1, 2. (a) Ajun­ngisaarfigeq­qul­lugu Petrusip oqarfigim­mani Jiisusi qanoq akiva? (Al­laaserisap aal­laq­qaataani as­siliaq takuuk). (b) Sooq Jiisusi taama akiva?

JIISUSIP ajoqersugaasa tusak­katik up­periuminaatsip­paat. Isumaqaraluar­put Jiisusip Israelimi naalagaaf­fik pilerseq­qis­sagaa, Jiisusili oqar­poq qanit­tuk­kut naal­liut­tus­saal­lunilu toqus­sal­luni. Apustili Petrusi siul­liul­luni oqaaseqar­poq: “Naalagaq, im­minut ajun­ngisaarfiginiarit; taama pineqan­ngisaan­nas­saatit.” Jiisusip akivaa: “Tunun­nut pigit, Saatani! Uan­nut akor­nutaavutit Guutitut eq­qarsar­nak inut­tut eq­qarsaravit.” – Matt 16:21-23, NW; ApS 1:6.

² Jehovap eq­qarsar­taasiata silarsuul­lu Saatanimit aqun­neqar­tup eq­qarsar­taasiata as­sigiin­ngin­nerat Jiisusip taama oqar­nermigut ersersip­paa. (1 Joh 5:19) Petrusip silarsuarmi inup­pas­suit nam­minis­sarsior­nerat­tut Jiisusi nam­minis­sarsioq­qul­lugu kajumis­saar­paa. Jiisusil­li nalun­ngilaa naal­liun­nis­samut toqunis­samul­lu misigisas­saminut piareersar­nis­sani Jehovap piumasarigaa. Jiisusip akis­sutaanit erser­poq  nam­mineq Jehovap eq­qarsar­taasia akueralugulu silarsuup eq­qarsar­taasia akuerin­ngil­luin­naraa.

3. Sooq silarsuup eq­qarsar­taasia itigar­til­lugu Jehovatut eq­qarsar­niar­neq unam­miniar­nar­pa?

³ Uagum­mi? Jehovatut silarsuarmiit­tutul­luun­niit eq­qarsar­tar­pugut? Guutimit iluarisaajumal­luta iliuutsitsigut ilungersor­tar­pugut. Eq­qarsar­taaser­pum­mi? Jehovatut eq­qarsar­niarluta, taas­sumatut isigin­nit­taaseqaler­niarluta, ilungersor­tar­pugut? Silarsuarmiit­tutul­li eq­qarsaler­nis­saq ajor­nan­ngitsuararsuuvoq. Silarsuum­mi anersaava avatangiiseraar­put. (Ef 2:2) Aam­ma silarsuarmiit­tut im­minuin­naq eq­qarsaatiginerusar­put, taak­kunatul­lu eq­qarsarusulersin­naavugut. Aap, Jehovatut eq­qarsar­niar­neq ilungersor­narluni silarsuarmiit­tutut eq­qarsar­nis­saq ajor­nan­ngitsuararsuuvoq.

4. (a) Silarsuarmit eq­qarsar­taaser­put sun­ner­tik­kutsigu qanoq pisoqas­sava? (b) Al­laaserisami matumani suna sam­mis­savar­put?

⁴ Eq­qarsar­taaser­put silarsuarmit sun­ner­neqar­tik­kutsigu nam­minis­sarsiulerlutalu suna eq­qor­tuusoq eq­qun­ngitsuunersorlu nam­mineq aalajangerusulis­savar­put. (Mark 7:21, 22) Taamaam­mat inuit eq­qarsar­taasiat pin­nagu ‘Guutitut eq­qarsar­nerup’ ilin­niar­nis­saa pingaaruteqangaar­poq. Al­laaserisaq una tamatumun­nga iluaqutigis­savar­put. Sooq Jehovatut isigin­nit­taaseqar­neq kil­lilersuutaanani iluaqutaanersoq sam­mis­savar­put. Aam­ma qanoq silarsuup eq­qarsar­taasianit ilusilersor­tin­ngin­nis­sar­put, tas­sa sun­ner­tin­ngin­nis­sar­put, eq­qar­tus­savar­put. Al­laaserisap tul­liani pis­sutsit as­sigiin­ngitsut pil­lugit Guutip eq­qarsar­taasia nam­mineq qanoq pigilius­sin­naanerip­put ilik­kas­savar­put.

