1-2. (a) Sooq katerlaat Jehova tatigisariaqar­paat? (Tus­siaat 37:3, 4) (b) Al­laaserisami matumani suut sam­mis­savagut?

KATIS­SAMAARUIT katerlaajuguil­luun­niit asangaak­kal­lu inooqatigiin­nis­sarsi qilanaarin­nguatsiar­pat. Aap­pariin­nerli oqitsuin­naaneq ajor­poq. Aam­ma aap­pariit pingaarutilin­nik aalajangigas­saqar­tar­put. Ajor­nar­torsiutinik nalaataqaraangas­si iliuutsisi aalajangiisar­nisilu siunis­sami pil­luar­nis­sas­sin­nut aalajangiisuup­put. Jehova tatigigus­siuk silatusaar­tumik aalajangiisarsin­naas­saasi, aap­pariil­luar­nerulis­saasi nuan­naar­nerulerlusilu. Siun­nersuutaali sumigin­nar­tarus­sigit ilimanar­poq ajor­nar­torsiutinik nalaataqar­tarumaar­tusi aap­pariin­nerliutigilik­kas­sin­nik. – Tussiaat 37:3, 4 atuakkit.

² Al­laaserisaq una katerlaanut tun­ngatin­neqaraluar­toq ajor­nar­torsiutit aap­pariit tamarmik nalaat­tarsin­naasaat aam­ma sam­mineqas­sap­put. Misis­sus­savar­put ar­nat angutil­lu aalajaatsut Biibilimi oqalut­tuarineqar­tut qanoq ilin­niarfigisin­naal­lugit. Taak­kua maligas­siuil­luar­nerat qanoq inuunitsin­ni aap­pariin­nitsin­nilu iluaqutigisin­naanerlugu paasis­savar­put. Aam­ma nalitsin­ni aap­pariit qanoq ilin­niarfigisin­naal­lugit misis­sus­savar­put.

3-4. Unam­miniar­nar­tut suut katerlaat nalaas­sin­naavaat?

³ Imaas­sin­naavoq katerlaat al­latul­li inooriaaseqaler­nis­samut kajumis­saar­neqar­tar­tut. As­sersuutigalugu ingerlaan­naq meerar­taar­nis­samut angajoq­qaamin­nit qanigisamin­nil­luun­niit tatineqarsin­naap­put. Imaluun­niit il­lusinis­samin­nut pequtitaar­tor­nis­samin­nul­lu kajumis­saar­neqar­tar­put.

⁴ Aap­pariit mianersun­ngik­kunik aalajangiinerlun­nermik kingunerisaanik akiitsor­pas­suaqalersin­naap­put. Taava akiitsutik akilersorumal­lugit marluul­lutik suleruloor­tariaqalis­sap­put. Taamaap­pat Biibilimik atuaq­qis­saar­tar­nis­saq, ilaqutariit­tut atuaq­qis­saaqatigiit­tar­nis­saq oqaluus­sinis­sarlu pif­fis­saqarfiger­piarun­naarsin­naavaat. Aningaasarsiorumal­lutik sulif­fitsil­lu an­naajumanagu al­laat ataatsimiigian­ngitsoor­talersin­naap­put. Tamatumalu kingunerisaanik Jehovamut kif­far­tor­nermi periarfis­sat nuan­nersut misigin­ngitsuus­savaat.

5. Klaus Marisalu qanoq ilin­niarfigaagit?

⁵ Misilit­tak­kanit takutin­neqar­poq pigisar­pas­suaqar­neq pil­lualersitsineq ajor­toq. Aap­pariit Klausimik Marisamil­lu atil­lit misigisaat eq­qarsaatigiuk. * Katik­kamik marluul­lutik ul­loq naal­lugu sulisaramik ilorrisimaar­nar­tumik inuuneqar­put. Piviusumil­li pil­luan­ngil­lat. Klaus ima oqar­poq: “Naam­mat­torsuar­nik pigisaqar­pugut, anersaak­kul­li anguniagaqan­ngilagut. Inuuner­put oqitsuin­naan­ngilaq, ulapit­torujus­suuvugul­lu.” Im­maqa il­lit aam­ma paasisimavat pigisar­pas­suar­nik katersineq nalerisimaar­nermik kinguneqar­tan­ngitsoq. Taamaap­pat nikal­loqinak. Al­lat maligas­siuil­luar­neran­nik eq­qarsaatigin­nin­neq al­lan­nguinis­san­nut iluaqutigisin­naavat. Siul­lermil­li misis­soriar­tigu uiusut qanoq kun­ngi Joshafati ilin­niarfigisin­naagaat.

