1, 2. Mosesi toqum­mat Josva an­ner­tuumik sumik sulias­saqaler­pa?

JEHOVAP Josva ima oqarfigaa: “Kif­fara Mosesi toquvoq. Il­lit inuiaal­lu tamas­si Jordani ikaar­niarsiuk nuna Israelik­kun­nut tun­niuk­kumasara iserfigiar­torlugu.” (Jos 1:1, 2) Josvamut, ukiuni 40-ngajan­ni Mosesimut ikior­taasimasumut, taman­na al­lan­nguutaangaarami!

² Ukior­pas­suit Mosesi Israelik­kun­nut siulersuisuusimavoq, maan­nali Josva siulersuisun­ngor­tus­saavoq. Inuit siulersuisumit­tut akueris­saneraan­ni eq­qarsaatigisimasin­naavaa. (5 Mos 34:8, 10-12) Josva 1:1, 2-mut in­nersuus­sil­luni atuak­kami Biibilimik misis­sueq­qis­saarum­mi al­las­simavoq itsaq maan­nalu, inuian­nut navianar­torsior­titsisin­naasut an­ner­paat ilaat tas­saasoq siulersuisoq al­lamik taarser­neqaraangat.

3, 4. Josvap tatigin­nin­nera pil­lugu Jehovap qanoq pil­luaq­quaa, qanorlu aperisin­naavugut?

 ³ Josva er­numanis­samut pis­sutis­saqarluar­poq. Jehovali tatigaa taas­sumalu ilitsersuus­sutai maleruapal­lat­tarlugit. (Jos 1:9-11) Josvap tatigin­nin­nera pil­lugu Jehovap pil­luaq­quaa taan­na Israelik­kul­lu siulersor­niarlugit in­ngili atorlugu. In­ngili taan­na tas­saasimasin­naavoq Oqaaseq, Guutip angajul­liliaa. – 2 Mos 23:20-23; Joh 1:1.

⁴ Israelik­kut siulersuisor­tik Josvamik taarser­neqarmat Jehovap sungius­sinis­saan­nik ikior­pai. Aam­ma nalitsin­ni al­lan­nguuter­pas­suaqar­tar­poq. Im­maqa ima eq­qarsar­pugut, ‘Guutip peqatigiis­sor­tai siumukar­tuar­til­lugit, siulersuisutsitut toq­qagaq Jiisusi tatiginis­saanut pis­sutis­saqarluar­pugut?’ (Matthæusi 23:10 atuaruk). * Apeq­qut taman­na akiumal­lugu Jehovap itsaq in­nut­tami al­lan­nguiner­ni qanoq siulersorsimanerai misis­sus­savar­put.

5. Jerikop eq­qaani Josva sumik nalingin­naan­ngitsumik misigisaqar­pa? (Al­laaserisap aal­laq­qaataani as­siliaq takuuk).

⁵ Israelik­kut Jordani ikaaq­qam­meraal­lu Josva nalingin­naan­ngitsumik misigisaqar­poq. Jerikop eq­qaani angut panalik naapip­paa. Josvap angut aperaa: “Uagutsin­neersuuit, imaluun­niit akeq­qatsin­nit pisuuit?” Angut ‘Jehovap katersaarsuinut naalagaaner­taatitaanerarmat’, in­ngili Guutip in­nut­taanik il­lersuinis­saminut piareersimasoq, Josva tupaal­lap­poq. (Josva 5:13-15 atuakkit). Oqalut­tuaq pil­lugu ilaan­ni al­las­simasaraluar­toq Jehova Josvamut toq­qaan­narluni oqalut­toq, in­ngili atorlugu Guuti tas­sunga oqalus­simar­pasip­poq, soorlu taamaalior­tareersimasoq. – 2 Mos 3:2-4; Jos 4:1, 15; 5:2, 9; ApS 7:38; Gal 3:19.

