1. Sooq tamat­ta tup­pal­lersar­neqar­tariaqar­pugut?

TAMAT­TA tup­pal­lersar­neqar­nis­samik pisariaqar­titsivugut. Im­maqa isumakuluuteqar­tarlutalu, pakatsisarlutalu er­numasar­pugut. Im­maqa nap­paateqarat­ta, utoq­qaliar­torat­ta asasatsin­nil­luun­niit toquk­kut an­naasaqarsimagat­ta naal­liup­pugut. Ilavut al­lanit ajor­tumik pineqar­tar­put. Aam­ma nakuuser­nerit ingasatsik­kiar­tuin­nar­put. Ilumut ‘ul­lut atugarliungaarfiit’ ‘ul­luni kingul­ler­ni’ inuunitsin­nik ul­lul­lu tamaasa silarsuar­taas­samut qanil­liar­tor­nitsin­nik up­per­narsaataap­put. (2 Tim 3:1) Im­maqali Jehovap neriorsuutaasa piviusun­ngor­nis­saat sivisuumik utaq­qisimal­lugu suli ajor­nar­torsior­neruleriar­tor­pugut. Sumi tup­pal­lersaatis­sarsisin­naavugut?

2, 3. (a) Habak­kuki pil­lugu suna nalun­ngilar­put? (b) Sooq Habak­kukip al­lagai misis­sus­savavut?

² Apeq­qut taman­na akiniarlugu Habak­kukip al­lagai  misis­soriar­tigit. Habak­kukip inuunera pil­lugu Biibilimi paasis­sutis­sar­pas­suaqan­ngik­kaluar­toq taas­suma al­lagai tup­pal­ler­nangaar­put. Ateq Habak­kuki isumaqarunar­poq “asan­nit­tumik pak­kus­sineq”. Taman­na Jehovap tup­pal­lersaataasumik pal­lorfigin­nitsiminik pak­kus­sineranut in­nersuus­sutaasin­naavoq. Imaluun­niit taas­suma pal­lorfigin­nit­taasa Jehovamik tigul­luar­titaarineran­nut in­nersuus­sutaasin­naal­luni. Habak­kukip Guuti oqaluul­lugulu aperisar­paa. Uagut iluaqutigis­sagip­put nalun­ngin­namiuk Jehovap oqaloqatigiin­neq pil­lugu Habak­kuki isumas­sarsisil­lugu al­latsip­paa. – Hab 2:2.

³ Habak­kuki pil­lugu Biibilimi al­las­simasutuaq tas­saavoq pruf­fiitip isumatsaq­qasup Jehoval­lu oqaloqatigiin­nerat. Al­lagai ‘sior­natigut al­lagaasunut uatsin­nut ilin­niutis­satut al­las­simasunut’ ilaap­put “nikal­lujuil­luta Al­lak­kal­lu tunis­sutaat tup­pal­lersaatigalugit neriuuter­put aalajangius­sin­naaq­qul­lugu.” (Rom 15:4) Habak­kukip al­lagai tamatsin­nut qanoq iluaqutaasin­naap­pat? Jehovamik tatigin­nin­nerup qanoq isumaqar­neranik paasin­nin­nis­samut iluaqutigisin­naavavut. Qanorluun­niit ajor­nar­torsiuteqarlutalu misilin­neqas­sagaluarut­ta isumak­kut eq­qis­sisimaan­narsin­naanitsin­nik Habak­kukip siulit­tuutaanit tup­pal­lersar­neqar­pugut.

4. Sooq Habak­kuki isumatsaq­qava?

⁴ Habakkuki 1:2, 3 atuakkit. Pif­fis­sami unam­miniar­nangaar­tumi Habak­kuki inuuvoq. Inuit nalimini inuusut ajor­tuul­lutil­lu nakuuserumatuujum­mata isumatsaq­qangaar­poq. Nunaq­qatai im­min­nut ajor­tumik naaper­tuil­luan­ngitsumil­lu pisar­put. Habak­kuki ima eq­qarsarsimas­saaq: ‘Qaqugu ajor­toqarun­naas­sagami? Sooruna Jehova iliuuseqar­nis­saminut taama utaq­qitigisoq?’ Ikior­tis­saarut­tutut misigigami Jehova iliuuseqaq­qul­lugu qin­nuigaa. Habak­kuki im­maqa eq­qarsaler­poq Jehovap in­nut­tani soqutigiun­naarsimal­lugil­luun­niit iliuuseqar­nian­ngitsoq. Taama misiginikuuit?

