1. Qanoq nalun­ngilar­put Jehovap qanil­lerusuk­kaatigut?

 JEHOVAP imminut qanil­leq­quaatigut. (Jaak 4:8) Kis­saatigaa Guutigis­sagitsinni, Ataatagis­sagitsinni ikin­ngutigis­sagitsin­nilu. Qin­nutigut akisar­pai ajor­nar­torsior­nitsin­nilu ikior­tarluta. Peqatigiis­sor­tanilu aqqutigalugit ilin­niar­til­lutalu illersor­tar­paatigut. Jehovamulli qanil­liumal­luta qanoq ilior­tariaqar­pugut?

2. Qanoq Jehovamut qanil­lisin­naavugut?

² Jehovamut qanil­lisin­naavugut taas­sumun­nga qinunik­kut, oqaasianik atuar­nik­kut eqqarsaatigin­neq­qis­saar­nik­kullu. Taamaaliorutta taas­sumun­nga asan­nin­ner­put qujamasun­ner­pullu alliar­tus­sap­put. Pisas­saatut naalan­nis­saanut unnersiutiginis­saanullu kajumis­sisin­neqar­tar­pugut. (Saqq 4:11) Jehova ilisarisimanerujar­tor­til­lugu taanna peqatigiis­sor­taalu ikiorumal­luta pilersitai tatigineruler­tar­pagut.

3. Diaavulup qanoq Jehovamit avis­saar­tin­niarsaraatigut, Guutilli peqatigiis­sor­taasalu qiman­ngin­nis­saan­nut suna iluaqutigisin­naavar­put? (Tus­siaat 31:14, 15)

³ Diaavululli Jehovamit avis­saar­tin­niarsaraatigut, ingam­mik unam­miniar­nar­tunik nalaataqaraangatta. Qanoq periaaseqarpa? Jehovamik peqatigiis­sor­taanillu tatigin­nik­kun­naariar­tor­tin­niarsarisar­paatigut. Imminulli illersorsin­naavugut. Jehova upperil­luin­narlugulu tatigil­luin­narutsigu Guuti peqatigiis­sor­taalu qiman­navian­ngilagut. – Tussiaat 31:14, 15 atuakkit.

4. Allaaserisami matumani suut sam­mis­savagut?

⁴ Allaaserisami matumani unam­miniar­nar­tut ilagiit avataaningaan­niit pisin­naasut pingasut sam­mis­savagut. Taakku pingasut tamarmik immik­kut Jehovamik peqatigiis­sor­taanillu  tatigin­nin­nitsin­nik akor­nusiisin­naap­put. Unam­miniar­nar­tut taak­kua qanoq Jehovamit avis­saar­tis­sin­naavaatigut? Qanorlu Jehova peqatigiis­sor­taalu aalajaaf­figiuarsin­naavagut?

5. Artor­nar­tunik nalaataqar­ner­put qanoq Jehovamik peqatigiis­sor­taanillu tatigin­nin­nitsin­nik akor­nusiisin­naava?

⁵ Ilaan­nik­kut artor­nar­tunik nalaataqarsin­naavugut, soorlu ilaqut­tanit akerlilersor­neqar­neq imaluun­niit sulif­fim­miit soraarsitaaneq. Ajor­nar­torsiutit taamaat­tut qanoq Jehovamik peqatigiis­sor­taanillu tatigin­nin­nitsin­nik akor­nusiisin­naap­pat Jehovamillu avis­saar­til­luta? Sivisuumik ajor­nar­torsiorsimagutta nikal­loq­qajaalersin­naavugut. Saatanillu tamanna atorluarlugu isumaqalersin­niar­tar­paatigut Jehovap asan­ngik­kaatigut. Diaavulup eqqarsalersik­kusup­paatigut Jehova peqatigiis­sor­taalu naal­liuutitsin­nut pisuusut. Itsaq Israalik­kut Egyptenimiin­neranni assingusumik pisoqar­poq. Aal­laq­qaam­mut upperaat Jehovap Moorsisi Aaron­nilu inus­siaataanermit aniguisitsisutut toq­qarsimagai. (Mos 2. 4:29-31) Kingusin­nerusuk­kulli Israalik­kut atuk­kamin­nik Faaruup artuk­kermatik Moorsisi Aaron­nilu ajor­nar­torsiutimin­nut pisuutip­paat ima oqarfigalugit: ‘Faraomut kun­ngik­kormior­taanullu uuminarsar­patsigut panamil­lusooq tunil­lugit toqoq­qul­luta.’ (Mos 2. 5:19-21) Guutip kif­fai ilumoorfigin­nit­tut pisuutip­paat. Ajoraluas­susia! Illit sivisuumik ajor­nar­torsiuteqarsimaguit qanoq Jehova peqatigiis­sor­taalu tatigiuarsin­naavigit?