6. Kun­ngip Joshafatip ajor­nar­torsior­nermini najoq­qutas­siaq Us­satit 3:5, 6-imi al­las­simasoq qanoq maleruar­paa?

⁶ Ilis­si uiususi, akisus­saaf­feqar­nersi ilaan­nik­kut ajor­nakusoor­tit­tar­pisiuk? Taamaap­pat kun­ngip Joshafatip maligas­siaa iluaqutigisin­naavarsi. Joshafatip inuiaqatigiit tamarmiusut ingerlal­luar­nis­saat akisus­saaf­figaa. Qanoq iliorluni akisus­saaf­fik an­ner­tooq taman­na iluatsil­luar­tumik naam­mas­sivaa? In­nut­tani il­lersor­niarlugit sapin­ngisaminik iliuuseqar­poq. Judami tamarmi pal­lit­taalisalior­poq 1 mil­lioninil­lu amerlanerusunik sorsut­tar­toqalerluni. (2 Nal 17:12-19) Kingusin­nerusuk­kut ajor­nar­torsiungaaler­poq. Am­monik­kut, Moabik­kut nunal­lu qaq­qar­tuup Se’irip sak­kutoor­pas­suinit in­nut­tanilu navianar­torsior­tin­neqaler­put. (2 Nal 20:1, 2) Joshafati qanoq ilior­pa? Jehovamut ikior­tis­sarsior­poq.  Taamaalior­nermigut siun­nersuutitsialam­mut Ussatit 3:5, 6-imi al­las­simasumut naaper­tuut­tumik iliuuseqar­poq. (Atuakkit). Joshafatip Jehovamik tatigin­nil­luin­nar­nera maniguul­luni qin­nutaanit, Nalunaarsuutit aap­paat 20:5-12 al­las­simasumit, ersersin­neqar­poq. Joshafatip qin­nutaa Jehovap qanoq akivaa?

7. Joshafatip qin­nutaa Jehovap qanoq akivaa?

⁷ Jahazieli Levik­kuusoq aq­qutigalugu Jehovap Joshafati ima oqarfigaa: “Inis­sis­simal­lusi unin­ngaan­narumaar­pusi, taava takus­savarsi Naalak­kap an­naak­kaasi.” (2 Nal 20:13-17) Sorsut­tar­tut unin­ngaan­narlutik sorsun­neq ajoraluar­put. Inul­li pin­nani Jehova ilitsersuisuuvoq. Guuti tatigil­luin­narlugu Joshafati ilitsersor­neqar­nermisut ilior­poq. Akeq­qatik naapik­kiar­toramik­kit sak­kutuut pik­koris­sut saarliutin­nagit erinarsor­tar­tut sak­koqan­ngitsut saarliutip­pai. Jehoval­lu Joshafati pakatsisin­ngilaa. Akeq­qat ajorsar­tip­pai. – 2 Nal 20:18-23.

8. Uiusut Joshafati qanoq ilin­niarfigisin­naavaat?

⁸ Ilis­si uiususi, Joshafatip maligas­siuil­luar­nera ilin­niarfigisin­naavarsi. Ilaqut­tatit isumas­sor­tus­saagak­kit ilungersorlutit isumagisar­patit tapersersor­tarlugil­lu. Ajor­nar­torsiuleraangavit imaas­sin­naavoq misigisutit ajor­nar­torsiut nam­mineerlutit aaq­qis­sin­naal­lugu. Im­minul­li tatigival­laaqinak, kisimiil­lutil­li qinunik­kut Jehovamut ikioq­qugit. Aam­ma nuliat qaman­nga pisumik qinoqatigisaruk. Biibilip atuagas­siaatit­talu atuaq­qis­saar­nerisigut Jehovamut siun­nersor­tigit siun­nersuutil­lu malit­tarlugit. Biibili tun­ngavigalugu aalajangiigaangavit imaas­sin­naavoq al­lat isumaqatigin­ngik­kaatsit al­laal­lu sianiitsulior­neraraatsit. Im­maqalu oqarfigaatsit aningaasat pigisal­lu ilaqut­tavit isuman­naatsumik inooriaaseqar­nis­saan­nut iluaqutaaner­paajusut. Joshafatil­li maligas­siuil­luar­nera eq­qaamajuk. Taas­suma iliuutsimigut ersersip­paa Jehova tatigalugu. Jehovap angut taan­na aalajaatsoq im­miniigin­nan­ngilaa, aam­ma il­lit im­miniigin­nar­navian­ngilaatit. (Tuss 37:28; Hebr 13:5) Aap­pariit pil­luar­tuar­nis­sar­tik aam­ma qanoq qulak­keersin­naavaat?

