1. Sooq Jehova kisiat pal­lorfigisariaqar­par­put?

JEHOVA Pin­ngor­titsisuum­mat Inuunermil­lu Tunisisuum­mat taan­na kisiat pal­lorfigisariaqar­par­put. (Saqq 4:11) Unam­miniagas­saqar­pugul­li. Jehova asal­lugulu mianerigaluarlugu inuunitsin­ni al­lanik pingaar­titsival­laaler­nik­kut taan­na kisiat pal­lorfigiun­naaleriar­tuaarsin­naavar­put. Qanoq taama pisoqarsin­naanera paasiniar­tariaqar­par­put. Siul­ler­tul­li Jehovamut uum­matik­kut iluun­ngarluni kif­far­tor­neq qanoq paasisariaqar­nersoq sam­meriar­tigu.

2. Jehova qaman­nga pisumik asagutsigu Mat­thæusi 4:10-mi al­las­simaneratut sus­saagut?

² Biibili naaper­torlugu Jehova qaman­nga pisumik asagutsigu taan­na kisiat pal­lorfigis­savar­put. Kinaluun­niit sunaluun­niil­lu pis­sutigalugit Jehova uum­matik­kut iluun­ngarluta asajun­naar­navian­ngilar­put. – Matthæusi 4:10 atuaruk.

3. Sooq Jehovap asanis­saanut pis­sutis­saqarluar­pugut?

³ Sooq Jehovap asanis­saanut pis­sutis­saqarluar­pugut? Asan­nin­ner­put taan­na pil­lugu ilik­kak­katsin­nik tun­ngaveqarmat. Pis­susii alutor­nar­tut nuan­naraavut. Nuan­narisai uumigisaalu suunersut ilisimavavut isumaqatigalugil­lu. Nalun­ngilar­put taas­suma kis­saatigigaa naas­saan­ngitsumik kif­far­torfigis­sagitsin­ni. Taamaat­tumik najoq­qutas­siai maleruarusup­pavut. Ikin­ngutigerusum­matigut qujamasup­pugut. (Tuss 15:1, 2) Pin­ngor­titsisor­put pil­lugu ilik­kagaqaraangat­ta tamatigut taas­sumun­nga qanin­neruler­tar­pugut. – Jaak 4:8.

4. (a) Diaavulup qanoq Jehovamut uum­matik­kut iluun­ngarluta kif­far­torfigiun­naarsin­niarsaraatigut? (b) Al­laaserisami suut sam­mis­savavut?

 ⁴ Diaavulup silarsuaq aqutani aq­qutigalugu pileris­sutsivut pis­susis­samisoor­tut inuunitsin­ni pingaar­ner­paan­ngor­tin­niarsarisar­pai pileris­susipalaal­lu akioruminaatsin­neruler­tarlugit. (Ef 2:1-3; 1 Joh 5:19) Al­lanik pingaar­titsival­laaler­nitsigut Jehova uum­matik­kut iluun­ngarluta kif­far­torfigiun­naas­sagip­put anguniagaraa. Sutigut marlutsigut qanoq taamaaliorsin­naasoq sam­mis­savar­put. Siul­ler­tut, aningaaseritunermik us­ser­nar­torsior­titsinik­kut, aap­paat­tul­lu, aliik­kutas­sanik ajor­tunik toq­qaatitsiniaanik­kut.

