1, 2. Diaavulup inuit ajor­ner­paamik ajoquser­niarlugit sua?

NAS­SAARSIAT ilaat, soorlu oqarasuaat, qul­leq in­naal­lagiator­toq, biilit, nil­lataar­titsivil­lu inuuneq oqin­nerulersis­simavaat. Nas­saarsial­li al­lat, soorlu aal­laasit, qaar­tar­tut nunamiit­tut, tupa, atombombil­lu inuuneq navianar­nerulersis­simavaat. Al­lali taak­kunanit tamanit siul­lersaal­lunilu inun­nut ajoqusiiner­paavoq. Suna? Tas­sa sal­lulior­tar­neq! Sal­lulior­neq tas­saavoq ilumuun­ngitsoq nalun­ngik­kaluarlugu uukapaatitsiniar­neq up­per­titsiniaanerluun­niit. Kina sal­loq­qaar­tuua? Diaavulu! Jiisusip taan­na ‘sal­lumut ataataanerar­paa’. (Johannesi 8:44 atuaruk). Qanga sal­loq­qaar­pa?

² Ukiut tuusintil­lit matuma sior­na naatsiivim­mi Edenimi taamaalior­poq. Adami Evalu paratiisimi alianaatsumi Jehovap taak­kunun­nga pin­ngor­titaani inuuner­tik nuan­naarutigaat. Guutip oqarfigereer­pai “or­pik ajun­ngitsumil­lu ajor­tumil­lu ilisimalersitsisoq” nerif­figigunik­ku toqus­sasut. Taman­na Saatanip nalun­ngik­kaluarlugu pulateriaarsuk atorlugu Eva oqarfigaa: “Toqus­san­ngivip­pusi.” Tas­sa sal­lu siul­leq. Saatani aam­ma oqar­poq: “[Guutip] nalun­ngilaa  nerif­figigaluarus­siuk isisi uisitaajumaar­tut Guutisul­lu ilerumaar­tusi ajun­ngitsoq ajor­torlu nalujun­naas­sal­lugit.” – 1 Mos 2:15-17; 3:1-5.

3. Sooq Saatanip sal­lulior­nera mamarliinerua, sal­lulior­nerul­lu tamatuma suut kingunerai?

³ Saatanip sal­lunera ajoqusiiniarluni mamarliineruvoq, nalun­ngilaami Evap up­peralunilu or­piup paar­naanik neriguni toqus­sasoq. Taamator­piarlu pisoqar­poq. Eva Adamilu Jehovap peq­qus­sutaanut naalan­ngip­put kingusin­nerusuk­kul­lu toqul­lutik. (1 Mos 3:6; 5:5) Taman­naan­naan­ngilarli, Adami ajor­tuliormat “toqu inun­nut tamanut an­ngup­poq”. Tas­sami “toqu ... naalagaavoq Adamip unioq­qutitsinerata as­singanik ajor­tuliorsiman­ngik­kaluar­tunut”. (Rom 5:12, 14) Taamaam­mat naam­mal­luin­nan­ngitsuul­lutalu Guutip siuner­tarisaatut naas­saan­ngitsumik inuuneq ajor­pugut. “[Ukiul­li] inuuf­figisas­savut 70-iusin­naap­put imaluun­niit 80-it, nukis­saqas­sagut­ta” inuunerlu ‘naal­liun­nar­tunik ajunaar­ner­nil­lu’ ulik­kaar­tar­poq. (Tus­s 90:10) Tamak­ku tamarmik pip­put Saatanip sal­lulior­nera pis­sutaal­luni!

4. (a) Apeq­qutit suut akisin­naasariaqar­pavut? (b) Tus­siaatit 15:1, 2 naaper­torlugu kina kisimi Jehovamut ikin­ngutaasin­naava?

⁴ Saatani pil­lugu Jiisusi oqar­poq: “Sal­lusuis­sum­miin­ngilaq, taas­sumin­nga ilumiugisaqan­ngin­nami.” Saatani al­lan­ngorsiman­ngilaq. Suli tas­saavoq “silarsuarmik tamarmik tam­mar­titsiniar­toq”. (Saqq 12:9) Saatanimil­li uukapaatin­neqarusun­ngilagut. Uku akis­sutis­sarsisariaqar­pavut: Saatanip inuit nalitsin­ni qanoq tam­mar­tit­tar­pai? Sooq inuit sal­lusar­pat? Jehovamik ikin­nguteqar­ner­put, Adamip Eval­lu pinerat­tut, an­naajumanagu qanoq ilumoor­tumik tamatigut oqalut­tarsin­naavugut? – Tussiaat 15:1, 2 atuakkit.

