ATUAQQISSAAGASSAQ 47
Qanoq uppersuseqartigissavit?
“Uummatisi annilaanngikkilit. Guutimut upperitsi.” – JOH 14:1.
ERINARSUUT 119 Uppertuusariaqarpugut
QILANAARTUUT *
1. Qanoq eqqarsartarsimasinnaavugut?
SIUNISSAMI pisussat – tassa upperisarsiornerup eqqunngitsup suujunnaarsinneqarnissaa, Gogip Magogimeersup saassussinissaa sorsunnissarlu Harmagedoni – eqqarsaatigigaangakkit ilaannikkut annilaajummertarpit? Una eqqarsaatiginikuuiuk: ‘Taamanikkussamut pisussat amiilaarnartut pineranni aalajaallunga pinertusaarsinnaassaanga?’ Taamatut eqqarsartarsimaguit Jiisusip oqaasiinik allassimaffimmi qulequtarisatsinniittunik allaaserisami matumani misissuinissarput iluaqutigingaassavat. Jiisusi ajoqersukkaminut ima oqarpoq: “Uummatisi annilaanngikkilit. Guutimut upperitsi.” (Joh 14:1) Uppersuseqarluarutta siunissami pisussat annilaangagisariaqanngilagut.
2. Qanoq uppersuseqarnerulersinnaavugut, allaaserisamilu matumani suut sammissavagut?
2 Siunissami uppernikkut misilinneqarnissatsinni pinertusaarsinnaaqqulluta maanna misilinneqarnitsinnut qisuariartarnerput eqqumaffigisariaqarparput. Taamaaliortarutta sutigut uppersuseqarnerulertariaqarnerput paasissavarput. Misilinneqarnitsinni pinertusaaraangatta uppernikkut nakussatsittarpugut. Tamannalu siunissami uppernikkut misilinneqarnissatsinni pinertusaarnissatsinnut iluaqutigissavarput. Allaaserisami matumani Jiisusip ajoqersugaasa sisamatigut uppersuseqarnerulertariaqarsimanerat sammissavarput. Aamma sammissavagut maanna taakkununnga assingusumik qanoq misilinneqarsinnaanerput tamannalu siunissamut qanoq piareersaatigisarneripput.
GUUTIP TIMIKKUT PILERSUIUMAARNERANIK UPPERINNINNEQ
Aningaasaqarnikkut ajornartorsiuteqaraluarluta uppernerput iluaqutigalugu Jehovamut kiffartornerput pingaarnerpaatissinnaavarput (Immikkoortut 3-6 takukkit)
3. Matthæusi 6:30, 33-milu Jiisusip upperneq pillugu suna erseqqissarpaa?
3 Ilaqutariinni ittuusup nuliaminik qitornaminillu nerisassatigut atisatigullu pilersuerusuttarnera angerlarsimaffeqartitserusuttarneralu pissusissamisoorpoq. Piffissami ajornartorsiorfiusumi matumani taamaaliornissaq imaannaanngitsuuvoq. Uppeqatitta ilaat suliffitsik annaasimavaat suliffittaarniarlutillu ilungersoraluarlutik iluatsitsisimanatik. Allallu neqeroorfigineqarsimagaluarlutik kristumiunut naleqqutinngitsumik suliaqarusussimanngillat. Taakkua arlaattut misigisaqarutta ilaquttatta pisariaqartitaat Jehovamit isumagineqarumaartut upperilluinnartariaqarparput. Jiisusip qaqqami oqaluutsimini ajoqersukkaminut tamanna erseqqissarpaa. (Matthæusi 6:30, 33 atuakkit). Jehovap qimanngisaannassagaatigut upperilluinnarutsigu taassumunnga kiffartornerput pimoorunnerusinnaavarput. Taassuma uagutsinnik timikkut pilersuisarnera maluginiaraangatsigu attaveqarfigilluarnerulerlugulu uppernikkut nakussatsittarpugut.
4-5. Ilaqutariit imminnut pilersornissaminnut isumakuluuteqarnerminni suna iluaqutigisimavaat?
