1-3. (a) Sal­lusuis­sut Biibilimeersoq pil­lugu qanoq misigis­saagut? As­sersuuteqarit. (Al­laaserisap aal­laq­qaataani as­siliat takuk­kit). (b) Al­laaserisami matumani suna sam­mis­savar­put?

NALITSIN­NI inup­pas­suit pisiniarfin­ni pisiamin­nik uter­titsisar­put. Inter­netik­kul­lu pisisar­tut uter­titsigajun­nerup­put. Im­maqa pisiatik ilimagisamit­tut nuan­naritigin­ngilaat, im­maqaluun­niit pisiaat ajoquteqar­poq. Taamaat­tumik al­lamik taarser­niar­tar­paat akialuun­niit uter­tin­niar­tarlugu.

² Sal­lusuis­sut Biibilimeersoq taamaalin­ngisaan­nas­savar­put. ‘Pisiarereeraangatsigu akigin­ngisaan­narusup­par­put’, tas­sa ilin­niareeraangatsigu qimak­kusun­ngisaan­nas­savar­put. (Ussatit 23:23 atuaruk; 1 Tim 2:4) Al­laaserisap matuma siuliani sal­lusuis­sut ilik­karumal­lugu pif­fis­sarujus­suaq atorip­put eq­qar­tor­par­put. Angusaris­saarutaasin­naasorlu pisuun­nguutigisin­naasaq pil­liutigaar­put. Aam­mat­taaq al­lanut at­taveqar­ner­put im­maqa al­lan­ngor­tip­par­put, eq­qarsar­taaser­put iliuuserisar­tak­kavul­lu al­lan­ngor­tip­pavut ileq­qul­luun­niit Jehovap nuan­narin­ngisai taamaatip­pavut. Up­peril­luin­nar­par­pul­li sal­lusuis­sutip  ilik­kar­nerani pil­luaq­qus­sutisiavut pil­liutigisatsin­nit naleqar­nerusut.

³ Jiisusip niuer­toq sapan­ngaris­sumik ujarler­toq as­sersuusiaraa. Niuer­tup naleqangaar­toq nas­saarigamiuk pigisani tamaasa ingerlaan­naq tunivai nas­saani pisiariumal­lugu. Sapan­ngaris­soq Guutip naalagaaf­fia pil­lugu sal­lusuis­sum­mut as­sersuutaavoq. Jiisusip taama as­sersuusiorluni ersersip­paa sal­lusuis­sum­mik nanisisut taman­na qanoq pingaar­titsigis­sagaat. (Matt 13:45, 46) Sal­lusuis­sut, tas­sa Guutip naalagaaf­fia pil­lugu sal­lusuis­sut sal­lusuis­sutil­lu Biibilimeersut al­lat, nanigatsigu taman­na pis­sarsiariumal­lugu aam­ma uagut pil­liuteqarusup­pugut. Sal­lusuis­sut pingaar­tit­tuarutsigu qimak­kusun­ngisaan­nas­savar­put. Ajoraluar­tumil­li Guutip in­nut­taasa ilaat sal­lusuis­sut pingaar­tik­kun­naaramik­ku qimap­paat. Uagut taamaaliun­ngisaan­narusup­pugut! ‘Sal­lusuis­sum­mi inuujuar­nis­samik’ Biibilimi eq­qaasitsis­sut eq­qumaf­figiuarusup­par­put. (3 Johannesi 2-4 atuakkit). Tas­sa sal­lusuis­sut sal­liutis­savar­put inooriaasitsigul­lu ersersil­lugu. Taavami sooq aam­ma qanoq inuit ilaasa sal­lusuis­sut ‘akigisimavaat’, tas­sa qimas­simavaat? Uagut taamaaliun­ngisaan­nar­nis­sar­put qanoq qulak­keersin­naavar­put? ‘Sal­lusuis­sum­mi inuujuarumaneq’ qanoq aalajangiusimanerulersin­naavar­put?

