1-2. Ilumoorfigin­nil­luta asaqatigiin­nis­satsin­nut sunik pis­sutis­saqar­pugut?

ILUMOORFIGIN­NIL­LUTA asaqatigiin­nis­satsin­nut pis­sutis­saqarluar­pugut. Sunik? Taman­na us­satini isumas­sarsiarititaasuni ukunani akineqar­poq. “Iperar­naviik­kit ilumoorsuseq sal­lusuis­sul­lu, ... taava Guutip inuil­lu isaan­ni iluarisaalis­saatit silatus­suseqalerlutil­lu.” “Angut ikin­ngutin­nersoq im­minut iluaqutis­sior­tar­poq.” ‘Iluar­nermik ilumoorsutsimil­lu noq­qaas­sutigin­nit­tup inuus­sut pis­sarsiaris­savaa.’ – Uss 3:3, 4; 11:17; 21:21.

² Us­satini taak­kunani ilumoorfigin­nil­luta asaqatigiin­nis­satsin­nut pis­sutaasut pingasut eq­qaaneqar­put. Siul­ler­tut, ilumoorfigin­nil­luta asan­nit­tuliorut­ta Guutip iluaris­savaatigut. Aap­paat­tut, ilumoorfigin­nil­luta asan­nit­tulioraangat­ta nam­mineq iluaqutigisar­par­put, as­sersuutigalugu ikin­ngutin­naaqaler­tar­pugut. Pingajuat­tut, ilumoorfigin­nil­luta asan­nit­tulior­tarut­ta siunis­sami pil­luaq­qusaas­saagut, ilaatigut inuunermik naas­saan­ngitsumik. Ilumum­mi, Jehovap oqaasiisa ukua naalan­nis­saan­nut pis­sutis­saqarluar­pugut: “Ajun­ngitsuliorfigeqatigiigitsi naak­kit­tarfigeqatigiil­lusilu.” – Zak 7:9.

3. Al­laaserisami matumani apeq­qutit suut sam­mis­savagut?

³ Al­laaserisami matumani apeq­qutit sisamat uku akis­sutis­sarsis­savagut: Kik­kut ilumoorfigin­nil­luta asas­savagut? Ilumoorfigin­nil­luni asan­nit­tulior­neq pil­lugu Ruthimik al­lak­kanit suut ilik­kar­pagut? Ul­lumik­kut qanoq ilumoorfigin­nil­luta asan­nit­tuliorsin­naavugut? Ilumoorfigin­nil­lutik asan­nit­tulior­tar­tut qanoq pil­luaq­quneqar­tar­pat?

4. Ilumoorfigin­nil­luni asan­nin­nermut tun­ngatil­lugu Jehova qanoq ilaarsin­naavar­put?

⁴ Al­laaserisap siuliani paasisatsitut Jehovap kif­fani kisiisa ilumoorfigin­nil­luni asavai. (Dan 9:4) “Qitor­naasutut asasaasutut” Guuti ilaarusup­par­put. (Ef 5:1) Taamaat­tumik up­peqatitsin­nik ilumoorfigin­nil­luta asan­nin­nis­sar­put kis­saatigaar­put. – Markusi 10:29, 30 atuakkit.

5-6. Aalajaan­neq qanoq paasisariaqar­pa?

⁵ Ilumoorfigin­nil­luni asan­nin­neq paasil­luar­nerugutsigu up­peqatigut ilumoorfigin­nil­luta asan­nin­nermik ersersitsivigil­luar­nerulersin­naas­savagut. Taman­na suunersoq paasil­luar­nerujumal­lugu ilumoorfigin­nil­luni asan­nin­neq aam­ma aalajaan­neq qanoq as­sigiin­ngis­suteqar­nersut as­sersuuteqarluta sam­meriar­tigu.

 ⁶ Inuk ukior­pas­suar­ni sulif­feqarfim­mi sulisimasoq sulisutut aalajaatsutut taasin­naagunar­par­put. Im­maqali ukiuni sulif­figisamini tamani taas­suma sulisitsisuni naapin­nikuun­ngilaa. Aam­ma im­maqa sulif­feqarfim­mi aalajangiun­neqar­tut isumaqatigiuaan­nan­ngilai. Sulif­feqarfik uum­mateqarfigin­ngilaa, akis­sarsiorfigisin­naanerali iluaraa. Pitsaanerusumik sulif­fit­taarsin­naan­ngik­kuni soraar­nin­ngor­nis­sami tungaanut tas­sani sulerusup­poq.

