Tul­lis­saani qanoq pisoqar­nersoq oqalut­tuan­ngin­ninni qanoq pif­fis­saq tamaat kif­far­tuler­nera pil­lugu oqalut­tuareq­qaalaariarlara.

Caribiami qeqer­tami alianaal­luin­nar­tumi Curaçaomi 1942-mi inun­ngor­punga. Ataataga Surinamimiuuvoq, Curaçaomulli nuup­poq suliar­torluni. Inun­ngor­nis­sara ukiunik marlun­nik sioq­qul­lugu Curaçaomi Jehovap Nalunaajaasuisut imermut morsutsin­neqar­tut siul­liit ilagisimavaat. a Sapaatit-akun­neri tamaviisa qatan­ngutik­kalu atuaq­qis­saarusun­ngik­kaluaraangat­taluun­niit atuaq­qis­saaqatigisar­paatigut. Ataatama anaanani utoq­qalisoq isumagerusuk­kamiuk 14-inik ukioqar­tunga Surinamimut nuup­pugut.

Surinamimi ilagiinni inuusut­tut Jehovamut kif­far­tor­nermi aal­lus­sil­luar­tut ilagisar­tagariler­pakka. Uan­niit ukiut arlaqan­ngitsut angajul­liunerulaar­put pioneriul­lutillu. Oqaluus­sinermi misigisatik oqalut­tuarigaangamik­kit nuan­naar­nerat takusin­naavara. Ilagiit­tut ataatsimeereeraangatta ikin­ngutik­kalu Biibili pil­lugu eqqar­tuisar­pugut, ilaan­nik­kut allaaq­qis­sumi unnuk­kut ulloris­sat isigin­naajutigalugit. Ikin­ngutima taak­kua inuuninni suniar­nerlunga aalianger­nis­san­nut ikior­paan­nga – Jehova pil­lugu suliaqarusup­punga. Taamaat­tumik 16-inik ukioqarlunga imermut morsutsitaavunga. 18-inillu ukioqarlunga pionerin­ngor­punga.

Pif­fis­saq tamaat kif­far­tor­ninni iluaqutigisan­nik pioneriuninni ilik­kagaqar­pas­suaqar­punga. Assersuutigalugu ilik­kak­kama siul­liit ilaat tas­saavoq allanik ilin­niar­titsinerup pingaaruteqas­susia. Pioneritut kif­far­tulerama oqaluus­sisar­tutut aal­lar­titap Wil­lem van Seijlimik atil­lip ikior­taler­paanga. b Ilagiinni akisus­saaf­fiit qanoq isumagisin­naanerikka ilin­niar­til­luar­paanga. Taamani eqqarsan­ngik­kaluar­punga ilin­niar­tin­neqar­nera taanna pisariaqar­tivis­simal­lugu. Aap­paaguani specialpionerin­ngor­tin­neqar­punga,  Surinamimilu kiat­tup orpip­pas­suini avin­ngarusimasumiit­tut qatan­ngutit amerlan­ngitsut eqimat­tak­kuutaat ikior­taler­pakka. Pif­fis­saq eqqorlugu ilin­niar­tin­neqarsimanera qujamasuutigeqaara! Taamanili qatan­ngutit allanik ilin­niar­titsisar­tut maligas­siaat malin­niar­talersimavara.

Ilik­kak­kama aap­paat tas­saavoq pilimanian­ngitsumik inuunis­saq pilersaarusiorluar­nis­sarlu. Qaam­matit aal­lar­tin­neri tamaasa pionerioqatigalu sapaatit-akun­nerini tul­liut­tuni nerisas­sat allallu pingaarutil­lit suut pisariaqar­tin­nerlutigit nalilersor­tar­pagut. Taava arlar­put illoqarfim­mut pingaar­nermut ungasis­sumut angalal­luni pisiniar­tar­poq. Qaam­mam­mut aningaasat uagutsin­nut tun­niun­neqar­tut atorluarumal­lugit aamma pisiagut qaam­matip sin­neranut piginias­sagatsigit naam­mat­tusaaril­luin­nar­tar­pugut. Kiat­tummi orpip­pas­suiniitil­luta suutaarutis­sagaluarutta ikior­tigeriaan­naasatsin­nik soqan­ngilaq. Inuusut­tuul­lunga pilimanian­ngitsumik inuunis­saq pilersaarusiorluar­nis­sarlu ilin­niarsimagakku inuunera tamaat Jehovap sulias­siis­sutaanik pingaar­nerutitsisin­naasimavunga.