5. Sooq inuit ilaat al­lanit sun­ner­neqarusun­neq ajor­pat?

⁵ Inuit ilaat qanoq eq­qarsas­sanerlutik kimilluunniit sun­ner­neqarusun­ngil­lat. Oqar­tar­put, “Nam­mineq eq­qarsarsin­naavunga”. Pisarunar­paat nam­mineq aalajangeerusut­tar­ner­tik tamatumun­ngalu pisin­naatitaaf­feqar­ner­tik. Al­lanit aqun­neqarusun­natil­lu im­mik­kuul­larin­niar­tar­put. *

6. (a) Jehovap sumik kif­faan­ngis­suseqar­tip­paatigut? (b) Kif­faan­ngis­suseq taman­na kil­leqan­ngila?

⁶ Ilisimas­savar­pul­li Jehovatut isigin­nit­taaseqar­neq nam­mineerluni eq­qarsarsin­naan­ngin­nermik isumaqan­ngim­mat. 2 Korinthimiut 3:17-imi al­laq­qavoq: “[Naalak­kap] anersaavata najuuf­figisaaniip­poq kif­faan­ngis­suseq.” Nam­mineerluta pis­suseqar­nis­satsin­nut Jehovap kif­faan­ngis­suseqar­tip­paatigut. Nam­mineq nuan­narisaqarsin­naal­lutalu suut soqutigisaris­sanerlutigit aalajangersin­naavar­put. Jehovap taamatut pin­ngor­tip­paatigut. Imaan­ngilarli kil­leqan­ngitsumik kif­faan­ngis­suseqar­tugut. (1 Petrusi 2:16 atuaruk). Suna eq­qor­tuunersoq eq­qun­ngitsuunersorlu paasiniaraangatsigu Biibilimit siulersor­neqar­nis­sar­put Jehovap kis­saatigaa. Taman­na ingasat­tumik kil­lilersuinerua, iluaqutaavaluun­niit?

7, 8. Jehovap eq­qarsar­taasiatut isigin­nit­taaseqaler­niar­neq sooq ingasat­tumik kil­lilersuutaan­ngila? As­sersuuteqarit.

⁷ Ima as­sersuusiorsin­naavugut. Angajoq­qaat  qitor­natik pingaar­titas­saan­nik ilin­niar­tin­niar­tar­paat. Im­maqa un­neq­qarin­nis­samik, sul­larin­nis­samik al­lanil­lu isumas­suinis­samik ilin­niar­tip­paat. Taman­na ingasat­tumik kil­lilersuinerun­ngilaq. Angajoq­qaal­li qitor­natik inuunermi iluatsil­luar­nis­saan­nik piareersar­paat. Qitor­nat perorlutil­lu nam­miniilerunik nam­min­neq aalajangiisin­naalis­sap­put. Angajoq­qaamik pingaar­titaat malil­lugit inuuniarlutik aalajangerunik ajun­ngitsunik aalajangiinerus­sal­lutil­lu ajor­nar­torsiuter­pas­suit, isumakuluutit peq­qis­simis­sutil­lu pinaveersaarsin­naavaat.

