1-2. (a) Ul­lut tamaasa piner­tusaar­nis­samut suna iluaqutigisin­naavar­put? Nas­suiaruk. (b) Al­laaserisami matumani suut sam­mis­savavut?

“MISILIN­NEQAATIGISIMASARA eq­qarsaatigalugu nalun­ngilara nam­mineerlunga piner­tusaarsimasin­naananga.” Tamatumun­nga as­singusumik oqar­nikuuit? Inup­pas­suit taamaas­simap­put. Im­maqa taama oqar­nikuuvutit perulun­nar­tumik nap­paateqareerlutit asasamil­luun­niit toqusooreerlutit taman­na naam­magalugu qanoq atorsimasin­naanerit eq­qarsaatigigak­ku. Im­maqa taamani misigivutit Jehovap anersaaminik il­ler­nar­tumik ‘pis­saanermik as­seqan­ngitsumik’ tunisarsimam­matit ul­lut tamaasa piner­tusaarsin­naasimal­lutit. – 2 Kor 4:7-9.

² Aam­ma silarsuup ajor­tup matuma sun­niutaasa akior­niar­nerini anersaaq il­ler­nar­toq pisariaqar­tip­par­put. (1 Joh 5:19) Aam­mami ‘ajus­sutsip anersaavi pis­saasut’ akior­tariaqar­pavut. (Ef 6:12) Tamak­kor­pas­suar­nit tatineqar­nivut eq­qarsaatigalugit anersaap il­ler­nar­tup marlutsigut ikiuisin­naanera sam­mis­savar­put. Aam­ma anersaaq il­ler­nar­toq tamak­kiisumik iluaqutigiumal­lugu qanoq iliorsin­naasugut sam­mis­savar­put.

3. An­nikil­lior­nitsin­ni piner­tusaarsin­naaq­qul­luta Jehovap qanoq ikior­tar­paatigut?

³ Jehovap anersaavata il­ler­nar­tup nukis­saqar­tit­tar­paatigut an­nikil­lioraluarluta akisus­saaf­fitsin­nik naam­mas­sin­nis­sin­naaq­qul­luta. Apustili Paulusi ‘Kristusip pis­saanera’ iluaqutigigamiuk an­nikil­lioraluarluni suliuarsin­naal­luni misigivoq. (2 Kor 12:9) Aap­pas­saanik ajoqersuiar­torluni angalanermini oqaluus­sinermi saniatigut aningaasatigut im­minut pilersor­poq. Akvila Priskil­lalu Korinthimi inisimaf­figai. Taak­kua tupilior­tuup­put. Paulusilu nam­mineq aam­ma tupilior­tuugami pif­fis­sap ilaa taak­ku suleqatigisar­pai.  (ApS 18:1-4) Paulusi anersaamit il­ler­nar­tumit nukis­saqar­tin­neqarami inuus­sutis­sarsiorsin­naal­lunilu oqaluus­siuarsin­naavoq.

4. Korinthimiunut al­lak­kat aap­paat 12:7-9 naaper­torlugit Paulusi sumik ajor­nar­torsiuteqar­pa?

⁴ 2 Korinthimiut 12:7-9 atuakkit. Versini taak­kunani Paulusip suna pivaa oqarami ‘kapinar­tumik timiminut kap­pus­simasoqar­toq’? Il­lit timin­ni kapinar­toqar­pat an­niangaas­saatit. Tas­sa Paulusip ersersin­niar­paa nam­mineq inut­tut arlaan­nik an­niaateqarluni. Ajor­nar­torsiut taman­na tas­saanerar­paa ‘Saatanip in­ngiliata im­minik anaalerinera’. Ilimanan­ngilaq Saatani in­ngilipiluilu Paulusip ajor­nar­torsiutaanut, kapinar­tutut it­tumut, pisuusut. Anersaal­li ajor­tut taak­kua Paulusip timaani kapinar­toqar­toq malugaat, kap­pun­nerunerulersil­lugulusooq an­niar­nerulersin­niar­paat. Paulusi qanoq ilior­pa?

