1. Jehovap qanoq kajumis­saar­paatigut?

ILUMOORFIGIN­NIL­LUNI asan­nin­neq Jehovap pingaar­tingaar­paa. (Hos 6:6) Kif­fani aam­ma taamaat­tooq­qul­lugit kajumis­saar­pai. Pruf­fiiti Mika aq­qutigalugu ilumoorfigin­nil­luni asan­nin­neq nuan­nareq­qul­lugu kajumis­saar­paatigut. (Mika 6:8) Taamaaliorsin­naajumal­lutali ilumoorfigin­nil­luni asan­nin­neq qanoq paasisariaqar­nersoq paaseq­qaar­tariaqar­par­put.

2. Ilumoorfigin­nil­luni asan­nin­neq suua?

² Ilumoorfigin­nil­luni asan­nin­neq suua? Oqaatsit “ilumoorfigin­nil­luni asan­nin­neq”-mik nutser­neqarsin­naasut New World Translation of the Holy Scriptures-imi 230-t mis­saan­ni ator­neqar­put. Oqaaseq hebræerisooq “ilumoorfigin­nil­luni asan­nin­neq”-mik isumaqar­toq Biibilimik nutsik­kat ilaan­ni ilaatigut ima nutser­neqar­tar­poq: ‘Ilumoorsuseq’, ‘un­neq­qaris­suseq’ aam­ma ‘ajun­ngis­suseq’. Taamaat­tumik al­laaserisami matumani tul­liut­tumilu al­las­simaf­fin­ni oqaatsit taak­ku ator­neqaraangata ilumoorfigin­nil­luni asan­nin­neq pineqar­tar­poq. Ilumoorfigin­nil­luni asan­nin­neq qanoq paasisariaqar­pa? Ilumoorfigin­nil­luni asan­nit­tuusup asasani asajuas­sal­lugulu ilumoorfigiuas­savaa. Jehova ilumoorfigin­nil­luni asan­nit­tulior­nermut tun­ngatil­lugu maligas­saal­luar­ner­paavoq. Al­laaserisami matumani Jehovap inun­nut ilumoorfigin­nil­luni asan­nit­tulior­tar­nera eq­qar­tus­savar­put. Al­laaserisamilu tul­liut­tumi Guutip kif­faasa ilumoorfigin­nil­luni asaqatigiin­nermut tun­ngatil­lugu Jehova qanoq ilaarsin­naaneraat sam­mis­savar­put.

3. Jehova Mosesimut im­minut qanoq ilisaritip­pa?

 ³ Israelik­kut Egyptenimit anigueq­qam­mersut Jehova atini pis­susinilu taal­lugit Mosesimut im­minut ilisaritip­poq ima oqarluni: “Naalagaq, Naalagaq tas­sa Guuti nal­lit­tuisoq saam­maasorlu, kamajaatsoq ilumoor­nermik [ilumoorfigin­nil­luni asan­nin­nermik, NW] sal­lusuis­sum­mil­lu peqangaar­toq. Ilumoor­nermik [ilumoorfigin­nil­luni asan­nin­nermik, NW] atatitsisoq kinguaariis­soqatigiin­ni tuusintini ataatsini pisuus­suser­nik unioq­qutitsiner­nil­lu, ajor­tulianil­lu isumak­kiisoq.” (2 Mos 34:6, 7) Taamatut nuan­ningaar­tunik oqaaseqarami Jehovap ilumoorfigin­nil­luni asan­nin­nerminut tun­ngatil­lugu im­mik­kuul­laris­soq Mosesimut saq­qum­miup­paa. Suna?

4-5. (a) Jehovap im­minut ilisaritik­kami suna ersersip­paa? (b) Apeq­qutit suut sam­mis­savagut?

