik maleruaanermik­kut Guutimit iluarisaaniar­tut. (Kol 2:16-18) Aam­ma navianar­tut ajugaasup pisas­saanik pin­ngitsoor­titsisin­naasut uagutsin­nut­taaq navianar­tuusut eq­qar­tor­pai. Nas­suiar­paa kinguaas­siuutitigut pileris­susipiluit qanoq akiorsin­naagivut aam­ma ilagiin­ni ilaqutariin­niluun­niit ajor­nar­torsiuteqaraangat­ta qanoq iliorsin­naasugut. Paulusip siun­nersuutaa naleqangaar­toq ul­lumik­kut iluaqutigisin­naavar­put. Taamaat­tumik asan­nil­luni mianersoq­qus­sutai Kolos­semiunut al­lak­kani al­las­simasut misis­soriar­tigit.

4. Sooq kinguaas­siuutitigut pileris­susipiluit neriuutaarutsis­sin­naavaatigut?

⁴ Neriuut tupin­nar­toq pil­lugu qatan­ngutini eq­qaasereerlugit Paulusi ima al­lap­poq: “Taamaat­tumik toqutis­sigit nunamut atasut ilis­sin­niit­tut: Kinguaas­siuutitigut inuunerlun­neq, mingut­tuuneq, pileritsaas­sineq kajungerisapiluil­lu aam­ma piumatuuneq.” (Kol 3:5) Kinguaas­siuutitigut pileris­susipiluit sak­kor­toorujus­suusin­naap­put Jehovamul­lu at­taveqar­nitsin­nut ajoqutaasin­naal­lutik neriuutaarutsitsisin­naal­lutil­lu. Qatan­ngut angut kinguaas­siuutitigut pileris­susipilun­nut nak­kaan­narsimasoq kingusin­nerusuk­kul­lu ilagiin­nut utersimasoq oqar­poq pileris­susipiluit tamak­ku sak­kor­tungaarmata “kingusinaareerluni aatsaat silat­tuaqilerluni”.

5. Navianar­tuusin­naasunut im­minut qanoq il­lersorsin­naavugut?

⁵ Jehovap ileq­qoris­saar­neq pil­lugu najoq­qutas­siaanut naalan­ngin­nis­samut us­ser­nar­torsiorfigisin­naasavut mianersorfigisariaqar­pavut. As­sersuutigalugu aap­pas­siariit silatusaas­sap­put aap­pas­siariiliin­narlutik kil­liliigunik, soorlu at­tuualaarinermut, kunin­nermut kisimeeqatigiin­nis­samul­lu tun­ngasutigut. (Uss 22:3) Aam­ma navianar­torsiorsin­naavugut sulif­fim­mut tun­ngatil­lugu angalagut­ta imaluun­niit angutaagut­ta ar­namik ar­naagut­talu angum­mik suleqateqarut­ta. (Uss 2:10-12, 16) Im­minut il­lersor­niarlutit susin­naavit? Jehovamik Nalunaajaasuusutit paasitiguk. Eq­qor­tumik pis­suseqarit puiun­ngisaan­narul­lu qanin­niarujoor­neq kingunerlus­sin­naasoq. Aam­ma aliasuk­kaangat­ta kiserlioraangat­taluun­niit mianersor­tariaqar­pugut. Im­maqa kis­saatigaar­put arlaata arlaatigut pisariaqar­tik­kaatigut. Ima ilungersor­tigisin­naavugut al­laat sam­mineqar­neq qanorluun­niit it­toq akueralugu. Taman­na navianar­poq. Taamatut misigis­sagaluaruit ajugaasup pisas­saanik arsaar­titsisin­naasumik iliuuseqaqinak. Ikioq­qul­lutit Jehova up­peqatitil­lu saaf­figik­kit. – Tussiaat 34:19; Ussatit 13:20 atuakkit.

6. Aliik­kutas­sanik toq­qaanermi suna eq­qumaf­figis­savar­put?

⁶ Kinguaas­siuutitigut pileris­susipiluit toqutis­sagutsigit aliik­kutaqas­san­ngilagut inuunerlun­ner­talin­nik. Ul­lumik­kut  aliik­kutarineqarsin­naasor­pas­suit Sodomami Gomorramilu pisimasunut eq­qaanar­put. (Jud 7) Aliik­kutalior­tar­tut kinguaas­siuutitigut as­suar­nar­tulior­nerit nalingin­naasutut ajoqutaan­ngitsutul­lu isik­koqar­tin­niar­tar­paat. Tamak­ku kristumiunut naleq­qutin­ngim­mata mianersor­tuar­tariaqar­pugut. Ajugaasup pisas­saanik eq­qaamajun­naarsitsisin­naasunik aliik­kutaqalin­ngin­nis­saq eq­qumaf­figisariaqar­par­put. – Uss 4:23.