5. Paulusip qin­nutaanut Jehova qanoq akiva?

⁵ Paulusip ‘kapinar­toq’ aal­laq­qam­mut peer­tik­kusuk­kaluar­paa. Ima al­lap­poq: “Pingasoriarlunga Naalagaq [Jehova] qin­nuigaara taan­na uan­nit peersitaaq­qul­lugu.” Taama qinusareeraluar­toq kapinar­toq timaanit peer­neqan­ngilaq. Imaap­pa Jehovap Paulusip qin­nutai akin­ngik­kai? Naamerluin­naq. Qin­nutai akivai. Jehovap ajor­nar­torsiut piin­ngilaa, Paulusili piner­tusaarsin­naaq­qul­lugu nakus­satsip­paa. Jehova ima oqar­poq: ‘Pis­saanera san­ngiis­sutsimi naam­matsit­tar­poq.’ (2 Kor 12:8, 9) Guutil­lu ikiuineratigut Paulusi nuan­naar­tuarsin­naal­lunilu qamuuna eq­qis­sisimajuarsin­naavoq! – Fil 4:4-7.

6. (a) Jehovap qin­nutivut qanoq akisin­naavai? (b) Al­las­simaf­fiit in­nersuus­sutigineqar­tut qanoq nakus­satsis­sutigaagit?

⁶ Paulusip pineratul­li ajor­nar­torsiutit qaangerumal­lugu Jehova kimigiiserfiginikuuiuk? Arlaleriarlutit qinusaraluarlutit ajor­nar­torsiutit peer­neqan­ngim­mat – ajor­neruliin­narmal­luun­niit – Jehovamit iluarisaajun­naarsimanerlutit isumakuluutigisimaviuk? Taamaap­pat Paulusimik oqalut­tuaq eq­qaamajuk. Paulusip qin­nutaanik akisinermisul­li Jehovap qin­nutitit akiumaar­pai! Im­maqa ajor­nar­torsiutit piin­ngik­kaluarlugu, ajor­nar­torsior­nin­nili piner­tusaarsin­naaq­qul­lutit anersaani il­ler­nar­toq atorlugu nakus­satsis­savaatit. (Tuss 61:4, 5) Im­maqa ‘orlutitaas­saatit’, Jehoval­li qimas­san­ngilaatit. – 2 Kor 4:8, 9; Fil 4:13.

7-8. (a) Anersaaq il­ler­nar­toq qanoq anorimut as­sersuun­neqarsin­naava? (b) Anersaap il­ler­nar­tup sulinera Petrusip qanoq al­laatigaa?

⁷ Anersaaq il­ler­nar­toq al­latigut qanoq iluaqutigisin­naavar­put? Anersaaq il­ler­nar­toq anorimut as­sersuus­sin­naavar­put. Soorlu mal­leraluar­toq anori iluaqutigalugu tis­siar­taat or­nitaminut isuman­naatsumik apuus­sin­naasoq, taamatul­li ajor­nar­torsioraluarluta anersaaq il­ler­nar­toq iluaqutigalugu Jehova kif­far­torfigiuarsin­naavar­put Guutip silarsuar­taas­saanut apuun­nis­sat­ta tungaanut.

⁸ Apustili Petrusi aalisar­tuugami umiar­tor­neq sungiusimavaa. Maluginiar­nar­poq anersaap il­ler­nar­tup sulinera al­laatigigamiuk oqaaseq umiar­tor­nermut tun­ngasoq atoraa. Ima al­lap­poq: ‘Pruf­fiitip siulit­tuutaa inuup piumasaagut tutsiutin­ngisaan­nar­poq, anersaamil­li il­ler­nar­tumit sun­ner­til­lutik inuit Guutimit pisumik oqaaseqar­tar­put.’ Oqaaseq grækerisooq ‘sun­ner­tin­nermik’ nutser­neqar­toq nutsiin­navil­lugu ‘ingerlan­neqar­nermik’ isumaqar­poq. – 2 Petr 1:21.