⁴ Jehova im­minut ilisaritik­kami oqaan­nan­ngilaq ilumoorfigin­nil­luni asan­nit­tuul­luni, oqar­porli ‘ilumoor­nermik peqangaarluni’, tas­sa ilumoorfigin­nil­luni asan­ningaar­tuul­luni. Biibilimi arlaleriarluni taamatut al­las­simasoqar­poq. (4 Mos 14:18; Neh 9:17; Tuss 86:15; 103:8; Joel 2:13; Jon 4:2) Taamatut al­las­simasoqaraangat inuit pineqar­natik Jehova tamatigut pineqar­tar­poq. Maluginiar­nar­poq Jehovap ilumoorfigin­nil­luni asan­nin­nini taama erseq­qis­sarmagu! Erser­poq ilumoorfigin­nil­luni asan­nin­neq pingaar­tingaaraa. * Tupin­nan­ngilaq kun­ngi Daavi kil­litsil­luni ima al­lam­mat: “Naalagaq, ajun­ngis­sutsivit qilaat anguaat ... Ila ajun­ngis­sutsivit erlin­nas­susia, Guuti! Inuit qimar­nguf­fis­sarsior­put suluit alan­ngigaan­ni.” (Tuss 36:6, 8) Daavitul­li Guutip ajun­ngis­susia, tas­sa ilumoorfigin­nil­luni asan­nin­nera, pingaar­tingaar­par­put?

⁵ Ilumoorfigin­nil­luni asan­nin­nerup suunera paasil­luar­nerujumal­lugu apeq­qutit uku marluk sam­meriar­tigit: Jehova kik­kun­nut ilumoorfigin­nil­luni asan­nit­tulior­tar­pa? Aam­ma Jehovap ilumoorfigin­nil­luni asan­nin­nera qanoq iluaqutigisin­naavar­put?

6. Jehova kik­kun­nut ilumoorfigin­nil­luni asan­nit­tulior­tar­pa?

⁶ Jehova kik­kun­nut ilumoorfigin­nil­luni asan­nit­tulior­tar­pa? Inuit ilaan­naat, tas­sa imminut qanit­tumik attaveqartut, ilumoorfigin­nil­luni asavai. Guuter­put ikin­ngutiminut  ilumoorfigin­nit­tuuvoq. Taak­kulu nuan­ningaar­tumik siuner­taqarfigai, qiman­ngisaan­nas­savaalu.

7. Jehova inun­nut tamanut qanoq asan­nit­tuliorsimava?

⁷ Jehova inun­nut tamanut asannit­tulior­tarpoq. Jiisusi Nikodemusimut ima oqar­poq: ‘Guutip silarsuaq [inuit tamaasa] ima asatigaa er­nituani tun­nius­simal­lugu taas­sumun­nga up­per­toq kinaluun­niit tam­maq­qunagu naas­saan­ngitsumil­li inooq­qul­lugu.’ – Joh 3:1, 16; Matt 5:44, 45.

8-9. (a) Sooq Jehovap kif­fani ilumoorfigin­nil­luni asavai? (b) Maan­na suna sam­mis­savar­put?

⁸ Eq­qaaneqareersutut Jehovap kif­fani, tas­sa qanit­tumik at­taveqarfigisani, kisiisa ilumoorfigin­nilluni asavai. Kun­ngip Daavip pruf­fiitil­lu Danielip al­lataan­nit taman­na erser­poq. Daavi ima al­lap­poq: “Atat­tuin­nar­tiguk ilumoorsutsit ilin­nik ilisarisiman­nit­tunut.” ‘Jehovap ilumoorsusia atavoq naas­saan­ngil­luin­nar­tumik mianerin­nit­taanut.’ Danielilu ima oqar­poq: ‘Jehova, Guutiuvutit ilumoorsutsin­nik aalajangius­sisutit ilin­nik asan­nit­tunut peq­qus­sutin­nillu maleruaasunut!’ (Tuss 36:11; 103:17; Dan 9:4) Oqaatsit isumas­sarsiarititaasut taak­ku naaper­torlugit Jehovap kif­fani ilumoorfigin­nil­luni asavai, im­minik ilisarisiman­nim­mata, mianerin­nim­mata, asan­nim­mata peq­qus­sutiminil­lu maleruaam­mata. Jehovap im­minik guutisiorfigin­nit­tut ilumoor­tut kisiisa ilumoorfigin­nil­luni asavai.