Pingajuat­tut ilik­kar­para inuit oqaasii ilitsoq­qus­sat atorlugit ilin­niar­titsisin­naanerup iluaqutaanera. Hol­landimiutut, tulut­tut, oqaatsillu papiamento aamma Surinamimi pingaar­ner­tut ator­neqar­tut, sranantongo (imaluun­niit sranan), oqaaseralugit peroriar­tor­punga. Kiat­tulli orpip­pas­suini inuit oqaasii ilitsoq­qus­sat atorlugit oqaluus­sigaangatta oqaluus­sif­figisagut tusar­naarluar­nerusar­put. Oqaatsit ilai ajor­nakusoor­tip­pakka, soorlu saramaccan, nipit qataal­lil­luni qatitorlunilu ator­neqar­tarmata. Ilin­niar­niarsarinerali imminut akilersimavoq. Ukiut ingerlanerini inuit ilitsoq­qus­saralugu oqaasii atorlugit oqalus­sin­naagama amerlanerusut ilumoor­toq pil­lugu ilin­niar­tis­sin­naasimavakka.

Soorunami ilaan­nik­kut kan­ngusuusaar­nar­tumik kuk­kusoor­tar­punga. Assersuutigalugu arnaq Biibilimik ilin­niar­titaq saramaccanitut oqalut­tar­toq naarlut­tar­nera pil­lugu qanoq innersoq aperiniaraluarlugu allatut isumalim­mik aperisoor­para. Sunaaffa naar­tunersoq aperisimal­lugu! Soorunami taamatut aperineqarami nuan­narival­laan­ngilaa. Oqaatsitigut kuk­kusaraluarlunga sulias­sin­neqar­ninni tamani inuit oqaasiisa ilitsoq­qus­sat ator­nis­saat ilungersuutigisar­para.

1970-imi ilagiin­nik nak­kutil­liisus­satut toq­qar­neqar­punga. Ukioq taanna kiat­tup orpip­pas­suini oqaluus­sisar­tunut avin­ngarusimasumi najugalin­nut assit seqersit­tak­kat “Jehovap Nalunaajaasuisa qul­lersaqarfian­nut takor­nariar­neq”-mik qulequtal­lit isigin­naar­tip­pakka. Taakku angujumal­lugit qatan­ngutit angutit ilagalugit orpip­pas­suarni kuus­suak­kut umiatsiamik takisuumik qisum­mik sanaamik angalasar­pugut. Sarfaliuut, dunki orsus­saq, qul­liit petruuliutor­tut assillu seqersit­tagaanut ator­tut nas­sar­pagut. Apuuf­fis­satsin­nut apuuk­kaangatta ator­tut taakku tamaviisa orpip­pas­suar­nut nam­mat­tar­pagut. Angalasar­nitta taak­kua puiunaatsut ilagaat inuit avin­ngarusimasumiit­tut isigin­naak­kamin­nik nuan­narin­ningaar­tar­nerat. Jehova peqatigiis­sor­taalu nunarsuarmiit­tut pil­lugit allanik ilin­niar­titsinera nuan­naarutigingaar­para. Allat Jehovamut qanimut  attaveqaleraangata ilungersorsimanikka nuan­naarutigisar­pakka.

Kisimiil­luni sulias­siis­sutigineqar­tut ingerlan­nis­saat ajor­nan­ngin­nerugaluar­toq katin­nis­sara kis­saatigaara. Taamaat­tumik pif­fis­saq tamaat kif­far­tor­ninni kiat­tup orpip­pas­suini ilungersunar­tumi nulias­san­nik suleqatis­san­nik nas­saar­nis­sara Jehovamut qin­nutigisaler­para. Ukiup ataatsip mis­saa qaangium­mat Ethel, specialpioneriusoq ilungersunaraluar­tuniluun­niit Jehova pil­lugu suliaqarusut­toq, ilisarisimaler­para. Ethelip inuusut­tuaraal­lunili apustili Paulusi nuan­naar­torisimavaa taan­nalu ilaarlugu oqaluus­sinermi pil­liuteqarusul­luni. Septembarimi 1971-imi katip­pugut, aap­pariit­tullu nak­kutil­liisutut angalasar­tutut angalaqatigisaler­paanga.

