1-3. (a) Suna pingaar­tit­tuar­tariaqar­par­put? (b) Al­lamiutut ilin­niar­tut sunik unam­miniagas­saqar­pat, suul­lu apeq­qutaaler­pat? (Al­laaserisap aal­laq­qaataani as­seq takuuk).

NALITSIN­NI Jehovap Nalunaajaasui amerlasuut “inuiaqatigiin­nut naggueqatigiin­nul­lu, im­mik­kut oqaasilin­nut inuian­nul­lu tamanut” oqaluus­sinis­samik siulit­tuut eq­quutitin­niarlugu ulapip­put. (Saq­q 14:6) Aam­ma il­lit al­lamiutut ilin­niar­pit? Ilaat nunami pisariaqar­titsif­fiunerusumi ajoqersuiar­tor­titatut oqaluus­sisar­tutul­luun­niit kif­far­tor­put. Al­lat nunamin­ni ilagiin­ni al­lamiutut oqaasilin­ni ataatsimeeqataasar­put.

² Guutip kif­faasa tamarmik nam­min­neq ilaqut­tamil­lu anersaak­kut nukit­tujuar­nis­saat pingaar­tit­tariaqar­paat. (Tuss 1:1-3) Ilaan­nik­kul­li ulapin­neq pis­sutigalugu pis­sarsiaqar­nar­tumik nam­mineq atuaq­qis­saar­nis­samut pif­fis­saqar­nis­saq unam­miniar­nar­tis­sin­naavar­put. Ilagiin­nili al­lamiutut oqaasilin­ni kif­far­tor­tut aam­ma al­lanik unam­miniagas­saqar­put.

 ³ Ilagiin­ni al­lamiutut oqaasilin­ni kif­far­tor­tut oqaatsinik nutaanik ilin­niar­nermik saniatigut Guutip itis­susii pil­lugit akulikitsumik atuaq­qis­saar­tariaqar­put. (1 Kor 2:10) Ilagiin­ni oqaaserineqar­tut iluamik paasisin­naan­ngik­kunik­kit qanoq taamaaliorsin­naagamik? Sooq kristumiut angajoq­qaat qitor­namik Guutip oqaasianik uum­mam­miulius­sinis­saat qulak­keer­tariaqar­paat?

4. Jehovamut at­taveqar­nitsin­nik suna navianar­torsior­titsisin­naava? As­sersuuteqarit.

⁴ Al­lamiutut Biibilimi ilin­niar­titsis­sutigineqar­tut paasisin­naan­ngik­kutsigit Jehovamut at­taveqar­ner­put navianar­torsiulersin­naavoq. Nehemiap Jerusalemimut uterami meeq­qat ilaasa hebræerisut oqalus­sin­naan­ngin­nerat maluginiar­paa. (Nehemia 13:23, 24 atuak­kit). Meeq­qat taak­ku Guutip oqaasia paasisin­naan­ngin­namik­ku Jehovamut at­taveqar­piarun­naar­put. – Neh 8:2, 8.

5, 6. Angajoq­qaat ilaasa ilagiin­ni al­lamiutut oqaasilin­ni kif­far­tor­tut suna maluginiarsimavaat, aam­ma sooq?

⁵ Kristumiut angajoq­qaat ilaasa ilagiin­ni al­lamiutut oqaasilin­ni kif­far­tor­tut qitor­namik Jehovamut at­taveqar­piarun­naarsimanerat maluginiar­tar­paat. Qitor­naasut ataatsimiin­ner­ni oqaaserineqar­tut paasil­luarsin­naan­ngin­namik­kit paasis­sutis­sat iliuuseqar­nis­samut kil­litsis­sutigineq ajor­paat. Pedro, ilaqut­tanilu Amerikamit Kujal­lermit Australiamut nuun­neq, ima oqar­poq: “Anersaak­kut it­tunut tun­ngatil­lugu uum­mat misigis­sutsil­lu ilaatin­neqar­tariaqar­put.” ^[1] – Luk 24:32.

⁶ Al­lamiut oqaasiinik atuaraangat­ta im­maqa nam­mineq oqaatsitsin­ni atuar­nitsitut kil­litsip­pal­laar­neq ajor­pugut. Aam­ma al­lamiutut at­taveqaqateqar­nis­saq saper­narsin­naam­mat Jehovamik pal­lorfigin­nin­ner­put ajor­tumik sun­ner­neqarsin­naavoq. Taamaat­tumik ilagiin­ni al­lamiutut oqaasilin­ni kif­far­tor­nis­saq kis­saatigingaaraluarlugu Jehovamut at­taveqarluar­tuar­nis­sar­put eq­qumaf­figisariaqarsin­naavar­put. – Matt 4:4.

