Jehovap eqqarsaatai nammineq pigiliuppigit?
“Eqqarsartaatsissili nutaanngortinneratigut allanngoritsi.” – ROM 12:2, NW.
1, 2. Anersaakkut siumukartilluta suna ilinniartarparput? Assersuuteqarit.
TAKORLOORUK nukappiaraq tunisittoq. Angajoqqaavisa oqarfigaat qujassasoq. Nukappiaraq immaqa nammineq piumanngikkaluarluni naalappoq. Peroriartortillunili angajoqqaami eqqarsartaasiat allallu inussiarnisaarnerat pingaartinneruleriartorpai. Maanna nammineerluni qujamasuttalerami qamannga pisumik qujasalerpoq.
2 Aamma uagutsinnuttaaq taamatut pisoqartarpoq. Sallusuissut ilinniaqqaaleratsigu Jehovap tunngaviusumik peqqussutaasa naalattarnissaat qanoq pingaaruteqartigisoq paasivarput. Anersaakkulli siumukartilluta Jehovap eqqarsartaasia – nuannarisai, nuannarinngisai assigiinngitsunullu tunngatillugu isiginnittaasia – ilikkariartortarparput. Jehovap eqqarsartaasia aalajangikkatsinnut iliuutsitsinnullu sunniuteqartikkaangatsigu nammineq pigiliuttarparput.
3. Sooq Jehovatut eqqarsartaaseqalerniarneq unamminiarnarsinnaava?
3 Jehovatut eqqarsarnissap ilinniarnera nuannarisinnaagaluarlugu naammalluinnanngitsuugatta ilaannikkut unamminiarnarsinnaavoq. Assersuutigalugu ileqqussatigut
minguitsuuneq, pigisalerituneq, oqaluussineq, aammik atornerluineq allallu pillugit Jehovap isumaa nalunngilarput. Ilaannikkulli sooq taama isiginnittaaseqarneranut pissutaasut paasiuminaatsissinnaavavut. Jehovap eqqarsaatai nammineq pigiliunniarnerini siumukarniarluta qanoq iliorsinnaavugut? Tamannalu maanna siunissamilu eqqortuliornissamut qanoq iluaqutigisinnaavarput?GUUTIP EQQARSAATAI QANOQ PIGILIUSSINNAAGIVUT
4. ‘Eqqarsartaatsimik nutaanngortitsineq’ qanoq paasisariaqarpa?
4 Romamiut 12:2 atuaruk. * Allassimaffimmi matumani Jehovatut eqqarsartaaseqalerniarluta susariaqartugut apustilip Paulusip nassuiarpaa. Allappoq ‘silarsuarmit matumannga ilusilersortikkunnaassasugut’. Soorlu allaaserisap siuliani sammigipput silarsuarmi isiginnittaatsit pissuserineqartullu itigartittariaqarpavut. Aammali Paulusi allappoq ‘eqqarsartaaserput nutaanngortittariaqaripput’. Tassa Guutip oqaasia atuaqqissaartariaqarparput, eqqarsaatai paasiniarlugit eqqarsaatigeqqissaarlugillu taassuma eqqarsartaasia pigiliunniassavarput.
5. Atuarnerup atuaqqissaarnerullu assigiinngissutaat nassuiaruk.
5 Atuaqqissaarneq sukkasuumik atuapallannerunanilu apeqqutit akissutaannik titartuinerinnaanngilaq. Atuaqqissaaraangatta Jehovap qanoq ittuunera, iliuuserisai qanorlu eqqarsartaaseqarnersoq eqqarsaatigisarparput. Jehovap taama peqqusineranut inerteqquteqarneranullu pissutaasut paasiniartarpavut. Aamma inuunitsinni eqqarsartaasitsinnilu qanoq allannguisariaqarnerluta eqqarsaatigisarparput. Soorunami atuaqqissaaraangatta tamakku tamaasa tamatigut eqqarsaatigeqqissaarsinnaanngilavut. Kisianni atuaqqissaarnitsinni piffissap affaa eqqarsaatiginneqqissaarnermut atortarutsigu pitsaassaaq. – Tuss 119:97.
