1. Apustilip Paulusip kristumiut Kolos­semiit­tut qanoq al­laf­figai? (Al­laaserisap aal­laq­qaataani as­siliaq takuuk).

APUSTILI Paulusi Romami par­naarus­saaq­qatil­luni kristumiunut Kolos­semiit­tunut ukiut 60-61 mis­saan­ni al­lap­poq. Nas­suiaap­pai sooq ‘anersaak­kut paasisimasaqas­suseqar­tariaqar­tut’, tas­sa Jehovatut isigin­nit­taaseqar­tariaqar­tut. (Kol 1:9) Ima al­lap­poq: “Taama oqar­punga napitin­neqaq­qunasi napititsiniar­tut oqaasiinik pututitsiniutaasunik. Mianersoritsi napitin­neqaq­qunasi ilisimaq­qis­saar­niutinik sal­loqit­taatinil­lu piun­ngitsunik, taak­ku tun­ngaveqarmata inuit kingor­nus­sas­siis­sutaan­nik silarsuul­lu pis­saanerinik, Kristusimit pisuun­ngitsunik.” (Kol 2:4, 8) Taava Paulusi nas­suiaavoq sooq isum­mat ilaat inup­pas­suar­nit nuan­narineqar­nersut aam­ma sooq eq­qun­ngitsuunersut. As­sersuutigalugu inuit ilaat inun­nit al­lanit silas­sorin­nerusutut pitsaanerusutul­lu misigigamik isum­mat nuan­narineqar­tut eq­qun­ngitsuusul­li pigilius­simavaat. Taamaat­tumik Paulusip up­peqatini silarsuarmi eq­qarsar­taatsit ileq­qul­lu itigar­teq­qul­lugit al­laf­figai. – Kol 2:16, 17, 23.

2. Sooq silarsuarmi eq­qarsar­taaserineqar­tunik sam­misaqas­saagut?

² Inuit silarsuarmi eq­qarsar­taaserineqar­tutut eq­qarsar­taaseqar­tut  Jehovap najoq­qutas­siai sumigin­nar­paat, mianersun­ngik­kut­talu isum­mat taamaat­tut Guutip ilisimas­susianik up­perin­nik­kun­naas­sutigisin­naavavut. Tamat­ta fjer­nsynimi, inter­netimi, sulif­fim­mi atuarfim­miluun­niit silarsuarmi eq­qarsar­taaserineqar­tut tusar­tar­pavut. Ajor­tumik sun­ner­tin­naveersaar­niarluta susin­naavugut? Al­laaserisami matumani silarsuarmi eq­qarsar­taaserineqar­tut tal­limat isum­mal­lu taamaat­tut qanoq itigar­tis­sin­naanerivut sam­mis­savavut.

3. Isuma suna inup­pas­suar­nit nuan­narineqar­pa, aam­ma sooq?

³ “Guuti upperinagu ileqqorissinnaavunga.” Isuma taman­na nunar­pas­suar­ni ul­lumik­kut nalingin­naavoq. Inuit taama oqar­tut Guutip piunera piun­ngin­neraluun­niit im­maqa eq­qarsaatigil­luarsiman­ngilaat, kis­saatigisamit­tul­li ilior­nis­samin­nut kif­faan­ngis­suseqar­ner­tik nuan­naarutigiin­narlugu. (Tussiaat 10:4 atuaruk). Al­lat isumaqar­put silas­soris­suul­lutik ima oqarunik: “Guuti up­perin­ngik­kaluarlugu ileq­qoris­sin­naavunga.”

4. Pin­ngor­titsisoqan­ngin­neraasut ikior­niarlugit qanoq oqarsin­naavugut?

⁴ Pin­ngor­titsisoqan­ngin­neraaneq silatusaar­nerua? Inuit ilaat paatsuungaler­tar­put ilisimatusaatini akis­sutis­sarsioraangamik. Ilumoor­torli paasiuminar­poq. Il­lu im­mini pin­ngorsin­naava? Soorunami naamik! Arlaan­nit sananeqar­tariaqar­poq. Uumas­susil­lil­li il­lutut sananeqariaan­naan­ngil­lat tupin­nangaar­tumik sanal­luagaal­lutik pin­ngor­titaagamik. Al­laat cel­lit uumas­susil­lit min­ner­paat im­minut as­silil­lutik cel­liliorsin­naap­put, il­lorli taamaaliorsin­naan­ngilaq. Tas­sa cel­lit paasis­sutis­sanik toq­qorsisin­naal­lutil­lu cel­liliamin­nut nutaanut ingerlatitseq­qiisin­naap­put taak­kulu nutaanik cel­liliorsin­naal­lutik. Kina cel­linik uumas­susilin­nik taamaaliorsin­naasunik pilersitsiva? Taman­na Biibilimi ima akineqar­poq: “Il­luliat tamarmik im­mik­kut sanasoqar­tar­put, tamanil­li sanasoq tas­saavoq Guuti.” – Hebr 3:4.