5. Saatanip inuit nalitsin­ni qanoq tam­mar­tit­tar­pai?

⁵ Apustilip Paulusip nalun­ngilaa Saatanimit uukapaatin­neqar­neq pin­ngitsoor­tin­neqarsin­naasoq. Ima al­lap­poq: “[Nalun­ngilar­put] taan­na qanoq it­tumik pilersaaruteqar­toq.” (2 Kor 2:11) Saatanip silarsuaq tamaat, aam­ma up­perisarsior­neq eq­qun­ngitsoq, naalagaaf­fiit peq­quserlut­tut piumatul­lunilu niueriaatsit aqup­pai. (1 Joh 5:19) Saatanip anersaapiluisalu inuit “sal­lulior­tut” sun­ner­tarmatigit taman­na tupigin­ngilar­put. (1 Tim 4:1, 2) As­sersuutigalugu niuer­tut ilaasa sal­lul­lutik nioq­qutis­sat ajoqutaasut tuniniarlugit inuil­lu uukapaatin­niarlugit pilerisaarinermin­ni sal­lusar­put.

6, 7. (a) Sooq ingam­mik up­perisarsior­tut siut­tut sal­lugaangata ajor­tuusar­pa? (b) Sal­luliuutaasa ilaat sorleq il­lit tusar­nikuuiuk?

⁶ Ingam­mik up­perisarsior­nik­kut siut­tut sal­lugaangata ajor­nerusar­poq. Sooq? Arlaata taak­kua ajoqersuutaat eq­qun­ngitsut up­peralugil­lu Guutip uumigisaanik iliuuseqaruni naas­saan­ngitsumik inuunis­saraluani an­naasin­naavaa. (Hos 4:9) Jiisusip nalimini up­perisarsior­nik­kut siut­tut inun­nik uukapaatitsisar­nerat nalun­ngilaa. Sapiil­luni oqarfigai: “Eq­qanaq ilis­si al­lak­kanik ilisimasut farisiiaril­lu, ilumoor­tuusaar­tusi! Im­mak­kum­mi nunak­kul­lu angalasar­pusi ataatsimik malitsis­sarsiniaan­narlusi. Malitsigiligarsilu An­niarfim­mut [Gehen­namut, NW] qitor­naasus­san­ngor­tit­tar­parsi.”  (Matt 23:15) Jiisusi oqar­poq up­perisarsior­nik­kut siut­tut ilumoor­tuusaar­tut taak­kua ataatar­tik, Diaavulu ‘toqutsisuusoq’, as­sigil­luin­naraat. – Joh 8:44.

⁷ Nalitsin­nit­taaq up­perisarsior­nik­kut siut­tut amerlap­put. Im­maqa palasinik, rabbinik al­latul­luun­niit taaguuteqar­tar­put. Farisiiaritul­li taak­ku Guutip oqaasianit sal­lusuis­sut ilin­niar­titsis­sutiginagu “Guutip sal­lusuis­susia sal­lumik taarser­paat”. (Rom 1:18, 25) Sal­luliuutigisar­tagaasa ilaat tas­saap­put ‘inuit an­nan­neqareersut’, inuit toqujuitsumik tar­neqar­tut, toqusut er­nioq­qit­tar­tut, aam­ma ar­naqam­mik anguteqam­mil­luun­niit katit­tar­nerit Guutip akuerigai.

8. Sal­lu suna politik­kik­kut siut­tut qanit­tuk­kut nalunaarutigis­savaat, uagul­lu qanoq qisuarias­saagut?

⁸ Politikerit aam­ma inun­nik uukapaatitsiniarlutik sal­lusarsimap­put. Taak­kua sal­luliuut an­ner­paat ilaat qanit­tuk­kut nalunaarutigisas­saat tas­saavoq nunarsuarmi ‘sumil­luun­niit aarlerinar­toqan­ngin­neraaneq’. Kisian­ni “perlus­sap tas­san­ngaan­naq tikik­kumaar­pai”. Taamaam­mat politik­kik­kut siut­tut taak­ku pis­sutsinik pitsan­ngor­neraasut up­peris­san­ngilavut. Ilumoor­tormi tas­saavoq ilisimal­luaratsigu Jehovap “ul­lus­saa nal­liuk­kumaar­toq un­nuami til­lin­niatut”. – 1 Th 5:1-4.