9. Petrusip oqaaseq ‘ingerlan­neqar­tumik’ isumaqarsin­naasoq atoramiuk suna pivaa?

⁹ Petrusip oqaaseq ‘ingerlan­neqar­tumik’ isumaqarsin­naasoq atoramiuk suna pivaa? Oqaaseq grækerisooq taman­na Lukasip, Apustilit Suliaan­nik al­lat­tup, tis­siar­taat anorimit ‘tis­sukaatitin­neqar­toq’ al­laatigigamiuk ator­paa.  (ApS 27:15) Biibilimik ilisimatooq naaper­torlugu Biibilimik al­lat­tut ‘ingerlan­neqar­nerat’ Petrusip eq­qaagamiuk oqaaseq umiar­tor­nermut tun­ngasoq as­sersuutitut ator­paa. Petrusi oqar­porlusooq tis­siar­taatip apuuf­fis­saminut anorimit ingerlan­neqar­tar­neratul­li, pruf­fiitit Biibilimil­lu al­lat­tut anersaamit il­ler­nar­tumit ingerlan­neqarlutik sulias­satik naam­mas­sisaraat. Ilisimatooq taan­na ima al­lap­poq: “Soorlulusooq pruf­fiitit tingerlaatitik siaar­taraat.” Jehovap iliuusis­sani iliuuserisar­paa, tas­sa “anori”, anersaaq il­ler­nar­toq, pilersit­tar­paa. Biibilimik al­lat­tut iliuusis­satik iliuuserisar­paat. Anersaap siulersuinera naaper­torlugu iliuuseqar­tar­put.

10-11. Anersaamit il­ler­nar­tumit siumukar­tin­neqar­nersugut qulak­kiis­sagutsigu suut marluk iliuuserisariaqar­pavut? As­sersuuteqarit.

¹⁰ Ul­lumik­kut Guuti isumas­sarsisitsil­luni al­latsitsineq ajor­poq. Iliuusis­sanili suli iliuuserisar­paa. Aap, anersaava il­ler­nar­toq taas­suma in­nut­taanut suli sun­niuteqar­tar­poq. Guutip anersaava il­ler­nar­toq qanoq iluaqutigisin­naavar­put? Uagut iliuuserisas­sar­put iliuuserisimanerlugu qulak­keer­tariaqar­par­put. Qanoq?

¹¹ As­sersuut una eq­qarsaatigiuk: Umiar­tor­tup anori iluaqutigis­saguniuk iliuuserisas­sai marluup­put. Siul­lermik, tis­siar­taat anorlersumut pisit­tariaqar­paa. Tis­siar­taam­mi umiarsualivim­miigin­naruni ingerlanavian­ngilaq. Aap­pas­saanik, tis­siar­taatip tingerlaatai amoorlugil­lu siaarluar­tit­tariaqar­pai. Tas­sami anorleraluar­pal­luun­niit aatsaat ingerlasin­naavoq tis­siar­taat avalatsil­lugu anorimut saatsik­kuniuk. Taamatul­li Jehovamut kif­far­tor­nermi piner­tusaarsin­naavugut aatsaat anersaamit il­ler­nar­tumit ikior­neqarut­ta. Anersaaq taman­na iluaqutigis­sagutsigu iliuuserisas­savut marluup­put. Siul­lermik, Guutip anersaaminik siulersorluta iliuusereq­qusai iliuuserisariaqar­pavut. Aap­pas­saanik, ‘tingerlaativut’ amoorluarsimasariaqar­pavul­lusooq Guutip suliareq­qusaanik sapin­ngisar­put tamaat peqataanitsigut. (Tuss 119:32) Taak­ku marluk iliuuserigutsigit akerlilersor­neqar­nitsin­ni ajor­nar­torsior­nitsin­nilu  anersaap il­ler­nar­tup siumut ingerlatis­savaatigut Guutil­lu silarsuar­taas­saanut aalajaal­luta apuun­nis­satsin­nut ikiorluta.

12. Maan­na suut sam­mis­savavut?

¹² Anersaap il­ler­nar­tup marlutsigut qanoq ikior­taraatigut sam­mereer­par­put. Anersaap il­ler­nar­tup nukis­saqar­tit­tar­paatigut ajor­nar­torsior­nitsin­nilu aalajaaq­qul­luta ikior­tarluta. Aam­ma anersaap il­ler­nar­tup siumukar­tit­tar­paatigut aq­qutik­kul­lu inuunermut naas­saan­ngitsumut sam­misuk­koor­tit­tuarluta. Maan­na anersaaq il­ler­nar­toq tamak­kiisumik iluaqutigisin­naaq­qul­lugu iliuuserisariaqak­kavut sisamat sam­meriar­tigit.