6. Guutip oqaasia eqqarsaatigeqqissaaraangatsigu susoqartarpa?
6 Guutip oqaasianik eqqarsaatiginneqqissaartarutta nuannersumik kinguneqassaaq. Jehovap eqqarsartaasia naammalluinnartuusoq ‘paasillualertarparput’, tassa immitsinnut qularunnaarsittarpugut. Taassuma isiginnittaasia paasiartulertarparput isumaqatiginerulertarlugulu. ‘Eqqarsartaaserput nutaanngortitaasarpoq.’ Piffissap ingerlanerani Jehovap eqqarsaatai nammineq pigiliukkiartortarpavut.
EQQARSAATIVUT ILIUUTSITSINNUT SUNNIUTEQARTARPUT
7, 8. (a) Pigisat pillugit Jehova qanoq isiginnittaaseqarpa? (Allaaserisap aallaqqaataani assilissat takukkit). (b) Jehovatut isiginnittaaseqarutta suna pingaarnerpaatissavarput?
7 Eqqarsaativut iliuutsitsinnut sunniuteqartarput. (Mark 7:21-23; Jaak 2:17) Tamanna paasiniarlugu assersuuteqalaariarta. Siullertut, Jiisusip inunngorneranit oqaluttuamit erserpoq pigisanut tunngatillugu Jehova qanoq eqqarsartaaseqarnersoq. Josefi Marialu, aningaasaaterpassuaqanngikkaluartut, ernerminik perorsaasussatut Guutip nammineerluni toqqarpai. (3 Mos 12:8; Luk 2:24) Jiisusi inunngormat Mariap taanna “[immullugu] nersutaatit nerisarfiannut ilivaa akunnittarfimmi inissaqannginnamik”. (Luk 2:7) Jehovap piumaguni Jiisusip ajunnginnerungaartumi inunngornissaa isumagisinnaagaluarpaa. Ilaqutariinnili anersaakkut ittunik pingaartitsisuni Jiisusip peroriartornissaa Jehovap pingaarnerpaatippaa.
8 Pigisat tungaatigut Jehova qanoq isiginnittaaseqarnersoq Jiisusip inunngornera pillugu oqaluttuamit ilinniarfigaarput. Angajoqqaat ilaasa qitornamik pitsaanerpaanik pigisaqarnissaat piumasarisarpaat, allaat Jehovamut attaveqarnerannut ajoqutaassagaluarpat. Erseqqipporli anersaakkut ittut Jehovap sunit tamanit pingaarnerpaatikkai. Jehovap tamatumunnga tunngatillugu isiginnittaasia nammineq pigiliunnikuuiuk? Iliuutsitit sumik ersersitsippat? – Hebræerit 13:5 atuaruk.
9, 10. Naakkiussineq pillugu Jehovatut eqqarsartaaseqarnerluta qanoq paasisinnaavarput?
9 Assersuut alla tassaavoq uppernikkut naakkiussutaasumik iliuuseqartumut tunngatillugu Jehovap isiginnittaasia. Jiisusi oqarpoq: “Minninnguit uannut uppertut ukua ilaannik tammartitsisoqarpat taassumunnga pitsaanerussagaluarpoq aserorteriviup ujarattaa qungasianut qilerullugu immamut igikkaanni.” (Mark 9:42) Oqaatsit taakku sakkortungaaramik! Jiisusi angusisarluinnarmat arlaat ajoqersukkat ilaannik naakkiussutaasumik soqutigittaalluni iliuuseqartoq Jehovap iluarinavianngikkaa ilimagisinnaavarput. – Joh 14:9.
10 Uppernikkut naakkiussineq pillugu Jehovatut Jiisusitullu isiginnittaaseqarpugut? Iliuutsivut sumik ersersitsippat? Assersuutigalugu immaqa atisalersoriaaseq isikkorissariaaserluunniit aalajangersimasoq nuannaraarput. Ilisimagutsiguli isikkorissariaaseq tamanna pillugu ilagiinniittoq arlaat mamiatsalluniluunniit pilerissusipiloqalersinnaasoq? Qatanngutitsinnik asanninnerput pissutigalugu nammineq piumasavut tunulliussinnaavavut?