⁹ Jehovamut suli kif­far­tulin­ngitsugut Guutip inun­nut tamanut asan­nin­nera misigisarsimavar­put. (Tuss 104:14) Kif­far­torfigileratsiguli ilumoorfigin­nil­luni asaler­paatigut. Jehovap kif­fani ima neriorsor­pai: “Ilumoor­nera ilin­nit nigus­san­ngilaq.” (Es 54:10) Daavilu ima al­lap­poq: ‘Jehovap ilumoorsutsini tupin­nar­toq uan­nut takutis­simavaa.’ (Tuss 4:3) Jehovap tupin­nar­tumik isumas­sormatigut sunis­samut kil­litsis­sutigaar­put? Tus­siaasior­toq ima al­lap­poq: “Siuneqar­tutut inuujumasup maluginiarliuk taman­na, Naalak­kap un­neq­qaris­susia pingaar­titas­saam­mat.” (Tuss 107:42, Testamentitoqaq) Siun­nersuut taman­na malil­lugu Jehovap kif­faasa ilumoorfigin­nil­luni asan­nin­nera pingasutigut qanoq iluaqutigisaraat sam­meriar­tigu.

10. Guutip ilumoorfigin­nil­luni asan­nin­nera soraan­ngisaan­nar­toq qanoq iluaqutigaar­put? (Tus­siaat 31:8)

¹⁰ Guutip ilumoorfigin­nilluni asan­nin­nera soraan­ngisaan­narpoq. Taman­na Tus­siaat 136-mi 26-eriarluni eq­qaaneqar­poq. Versimi siul­lermi ima al­las­simavoq: “Qutsavigisiuk Naalagaq ajun­ngitsuum­mat, un­neq­qaris­susia atavoq naas­saan­ngitsumik.” (Tuss 136:1) Tus­siaatil­lu sin­nerani versini tamani oqaatsit “un­neq­qaris­susia atavoq naas­saan­ngitsumik” uteqat­taar­neqar­put. Tus­siaatip atuar­nerani Jehovap ilumoorfigin­nil­luni asan­nin­nerminik ersersitsiuar­nera kil­litsis­sutigaar­put. Oqaatsinit uteqat­taar­neqar­tunit up­per­narsaavigineqar­pugut Guutip in­nut­taminut asan­nin­nera al­lan­ngun­ngisaan­nas­sasoq. Jehovap kif­fani nikal­luutipal­lan­neq ajorai nalunagu kajumis­sinaqaaq. Kif­fani asasani an­nikil­liuuteqaraangataluun­niit qiman­neq ajor­pai. Tamanna qanoq iluaqutigigipput: Jehovap qiman­ngisaan­nas­sagaatigut nalun­ngin­natsigu taman­na nuan­naarutigalugulu ajor­nar­torsiutigut qaangerumal­lugit inuunerul­lu aq­qutaaniit­tuar­nis­samut pis­satsis­sutigaar­put. – Tussiaat 31:8 atuaruk.

11. Tus­siaat 86:5 naaper­torlugu sooq Jehova isumak­keerfigin­nit­tar­pa?

¹¹ Guuti ilumoorfigin­nilluni asan­nik­kami isumak­keerfigin­nit­tarpoq. Ajor­tuliorsimasoq ilumoorluni peq­qis­simil­lunilu eq­qun­ngitsulior­tarun­naarsimap­pat Jehovap ilumoorfigin­nil­luni asan­nin­nini pis­sutigalugu isumak­keerfigis­savaa. Tus­siaasior­toq Daavi Jehova pil­lugu ima oqar­poq: “Iliorfigin­ngilaatigut ajor­tuliat­ta nalis­saan­nik, akiler­natalu pinerlun­nit­ta taamaaqataanik.” (Tuss 103:8-11) Daavip ilerasuuteqar­neq qanoq an­ner­nar­tigisoq nam­mineq misigisimavaa. Aam­mali ilik­karsimavaa Jehova ‘isumak­keerfigin­nik­kumasar­toq’. Sooq Jehova isumak­keerfigin­nit­tar­pa? Taman­na Tussiaat 86:5-imi akineqar­poq. (Atuaruk). Daavip qin­nutimini oqaatigisaatut Jehovap im­minik torlorfigin­nit­tut ilumoorfigin­nil­luni asangaaramigit isumak­keerfigisar­pai.

12-13. Sior­natigut ajor­tuliarisimasagut ar­torsaatigigutsigit suna iluaqutigisin­naavar­put?