7-8. (a) Inuk ilumoorfigin­nil­luni asan­nit­toq taamaalior­nis­saminut sumik pis­sutiginiagaqar­tar­pa? (b) Sooq Ruthimik al­lak­kat sam­mis­savagut?

⁷ Inuk aalajaatsoq  im­mik­koor­toq 6-imi eq­qaaneqar­toq aam­ma inuk ilumoorfigin­nil­luni asan­nit­toq pis­sutiginiak­kamik­kut as­sigiin­ngil­lat. Guutip kif­fai Biibilimi eq­qaaneqar­tut sumik pis­sutiginiagaqarlutik ilumoorfigin­nil­lutik asan­nit­tulior­tar­pat? Kajumis­suseqaramik, imaan­ngitsoq taamaalioq­quneqaramik, ilumoorfigin­nil­lutik asan­nit­tulior­tar­put. Daavi as­sersuutigeriar­tigu. Ikin­ngutin­naani Jonatani ilumoorfigin­nil­luni asan­nit­tuliorfigisar­paa, taas­suma ataataanit toqun­niar­neqaraluarluni. Jonatanip toqunerata kingor­na ukior­pas­suit qaangiutereersut er­nera Mefibosheti Daavip ilumoorfigin­nil­luni asan­nit­tuliorfigaa. – 1 Sam 20:9, 14, 15; 2 Sam 4:4; 8:15; 9:1, 6, 7.

⁸ Ilumoorfigin­nil­luni asan­nin­neq Ruthimik al­lak­kani paasisaqarfigingaarsin­naavar­put. Inun­nit tas­sani oqalut­tuarineqar­tunit ilumoorfigin­nil­luni asan­nin­neq pil­lugu suut ilin­niarsin­naavagut? Up­peqatitsin­nil­lu pin­nit­tar­nitsin­nut tun­ngatil­lugu ilik­kak­kagut qanoq atorsin­naavagut? *

9. Sooq No’omi isumaqalersimava Jehovamit akerlilersor­neqarluni?

⁹ Ruthimik al­lak­kani No’omi, ukuaa Ruthi aam­ma Boazi oqalut­tuarineqar­put. Boazi Guutimik mianerin­nit­tuusoq No’omip uiminit ilaqutaraa. Israelimi kaan­nersuaqarmat No’omi uini er­ninilu marluk ilagalugit Moabimut nuup­poq. Tas­saniitil­lutik uia toquvoq. Er­nerilu marluul­lutik nuliar­taareerlutik ajoraluar­tumik aam­ma toqup­put. (Ruth 1:3-5; 2:1) No’omi taamatut alianar­tumik misigisaqarami isumatsaq­qarujus­sualer­poq. Ar­torsangaarami isumaqaler­poq Jehovamit akerlilersor­neqarluni. Maluginiaruk Guuti pil­lugu qanoq oqar­toq: ‘Jehovap as­saanik eq­qor­neqar­punga.’ ‘Ajugaqan­ngitsup  narrutsatsis­simavaanga.’ Aam­ma ima oqar­poq: ‘Jehova pisuutil­lunga up­per­narsaavoq, Ajugaqan­ngitsup ajunaar­tik­kaanga.’ – Ruth 1:13, 20, 21.

10. No’omip narrutsas­simaarluni oqaasiinut Jehova qanoq qisuariar­pa?

¹⁰ Jehova No’omip narrutsas­simaarluni oqaasiinut qanoq qisuariar­pa? Kif­fani aliasungaar­toq qiman­nagu misigin­neqatigaa. Jehovap nalun­ngilaa ‘naqisiman­nin­nerup ilisimasoq silaqan­ngitsutut iliulersis­sin­naagaa’. (Oqal 7:7, NW) Jehovamil­li qiman­neqarsiman­ngin­nini paasis­saguniuk No’omi ikior­neqar­tariaqar­poq. Jehovap qanoq ikior­paa? (1 Sam 2:8) Ruthi kajumis­sisip­paa No’omimut ilumoorfigin­nil­luni asan­nit­tulior­nis­saanut. Ruthip kajumil­luni saamal­lunilu sakini misigis­sutsik­kut anersaak­kul­lu nakus­satseq­qin­nis­saanut ikior­paa. Ruthi qanoq ilin­niarfigaar­put?