11, 12. Jehovap uumigisaanik uumigisaqarneq imminullu naalakkersinnaaneq ineriartortikkutsigit imminut qanoq illersussaagut?
11 Assersuutit pingajuat: Jehovap naapertuilluannginneq uumigaa. (Es 61:8) Soorunami nalunngilaa naammalluinnanngissuserput pissutigalugu ilaannikkut eqqortuliornissarput sapernartittaripput. Namminermisulli ajortumik uumiginninnissarput piumasaraa. (Tussiaat 97:10 atuaruk). Sooq Jehovap ajortoq uumigineraa eqqarsaatigeqqissaarneratigut assinganik isiginnittaaseqalernissamut iluaqutigalugulu ajortuliornerit ingalassimanissaannut nukissaqalissutigissavarput.
Periutsit aalajangersimasut ilaat Biibilimi eqqaaneqanngikkaluarlutik ajortuliornerupput
12 Ajortup uumiginissaa ilinniarutsigu eqqunngitsut, Biibilimi aalajangersimasumik * Guutilli, ajortumik sumilluunniit uumiginnittup, eqqarsartaasianut taamaaliorneq naapertuuppa? Imminut naalakkersinnaanermik ineriartortitsinikkut Jehovallu uumigisaanik uumiginninnikkut sumilluunniit ajortulioqqajaanerit ingalassimalluinnartigit. – Rom 12:9.
eqqaaneqanngikkaluartut, immikkoortinnissaannut iluaqutigissavarput. Assersuutigalugu ileqqussatigut assuarnartoq qitittariaaseq lap dancing-imik taaneqartartoq silarsuarmi nalinginnaaleraluttuinnarpoq. Inuit ilaat isumaqarput taamaaliorneq atoqatigiinnertut inngimmat ajortuliornerunngitsoq.SUJUMAARNERLUTIT MAANNA EQQARSAATIGEREERUK
13. Silatusaartumik aalajangiisinnaaniassagatta sooq Jehovap isiginnittaasii siumut eqqarsaatigereertariaqarpavut?
13 Atuaqqissaaraangatta siunissami uagutsinnut pisinnaasut pillugit Jehovap isiginnittaasia eqqarsaatigisariaqarparput. Arlaannik pisoqariataassagaluarpat ingerlaannarlu aalajangissagaluarutta tupaqqavallaarnavianngilagut. (Uss 22:3) Biibilimi assersuutit ilaat eqqarsaatigeriartigit.
14. Potifarip nulianut Josefip akissutaa qanoq ilinniarfigaarput?
14 Potifarip nulianit qaninniarfigineqarnerminut ingerlaannaq Josefip itigartitsineranit erserpoq aappariinneq pillugu Jehovap isiginnittaasia eqqarsaatigeqqissaarsimagaa. (1 Mosesi 39:8, 9 atuaruk). Potifarip nulia ima akivaa: “Qanoq taama kanngunartigisumik iliussaanga Guutimut ajortuliorlunga?” Erserpoq Jehovap isiginnittaasia nammineq pigiliussimagaa. Illimmi? Suleqatippit qaninniarujoorfigilerpatit sussavit? Arlaatami atoqateqarnissamik pileritsannartumik mobilinnut nassippatit? * Jehovamut ilumoorfiginninnissat ajornannginnerujussuussaaq tamakku pillugit taassuma isiginnittaasia paasiniarlugulu pigiliussimagukku suniarnerlutillu aalajangiutereersimagukku.
