SILASIOR­TUP radarik­kut as­silisaq misis­sor­paa. Anorersuarujus­suaq inup­pas­suaqarfiusumut qanil­liar­tor­toq takuaa. Inuit tas­saniit­tut er­numagigamigit pif­fis­saagal­lar­til­lugu sapin­ngisani tamaat mianersoq­qusivoq.

As­singusumik ul­lumik­kut Jehovap inuit “anorersuaq” silas­sami tusarsin­naasaan­nit navianar­nerungaar­toq pil­lugu mianersoq­quai. Qanoq taamaalior­pa? Aam­ma sooq qularin­ngis­sin­naavar­put inuit qisuariar­nis­saan­nut naam­mat­tumik pif­fis­saqar­tik­kai? Apeq­qutit akis­sutis­sarsiumal­lugit itsaq Jehovap mianersoq­qusinerisa ilaat misis­soq­qaariar­tigit.

Biibilip nalaani Jehova arlaleriarluni mianersoq­qusivoq inuit piaaralutik taas­suma inatsisaanik unioq­qutitsisut ‘anorersuarmut’ as­sersuun­neqarsin­naasumik eq­qar­tuuk­kumaarlugit. (Uss 10:25; Jer 30:23) Inuit pineqar­tut tamatigut siumut mianersoq­qusar­pai piumasaanul­lu naaper­tuut­tumik ilius­sagunik qanoq al­lan­nguisariaqar­neran­nik ilitsersor­tarlugit. (2 Kng 17:12-15; Neh 9:29, 30) Eq­qor­tumik al­lan­nguinis­saan­nut kajumis­saar­niarlugit nukinger­nar­tuuneranil­lu paasitin­niarlugit Jehovap kif­fani aalajaatsut nunarsuarmiit­tut eq­qar­tuus­sutiminik oqariar­tor­titatut ator­tar­pai. – Am 3:7.

Noa Guutip eq­qar­tuus­sutaanik oqariar­tor­titat ilagaat. Inoqatini kinguaas­siuutitigut inuunerlut­tuusut nakuuser­tuusul­lu nunarsuaq tamak­kerlugu ulersuaqarumaar­neranik ukior­pas­suar­ni qunusuil­luni mianersoq­qusarsimavai. (1 Mos 6:9-13, 17) Aam­ma asat­tuun­neqas­sagunik qanoq ilior­tariaqar­neran­nik oqaluut­tarsimavai, taamaalior­tar­nermini pimoorus­sil­luar­tuusimagami kingor­na al­laat ‘iluar­nermik nalunaariar­tor­titatut’ taaneqar­poq. – 2 Petr 2:5.

Naak Noa oqaluus­sinermini ilungersoraluar­toq inuit ulersuaq sioq­qul­lugu inuusut Noap oqariar­tuutaa Guutimeersoq soqutigin­ngilaat. Up­persuseqan­ngin­ner­tik ersersip­paat. Taamaat­tumik ‘ulersuaq nal­lium­mat tamarmik’ ajunaar­put. (Matt 24:39; Hebr 11:7) Toqusus­san­ngorlutik paasigamik­ku oqarsin­naan­ngil­lat Guutimit mianersoq­quneqarsimanatik.

Pif­fin­ni al­lani Jehovap eq­qar­tuus­sutimi ‘anorersuaa’ sioq­qutilaarlugu inuit mianersoq­qusar­pai. Taamaak­kaluar­toq inuit qisuariar­nis­samin­nut naam­mat­tumik pif­fis­saqar­nis­saat qulak­keer­tar­paa. Taman­na itsaq Egyptenip perlun­nit qulinit eq­qugaaneranit erser­poq. Perluit pin­ngin­neran­ni Jehova siumut mianersoq­quseq­qaar­tar­poq. As­sersuutigalugu nataq­qor­nar­titsinialerami Farao taas­sumalu atorfilit­tai perluit arfineq-aap­paat pil­lugu mianersoq­quniarlugit Jehovap Mosesi Aronilu aal­lar­tip­pai. Aqagumut nataq­qor­nar­titsisus­saagami Guutip inuit anorersuarmit qimar­nguif­fis­sarsinis­saan­nut naam­mat­tumik pif­fis­saler­pai? Biibilimi al­las­simavoq: “Faraop atorfilit­taasa ilaasa Naalak­kap oqaasiinik mianerin­nit­tut tamarmik inus­siaatitik nersutaatitil­lu qangatsisip­paat, ilaasali Naalak­kap oqaasiinik soqutigisaqan­ngitsut inus­siaatitik nersutaatitil­lu narsaatiniigin­nar­tip­paat.” (2 Mos 9:18-21) Ersarip­poq Jehova pif­fis­saq naam­mat­toq sioq­qul­lugu mianersoq­qusisimasoq, taamaalior­neratigum­mi qisuariapal­lat­tut ajor­nerusumik perlum­mit eq­qor­neqan­ngil­lat.