⁸ Ataataal­luar­tutut Jehovap qitor­nani ajun­ngin­ner­paamik inuunis­saan­nik kis­saap­pai. (Es 48:17, 18) Taamaam­mat najoq­qutas­sianik ileq­qus­satigut al­lanil­lu qanoq pin­nit­tar­nis­satsin­nik ilin­niar­tip­paatigut. Nam­minermisut isigin­nit­taaseqaleq­qul­lutalu pingaar­titani malil­lugit inooq­qul­luta kajumis­saar­paatigut. Taman­na ingasat­tumik kil­lilersuinerun­ngilaq. Ilisimas­suseqalis­sutigaluguli ajun­ngin­nerusunik aalajangiinis­samut iluaqutigaar­put. (Tuss 92:6; Uss 2:1-5; Es 55:9) Nam­mineq nuan­narisaqarsin­naavugut pil­lualis­sutigisatsin­nil­li aalajangiisas­sal­luta. (Tuss 1:2, 3) Aap, Jehovatut eq­qarsar­neq iluaqutaal­lunilu ajun­ngil­luin­nar­poq!

9, 10. Jehovap eq­qarsar­taasiata silarsuup eq­qarsar­taasianit qutsin­nerungaar­nera qanoq erser­pa?

⁹ Jehovatut eq­qarsar­taaseqalerusun­nitsin­nut pis­sutaasoq al­la tas­saavoq taas­suma eq­qarsar­taasia silarsuup eq­qarsar­taasianit qutsin­nerungaar­nera. Ileq­qus­satigut, qanoq ilaqutariin­ni pil­luar­toqarsin­naasoq, iluatsit­tumik sulif­figis­saar­toqarsin­naasoq inuunermul­lu al­latigut tun­ngatil­lugu silarsuarmi siun­nersuuteqar­poq. Siun­nersuutil­li taak­kua amerlaner­paar­taat Jehovap eq­qarsar­taasianut naaper­tuutin­ngil­lat. As­sersuutigalugu silarsuarmi inuit kisimik nam­min­neq soqutigisamin­nik aal­lus­sinis­saat kajumis­saarutigineqar­tarlunilu kinguaas­siuutitigut inuunerlun­neq akuersaaq­quneqar­tar­poq. Aam­ma ilaan­nik­kut siun­nersuutigineqar­tar­poq aap­pariit an­nikitsunik pis­suteqarlutik averuserlutil­luun­niit avik­kunik pil­luar­nerus­sasut. Siun­nersuul­li taman­na Biibilip ilin­niar­titsis­sutaanut akerliuvoq. Silarsuarmili siun­nersuutit nalitsin­nut naleq­qun­nerup­pat?

¹⁰ Jiisusi oqar­poq: “Ilisimas­suseq eq­qor­tuutitaavoq suliamigut.” (Matt 11:19) Silarsuarmi ator­toris­saarutitigut siuariar­toqarsimagaluar­toq ajor­nar­torsiutit an­ner­tuut pil­luar­nis­samut akor­nutaasut, soorlu sorsun­nerit, naggueqatigiin­nik nikas­saasar­nerit pinerlun­neril­lu aaq­qis­sin­naan­ngilaat. Aam­ma kinguaas­siuutitigut  inuunerlun­neq silarsuarmi akuersaar­neqar­tar­poq. Inup­pas­suil­li nas­suerutigaat taman­na ilaqutariin­ni ajor­nar­torsior­nermik, peq­qiil­liuler­nermik ajor­tunil­lu al­lanik kingunerlutsitsisar­toq. Jehovam­mi siun­nersuutaa? Kristumiut Jehovap isigin­nit­taasianik akuerin­nit­tut pil­luar­nerusunik ilaqutaqar­put, peq­qin­nerul­lutik nunarsuarlu tamak­kerlugu up­peqatimin­nut eq­qis­seqateqar­nerul­lutik. (Es 2:4; ApS 10:34, 35; 1 Kor 6:9-11) Taman­na Jehovap eq­qarsar­taasiata silarsuup eq­qarsar­taasianit qutsin­nerungaar­neranik tamatumani erser­poq, ilaa?