4 Ilaqutariit Venezuelami najugaqartut timikkut pisariaqartitaminnik Jehovamit pilersorneqarsimanerat sammeriartigu. Ilaqutariit Castrokkut nunaateqarfitsik inuussutigisimagaluarpaat. Pigisaalli inunnit sakkulisartunit tiguarneqarput nunaatiminnillu pinngitsaaliissummik qimagutitinneqarlutik. Ataataasoq Miguel ima oqarpoq: “Massakkut nunaatimininnguaq attartugarput inuussutigisariaqarparput. Pisariaqartitatsinnik pilersoqqulluta ullut tamaasa Jehova qinnuigisarpara.” Ilaqutariinnut taakkununnga inuuniarneq ilungersunarpoq, Jehovalli ullut tamaasa pilersuiumaarnera upperigamikku ataatsimiittarlutillu oqaluussisarput. Jehovamut kiffartornertik inuunerminni salliutippaat, Jehovallu pisariaqartitaannik pilersortarpai.
5 Miguelip nuliatalu Yuraip atugarliornerminni Jehovap qanoq isumassortarneraatik maluginiartarpaat. Jehovap uppeqatit aqqutigalugit pisariaqartitaannik isumassorlugillu Miguelip suliffittaarnissaanut ikiorsimavai. Aamma immikkoortortaqarfik aqqutigalugu pisariaqartitaannik pilersorsimavai. Ilaqutariit taakku Jehovamit qimanneqanngisaannarlutillu uppernikkut nakussatsinneqarput. Paniat angajulleq Yoselin pisimasumi aalajangersimasumi Jehovap ikiuinera eqqartoreerlugu ima oqarpoq: “Jehovap ikiuinera erseqqissumik takullugu killitsinnarpoq. Jehova ikinngutittut inuunera tamaat tatigisinnaasattut isigaara.” Imalu nangippoq: “Ilaqutariittut misilinneqarnigut siunissami misilinneqarnerunissatsinnut piareersaatigaagut.”
6. Aningaasaqarnikkut ajornartorsiuteqaruit qanoq uppernerulersinnaavit?
6 Aningaasaqarnikkut ajornartorsiuteqarpit? Matthæusi 6:25-34 allassimasut atuarlugillu eqqarsaatigeqqissaakkit. Jehovallu anersaakkut ittunik ulapputeqartunik ikiuisarsimaneranik misigisat nalitsinneersut eqqarsaatigikkit. (1 Kor 15:58) Taamaalioruit Ataatavit qilammiusup allanik ikiuisarsimaneratulli ilinnik ikiuiumaarnera upperinerulissavat. Suut pisariaqartinneritit qanorlu isumassussanerlutit nalunngilai. Inuuninni Jehovap ikiuinera misigigaangakku uppernerulertarputit, siunissamilu misilinneqaatini artornarnerusuni misigisassanni pinertusaarsinnaalissaatit. – Hab 3:17, 18.
Taamaappat tamanna artorsaatigisimassavat. Pissutsilli atukkatit imaannaanngikkaluartut uppersuseqarnerulernissannut iluaqutigisinnaavatit. Qinoriarlutit Jiisusip oqaasii‘ANORERSUARMI’ PINERTUSAARSINNAAQQULLUTA UPPERNEQ
Uppersuseqarluarutta misilinneqarnerni anorersuartut ittuni pinertusaarsinnaavugut (Immikkoortut 7-11 takukkit)
7. Matthæusi 8:23-26 allaatigineqartutut ajoqersukkat uppernikkut “anorersuaq” qanoq misilinneqaatigaat?
7 Ajoqersukkanilu umiatsiarnerminni anorersuarsiortillutik taakkua sutigut uppersuseqarnerulertariaqarnerannik Jiisusip ilinniartippai. (Matthæusi 8:23-26 atuakkit). Anorersuartillugu mallillu umiatsiamut qaarartillugit Jiisusi eqqissilluni sinippoq. Ajoqersukkat annilaangasorujussuullutik itertimmanni annaateqqullutillu oqarfigimmanni Jiisusip inussiarnerluni ima aperivai: “Uppernikitsusiaa, sooq nangiarpisi?” Jehovap Jiisusimik ilagisaanillu sernissuisinnaanera ajoqersukkat annilaangasut upperisussaagaluarpaat. Tamanna qanoq ilinniarfigaarput? Ajornartorsiornerni anorersuartut issinnaasuni pinertusaarsinnaaqqulluta uppersuseqarluartariaqarpugut.
8-9. Anel uppernikkut qanoq misilinneqarpa, sunalu iluaqutigaa?