5. Guuti up­perin­ngik­kaluarlugu suna ajun­ngitsuunersoq nalun­ngis­sin­naagip­put oqar­toqar­pat qanoq oqarsin­naavugut?

⁵ Guuti up­perin­ngik­kaluarlugu suna ajun­ngitsuunersoq ilisimaneqarsin­naasoq oqar­toqar­pat qanoq isum­mersin­naavugut? Ilumoor­poq Guutip oqaasiani al­las­simam­mat Guuti up­perin­ngik­kaluarlugu ileq­qorit­toqarsin­naasoq. (Rom 2:14, 15) As­sersuutigalugu ilaasa angajoq­qaatik ataq­qil­lugil­lu asasin­naavaat. Jehoval­li najoq­qutas­siai maleruan­ngik­kunik­kit aalajangiinerlorujus­suarsin­naap­put. (Es 33:22) Ul­lumik­kut inup­pas­suit silas­soris­sut isumaqavip­put silarsuarmi ajor­nar­torsiutit ingasat­tut aaq­qik­kumal­lugit Guutimit ikior­neqar­tariaqar­tugut. (Jeremia 10:23 atuaruk). Tas­sa isumaqan­ngisaan­nas­saagut Guuti up­perinagu najoq­qutas­siaalu maleruar­nagit suna ajun­ngitsuunersoq nalun­ngis­sin­naagip­put. – Tuss 146:3.

6. Inup­pas­suit up­perisarsior­neq qanoq isumaqarfigaat?

⁶ “Upperisarsiortunut ilaanngikkaluarlutit pilluarsinnaavutit.” Inup­pas­suit up­perisarsior­neq pik­kunaagalugulu naleqan­ngis­soraat. Up­perisarsior­neril­lu amerlasuut an­niarfik ikualasoq ajoqersuutigisar­paat, aningaasanik akiliisitsisar­put politik­kerinil­luun­niit tapersersuisarlutik. Inuit up­perisarsior­tunut ilaan­ngik­kaluarlutik  pil­luarsin­naal­lutik oqar­tar­tut amerliar­tuin­narmata tupaal­lan­nan­ngilaq. Ima oqarsin­naap­put: “Anersaak­kut it­tut soqutigaak­ka, up­perisarsior­tunul­li ilaarusun­ngilanga.”

7. Pal­lorfigin­nin­neq ilumoor­toq qanoq pil­lualis­sutigisin­naaviuk?

⁷ Up­perisarsior­tunut ilaanata ilumut pil­luarsin­naavugut? Soorunami up­perisarsior­tunut eqqunngitsunut ilaanani pil­luar­toqarsin­naavoq. Jehovali ‘Guuti pil­luar­toq’ ikin­ngutiginagu pil­luavit­toqarsin­naan­ngilaq. (1 Tim 1:11) Jehovap iliuuserisai tamarmik al­lanut iluaqutaam­mata taas­sumun­nga kif­faasugut al­lanik ikiuinis­samut periarfis­sarsior­tar­ner­put pil­luas­sutigisar­par­put. (ApS 20:35) As­sersuutigalugu ilaqutariit pal­lorfigin­nin­neq ilumoor­toq pil­luar­nis­samin­nut iluaqutigisar­paat. Aap­patsin­nik ataq­qin­nin­neq ilumoorfigin­nin­nerlu, qitor­nat ataq­qin­nit­tooq­qul­lugit perorsaaneq ilaqutariit­tul­lu asaqatigiin­neq ilin­niar­tar­par­put. Jehovap in­nut­taasa pal­lorfigin­nin­neq ilumoor­toq ilagiin­ni eq­qis­seqatigiil­lutik suleqatigiin­nis­samin­nut asaqatigiin­nis­samin­nul­lu iluaqutigisar­paat. – Esaja 65:13, 14 atuakkit.