5. Sooq aningaaserituun­ngor­nis­samut mianersor­tariaqar­pugut?

⁵ Tamat­ta naam­mat­tunik nerisas­saqarlutalu naleq­qut­tunik atisaqarlutalu pitsaasumik najugaqarusup­pugut. Aningaaserituun­ngor­nis­samul­li mianersor­tariaqar­pugut. Saatanip silarsuaani inup­pas­suit ‘aningaaserituujul­lutil­lu’ pigisalerituujup­put. (2 Tim 3:2) Jiisusip nalun­ngilaa ajoqersuk­kani taama pis­suseqaler­nis­samut us­ser­nar­torsiorsin­naasut. Ima oqar­poq: “Naalak­kanut marlun­nut kif­far­torsin­naasoqan­ngilaq. Aap­paa uumigiguniuk aap­paa asas­savaa, aap­paa tulaavigiguniuk aap­paa asigin­nas­savaa. Guutilu Mam­monilu [pisuus­sutil­lu, tastamantitâĸ] tamaasa kif­far­torfigisin­naan­ngilasi.” (Matt 6:24) Jehovamik pal­lorfigin­nit­toq pif­fis­saq an­ner­tooq nukip­pas­suil­lu atorlugit nunap piinik noq­qaas­sutigin­nit­toq naalak­kanul­lusooq marlun­nut kif­far­tor­niarsarivoq. Jehova uum­matik­kut iluun­ngarluni kif­far­torfigin­ngilaa.

6. Jiisusip ilagiin­nut Laodikeamiit­tunut oqaasii qanoq ilin­niarfigisin­naavavut?

⁶ Laodikeami ilagiit pingaar­niarlutik ima  oqar­put: “Pisuujuvunga, pigisar­pas­suaqar­punga amigaateqar­nangalu.” Jehoval­li Jiisusil­lu isaan­ni tas­saap­put ‘inukuluit, nal­lin­nar­tut, piitsut, tap­piitsut tamaqan­ngitsul­lu’. Pisuujunerat pil­lugu Jiisusip oqaaq­qis­saan­ngilai, aningaaserituneral­li Jehovamut at­taveqar­nermin­nik ajoqusiim­mat taama oqarfigai. (Saqq 3:14-17) Paasigutsigu aningaaserituun­ngoq­qajaal­luta eq­qarsar­taaser­put al­lan­ngor­tipal­lat­tariaqar­par­put. (1 Tim 6:7, 8) Taamaaliun­ngik­kut­ta pigisat pingaar­tip­pal­laalis­savavut, Jehoval­lu pal­lorfigin­nin­ner­put akueriun­naas­savaa. Jehovap ‘uum­matik­kut iluun­ngarluta asas­sagitsin­ni’ piumasaraa. (Mark 12:30) Aningaasat qanoq inuunitsin­ni pingaar­tip­pal­laalersin­naavavut?

7-9. Davidip misigisaanit suna ilik­kar­piuk?

⁷ David, USA-mi utoq­qaaner­taq sul­laris­soq, eq­qarsaatigiuk. Sulif­fim­minik pimoorus­sisuuvoq qaf­fasis­sumil­lu atorfinitsin­neqarluni. Al­laat USA-mi suliamini pitsaaner­paat ilaat­tut ilisimaneqaler­poq. David ima oqar­poq: “Taamani isumaqar­punga ingerlal­luar­nera Jehovap pil­luaq­qus­sutaanik ersiutaasoq.” Taamaap­pali?

⁸ Pif­fis­sap ingerlanerani Davidip Jehovamut ikin­ngutaanerminut sulif­fini ajoqutaasoq paasiar­tuler­paa. Ima oqar­poq: “Ataatsimiin­nitsin­ni, al­laal­lumi oqaluus­sitil­lunga, sulif­fim­mi ajor­nar­torsiutit eq­qarsaatigisaler­pak­ka. Aningaasarsiorluaraluarlunga tatineqar­neruleriar­torlungalu nuliaralu aap­pariin­nerliuler­pugut.”

⁹ Inuunermini suut sal­liun­niarlugit aalajanger­tariaqarlugu Davidip paasivaa. Ima oqar­poq: “Pis­sutsit atuk­kak­ka al­lan­ngor­tit­tariaqarlugit aalajanger­punga.” Pif­fis­saq sulinermut ator­tak­kani al­lan­ngor­tik­kusul­lugu pilersaarusiaq sulisitsisuminut siun­nersuutigaa.  Suna kinguneraa? Soraarsitaavoq! Taman­nali nikal­lus­sutiginagu aqaguani ikior­ti-pionerin­ngor­nis­samut qin­nuteqar­poq. David nulianilu im­min­nut pilersorumal­lutik asaasutut sulisaler­put. Pif­fis­sap ingerlanerani David pionerin­ngor­poq kingusin­nerusuk­kul­lu nulia aam­ma pionerin­ngorluni. Aap­pariit taak­ku inup­pas­suar­nit nikanar­tutut isigineqar­tumik sulif­feqar­nis­sar­tik ajorin­ngilaat, qanormi suliaqar­ner­tik inuunermin­ni pingaar­ner­paatin­ngilaat. Naak iser­titatik siusin­nerusuk­kut iser­titamin­nut naleq­qiul­lugit qulerar­terutaan­naagaluar­tut qaam­matit tamaasa pisariaqar­titamin­nut naam­mat­tar­put. Jehova sal­liuk­kusup­paat, nam­min­nerlu misigaat Naalagaaf­fim­mik sal­lius­sisut Jehovap qanoq isumas­sor­tarai. – Matt 6:31-33.

