1. Asan­nin­nermik ersersitseriaatsit pingaar­ner­paar­taat suua, qanorlu nas­suias­saviuk? (Al­laaserisap aal­laq­qaataani as­seq takuuk).

JEHOVA asan­nin­nerup pilerfigaa. (1 Joh 4:7) Asan­nin­nermik ersersitseriaatsit pingaar­ner­paar­taat najoq­qutas­sianik eq­qor­tunik tun­ngaveqar­poq. Biibilimi asan­nin­neq taama it­toq grækerisut agaʹpe-mik taaneqar­poq. Asan­nin­nermut tamatumun­nga ilaap­put al­lamut tun­niusimal­lunilu nuan­narin­nin­neq, pineqar­tul­li misigis­susiin­naan­ngil­lat. Asan­nin­neq taman­na ersersin­neqar­tar­poq nam­minis­sarsior­nani al­lanut iluaqutaasumik iliuuseqar­nik­kut. Asan­nin­neq taman­na al­lanut ajun­ngitsulior­nis­samut kajumis­sis­sutigisar­par­put. Taamatut asan­nit­tulior­ner­put nuan­naalis­sutigisar­par­put inuunitsin­nul­lu siuner­taqalis­sutaasarluni.

2, 3. Jehova nam­minis­sarsior­nani inun­nut qanoq asan­nit­tuliorsimava?

² Jehovap al­laat Adamimik Evamil­lu pin­ngor­titsinini sioq­qul­lugu inuit asan­nit­tuliorfigai. Nunarsuaq pin­ngor­tip­paa inuuin­nar­nis­samut pisariaqar­titatsin­nik tamanik pisatalerlugu. Tamatuma saniatigut inuunermik nuan­naarutigin­ningaarfis­satsitut  angerlarsimaf­fin­ngor­tip­paa. Jehovap im­minut pil­luni tamak­ku iliuuserin­ngilai. Uagut pil­luta iliuuserai. Angerlarsimaf­fip­put piareermat inuit pin­ngor­tip­pai nunarsuarmilu paratiisiusumi naas­saan­ngitsumik inuusin­naan­ngor­til­lugit.

³ Kingusin­nerusuk­kut Jehovap nam­minis­sarsior­nani inun­nik asan­nin­nini al­lanit nal­ler­nis­saqan­ngil­luin­nar­tumik ersersip­paa. Adami Evalu pikitsitsigaluar­tut Jehovap taak­kua kinguaavisa ilaasa im­minik asan­nit­tuunis­saat ima qularutigin­ngitsigigamiuk taak­ku an­naan­niarlugit er­nermi uter­titsis­sutitut pil­liutigineqar­nis­saa aaq­qis­suup­paa. (1 Mos 3:15; 1 Joh 4:10) Jehovap uter­titsis­sum­mik aaq­qiis­sutis­samik pilersitsereerami pil­liut taman­na pil­liutigineqareersutut isigaa. Ukiut 4.000-t tamatuma kingor­na Jehovap er­nitui inun­nut tun­niup­paa. (Joh 3:16) Jehovap nam­minis­sarsior­nani asan­nin­nera qujamasuutigingaar­par­put!

4. Qanoq nalun­ngilar­put inuit naam­mal­luin­nan­ngitsut nam­minis­sarsioratik asan­nit­tuliorsin­naasut?

⁴ Uagut naam­mal­luin­nan­ngitsuugaluarluta nam­minis­sarsior­nata asan­nit­tuliorsin­naavugut? Aap. Jehovam­mi im­minik as­silil­luni, tas­sa im­minik ilaarsisin­naatil­luta, pin­ngor­tip­paatigut. Nam­minis­sarsiun­ngitsumik asan­nit­tulior­nis­saq uagutsin­nut imaan­naajuaan­nan­ngilaq, sapin­ngilagul­li. Abelip Guuti asan­nin­nermik ersersitsivigaa nam­minis­sarsior­nani pigisami pitsaanersaat taas­sumun­nga pil­liutigigamigit. (1 Mos 4:3, 4) Noa nam­minis­sarsior­nani asan­nit­tulior­poq inuit tusar­naan­ngik­kaluar­tut Guutip tusarlius­saanik ukior­pas­suar­ni oqaluus­sis­sutigin­nik­kami. (2 Petr 2:5) Aam­ma Aaperaap Guutimik asan­nin­nini nam­mineq misigis­sutsiminin­ngar­nit sal­liup­paa er­nerminik Iisaamik pil­liuteqar­nis­samut piumas­suseqar­nermigut. (Jaak 2:21) Angutit aalajaatsut taak­kua pisimanerat­tut uagut­taaq imaan­naan­ngik­kaluaraangal­luun­niit asan­nit­tulior­tarusup­pugut.