15. Hebræerit pingasut assigalugit qanoq Jehovamut ilumoorfiginnittuarsinnaavugut?
15 Hebræerit pingasut Shadrakitut, Meshakitut Abed-Negotullu ilisimaneqartut maanna assersuutigeriartigit. Kunngip Nebukadnesarip guutiliaminik kuultiusumik pallorfiginneqqummatik aalajangersimalluinnarlutik itigartitsipput. Jehovamut ilumoorfiginnittuarunik qanoq pisoqassanersoq eqqarsaatigereersimagaat aalajangersimallutik akinerannit erserpoq. (2 Mos 20:4, 5; Dan 3:4-6, 12, 16-18) Nalitsinnimi? Upperisarsiornermut eqqunngitsumut tunngatillugu nalliuttorsiornermut ittuppit aningaasanik taperseeqquppatit qanoq iliussagaluarpit? Taamatut pisoqarnissaa utaqqiinnarnagu tamakku pillugit Jehovap isumaa maanna eqqarsaatigeqqissaassallugu silatusaarnerussaaq. Taamatullu pisoqassagaluarpat hebræerit pingasut pisimanerattut eqqortuliornissarput eqqortumillu akinissarput ajornannginnerussaaq.
Misissueqqissaarpit, immersuillutit nakorsamillu oqaloqateqarlutit? (Immikkoortoq 16 takuuk)
16. Jehovap eqqarsartaasianik paasinnilluarneq nakorsarnermut tunngatillugu pinartoqarpat qanoq piareersimassutigisinnaavarput?
16 Aamma nakorsarnermut tunngatillugu pinartumik pisoqartillugu Jehovamut ilumoorfiginnittuarnissap pingaaruteqassusianik eqqarsaatiginneqqissaareerneq iluaqutigisinnaavarput. Soorunami aalersortinnissarput imaluunniit aap akui pingaarnerusut sisamat atorlugit aalersortinnissarput akuerinngilarput. (ApS 15:28, 29) Aammulli tunngatillugu nakorsaariaatsit assigiinngitsut kristumiut tamarmik immikkut nammineerlutik Biibilimi najoqqutassiat tunngavigalugit aalajangiisariaqarput. Suniarnerluni aalajangiinissaq qaqugukkut pitsaanerpaava? Napparsimmavimmi immaqa anniarluta aalajangiipallannissamullu tatineqartilluta? Soorunami naamik. Maanna piffissaqqippoq misissueqqissaarnissamut, nakorsarnermut tunngasutigut piumasavut pillugit erseqqissumik immersueqqissaarnissamut nakorsamillu oqaloqateqarnissamut. *
17-19. Sooq Jehovap eqqarsartaasiata maanna ilinniarnissaa pingaaruteqarpa? Assersuuteqarit.
17 Kiisalu, Petrusip ‘imminut ajunngisaarfiginissamik’ (NW) siunnersuinerlunneranut Jiisusip akipallannera eqqarsaatigiuk. Guutip imminut piumasaa nunarsuarmilu inuunerminut toqunissaminullu tunngasut siulittuutit Jiisusip eqqarsaatigeqqissaarsimarpasippai. Matthæusi 16:21-23 atuakkit.
Tamatuminnga ilisimasaqarnini ilumoorfiginnittuarnissaminut imminullu pilliutigeriaannaanissaminut nukissaqalissutigaa. –18 Nalitsinni, Jehovap ikinngutigissagitsinni sapinngisatsinnillu oqaluusseqataanissarput kissaatigaa. (Matt 6:33; 28:19, 20; Jaak 4:8) Inunnilli ajunngitsumik isumaqartunit Petrusip Jiisusimut pineratut nangartarneqarsinnaavugut. Assersuutigalugu qaffasinnerusumik akissarsiagissaarnerusumillu atorfimmik ittuppit neqeroorfigippatit, ataatsimiigiartarninnulli oqaluusseqataasarninnullu ajoqutaasumik? Atuartuuguimmi, angajoqqaannit nuullutit ilinniagaqaqqinnissannut periarfissinneqaruit? Taamatut pisoqarpat aalajangiinnginninni qinoqqaartariaqarpit, misissueqqissaarlutit ilaquttannillu utoqqaanertanilluunniit oqaloqateqarlutit? Pitsaanerussaaq maanna tamakku pillugit Jehovap isiginnittaasia paasiniarlugulu nammineq pigiliunniarukku. Siunissami taamatut neqeroorfigineqassagaluaruit ussernartorsiorpallaarnak Jehovamik kiffartornissat aallunniarlugu aalajangiussimagakku qanoq iliorniarnerlutit ilisimassavat.