4. Sooq Jiisusip nalaani inuit ilaasa taan­na malik­kun­naar­paat?

⁴ Jiisusip nalaani inuit ilaasa sal­lusuis­sut ilas­seq­qaariarlugu qimap­paat. As­sersuutigalugu Jiisusip inup­pas­suit tupin­nar­tulior­nik­kut nerisereermagit inuit taak­kua Galilæap Tasersuata il­luatungaanut Jiisusi malip­paat. Jiisusili taak­ku uis­suum­mis­sutigisaan­nik ima oqar­poq: “Inuup Er­nerata uin­nga nerin­ngik­kus­siuk aavalu imin­ngik­kus­siuk ilis­sin­ni inuuneqas­san­ngilasi.” Jiisusi oqaatsiminik nas­suiaasin­nagu ajoqersuk­kat ima oqar­put: “Oqaasii sak­kor­toqaat; kik­kut taamaat­tut tusar­naarumasin­naavaat?” Tamatuma kingor­na “ajoqersugaasa ilar­pas­suisa qimap­paat angalaqatigiun­naarlugulu”. – Joh 6:53-66.

5, 6. (a) Sooq nalitsin­ni inuit ilaasa sal­lusuis­sut piaaralutik qimas­simavaat? (b) Sal­lusuis­sut qanoq qimak­kiar­tuaar­neqarsin­naava?

⁵ Ajoraluar­tumik aam­ma nalitsin­ni inuit ilaasa sal­lusuis­sut qimas­simavaat. Sooq? Ilaasa al­las­simaf­fim­mik paasin­nit­taatsimik al­lan­nguisoqar­nera qatan­ngutil­luun­niit angutip ilisimaneqarluar­tup oqaasii iliuusiiluun­niit mamiatsaatigaat. Al­lal­lu Biibilimeersumik siun­nersor­neqar­ner­tik nuan­narin­ngilaat, ilagiin­niit­tul­luun­niit ilaan­nik ilungersunar­tumik isumaqatigiin­ngis­suteqar­put. Sulilu al­lat tunus­sisut ajoqersuinerluutaan­nik uagul­lu pil­luta sal­luliuutaan­nik tapersersuip­put. Jehovamik ilagiin­nil­lu piaaralutik qimatsinermut taak­ku pis­sutaasut ilaminiin­naraat. (Hebr 3:12-14) Qimatsisut Petrusitut Jiisusimik tatigin­nis­simagaluarunik pitsaanerungaarsimas­sagaluar­poq. Inup­pas­suit Jiisusip oqaasiinik mamiatsaatigin­nim­mata Jiisusip apustilimi aam­ma qimas­saneraan­ni aperai. Petrusi ima akivoq: “Naalagaq, kina or­nis­sagatsigu? Il­lit oqaatsinik naas­saan­ngitsumik inuus­sutaasunik pigisaqar­putit.” – Joh 6:67-69.

⁶ Al­lat sal­lusuis­sum­mit qimaguk­kiar­tuaar­tar­put,  im­maqa al­laat nam­min­neq maluginagu. Umiatsiatut saavik­kiar­tor­tutut inuup sal­lusuis­sut qimak­kiar­tuaarsin­naavaa. Biibilimi mianersoq­quneqar­pugut “sarfaan­neqar­tutut” qimaguk­kiar­toq­qunata. (Hebr 2:1) Sal­lusuis­sum­mik qimaguk­kiar­tuaar­tut amerlaner­tigut piaarinatik qimagut­tar­put. Jehovamul­li at­taveqar­ner­tik san­ngiil­lisit­tar­paat an­naariaan­naaler­tarlugulu. Uagut taamaalin­ngisaan­nar­nis­sar­put qanoq qulak­keersin­naavar­put?