Ethel peroriar­tor­nermini ilaqut­tanilu pigisar­pas­suaqan­ngil­lat, taamaat­tumik kiat­tup orpip­pas­suini angalaneq sungiutipal­lap­paa. Assersuutigalugu ilagiit orpip­pas­suit ilor­pasin­ner­paaf­fianni najugal­lit tikeraar­niaraangatsigit nas­sar­taqar­piar­neq ajor­pugut. Kuus­suarni uffarlutalu atisagut error­tar­pagut. Qatan­ngutit sas­saal­liutaat suul­luun­niit – leguanit, aalisak­kat inngigis­sunik kigutil­lit, orpipas­suar­nilu kuus­suar­nilu piniagaat suul­luun­niit – nerinis­saat sungiup­pagut. Puugutaqan­ngik­kaangat palmit pilutai ator­tar­pagut. Ilaan­nik­kut ajas­saateqar­nanilu saveqan­ngik­kaangat assagut atuin­nar­tar­pagut. Ethelilu misigivugut Jehovamut kif­far­tor­nitsinni pil­liuteqar­nitsigut tas­saalersimasugut allunaasaq pingasulik kit­torajaatsoq. (Oqal 4:12) Misigisagut taak­kua sunil­luun­niit taarserusun­ngilagut!

Orpip­pas­suit ilor­pasis­suini angalareerluta uterluta aal­laq­qaataani eqqaasara misigaar­put. Umiatsiaq kuus­suup sarfaasa qap­pior­ner­paaf­fiatigoormat morsuk­kaluar­poq ingerlaan­narli put­tuteq­qil­luni. Qujanar­tumik put­taquteqar­pugut, umiatsiamiillu nak­kan­ngilagut. Imaarsaaniarluta nerisas­saatigut igeriarlugit puui atorlugit imaarsaaler­pugut.

 Nerisas­saatigut igin­nikuugatsigit ingerlanitsinni aalisaler­pugut, pisaqaratali. Taamaat­tumik Jehova qin­nuigaar­put ulloq taanna nerisas­satsin­nik tuneq­qul­luta. Qinoreerluta qatan­ngutitta ilaat aalisariuutini nalup­paa aalisak­kamillu angisuumik pisaqarluni. Unnullu taanna tal­limaal­luta qaarsil­larluta nerivugut.

Ukiut tal­limat nak­kutil­liisutut angalasar­tutut angalareerluta Ethelilu ilimagin­ngisatsin­nik pil­luaq­quneqar­pugut – angajoq­qaan­ngor­tus­san­ngor­pugut. Inuunitsin­nut qanoq sun­niuteqas­sanersoq nalugaluarlugu tusagaq nuan­nersuuvoq. Ethelilu marluul­luta pif­fis­saq tamaat kif­far­tor­ner­put sapin­ngisatsin­nik aal­luk­kusup­par­put. 1976-imi erner­put Ethniël inun­ngor­poq. Ernitta aap­paa, Giovanni, ukiut marluk affarlu qaangium­mata inun­ngor­poq.

Taamani Surinamimi pisariaqar­titsisoqarmat immik­koor­tor­taqarfim­miit aaq­qis­suun­neqar­poq meeq­qatsin­nik perorsaajutigalunga nak­kutil­liisutut angalaan­narsin­naasunga. Ernigut mikisuusut ilagiit amerlan­ngitsut tikeraar­tar­pakka. Taamaalil­lunga qaam­mam­mut sapaatit-akun­neri marluk nak­kutil­liisutut angalasarsin­naavunga qaam­matillu sin­nera ilagiitsinni pioneritut kif­far­torsin­naal­lunga. Ilagiin­nut ungasin­ngisatsin­niit­tunut tikeraaraangama Ethelip ernit­talu ilagisar­paan­nga. Kisianni kiat­tup orpip­pas­suini ilagiin­nut angalagaangama ataatsimeersuar­ner­nilu peqataaniaraangama kisimiit­tar­punga.

