BIIBILIMI Esterimik allak­kani pisuni oqalut­tuarineqar­tuni juuteq Mordokajimik atilik eqqaaneqaqat­taar­poq. Juutiuvoq aal­larus­saasimasut ilaat Perserit kun­ngiata illus­saarsuani sulisoq. Kun­ngip Ahasverusip, ukiumi 496-imi Kr.in.si. naalak­kersuilersup, nalaani tamanna pivoq. (Ahasverusi tas­saasorineqar­tar­poq Xerxesi siul­leq). Mordokajip kun­ngimik toqutsiniaraluar­tut qulaar­pai. Kun­ngip qujamasun­nermik Mordokaji kik­kut tamaasa isigitil­lugit ataq­qineqar­nis­saa isumagaa. Kingusin­nerusuk­kut Hamani, Mordokajimut juutinullu allanut akeraasoq, toqoreersoq kun­ngip Mordokaji ministeriunin­ngor­tip­paa. Taama atorfinitsin­neqarami Perserit naalagaaf­fis­suanni juutinik toqoraanis­saraluaq Mordokajip peq­qus­sutilior­nermigut pin­ngitsoor­tip­paa. – Est 1:1; 2:5, 21-23; 8:1, 2; 9:16.

Oqalut­tuarisaanermik ilisimatuut ilaasa Esterimik allak­kat oqalut­tualiaan­naanerarsimavaat Mordokajilu inuusiman­ngin­nerarlugu. 1941-mili itsar­nisarsiuut Biibilimi Mordokaji pil­lugu allas­simasunut upper­narsaataasin­naasunik nas­saarsimap­put. Suna nas­saarigamikku?

Persiamiut kileskriftian­nik angut Marduka-mik (kalaal­lisut Mordokaji) atilim­mik allan­nilik misis­suisar­tut nas­saarisimavaat. Taanna illoqarfimmi Susami aqutsisutut, immaqa naatsorsuuserisutut, atorfeqar­poq. Oqalut­tuarisaanermik ilisimasaqarluar­toq, Arthur Ungnad, allap­poq kileskriftimik allan­nilinni taak­kunani Mordokaji Biibilimeersuun­ngitsuni eqqaaneqaq­qaar­toq.

Ungnadip nalunaarusiaa allan­neqarmalli Persiamiut kileskriftian­nik allas­simasut allat tuusintil­lit ilisimatuut nutsersimavaat. Taak­kua ilagaat allaf­fis­sian­nguit marrar­nik sanaat illoqarfiup Persepolisip illukuisa pisuus­sutinik toq­qorsivianni, illoqarfiup qarmaasa eqqaan­niit­tumi, nas­saat. Xerxesip siul­liup nalaaneersuup­put. Elarmimiutut allan­neqar­put atinillu Esterimik allak­kani allas­simasunik imaqarlutik. a

Allaf­fis­siat Persepolisimi nas­saarineqar­tut ilaanni arlalinni Marduka, kun­ngip Xerxesip siul­liup naalak­kersuinerani illus­saarsuarmi allatsitut sulisar­toq, eqqaaneqar­poq. Taak­kua ilaanni Marduka nutserisutut allaatigineqar­poq. Taman­nalu Biibilimi Mordokajip allaatigineqar­neranut naaper­tuup­poq. Kun­ngip Ahasverusip (Xerxesip siul­liup) illus­saarsuani atorfeqar­poq min­ner­paamillu oqaatsit assigiin­ngitsut marluk oqaaserai. Mordokaji Susami kun­ngip illus­saarsuata isaaf­fiata kil­lingani issiasar­poq. (Est 2:19, 21; 3:3) Isaariaq taanna illorsuuvoq atorfil­lit sulif­fiat.

Marduka allaf­fis­siani eqqaaneqar­toq Mordokajilu Biibilimi eqqaaneqar­toq soqutiginar­tunik assigiis­suteqar­put. Pif­fis­sami tamatuma nalaani ataatsik­kut inuusimap­put, assigiim­mik sulif­feqar­put marluul­lutillu atorfeqarlutik. Paasis­sutis­sat taakku eqqarsaatigalugit ilimanar­poq Marduka Mordokajiusoq.