5. Sutigut ilumoorluta asan­nit­tuliorsin­naavugut?

⁵ Biibilimi al­las­simavoq ilumoor­tumik asan­nit­tulior­toqar­tar­toq ‘oqaasiin­nar­tigut oqaan­nak­kul­luun­niit pin­nani suliatsigul­li sal­lusuin­nik­kul­lu’. (1 Joh 3:18) Taava imaap­pa oqaatsitsigut asan­nin­nitsin­nik ersersitsisin­naan­ngitsugut? Naamik. (1 Th 4:18) Inuup asanerar­nis­saata naam­mat­tuaan­nan­ngin­nera pineqar­poq. Oqaatsitsin­nik ilumoorus­siner­put ersersit­tariaqar­par­put. As­sersuutigalugu qatan­ngutivut naam­mat­tunik nerisas­saqar­natil­lu atisas­saqan­ngip­pata inus­siar­nersumik oqaluun­nis­saat naam­man­ngilaq. (Jaak 2:15, 16) Tamatumun­nga as­singusumik Jehovamik tul­litsin­nil­lu asan­nik­kat­ta nalunaajaasus­sat amerlatsin­nis­saat qin­nutigiin­nar­nagu nam­mineq ilungersorluta nalunaajaaqataasar­pugut. – Mat­t 9:38.

6, 7. (a) ‘Asan­nin­neq pisuusaar­nerun­ngitsoq’ qanoq paasisariaqar­pa? (b) Qanoq pisuusaarluni asan­nit­tulior­toqar­tarsimava?

⁶ Apustili Johan­nesi al­lap­poq ‘suliatsigut sallusuinnikkullu’ asan­nit­tuusariaqar­tugut. Taamaat­tumik asan­nin­ner­put ‘pisuusaar­nerunani’ ‘piviusuusariaqar­poq’. (Rom 12:9; 2 Kor 6:6) Inuk im­maqa asan­nin­nermik ersersitsisuusaarsin­naavoq. Asan­nin­nerali piviusuua, qaman­ngalu piva? Pis­sutiginiagai suup­pat? Pisuusaarluni asan­nit­tulior­toqarsin­naan­ngilaq.  Asan­nin­neq piviun­ngitsoq naleqan­ngilaq.

⁷ Pisimasut pisuusaarluni asan­nit­tulior­ner­tal­lit sam­meriar­tigit. Saatanip Eva naatsiivim­mi Edenimi oqaluum­magu Saatani oqaatsimigut Evamut ajun­ngin­ner­paamik kis­saas­ser­palus­sin­naavoq. Iliuusiitigul­li erser­poq taamaan­ngitsoq. (1 Mos 3:4, 5) Daavip kun­ngiunerata nalaani Akitofelimik atilik taas­sumun­nga ikin­ngutaanerar­poq. Akitofelil­li iluanaar­niaan­narluni Daavi kil­luutigaa. Iliuusiitigut erser­poq ikin­ngutiviun­ngitsoq. (2 Sam 15:31) Ul­lumik­kut tunus­sisut ilagiin­nilu avis­saar­tuutsitsisut al­lat ‘tusaruminar­tunik iluareq­qusaarutinil­lu oqalut­tar­put’. (Rom 16:17, 18) Asan­nit­tuunerarsin­naap­put, ilumoor­tumil­li nam­minis­sarsior­tuup­put.

8. Im­minut qanoq aperisariaqar­pugut?

⁸ Pisuusaarluni asan­nit­tulior­nerup im­mik­kut kan­ngunaqutigaa inun­nut sal­loqit­taataasarami. Inuit asan­nin­neq taama it­toq piviusutut isigisin­naavaat, Jehovali sal­loqit­tar­neqarsin­naan­ngilaq. Jiisusi oqar­poq ilumoor­tuusaar­tut sukan­ner­ner­paamik pil­lar­neqas­sasut. (Mat­t 24:51) Uagut Jehovamut kif­faasutut qaqugumul­luun­niit ilumoor­tuusaarusun­ngilagut. Taamaat­tumik im­minut ima aperisariaqar­pugut: ‘Uanga asan­nin­nera ilumoor­pa, imaluun­niit nam­minis­sarsiorlungalu ilumoor­tuusaar­punga?’ ‘Pisuusaar­nerun­ngitsumik’ asan­nit­tulioriaatsit qulingiluat sam­meriar­tigit.