13. Timotheusimut al­lak­kat aap­paat 3:16, 17 naaper­torlugit Biibilimit qanoq sun­ner­neqarsin­naavugut, susariaqar­pugul­li?

¹³ Siul­ler­mik, Guutip oqaasia atuaq­qis­saar­taruk. (2 Timotheusi 3:16, 17 atuakkit). Guutip ‘Al­lak­kat anersaarfigai’, taman­na isumaqar­poq anersaani atorlugu Biibilimik al­lat­tut eq­qarsaatimisut eq­qarsaateqalersik­kai. Biibili atuaraangatsigu atuak­kavul­lu eq­qarsaatigeq­qis­saaraangatsigit Guutip siun­nersuutai isumatsin­nut uum­matitsin­nul­lu sun­niuteqar­tar­put. Oqaatsit isumas­sarsiarititaasut Guutip piumasaanut naaper­tuut­tumik inuunis­satsin­nut kil­lin­neqaatigisar­pavut. (Hebr 4:12) Anersaarli il­ler­nar­toq tamak­kiisumik iluaqutigis­sagutsigu aalajangersimasumik Biibilimik atuaq­qis­saar­nis­samut atuak­katsin­nil­lu eq­qarsaatigin­neq­qis­saar­nis­samut pif­fis­saqar­tariaqar­pugut. Taava Guutip oqaasia oqaloriaatsitsin­nut iliuuserisar­tak­katsin­nul­lu tamanut sun­niuteqas­saaq.

14. (a) Sooq oqarsin­naavugut ataatsimiin­nitsin­ni anersaaq il­ler­nar­toq najuut­tar­toq? (b) Ataatsimiin­nitsin­ni qanoq ‘tingerlaater­put siaarluarsimatis­sin­naavar­pul­lusooq’?

¹⁴ Aap­pas­saanik, up­peqatitit peqatigalugit Guuti pal­lor­figisaruk. (Tuss 22:23) Kristumiutut ataatsimiin­nitsin­ni Jehovap anersaavata najor­tar­paatigut. (Saqq 2:29) Sooq taama oqarsin­naavugut? Up­peqativut peqatigalugit Guuti pal­lorfigigaangatsigu anersaaq il­ler­nar­toq qin­nutigisar­par­put, erinarsuutit Naalagaaf­filersaarutit Guutip oqaasianik tun­ngaveqar­tut erinarsor­tar­pavut aam­ma qatan­ngutit angutit anersaamit il­ler­nar­tumit toq­qar­neqarsimasut Biibili tun­ngavigalugu siun­nersor­tar­paatigut. Aam­ma anersaaq il­ler­nar­toq ikior­tigalugu qatan­ngutit ar­nat piareersak­katik saq­qum­miut­tar­paat. Taamaat­tumik anersaaq il­ler­nar­toq tamak­kiisumik iluaqutigiumal­lugu piareersarsimal­luta ataatsimiin­nitsin­ni peqataasariaqar­pugut. Taamaalioraangat­ta ‘tingerlaater­put siaarluarsimatil­lugulusooq’ ataatsimiit­tar­pugut.

15. Oqaluus­sinermi anersaaq il­ler­nar­toq qanoq ikior­tigisin­naavar­put?

¹⁵ Pingajus­saanik, oqaluus­seqataasarit. Oqaluus­sinermi ilin­niar­titsinermilu Biibili atoraangatsigu anersaaq il­ler­nar­toq ikior­tigisar­par­put. (Rom 15:18, 19) Guutip oqaasia tamak­kiisumik iluaqutigumal­lugu aalajangersimasumik oqaluus­seqataasariaqar­putit oqaluus­sinermilu Biibili atorsin­naagaangak­ku ator­tarlugu. Oqaluus­sinerit siuner­taqarluar­tis­sin­naavat oqaloqatigiin­nis­samut siun­nersuutit ul­luin­nar­ni ataatsimiin­ner­ni najoq­qutas­saniit­tut ator­taruk­kit.