8. Lukasi 11:28 tun­ngavigalugu qanoq nas­suiarsin­naavar­put inuup suna pil­lualivis­sutigigaa?

⁸ Guuti kif­far­torfiginagu pil­luar­toqarsin­naava? Suna pil­lualis­sutaasar­pa? Ilaasa atorfigis­saar­neq, timersor­neq sun­ngif­fimiluun­niit sam­misar­tak­kat nuan­narisar­paat. Al­lat ilaqut­tamin­nik ikin­ngutimin­nil­lu isumas­suigaangamik iluarusut­tar­put. Tamak­ku nuan­naarutaagaluar­tut inuuneq pingaar­nerusumik siuner­taqar­poq. Uumasunit al­laanerugat­ta Pin­ngor­titsiser­put ilisarisimalersin­naal­lugulu pal­lorfigisin­naavar­put. Pal­lorfigin­nin­nik­kut pil­luar­tus­satut pin­ngor­titaavugut. (Lukasi 11:28 atuaruk). As­sersuutigalugu Jehova pal­lorfiginiarlugu up­peqativul­lu naapeqatigiik­kaangat­ta pil­luarlutalu qiim­maal­lat­tar­pugut. (Tuss 133:1) Aam­ma silarsuarmi tamarmi qatan­ngutigiis­suar­nut ilaaner­put, minguitsumik inooriaaseqar­ner­put siunis­samul­lu nuan­ningaar­tumik neriuuteqar­ner­put nuan­naarutigaar­put.

9. (a) Atoqateqar­neq pil­lugu isuma suna nalingin­naava? (b) Sooq Guutip oqaasiani al­las­simava katis­simanani atoqateqar­neq eq­qun­ngitsulior­nerusoq?

⁹ “Katissimanani atoqateqarneq ajortuugami?” Inuit ima aperisin­naap­put: “Sooq taama sukan­ner­tigaasi? Inuuneq nuan­naarutigiin­narsiuk.” Biibili naaper­torlugu kinguaas­siuutitigut as­suar­nar­tulior­neq iner­teq­qutaavoq. * (1 Thessalonikamiut 4:3-8 atuakkit). Jehovap pin­ngor­titarigamisigut inatsisilior­nis­saq pisin­naatitaaf­figaa. Oqar­poq angut ar­narlu katis­simasut kisimik atoqatigiis­sin­naasut. Jehovap asagamisigut inatsiseqar­tip­paatigut. Nalun­ngilaa inatsisini maleruarutsigit inuunerin­nerus­sasugut. Ilaqutariit Guutip inatsisaanik maleruaasut asaqatigiin­nerulerlutil­lu ataq­qeqatigiin­nerulis­sap­put toq­qis­sisimas­sal­lutil­lu. Inatsisaanil­li ilisiman­nik­kaluarlutik maleruaan­ngitsut Guutimit pil­lar­neqas­sap­put. – Hebr 13:4.

10. Kristumiu qanoq kinguaas­siuutitigut as­suar­nar­tulior­naveersaarsin­naava?

 ¹⁰ Kinguaas­siuutitigut as­suar­nar­tulior­naveersaar­nis­samut Biibilimi ilin­niar­tin­neqar­pugut. Isigisat­ta suuneri eq­qumaf­figisariaqar­pavut. Jiisusi ima oqar­poq: “Kialuun­niit al­lap nulia pilerigalugu isigiguniuk taan­na uum­matimigut al­lasiorfigereer­paa. Isivit taler­piup tam­mar­tip­patit, peeruk igil­lugulu.” (Matt 5:28, 29) Tas­sa por­nografii nipilersuutil­lu tiingasulersaar­tunut tun­ngasut ingalas­simasariaqar­pavut. Paulusi ima al­lap­poq: “Toqutis­sigit nunamut atasut ilis­sin­niit­tut: Kinguaas­siuutitigut inuunerlun­neq ...” (Kol 3:5) Aam­ma eq­qarsaativut oqaluuserisavul­lu aqut­tariaqar­pavut. – Ef 5:3-5.

11. Sooq sulif­fim­mi qaf­fak­kiar­torusulersin­naavugut?

¹¹ “Suliffinni qaffakkiartoruit pillualissaatit.” Inoqatit­ta oqarfigisin­naavaatigut pif­fis­sar­put nukivul­lu sulif­fitsin­ni qaf­fak­kiar­tor­nermut, ingam­mik tusaamasan­ngor­niar­nermut, oqar­tus­saas­suseqaler­niar­nermut pisuun­ngor­niar­nermul­luun­niit, atus­sagivut. Atorfigis­saar­neq pil­luar­nermut qulak­keerutaanerarlugu oqar­tar­tut amerlam­mata aam­ma uagut taama eq­qarsalersin­naavugut.