6. Piner­tusaar­nis­samut tun­ngatil­lugu pruf­fiiti Habak­kuki qanoq ilin­niarfigaar­put? (Habak­kuki 3:17-19)

⁶ Uummammiutit Jehovamut qinunikkut aniatikkit taannalu annertoqqutigalugu. Pruf­fiiti Habak­kuki annikil­liungaar­poq. Allaat Jehovamit soqutigineqar­nini qularileraluarsimavaa. Taamaat­tumik Jehovamut qinunik­kut misigis­sutsini tamaasa ima annip­pai: “Naalagaq, qanoq sivisutigisumik kap­pialas­saner­punga ilin­nit tusar­neqar­nanga? … Sooq iluaatsuliorfigineqar­nermik misigisaqar­tip­pinga?” (Hab 1:2, 3) Kif­fami ilumoorfigin­nit­tup qaman­nga pisumik qin­nutaa Jehovap akivaa. (Hab 2:2, 3) Habak­kukip Jehovap innut­tani qanoq annaat­tarai eqqarsaatigeq­qis­saareerlugu nuan­naaleq­qip­poq. Qularutigiun­naar­paa Jehovap soqutigigaani misilin­neqar­ninilu tamani piner­tusaaq­qul­luni ikiorumaaraani. (Habakkuki 3:17-19, Testamentitoqaq atuakkit). b Qanoq ilin­niarfigisin­naavar­put? Annikil­lioraangavit Jehovamut qinunik­kut qanoq misiginin­nik oqalut­tuut­taruk. Jehovalu anner­toq­qutigisaruk. Taamaalioruit qularutigin­ngis­sin­naavat Jehovap piner­tusaarsin­naaq­qul­lutit nakus­satsik­kumaaraatit. Anner­toq­qusersor­neqar­nerit misigigukku upper­nik­kut nakus­satsis­saatit.

7. Shirleyp ilaqut­taminit qanoq qulalersin­niar­neqarpa, Jehovallu tatigiuar­nis­saanut suna iluaqutigaa?

⁷ Jehovamut qanittuarumallutit iliuuseqartuarit. Qatan­ngutip arnap Shirleyp, Papua Ny Guineami najugal­lip, ajor­nar­torsior­nermini taman­nar­piaq iluaqutigaa. c Shirley ilaqutaalu pis­sakil­lior­tuup­put ilaan­nik­kullu nerisas­saateqar­piar­taratik. Ilaqutaasa ilaata Jehovamik tatigin­nin­neranik qulalersin­niarsaraa  ima oqarluni: “Oqar­putit Guutip anersaavata ikioraatit, kisianni naak taanna ikiorti? Ilaqut­tagut suli pis­sakil­lior­put. Oqaluus­sinerit pif­fis­saajaatigiin­nar­pat.” Shirley ima oqar­poq: “Eqqarsaatigaara Guutip soqutigineraatigut. Taamaat­tumik ingerlaan­naq Jehovamut qinuvunga eqqarsaatik­kalu tamaasa aniatil­lugit. Biibili Biibililersaarutigullu atuar­tuar­pakka, oqaluus­siuarlungalu ataatsimiigiar­tuar­punga.” Paasiler­paa ilaqut­tanilu Jehovamit isumagineqarlutik. Nerisas­saaleqinatillu pil­luar­tuup­put. Shirley ima oqar­poq: “Misigivunga Jehovap qin­nutikka akisimagai.” (Tim 1. 6:6-8) Illit­taaq Jehovamut qanit­tuarumal­lutit iliuuseqar­tuaruit ajor­nar­torsiutit qular­nerul­luun­niit Jehovamit avis­saar­tis­sin­naan­ngilaatit.