9. Esaja nulianilu qanoq maligas­siuil­luar­pat?

⁹ Esajap nuliatalu Jehovamut kif­far­tor­ner­tik inuunermin­ni pingaar­ner­paatip­paat. Esaja pruf­fiitiuvoq aam­ma nulia ‘pruf­fiitimik ar­namik’ Biibilimi taaneqarami ilimanar­poq pruf­fiititut sulias­sin­neqar­tarsimas­sasoq. (Es 8:1-4, tastamantitoĸaĸ) Tas­sa aap­pariit­tut Jehovamik pal­lorfigin­nin­ner­tik pingaar­ner­paatip­paat. Ul­lumik­kut aap­pariin­nut maligas­siuil­luangaaramik!

10. Aap­pariit Biibilimi siulit­tuutinik misis­sueq­qis­saar­ner­tik qanoq iluaqutigisin­naavaat?

¹⁰ Nalitsin­ni aap­pariit Esaja nulialu ilaarlugit Jehovamik pal­lorfigin­nin­neq inuunermin­ni pingaar­ner­paatis­sin­naavaat. Biibilimi siulit­tuutinik misis­sueqatigiit­tar­neq Jehovamik tatigin­nin­nerulis­sutigalugulu siulit­tuutit eq­quut­tuaan­nar­nerat up­per­narsis­savaat. * (Tit 1:2) Aam­ma Biibilimi siulit­tuutinik aalajangersimasunik eq­quutsitseqataasin­naaner­tik eq­qarsaatigisarsin­naavaat. As­sersuutigalugu nutaarsias­sat nuan­nersut nunarsuaq tamak­kerlugu naggatis­saq nal­liutsin­nagu oqaluus­sis­sutigineqar­nis­saan­nik  Jiisusip siulit­tuutaanik eq­quutsitseqataasin­naap­put. (Matt 24:14) Aap­pariit Biibilimi siulit­tuutit eq­quun­nerat qularin­ngil­luin­narunik­ku Jehovamut kif­far­tor­nermi sapin­ngisamin­nik iliuuseqarusun­nerus­sap­put.

11. Priskil­la Akvilalu qanoq iliorsin­naasimap­pat, aam­ma sooq?

¹¹ Katerlaat Priskil­la Akvilalu ilin­niarfigisin­naavaat. Aap­pariit juutit kristumiun­ngorsimasut taak­kua Romami inuuner­tik nalerisimaarutigisimas­savaat. Inuuneral­li al­lan­ngoriasaar­poq, kaasarim­mi Claudiusip juutit tamaasa Romamiit aal­laq­quai. Taman­na Akvilap Priskil­lal­lu inuuneran­nut qanoq sun­niuteqar­toq eq­qarsaatigiuk. Sungiusimasatik qimal­lugit al­lamik angerlarsimaf­feqaler­put tupilior­tar­ner­til­lu aal­lar­teq­qit­tariaqarlugu. Tamak­ku tamaasa pis­sutigalugit kif­far­tor­nermin­ni aal­lus­sil­luarun­naar­pat? Naamerluin­naq. Korinthimi ilagiin­ni ikiuutaal­lualer­put apustililu Paulusi suleqatigalugu qatan­ngutinik qiim­mas­saap­put. Kingor­na oqaluus­sisar­tunik pisariaqar­titsif­fiunerusunut nuut­tar­put. (ApS 18:18-21; Rom 16:3-5) Nalerisimaar­nar­tumik siuner­taqarluar­tumil­lu inuuneqarsimas­sap­put.