12. Atorfigis­saaleruit pil­lualis­savit?

¹² Sulif­fim­mi qaf­fak­kiar­torlutit oqar­tus­saas­suseqaleruit tusaamasan­ngoruil­luun­niit pil­lualis­savit? Naamik. Una eq­qarsaatigiuk: Saatani oqar­tus­saas­suseqalerusul­lunilu tusaamasan­ngorusup­poq. Oqar­toqarsin­naavoq piumasani pigaa. Taman­na pil­lualis­sutigaa? Naamik, pil­luar­nani kamap­poq. (Matt 4:8, 9; Saqq 12:12) Tamatumun­nga akerliusumik Guuti siunis­samul­lu neriorsuutai nuan­ningaar­tut pil­lugit al­lat ilin­niar­tik­kaangatsigit qanoq nuan­naar­tigisar­tugut eq­qarsaatigiuk. Silarsuarmi atorfigis­saar­neq sunaluun­niit taama nuan­naar­nar­tigin­ngilaq. Aam­ma inuit sulif­fim­mi qaf­fak­kiar­tor­niarlutik unam­mil­lerajut­tun­ngorlutil­lu sorraatsun­ngorlutil­lu sin­ngajasun­ngor­tar­put. Amigaateqar­tutul­li suli misigisar­put. Biibilimi al­las­simavoq ‘anorimik tigusiniarsarisutut’ it­tut. – Oqal 4:4.

13. (a) Sulif­fip­put qanoq isigin­nit­taaseqarfigis­savar­put? (b) Paulusip suna pil­lualivis­sutigaa?

¹³ Soorunami inuus­sutis­sarsior­tariaqar­pugut, nuan­narisamil­lu sulif­feqar­neq kuk­kunerun­ngilaq. Sulif­fip­pul­li inuunitsin­ni pingaar­ner­paalis­san­ngilaq. Jiisusi  pisuun­ngor­niar­neq pil­lugu ima oqar­poq: “Naalak­kanut marlun­nut kif­far­torsin­naasoqan­ngilaq. Aap­paa uumigiguniuk aap­paa asas­savaa, aap­paa tulaavigiguniuk aap­paa asigin­nas­savaa. Guutilu Mam­monilu tamaasa kif­far­torfigisin­naan­ngilasi.” (Matt 6:24) Jehovamut kif­far­tor­ner­put al­lanil­lu Biibilimik ilin­niar­titsiner­put nuan­naarutiginer­paas­savavut. Taman­na apustilip Paulusip misigaa. Inuusut­tuul­luni atorfigis­saar­neq pingaar­tip­paa. Kingusin­nerusuk­kut inuit oqaluus­sif­figisani qanoq al­lan­nguitigisut takul­lugu taman­na pil­lualivis­sutigaa. (1 Thessalonikamiut 2:13, 19, 20 atuakkit). Silarsuarmi matumani atorfigis­saar­neq qanorluun­niit it­toq Jehovamut kif­far­tor­nermin­ngar­nit al­lanil­lu taan­na pil­lugu ilin­niar­titsinermin­ngar­nit pil­luar­nerulis­sutigisin­naan­ngilar­put!

14. Sooq inuit ajor­nar­torsiutimik nam­min­neq aaq­qiisin­naaneran­nik isuma nuan­narineqar­pa?

¹⁴ “Inuit ajornartorsiutitik namminneq aaqqissinnaavaat.” Inup­pas­suit isuma taman­na nuan­naraat. Sooq? Taman­na ilumoor­pat Guutimit siulersor­neqar­tariaqan­ngilagut nam­minerlu piumasatsitut iliorsin­naal­luta. Tusarsimas­sagunar­pat inuit oqar­tar­tut sorsun­nerit, pinerlun­nerit, nap­paatit piitsul­lu ikiliar­tor­tut. Nalunaarusiami ima al­las­simavoq: “Inuit silarsuaq inuuf­figis­sal­lugu pitsaanerulersin­niarlugu aalajangeramik ajun­ngitsuliorfigeqatigiin­neruler­put.”  Ilumoor­pa? Inuit silarsuarmi ajor­nar­torsiutinik qanoq aaq­qiinis­sar­tik kiisami paasivaat? Misis­sueriar­ta.