8. Jehovap peqatigiis­sor­taani qatan­ngutit angutit akisus­saaf­fil­lit qanoq pineqarsin­naap­pat?

⁸ Uagutsin­nut akeraasut tusagas­siuutitigut inter­netik­kullu attaveqaqatigiit­tarfiit aqqutigalugit Jehovap peqatigiis­sor­taani qatan­ngutit angutit akisus­saaf­fil­lit pil­lugit sal­luliorlutil­luun­niit paasinerluititsisar­put. (Tuss 31:14) Qatan­ngutit ilaat par­naarus­saal­lutillu pinerlut­tutut unnerluun­neqarsimap­put. Kristumiut siul­liit assingusumik nalaataqar­put apustili Paulusi eqqun­ngitsumik unnerluun­neqarlunilu par­naarus­saam­mat. Qanoq pip­pat?

9. Apustili Paulusi par­naarus­saam­mat kristumiut ilaat qanoq pip­pat?

⁹ Kristumiut siul­liit ilaasa apustili Paulusi Romami par­naarus­saaq­qam­mat tapersersorun­naar­paat. (Tim 2. 1:8, 15) Sooq? Inuit Paulusi pinerlut­tutut isigim­mas­suk kan­ngusuutigaat? (Tim 2. 2:8, 9) Imaluun­niit malersor­neqaler­nis­sar­tik annilaan­ngatigaat? Suna pis­sutaagaluar­pal­luun­niit takorlooruk Paulusi qanoq misigisimas­sanersoq. Annikil­liungaar­tarsimavoq allaallu taakku pil­lugit inuunini navianar­torsior­tit­tarlugu. (ApS 20:18-21; Kor 2. 1:8) Paulusip ikior­neqar­nis­saminik pisariaqar­titsinerani qimatsisut  ilaan­ngisaan­nar­tigit! Qatan­ngutit angutit akisus­saaf­fil­lit malersor­neqar­neranni suna eqqaamas­savar­put?

10. Qatan­ngutit angutit akisus­saasut malersor­neqaraangata suna eqqaamas­savar­put, aamma sooq?

¹⁰ Eqqaamajuk sooq malersugaasugut kinalu pisuusoq. Timuutiusimut allak­kat aap­paat 3:12-imi ima allas­simavoq: “Guutimut tun­niusimal­lutik Kristusimillu Jiisusimik ataasioqateqarlutik inuujumasut tamarmik aamma malersor­neqas­sap­put.” Taamaat­tumik ingam­mik qatan­ngutit angutit akisus­saasut Saatanimit saas­sun­neqar­tar­nerat tupaal­laatigis­san­ngilar­put. Saatanip Jehovamut aalajaak­kun­naarsin­niarsarivai ersilersin­niarsaralutalu. – Pet 1. 5:8.

11. Oniisifoorusi qanoq ilin­niarfigisin­naavar­put? (Timuutiusimut 2. 1:16-18)

¹¹ Qatanngutit tapersersorlugillu ilumoorfigiuakkit. (Timuutiusimut 2. 1:16-18 atuakkit). Kristumiut siul­liit ilaat Oniisifoorusimik atilik Paulusi par­naarus­saam­mat allatut pivoq. Paulusip ‘kalun­ner­nik qilersugaaq­qanera kan­ngusuutigin­ngilaa’. Oniisifoorusip Paulusi ujar­paa nanigamiullu pisariaqar­titaanik ikiorlugu. Taamaaliorami inuunini navianar­torsior­tip­paa. Qanoq ilin­niarfigisin­naavar­put? Inun­nut qununeq pis­sutigalugu qatan­ngutigut malersor­neqar­tut tapersersun­ngitsuus­san­ngilagut. Illersorlugillu ikius­savagut. (Uss 17:17) Asan­nin­ner­put tapersersuiner­pullu pisariaqar­tip­paat.

12. Ruslandimi qatan­ngutigut qanoq ilin­niarfigisin­naavagut?

¹² Ruslandimi qatan­ngutitta uppeqatitik asasatik par­naarus­saaq­qasut qanoq ikiorsimaneraat eqqarsaatigiuk. Ilaat eqqar­tuus­sivinni sas­sar­titaagaangata qatan­nguter­pas­suit eqqar­tuus­sivin­nukar­tar­put tapersersuiar­torlutik. Qanoq ilin­niarfigisin­naavagut? Qatan­ngutit angutit akisus­saasut sal­luliuutigineqaraangata, tigusaagaangata malersor­neqaraangataluun­niit annilaangalis­san­ngilagut. Qin­nut­tak­kit, ilaqutai isumagisak­kit qanorlu tapersersorsin­naanerlugit periarfis­sarsiorlutit. – ApS 12:5; Kor 2. 1:10, 11.