¹² Ajor­tulioraangat­ta peq­qis­simisar­ner­put  pis­susis­samisoor­tuuvoq al­laal­lu peq­qin­nar­tuul­luni. Isumak­keerfigeq­qunis­satsin­nut ajor­tuliat­talu aaq­qin­nis­saanut iluaqutigisar­par­put. Guutimul­li kif­far­tor­tut ilaat sior­natigut ajor­tuliarisimasatik pil­lugit ar­torsangaar­tar­put. Isumaqar­put qanorluun­niit peq­qis­simitigigaluarunik Jehovamit isumak­keerfigineqarsin­naanatik. Il­lit taamatut misigiguit Guutip ilin­nut ilumoorfigin­nil­luni asan­nik­kusun­nera paasil­luaruk­ku iluaqutigis­savat.

¹³ Qanoq iluaqutigigipput: Naam­mal­luin­nan­ngitsuugaluarluta ilerasuuteqaratalu nuan­naarluta Jehovamut kif­far­torsin­naavugut. Taamaaliorsin­naavugut ‘Jiisusip aavata tamanik ajor­taajarsimam­matigut’. (1 Joh 1:7) Naam­mal­luin­nan­ngitsuunerit pis­sutigalugu nikal­lungaguit eq­qaamajuk Jehovap ajor­tulior­toq peq­qis­simisoq isumak­keerfigerusungaaraa. Maluginiaruk Daavip ilumoorfigin­nil­luni asan­nin­neq, tas­sa nal­lit­tuineq, isumak­keerfigin­nin­nermut atas­suseraa. Ima al­lap­poq: “Soorlu qilak nunamit qutsin­nerungaar­toq, taama atsigaaq nal­lit­tuinera mianerin­nitsiminut. Soorlu kangia kitaanit ungasis­soq, taamatut unioq­qutitsinivut ungasil­lisip­pai uatsin­nit.” (Tuss 103:11, 12) Ilumut, Jehova ‘isumak­keerfigin­nit­tuar­tar­poq’. – Es 55:7.

14. Guutip ilumoorfigin­nil­luni asan­nin­neranit il­lersor­neqar­ner­put Daavip qanoq oqaatigaa?

¹⁴ Guutip ilumoorfigin­nilluni asan­nin­nera anersaak­kut illersuutaavoq. Daavi Jehovamut qinul­luni ima oqar­poq: “Ilin­ni iser­torfis­sarsior­punga, an­nikil­lior­nermut ser­nis­sor­parma; an­naan­neqar­nera qiim­mat­taatigitip­pat eq­qan­ni. ... Ajun­ngis­sutsimil­li avatangigaas­sap­put Naalak­kamik tatigin­nit­tut.” (Tuss 32:7, 10) Itsaq il­loqarfiit qarmarsuar­nik il­lersor­neqar­tar­nerat­tut uagut Jehovap ilumoorfigin­nil­luni asan­nin­neranit iluneqarlutalusooq il­lersor­neqar­tar­pugut. Taman­na pis­sutigalugu Jehovamut at­taveqar­nitsin­nut ajoqutaasin­naasunut il­lersor­neqar­pugut. Aam­mat­taaq Jehovap ilumoorfigin­nil­luni asagamisigut im­minut kajungilersip­paatigut. – Jer 31:3; Joh 6:44.

15. Jehovap ilumoorfigin­nil­luni asan­nin­nera pal­lit­taalisamut qimarravim­mul­lu qanoq atas­suser­neqar­pa?

¹⁵ Guutip in­nut­taasa il­lersor­neqar­nerat Daavip aam­ma al­lamut as­sersuup­paa ima al­lal­luni: “Guuti tas­sa pal­lit­taalisara, il­lit Guutiga un­neq­qaris­soq.” Jehova pil­lugu aam­ma ima al­lap­poq: “Guutiga un­neq­qaris­soq navialitsaalisigalu, pal­lit­taalisara aniguisitsisigalu, eq­qor­tin­naveeq­qutiga qimar­nguf­figisaralu.” (Tuss 59:18; 144:2) Sooq Jehovap ilumoorfigin­nil­luni asan­nin­nera pal­lit­taalisamut Daavip as­sersuup­paa? Nunarsuarmi sumiluun­niit najugaqaraluarut­ta Jehovamut kif­far­tor­tuar­til­luta im­minut at­taveqar­tuarsin­naaq­qul­luta ikius­savaatigut. Aam­ma taamatorluin­naq Tus­siaat 91-imi neriorsoq­qis­saar­neqar­pugut. Tus­siaasior­toq ima al­lap­poq: “Naalagaq pil­lugu ima oqarsin­naavoq: ‘Qimar­nguf­figa pal­lit­taalisaralu.’” (Tuss 91:1-3, 9, 14) Aam­ma Mosesip il­lersor­neqar­ner­put qimarravim­mut as­sersuup­paa. (Tuss 90:1, Testamentitoqaq) Aam­ma toqun­ngitsiarluni tup­pal­ler­nar­tumik ima al­lap­poq: “Itsarsuarli Guutiusoq il­lit ineqarfigaat, talii nunami maani it­tuin­nar­put.” (5 Mos 33:27, Testamentitoqaq) Tas­sa Mosesip pivaa ‘Jehovap talii it­tuin­nar­tut’ uagutsin­nik najum­min­nit­tuusut. Tamatuman­nga Jehova pil­lugu suna ilik­kar­par­put?