7. Ilagiit kristumiut suna ajor­nar­torsiutigilersin­naavaat?

⁷ Ilagiin­nut kristumiunut ilaaner­put nuan­naarutigaar­put. Ataatsimiin­ner­ni Guutip oqaasia atuaq­qis­saar­tar­par­put asan­nit­tumil­lu tapersersueqatigiit­tarluta. Taman­na ajugaasup pisas­saanik pingaar­titsiuar­nis­satsin­nut iluaqutigaar­put. Ilaan­nik­kul­li paatsuuineq qatan­ngutinut ajor­nar­torsior­titsilersin­naavoq. Ajor­nar­torsiutit aaq­qin­ngik­kutsigit put­tarsisalersin­naavugut. – 1 Petrusi 3:8, 9 atuakkit.

8, 9. (a) Pis­suserineqar­tus­sat sorliit ajugaasup pisas­saanik pinis­samut iluaqutigis­savavut? (b) Kristumioqatit­ta ajual­latsip­patigut eq­qis­seqatigiit­tuar­nis­samut suna iluaqutigis­savar­put?

⁸ Put­tarsisaqar­neq neriuutaarus­sutigileq­qunagu iliuuseqar­tariaqar­pugut. Taman­na Paulusip kristumiunut ima nas­suiar­paa: “Guutip qinigaasut il­ler­nar­tutut asanar­tutul­lu atiniarsigit nal­lit­tuingaar­neq, ajun­ngis­suseq, nikanar­tin­neq, qanilaar­neq naam­magit­tas­suserlu. Kamageqatigiigitsi isumak­keerfigeqatigiit­tarlusilu arlas­sin­nut as­suarliutis­saqaraangas­si. Soorlu Naalak­kap isumak­keerfigigaasi taamatut­taaq ilis­si ilius­saasi. Tamak­kuali tamarmik qaavatigut atiniarsiuk asan­nin­neq, tas­saam­mat naam­mal­luin­nas­sutsip qilerutaa.” – Kol 3:12-14.

⁹ Asan­nik­kut­ta ajun­ngisaarut­talu al­lanik isumak­keerfigin­neriaan­naanerus­saagut. Arlaata oqaasii iliuusiiluun­niit ajual­las­sutigisimagutsigit uagut al­lanut inus­siar­niitsumik oqaaseqarsimal­luta iliuuseqarsimal­lutaluun­niit isumak­keerfigitis­simaner­put eq­qarsaatigisin­naavar­put. Taak­kua asan­nin­nerat ajun­ngisaar­neral­lu qujamasuutigingaar­pavut! (Oqaluussisartup oqaasii 7:21, 22 atuakkit). Kristusip ajun­ngisaarluni pal­lorfigin­nin­nermi ilumoor­tumi ataasius­suseqar­tim­matigut qujamasup­pugut. (Kol 3:15) Guuti taan­naasoq tamat­ta asavar­put, as­sigiim­mik oqaluus­sis­sutigisaqar­pugut ilar­pas­suagul­lu as­sigiim­mik ajor­nar­torsiuteqar­put. Ajun­ngisaar­tuul­lutalu asan­nit­tuul­lutalu isumak­keerfigin­nik­kumasarut­ta ilagiin­ni ataasius­suseqar­nerus­saagut ajugaasul­lu pisas­saa pingaar­tit­tuar­nerusin­naal­lugu.

10, 11. (a) Sooq sin­nganeq navianar­tuua? (b) Sin­nganeq pis­sutigalugu neriuutaarutin­ngin­nis­saq qanoq qulak­keersin­naavar­put?

¹⁰ Sin­nganeq neriuutaarutsitsisin­naavoq. Sin­nganerup qanoq ulorianar­tiginera Biibilimi oqalut­tuanit erser­poq. As­sersuutigalugu Kainip Abeli sin­ngagalugu toqup­paa. Korap, Datanip Abiramil­lu Mosesi sin­ngagalugu pikitsitsif­figaat. Kun­ngip Saulip Daavi sin­ngagalugu toqoriaraluar­paa. Guutip oqaasiani al­las­simasoq ilumoorluin­nar­poq: “Sin­nganeqaraangat im­minul­lu angisuutik­kumaneqarluni tas­saniit­tar­put­taaq tavan­neq ajor­tul­lu al­lat tamarmik.” – Jaak 3:16.