11. Kiap eq­qarsar­taasianit Mosesi siulersor­tip­pa, qanorlu kinguneqar­tumik?

¹¹ Itsaq Jehovamik kif­far­tor­tut nalun­ngilaat Jehovap eq­qarsar­taasia qutsin­nerungaar­toq. As­sersuutigalugu “Mosesi Egyptenimiut ilisimas­susian­nik tamanik ajoqersor­neqar­poq”, kisian­ni ilisimas­sutsip eq­qor­tup Jehovameersuunera nalun­ngilaa. (ApS 7:22; Tuss 90:12) Jehova ima qin­nuigaa: “Aq­qutigeq­qusan­nik nalujun­naarsin­nga-aat.” (2 Mos 33:13, tastamantitoĸaĸ) Mosesi Jehovamit eq­qarsar­taatsimigut ilusilersor­neqarami taas­suma siuner­tami naam­mas­sinis­saanut atorluar­paa angutitul­lu up­perluar­tutut ataq­qinaaserlugu. – Hebr 11:24-27.

12. Paulusip aalajangik­kani sumit tun­ngaveqar­tit­tar­pai?

¹² Apustili Paulusi silatuujul­lunilu ilin­niagaq­qor­tuujuvoq hebræerisut grækerisul­lu oqalus­sin­naasoq. (ApS 5:34; 21:37, 39; 22:2, 3) Ileq­qus­satigul­li najoq­qutas­sanut tun­ngatil­lugu silarsuup ilisimas­susia itigar­tip­paa. Guutip oqaasia tun­ngavigalugu aalajangiisar­poq. (Apustilit Suliaat 17:2; 1 Korinthimiut 2:6, 7, 13 atuakkit). Kingunerisaanik iluatsil­luar­tumik kif­far­torlunilu naas­saan­ngitsus­samut akis­sarsisitaanis­sani qilanaaraa. – 2 Tim 4:8.

13. Jehovap eq­qarsar­taasianut naaper­tuut­tumik isigin­nit­taaseqaler­nis­saq kiap akisus­saaf­figaa?

¹³ Erseq­qip­poq Guutip eq­qarsar­taasia silarsuup eq­qarsar­taasianit qutsin­nerungaar­toq. Guutip najoq­qutas­siai malik­kutsigit pil­luarlutalu ingerlal­luas­saagut. Jehoval­li im­misut eq­qarsar­taaseqalersin­niarluta pin­ngitsaalinavian­ngilaatigut. ‘Inus­siap aalajaal­lunilu silatuup’ utoq­qaaner­tal­luun­niit eq­qarsaativut aqun­neq ajor­paat. (Matt 24:45, NW; 2 Kor 1:24) Jehovap eq­qarsar­taasiatut isigin­nit­taaseqaler­nis­saq tamat­ta im­mik­kut akisus­saaf­figaar­put. Qanoq taamaaliorsin­naavugut?

14, 15. (a) Jehovatut eq­qarsar­taaseqaleq­qul­luta suut eq­qarsaatigeq­qis­saar­tariar­pavut? (b) Sooq isumar­put silarsuarmi isumaliutersuutaanik im­mersus­san­ngilar­put? As­sersuuteqarit.

¹⁴ Romamiut 12:2-mi al­laq­qavoq: “Silarsuarmit matuman­nga ilusilersor­tik­kun­naaritsi, eq­qarsar­taatsis­sili nutaan­ngor­tin­neratigut al­lan­ngoritsi Guutip piumasaa ajun­ngitsoq naam­mal­luin­nar­torlu akuerisaalu paasil­luaq­qul­lugit.” (NW) Al­las­simaf­fim­mi paasivar­put sal­lusuis­sut paasin­ngik­kal­laratsigu qanorluun­niit eq­qarsar­taaseqarsimaner­put apeq­qutaatin­nagu eq­qarsaativut Guutip isigin­nit­taasianut naaper­tuutilersis­sin­naagivut. Kingor­nut­tak­kat misilit­tak­kal­lu eq­qarsar­taatsitsin­nut sun­niuteqar­taraluar­tut isumar­put  al­lan­ngoriar­torsin­naavoq. Sunil­lu eq­qarsaateqar­niar­nerluta aalajangik­kavut apeq­qutaanerusar­put. Jehovap eq­qarsar­taasia eq­qarsaatigeq­qis­saarutsigu taas­suma isigin­nit­taasia eq­qor­tuujuaan­nar­toq up­per­narsis­savar­put. Taamaalil­luta taas­sumatut isigin­nit­taaseqarusulersin­naavugut.

