SAPAATIT-AKUNNERI tamaasa Biibilimik atuaqqis­saartarnissat sapernar­tittarpiuk ilaannikkullu pikkunaagisarlugu? Tamatta taamaat­tarunarpugut. Kisianni aalajangersimasumik iliuuserisar­tagarput alla, soorlu uffartarneq, eqqarsaatigeriaruk. Uffarnissaq ilaannikkut imminut piumaffiginartarpoq, uffareeraannili inuummaris­sinartarluni. Biibilimik atuaqqis­saarnermi ‘Guutip oqaasianik minguiaagaangatta’ aamma taamatut misiginartarpoq. (Ef 5:26) Siunnersuutitsialaat uku eqqarsaatigikkit:

• Pilersaarusiorit. Nalunngilarput nammineq Biibilimik atuaqqis­saartarnerput iliuuserisassatta pingaar­nerpaat ilagigaat. (Flp 1:10) Qaqugukkut atuaqqis­saartarumasarnerit puioqqunagu allaguk takusin­naasannullu nivinngarlugu, assersuutigalugu nillataar­titsiviup matuanut. Mobiilil­luunniit atuaqqis­saangajalerninni sianertittaruk.

• Naleqqusarit. Ilinnut suna ajornan­nginnerua? Nalunaaquttap-akunnera ataaseq imaluunniit sivikin­nerusumik akulikin­nerusumilli atuaqqis­saartarnissat? Suna ilinnut pitsaanerusoq illit nalunngin­nerugakku tamanna eqqarsaatigalugu pilersaarusiorit. Atuaqqis­saarnissannut kajumis­suseqan­ngikkuit soormi minutsit quliinnaat atuaqqis­saaruit? Minutsit qulit atorlugit atuaqqis­saarneq atuaqqis­saanngin­nermiit ajunngin­nerussaaq. Atuaqqis­saarnerillu nuannersisikkukku immaqa taava sivisunerusinnaavoq. – Flp 2:13.

• Atuaqqissaagassannik siumut toqqaagit. Aatsaat ingereerlutit atuagassat toqqarniarukku ‘piffissaq pitsaanerpaamik’ atornavianngilat. (Ef 5:16) Atuaqqis­saarniakkatit allattukkit. Assersuutigalugu paasinngisatit kingusin­nerusukkut misissor­niarlugit allattakkit. Aamma atuaqqis­saareeraangavit misissor­niakkatit allat allattukkannut ilannguttakkit.

• Allanngor­titseriaannaagit. Sapaatit-akunneri tamaasa atuaqqis­saartarnerit pingaaruteqangaarpoq. Tamanna iluatseq­qullugu pisariaqalissappat ullormik, piffissamik sivisus­susermillu aamma atuaqqis­saarniakkannik allanngor­titseriaannaagit.

Sapaatit-akunnerit tamaasa atuaqqis­saartarutta assigiin­ngitsutigut iluaqutigis­savarput. Jehova qaninnerulis­savarput, silatusaartumik aalajangiisin­naanerussaagut nakussatsillutalu. – Jos 1:8.