¹¹ Asan­nit­tuuniarluta ajun­ngisaar­tuuniarlutalu ilungersorut­ta sin­ngajasuun­ngin­nerus­saagut.  Biibilimi al­las­simavoq ‘asan­nin­neq kamagit­tar­tuul­lunilu saamasuul­lunilu sin­ngasarin­ngitsoq’. (1 Kor 13:4) Sin­nganeq ileq­quliutis­san­ngik­kutsigu Jehovap isigin­nit­taasiatut isigin­nit­taaseqar­niar­tariaqar­pugut. Qatan­ngutivut timimut ataatsimut avataasutut, tas­sa ilagiin­nut ataatsinut ilaasutut, isigisariaqar­pavut. Biibilimi ima al­las­simavoq: “Avat ataaseq ataq­qinar­tin­neqaraangat avateqataasa nuan­naaqatigisar­paat.” (1 Kor 12:16-18, 26) Qatan­nguter­put nuan­nersumik misigisaqar­pat sin­ngaginagu nuan­naaqatigis­savar­put. Kun­ngip Saulip er­nerata Jonatanip maligas­saal­luar­nera eq­qarsaatigiuk. Jonatani nam­mineq kun­ngis­saajun­naarluni Daavi kun­ngis­satut toq­qar­neqarmat sin­ngan­ngilaq. Daavili qiim­mas­sarlugulu tapersersor­paa. (1 Sam 23:16-18) Jonatanitut ajun­ngisaar­tuul­lutalu asan­nit­tuusin­naavugut?

12. Ilaqut­tat­ta siun­nersuut suna ajugaasup pisas­saanik pinis­samut iluaqutigis­savaat?

¹² Ilaqutariin­niit­tut tamarmik najoq­qutas­siat Biibilimeersut maleruarunik­kit toq­qis­sisimal­lutil­lu pil­luarlutil­lu ajugaasup pisas­saa pisin­naavaat. Paulusip ilaqutariit ima siun­nersorluar­pai: “Nuliaasusi, uis­sin­nut naalatsigitis­saasi taman­na Naalak­kami ileq­qus­saam­mat. Uiususi, nuliasi asas­savasi, peq­qar­niisaarfigeqinasigil­lu. Qitor­naasusi, tamatigut angajoq­qaasi naalat­tarsigit taman­na Naalak­kami iluarmat. Ataataasusi, qitor­nasi narras­saas­san­ngilasi qunul­leq­qunagit.” (Kol 3:18-21) Ilis­si ilaqut­tas­sin­ni siun­nersuut taman­na qanoq atorsin­naaneris­si takusin­naaviuk?

13. Kristumiup ar­nap nalunaajaasuun­ngitsumik uil­lip uini qanoq Jehovamut kif­far­torusulersisin­naavaa?

¹³ Im­maqa Jehovamut kif­far­tor­tuun­ngitsumik  ueqar­putit. Misigiguit uip­pit ilin­nik pin­nin­nis­samisut pin­ngik­kaatit qanoq ilius­savit? Im­maqa kamaatiler­pat oqalorujuf­figilerlugulu, taman­nali pis­sutsinik ajun­ngin­nerulersitsis­sava? Il­lit piumasat­tut ilior­tileraluaruk­kuluun­niit Jehovamut kif­far­torusulersis­saviuk? Ilimanan­ngilaq. Ilaqutariin­nili niaquusutut inis­sisimanera ataq­qiguk­ku Jehovamut ataq­qinaataas­saaq, ilaqut­tatil­lu toq­qis­sisimanerulis­sap­put. Maligas­saal­luaruit im­maqa uiit Jehovamut kif­far­torusulis­saaq, taava marluul­lusi ajugaasup pisas­saa pis­savarsi. – 1 Petrusi 3:1, 2 atuakkit.

14. Kristumiu nuliami nalunaajaasuun­ngitsup ataq­qin­ngip­pani qanoq ilius­sava?

¹⁴ Im­maqa Jehovamut kif­far­tor­tuun­ngitsumik nuliaqar­putit. Misigiguit nuliap­pit ataq­qin­ngik­kaatit qanoq iliorsin­naavit? Nil­liaf­figalugu kina naalagaanersoq ersersin­niaruk­ku ataq­qilis­savaatit? Soorunami naamik! Jehovap piumasaraa uiusutut Jiisusi ilaarlugu asan­nit­tuus­sasutit. (Ef 5:23) Jiisusi ilagiin­nut niaquusoq tamatigut kamagit­tar­tuul­lunilu asan­nit­tuuvoq. (Luk 9:46-48) Jiisusi ilaaruk­ku im­maqa nuliat Jehovamut kif­far­torusulis­saaq.