Isumagisas­sakka tamaasa isumaginiarlugit pilersaarusiorluar­tariaqar­punga. Sapaatit-akun­neri tamaasa ilaqutariit­tut atuaq­qis­saar­tar­nis­sar­put qulak­keer­tar­para. Orpip­pas­suarni ilagiin­nut tikeraaraangama Ethelip uagutsinni ernigut atuaq­qis­saaqatigisar­pai. Akut­tun­ngitsumik ilaqutariit­tut sam­misaqaqatigiit­tar­pugut. Aamma Ethelilu ernigut ineriar­tor­nar­tunik sukisaarsaqatigisar­pagut. Innan­ngin­ninni unnuak­kut allaat anersaak­kut tun­ngasunik piareersar­niar­tar­punga. Ethelilu Ussatit 31:15-imi eqqaaneqar­tutut nuliaal­luarami ernigut atuariar­tun­ngin­neranni ilaqutariit­tut ullormut allas­simaf­fik eqqar­tor­nias­sagatsigu ullaak­korsioqatigiin­nias­sagat­talu suli qaam­man­ngitsoq makit­tar­poq. Qujamasuutigeqaara Jehovap sulias­siis­sutaanik isumagin­nin­niar­ninni ikiuerusungaar­tumik nuliaqarama!

Angajoq­qaatut ernitta Jehovamik asan­nin­nis­saan­nik oqaluus­sinerullu nuan­nariler­nis­saanik sulis­suteqarsimaqaagut. Kis­saatigaar­put ernitta  pif­fis­saq tamaat kif­far­tor­neq inooriaasis­samit­tut toq­qas­sagaat, imaan­ngitsoq uagut kis­saater­put pil­lugu taamaalius­sasut kisianni namminneq toq­qagarigamikku. Pif­fis­saq tamaat kif­far­tor­nerup nuan­naar­nerulersitsisar­nera eqqar­tor­tar­par­put. Ilungersor­nar­tor­tai eqqar­tun­ngitsoor­nagit Jehovalli ilaqutariit­tut qanoq ikiorlutalu pil­luaq­qusarsimagaatigut pingaar­ner­tut eqqar­tor­tar­pagut. Aamma ernitta Nalunaajaasunik Jehovamik pingaar­ner­paatitsisunik ikin­ngutitaar­nis­saat qulak­keer­niar­tar­par­put.

Ernitta perorsar­neranni Jehovap pisariaqar­titagut tamaasa matus­susersimavai. Soorunami sapin­ngisara tamaat ilaqut­takka pilersor­niar­tar­pakka. Kiat­tup orpip­pas­suini suli nuliar­nanga specialpioneriutil­lunga pisariaqar­titatsin­nik siumut pilersaarusiorsin­naanera ilik­karsimavara. Ilaan­nik­kulli sapin­ngisatsin­nik iliuuseqaraluarluta pisariaqar­titagut tamaasa pigineq ajor­pagut. Taamaak­kaangat upperivara Jehovap ikior­taraatigut. Assersuutigalugu 1980-ik­kut naaler­neranni 1990-ik­kullu aal­lar­tin­neranni Surinamimi pikitsitsisoqalermat pisariaqar­titat nalingin­naasut pis­sarsiarinis­saat ajor­nakusooqaaq. Taamaak­kaluar­toq Jehovap isumas­sor­tuar­paatigut. – Mat 6:32.

Inuuner­put tamaat Jehovap isumas­sorsimavaatigut pil­luar­nis­satsin­nik nalerisimaar­nis­satsin­nillu ikiorluta. Ernitta pil­luar­nermik tunisimavaatigut Jehovamullu kif­fan­ngor­nis­saan­nik perorsaratsigit qujamasuutigeqaar­put. Aamma taak­kua pif­fis­saq tamaat kif­far­tor­tun­ngor­niarlutik aalajangersimanerat nuan­naarutigeqaar­put. Ethniël Giovan­nilu marluul­lutik Nalunaajaasunut ilin­niarfinni ilin­niarsimap­put maan­nalu nuliatik ilagalugit Surinamimi immik­koor­tor­taqarfimmi kif­far­tor­put.

Ethelilu utoq­qaligaluarluta suli Jehova pil­lugu suliaqar­pugut specialpioneriul­luta. Ulapingaaratta suli nalun­nguar­neq ilin­nian­ngilara. Peq­qis­simis­sutis­saqan­ngilangali. Kingumut qiviarlunga ilumoorlunga misigivunga inuusut­tuul­lunga pif­fis­saq tamaat kif­far­tor­nis­samik aalajangersimanera aalajangiut­tarsimasama pitsaanersaasa ilagigaat.