11. Sooq Nalunaajaasut up­peqatimin­nik nikal­lungasunik ikiuisar­pat?

¹¹ Ilumoorfigin­nilluta asan­nik­kutta nikallungasut ikiorusus­savagut. Ul­lumik­kut qatan­ngutit asan­nit­tut ilagiin­niit­tunik nikal­lungasunik isumatsaq­qasunil­luun­niit Ruthip No’omimik ikiuineratut ikiuiuar­put. Up­peqatitik asavaat sapin­ngisamin­nil­lu ikiorusungaarlugit. (Uss 12:25; 24:10) Taman­na apustilip Paulusip kajumis­saarutaanut uunga naaper­tuup­poq: “Tup­pal­lersarsigit er­numasut, isumaginiarsigit san­ngiitsut, tamaasa nikal­lujuisaarfigisigit.” – 1 Th 5:14.

12. Up­peqatigut nikal­lungasut pitsaaner­paamik qanoq ikiorsin­naavagut?

¹² Up­peqatigut nikal­lungasut tusar­naar­tar­nerisigut asan­nin­nermil­lu ersersitsivigisar­nerisigut pitsaaner­paamik ikiorsin­naavagut. Qularis­san­ngilat Jehovap savaatiminik ikiuisar­nerit maluginiar­taraa. (Tuss 41:2) Us­satit 19:17-imi ima al­las­simavoq: “Piitsumik ikiuisoq Naalak­kamut taarsigas­sarsisitsisuuvoq, Naalak­kal­lu taarsiif­figis­savaa ajun­ngitsulior­nerata taamaaqataanik.”

13. Ruthi Or­palu iliuutsimik­kut qanoq as­sigiin­ngis­suteqar­pat, aam­ma Ruthi ilumoorfigin­nil­luni qanoq asan­nit­tulior­pa? (Saq­qaani as­siliaq takuuk).

¹³ Ilumoorfigin­nil­luni asan­nin­neq pil­lugu paasisaqar­nerusin­naavugut No’omip uiata er­nerisalu toqunerisa kingor­na qanoq pisoqar­toq eq­qarsaatigigutsigu. Jehovap ‘in­nut­tani isumas­sorsimagai inuus­sutis­saan­nil­lu tunisimagai’ No’omip tusaramiuk nunaminut uter­nis­sani aalajangiup­paa. (Ruth 1:6) Ukuaasa marluul­lutik aal­laqatigaat. Aq­qutaanili No’omip pingasoriarluni Moabimut uteq­quai. Taamaalior­pat? Ima al­las­simavoq: ‘Or­pap sakini inuul­luaq­qul­lugu kunip­paa; kisian­ni Ruthi sakiminit qimaguk­kuman­ngilaq.’ (Ruth 1:7-14) No’omi naalal­lugu Or­pa uter­niarluni aalajanger­poq. Ruthimi? Nunaminut utersin­naagaluar­poq, No’omimil­li  ilumoorfigin­nil­luni asan­nin­nini pis­sutigalugu najor­tuar­niarlugu aalajanger­poq. (Ruth 1:16, 17) Ruthi piumagami, imaan­ngitsoq peq­quneqarami, No’omi najuin­nar­paa. Ruthi taamaalior­nermigut ilumoorfigin­nil­luni asan­nin­nermik ersersitsivoq. Qanoq ilin­niarfigaar­put?

14. (a) Qatan­nguter­pas­suat­ta asan­nit­tut Ruthi qanoq ilaarsimavaat? (b) Hebræerit 13:16 naaper­torlugu pil­liutit qanoq it­tut Guutip iluarai?

¹⁴ Ilumoorfigin­nilluta asan­nik­kutta inuit allat ikiorniarlugit ilungersus­saagut. Nalitsin­ni itsar­tul­li qatan­nguter­pas­suat­ta up­peqatitik, al­laat ilisarisiman­ngisatik, ilumoorfigin­nil­lutik asan­nin­nermik ersersitsivigisimavaat. As­sersuutigalugu pin­ngor­titarsuarmi ajunaar­nersuaqarsimasoq paasigaangamik­ku qanoq ikiuus­sin­naanerlutik ingerlaan­naq paasiniar­tar­paat. Ilagiin­niit­tumil­lu aningaasatigut ajor­nar­torsior­toqaraangat qanoq pisariaqar­titsinersoq paasiniapal­lat­tar­paat ikior­tarlugulu. Kristumiut siul­liit nalaan­ni Makedoniamiut as­sigalugit ikiuiniarlutik ilungersor­tar­put. Pif­fis­sar­tik pigisatil­lu atorlugit qatan­ngutitik ikior­niarlugit pil­liuteqar­tar­put. (2 Kor 8:3) Ilumoorfigin­nil­lutik asan­nit­tut taak­ku Jehovap nuan­naarutigingaar­pai. – Hebræerit 13:16 atuaruk.