12. Sooq aap­pariit anersaak­kut it­tunik anguniagaqar­tariaqar­pat?

¹² Nalitsin­ni aap­pariit Priskil­la Akvilalu ilaarlugit Jehovamut kif­far­tor­ner­tik inuunermin­ni pingaar­ner­paatis­sin­naavaat. Anguniak­katik im­min­nut ilin­nialer­nermin­ni oqaloqatigiis­sutigisarunik­kit silatusaas­sap­put. Aap­pariit anersaak­kut it­tunik anguniagaqaraangamik taak­kulu ilungersorlutik anguniaraangamik­kit Jehovap ikiuinera maluginiar­nerusin­naas­savaat. (Oqal 4:9, 12) Rus­sel­lip Elizabethil­lu misigisaat eq­qarsaatigiuk. Rus­sel­l ima oqar­poq: “Im­mitsin­nut ilin­nialerat­ta anersaak­kut anguniagas­sagut oqaloqatigiis­sutigisar­pagut.” Oqaasiilu Elizabethip ima nangip­pai: “Tamak­ku eq­qar­tor­tar­pagut aalajangigas­saqaleraangat­ta aalajangiinit­ta anguniak­katsin­nut  akor­ngutaan­ngin­nis­saat qulak­keerusuk­katsigu.” Kingor­na Rus­sel­l Elizabethilu Mikronesiamut pisariaqar­titsif­fiunerusumut nuus­sin­naaler­put.

13. Tus­siaat 28:7 naaper­torlugu Jehovamik tatigin­nin­ner­put qanoq kinguneqas­sava?

¹³ Rus­sel­l Elizabethilu as­sigalugit aap­pariip­pas­suit pif­fis­sar­tik oqaluus­sinermut ator­nerorusuk­kamik­ku aalajangersimap­put pilimanian­ngitsumik inooriaaseqar­niarlutik. Aap­pariit taamatut suleqatigiil­lutik anguniak­kamin­nik anguniagaqar­nerat ajun­ngitsor­pas­suar­nik kinguneqar­tar­poq. Jehovap isumas­suinera misigisarumaar­paat, taan­na tatiginerulis­savaat pil­lualivis­sal­lutil­lu. – Tussiaat 28:7 atuaruk.

14. Apustilip Petrusip nuliatalu qanoq ersersip­paat Jehovap neriorsuutaa Mat­thæusi 6:25, 31-34 al­las­simasoq tatigalugu?

¹⁴ Aap­pariit apustili Petrusi nulialu ilin­niarfigisin­naavaat. Jiisusimik naapitseq­qaar­nerminiit ukiup af­faata mis­saa qaangiut­toq Petrusi pingaarutilim­mik aalajangigas­saqaler­poq. Petrusip aalisar­neq inuus­sutis­sarsiutigaa. Taamaat­tumik Jiisusip pif­fis­saq tamaat kif­far­toqatiserim­mani aalajangiitin­nani nuliani eq­qarsaatigisariaqar­paa. (Luk 5:1-11) Petrusi silatusaarluni aalajanger­poq Jiisusi oqaluus­seqatiginiarlugu. Taman­na nuliata tapersersorsimas­savaa. Biibilimimi ersersin­neqar­poq Petrusip nuliani Jiisusip makititaanerata kingor­na ilaan­nik­kut angalaqatigisaraa. (1 Kor 9:5) Nuliami tapersersuil­luar­nera pis­sutigalugu Petrusi aap­pariin­nut kristumiunut Guutimit isumas­sarsisin­neqarluni nakimanani siun­nersuisin­naasimavoq. (1 Petr 3:1-7) Petrusip nuliatalu up­peril­luin­nar­paat Guutip kun­ngeqarfia sal­liuk­kunik­ku Jehovap isumas­sorumaaraatik. – Matthæusi 6:25, 31-34 atuakkit.