15. Kristumiup nuliani asal­lugu qanoq ersersis­savaa?

¹⁵ Jehovap uiusut ima peq­quai: “Nuliasi asas­savasi, peq­qar­niisaarfigeqinasigil­lu.” (Kol 3:19) Uiusup asan­nit­tup nuliani ataq­qisar­paa. Qanoq? Nuliami isumaa paasiumal­lugu tusar­naar­tar­paa paasitil­lugulu oqaasii pingaar­til­lugit. (1 Petr 3:7) Piumasaatut ilior­tuaan­narsin­naan­ngik­kaluarluni tusar­naar­tar­nini silatusaar­nerusumik aalajangiisar­nis­saminut iluaqutigisin­naavaa. (Uss 15:22) Uisoq asan­nit­toq nuliaminit ataq­qineqar­nis­sani piumasaqaatiginagu ataq­qineqarumal­luni iliuuseqar­tar­poq. Uiusup nuliani  qitor­nanilu asagunigit Jehovamut kif­far­tor­nermin­nik nuan­naarutigin­nin­nis­saat ajugaasul­lu pisas­saanik pinis­saat ilimanar­nerus­saaq.

16, 17. Inuusut­tuusutit angajoq­qaatit qanoq narrujuum­mis­sutiginaveersaarsin­naavigit?

¹⁶ Im­maqa inuusut­tuaraavutit misigalutil­lu angajoq­qaap­pit paasin­ngik­kaatsit imaluun­niit sukan­ner­pal­laar­tut. Im­maqa taman­na narrujuum­mis­sutigeq­qangaarak­ku Jehovamut kif­far­torusun­nerlutit eq­qarsaatigaat. Jehovali tunuk­kuk­ku paasilis­savat angajoq­qaan­nit kristumiunit ilagiin­nilu ikin­ngutin­nit ilin­nik asan­nitsigisoqan­ngitsoq.

¹⁷ Una eq­qarsaatigiuk: Angajoq­qaan­nit naq­qin­neqar­neq ajoruit qanoq nalun­ngis­sin­naaviuk soqutigigaatsit? (Hebr 12:8) Soorunami naam­mal­luin­nan­ngitsuup­put, taamaat­tumik im­maqa perorsaariaasiat narrujuum­mis­sutigisar­pat. Taman­nali kisiat eq­qarsaatiginagu iliuusiinut oqaasiinul­lu tun­ngaviusut paasiniarsarik­kit. Eq­qis­sisimaan­narit qisuariapiloor­naveersaarlutil­lu. Guutip oqaasiani ima al­las­simavoq: “Oqalun­nerminik ingasaas­sinaveersaar­toq ilisimasaqar­tuuvoq, im­minut naalak­kersin­naasoq angutaavoq silas­soris­soq.” (Uss 17:27) Imaat­tuunis­sat anguniagariuk: Inuk inersimal­luar­toq siun­nersuutit qanorluun­niit oqaatigineqaraluar­pata taak­kunin­nga akuersil­lunilu ilin­niarfigin­nis­sin­naasoq. (Uss 1:8) Puiun­ngisaan­naruk angajoq­qaat Jehovamik asan­nit­tut pil­luaq­qus­sutaasut. Naas­saan­ngitsumik inuuleq­qul­lutit ikiorusup­paatsit.

18. Sooq ajugaasup pisas­saata eq­qaamajuar­nis­saa aalajangiusimaviuk?

¹⁸ Qilaliar­nis­samik nunarsuarmiluun­niit paratiisiusumi naas­saan­ngitsumik inuunis­samik neriugisaqaraluarut­ta tamat­ta siunis­saq tupin­nangaar­toq qilanaaraar­put. Neriuuter­put piviusuuvoq. Nunarsuarmik avataarsuanil­lu Pin­ngor­titsisup neriorsuutaanik uuman­nga tun­ngaveqar­poq: ‘Naalak­kamik ilisimasaqar­nerup nuna tamak­kerumaar­paa.’ (Es 11:9) Ungasin­ngitsuk­kut nunarsuarmiit­tut tamarmik Guutimit ilin­niar­tin­neqas­sap­put. Ajugaasup pisas­saa taman­na piniarlugu ilungersorut­ta asuliin­naas­saan­ngilaq. Taamaat­tumik Jehovap ilin­nut neriorsuutaa eq­qaamajuaruk, ajugaasul­lu pisas­saanik pinis­samut sumil­luun­niit akor­nuser­teqinak!