13. Illaruaatigineqar­neq qanoq Jehovamik peqatigiis­sor­taanillu tatigin­nin­nitsin­nik akor­nusiisin­naava?

¹³ Ilaqut­tatta allamik upperisal­lit, suleqatitta atuaqatit­taluun­niit oqaluus­siner­put imaluun­niit Jehovap inatsisaanik maleruaaner­put pil­lugu illaruaatigisin­naavaatigut. (Pet 1. 4:4) Immaqa ima oqar­tar­put: “Inut­tut nuan­naraak­kit, upperisarsili sukangaval­laarlunilu itsangaval­laar­poq.” Ilaasa ilaajun­naarsitsisar­neq pil­lugu isor­nar­torsior­tar­paatigut ima oqarlutik: “Qanoq ilil­lutit asan­nit­tuusin­naavit?” Taama oqarfigineqar­tar­neq eqqarsalersitsisin­naavoq Jehovap inatsisai naaper­tuil­luar­tuunersut. Immaqa ima eqqarsalersin­naavugut: ‘Jehovap piumasaqarfigival­laar­paanga? Peqatigiis­sor­tai kil­lilersuival­laar­pat?’ Taamatut misigisaqaruit qanoq Jehovamut peqatigiis­sor­taanullu qanit­tuarsin­naavit?

14. Jehovap najoq­qutas­siaanik maleruaaner­put pis­sutigalugu illaruaatigineqarutta susas­saagut? (Tus­siaat 119:50-52)

¹⁴ Jehovap najoqqutassiai maleruartuakkit. Juubi illaruaatigineqaraluarluni Jehovap najoq­qutas­siaanik maleruaajuar­poq. Juubimut ikin­ngutaasuusaar­tut ilaata Juubi isumaqalersin­niarsaraa eqqor­tulior­nera Guutip soqutigin­ngik­kaa. (Job 4:17, 18; 22:3) Juubilli sal­luliuutit taakku uppererusun­ngilai. Jehovap eqqor­toq eqqun­ngitsorlu pil­lugit najoq­qutas­siai eqqor­tuusut nalun­ngin­namiuk maleruar­nis­saat aalajangiusimavaa. Allat pis­sutigiin­narlugit assuar­naak­kun­naarusun­ngilaq. (Job  27:5, 6) Qanoq ilin­niarfigisin­naavar­put? Illaruaatigineqar­nerit pis­sutigalugu Jehovap najoq­qutas­siai qularilin­ngisaan­nak­kit. Inuuninni pisimasut eqqarsaatigeriak­kit. Illit nam­mineq misigisiman­ngin­ner­piuk Jehovap najoq­qutas­siai maleruarak­kit iluaqutigisimal­lugit? Peqatigiif­fim­mut Jehovap najoq­qutas­siaanik maleruaasumut ilaajuar­nis­sat aalajangiusimajuk. Taava qanorluun­niit illaruaatigineqar­tigigaluaruit Jehovamit avis­saan­ngisaan­nas­saatit. – Tussiaat 119:50-52 atuakkit.

15. Sooq Brizit illaruaatigineqarpa?

¹⁵ Brizitip, qatan­ngutip arnap Indiami najugal­lip, misigisaa eqqarsaatigiuk. Upperisani pis­sutigalugu ilaqut­taminit illaruaatigineqar­poq. 1997-imi imermut morsutsitaareersimatsiarluni uiata Nalunaajaasuun­ngitsup sulif­fini annaagamiuk aalajanger­poq angajoq­qaaminut, illoqarfimmi allami najugalin­nut, nam­mineq, Brizit panitillu nuus­sal­lutik. Brizitili ajor­nerusunik unam­miniagas­saqaler­poq. Uia sulif­fis­saqan­ngim­mat ilaqut­tani pilersor­niarlugit ulloq naal­lugu sulisariaqaler­poq. Ilagiillu qanin­ner­paat 350 kilometerit mis­saan­nik ungasitsigip­put. Ajoraluar­tumik Brizit uimi ilaqutaanit upperisani pil­lugu akerlilersor­neqar­poq. Pisut ajor­nakusuungaarmata Brizit ilaqut­tanilu nooq­qit­tariaqaler­put. Taava uini toquk­kut annaariasaar­paa. Kingorna paniisa ilaat, aqqaneq-marluin­nar­nik ukiulik, kræfterluni toquvoq. Pis­sutsillu ajor­neruliin­nar­put Brizitip ilaqutaasa taama pisoqar­neranut pisuutim­mas­suk. Oqar­put Jehovamik Nalunaajaasun­ngorsiman­ngitsuup­pat alianar­tut tamakku pisimas­san­ngik­kaluar­tut. Taamaat­torli Jehova tatigiuarlugulu peqatigiis­sor­taanut qanit­tuar­poq.