9, 10. (a) Sooq inuit ilaat sal­lusar­pat, qanorlu kinguneqar­tar­pa? (b) Jehova pil­lugu suna eq­qaamas­savar­put?

⁹ Nalitsin­ni inuit nuimasut sal­lusar­tuni kisiar­taan­ngil­lat. Al­laaserisami “Why We Lie”-mi, Y. Bhat­tacharjeemit al­lan­neqar­tumi, al­laq­qavoq ‘sal­lusar­neq inuit ileq­qutut pigiliutiin­narsimagaat’. Tas­sa al­latut oqaatigalugu inuit sal­luneq pis­susis­samisoor­tutut nalingin­naasutul­lu isigaat. Inuit im­minut il­lersor­niarlutik, im­maqa kuk­kus­sutitik pinerlut­tuliatil­luun­niit toq­qor­tor­niarlugit, sal­lugajut­tar­put. Aam­ma aningaasarsiniarlutik al­latigul­luun­niit im­minut iluaquser­niarlutik sal­lusar­put. Al­laaserisami aam­ma al­laq­qavoq inuit ilaasa sal­lunis­saq ajorin­ngil­luin­naraat “inun­nut ilisarisiman­ngisamin­nut, suleqatimin­nut, ikin­ngutimin­nut asasamin­nul­luun­niit”.

¹⁰ Sal­lusar­nerit tamak­ku tamarmik suna kinguneraat? Inuit im­min­nut tatigiun­naar­tar­put at­taveqatigiin­neril­lu sequmin­neqar­tar­put. As­sersuutigalugu uiusoq ilumoorfigin­nit­toq nuliami al­lalerisimanera tamatumin­ngalu iser­tuisimanera tusarlugu qanoq aliasutsigisoq takorlooruk. Takorloorul­luun­niit qanoq ajor­tigisoq angut nuliani meeq­qanilu angerlarsimaf­fim­min­ni ajor­tumik pisarlugit al­lat tak­kuan­ni asan­nit­tuusaarlunilu isumagin­nit­tuusaar­tar­pat. Inuit taamaat­tut inun­nut al­lanut uukapaatitsisin­naap­put, eq­qaamasariaqar­par­pul­li Jehova sal­loq­qit­tarsin­naan­ngik­kaat. Biibilimi al­laq­qavoq ‘sumil­luun­niit taas­sumun­nga ersin­ngitsoqan­ngitsoq’. – Hebr 4:13.

11. Ananiap Safiral­lu maligas­siuinerlun­nerat qanoq ilin­niutigisin­naavar­put? (Al­laaserisap aal­laq­qaataani as­silis­sat takuk­kit).

 ¹¹ As­sersuutigalugu Biibilimi oqalut­tuarineqar­poq aap­pariit kristumiut Guutimut sal­lunis­samin­nut Saatanimit sun­ner­neqar­tut. Anania Safiralu apustilit uukapaatin­niaraluar­paat. Nunaatimik ilaat tunivaat aningaasal­lu ilaan­naat apustilinut tun­niul­lugit. Anania Safiralu ilagiin­niit­tunit al­lanit nersor­neqarusup­put, apustilinut oqar­put aningaasat tamaasa tun­nius­simal­lugit. Jehoval­li sal­lunerat nalun­ngilaa, pil­lar­paalu. – ApS 5:1-10.

12. Mamarliil­lutik sal­lulior­tut peq­qis­simin­ngitsut qanoq pineqas­sap­pat, aam­ma sooq?

¹² Inuit sal­lusar­tut Jehovap qanoq isumaqarfigai? Inuit tamarmik mamarliil­lutik sal­lusar­tut peq­qis­simin­ngitsul­lu “tatsimut in­nerusumut” Saatanip pineqar­nis­saatut pisin­neqas­sap­put. Al­latut oqaatigalugu naas­saan­ngitsumut piuneerun­neqas­sap­put. (Saqq 20:10; 21:8; Tus­s 5:6) Sooq? Jehovap sal­lutuut taak­ku tamaasa ‘qim­minut’, imaluun­niit nam­mineq isimini maajun­nar­tunik ileq­qoqar­tunut, naligitip­pai. – Saq­q 22:15.