5. Habak­kukip al­lagaanit suna ilin­niarfigisin­naavar­put? (Al­laaserisap aal­laq­qaataani as­seq takuuk).

⁵ Jehova neriorsuutaalu tatigiun­naarsimagamigit Habak­kuki taama aperiva? Taamaan­ngilaq! Isumakuluutini ajor­nar­torsiutinilu pil­lugit Jehovamut ikioq­quneranit erser­poq neriuutaarun­nani Guuti suli tatigigaa. Isumakulul­lunilu nalor­nis­suteqar­poq. Paasin­ngilaa sooq Jehova iliuuseqar­nis­saminut utaq­qil­lunilu Habak­kukip taama naal­liutsiginis­saa akuerigaa. Habak­kukip isumakuluutiminik al­laatigin­nin­nis­saanut Jehovap isumas­sarsisitsinera pingaarutilim­mik ilin­niarfigisin­naavar­put. Isumakuluutivut nalor­nis­sutivul­lu pil­lugit Jehova oqalut­tuun­nis­saa tunuarsimaarfigis­san­ngilar­put.  Aap, taas­sumun­nga qinunis­satsin­nik qanor­piarlu misiginitsin­nik oqalut­tuar­nis­satsin­nik asan­nil­luni kajumis­saar­paatigut. (Tuss 50:15; 62:9) Us­satit 3:5-imi tamat­ta kajumis­saar­neqar­pugut: “Naalagaq tatigiuk uum­matik­kut iluun­ngarlutit, nam­minerlu paasisimasaqas­sutsit tatigeqinagu.” Oqaatsit taak­kua Habak­kukip ilisimagunarlugil­lu uum­mam­miuliup­pai.

6. Sooq qinunis­saq pingaaruteqar­pa?

⁶ Habak­kukip Jehova, ikin­ngutini Ataatanilu, tatigalugulu taas­sumun­nga qanil­liniarluni nam­mineq iliuuseqar­poq. Pis­sutsit atuk­kani isumakuluutigiin­nar­nagil­lu nam­mineq aaq­qin­niarsarin­ngilai. Uagutsin­nul­li maligas­saal­luarluni misigis­sutsini isumakuluutinilu pil­lugit qinuvoq. Jehova, qin­nutinik tusar­tar­toq, taas­sumun­nga qinunik­kut isumakuluutitsin­nil­lu oqalut­tuar­nitsigut tatigin­nin­nitsin­nik ersersitseq­quaatigut. (Tuss 65:3) Taamaaliorut­ta Jehovap qin­nutitsin­nik qanoq akisinera takus­savar­put. Tup­pal­lersarlutalu siulersor­patigut taas­suma pak­kus­sinera misigis­savar­put. (Tuss 73:23, 24) Qanorluun­niit misilin­neqar­tigigaluarut­ta pis­sutsit atuk­kavut qanoq isumaqarfiginerlugit paasitin­niarluta ikius­savaatigut. Jehovamut qinuneq taas­sumin­nga tatigin­nin­nitsin­nik ersersitseriaatsini pitsaaner­paat ilagaat.

7. Habak­kukip isumakuluutiminik oqalut­tuum­mani Jehova sua?

⁷ Habakkuki 1:5-7 atuakkit. Isumakuluutimi Jehovamut oqalut­tuarereerlugit Habak­kukip eq­qarsaatigisimasin­naavaa Jehova qanoq qisuarias­sanersoq. Ataatatut asan­nit­tutut Jehovap taan­na qanoq misiginersoq paasivaa. Nalun­ngilaa naal­liul­lunilu ikioq­qusoq. Taamaam­mat avoq­qaarinagu oqalut­tuup­paa juutit naalas­seriitsut ungasin­ngitsuk­kut qanoq iliuuseqarfiginiar­nerlugit. Imaas­sin­naavoq taak­kua pil­laatisias­saasa qanil­lineranik Habak­kuki siul­liul­lugu Jehovap oqarfigigaa.