16. Marlutsigut qanoq pil­luaq­qusaavugut? (Tus­siaat 136:23)

¹⁶ Jehova qimarravigisaratsigu toq­qis­sisimavugut. Ilaan­nik­kul­li nikal­lungagaangat­ta nuan­naaleq­qin­neq ajuler­tar­pugut. Taamaak­kaangat­ta  Jehovap qanoq ikior­tar­paatigut? (Tussiaat 136:23 atuaruk). Taliminik najum­mil­luta qaqeq­qin­nis­satsin­nut ikior­tar­paatigut. (Tuss 28:9; 94:18) Qanoq iluaqutigigipput: Jehovamit ikior­neqar­nis­sar­put qularin­ngin­natsigu eq­qaamavar­put marlutsigut pil­luaq­qusaal­luta. Siul­ler­tut, sumiik­kaluarut­taluun­niit qimarravis­saqar­pugut toq­qis­sisimanar­tumik. Aap­paat­tul­lu, Ataatat­ta asan­nit­tup qilam­miusup asangaar­paatigut.

17. Suna up­perisin­naavar­put? (Tus­siaat 33:18-22)

¹⁷ Eq­qaariik­katsitut ajor­nar­torsior­nitsin­ni aalajaat­tuarsin­naaq­qul­luta Jehovamit ikior­neqar­nis­sar­put up­perisin­naavar­put. (2 Kor 4:7-9) Pruf­fiiti Jeremia ima al­lap­poq: “Naalak­kap ilumoorsusia soraan­ngilaq, isumas­suineralu qaangiutin­ngilaq.” (Upp 3:22) Tus­siaasior­tup al­laatigisaatut ‘Jehovap isai sam­mim­mata ajun­ngis­susianik utaq­qisunut’ ilumoorfigin­nil­luni asajuas­sagaatigut up­perisin­naavar­put. – Tussiaat 33:18-22 atuakkit.

18-19. (a) Suut sam­mereer­pagut? (b) Al­laaserisami tul­liut­tumi suna sam­mis­savar­put?

¹⁸ Suut eq­qaamas­savagut? Jehovamut kif­far­tulin­ngin­nitsin­ni taas­suma inun­nut tamanut asan­nin­nera misigisarsimavar­put, kif­far­torfigileratsiguli aam­ma ilumoorfigin­nil­luni asan­nin­nera iluaqutigiler­par­put. Ilumoorfigin­nil­luni asan­nin­nini pis­sutigalugu Jehovap taliminik najum­misarlutalu il­lersor­tar­paatigut. Qanimut at­taveqarfigiuas­savaatigut uagutsin­nul­lu neriorsuutini eq­quutitis­sal­lugit. Kis­saatigaa pil­luas­sasugut! (Tuss 46:2, 3, 8) Taamaat­tumik qanorluun­niit misilin­neqaraluarut­ta aalajaat­tuarsin­naaq­qul­luta Jehovap ikius­savaatigut.

¹⁹ Jehovap ilumoorfigin­nil­luni asan­nin­nini kif­faminut qanoq ersersit­taraa sam­mereer­par­put. Taas­sumalu ilumoorfigin­nil­luta asaqatigiis­sasugut piumasaraa. Qanoq taamaaliorsin­naavugut? Al­laaserisami tul­liut­tumi pingaarutilik taman­na sam­mis­savar­put.