7. Sal­lusuis­sutip akigin­ngisaan­nar­nis­saanut suna iluaqutigis­savar­put?

⁷ Sal­lusuis­sum­miit­tuas­sagut­ta Jehovap oqaasii tamaasa akueralugil­lu naalat­tariaqar­pavut. Inuunitsin­ni sal­lusuis­sut pingaar­ner­paatit­tariaqar­par­put sutigul­lu tamatigut najoq­qutas­siat Biibilimeersut maleruarlugit. Kun­ngi Daavi Jehovamut ima qinuvoq: “Ajoqersun­nga Naalagaq aq­qutigeq­qusan­nik, inuusin­naaq­qul­lunga sal­lusuis­sutin­ni.” (Tuss 86:11) Daavip sal­lusuis­sum­miigin­nar­nis­sani aalajangiusimavaa, uagut­taaq taamaat­tariaqar­pugut. Taamaan­ngik­kut­ta sal­lusuis­sut pil­lugu pil­liutigisavut eq­qarsaatigilersin­naavavut al­laal­lu uterfigeq­qik­kusulerlugit. Sal­lusuis­sutil­li Biibilimeersut ilaat akuereriarlugit al­lat sumigin­narsin­naan­ngilavut. “Sal­lusuis­sut tamaat” akuerisariaqar­par­put. (Joh 16:13) Al­laaserisap matuma siuliani sal­lusuis­sut ilik­karumal­lugu maleruarumal­lugulu pil­liutigisariaqak­kavut tal­limat eq­qar­tor­pavut. Maan­na pil­liutigisimasatsin­nut utin­ngisaan­nar­nis­saq qanoq qulak­keersin­naagip­put eq­qar­tus­savar­put. – Matt 6:19.

8. Kristumiup pif­fis­samik atueriaasini sal­lusuis­sum­mit qanoq qimaguk­kiar­tus­sutigisin­naava? As­sersuuteqarit.

⁸ Piffissaq. Sal­lusuis­sum­mit qimaguk­kiar­tun­ngin­nis­sar­put qulak­keerumal­lugu pif­fis­sar­put silatusaar­tumik ator­tariaqar­par­put. Mianersun­ngik­kut­ta pif­fis­sar­put aliik­kusersor­nermut, inter­neter­nermut fjer­nsyner­nermul­luun­niit ator­pal­laalersin­naavar­put. Tamak­ku im­mini ajor­tuun­ngik­kaluar­tut pif­fis­saq atuaq­qis­saar­nermut oqaluus­sinermul­lu ator­tagaraluar­put asiutis­sin­naavar­put. Em­map taman­na misigaa. * Niviarsiaran­nguul­lunili hiistinik nuan­narisaqar­tuuvoq periarfis­saqar­neril­lu tamaasa hiister­tarluni. Pif­fis­sarujus­suaq tamatumun­nga ator­tak­kani ilerasuutigiler­paa pingaar­titaminil­lu al­lan­nguiniarluni aalajangerluni. Aam­ma Cory Wellsip, qatan­ngutip hiisterlutik takutitsisar­tuusimasup, inuunerminik oqalut­tuar­nera ilin­niarfigaa. * Maan­na Em­map Jehovamut kif­far­tor­nini pif­fis­saqarfigineruaa aam­ma ilaqut­tani ikin­ngutinilu Jehovamut kif­far­tor­tuusut pif­fis­saqarfiginerulerlugit. Guutimut qanin­nerusutut  misigivoq nalerisimaarlunilu nalun­ngin­namiuk pif­fis­sani silatusaar­tumik atorlugu.