8. Sooq Jehovap akis­sutaa Habak­kukip naatsorsuutigisiman­ngilaa?

⁸ Iliuuseqar­nis­samut piareersimanerminik Jehovap Habak­kuki nas­suiaap­paa. Judami inuit ajor­tut nakuuser­tul­lu pil­lar­niar­pai. Oqar­nermigut “ul­lus­sin­ni”, Jehovap ersersip­paa taan­na nunaq­qataaluun­niit inuutil­lugit eq­qar­tuus­sineq piumaar­toq. Jehovap akis­sutaa Habak­kukip naatsorsuutigisiman­ngil­luin­nar­paa. Kaldæerit, imaluun­niit Babylonimiut Israelik­kun­nit, Jehovap najoq­qutas­siaanik ilisimasaqar­tunit, nakuuserumatunerup­put. Taava sooq inuiaat guutiitsut peq­qar­niitsul­lu atorlugit Jehovap in­nut­tani pil­las­savai? Taman­na Judamut naal­liun­nerunermik kinguneqaan­nas­saaq. Il­lit Habak­kukiusuuguit qanoq misigis­sagaluar­pit?

9. Habak­kuki qanoq apereq­qip­pa?

⁹ Habakkuki 1:12-14, 17 atuakkit. Inoqatai ajor­tut pil­lar­niarlugit Babylonimiut Jehovap ator­niarai Habak­kukip paasivaa, sulili nalor­nis­suteqar­poq. Maniguup­porli Jehovalu tatigiuar­niarlugu aalajangersimal­luni. Oqar­pormi Jehova suli ‘qaarsoralugu’. (5 Mos 32:4; Es 26:4) Guuti asan­nit­tuul­lunilu ajun­ngitsuusoq qularutigin­ngilaa. Taamaam­mat Jehova apereq­qin­nis­saanut piumas­suseqar­poq. Sooq Judami  pis­sutsit ajor­neruler­nis­saat in­nut­tamilu suli naal­liun­neruler­nis­saat Jehovap akueris­sagamiuk? Sooq ingerlaan­naq iliuuseqar­nian­ngila? Sooq Ajugaqan­ngitsoq ‘nipangiin­narlunilu’ ajus­suseq sumi tamaani akuersaagin­nas­savaa? Jehovami ‘il­ler­nar­tuul­lunilu isai ajus­sutsimik isigisaqas­sal­lutik minguip­pal­laar­put’.

10. Sooq ilaan­nik­kut Habak­kukitut misigisarsin­naavugut?

¹⁰ Im­maqa ilaan­nik­kut Habak­kukitut misigisar­pugut. Jehovamut tusar­naar­tar­pugut, tatigalugulu neriuutitsin­nik nakus­satsis­sutigisatsin­nik taas­suma oqaasia atuaq­qis­saar­tar­par­put. Aam­ma taas­suma neriorsuutai pil­lugit peqatigiis­sor­taanit ilin­niar­tin­neqar­tar­pugut. Im­maqali suli eq­qarsarsin­naavugut, ‘Qaqugu naal­liuk­kun­naas­sagat­ta?’ Habak­kukip tul­liul­lugu iliuusaa ilin­niarfigisin­naavar­put.

11. Habak­kukip suna aalajangiusimavaa?

¹¹ Habakkuki 2:1 atuaruk. Jehovamik oqaloqateqar­nini Habak­kukip isumak­kut eq­qis­sis­sutigalugulu Jehovap iliuuseqar­nis­saata utaq­qinis­saanut aalajangiusiman­nilis­sutigaa. Oqar­poq ‘ul­loq an­nikil­liorfis­saq utaq­qil­lugu’. (Hab 3:16) Aam­ma Guutip kif­fai aalajaatsut al­lat erinitsajuil­lutik Jehovamut utaq­qiuar­put. Taak­kua maligas­siaat aam­ma uagut utaq­qiuar­nis­satsin­nut kajumis­sis­sutigaar­put. – Mika 7:7; Jaak 5:7, 8.