6-8. (a) Sooq in­ngilip ilitsersuus­sutai eq­qumiip­pasis­sin­naagaluar­pat? (b) Qanoq nalun­ngilar­put ilitsersuus­sutit silatusaar­tuul­lutil­lu pif­fis­saq eq­qorlugu naleq­qut­tuusut? (Qup­per­nerup ataani ilan­ngus­saq takuuk).

⁶ Jeriko tiguarumal­lugu Josva qanor­piaq ilius­sanersoq in­ngilip oqalut­tuup­paa. Aal­laq­qaam­mut ilitsersuus­sutit im­maqa eq­qumiip­pasis­sin­naap­put. As­sersuutigalugu sak­kutuut kipineqar­nis­saat pil­lugu Josva peq­quaa. Taman­na isumaqar­poq ul­lualuit sorsugiarsin­naas­san­ngitsut. Angutit taak­kua kipineqar­nis­saan­nut ilumut pif­fis­saal­luar­pa? – 1 Mos 34:24, 25; Jos 5:2, 8.

⁷ Im­maqa sak­kutuut eq­qarsar­put, ‘akeq­qat­ta tam­maarfip­put saas­sutis­sap­pas­suk ilaqut­tavut qanoq il­lersus­sagatsigit?’ Ilimagin­ngisamil­li pisoqar­poq! Israelik­kut saas­sun­nagit Jerikomi sak­kutuut ersiler­put. Ima al­las­simavoq: “Jerikop inuisa il­loqarfiup isaaf­fii matoq­qatip­paat par­naarsimatil­lugil­lu Israelik­kun­nik iser­toqaq­qunagu; anisoqarsin­naan­ngilaq iser­toqarsin­naananilu.” (Jos 6:1) Tusagar­tik Guutip siulersuineranik Israelik­kut tatigin­nin­nerulis­sutigisimas­savaat!

⁸ In­ngilip Josva oqarfigaa Israelik­kut Jerikomik saas­sus­sis­san­ngitsut. Ul­lunili arfinilin­ni ul­lormut ataasiarlutik ul­lul­lu arfineq-aap­paan­ni arfineq-marloriarlutik il­loqarfik kaajal­lal­lugu ingerlaaq­quai. Sak­kutuut eq­qarsarsimasin­naap­put, ‘pif­fis­saajaataal­lunilu asuli nukersor­nas­saaq!’ Israelimili Siulersuisup Jehovap  nalun­ngilaa qanor­piaq ilius­sanerluni! Peq­qus­sutaata maleruar­nera Israelik­kut up­per­nik­kut nakus­satsis­sutigaat, Jerikol­lu sak­kutuuinut sorsut­tariaqan­ngil­lat. – Jos 6:2-5; Hebr 11:30. *

9. Sooq Guutip peqatigiis­sor­taanit ilitsersuutit maleruar­tariaqar­pavut? As­sersuuteqarit.

⁹ Oqalut­tuamit tamatuman­nga suna ilin­niarfigisin­naavar­put? Ilaan­nik­kut Jehovap peqatigiis­sor­tai, im­maqa paasisin­naan­ngisatsin­nik, nutaamik periaaseqaler­tar­put. As­sersuutigalugu nam­mineq atuaq­qis­saar­nitsin­ni, oqaluus­sinermi ataatsimiin­nermiluun­niit elektroniskiusunik atuinis­sar­put im­maqa aal­laq­qaam­mut apeq­quser­par­put. Maan­nali ajor­nan­ngip­pat ator­nis­saasa iluaqutis­sar­taat takusin­naavar­put. Al­lan­nguutit tamak­kua ajun­ngitsor­taat takugaangatsigit up­per­nik­kut nakus­satsit­tarlutalu qatan­ngutivut ataasioqatigineruler­tar­pavut.