15. Sooq oqarsin­naavugut silarsuarmi ajor­nar­torsiutit ilungersunar­tuusut?

¹⁵ Inuit sorsunnerup ajor­nar­torsiutaanera aaq­qis­simavaat? Sorsun­nersuup siul­liup kingul­liul­lu nalaan­ni inuit 60 mil­lioninit amerlanerusut toqup­put. 2015-imiin­naq sorsun­neq malersugaanerluun­niit pis­sutigalugu inuit 12,4 mil­lionit angerlarsimaf­fitik qimat­tariaqar­paat. Taamaalil­luni 2015-ip naanerani qimaasutut inuusut katil­lugit 65 mil­lioniup­put. Pinerlunnerimmi? Sumiif­fiit ilaan­ni pinerlun­nerit ilaat ikilisimagaluar­tut al­latut it­tut soorlu inter­netik­kut pinerlun­nerit, angerlarsimaf­fim­mi nakuuser­nerit, peq­qar­niisaar­niar­nerit peq­quserlun­neril­lu amerlisimap­put. Nappaatimmi? Ilumoor­poq nap­paatit ilaat katsorsar­neqarsin­naalersut. Nalunaarusiamili 2013-imoor­tumi al­las­simavoq ukiut tamaasa inuit suli 60-iliin­ngitsut 9 mil­lionit uum­mal­lun­neq, qaratsak­kut aanaar­tor­neq, kræfti, pual­lun­neq suk­kor­nerlu toq­qutigisaraat. Taavami piitsuuneq? Verdensbankimit nalunaarutigineqar­poq inuit Afrikami najugal­lit piitsuungaangaar­tut 1990-imi 280 mil­lioniusut 2012-imili 330 mil­lionin­ngorsimasut.

16. (a) Sooq Guutip naalagaaf­fia kisimi silarsuarmi ajor­nar­torsiutinik aaq­qiisin­naava? (b) Esajap tus­siaasior­tul­lu Guutip naalagaaf­fia sus­sanerar­paat?

¹⁶ Paasis­sutis­sat tamak­ku tupaal­laatigin­ngilavut. Ul­lumik­kut aningaasaqar­nermut politik­kimul­lu tun­ngasut inun­nit nam­minis­sarsior­tunit aqun­neqar­put. Inuit taak­ku sorsun­ner­nik, pinerlun­ner­nik, nap­paatinik piitsuunermil­lu atorun­naarsitsisin­naan­ngil­lat. Guutip naalagaaf­fia kisimi tamak­kunin­nga atorun­naarsitsisin­naavoq. Jehova inun­nut qanoq iliorumaar­toq eq­qarsaatigiuk. Naalagaaf­fiata sorsunnermut pis­sutaasut tamaasa, soorlu nam­minis­sarsior­neq, peq­quserlun­neq, nunagisamik asan­nin­neq, up­perisarsior­neq eq­qun­ngitsoq Saatanilu suujun­naarsis­savai. (Tuss 46:9, 10) Guutip naalagaaf­fia pinerluttoqarunnaarsitsissaaq. Maan­nangaaq inuit mil­lionil­lit asaqatigeeq­qul­lugit tatigeqatigeeq­qul­lugil­lu naalagaaf­fim­mit tamatuman­nga ilin­niar­tin­neqar­put. Naalak­kersuisut al­lat taamaaliorsin­naan­ngil­lat. (Es 11:9) Qanit­tuk­kut Jehova inuit tamaasa peq­qil­luin­nar­tun­ngor­til­lugit nappaataarutsitsissaaq. (Es 35:5, 6) Piitsuerutsitsissaaq inuil­lu tamarmik pil­luarlutil­lu im­minut qanit­tumik at­taveqar­nis­saan­nik periarfis­sil­lugit. Taman­na aningaasar­pas­suar­nit naleqar­nerungaar­poq. – Tuss 72:12, 13.

17. Silarsuarmi eq­qarsar­taaseq qanoq itigar­tis­sin­naaviuk?

¹⁷ Isumamik nuan­narineqar­tumik il­lit up­perisan­nut akerlior­pasis­sumik tusagaqaruit taman­na pil­lugu Biibilimi al­las­simasut paasiniak­kit. Up­peqatit inersimal­luar­toq oqaloqatigiuk. Eq­qarsaatigiuk sooq isuma taman­na inun­nit nuan­narineqar­nersoq, sooq eq­qun­ngitsuunersoq qanorlu itigar­tis­sin­naanerit. Silarsuup eq­qarsar­taasianit im­minut il­lersorsin­naavugut Paulusip al­lataatut ilior­nik­kut: “Ilagin­ngisas­si peqatigisar­nerini silatusaar­taritsi ... ilisimaq­qul­lugu kik­kut tamaasa qanoq akisariaqar­tas­sagisi.” – Kol 4:5, 6.