MISISSUINISSAMUT SIUNNERSUUTIT
Atuaqqissaarninni nuannersumik avatangiiseqarit
Atuaqqissaarnerit pissarsiffigilluarusuppiuk? Siunnersuutit uku eqqarsarluarnerunissannut iluaqutigisinnaavatit:
-
Tulluartumik avatangiiseqarit. Ajornanngippat torersumut qaamaneqarluartumullu inissigit. Nerrivik allaffilluunniit atoruk, silamiluunniit nuannersumik avatangiiseqarit.
-
Kisimiiffigisinnaasat toqqaruk. Jiisusi ‘ullaaralaakkut inoqanngitsumukarluni’ qinusarpoq. (Mak 1:35) Kisimiissinnaanngikkuit ilaquttatit ineqatitilluunniit paasitikkit atuaqqissaalerlutit, akornuseqqunallu.
-
Allamut saannaveersaarit. Mobiili tabletiluunniit atorukku akornuseqqunak nipaarutiguk, imaluunniit timmisartornermi toortagaq tooruk. Eqqaariataarukku pisassaqarlutit allakkallalaaginnaruk. Biibilimik misissuininni ukkassisinnaanngikkuit unikaallalaarlutit pisuttualaarit siaarsarlutilluunniit.