10. Jerusalemimi siulersuisoqatigiit kipineqar­tar­neq pil­lugu ataatsimiin­nerat pingaarutilik kiap siulersor­paa?

¹⁰ Guutimik nalusup kipineqan­ngitsup Cor­neliusip kristumiun­ngor­nerata kingor­na ukiut 13-it mis­saat qaangiut­tut kristumiut juutiusut ilaasa kipineqar­tar­neq suli atuun­nerar­paat. (ApS 15:1, 2) Il­loqarfim­mi Antiokiami qatan­ngutit angutit taman­na oq­qas­sutigaat. Paulusip Jerusalemimi siulersuisoqatigiit  isumasioriar­tus­sagai aalajanger­neqar­poq. Kinali aal­lar­nis­saanut siulersuisuua? Paulusi nas­suiaavoq: “Saq­qum­miif­figineqarama majuar­punga.” Erseq­qip­poq pineqar­toq siulersuisoqatigiin­nit akineqar­nias­sam­mat Kristusi siulersuisuusoq. – Gal 2:1-3.

11. (a) Kipineqar­neq pil­lugu kristumiut juutiusut suna suli up­peraat? (b) Jerusalemimi utoq­qaaner­tat maniguul­luni tapersersorlugit Paulusip qanoq takutip­paa? (Qup­per­nerup ataani ilan­ngus­saq takuuk).

¹¹ Kristumiut juutiun­ngitsut kipineqar­tariaqan­ngin­nerat erseq­qis­sar­niarlugu Kristusip siulersuisoqatigiit ator­pai. (ApS 15:19, 20) Ukiul­li arlal­lit qaangiut­tut kristumior­pas­suit juutiusut er­nitik suli kipineqar­tit­tar­paat. Taava Paulusi Mosesip inatsisaanik ataq­qin­nin­ngitsuunerar­neqar­nera Jerusalemimi utoq­qaaner­tat tusaamavaat. Taamaam­mat utoq­qaaner­tat Paulusi peq­quaat inatsisinik ataq­qin­nin­nini takutin­niarlugu iliuuseqas­sasoq. * (ApS 21:20-26) Inatsisinik ataq­qin­nin­nera inuit paasinias­sam­mas­suk Paulusi oqarfigaat angutit sisamat naalaf­filiaqatigis­sagai. Paulusi oqarsin­naagaluar­poq: ‘Paasis­saan­ngilaq! Sooq taamaalius­sagama? Kristumiunuku juutiusut kipineqar­nis­samut tun­ngatil­lugu paasin­nin­ngitsut ajor­nar­torsiutaasut.’ Paulusil­li paasigamiuk kristumiut tamarmik ataasioqatigiin­nis­saat utoq­qaaner­tat kis­saatigigaat maniguul­luni ilitsersuus­sutaat maleruar­paa. Taamaat­torli im­maqa eq­qarsaatigaar­put kipineqar­tar­neq sooq taama sivisutigisumik ajor­nar­torsiutaanis­saa Jiisusip akuerisimagaa, naak Jiisusi toqum­mal­li Mosesip inatsisai atorun­naaraluar­tut. – Kol 2:13, 14.

12. Sooq imaas­sin­naava kipineqar­nermik apeq­qutip tamak­kiisumik akineqar­nis­saanut Kristusi utaq­qisoq?

¹² Paasin­nit­taatsimut nutaamut naleq­qus­sar­niar­neq sivisusin­naavoq. Kristumiut juutiusut ilaasa inatsisit atuuk­kun­naar­nerat sungiun­nis­saanut pif­fis­saqar­tariaqar­put. (Joh 16:12) Kipineqar­nerup im­mik­kut it­tumik Guutimik at­taveqar­nermik ersiutaanera sungiusimavaat. (1 Mos 17:9-12) Al­lat er­numagaat juutit inuiaqatigiivinit al­laaneruneq pis­sutigalugu malersugaaler­nis­sar­tik. (Gal 6:12) Pif­fis­sal­li ingerlanerani Paulusip al­lagai aq­qutigalugit Kristusi siulersuivoq. – Rom 2:28, 29; Gal 3:23-25.

