1. Qanoq nalun­ngilar­put oqaluus­siner­put an­naas­siniar­nerusoq?

OQALUUS­SINER­PUT an­naas­siniar­neruvoq! Taman­na qanoq nalun­ngilar­put? Mat­thæusi 28:19, 20-milu Jiisusi ima peq­qusivoq: “Aal­larlusi inuit ... ajoqersugan­ngor­tis­sigit ... imermut morsutsin­nerisigut.” (NW) Imermut morsutsin­neqar­nis­sap pingaaruteqas­susia pil­lugu suna nalun­ngilar­put? An­nan­nis­samut piumasaqaataavoq. Imermut morsutsin­neqarumasup up­perisariaqar­paa Jiisusip uagut pil­luta toqunera makititaaneralu an­naan­neqarsin­naanerminut pis­sutaasutuaasoq. Taamaat­tumik apustilip Petrusip kristumioqatini ima al­laf­figai: “Imeq taan­na ... ilis­sin­nut [an­nas­sutaavoq] ... Jiisusi-Kristusip toqusunit makin­nera tun­ngavigalugu.” (1 Petr 3:21) Imermut morsutsin­neqar­tup naas­saan­ngitsumik inuunis­sani neriuutigisin­naavaa.

2. Timotheusimut al­lak­kat aap­paat 4:1, 2-lu naaper­torlugit qanoq ilin­niar­titsisariaqar­pugut?

² Ajoqersugan­ngor­titsior­torumal­luta ilin­niar­titsil­laq­qis­sun­ngor­tariaqar­pugut. (2 Timotheusi 4:1, 2 atuakkit). Sooq? Jiisusip ima peq­qum­matigut: “Aal­larlusi inuit ... ajoqersugan­ngor­tis­sigit ... ilin­niar­tin­nerisigut.” (NW) Apustili Paulusi suliami tamatumani piner­tusaaq­qusivoq, taamaalior­nik­kum­mi ‘im­minut an­naatis­sagat­ta tusar­tivul­lu an­natsil­lugit’. Taamaat­tumik Paulusi ima al­lap­poq: ‘Ilin­niar­titsinerit nak­kutigiuaruk.’ (1 Tim 4:16, NW) Ajoqersugan­ngor­titsior­tor­neq ilin­niar­titsinermut at­tuumas­suteqarmat ilin­niar­titsil­laq­qis­soorusup­pugut.

3. Biibilimik atuaq­qis­saaqateqar­nermut tun­ngatil­lugu suut al­laaserisami matumani sam­mineqas­sap­pat?

³ Nunarsuaq tamak­kerlugu inuit mil­lionil­lit Biibilimik atuaq­qis­saaqatigisar­pavut.  Al­laaserisal­li siuliani eq­qaaneqareersutut atuaq­qis­saar­tar­tut amerlanerit Nalunaajaasun­ngor­nis­saan­nut qanoq ikiorsin­naanerlugit paaserusup­par­put. Taamaalior­nis­samut iliuuserisariaqak­kavut tal­limat al­lat al­laaserisami matumani sam­mineqas­sap­put.

4. Biibilimik atuaq­qis­saaqateqaraangat­ta sooq im­minut naalak­kersin­naasariaqar­pugut? (Aam­ma qup­per­nerup ataani ilan­ngus­saq takuuk).

⁴ Guutip oqaasianik ilin­niar­titsiner­put nuan­naringaaratsigu kisit­ta oqaluin­nalersoorsin­naavugut. Napasuliaq Alapernaarsuiffik-mik atuaq­qis­saaqatigiin­nermik, ilagiit Biibilimik atuaq­qis­saaqatigiin­neran­nik imaluun­niit Biibilimik atuaq­qis­saaqateqar­nermik aqutsisoq oqalup­pal­laar­naveersaar­tariaqar­poq. Ilin­niar­titsinitsin­ni Biibili atorluas­sagutsigu im­minut naalak­kersin­naasariaqar­pugut. Al­las­simaf­fik sam­misarluun­niit aalajangersimasoq pil­lugu ilisimasavut tamaasa ataatsik­kut nas­suiar­naveersaar­tariaqar­pavut. * (Joh 16:12) Eq­qaamajuk Nalunaajaasun­ngor­nin­niit maan­namut qanoq ilisimasaqar­nerutigisutit. Nalunaajaasun­ngoq­qaaravit Biibilimi ilin­niar­titsis­sutigineqar­tut pingaar­nerit taamaal­laat paasisimagunar­patit. (Hebr 6:1) Aatsaat ukior­pas­suit ingerlareermata ul­lumik­kutut ilisimasaqaler­putit. Taman­na eq­qaamasaruk­ku atuaq­qis­saaqatigisar­tak­kat erinitsajuif­figis­savat.