12. Habak­kuki qanoq ilin­niarfigisin­naavar­put?

¹² Habak­kukip aalajangiusimaneranit suna ilin­niarfigisin­naavar­put? (1) Qanorluun­niit ajor­nar­torsiuteqaraluarut­ta Jehovamut qinujuar­tariaqar­pugut. (2) Biibili peqatigiis­sor­tanilu aq­qutigalugit Jehovap uagutsin­nut oqaasii tusar­naar­tariaqar­pavut. (3) Erinitsajuil­luta Jehova utaq­qisariaqarlugulu nam­mineq pif­fis­sarititamini an­niaateqarun­naarsik­kumaaraatigut tatigisariaqar­par­put. Habak­kuki ilaarutsigu uagut­taaq isumak­kut eq­qis­sis­sal­lutalu piner­tusaarsin­naalis­saagut. Neriuut utaq­qisin­naas­suseqalis­sutigisar­par­put, taman­nalu qanorluun­niit ajor­nar­torsiuteqaraluarut­ta nuan­naar­nis­samut iluaqutigis­savar­put. Ataatat­ta qilam­miusup iliuuseqarumaar­nera qularutigin­ngilar­put. – Rom 12:12.

13. Jehovap pruf­fiiti qanoq tup­pal­lersar­paa?

¹³ Habakkuki 2:3 atuaruk. Habak­kukip utaq­qiniarluni aalajanger­nera Jehovap iluarisimas­savaa. Taas­suma naal­liun­nera Ajugaqan­ngitsup nalun­ngil­luin­nar­paa, asan­nil­luni pruf­fiiti tup­pal­lersar­paa apeq­qutigisai akiumaarlugit. Habak­kuki ungasin­ngitsuk­kut isumakuluutaarutis­saaq. Soorlulusooq Jehovap Habak­kuki ima oqarfigigaa: “Utaq­qiin­narit tatigalungalu. Sivisor­pasik­kaluar­pal­luun­niit qin­nutit akiumaar­para.” Neriorsuutimi qaqugu eq­quutitis­sanerlugit aalajangereersimanerminik Jehovap  eq­qaasip­paa. Suli utaq­qiuaq­qul­lugu kajumis­saar­paa, naggataatigut pruf­fiiti pakatsinavian­ngilaq.

14. Misilin­neqaraangat­ta suna aalajangiusimasariaqar­par­put?

¹⁴ Jehova utaq­qil­lugulu oqaaserisaanut tusar­naaq­qis­saar­tariaqar­pugut. Taava tatigalugulu qanorluun­niit naal­liutsigigaluarluta isumak­kut eq­qis­sisimasin­naavugut. Jiisusi oqar­poq “pif­fis­sarititat nalunaaqut­tal­lun­niit-akun­neri” Guutip paasitin­nikuun­ngisai sam­mival­laas­san­ngik­kivut. (ApS 1:7) Taamaam­mat tun­niutiin­narata maniguul­lutali, erinitsajuil­luta up­perlutalu Jehova, qaquguk­kut iliuuseqar­nis­samik ilisiman­nit­toq, tatigalugu utaq­qisariaqar­par­put. Utaq­qinitsin­nilu pif­fis­sar­put atorluarlugu sapin­ngisatsin­nik Jehova kif­far­torfigisariaqar­par­put. – Mark 13:35-37; Gal 6:9.

15, 16. (a) Habak­kukip al­lagaanit neriorsuutit suut atuarsin­naavavut? (b) Neriorsuutit taak­ku sumik ilin­niarfigaavut?

¹⁵ Jehova neriorsuivoq: “[Iluar­toq] up­per­nermi inuus­saaq ... [Naalak­kap] naalan­nas­susianik ilisimasaqar­nerup nuna im­mis­savaa soorlu ermit matoq­qagaat im­map naq­qa.” (Hab 2:4, 14) Aap, erinitsajuil­lutik im­minik tatigin­nit­tut Jehovap naas­saan­ngitsumik inuunermik tuniumal­lugit neriorsor­pai.

¹⁶ Habak­kuki 2:4-mi neriorsuut pingaaruteqangaarmat apustilip Paulusip  al­lak­kamini pingasoriarluni is­suar­paa. (Rom 1:17; Gal 3:11; Hebr 10:38) Qanorluun­niit unam­miniar­nar­tunik an­nikil­liuuteqaraluarluta Jehova tatigigutsigu neriorsuutit taak­ku piviusun­ngor­tut takus­savavut. Siunis­sami neriuutitsin­nik eq­qarsaatigin­nin­nis­sar­put Jehovap kis­saatigaa.