¹⁵ Jehovatut eq­qarsar­taaseqaler­niarluta isumar­put nutaan­ngor­tik­kumal­lugu ‘silarsuarmit matuman­nga ilusilersor­tik­kun­naar­tariaqar­pugut’. Isigin­naar­tak­kavut, atuar­tak­kavut tusar­naar­tak­kavul­lu Guutip eq­qarsar­taasianut akerliusut tamaasa unitsit­tariaqar­pavut. Tamatuma pingaaruteqas­susia nerisas­sanut as­sersuun­neqarsin­naavoq. Arlaat peq­qin­nerorusut­toq inuus­sutis­saqarluar­tunik nerisaler­niarluni aalajangersin­naavoq. Oqun­nikunil­li nerisaruni ilungersuutai asuliin­nas­sap­put! Taamatut­taaq silarsuup isumaliutersuutaanik isumar­put im­mersor­tarutsigu Jehovap eq­qarsar­taasianik ilin­niar­nivut iluaqutaas­san­ngil­lat.

16. Sumit im­minut il­lersor­tariaqar­pugut?

¹⁶ Silarsuarmi eq­qarsar­taaseq pin­ngitsoorluin­narsin­naavar­put? Naamik, silarsuarmi inuugat­ta eq­qarsar­taasianik tusarler­neqar­tas­saagut. (1 Kor 5:9, 10) Al­laat oqaluus­sigaangat­ta inuit kuk­kusumik isumal­lit eq­qun­ngitsumil­lu up­perisal­lit tusaasar­pavut. Isumat eq­qun­ngitsut tamak­kiisumik pinaveersaarsin­naan­ngik­kaluarlugit eq­qarsaatigiuar­tariaqan­ngilavut. Saatanip uagutsin­nut eq­qarsaatigeq­qusai Jiisusitul­li itigar­tipal­lat­tariaqar­pavut. Silarsuup eq­qarsar­taasianut pisariaqan­ngitsumik tusar­naan­ngin­nitsigut im­minut il­lersorsin­naavugut. – Ussatit 4:23 atuaruk.

17. Silarsuup eq­qarsar­taasianik pisariaqan­ngitsumik isumar­put qanoq im­mersor­naveersaarsin­naavar­put?

¹⁷ As­sersuutigalugu ikin­ngutitsin­nik toq­qaaniaraangat­ta mianersor­tariaqar­pugut. Biibilimi mianersoq­quneqar­pugut Jehovamik pal­lorfigin­nin­ngitsunik qanimut ikin­nguteqar­niarluta aalajangerut­ta taak­kua eq­qarsar­tar­nerat­tut  eq­qarsar­talis­sasugut. (Uss 13:20; 1 Kor 15:12, 32, 33) Aam­ma aliik­kutarisar­tak­kavut mianersorluta toq­qar­tariaqar­pavut. Aliik­kusersuutit pin­ngoriar­tuaar­nermik isumalin­nik nakuuser­nermil­lu kinguaas­siuutitigul­luun­niit inuunerlun­nermik siuarsaasut itigar­tik­kutsigit ‘Guutimik ilisimasaqar­nermut as­sor­tuisunik’ eq­qarsar­taaser­put im­mersus­san­ngilar­put. – 2 Kor 10:5.

18, 19. (a) Sooq silarsuarmi eq­qarsar­taatsit malun­nan­ngitsumik siuarsar­neqaraangata mianersor­tariaqar­pugut? (b) Im­minut qanoq aperisariaqar­pugut, aam­ma sooq?