8 Qatanngutip arnap Puerto Ricomi najugaqartup Anelimik atillip misilinneqarnini uppernikkut nakussatsissutigaa. 2017-imi ulussaarsuaq Maria najugaqarfianut pitoraammat Anelip angerlarsimaffini suliffinilu annaavai. Ima oqarpoq: “Ulluni artornartuni taakkunani isumakuluttorujussuuvunga, qinunikkulli Jehovap tatiginerunissaa annilaanganerullu unissutiginnginnissaa ilikkarpakka.”
9 Anel aamma naalanneq pinertusaarnissaminut iluaqutigisimanerarpaa. Ima oqarpoq: “Ilitsersuutit Jehovap peqatigiissortaaneersut maleruarakkit toqqissisimavunga. Anersaakkut qiimmassarneqarnera uppeqatinnillu pigisatigut ikiorneqarnera Jehovameersuusut takusinnaavara.” Imalu nangippoq: “Qinnutigisinnaasannit annerungaartumik Jehovamit tunineqarpunga uppernikkullu nakussatsinneqangaarlunga.”
10. ‘Anorersuartut’ ittumik misilinneqaruit susinnaavit?
10 Illit inuuninni ‘anorersuartut’ ittumik misilinneqarpit? Immaqa pinngortitarsuarmi ajunaarnersuaqarnera pissutigalugu atugarliorputit. Immaqaluunniit perulunnartumik peqqiilliornerit pissutigalugu nikallungallutillu sussanerlutit naluat. Isumakulussinnaavutit, Tuss 77:12, 13) Qimanngisaannassagaatit upperisinnaavat.
isumakulunnerilli pissutigalugu Jehova tatigiunnaaqinagu. Qinunikkulli qanilliguk. Siornatigut Jehovamit ikiorneqarsimanerpit eqqarsaatigeqqissaarneratigut uppernikkut nakussatsigit. (11. Sooq siulersortitta naalannissaat aalajangiusimasariaqarparput?
11 Annikilliorninni pinertusaarsinnaaqqullutit aamma suna iluaqutigisinnaaviuk? Anelip eqqaasaatut naalanneq iluaqutigissavat. Jehovap Jiisusillu tatigisai tatigikkit. Ilaannikkut siulersortigut eqqumiigisatsinnik ilitsersuuteqarsinnaasarput. Naalakkuttali Jehovap pilluaqqussavaatigut. Aamma Biibilimi oqaluttuarineqartunit uppeqatittalu misigisaannit paasisimavarput naalanneq inuunermik annaassisartoq. (2 Mos 14:1-4; 2 Nal 20:17) Misigisat taamaattut eqqarsaatigeqqissaakkit. Taamaalioruit ilitsersuutit Jehovap peqatigiissortaaneersut maanna siunissamilu maleruarnissaat aalajangiusimanerulissavat. (Hebr 13:17) Taava annikilliornartussarsuaq sioorassutigisariaqassanngilat. – Uss 3:25.
NAAPERTUILLUANNGITSUMIK PINEQARNERMI PINERTUSAARSINNAAQQULLUTA UPPERNEQ
Qinujuarutta uppernikkut nakussatsissaagut (Immikkoortoq 12 takuuk)
12. Uppersuseqarneq Lukasi 18:1-8 allassimasumi naapertuilluanngitsuliorfigineqarnermi pinertusaarnermut qanoq atassuserneqarpa?
12 Jiisusip nalunngilaa ajoqersukkami naapertuilluanngitsuliorfigineqarnitik uppernikkut misilinneqaatigissagaat. Pinertusaarsinnaaniassammata Jiisusip oqaluttuaraa uillarneq eqqartuussisumut naapertuilluanngitsumut ikioqqusaqattaartoq. Oqaluttuaq tamanna Lukasimi allassimavoq. Uillarnerup qularinngilaa kimigiiseruni ikiorneqarumaarluni. Naggataatigullumi ikiorneqarpoq. Ilinniutissartaa suua? Eqqartuussisoq taanna assiginagu Jehova naapertuilluartuuvoq. Taamaattumik Jiisusi ima oqarpoq: “Taavami Guutip qinikkani naapertuilluartumik pineqartissannginnerpai ulloq unnuarlu torlorfigiuarpanni?” (Lukasi 18:1-8 atuakkit). Imalu nangippoq: “Inuulli Ernera tikiukkuni uppernermik nunarsuarmi nassaarumaarnerpa?” Naapertuilluanngitsuliorfigineqarnermi naammagittarnikkut uniinnannginnikkullu ersersittariaqarparput uillarnertut uppersuseqarluarluta. Upperluartuugutta qularutigissanngilarput Jehovap ikiorumaaraatigut. Aamma qinunerup sunniuteqangaartarnera upperisariaqarparput. Ilaannikkut ilimaginngisatsitut qinnutigut akineqartarput.
