NUNAQARFIM­MI Indiap ilaani Gujaratimiit­tumi 1950-k­kut naaneran­ni Johnip ataataa Jehovap Nalunaajaasuisa ilaat­tut kuisip­poq. Kisian­ni John qatan­ngutaalu tal­limat taak­kualu anaanaat katuuliugamik ilungersor­tut ataatar­tik al­lamik up­perisaqalermat akerlilersuler­paat.

Ilaan­ni John ataatami up­peqataanut al­lak­kanik ataataminit tun­nius­siar­toq­quneqar­poq. Kisian­ni ul­laaq taan­na nap­par­tarsuaq am­mar­niar­til­lugu John tikermigut itisuumik kiler­poq. Ataatanili naalak­kusuk­kamiuk kiler­nini an­noraaminermik nimeriarlugu al­lak­kat tun­niuk­kiar­tor­pai.

John apuum­mat ataataata up­peqataata nuliata, Jehovamik Nalunaajaasuusup, al­lak­kat tiguai. Taas­suma takuaa kilersimasoq ikior­nis­saanil­lu neqeroorfigalugu. Ikiueq­qaarut aariarlugu ikia salip­paa mat­tuserlugulu. Aam­ma tiiliuutiitigalugu inus­siar­nerluni Biibili pil­lugu oqalut­tuup­paa.

Inus­siar­ner­nera pis­sutigalugu Johnip Nalunaajaasunut isigin­nit­taasia al­lan­ngor­poq. Taamaat­tumik nas­suiaaq­quaa ataatami up­perisaata katuul­lit up­perisaan­nit al­laanerus­sutigisai marluk pil­lugit, tas­sa Jiisusi Guutiunersoq aam­ma kristumiut Mariamut qinusas­sanersut. Ar­nap oqaatsit gujarati ilin­niarsimagamigit Johnip oqaasii atorlugit apeq­qutai akisin­naavai. Biibili tun­ngavigalugu akivoq qup­persagarlu “Denne gode nyhed om riget” tun­niul­lugu.

Kingusin­nerusuk­kut Johnip qup­persagaq atuaramiuk paasivaa atuak­kani sal­lusuis­sutaasoq. Palasimukar­poq apeq­qutit marluk taak­ku apeq­qutiginiarlugit. Palasi kamangaaler­poq, Johnilu Biibilimik miluutigalugu ima suaar­poq: “Saatanin­ngor­putit! Uan­nut takutiguk Biibilimi al­las­simasoq Jiisusi Guutiun­ngitsoq. Takutiguk Maria pal­lorfigineqar­tas­san­ngitsoq. Qaa’, takutiguk!” Johnip palasip qisuariar­nera tupas­sutigerujus­suar­paa. Palasi oqarfigaa katuul­lit oqaluf­fian­nut iseq­qin­ngisaan­nas­sal­luni. Taman­nalu aalajangiusimavaa!

John Nalunaajaasunit atuaq­qis­saaqatigineqar­taler­poq Jehovamul­lu kif­far­tulerluni. Ukiut ingerlaneran­ni ilaqutaasa arlal­lit aam­ma sal­lusuis­sut up­periler­paat. John tikermigut kiler­neraniit ukiut 60-t mis­saat qaangiuk­kaluar­tut suli qileroqar­poq. Qileruni takugaangamiuk inus­siar­nisaarfigineqar­nini sal­lusuis­sum­mik kajungilis­sutigisani eq­qaasar­paa. – 2 Kor 6:4, 6.