13. Kristusip nalitsin­ni uagutsin­nik siulersuinerata qujamasuutiginis­saanut suna iluaqutigis­savar­put?

¹³ Nalitsin­ni ilagiin­nut Kristusi suli Siulersuisuuvoq. Taamaam­mat paasil­luan­ngisan­nik peqatigiis­sor­tatsin­ni al­lan­nguisoqar­pat itsaq Guutip in­nut­taanik Kristusip siulersueriaasia eq­qarsaatigiuk. Josvap apustilil­luun­niit nalaan­niugaluar­pat Guutip in­nut­tai il­lersor­niarlugit, up­per­nerat nakus­satsin­niarlugu ataasioqatigiigin­nar­nis­saan­nul­lu ikiuiniarluni Kristusi silatusaar­tumik siulersuiuarsimavoq. – Hebr 13:8.

14-16. Up­perluar­tuar­nis­satsin­nik Kristusip ikiuerusun­nera ‘inus­siap aalajaal­lunilu silatuup’ siulersuineratigut qanoq erser­pa?

¹⁴ Nalitsin­ni “inus­siaq aalajaal­lunilu silatooq” pisariaqar­titatsin­nik pif­fis­saq eq­qorlugu siulersuisar­poq. (Matt 24:45, NW) Siulersuinerat Jiisusip uagutsin­nik isumagin­nin­neranik ersiutaavoq. Marc,  sisamanik qitor­nalik oqar­poq: “Ilaqutariit saas­sun­nerisigut Saatanip ilagiit san­ngiil­lisin­niarsarai. Maan­na sapaatip-akun­neri tamaasa ilaqutariit­tut atuaq­qis­saaqatigiin­nis­samik kajumis­saarinik­kut ilaqutariin­ni it­tuusunut oqariar­tuut ersarip­poq – ilaqut­tatit paaril­luak­kit!”

¹⁵ Kristusip uagutsin­nik siulersuinera takugutsigu up­perluar­tuar­nis­satsin­nik ikiuerusun­nera paasis­savar­put. As­sersuutigalugu utoq­qaaner­taq Patrickimik atilik oqar­poq: “Sapaatip-akun­nerata naanerani oqaluus­sinis­samut ikitsuk­kuutaarluni oqaluus­seqatigiin­ni katersuut­tunukar­nis­saq aal­laq­qaam­mut ilaasa kajumis­sis­sutigin­ngilaat. Jiisusil­li pis­susaasa pingaar­nersaat ilaat – min­nerusunut soqutigin­nin­nera – aaq­qis­suus­sami tamatumani ersarip­poq. Qatan­ngutit tunuarsimaar­tut oqaluus­ser­piar­tan­ngitsul­lu pingaar­tin­neqar­tutut atorluarsin­naasutul­lu misigiler­put, kingunerisaanil­lu anersaak­kut siumukarlutik.”

¹⁶ Kristusip aam­ma oqaluus­sinitsin­nik, ul­lumik­kut nunarsuarmi suliat pingaar­nersarisaan­nik, aal­lus­siuar­nis­samik ikior­tar­paatigut. (Markusi 13:10 atuaruk). Andrép, utoq­qaaner­tan­ngoq­qam­mersup, Jehovap peqatigiis­sor­taanit aaq­qiis­sutit nutaat tamaasa maleruar­niar­tar­pai. Oqar­poq: “Im­mik­koor­tor­taqarfin­ni sulisut ikilisar­neqar­neran­ni eq­qaasin­neqar­pugut pif­fis­sap nukingin­nar­neranik, oqaluus­sinermil­lu suliamik aal­lus­sinis­sap pingaar­tit­tariaqar­neranik.”

17, 18. Al­lan­nguutinut naleq­qus­sar­nerup iluaqutis­sar­tai sooq eq­qarsaatiginerusariaqar­pavut?