10. Uum­mater­put qanoq il­lersorsin­naavar­put?

¹⁰ Pisuujugaluarut­ta piitsuugaluarut­taluun­niit uum­mater­put il­lersor­tariaqar­par­put. Qanoq taamaaliorsin­naavugut? Pisuus­sutinik pingaar­titsival­laalin­ngin­nik­kut aningaasarsior­nit­talu Jehovamit pingaar­tin­nerulin­ngin­neratigut. Qanoq nalun­ngis­sin­naaviuk navianar­torsiun­ngin­nerlutit? Im­minut ima aperisin­naavutit: ‘Ataatsimiik­kaangama imaluun­niit oqaluus­sigaangama sulif­figa eq­qarsaatigeq­qajaasar­para? Siunis­sami aningaasatigut isuman­naar­nis­sara er­numas­sutigiuar­para? Aningaasat pisuus­sutil­lu pis­sutigalugit aap­paralu aap­pariin­nerlior­tar­pugut? Suli an­nerusumik Jehovamut kif­far­torsin­naajumal­lunga al­lanit nikanar­tutut isigineqar­tumik sulif­feqariaan­naavunga?’ (1 Tim 6:9-12) Apeq­qutit taak­ku eq­qarsaatigitil­lugit Jehovap uagutsin­nik asan­nin­nera im­minil­lu asan­nit­tunut neriorsuutaa una eq­qaamasariaqar­par­put: “Iperas­san­ngilak­kit im­miniigin­nas­sanal­lu.” Taamaat­tumik Paulusi ima kajumis­saarivoq: “Aningaaserituus­sutsis­si qanoq inuunis­sarsi aalajangis­san­ngilaa.” – Hebr 13:5, 6.

11. Aliik­kutas­sat qanoq sun­niuteqarsin­naap­pat?

¹¹ Jehovap kis­saatigaa inuuneq nuan­naarutigis­sagip­put, tamatumanilu aliik­kutas­sat iluaqutaasin­naap­put. Biibilimi al­las­simavoq: “Inuk iluanaar­nerus­sagaluar­poq neril­lunilu imeruni suleruloor­nermini pis­sarsiani inuul­luutigalugit.” (Oqal 2:24) Silarsuarmili aliik­kutas­siat amerlasuut ajor­tumik sun­niuteqarsin­naap­put. Biibilimi as­suarineqar­tunik akuerin­nilersitsisin­naap­put al­laal­lu nuan­narin­nilersitsil­lutik.

12. Korinthimiunut al­lak­kat siul­liit 10:21, 22-lu naaper­torlugit sooq mianersorluta aliik­kutas­satsin­nik toq­qaasariaqar­pugut?

 ¹² Jehova kisiat pal­lorfigerusuk­katsigu taas­suma “nerliutaa anersaapiluil­lu nerliutaat tamaasa” ataatsik­koor­tis­sin­naan­ngilavut. (1 Korinthimiut 10:21, 22 atuakkit). Nereqatigiin­neq ikin­ngutigiin­nermut ersiutaasar­poq. Aliik­kutas­sanik ajor­tunik, soorlu nakuuser­nermik, kinguaas­siuutitigut inuunerlun­nermik pileris­susipilun­nil­luun­niit isigin­nit­taasipilun­nil­lu al­lanik, siuarsaasunik aliik­kutaqarut­ta Guutip akerai ilagalugit taak­kua nerisas­siaan­nil­lusooq nereqataas­saagut. Kinguneranik im­minut ajoqusiin­narata Jehovamut ikin­ngutaaner­put in­narlis­savar­put.