7. Babylonimiut Danieli qanoq kulturimin­nik up­perisamin­nil­lu akuersitin­niarsaraat?

⁷ Danieli ikin­ngutaalu Babylonimi aal­larus­saaq­qal­lutik Babylonimiut kulturian­nik up­perisaan­nil­lu akuersinis­samut pin­ngitsaaliniar­neqar­put. Qanoq? ‘Kaldæerit oqaasiinik’ ilin­niar­tin­neqarlutil­lu Babylonimiutut atser­neqar­put. (Dan 1:3-7) Danielip atia Belimut, Babylonimi guutit pingaar­nersaan­nut, in­nersuus­sutaavoq. Taamaat­tumik imaas­sin­naavoq kun­ngip Nebukadnesarip Danieli isumaqalersin­niaraa Babylonimiut guutiat taas­suma Guutianit, Jehovamit, pis­saaneqar­nerusoq. – Dan 4:5.

8. Danieli qanoq Jehovamut at­taveqarluar­tuar­pa?

⁸ Danieli Babylonimi kun­ngip nerisar­tagaanik mamar­tunik neqeroorfigineqaraluarluni uum­mam­migut “aalajanger­poq” Guutip inatsisai unioq­qutin­niar­nagit. (Dan 1:8) Al­lak­kat Il­ler­nar­tut, hebræerisut al­lan­neqarsimasut, atuaq­qis­saar­tuaramigit nunami al­lami najugaqar­nermini Jehovamut at­taveqarluar­tuar­poq. (Dan 9:2) Al­laat Babylonimut pinermi kingor­na ukiut 70-it mis­siliorlugit qaangiut­tut suli hebræerisut  atimigut, Danielitut, ilisimaneqar­poq. – Dan 5:13.

9. Tus­siaat 119-imik al­lat­tup Guutip oqaasia qanoq sun­ner­tis­sutigaa?

⁹ Tus­siaat 119-imik al­lat­toq kun­ngik­kormiunit akerlilersor­neqar­poq. Guutil­li oqaasia nakus­satsis­sutigalugulu al­laanerunis­saminut iluaqutigaa. (Tuss 119:23, 61) Guutip oqaasia misigis­sutsimigut kil­litsis­sutigingaar­paa. – Tus­siaat 119:11, 46 atuak­kit.

10, 11. (a) Guutip oqaasianik atuaq­qis­saar­nermi suna anguniagarisariaqar­par­put? (b) Anguniagar­put qanoq angusin­naavar­put? As­sersuuteqarit.

¹⁰ Ilagiin­ni sulif­fitsin­nilu akisus­saaf­fivut pis­sutigalugit ulapit­taraluarluta tamat­ta nam­mineq ilaqutariit­tul­lu atuaq­qis­saar­nis­samut pif­fis­saqar­tariaqar­pugut. (Ef 5:15, 16) Qup­per­ner­pas­suar­nik atuar­nis­sar­put ataatsimiin­nermilu akinis­samut piareersar­nis­sar­put kisiisa anguniagarinagit up­per­ner­put nakus­satsin­niarlugu Guutip oqaasianit kil­litsin­nis­sar­put anguniagarisariaqar­par­put.

¹¹ Taman­na angujumal­lugu oqimaaqatigiis­sumik isigin­nit­taaseqar­tariaqar­pugut. Atuaq­qis­saaraangat­ta al­lat pisariaqar­titaat eq­qarsaatigiin­nar­nagit nam­mineq pisariaqar­titavut eq­qarsaatigisariaqar­pavut. (Fil 1:9, 10) Paasisariaqar­par­put ataatsimiin­nermut, oqaluus­sinermut oqalugiar­nis­samul­luun­niit piareersaraangat­ta ilaan­nik­kut atuak­kavut nakus­satsis­sutigineq ajoratsigit. As­sersuutigalugu igasup iganermini nerisas­siat us­sil­lat­taar­taraluarlugit inuus­sutigisin­naan­ngilai. Peq­qis­soorusuk­kuni im­minut peq­qin­nar­tunik iggat­tariaqar­poq. Taamatut­taaq Jehovamut at­taveqar­ner­put nakus­satsik­kumal­lugu akulikitsumik Biibilimik atuaq­qis­saar­tariaqar­pugut. Taamatut itisiliil­luni atuaq­qis­saar­neq pisariaqar­titatsin­nik matus­susiisar­poq.