¹⁷ Kristusimit, Kun­ngitsin­nit, siulersor­neqar­ner­put maan­na siunis­samilu iluaqutigis­savar­put.  Qanit­tuk­kun­ni al­lan­nguutini naleq­qus­sar­nerit qanoq iluaqutigisimal­lugu eq­qarsaatigiuk. Ataatsimiin­ner­ni oqaluus­sinermiluun­niit al­lan­nguutit qanoq iluaqutigisimanerlusigit ilaqutariit­tut atuaq­qis­saar­nis­sin­ni eq­qar­torsin­naavasi.

¹⁸ Jehovap peqatigiis­sor­taanit ilitsersuus­sutit maleruar­nerisa ajun­ngitsor­pas­suar­nik kinguneqar­tar­nera eq­qaamagutsigu ilitsersuus­sutip malin­nis­saa nuan­naar­nis­sarlu ajor­nan­ngin­nerus­saaq. As­sersuutigalugu sior­natigutut naqiterisariaqan­ngin­ner­put aningaasatigut sipaarutigaar­put. Teknologiik­kul­lu ator­toris­saarutit ator­nerisigut inuit amerlanerusut nutaarsias­samik nuan­nersumik tusarlersin­naavavut. Nam­mineq Biibililersaarutit elektroniskiusut ator­nerusin­naavavut? Taamaalior­nik­kut Kristusi, peqatigiis­sor­tat­ta pigisaanik silatusaar­tumik atuerusut­toq, tapersersorsin­naavar­put.

19. Sooq Kristusip siulersuinera tapersersor­tariaqar­par­put?

¹⁹ Kristusip siulersuinera tapersersoraangatsigu qatan­ngutivut up­per­neruler­nis­saan­nik ataasius­suseqar­neruler­nis­saan­nil­lu ikior­tar­pavut. Nunarsuaq tamak­kerlugu Betelimi kif­far­tor­tut amerlas­susaan­nut qanit­tumi al­lan­nguut pil­lugu André oqar­poq: “Al­lan­nguutinut naleq­qus­sar­nermi Betelimi kif­far­torsimasut isigin­nit­taasiat ajun­ngil­luin­nar­toq tatigin­niler­nis­samut ataq­qin­niler­nis­samul­lu kajumis­sis­sutigaara. Taak­ku sumil­luun­niit sulias­sin­neqaraangamik nuan­naar­nermik­kut Jehovap qamutaanut malin­naap­put.”

20, 21. (a) Sooq Kristusi, siulersuisor­put, tatigisin­naavar­put? (b) Al­laaserisami tul­liut­tumi apeq­qut suna sam­mis­savar­put?

²⁰ Ungasin­ngitsuk­kut siulersuisut­ta, Jiisusip Kristusip, “ajugaal­luin­nas­sal­lunilu” “tupin­nangaar­tut naam­mas­sis­savai”. (Saqq 6:2, NW; Tus­s 45:4, NW) Silarsuar­taas­samili inuunis­samut sulias­satsin­nul­lu, makititaasunik ilin­niar­titsinis­samut nunarsuarmil­lu paratiisin­ngor­titsinis­samut, maan­na piareersar­paatigut.

²¹ Siulersuisor­put Kun­nger­pul­lu susoqaraluar­pal­luun­niit tatigigutsigu silarsuar­taas­samut siulersorumaar­paatigut. (Tussiaat 46:2-4 atuakkit). Im­maqa al­lan­nguutit saper­nar­tit­tar­pavut, ingam­mik ilimagin­ngisatsin­nik uagutsin­nut sun­niuteqaraangata. Taamatut pisoqaraangat qanoq isumak­kut eq­qis­sisimajuarlutalu Jehovamut up­perluarsin­naavugut? Taman­na al­laaserisami tul­liut­tumi sam­mis­savar­put.