13. Jehova pil­lugu suna nalun­ngilar­put, aam­ma taman­na sunis­samut kajumis­sis­sutigaar­put?

¹³ Nalun­ngilar­put Jehova ‘tas­saan­ngitsoq inuk sal­lusar­toq’, tas­sa ‘Guuti sal­lusin­naan­ngilaq’. (4 Mos 23:19; Hebr 6:18, NW) ‘Jehovap uumigaa oqaq sal­lutooq’. (Uss 6:16, 17) Taas­sumin­nga iluarisaarusuk­kut­ta ilumoor­toq oqaatigisariaqar­par­put. Taamaam­mat ‘im­mitsin­nut sal­luliorfigineq’ ajor­pugut. – Kol 3:9.

14. (a) Kristumiut ilumoor­tut up­perisarsior­tunit eq­qun­ngitsunit suna al­laanerus­sutigaat? (b) Lukasi 6:45-imi najoq­qutas­siaq al­laq­qasoq nas­suiaruk.

¹⁴ Kristumiut ilumoor­tut up­perisarsior­tunit  eq­qun­ngitsunit al­lanit suna al­laanerus­sutigaat? ‘Ilumoor­tumik oqalut­tar­pugut.’ (Zakaria 8:16, 17 atuakkit). Paulusi al­lap­poq “Guutimit kif­farineqar­tutut takutin­niar­tar­pugut ... ilumoor­tumik oqalun­nik­kut”. (2 Kor 6:4, 7) Aam­ma Jiisusi oqar­poq inuit ‘uum­matip ulik­kaarutaanik oqalut­tar­tut’. (Luk 6:45) Tas­sa inuup un­neq­qaris­sup ilumoor­toq oqaatigisar­paa. Inun­nut ilisarisiman­ngisaminut, suleqatiminut, ikin­ngutiminut asasaminul­lu tamatigut ilumoor­tumik oqalut­tar­poq. Maan­na sutigut tamatigut un­neq­qaris­suuniar­ner­put qanoq ersersis­sin­naanerlugu as­sersuutit sam­meriar­tigit.

15. (a) Sooq marloqiusamik inooriaaseqar­neq ajor­tuua? (b) Inuusut­tut peqatimin­nit tatineqar­tar­neq qanoq akiorsin­naavaat?

¹⁵ Inuusut­tuuguit im­maqa peqatin­nit akuerineqarusut­tar­putit. Ilaat taama kis­saateqar­ner­tik pis­sutigalugu marloqiusamik inooriaaseqar­tar­put. Ilaqut­tatik ilagiin­niit­tul­luun­niit peqatigigaangamik­kit ileq­qus­satigut minguitsuusaar­tar­put, inter­netik­kul­li at­taveqatigiit­tarfin­ni Jehovamil­luun­niit kif­far­tun­ngitsut peqatigigaangamik­kit al­laanerujus­suusarlutik. Im­maqa oqaasipilut­tar­put, naleq­qutin­ngitsumik atisalersor­tarlutik, nipilersuutit naleq­qutin­ngitsunik taal­lar­tal­lit tusar­naar­tarlugit, aalakoor­tarlutik, ikiaroor­tarlutik, iser­torlutik peeraqar­tarlutik al­latigul­luun­niit ajor­tulior­tarlutik. Angajoq­qaamin­nut, qatan­ngutimin­nut Jehovamul­lu sal­lup­put. (Tus­s 26:4, 5) Jehoval­li nalun­ngilaa qaquguk­kut ataq­qisuusaarlugulu uumigisaanik ilior­tar­tugut. (Mark 7:6) Us­sat malil­lugu inuuneq pitsaanerujus­suuvoq: “Ajor­tulior­tut sin­ngageqinagit, tamatigul­li Naalagaq mianeril­luin­nar­taruk.” – Uss 23:17. *