15. Tiago Estherilu qanoq ilin­niarfigaagut?

¹⁵ Ukiualun­ni aap­pariis­simagus­si qanoq Jehovamut kif­far­tor­nermi iliuuseqar­nerorusulersin­naavisi? Ilaatigut aap­pariit al­lat misilit­tagaasa ilin­niarfiginerisigut. As­sersuutigalugu al­laaserisat “Kajumil­lutik kif­far­tor­tut” misigisalik­kersaarutil­lu al­lat atuarsin­naavasi. Al­laaserisat taamaat­tut Tiagop Estheril­lu, aap­pariit Brasiliameersut, oqaluus­sisar­tunik pisariaqar­titsif­fiunerusumi kif­far­torusulis­sutigaat. Tiago oqalut­tuar­poq: “Jehovap nalitsin­ni kif­faminik ikiuisar­nera pil­lugu misigisalik­kersaarutit atuaratsigit uagut­taaq Jehovap siulersuinera ikiuineralu misigerusuler­par­put.” Kingor­na Paraguayimut nuup­put, 2014-miil­li tas­sani Por­tugalimiutut oqaasil­lit oqaluus­sif­figisar­paat. Esther oqar­poq: “Al­las­simaf­fik Efesosimiut 3:20 marluul­luta nuan­nareqaar­put. Tas­sani al­las­simasut eq­quun­nerat Jehovamut kif­far­tor­nitsin­ni misigiuar­tar­par­put.” Al­las­simaf­fim­mi tamatumani Paulusi al­lap­poq Jehova qin­nutigisagut akimungaarlugit iliorsin­naasoq. Taman­nalu ilumoorluin­nar­poq!

16. Anguniak­kanut tun­ngatil­lugu aap­pariit inuusut­tut kik­kun­nut siun­nersor­tis­sarsiorsin­naap­pat?

¹⁶ Aap­pariit inuusut­tut up­peqatitik Jehovamik tatigin­nit­tut ilin­niarfigisin­naavaat. Aap­pariit ilaat ukior­pas­suar­ni pif­fis­saq tamaat kif­far­torsimap­put. Qanoq anguniagaqas­sanerlusi eq­qarsaatigigus­siuk taak­kunun­nga siun­nersor­tis­sarsiorsin­naavusi. Taamaalil­lusi Jehovamik tatigin­nin­nersi takutis­savarsi. (Uss 22:17, 19) Aam­ma utoq­qaaner­tat  anersaak­kut anguniagaqar­nis­sas­sin­nik angusaqar­nis­sas­sin­nil­lu ikiorsin­naavaasi.

17. Klaus Marisalu qanoq misigisaqar­pat, migisaal­lu qanoq ilin­niarfigisin­naavar­put?

¹⁷ Jehovamut kif­far­tor­nitsin­ni aalajangersimasumik suliaqarusuk­kaluarluta ilaan­nik­kut al­larluin­narmik sulias­sin­neqarsin­naavugut. Klausip Marisal­lu taman­na misigaat. Ukiut pingasut katis­simareerlutik Finlandimi im­mik­koor­tor­taqarfim­mut kajumis­sutsimin­nik sanaar­toqataajar­tor­put. Qaam­matinili arfiniliin­nar­ni sanaar­toqataasin­naatitaap­put. Taman­na pakatsis­sutigeq­qaaraluar­paat. Kingunin­nguali Arabiamiutut pik­koris­sariar­toq­quneqar­put, maan­nalu nunami al­lami Arabiamiutut oqaasilin­nut oqaluus­siner­tik nuan­naarutigaat. Marisa kingumut qiviarluni ima oqar­poq: “Sior­natigut suliarisiman­ngisaan­nak­kan­nik suliaqar­nis­sara merserigak­ku Jehova tatigil­luin­nar­tariaqar­para. Jehoval­li ilimagin­ngisatsin­nik ikiuiuar­nera misigisar­par­put. Taman­na pis­sutigalugu Jehova tatigineruler­para.” Taak­kua misigisaanit erser­poq Jehova tatigil­luin­narus­siuk qularin­ngil­luin­narsin­naagis­si taas­suma akilerumaaraasi.

18. Aap­pariit Jehovamik tatigin­nit­tuarumal­lutik qanoq iliorsin­naap­pat?

¹⁸ Aap­pariin­neq Jehovamit tunis­sutaavoq. (Matt 19:5, 6) Kis­saatigaalu tunis­sut taan­na nuan­naarutigis­sagis­si. (Uss 5:18) Ilis­si aap­pariit inuusut­tut, inuunersi qanoq ator­niar­nerlugu eq­qarsaatigisiuk. Jehovap tunis­sutaanik qujamasuutigin­nin­nersi sapin­ngisas­sin­nik takutit­tar­pisiuk? Jehova qinunik­kut oqaloqatigisarsiuk. Najoq­qutas­siaanik iluaqutigisin­naasas­sin­nik Biibilimi ujarler­taritsi, Jehoval­lu siun­nersuutai maleruar­tarsigit. Aap­pariin­nis­sin­ni Jehovamut kif­far­tor­nersi pingaar­ner­paatik­kus­siuk pil­luarlusi inuus­saasi!