9. Nunap pii qanoq uagutsin­nut pingaruteqar­palaalersin­naap­pat?

⁹ Nunap pii. Sal­lusuis­sum­miit­tuas­sagut­ta nunap piinut eq­qor­tumik isigin­nit­taaseqar­tariaqar­pugut. Sal­lusuis­sut ilik­karatsigu Jehovamut kif­far­tor­neq nunap piinin­ngar­nit pingaar­nerusoq paasivar­put, pigisal­lu uagutsin­nut pingaan­ngin­neruler­put. Pif­fis­sal­li ingerlanerani inuit ator­toris­saarutinik elektroniskiusunik nutaaner­paanik al­lanil­luun­niit pisaar­torsimasut takusaratsigit im­maqa amigaateqar­tutut misigiler­pugut. Pigisavut nalerisimaarutigiun­naarlugit Jehovamut kif­far­tor­neq tunul­liul­lugu nunap pii pingaar­nerutilersin­naavavut. Taman­na Demasimik eq­qaasin­neqaatigaar­put. Taas­suma “silarsuaq man­na” nuan­naringaaramiuk im­minut apustilimul­lu Paulusimut sulias­siis­sutigineqar­toq qimap­paa. (2 Tim 4:10) Im­maqa Demasip nunap pii Jehovamut kif­far­tor­nermit nuan­narineruai. Im­maqaluun­niit Paulusimik kif­far­toqateqar­nermini pil­liuteqarusuk­kun­naar­poq. Suna ilin­niutis­sar­taraa? Im­maqa sior­natigut pigisaqarusup­pal­laar­nikuusimavugut. Mianersun­ngik­kut­ta taamaaleq­qis­sin­naavugut al­laal­lu sal­lusuis­sut nuan­nariun­naarlugu.

10. Kik­kun­nit sun­ner­tin­naveersaas­saagut?

¹⁰ Allanut attaveqarneq. Sal­lusuis­sum­miit­tuarumal­luta Jehovamut kif­far­tor­tuun­ngitsut uatsin­nut sun­niuteqar­tis­san­ngilavut. Sal­lusuis­sut ilik­karatsigu ikin­ngutinut ilaqut­tanul­lu Nalunaajaasuun­ngitsunut at­taveqar­ner­put al­lan­ngor­poq. Im­maqa ilaasa up­perisar­taar­put ataq­qivaat, al­lal­li im­maqa akerlilersor­paat. (1 Petr 4:4) Soorunami ilaqut­tavut sapin­ngisamik pitsaaner­paamik inus­siar­nersumil­lu at­taviginiar­pavut. Taak­kuli nuan­naar­tin­niarlugit Jehovap najoq­qutas­siai sumigin­narsin­naan­ngilavut. Aam­ma Korinthimiunut al­lak­kani siul­ler­ni 15:33-mi al­las­simasumit paasivar­put qanimut ikin­ngutigisavut tas­saasariaqar­tut Jehovamik asan­nit­tut.

11. Eq­qarsaatit iliuutsil­lu mingun­nar­tut qanoq ingalas­simasin­naavavut?

¹¹ Eqqarsaatit iliuutsillu mingunnartut. Sal­lusuis­sum­miis­sagut­ta Jehovap isaani il­ler­nar­tuusariaqar­pugut, tas­sa minguitsuusariaqar­pugut. (Es 35:8; 1 Petrusi 1:14-16 atuakkit). Sal­lusuis­sut ilik­karatsigu najoq­qutas­siat Biibilimeersut maleruarumal­lugit inuunitsin­ni al­lan­nguivugut. Al­lan­nguerujus­suar­toqarsimavoq. Minguitsumik inuujun­naarluta inuunerluleq­qunata suli mianersor­tariaqar­pugut. Inuunerluler­nis­samut us­ser­nar­torsior­nerup akior­nis­saanut suna iluaqutigisin­naavar­put? Jehovap uagut il­ler­nar­tooq­qul­luta tun­nius­saa eq­qarsaatigiuk. Er­nermi asasami Jiisusip Kristusip inuunera erlin­nar­toq tun­niup­paa! (1 Petr 1:18, 19) Jehovap isaani minguitsuujuarsin­naaq­qul­luta Jiisusip uter­titsis­sutitut pil­liutaa qanoq naleqar­tigisoq eq­qaamajuar­tariaqar­par­put.