9. Asan­nin­neq ilumoor­toq sunis­samut kajumis­sis­sutigis­savar­put?

⁹ Allat iliuutsitit maluginngikkaluaraat kiffartornissamut piumassuseqarit. Al­lat ilisimasaqarfigin­ngisaan­nagas­saan­nik asan­nit­tulior­nis­samut inus­siar­nisaar­nis­samul­lu piumas­suseqar­tariaqar­pugut. (Matthæusi 6:1-4 atuakkit). Anania Safiralu al­latut isigin­nit­taaseqar­put. Tunis­suteqar­ner­tik al­lanit ilisimaneqar­tik­kusup­paat. Qanoq tunis­suteqar­tigisimaner­tik sal­luliuutigaat, ilumoor­tuusaaramil­lu pil­lar­neqar­put. (ApS 5:1-10) Qatan­ngutivul­li ilumoorluta asagutsigit piumangaarluta inus­siar­nisaarfigerusus­savavut, iliuuserisimasat­ta al­lanit ilisimaneqar­nis­saat pisariaqar­tin­nagu. Qatan­ngutit angutit Siulersuisoqatigiit anersaak­kut inuus­sutis­sanik piareersaaneran­ni ikiuutaasar­tut ilin­niarfigisin­naavavut. Taak­ku malugeq­quneq ajor­put, suliniutinilu sorler­ni suleqataasimaner­tik inun­nut al­lanut paasitin­neq ajor­paat.

10. Al­lat qanoq ataq­qisin­naavavut?

¹⁰ Allanik ataqqinnigit. (Romamiut 12:10 atuaruk). Jiisusip apustilini ataq­qin­nin­nermik ersersitsivigai taak­kua isigaat asak­kamigit. (Joh 13:3-5, 12-15) Taas­sumatut maniguun­nis­sar­put al­lanul­lu kif­far­tor­tar­nis­sar­put ilungersorluta sulis­sutigisariaqar­par­put. Apustilit Jiisusip iliuusia aal­laq­qaam­mut paasil­luan­ngilaat, aatsaal­lu anersaamik il­ler­nar­tumik kuineqaramik paasivaat. (Joh 13:7) Al­lat ataq­qisar­pavut ilin­niagar­put, pigisavut Jehovamul­lu kif­far­tor­nermi im­mik­kut pisin­naatitaaf­fivut pil­lugit im­minut sorsuar­tut isigin­ngin­nitsigut. (Rom 12:3) Nersualaar­neqar­tut sin­ngaginagit nuan­naaqatigisar­pavut, aam­ma uagut­taaq nersualaar­neqar­tariaqar­tutut misigigaluaraangat­taluun­niit.

11. Sooq ilumoorluta nersualaarisas­saagut?

¹¹ Ilumoorlutit nersualaarisarit. Al­lanik nersualaarinis­samut periarfis­sarsior­tarit.  Tamat­ta nalun­ngilar­put nersualaar­tit­tut nersualaar­neqar­ner­tik ‘ineriar­tuutigisaraat’. (Ef 4:29) Qulak­keerusup­par­pul­li oqaatsit­ta ilumoorluta, iluareq­qusaarutituun­ngitsoq, oqaatiginis­saat. Ilumuuil­luta oqaatigisin­naan­ngisatsin­nik oqaaseqar­tas­san­ngilagut pisariaqar­tumil­luun­niit siun­nersuinis­samik akisus­saaf­fip­put avaq­qun­niar­tas­sanagu. (Uss 29:5) Ilumoor­tuusaas­saagut al­lat nersualaariarlugit kingor­natigut inguk­kutsigit. Apustili Paulusi ilumoorluni asan­nip­poq. Taas­suma kristumiut Korinthimiit­tut al­laf­figigamigit iliuusii ajun­ngitsut pil­lugit nersualaar­pai. (1 Kor 11:2) Siun­nersor­neqar­tariaqalermatali sooq siun­nersor­nerlugit inus­siar­nersumik paasiuminar­tumil­lu nas­suiaap­pai. – 1 Kor 11:20-22.