13-14. Jaaku 1:14, 15-ilu naaper­torlugit sooq aliik­kutas­satsin­nik toq­qaaniar­nitsin­ni mianersor­tariaqar­pugut? As­sersuusiorit.

¹³ Aliik­kutas­sat nerisas­sanut qanoq as­sersuun­neqarsin­naap­pat? Nam­mineq aalajanger­tar­par­put suut nererusun­nerlugit. Nerisavul­li iigaangatsigit taak­kua inuus­sutis­sar­taasa timitsin­nut sun­niutaat iliuuseqarfigisin­naaneq ajor­pavut. Nerisat ilaat peq­qin­nar­put, al­lat peq­qin­nan­ngil­lat. Kinguneri im­maqa ingerlaan­naq malun­nar­navian­ngil­lat, pif­fis­sal­li ingerlanerani malun­narsiumaar­put.

¹⁴ Taamatut­taaq aliik­kutas­satsin­nik toq­qaanialeraangat­ta nam­mineq aalajangersin­naavar­put qanoq im­mersor­neqarusun­nerluta. Tamatumali kingor­na isumatsin­nut uum­matitsin­nul­lu sun­niutaat iliuuseqarfigisin­naan­ngilavut. Aliik­kutas­sat ilaat ineriar­tor­nar­tuup­put, al­lat ineriar­tor­nar­tuun­ngil­lat. (Jaaku 1:14, 15 atuakkit). Aliik­kutas­sat ajor­tut kinguneri im­maqa ingerlaan­naq malun­nar­navian­ngil­lat, pif­fis­sal­li ingerlanerani malun­narsiumaar­put. Taamaat­tumik Biibilimi ima mianersoq­quneqar­pugut: “Tam­maqinasi! Guuti mitaatigeq­qun­ngilaq. Inuup siaruar­tik­kani aam­ma katersorumaar­pai. Uinim­mum­mi siaruar­terisup aseror­neq uinim­mit katersugariumaar­paa.” (Gal 6:7, 8) Aliik­kutas­sat Jehovap uumigisaanik siuarsaasut ingalas­simanis­saat pingaaruteqangaar­poq! – Tuss 97:10.

15. Jehovap tunis­sum­mik sumik tunisimavaatigut?

¹⁵ Jehovamut kif­far­tor­tut ilar­pas­suisa JW Broadcasting^®, inter­netik­kut aal­lakaatitsisarfip­put, nuan­naarutigaat. Qatan­ngut ar­naq Marilynimik atilik ima oqar­poq: “JW Broadcasting iluaqutigalugu isumal­luar­neruler­punga. Aam­ma isigin­naagas­san­nik im­mik­koor­titsisariaqan­ngilanga. Kiserliorlungaluun­niit nikal­lungagaangama oqalugiaam­mik qiim­maal­lan­nar­tumik imaluun­niit ul­laak­kut Biibilimik eq­qar­tuinermik isigin­naar­tar­punga. Taamaalior­nik­kut Jehovamut taas­sumalu peqatigiis­sor­taanut qanin­nerusutut misigisar­punga. JW Broadcasting inuunin­ni sun­niuteqangaarsimavoq.” Il­lit Jehovap tunis­sutaa taman­na iluaqutigisar­piuk? Qaam­matit tamaasa aal­lakaatitas­siat saq­qum­mer­tar­tut saniatigut JW Broadcasting-imi qaquguk­kul­luun­niit ap­pin­neqarsin­naasunik tusar­naagas­siaqarlunilu isigin­naagas­siaqar­poq qiim­maal­lan­nar­tunil­lu erinarsuuteqarluni.

16-17. Aliik­kutas­sanut pif­fis­saq qanoq an­ner­tutigisoq ator­nerip­put sooq aqut­tariaqar­par­put, aam­ma qanoq taamaaliorsin­naavugut?