16. Anersaaq il­ler­nar­toq qanoq ajor­nan­ngin­ner­paamik pisin­naavar­put?

¹⁶ Sisamas­saanik, Jehovamut qinusarit. (Matt 7:7-11; Luk 11:13) Anersaaq il­ler­nar­toq Jehovamut qin­nutigineratigut ajor­nan­ngin­ner­paamik pisin­naavar­put. Qin­nutit­ta Jehovamut an­ngun­nis­saat aam­ma anersaamit il­ler­nar­tumit ikior­neqar­nis­sar­put sumil­luun­niit akor­nuser­neqarsin­naan­ngil­lat – al­laat par­naarus­saaq­qagaluarut­ta Saataniluun­niit akor­nusiiniaraluar­pat. (Jaak 1:17) Anersaaq il­ler­nar­toq tamak­kiisumik iluaqutigisin­naajumal­lugu qanoq  qinusas­saagut? Taman­na akis­sutis­sarsiumal­lugu qin­nutit pil­lugit paasisaqar­nerusin­naavugut Lukasip iivangkiiliuani as­sersuusiat misis­sor­nerisigut. *

17. Lukasi 11:5-9, 13 naaper­torlugit Jiisusip qinuneq pil­lugu qanoq ilin­niar­tip­paatigut?

¹⁷ Lukasi 11:5-9, 13 atuakkit. Jiisusip as­sersuusiaanit erser­poq anersaaq il­ler­nar­toq qanoq qin­nutigisas­sagip­put. Angutip as­sersuusiarineqar­tup pisariaqar­titani pivai ‘in­nimiil­lisaarami’. Un­nuk­kut kingusik­kaluar­toq tunuarsimaar­nani ikin­ngutiminut ikioq­quvoq. * As­sersuusiaq taman­na qinusar­nis­samut tun­ngatil­lugu Jiisusip qanoq ator­paa? Jiisusi oqar­poq qinujuarut­ta, ujarler­tuarut­ta kasut­tor­tuarut­talu map­piun­neqas­sasugut. Taman­na qanoq ilin­niarfigisin­naavar­put? Anersaaq il­ler­nar­toq pis­sagutsigu qinunitsin­ni nikal­lujuit­tariaqar­pugut.

18. Jiisusip as­sersuusiaa naaper­torlugu sooq up­peril­luin­narsin­naavar­put Jehovap anersaaminik il­ler­nar­tumik tuniumaaraatigut?

¹⁸ Jiisusip as­sersuusiaanit aam­ma paasivar­put sooq Jehovap aner­saani il­ler­nar­toq uagutsin­nut tun­niut­taraa. Angut as­sersuusiarineqar­toq inoroorsaarluar­toorusup­poq. Tikeraar­tini nerisas­saqar­tit­tariaqarlugu misigivoq, nerliutas­saqar­nanili. Jiisusi oqar­poq angut nikal­lujuil­luni nerisas­samik piumam­mat saniliata piumasaanik tunigaa. Jiisusip suna erseq­qis­sar­niar­paa? Inuk naam­mal­luin­nan­ngitsoq tunuarsimaar­nani ikioq­qusumik ikiuerusup­pat, Ataatat­ta qilam­miusup anersaaminik il­ler­nar­tumik nikal­lujuil­lutik qin­nuigin­nit­tut ikiorusun­nerungaas­savai! Taamaat­tumik up­peril­luin­narsin­naavar­put anersaamik il­ler­nar­tumik tuneq­qul­luta Jehova qin­nuigigutsigu akis­sagaatigut. – Tuss 10:17; 66:19.

19. Sooq ajugaajumaarluta up­peril­luin­narsin­naavar­put?

¹⁹ Saatanip naak­kit­taal­luni saas­sut­tuaraluaraatigut up­peril­luin­narsin­naavar­put ajugaajumaarluta. Sooq? Anersaap il­ler­nar­tup marlutsigut ikior­tarmatigut. Siul­ler­tut, ajor­nar­torsiutit­ta anigor­nis­saan­nut nukis­saqar­tit­tar­paatigut. Aap­paat­tut, siumukar­tit­tuas­savaatigut Guutip silarsuar­taas­saanut apuun­nis­sat­ta tungaanut. Anersaap il­ler­nar­tup tamak­kiisumik iluaqutiginis­saa aalajangiusimatigu!