12, 13. Sooq amerlasuut nam­mineq oqaatsitik atorlugit Biibilimik atuaq­qis­saar­neq iluaqutigisar­paat?

¹² Ilagiin­ni al­lamiutut oqaasilin­ni kif­far­tor­tut amerlasuut ‘oqaatsit inun­nguutsitik’ atorlugit akulikitsumik Biibilimik atuaq­qis­saar­tar­ner­tik iluaqutigisar­paat. (ApS 2:8) Al­laat ajoqersuiar­tor­titat nalun­ngilaat nunami al­lami anersaak­kut nukit­tujumal­lutik ataatsimiin­ner­ni tusak­katik kisiisa nakus­satsis­sutigisin­naanagit.

¹³ Alain ukiut arfineq-pingasut farsitut ilin­niarsimasoq ima nas­suer­poq: “Farsitut ataatsimiin­ner­nut piareersaraangama oqaatsit kisiisa eq­qarsaatigisar­pak­ka. Eq­qarsaatik­ka oqaasilerinermut sam­mitit­tarak­kit atuak­kak­ka ilaan­nik­kut uum­mam­miuliun­neq ajor­pak­ka. Taamaat­tumik ilitsoq­qus­saralugu oqaatsik­ka atorlugit Biibilimik Biibililersaarutinil­lu al­lanik  atuaq­qis­saar­nis­samut pilersaarusior­tar­punga.”

14. Angajoq­qaat suna qulak­keer­tariaqar­paat, aam­ma sooq?

¹⁴ Kristumiut angajoq­qaat qitor­namik Guutip oqaasianik uum­mam­miulius­sinis­saat puiuk­kiutitsinis­saal­lu qulak­keer­tariaqar­paat. Serge nulianilu, Muriel, ukiut pingasut sin­nerlugit ilagiin­ni al­lamiutut oqaasilin­ni kif­far­tor­tut eq­qarsaatigik­kit. Er­nermik 17-inik ukiul­lip oqaluus­sineq ataatsimiigiar­nerlu nuan­narin­ngik­kai maluginiar­paat. Muriel ima oqar­poq: “Sior­natigut franskisut, ilitsoq­qus­saralugu oqaatsini atorlugit, oqaluus­sineq nuan­narigaluarlugu al­lamiutut oqaluus­sisar­nini nuan­narin­ngilaa.” Serge ima nas­suiaavoq: “Paasigatsigu taman­na er­nit­ta anersaak­kut siumukar­nis­saminut akor­nutigigaa ilagiin­nut najor­nikuusatsin­nut uter­niarluta aalajanger­pugut.”

15. (a) Angajoq­qaat ilagiin­nut al­lanut nuus­sanerlutik aalajanger­nialerunik­ku suut iluaqutigisin­naavaat? (b) Mosesimik al­lak­kat tal­limaat 6:5-7 angajoq­qaat qanoq eq­qaasin­neqar­pat?

¹⁵ Angajoq­qaat ilagiin­nut qitor­namik paasisin­naasaan­nik oqaasilin­nut utis­sanerlutik aalajanger­nialerunik­ku suut iluaqutigisin­naavaat? Siul­ler­tut, meeq­qat Jehovamik asan­nin­nermik al­lamiutul­lu ilin­niar­tin­nis­saan­nut pif­fis­saqar­nerlutik nukis­saqar­nerlutil­lu eq­qarsaatigis­savaat. Aap­paat­tut, im­maqa qitor­natik oqaluus­serusun­ngitsut, ataatsimiigiarusun­ngitsut al­laal­lu al­lamiutut  oqaaseqarfiusumi kif­far­torusun­ngitsut maluginias­savaat. Tamak­ku pis­sutigalugit angajoq­qaat ilagiin­nut qitor­namik paasisin­naasaan­nik oqaasilin­nut uter­nis­sar­tik aalajangius­sin­naavaat. Taava meeq­qat Jehovamut at­taveqarlualereer­pata angajoq­qaat aalajangersin­naap­put ilagiin­nut al­lamiutut oqaasilin­nut uter­niarlutik. – 5 Mosesi 6:5-7 atuak­kit.

16, 17. Angajoq­qaat ilaasa qitor­namik Jehova pil­lugu ilin­niar­tin­nis­saan­nut suut iluaqutigisimavaat?