12, 13. (a) Sooq nal­liut­tut Jehovap isigin­nit­taasiatut isigin­nit­taaseqarfigisariaqar­pavut? (b) Tul­liul­lugu suut sam­mis­savavut?

¹² Ileqqut Guutip nuannarinngisai. Ilaqut­tat­ta, suleqatit­ta atuaqatit­taluun­niit nal­liut­torsior­nermin­nut peqataatin­niarsin­naavaatigut. Ileq­qunik nal­liut­tunil­lu Jehovap iluarin­ngisaanik peqataatin­niar­neqar­neq qanoq akiorsin­naavar­put?  Jehovap nal­liut­tunik tamak­kunin­nga iluarin­nin­ngin­neranut pis­sutaasut puiun­ngisaan­nar­tariaqar­pavut. Nal­liut­tut ilaat qanoq naggueqar­nersut pil­lugu atuagas­siaatitsin­ni misis­suisin­naavugut. Nal­liut­tunik tamak­kunin­nga nal­lius­sin­ngin­nis­samut pis­sutaasut Biibilimeersut eq­qarsaatigeq­qis­saaraangatsigit “Naalak­kap iluarisaa” naaper­torlugu inuul­luta qularutigiun­naar­tar­par­put. (Ef 5:10) Jehova taas­sumalu oqaasia tatigigutsigit inuit qanoq isumaqarfigineraatigut isumakuluutigis­san­ngilar­put. – Uss 29:25.

¹³ Neriuutigaar­put naas­saan­ngitsumut sal­lusuis­sum­mi inuunis­sar­put. Sal­lusuis­sum­miit­tuarumaner­put aalajangiusimanerulerumal­lugu suna iluaqutigisin­naavar­put? Iliuuserisin­naasavut pingasuup­put.

14. (a) Biibilimik atuaq­qis­saar­tuar­nerup sal­lusuis­sutip qiman­ngisaan­nar­nis­saanik qanoq aalajangiusiman­nin­nerulersis­savaatigut? (b) Sooq ilisimas­suseq, ajoqersuus­sut paasisimasaqas­suserlu pisariaqar­tip­pavut?

¹⁴ Siul­lermik, Biibilimik atuaq­qis­saar­tuar­tariaqar­putit ilik­kak­katil­lu eq­qarsaatigeq­qis­saarlugit. Atuaq­qis­saar­nis­samut pilersaarusior­tarit. Atuaq­qis­saar­nerujar­tor­til­lutit sal­lusuis­sut nuan­narinerujar­tus­savat qiman­ngisaan­nar­nis­saalu aalajangiul­lugu. Us­satit 23:23-mi ima al­las­simavoq: “Pisiariniaruk sal­lusuis­suseq ... Pisiarik­kit­taaq ilisimas­suseq, ajoqersuus­sut paasisimasaqas­suserlu!” Sal­lusuis­sutip Biibilimeersup ilisimaan­nar­nis­saa naam­man­ngilaq. Inuunitsin­ni maleruar­tariaqar­par­put. Paasisimasaqas­suseqaleraangat­ta ilisimariik­katsin­nut ataqatigiis­sitsisar­pugut. Ilisimas­sutsip ilisimasatsitut iliuuseqar­nis­samut kil­lit­tar­paatigut. Ilaan­nik­kut sal­lusuis­sum­mit ajoqersor­tit­tar­pugut, tas­sa perorsar­tit­tar­pugut, qanoq al­lan­nguisariaqar­tugut paasitil­luta. Taamatut perorsar­neqar­ner­put qisuariarfigipal­lat­tariaqar­par­put, Biibilimimi al­las­simavoq taman­na sølvimit erlin­nar­nerusoq. – Uss 8:10.