12. Inoroorsaar­nermut tun­ngatil­lugu qanoq ilumoorluta asan­nit­tuliorsin­naavugut?

¹² Inoroorsaartarit. Jehovap qatan­ngutitsin­nut tunisiumatuujoq­quaatigut. (1 Johannesi 3:17 atuaruk). Inoroorsaar­nis­samul­li eq­qor­tunik pis­sutiginiagaqar­tariaqar­pugut. Im­minut ima aperisin­naavugut: ‘Qanimut ikin­ngutin­nik ilagiin­niluun­niit pingaaruteqar­tutut isigisan­nik taamaal­laat qaaq­qusisar­punga? Inuit akil­lunga iliuuseqarsin­naasut kisiisa qaaq­qusar­pak­ka? Imaluun­niit qatan­ngutinut ilisarisimal­luan­ngisan­nut uan­nil­luun­niit ikiuisin­naan­ngitsunut tunisiumatusar­punga?’ (Luk 14:12-14) Takorlooriaruk qatan­ngut silatusaan­ngitsumik aalajangiisimanini pil­lugu ikior­neqar­tariaqar­toq, imaluun­niit qaaq­qusat­ta qutsavigin­ngik­kaatigut. Taamatut pisoqas­sap­pat siun­nersuut una malit­tariaqar­par­put: “Im­mis­sin­nut inoroorsaarfigiuaritsi pitseriitsuunasi.” (1 Petr 4:9) Eq­qor­tumik pis­sutiginiagaqarluta tunisisarut­ta nuan­naas­saagut. – ApS 20:35.

13. (a) Ingam­mik qaquguk­kut nikal­lujuisaar­tariaqarsin­naavugut? (b) San­ngiitsunik qanoq ikiuiniarsin­naavugut?

¹³ Sanngiitsunik ikiuisarit. ‘San­ngiitsunik isumagin­nin­nis­samik tamanil­lu nikal­lujuisaarfigin­nin­nis­samik’ peq­qus­sut Biibilimiit­toq asan­nin­nit­ta ilumuus­susianut misiligutaasin­naavoq. (1 Th 5:14) Qatan­nguter­pas­suit san­ngiitsuusimasut kingusin­nerusuk­kut up­per­nermin­ni nukit­tor­tar­put. Al­lal­li naam­magit­tar­tumik asan­nit­tumil­lu ikior­neqar­nis­sar­tik suli pisariaqar­tip­paat. Qanoq ikiorsin­naavavut? Biibili atorlugu qiim­mas­sarsin­naavavut, nalunaajaaqatiserisin­naavavut, tusar­naagin­narsin­naavavul­luun­niit. Aam­ma qatan­ngutivut taamaal­laat ‘nukit­tuutut’ ‘san­ngiitsutul­luun­niit’ eq­qarsaatigisas­san­ngilavut. Paasisariaqar­par­put tamat­ta nukit­tuf­feqarlutalu san­ngiif­feqar­tugut. Al­laat apustilip Paulusip san­ngiis­suteqar­nini  nas­suerutigaa. (2 Kor 12:9, 10) Tamat­ta up­peqatitsin­nit ikior­neqarlutalu qiim­mas­sar­neqar­nis­sar­put pisariaqar­tit­tar­par­put.

14. Qatan­ngutivut eq­qis­seqatigiumal­lugit sunis­samut kajumis­suseqar­tariaqar­pugut?

¹⁴ Eqqisseqatiginnittarit. Qatan­ngutitsin­nik eq­qis­seqateqar­tar­nis­sar­put pingaaruteqarluin­nar­poq. Paatsoor­neqarsimasutut naaper­tuil­luan­ngitsumil­luun­niit pineqarsimasutut misigigaluarut­taluun­niit eq­qis­seqateqarumal­luta sapin­ngisar­put tamaat iliuuseqar­tariaqar­pugut. (Romamiut 12:17, 18 atuaruk). Ajual­latsitsisimagut­ta utoq­qatser­nis­sar­put iliuuserisariaqar­tutuaasin­naavoq. Ilumoorlutali utoq­qatser­tariaqar­pugut. As­sersuutigalugu ima oqar­nata: “Aliasuutigaara il­lit taamatut misigigavit”, pitsaanerus­saaq kuk­kuner­put nas­suerutigigutsigu ima oqarluta: “Utoq­qatser­punga oqaatsin­nik an­nersik­kak­kit.” Eq­qis­sineq ingam­mik aap­pariin­nermi pingaaruteqar­poq. Kuk­kunerus­saaq aap­pariit inuit al­lat tak­kuan­ni im­min­nut asar­pasil­lutik pis­susilersor­tarunik, uf­fa angerlarsimaf­fim­min­ni oqaloqatigiin­naveersaar­tarlutik, oqaatsinik an­ner­nar­tunik im­min­nut oqaluut­tarlutik al­laal­luun­niit nakuuser­tarlutik.