¹⁶ Suut aliik­kutaris­sanerlugit mianersuutigiin­nar­nagu pif­fis­saq qanoq an­ner­tutigisoq aliik­kutas­sanut ator­nerip­put mianersuutigisariaqar­par­put. Taamaaliun­ngik­kut­ta pif­fis­saq an­nerusoq Jehovamut kif­far­tor­nitsin­nut pin­nani aliik­kutas­sanut ator­toorsin­naavar­put. Inup­pas­suit aliik­kutas­sanut pif­fis­samik atuiner­tik aquk­kuminaatsit­tar­paat. Abigail, qatan­ngut ar­naq 18-inik ukiulik, ima oqar­poq: “Qasul­lunga angerlaraangama eq­qis­sisimaar­niarlunga  fjer­nsyner­tar­punga. Mianersun­ngik­kumali akun­ner­pas­suit ator­toorsin­naavak­ka.” Samuel, qatan­ngut angut 21-nik ukiulik, ima oqar­poq: “Ilaan­nik­kut inter­netik­kut filmiaq­qanik amerlasuunik isigin­naar­tar­punga. Ataasiin­naq aal­lar­niutigisar­para, malugin­ngisan­nil­li akun­nerit pingasut sisamal­luun­niit ingerlareersimasar­put.”

¹⁷ Aliik­kutas­sanut pif­fis­saq ator­tak­kat qanoq aqus­sin­naaviuk? Siul­ler­tut paasisariaqar­pat pif­fis­saq qanor­piaq an­ner­tutigisoq ator­tar­nerit. Qanoq taamaaliorsin­naavit? Qanoq sivisutigisumik fjer­nsyner­nersutit, inter­neter­nersutit mobilik­kul­lu spil­ler­nersutit ul­lorsiutin­ni al­lat­tuk­kit. Misigiguit pif­fis­saq an­ner­tual­laar­toq atorsimal­lugu pilersaarusiorit. Pilersaarusior­nin­ni pingaar­nerit siul­liuteriarlugit aliik­kutas­satit ilan­nguk­kit. Pilersaarusiavit malin­nis­saanut Jehovamut ikioq­qugit. Taamaalioruit nam­mineq Biibilimik atuaq­qis­saar­nis­samut, ilaqutariit­tut atuaq­qis­saaqatigiin­nis­samut, ataatsimiigiar­nis­samut oqaluus­sinik­kul­lu Jehovamut kif­far­tor­nis­samut pif­fis­saqarlutil­lu nukis­saqas­saatit. Aam­ma aliik­kutas­sanut pif­fis­samik atuinin­nut tun­ngatil­lugu ilerasun­ngin­nis­sat ilimanar­nerus­saaq.

18-19. Uum­matik­kut iluun­ngarluta Jehova kif­far­torfigalugu qanoq ersersis­sin­naavar­put?

¹⁸ Saatanip silarsuaata suujun­naarsin­neqar­nis­saa silarsuar­taas­sarlu al­laatigereerlugit apustili Petrusi ima al­lap­poq: “Asasak­ka, taama it­tunik ilimagisaqaras­si ilungersuutiginiarsiuk taas­sumun­nga minguitsuul­lusilu as­suar­naatsuunis­sarsi eq­qis­sil­lusi.” (2 Petr 3:14) Aap, sapin­ngisamik Jehovap akuerisaatut inuul­lutalu kif­far­torut­ta uum­matik­kut iluun­ngarluta asal­lutigu ersersis­savar­put.

¹⁹ Inuunitsin­ni sal­lius­sat­ta al­lan­ngor­tin­nis­saanut Saatani silarsuaalu us­siiniar­tuas­sap­put. (Luk 4:13) Qanorluun­niil­li misilin­neqaraluarut­ta kinaluun­niit sunaluun­niil­lu pis­sutigalugit Jehova uum­matik­kut iluun­ngarluta asajun­naar­navian­ngilar­put. Jehova kisimi pal­lorfigineqar­tariaqarmat taan­na kisiat kif­far­torfiginiarlugu aalajangiusimal­luin­narisigu!