17. Jehovap tatigigutsin­ni sumik neriorsor­paatigut?

¹⁷ Ul­luni kingul­ler­ni inuunitsin­ni Habak­kukip al­lagai ilin­niarfigingaarsin­naavavut. Inuit naaper­tuil­luar­tut tamarmik im­minik tatigin­nit­tut inuunermik naas­saan­ngitsumik tuniniarlugit Jehovap neriorsor­pai. Qanorluun­niit ajor­nar­torsiuteqaraluarluta isumakuluuteqaraluarlutalu Guutimut tatigin­nin­ner­put nakus­satsit­tuar­tigu. Jehovap Habak­kukimut oqaasiinit tapersersuiumaar­neranik an­naas­siumaar­neranil­lu neriorsoq­qis­saar­neqar­pugut. Peq­quaatigut tatigeq­qul­luni Guutil­lu naalagaaf­fiata nunarsuarmut naalak­kersuiler­nis­saa pif­fis­samut aalajangiuteriigaanut erinitsajuil­luta utaq­qeq­qul­luta. Taamanik­kus­samut nunarsuarmi inuit pil­luarlutik eq­qis­seqateqarlutil­lu Jehovamik pal­lorfigin­nit­tut kisimik najugaqas­sap­put. – Matt 5:5; Hebr 10:36-39.

18. Jehovap oqaasii Habak­kukimut qanoq sun­niuteqar­pat?

¹⁸ Habakkuki 3:16-19 atuakkit. Jehovap oqaasii Habak­kukimut sun­niuteqangaar­put. Itsaq Jehovap in­nut­taminut iliuusii tupin­nangaar­tut eq­qarsaatigeq­qis­saar­pai. Taman­nalu Jehovamut tatigin­nin­nerulis­sutigaa. Jehovap iliuuseqangajaler­nera qularutigin­ngilaa! Taman­na pruf­fiitip tup­pal­lersaatigaa, nalun­ngik­kaluarlugu sulilaaq an­nikil­liorumaarluni. Habak­kuki qularutis­saarup­poq. Jehovap an­naak­kumaaraani up­peril­luin­nar­paa. Versi 18-imi al­las­simasut tatigin­nin­nermik ersersitsinerit Biibilimi an­ner­paar­taat ilagigunar­paat. Ilisimatuut ilaasa ima isumaqarsoraat: “Qiim­mat­tar­nermik Naalak­kami pis­sis­saarumaar­punga; Guuti nuan­naarutigalugu kaavik­kumaar­punga.” Taman­na ilin­niarfigingaarsin­naavar­put. Jehovap siunis­samut nuan­nersunik neriorsuiin­narani qanit­tuk­kut taak­ku eq­quutitik­kumaarlugit neriorsoq­qis­saar­paatigut.

19. Qanoq Habak­kukip pineqar­neratut Jehovamit tup­pal­lersar­neqarsin­naavugut?

¹⁹ Habak­kukip al­lagaani ilin­niarfigisar­put pingaarutilik tas­saavoq Jehovamik tatigin­nin­nis­saq. (Hab 2:4) Jehova tatigiuar­niarlugu taas­sumun­nga at­taveqar­ner­put nakus­satsit­tariaqar­par­put. Taamaam­mat (1) qinujuar­tariaqar­pugut, isumakuluutivut tamaasa pil­lugit Jehova oqalut­tuul­lugu; (2) Jehova Biibili peqatigiis­sor­tanilu aq­qutigalugit siulersuinera tusar­naarluas­savar­put; aam­ma (3) aalajaal­luta erinitsajuil­lutalu Jehova utaq­qis­savar­put. Habak­kuki taamaalior­poq. Isumatsaq­qal­luni Jehova oqaluutiler­paa naggataatigul­li qiim­mal­lunilu nuan­naaler­poq. Habak­kuki ilaarutsigu aam­ma uagut Ataatat­ta qilam­miusup, Jehovap, asan­nil­luni pak­kus­sineranit tup­pal­lersar­neqas­saagut. Silarsuarmi ajor­tumi al­lamik an­nerusumik tup­pal­lersaatis­saqar­ner­pa?