¹⁸ Aam­ma silarsuarmi eq­qarsar­taatsit malun­nar­pian­ngitsumik saq­qum­miun­neqar­tut paasil­lugil­lu itigar­tit­tariaqar­pavut. As­sersuutigalugu politik­kik­kut isum­mat arlaat iluarinar­tun­ngorlugit tusagas­siuutitigut saq­qum­miun­neqar­tar­put. Inuil­lu anguniagaat naam­mas­sisaal­lu nutaarsias­sani silarsuarmi nuan­naar­torinar­tutut siuarsar­neqar­tar­put. Filmit atuak­kal­lu ilaasa isumaliutersuutit ‘uanga pingaar­ner­paavunga’ aam­ma ‘ilaqut­tat pingaar­ner­paajup­put’ siuarsarlugil­lu tun­ngavis­saqar­tutut, soqutiginar­tutut al­laal­lu eq­qor­tutut saq­qum­miut­tar­paat. Isigin­nit­taatsil­li taak­kua Biibilimut naaper­tuutin­ngil­lat. Tas­sanimi al­laq­qavoq al­lanit tamanit Jehova asaner­paagutsigu uagut nam­mineq ilaqut­tavul­lu pil­luas­sasugut. (Matt 22:36-39) Aam­ma meeq­qanut oqalut­tuat amerlanerit ajun­ngik­kaluar­tut ilaat malun­nan­ngitsumik ileq­qus­satigut najoq­qutas­sianik eq­qun­ngitsunik meeq­qanut akuerin­nilersitsisin­naap­put.

¹⁹ Taman­nali isumaqan­ngilaq aliik­kutaqar­neq ajor­tuusoq. Im­minul­li aperisariaqar­pugut: ‘Silarsuarmi eq­qarsar­taatsit malun­nan­ngitsumil­luun­niit siuarsar­neqaraangata paasisar­pak­ka? Qitor­nak­ka – uangalu nam­mineq – isigin­naar­tak­kanut atuar­tak­kanul­lu tun­ngatil­lugu il­lersor­tar­pak­ka? Silarsuarmi eq­qarsar­taatsit nalaat­tagaan­nit sun­ner­tin­ngin­nias­sam­mata Jehovap isigin­nit­taasiatut eq­qarsar­taaseqaleq­qul­lugit qitor­nak­ka ikior­tar­pak­ka?’ Guutip silarsuul­lu eq­qarsar­taasiata as­sigiin­ngis­sutaat paasigutsigit ‘silarsuarmit matuman­nga ilusilersor­tin­nis­sar­put’ pin­ngitsoor­tis­sin­naavar­put.

20. Kimit ilusilersor­neqar­nitsin­nut suna aalajangiisuua?

²⁰ Eq­qaamajuk paasis­sutis­sat marluin­nar­nik pilerfeqar­nerat – Jehovamit, imaluun­niit silarsuarmit Saatanimit aqun­neqar­tumit. Sorlermit ilusilersor­tip­pit? Akis­sutaa tas­saavoq sumit paasis­sutis­sin­neqar­tar­nersutit. Silarsuarmi isumaliutersuutit akueralugil­lu eq­qarsar­taaser­put silarsuarmit ilusilersor­tik­kutsigu nam­minis­sarsior­tutut eq­qarsar­taaseqalerlutalu pis­susilersulis­saagut. Taamaam­mat suut isigin­naar­niar­nerlugit, atuar­niar­nerlugit, tusar­naar­niar­nerlugit eq­qarsaatiginiar­nerlugil­lu mianersuun­nis­saat pingaaruteqangaar­poq.

21. Al­laaserisami tul­liut­tumi suna sam­mis­savar­put?

²¹ Al­laaserisami matumani ilin­niar­par­put Jehovatut eq­qarsar­taaseqarumal­luta silarsuarmi isigin­nit­taatsit ingalas­simasariaqarivut. Aam­ma Guutitut isigin­nit­taaseqarumal­luta taas­suma eq­qarsaatai eq­qarsaatigeq­qis­saar­tariaqar­pavut. Al­laaserisami tul­liut­tumi qanoq taamaaliorsin­naasugut sam­mis­savar­put.