13. Ilaqutariit naapertuilluanngitsumik pineqarnerminni qinuneq qanoq iluaqutigaat?
13 Qatanngutip arnap Congomi najugaqartup Veromik atillip misigisaa sammilaariartigu. Vero, uia Nalunaajaasuunngitsoq paniallu 15-inik ukiulik nunaqarfitsik sakkutuunit saassunneqarmat qimaasariaqarsimapput. Aqqutaani sakkutuunit unitsinneqarlutik toqumik sioorasaarneqarput. Vero qialermat paniata eqqissisarniarlugu Jehovap aqqa taasaqattaarlugu nipituumik qinuvoq. Matthæusi 6:9-13 qinunermut najoqqutassaq atorlugu.” Sakkutooq ima oqarpoq: “Angajoqqaatillu eqqissillusi ingerlagitsi, Jehovallu Guutissi sernissortuarilisi!”
Qinoreermat sakkutuut naalagaata ima aperaa: “Niviarsiaraq, kia qinunermik ilinniartikkamisit?” Ima akivaa: “Anaanama,14. Uppernikkut suna misilinneqaatigissavarput, sunalu pinertusaarnissatsinnut iluaqutigissavarput?
14 Misigisanit taamaattunit ilikkarparput qinunerup pingaaruteqangaarnera puiunngisaannassagipput. Taavami qinnutitit ingerlaannaq maluginiarnartumilluunniit akineqanngippata? Jiisusip assersuusiaani uillarneq ilaarlugu qinujuarit qularinagu Guutitsinnit qimanneqanngisaannassallutillu piffissap ingerlanerani arlaatigut akineqarumaarlutit. Anersaamik illernartumik tuneqqullutit Jehova kimigiiserfigiuaruk. (Fil 4:13) Eqqaamajuk qanittukkut paratiiseqalerpat Jehovamit pilluaqquneqangaassagavit allaat naalliuutigisimasatit tamaasa puiussallugit. Jehovap ikiuineratigut annikilliorninni pinertusaartarnerit siunissami misilinneqarnissanni pinertusaarsinnaalissutigissavat. – 1 Petr 1:6, 7.
AJORNARTORSIORNERMI PINERTUSAARSINNAAQQULLUTA UPPERNEQ
15. Matthæusi 17:19, 20-milu allassimasutut Jiisusip ajoqersugaasa suna ajornartorsiutigaat?
15 Jiisusip ajoqersukkani paasitippai uppersuseqarunik ajornartorsiornerminni pinertusaarsinnaassasut. (Matthæusi 17:19, 20 atuakkit). Ilaanni ajoqersukkat anersaapiluk anisissinnaanngilaat, uffa siornatigut anisitsisareersimagaluartik. Sooq taamaaliorsinnaanngillat? Jiisusip nassuiaappai uppersuseqarnerulertariaqartut. Oqarfigai uppersuseqarluarunik allaat ajornartorsiutit qaqqarsuartut ittut qaangersinnaassagaat. Ullumikkuttaaq uagut qaangeruminaappasittunik ajornartorsiuteqarsinnaavugut.
Aliasuuteqarnitsinni upperneq iluaqutigalugu Jehovamut kiffartornermi ulapputeqartuarsinnaavugut (Immikkoortoq 16 takuuk)
16. Geydip aliasuuteqangaarnermini upperneq qanoq iluaqutigisimavaa?
16 Qatanngut arnaq Guatemalami najugaqartoq Geydimik atilik qanoq misigisaqarsimasoq maluginiaruk. Ataatsimeereerlutik angerlartillutik uia toqutaavoq. Geydip aliasungaarnermi naammagalugu atornissaanut uppernini qanoq iluaqutigisimavaa? Ima oqarpoq: “Nanertuutigisakka qinunikkut Jehovamut tunniuttarpakka, taamaaliortarneralu toqqississutigisarpara. Ilaquttakka ikinngutikkalu ilagiinniittut aqqutigalugit Jehovamit isumassorneqartarpunga. Jehovamut kiffartornermi ulapputeqartuarneq aliasuppallaannginnissannut, ullut ataasiakkaarnissaannut isumakuluuteqarpallaannginnissannullu iluaqutigisarpara. Taamatut misigisaqarsimagama paasivara siunissami qanorluunniit misilinneqassagaluaruma Jehovamit, Jiisusimit peqatigiissortatsinnillu ikiorneqarnikkut pinertusaarsinnaassallunga.”