15. Sal­lusuis­sut qitequtitut qanoq il­lersuutigaar­put?

¹⁵ Aap­pas­saanik, sal­lusuis­sutip ul­luin­nar­ni maleruar­nis­saa aalajangiusimasariaqar­par­put. Biibilimi sal­lusuis­sut qitequm­mut sak­kutuup atugaanut as­sersuun­neqar­poq. (Ef 6:14) Biibilip nalaani sak­kutuup qitequtini sukas­simajuar­til­lugu sorsun­nermi il­lersuutigisar­paa. Sukas­siman­ngip­pat il­lersuutiginavian­ngilaa. Sal­lusuis­sut qitequtitut qanoq il­lersuutigaar­put? Sal­lusuis­sut Biibilimeersoq tamatigut maleruarutsigu eq­qun­ngitsumik eq­qarsar­nis­samut il­lersuutigis­savar­put silatusaar­tumil­lu aalajangiinis­samut iluaqutigalugu. Ilungersunar­tumik ajor­nar­torsioraangat­ta  eq­qun­ngitsulior­nis­samul­luun­niit us­ser­nar­torsioraangat­ta sal­lusuis­sutip Biibilimeersup eq­qor­tulior­nis­samut aalajangiusiman­nin­nerulersis­savaatigut. Soorlu sak­kutuup sorsugias­saguni qitequtini qiman­ngisaan­nas­sagaa aam­ma uagut sal­lusuis­sut qiman­ngis­saan­nas­savar­put. Qulak­kiis­savar­put sal­lusuis­sut inuunitsin­ni sutigut tamatigut maleruar­nerlutigu. Sak­kutooq aam­ma qitequtimini panaqar­tar­poq. Sal­lusuis­sum­miit­tuarumal­luta sak­kutuutul­lusooq qanoq iliorsin­naanersugut sam­meriar­tigu.

16. Sal­lusuis­sum­mik al­lanut ilin­niar­titsineq sal­lusuis­sum­miit­tuar­nis­samut qanoq iluaqutigaar­put?

¹⁶ Pingajus­saanik, sal­lusuis­sut Biibilimeersoq sapin­ngisan­nik al­lanut ilin­niar­titsis­sutigiuk. Biibili panamut as­sersuun­neqar­poq. Soorlu sak­kutuujul­luar­tup panani tigul­luar­titaarsimasaraa uagut­taaq Guutip oqaasia tigul­luar­titaarsimasariaqar­par­put. (Ef 6:17) Tamat­ta ilin­niar­titsil­laq­qin­nerulersin­naavugut ‘oqaatsimik sal­lusuis­sutip pianik tunioraal­luar­tutut’. (2 Tim 2:15, tastamantitâĸ) Al­lanik ilin­niar­titsinitsin­ni Biibili atoraangatsigu sal­lusuis­sut ilisimanerulerlugulu nuan­narineruler­tar­par­put sal­lusuis­sum­miit­tuar­nis­sar­pul­lu aalajangiusimaneruler­tarlutigu.

17. Sooq sal­lusuis­sut ilin­nut erlin­nar­tuua?

¹⁷ Sal­lusuis­sut Jehovamit tunis­sutaavoq erlin­nar­toq Ataatatsin­nul­lu qilam­miusumut qanimut at­taveqaler­nis­samut periarfis­saqalersitsisoq. Sunit tamanit naleqar­ner­paavoq. Jehovap sor­pas­suar­nik ilin­niar­tereer­paatigut, naas­saan­ngitsumul­lu ilin­niar­tit­tuarumal­luta neriorsor­paatigut. Taamaat­tumik sal­lusuis­sut sapan­ngaris­sutut naleqangaar­tutut erligiuk. “Pisiariniaruk sal­lusuis­suseq, akigeqinagulu.” Taava Daavitut Jehovamut oqaatsitit uku pimoorutis­savatit: ‘Ajoqersun­nga inuusin­naaq­qul­lunga sal­lusuis­sutin­ni.’ – Tuss 86:11.