15-16. Ruthip ikiuiniar­tuarusun­nini qanoq ersersip­paa?

¹⁵ Ruthi No’omilu pil­lugit oqalut­tuaq arlalitsigut ilin­niarfigisin­naavar­put. Ilaat sam­meriar­tigit.

¹⁶ Ikiuiniartuarit. Ruthip sakini Judamut aal­laqatiginiarmagu No’omip itigar­teq­qaar­paa. Ruthil­li taman­na unis­sutigin­ngilaa. Qanoq kinguneqar­pa? ‘No’omip paasigamiuk ilaginiarluni aalajangivis­simasoq iluariin­nar­paa.’ – Ruth 1:15-18.

17. Ikiuerusus­suseqar­tuar­nis­samut suna iluaqutigis­savar­put?

¹⁷ Ilinniutis­sartaa: Nikal­lungasunik ikiuiniar­nitsin­ni utaq­qisin­naas­suseqarlutalu nikal­lujaat­tariaqar­pugut. Qatan­ngut pisariaqar­titsisoq im­maqa aal­laq­qaam­mut ikior­neqarusun­ngilaq. Ilumoorfigin­nil­lutali asan­nik­kut­ta sapin­ngisatsin­nik ikior­niar­tuas­savar­put. (Gal 6:2) Neriup­pugut ikior­tik­kusulerlunilu qiim­mas­sar­tik­kusulis­sasoq.

18. Suna Ruthimut an­ner­narsimas­sava?

¹⁸ Ajuallajaqinak. Ruthilu Betlehemimut apuuk­kamik No’omip sanilerisimasani naapik­kamigit ima oqarfigai: ‘Peqangaarlunga maan­ngaan­niit aal­lar­punga, suerutitil­lungali Naalak­kap maanga uter­tip­paanga.’ (Ruth 1:21) Takorlooruk Ruthi taman­na tusaramiuk qanoq misigisimas­sasoq. Ruthim­mi sapin­ngisaminik No’omi ikior­niarsimavaa. Qiaqatigisimavaa, tup­pal­lersarsimavaa ul­lor­pas­suar­nilu angalaqatigisimal­lugu. Taamaak­kaluar­toq No’omi oqar­poq ‘Jehovap suerutitil­luni uter­tik­kaani’. Taamatut oqarami Ruthip saniminiit­tup ikiuisimanera qujamasuutiger­palun­ngilaa. Ruthip taman­na aliasuutigisimas­sagaluarlugu No’omi najor­tuar­paa.

19. An­nikil­lior­toq im­miniigin­narumanagu suna iluaqutigis­savar­put?

¹⁹ Ilinniutis­sartaa: Qatan­nguter­put an­nikil­lior­toq im­maqa ajual­lan­nar­tumik oqaaseqarsin­naavoq, naak ikior­niarlugu ilungersoraluar­tugut. Ajual­lajaval­laar­naveersaar­tar­pugul­li. Qatan­nguter­put pisariaqar­titsisoq im­miniigin­nar­neq ajor­par­put qiim­mas­sarsin­naajumal­lugulu Jehovamut ikioq­qusarluta. – Uss 17:17.

20. Ruthi No’omimik ikiuiuar­nis­saminut qanoq nukis­saqaq­qiler­pa?

 ²⁰ Pisariaqar­titsisumik qiimmas­saasarit. Ruthi No’omimut ilumoorfigin­nil­luni asan­nit­tuliorsimavoq, maan­nali nam­mineq qiim­mas­sar­neqar­nis­sani pisariaqar­tiler­paa. Jehovap Boazi Ruthimik qiim­mas­saasip­paa. Boazi Ruthimut ima oqar­poq: “Naalak­kap akilerilisit­toq qanoq iliorsimanitit pil­lugit. Qanor­toq Naalak­kap Israelik­kut Guutiata naam­mat­tumik akis­sarsitik­kilisit maanga or­nis­simagan­ni suluisa ataan­ni oq­qif­fis­sarsiumal­lutit!” Ruthip oqaatsit taak­ku kil­litsis­sutigingaar­pai. Boazi ima oqarfigaa: “Tup­pal­lersar­parma kif­faasunga ar­naq inus­siar­nersumik oqaluf­figalunga.” (Ruth 2:12, 13) Ruthi pisariaqar­titsil­luni qiim­mas­sar­neqarami No’omimik ikiuiuar­nis­saminut nukis­saqaq­qiler­poq.