17. Qaqqarsuartut ittumik ajornartorsiuteqaraangatta susinnaavugut?
17 Asasannik toqusoornikuuit? Toqusunit Uss 18:1) Pinertusaarnissannut iluaqutigisinnaasannik iliuuseqartarit, qiaatigalutilluunniit taamaaliortariaqaraluaruit. (Tuss 126:5, 6) Anersaakkut iliuuserisartakkatit, tassa ataatsimiigiartarnerit, oqaluussisarnerit Biibilimillu atuartarnerit, unitseqinagit. Siunissamilu Jehovamit pilluaqquneqangaarnissat eqqarsaatigiuaruk. Jehovamit ikiorneqartarnitit maluginiaraangakkit tatiginerulertassavat.
makititaasut pillugit oqaluttuat Biibilimeersut atuartarnerisigut makititaanissamik neriuutit nakussatsiguk. Ilaquttavit ilaata ilagiinnut ilaajunnaarsinneqarsimanera pissutigalugu aliasuppit? Guutip perorsaatissiisarnerata pitsaanerpaajuarnera upperilluinnalerumallugu atuaqqissaartarit. Ajornartorsiutit suugaluarpataluunniit uppernikkut nakussatsissutiginissaannut periarfissatut isigisakkit. Uummammiutit Jehovamut aniatittakkit. Kisimiinniarpallaarnak uppeqatitit qanittumik attaveqarfigisakkit. (“UPPERNERMIK ANNERUSUMIK TUNISIGUT”
18. Uppernikkut sanngiissuteqarlutit paasigukku susinnaavit?
18 Misilinneqarninni paasisimagukku uppernikkut sanngiissuteqarlutit nikallornak uppersuseqarnerulernissannut periarfissatut isigiuk. Jiisusip apustilii ilaarlugit ima oqarit: “Uppernermik annerusumik tunisigut!” (Luk 17:5) Maligassaalluartullu allaaserisami matumani eqqaaneqartut eqqarsaatigikkit. Miguel aamma Yurai ilaarlugit Jehovamit ikiorneqarsimanitit eqqarsaatigisakkit. Verop pania aamma Anel ilaarlugit Jehovamut qamannga pisumik qinusarit, ingammik annikilliorninni. Aamma Geydi ilaarlugu eqqaamajuk Jehovap ilaquttatit ikinngutitillu aqqutigalugit ikiortarsinnaagaatit. Maanna misilinneqarninni Jehovamit ikiorneqarnissat akuerisarukku siunissami misilinneqarnissanni pinertusaarsinnaaqqullutit ikiorumaaraatit upperinerulissavat.
19. Jiisusip suna qularutiginngilaa, aamma illit suna upperisinnaaviuk?
19 Jiisusip ajoqersukkami sutigut uppersuseqarnerulertariaqarnerat oqaatigaa, Jehovamilli ikiorneqarlutik siunissami misilinneqarnissaminni pinertusaarnissaat qularutiginngisaannarpaa. (Joh 14:1; 16:33) Aamma qularutiginngilaa inuppassuit upperluaramik annikilliornartussarsuarmit aniguiumaartut. (Saqq 7:9, 14) Aniguisussat ilagaatsit? Maanna uppersuseqarnerulernissannut periarfissat tamaasa atorluartarukkit Jehovap ikiuineratigut aniguisinnaassaatit. – Hebr 10:39.
ERINARSUUT 118 “Uppernermik annerusumik tunisigut!”
^ par. 5 Silarsuup ajortup maanna atuuttup piujunnaarnissaa qilanaaraarput. Ilaannikkulli qularisinnaasarparput tamatuma anigornissaanut ilumut uppersuseqarluassanerluta. Allaaserisami matumani misigisat ilinniutissallu uppersuseqarnerulernissatsinnut iluaqutigisinnaasagut sammissavagut.