¹⁶ Angajoq­qaat al­lat ilagiin­ni oqaluus­sisar­toqatigiin­niluun­niit al­lamiutut oqaasilin­ni kif­far­tuutigalutik nam­mineq oqaatsitik atorlugit qitor­natik Jehova pil­lugu as­sigiin­ngitsutigut ilin­niar­tis­sin­naal­lugit paasisimavaat. Charles panini pingasut, qulingiluat 13-il­lu akor­nan­ni ukiul­lit, ilagalugit oqaluus­sisar­toqatigiin­nut lingalatut oqaasilin­nut ilaasoq ima oqar­poq: “Nam­mineq oqaatsivut atorlugit meeq­qavut atuaq­qis­saaqatigisar­niarlugit ilaqutariit­tul­lu atuaq­qis­saar­tar­niarluta aalajanger­pugut. Nuan­nisarlutil­li lingalatut ilin­niarsin­naanias­sam­mata sungiusaqatigisarlugil­lu pin­nguaqatigisar­pavut.”

¹⁷ Kevin panim­mi marluk, tal­limanik arfineq-pingasunil­lu ukiul­lit, ilagiit al­lamiutut oqaasil­lit ataatsimiin­neri najuuf­figisar­tak­katik tamak­kiisumik paasisin­naan­ngim­matigit sal­lusuis­sum­mik ilin­niar­tin­niarlugit iliuuseqangaar­tar­poq. Ima oqar­poq: “Nuliaralu  franskisut, ilitsoq­qus­saralugu oqaasii atorlugit, atuaq­qis­saaqatigisar­pavut. Aam­ma qaam­mam­mut ataasiarluta ilagiin­nut franskisut oqalut­tunut ataatsimiigiar­tarlutalu feeriar­nitsin­ni ataatsimeersuar­ner­nut oqaatsivut atorlugit ingerlan­neqar­tunut najuut­tar­pugut.”

18. (a) Qitor­nas­sin­nik ikiuiniar­nis­sin­ni Romamiut 15:1, 2-lu silatusaar­tumik aalajangiinis­samut qanoq iluaqutigisin­naavisigit? (b) Angajoq­qaat qanoq siun­nersuip­pat? (Ilan­ngus­saq takuuk).

¹⁸ Ilaqutariit tamarmik qitor­namin­nut Jehovamul­lu at­taveqar­nermin­nut suna pitsaaner­paanersoq nam­min­neq aalajanger­tus­saavaat. ^[2] (Gal 6:5) Muriel oqar­poq uinilu ilagiin­ni al­lamiutut oqaasilin­ni kif­far­tor­tuar­nis­sar­tik kis­saatigigaluarlugu er­ner­tik Jehovamik asan­nin­neruler­nias­sam­mat nuun­niarlutik aalajangerlutik. (Romamiut 15:1, 2 atuak­kit). Ul­lumik­kut Sergep nalun­ngilaa eq­qor­tumik aalajangiisimal­lutik. Ima oqar­poq: “Ilagiin­nut franskisut oqaasilin­nut nuuk­kat­ta er­ner­put anersaak­kut siumukaler­poq kuisil­lunilu. Maan­na pioneriuvoq. Al­laat oqaluus­sisar­toqatigiin­nut al­lamiutut oqaasilin­nut uteq­qis­sanerluni eq­qarsaatigisar­paa!”

19, 20. Guutip oqaasia pingaar­tingaarlugu qanoq ersersis­sin­naavar­put?

¹⁹ Jehovap inuit tamaasa asavai. Inuit tamalaat sal­lusuis­sum­mik eq­qorluar­tumik ilisimasaqalersin­naanias­sam­mata Biibilip oqaatsini hundredilip­pas­suar­ni atuar­neqarsin­naanis­saa isumagaa. (1 Tim 2:4) Nalun­ngilaa inuit oqaatsit paasil­luar­nerusin­naasatik atorlugit Biibilimik atuar­tarunik im­minut at­taveqarlualis­sasut.

²⁰ Tamat­ta Jehovamut at­taveqarluar­tuarumal­luta iliuuseqar­tariaqar­pugut. Taamaaliorsin­naavugut oqaatsit paasil­luarsin­naasavut atorlugit akulikitsumik Biibilimik atuaq­qis­saar­tar­nik­kut. Aam­ma ilaqut­tavut anersaak­kut nukit­tujuaq­qul­lugit ikiorsin­naas­sal­lugil­lu Guutip oqaasia pingaar­tingaarlugu ersersis­savar­put. – Tuss 119:11.