21. Esaja 32:1, 2-milu ersersin­neqar­tutut utoq­qaaner­tat susas­sap­pat?

²¹ Ilinniutis­sartaa: Ilumoorfigin­nil­lutik asan­nit­tulior­tar­tut ilaan­nik­kut qiim­mas­sar­neqar­nis­sar­tik pisariaqar­tit­tar­paat. Boazip Ruthi oqarfigaa asan­nit­tulior­nera pingaar­tin­neqar­toq. Ul­lumik­kut­taaq Boazi ilaarlugu utoq­qaaner­tat qatan­ngutitik asan­nit­tulior­tar­neran­nik nersualaar­tar­paat. Taamatut nersualaar­neqaraangamik qatan­ngutit ikiuiuar­nis­samin­nut nukis­saqaq­qiler­tar­put. – Esaja 32:1, 2 atuaruk.

22-23. No’omip misigis­susii qanoq al­lan­ngorsimap­pat, aam­ma sooq? (Tus­siaat 136:23, 26)

²² Kingusin­nerusuk­kut Boazip Ruthi No’omilu nerisas­sanik naam­mat­torsuar­nik tunivai. (Ruth 2:14-18) Boazip tuk­kor­neranut No’omi qanoq qisuariar­pa? Ima oqar­poq: “Taan­na pil­luaq­quneqarli Naalak­kamit inuusunut toqoreersunul­lu ilumoor­nerminik  soraarus­sisiman­ngitsumit!” (Ruth 2:20a) No’omip misigis­susii al­lan­ngorsimaqaat! Siusin­nerusuk­kut aliasul­luni ima oqarsimavoq: ‘Jehova pisuutil­lunga up­per­narsaavoq.’ Maan­nali nuan­naarluni oqar­poq Jehova ilumoorfigin­nil­luni asan­nin­nerminik soraarus­sisiman­ngitsoq. Sooq No’omip misigis­susii al­lan­ngor­pat?

²³ No’omip paasiler­paa Jehovamit qiman­neqan­ngisaan­narsimal­luni. Judamut angalanermin­ni Ruthi aq­qutigalugu Jehovamit ikior­neqar­poq. (Ruth 1:16) No’omip aam­ma paasivaa Ruthilu Boazimit, ‘uter­titsisis­sami ilaan­nit’, ikior­neqar­ner­tik Jehovamin­ngaaneersuusoq. * (Ruth 2:19, 20b) Ima eq­qarsarsimas­saaq: ‘Paasiler­para Jehovap qiman­ngisaan­narsimagaanga, najor­tuarsimavaangami!’ (Tussiaat 136:23, 26 atuakkit). Ruthimit Boazimil­lu im­miniigin­nar­neqarsiman­ngin­nami No’omi qujamasus­simas­saqaaq! Taamatut kinguneqarluarsimanera pingasuul­lutik nuan­naarutigingaarsimas­savaat.

24. Sooq up­peqatitsin­nut ilumoorfigin­nil­luta asan­nit­tulior­tuarusup­pugut?

²⁴ Ruthimik al­lak­kanit ilumoorfigin­nil­luni asan­nin­neq pil­lugu suut ilik­kar­pagut? Ilumoorfigin­nil­luta asan­nik­kut­ta qatan­ngutit nikal­lungasut ikior­tuarusus­savagut taamaaliorumal­lutalu pil­liuteqarusus­sal­luta. Ilumoorfigin­nil­lutik asan­nit­tut pisariaqar­titsigaangata utoq­qaaner­tat qiim­mas­sar­tariaqar­paat. Qatan­ngutil­lu nikal­lungasimasut anersaak­kut nukit­toq­qit­tut takugaangatsigit nuan­naangaar­tar­pugut. (ApS 20:35) Pingaar­ner­paatul­li sooq ilumoorfigin­nil­luta asan­nit­tulior­tuar­pugut? Jehova ilumoorfigin­nil­luni asan­ningaar­toq ilaarusul­lugulu taas­suman­nga iluarisaarusuk­kat­ta. – 2 Mos 34:6; Tuss 33:22.