19 Misilinneqarsinnaaninnik ilimaginngisannik pisinnaasut allat immaqa eqqaasinnaassavatit. Soorunami pisinnaasunut tamanut piareersarsinnaanngilagut. Namminerli atuaqqissaarnitsinni Jehovap eqqarsartaasia eqqarsaatigeqqissaartarutsigu ilikkakkavut eqqaamasinnaanerussallutigillu pissutsini suniluunniit atoriaannaanerussavavut. Atuaqqissaaraangatta Jehovap isiginnittaasia paasiniartartigu, eqqarsartaasia nammineq pigiliullugu maanna aamma siunissami silatusaartumik aalajangiinissamut qanoq iluaqutigisinnaanerlugu eqqarsaatigisarisigu.
JEHOVAP EQQARSARTAASIA ILLILLU SIUNISSAT
20, 21. (a) Sooq silarsuartaassami kiffaanngissuserput nuannaarutigissavarput? (b) Maanna inuunerput qanoq nuannaarutigisinnaavarput?
20 Silarsuartaassaq qilanaaringaarparput. Nunarsuarmi paratiisiusumi naassaanngitsumik inuunissamut amerlanersavut neriuuteqarput. Pissutsit maanna atuuttut alianartuinit Guutip naalagaaffia aqutsilerpat aniguisinneqassaagut. Soorunami aamma nammineq iluarisavut pilerigisavullu malillugit aalajangiinissamut kiffaanngissuseqassaagut.
21 Imaanngilarli killeqanngitsumik kiffaanngissuseqassasugut. Maniguuttut Jehovap inatsisaanit eqqarsartaasianillu siulersortillutik aalajangiisassapput. Nuannaangaarnermik eqqissineqangaarnermillu kinguneqassaaq. (Tuss 37:11) Tamanna nallertinnagu Jehovap eqqarsartaasiata pigiliunniarnera nuannaarutigisinnaavarput.
^ par. 4 Romamiut 12:2, NW: “Silarsuarmit matumannga ilusilersortikkunnaaritsi, eqqarsartaatsissili nutaanngortinneratigut allanngoritsi Guutip piumasaa ajunngitsoq naammalluinnartorlu akuerisaalu paasilluaqqullugit.”
^ par. 12 Lap dancing tassaavoq sullitaq qitittartumik, immaqa atisaqarpianngitsumik, sarliagaqarluni atoqateqarpalaartumik qitiffigitittoq. Pisimasumi pissutsit piviusut apeqqutaatillugit tamanna kinguaassiuutitigut inuunerlunnertut nalilerneqarsinnaallunilu utoqqaanertat eqqartuussisinnaanermut ataatsimiititaliamik pilersitsinissaat pisariaqarsinnaavoq. Kristumiu tamatumunnga peqataasimasoq utoqqaanertanut ikioqqusariaqarpoq. – Jaak 5:14, 15.
^ par. 14 Atoqateqarnissamik pileritsannartumik mobili atorlugu allanneq aamma assinik videonillu nassissineq sexting-imik, imaluunniit sakkunnerinermik, taaneqartarpoq. Pissutsit piviusut apeqqutaatillugit utoqqaanertat eqqartuussisinnaanermut ataatsimiititaliamik pilersitsinissaat pisariaqarsinnaavoq. Inuusuttuaqqat taamaaliornermut peqataasimasut ilaatigut oqartussaasunit kinguaassiuutitigut kannguttaatsuliorsimasutut unnerluutigineqartarput. Paasisaqarnerorusukkuit nittartagaq jw.org alakkaruk allaaserisarlu “Unge spørger – Hvad bør jeg vide om sexting?” atuarlugu. (Tuukkit BIBELENS LÆRE > TEENAGERE). Imaluunniit allaaserisaq takuuk “Hvordan man taler med sin teenager om sexting” Vågn op!-imi 2013-imi novembarimoortoq, qupp. 4-5.
^ par. 16 Biibilimi najoqqutassiat iluaqutigisinnaasatit pillugit paasissutissat assersuutigalugu takuuk atuagaq Guutip asanninneraniittuinnaritsi qupp. 246-249.