Perluit qulingata nal­liutin­ngin­nerani Farao taas­sumalu atorfilit­tai aam­ma mianersoq­quneqar­put, sianiil­liorlutil­li mianersoq­qus­sut sumigin­nar­paat. (2 Mos 4:22, 23) Tamatuma kinguneranik angajul­liliaat toqorar­put. Ila alianas­susia! (2 Mos 11:4-10; 12:29) Mianersoq­qus­sum­mut qisuariar­nis­samin­nut pif­fis­saqaraluar­pat? Aap! Mosesip ingerlaan­naq perluit qulingat pil­lugu Israelik­kut mianersoq­quai oqalut­tuul­lugil­lu qanoq ilaqut­tatik an­naas­sin­naagaat. (2 Mos 12:21-28) Mianersoq­qus­sum­mut inuit qanoq amerlatigisut qisuariar­pat? Ilimagineqar­poq Israelik­kut – “peqataaniar­tor­pas­suit as­sigiin­ngeqisut” Israelik­kuun­ngitsut Egyptenimiul­lu ilan­ngul­lugit – min­ner­paamik 3 mil­lioniusut Guutip  eq­qar­tuus­sutaanit eq­qugaan­ngitsut Egyptenilu qimal­lugu. – 2 Mos 12:38.

Oqalut­tuanit sam­misatsin­nit paasivar­put Jehovap inuit mianersoq­qugaangamigit taak­kua qisuariar­nis­samin­nut naam­mat­tumik pif­fis­saqar­nis­saat tamatigut qulak­keer­taraa. (5 Mos 32:4) Sooq Guuti taamaalior­tar­pa? Apustilip Petrusip nas­suiar­paa Jehova taamaalior­tar­toq “kimil­luun­niit tam­maq­qusin­ngin­nami, tamaasalu al­lamik isumataar­nis­samut periarfis­sik­kumagamigit.” (2 Petr 3:9) Aap, Guutip inuit soqutigai. Kis­saatigaa eq­qar­tuus­sutimi nal­liutin­ngin­nerani inuit al­lamik isumataas­sasut al­lan­nguil­lutil­lu. – Es 48:17, 18; Rom 2:4.

Ul­lumik­kut inuit nunarsuaq tamak­kerlugu mianersoq­qus­sum­mut nukingin­nar­tumut maan­nak­kut oqaluus­sis­sutigineqar­tumut aam­ma qisuariar­tariaqar­put. Jiisusip nunarsuarmiik­kal­larami mianersoq­qus­sutigaa pis­sutsit aaq­qis­suus­saanerat maan­na atuut­toq ‘naal­liun­nar­toqangaar­nis­sami’ atuuk­kun­naarsin­neqarumaar­toq. (Matt 24:21) Siunis­sami eq­qar­tuus­sum­mut tun­ngatil­lugu sukumiisumik siulit­tuutigaa ajoqersuk­kami suut naggatis­sami ilimagisin­naagaat. Jiisusip nunarsuaq tamak­kerlugu pisus­sat pingaarutil­lit eq­qaavai, ul­lumik­kul­lu eq­quun­neri takuavut. – Matt 24:3-12; Luk 21:10-13.

Siulit­tuum­mut naaper­tuut­tumik Jehovap maan­na inuit tamaasa kajumis­saar­pai kif­far­torfigeq­qul­luni naalaq­qul­lunilu. Kis­saatigaa inuit naalat­tut maan­nak­kut inuuneq pitsaanerusoq aam­ma silarsuar­taas­sami nutaami naaper­tuil­luar­tumi pil­luaq­qus­sutis­sat nuan­naarutigis­sagaat. (2 Petr 3:13) Jehovap neriorsuutiminik inuit up­perin­niler­nis­saan­nut ikiorusup­pai. Taamaalior­niarluni oqariar­tuum­mik inuuneran­nik an­nas­sutaasin­naasumik tusarler­pai. Oqariar­tuut taan­na “silarsuarmi tamarmi oqaluus­sis­sutigineqas­saaq inuian­nut tamanut nalujun­naarsil­lugu.” (Matt 24:14) Guutip oqariar­tuut taman­na nunani 240-t mis­saan­ni pal­lorfigin­nitsiminit ilumoor­tunit oqaluus­sis­sutigineqar­toq aaq­qis­suus­simavaa. Jehovap kis­saatigaa inuit sapin­ngisamik amerlasuut mianersoq­qus­sut tusaas­sagaat eq­qar­tuus­sutaatalu naaper­tuil­luar­tup ‘anorersuaa’ anigus­sagaat. – Sef 1:14, 15; 2:2, 3.

Jehovap mianersoq­qus­sutiminut inuit qisuariar­nis­saan­nut naam­mat­tumik pif­fis­saler­tar­pai? Aap, up­per­narsaatit takutip­paat taamaalior­tuaan­narsimasoq. Apeq­qul­li pingaarutilik maan­na unaavoq: Suli pif­fisaqaral­lar­til­lugu inuit Guutip mianersoq­qus­sutaanut qisuarias­sap­pat? Qanor­toq uagut Guutimit oqariar­tor­titaagat­ta inuit sapin­ngisamik amerlasuut silarsuup aaq­qis­suus­saanerata matuma naggatis­saanit aniguisin­naaq­qul­lugit ikior­niar­tuar­tigit.