16. Brizitip Jehovamut peqatigiis­sor­taanullu qanit­tuar­nini qanoq iluaqutigaa?

¹⁶ Ilagiit ungasingaarmata ilagiin­nik nak­kutil­liisup Brizit kajumis­saar­paa sumiif­fim­mini oqaluus­seq­qul­lugu angerlarsimaf­fim­minilu ataatsimiin­nerit ingerlat­tas­sagai. Aal­laq­qaam­mut merserigaluar­paa. Kajumis­saar­neqarmisulli ilior­poq. Nutaarsias­sat nuan­nersut allanut oqaluus­sis­sutigai, angerlarsimaf­fim­mini  ataatsimiititsisar­poq paninilu ilaqutariit­tut Biibilimik misis­sueqatigiit­tarlutik. Qanoq kinguneqarpa? Brizit amerlasuunik Biibilimik misis­sueqateqar­taler­poq ilin­niar­titaalu amerlasuut imermut morsutsin­neqar­put. 2005-imi pionerin­ngor­poq. Jehovamik tatigin­nin­nera peqatigiis­sor­taanillu ilumoorfigin­nin­nera kinguneqarluar­poq. Panii aalajaal­lutik Jehovamut kif­far­tor­put, tas­sanilu maanna marlun­nik ilageeqar­poq! Brizitip upperil­luin­nar­paa ajor­nar­torsior­nermini ilaqut­taminillu illaruaatigineqar­nermini piner­tusaaq­qul­luni Jehovap nukis­samik tunisimagaani.

17. Suna aalajangiusimas­savar­put?

¹⁷ Saatanip isumaqalersik­kusup­paatigut ajor­nar­torsior­nitsinni Jehovap imminiigin­nar­taraatigut Jehovallu peqatigiis­sor­taanik tapersersuineq inuunitsin­nik artorsaatis­siigin­nar­toq. Qatan­ngutigut akisus­saaf­fil­lit sal­luliuutigineqaraangata, malersor­neqaraangata par­naarun­neqaraangataluun­niit Saatanip kis­saatigisar­paa annilaangalis­sasugut. Illaruaatil­liinermigullu Jehovap najoq­qutas­siaanik peqatigiis­sor­taanillu tatigin­nik­kun­naarsik­kusup­paatigut. Periaasiili ajor­tut nalun­ngil­luin­naratsigit sal­loqit­tar­neqan­ngilagut. (Kor 2. 2:11) Saatanip sal­luliuutaasa itigar­til­luin­nar­nis­saat Jehovallu peqatigiis­sor­taasalu ilumoorfigiuar­nis­saat aalajangiusimal­luin­naruk. Eqqaamajuk Jehovap qiman­ngisaan­nas­sagaatit. (Tuss 28:7) Taamaat­tumik sumil­luun­niit Jehovamit avis­saar­tin­neqaqinak. – Rom 8:35-39.

18. Allaaserisap tul­liani suna eqqar­tus­savar­put?

¹⁸ Unam­miniar­nar­tut ilagiit avataaningaan­niit nalaas­sin­naasagut allaaserisami matumani eqqar­tor­pagut. Aam­mami Jehovamik peqatigiis­sor­taanillu tatigin­nin­ner­put ilagiit iluanni unam­miniar­nar­tunit nalaas­sin­naasatsin­nit misilin­neqarsin­naavoq. Unam­miniar­nar­tunik nalaataqar­nermi qanoq tatigin­nit­tuarsin­naavugut? Tamanna allaaserisap tul­liani eqqar­tus­savar­put.