16. Pif­fis­saq tamaat kif­far­tuler­niarluta qin­nuteqaam­mi apeq­qutit qanoq akisariaqar­pavut?

¹⁶ Pioneritut pif­fis­sarluun­niit tamaat im­mik­kut it­tumik, soorlu Betelimi, kif­far­tulerusuk­kuit qin­nuteqaam­mik im­mersuisus­saavutit. Pingaaruteqangaar­poq un­neq­qaril­lutit peq­qis­sutsin­nut, aliik­kutarisar­tak­kan­nut ileq­qorin­nermul­lu tun­ngasutigut apeq­qutinut akinis­sat. (Hebr 13:18) Taavami Jehovap uumigisaanik iliorsimaguit arlaan­nil­luun­niit ilerasuutigisan­nik iliorsimaguit utoq­qaaner­tanul­lu oqaatiginagu? Jehova ilerasun­nak kif­far­torfigisin­naanias­sagak­ku taak­kunun­nga ikior­tis­sarsiorit. – Rom 9:1; Gal 6:1.

17. Qatan­ngutivut pil­lugit akerlilersor­titsin­nit apersor­neqarut­ta qanoq ilius­saagut?

¹⁷ Nunagisan­ni oqaluus­sineq iner­teq­qutigineqaleraluar­pat qatan­ngutitil­lu pil­lugit oqar­tus­saasunit kil­lisior­neqaraluaruit qanoq ilius­savit? Ilisimasatit tamaasa oqalut­tuaris­savigit? Jiisusi Romamiut naalak­kersuisuan­nit apersor­neqarami sua? Biibilimi najoq­qutas­siaq  ‘nipangersimaf­fis­saqarlunilu oqaluf­fis­saqar­toq’ Jiisusip ilaan­nik­kut oqaaseqan­ngin­nermigut maleruar­paa. (Oqal 3:1, 7; Matt 27:11-14) As­singusumik nalaataqarut­ta qatan­ngutivut navianar­torsior­tin­ngin­nias­sagatsigit silatusaarluta oqaatsivut mianersuut­tariaqar­pavut. – Uss 10:19; 11:12.

18. Qatan­ngutivut pil­lugit utoq­qaaner­tanit aperineqarut­ta sumik akisus­saaf­feqar­pugut?

¹⁸ Ilagiin­niit­tormi arlaat ingasat­tumik ajor­tuliorsimap­pat il­lil­lu taman­na nalunagu? Utoq­qaaner­tat, ilagiit ileq­qus­satigut minguitsuutin­nis­saan­nik akisus­saaf­feqar­tut, il­lit ilisimasan­nik im­maqa apersus­savaatsit. Qanoq ilius­savit, pingaar­tumik ikin­ngut qanigisaq ilaqutarluuniit pineqar­pat? Biibilimi al­laq­qavoq: “Ilumoor­tumik oqalut­toq eq­qor­tumik oqalut­tar­poq.” (Uss 12:17, Testamentitoqaq; 21:28) Tas­sa paasis­sutis­sat ilaan­nik iser­tuar­nak ilumoor­toq ilisimasat tamaat oqalut­tuarinis­saa akisus­saaf­figaat. Pineqar­tup Jehovamik at­taveqarluaq­qiler­nis­saanut ikiuil­luarsin­naanias­sagamik utoq­qaaner­tat paasis­sutis­sanik ilisimatin­neqar­tus­saap­put. – Jaak 5:14, 15.

19. Al­laaserisami tul­liut­tumi suna sam­mis­savar­put?

¹⁹ Daavi Jehovamut qinuvoq: “Ilumoor­neq ilorler­paak­kut pisoq kajumigaat.” (Tus­s 51:8, tastamantitoĸaĸ) Qamuuna qanoq it­tuunit­ta pingaaruteqar­nera Daavip nalun­ngilaa. Kristumiut ilumoor­tut tamatigut ‘im­min­nut ilumoor­tumik oqaluf­figisar­put’. Up­perisarsior­tunit eq­qun­ngitsunit al­laanerunitsin­nut ersersitseriaaseq al­la tas­saavoq Biibilimit sal­lusuis­sut ilin­niar­titsis­sutiginera. Al­laaserisami tul­liut­tumi oqaluus­sinitsin­ni qanoq taamaaliorsin­naanersugut sam­mis­savar­put.