15. Ilumoorluta isumak­keerfigin­nis­simaner­put qanoq ersersis­sin­naavar­put?

¹⁵ Isumakkeerfiginneriaannaasarit. Arlaan­nit ajual­latsin­neqarut­ta taan­na isumak­keerfigis­savar­put misigis­sutsil­lu nuan­niitsut iperas­sal­lutigit. Taamaalius­saagut ajual­latsitsisit­ta uagutsin­nik ajual­latsitsisimanini nalugaluar­paguluun­niit. Isumak­keerfigin­neriaan­naas­saagut ‘asaqatigiin­nik­kut im­mitsin­nut kamageqatigiil­luta, eq­qis­sineq ataqatigiis­sutigalugu anersaak­kut ataasius­suseq ilungersorluta aalajangiusimaniarlugu’. (Ef 4:2, 3) Ilumoorluta isumak­keerfigin­nik­kumal­luta ajual­latsitsisup iliuusia eq­qarsaatigiun­naar­tariaqar­par­put. Asan­nin­neq ‘put­tarsisaqar­tan­ngilaq’. (1 Kor 13:4, 5)  Put­tarsiuarut­ta qatan­ngutitsin­nut aam­mat­taaq Jehovamut at­taveqar­ner­put ajoqusersin­naavar­put. (Matt 6:14, 15) Ilumoorluta isumak­keerfigin­nis­simaner­put ersersis­savar­put uagutsin­nik ajual­latsitsisimasoq qin­nut­tarlugu. – Luk 6:27, 28.

16. Jehovamut kif­far­tor­nermi im­mik­kut sulias­sin­neqar­neq qanoq isigis­savar­put?

¹⁶ Nammineq iluanaarutissaraluatit pilliutigikkit. Jehovamut kif­far­tor­nermi im­mik­kut it­tumik sulias­sin­neqarsimagut­ta ilumoor­tumik asan­nin­ner­put ersersis­sin­naavar­put ‘tamat­ta im­mik­kut im­mitsin­nut pitsaaner­paaq pin­nagu al­lanut pitsaaner­paaq noq­qaas­sutigisarlugu’. (1 Kor 10:24) As­sersuutigalugu ataatsimeersuar­ner­ni ataatsimeersuariat isaan­ngin­neran­ni nak­kutil­liisus­sat apuus­simasar­put. Im­min­nut ilaqut­tamin­nul­lu is­siavis­sanik pitsaaner­nik in­nimin­niinatik taak­kua ilar­pas­sui im­mik­kut sulias­saqarfim­min­ni is­siavigineqarusun­ngin­ner­nut ingit­tar­put. Taamaalior­nermik­kut nam­minis­sarsiun­ngitsumik asan­nit­tulior­tar­put. Taak­kua maligas­siuil­luar­nerat qanoq ilaarsin­naaviuk?

17. Kristumiu ingasat­tumik ajor­tulioruni asan­nin­neq ilumoor­toq sunis­samut kajumis­sis­sutigis­savaa?

¹⁷ Isertorlutit ajortuliat nassuerutigikkit iliuuserisarunnaarlugillu. Kristumiut ingasat­tumik ajor­tuliorsimasut ilaat ajor­tuliamin­nik iser­tuiniarsarisimap­put. Im­maqa kan­ngusup­put al­lanil­luun­niit pakatsisitserusun­natik. (Uss 28:13) Ajor­tuliamil­li iser­tuineq asan­nin­ngitsulior­neruvoq ajor­tulior­tumik al­lanil­lu ajoqusiisarami. Qanoq? Jehovap ilagiin­nik anersaani il­ler­nar­toq atorlugu pil­luaq­qusinini unitsis­sin­naavaa, ilagiin­nilu eq­qis­sineqarun­naas­saaq. (Ef 4:30) Taamaat­tumik kristumiu ingasat­tumik ajor­tulioruni asan­nin­neq ilumoor­toq kajumis­sis­sutigalugu utoq­qaaner­tanik oqaloqateqas­saaq ikior­neqar­tariaqar­nermisul­lu ikior­neqarluni. – Jaak 5:14, 15.

18. Asan­nin­neq ilumoor­toq qanoq pingaaruteqar­tigaa?

¹⁸ Asan­nin­neq pis­suserineqar­tus­sat tamarmik pingaar­ner­paar­taraat. (1 Kor 13:13) Taan­na iluaqutigalugu takuneqarsin­naasar­poq kik­kut Jiisusimik malin­nit­tuunersut kik­kul­lu Jehovamik, asan­nin­nerup pilerfianik, ilaarsisuunersut ilumoor­tut. (Ef 5:1, 2) Paulusi al­lap­poq asan­nis­suseqan­ngik­kuni ‘suus­san­ngik­kaluarluni’, naleqas­san­ngik­kaluarluni. (1 Kor 13:2) Tamat­ta im­mik­kut asan­nit­tulior­tuar­ta, “oqaasiin­nar­tigut ... pin­nata, suliatsigul­li sal­lusuin­nik­kul­lu”.