5. (a) Thes­salonikamiunut al­lak­kat siul­liit 2:13 naaper­torlugu atuaq­qis­saaqatigisar­tak­kat­ta suna paasisariaqar­paa? (b) Atuaq­qis­saaqatigisar­tagar­put ilik­kak­kaminik eq­qar­tueq­qul­lugu qanoq kajumis­saarsin­naavar­put?

⁵ Atuaq­qis­saaqatigisar­tak­kat­ta paasisariaqar­paa ilik­kak­kani Biibilimeersuusut. (1 Thessalonikamiut 2:13 atuaruk). Qanoq paasitis­sin­naavar­put? Ilik­kak­kaminik eq­qar­tueq­qul­lugu kajumis­saar­taruk. Biibilimi al­las­simasunik kisivit nas­suiaagin­nar­nak atuaq­qis­saaqatigisar­tak­kat nas­suiaaq­qusaruk. Biibili inuunermini qanoq atorsin­naagaa erseq­qis­sar­taruk. Al­las­simaf­fiit atuak­kani pil­lugit qanoq eq­qarsar­neranik misigineranil­lu nas­suiaatik­kumal­lugu apeq­quteqar­tarit. (Luk 10:25-28) As­sersuutigalugu ima aperisin­naavat: “Jehovap pis­susii sorliit al­las­simaf­fim­mi maluginiar­pigit?” “Biibilimit ilik­kak­katit qanoq iluaqutigisin­naavigit?” “Paasisatit qanoq misigilis­sutigaagit?” (Uss 20:5) Atuaq­qis­saaqatigisar­tak­kat­ta qanoq ilisimasaqar­tiginera pingaar­ner­paajunani ilik­kak­kaminik qanoq nuan­narin­nitsiginera pigilius­sitigineralu pingaar­ner­paavoq.

6. Biibilimik atuaq­qis­saaqateqar­nin­ni oqaluus­sisar­tumik misilit­tagaqarluar­tumik ilaserisaqar­neq sooq pitsaas­sava?

 ⁶ Biibilimik atuaq­qis­saaqateqar­nin­ni oqaluus­sisar­tunik misilit­tagaqarluar­tunik ilaserisaqar­tar­pit? Atuaq­qis­saar­nermik aqutsinerit ilin­niar­titsinin­nilu Biibilimik atuinerit pil­lugit taak­ku isumasiorsin­naavatit. Ilin­niar­titsil­laq­qin­nerulis­saguim­mi maniguut­tariaqar­putit. (Apustilit Suliaat 18:24-26 naleq­qiutik­kit). Taava atuaq­qis­saaqatigisar­tak­kavit ilik­kak­kani paasisimar­pasin­nerai oqaluus­sisar­toq misilit­tagaqarluar­toq aperiuk. Aam­ma peqan­ngin­nin­ni aqutsisuusarsin­naanersoq aperisin­naavat. Taamaalioruit atuaq­qis­saar­neq aalajangersimasumik ingerlan­neqas­saaq, tamatumalu pingaaruteqas­susia atuaq­qis­saaqatigisar­tak­kavit paasis­savaa. Il­lit kisivit aqutsisin­naal­lutit misigin­ngisaan­narit. Atuaq­qis­saaqatigisar­tak­kam­mi pitsaaner­paamik – sal­lusuis­sum­mik ilin­niar­tuar­nis­saanik – kis­saap­pat.

7. Atuaq­qis­saaqatigisar­tak­kavit ilik­kak­kani qanoq nuan­naarutiginerulersin­naavai?

⁷ Sal­lusuis­sutit nuan­naralugil­lu up­peril­luin­naritit atuaq­qis­saaqatigisar­tak­kavit takusin­naasariaqar­paa. (1 Th 1:5) Taava ilik­kak­kani nuan­naarutiginerulis­savai. Naleq­qup­pat oqalut­tuuguk Biibili il­lit inuunin­ni qanoq iluaqutigisimagit. Taamaalioruit paasilis­savaa Biibilimi siun­nersuutit nam­mineq aam­ma iluaqutigisin­naal­lugit.

8. Atuaq­qis­saaqatigisar­tak­kat ikiorumal­lugu qanoq al­latut iliorsin­naavit, aam­ma sooq taamaalius­savit?

⁸ Atuaq­qis­saaqatigisar­tak­kat oqalut­tuuguk Nalunaajaasut taas­sumatut nalaataqarsimasut ajor­nar­torsiutitik qanoq qaangersimaneraat. Ilagiin­ni maligas­siuil­luar­tut atuaq­qis­saar­tar­tup ilin­niarfigisin­naasai atuaq­qis­saar­nis­sin­nut ilaserisin­naavatit. Aam­ma jw.org-imi misigisalik­kersaarutit qiim­maal­lan­nar­tut “Biibili inuit inuuneran­nik al­lan­nguisitsisar­poq”-miit­tut takutis­sin­naavatit. * Al­laaserisat filmil­lu taamaat­tut iluaqutigalugit atuaq­qis­saaqatigisar­tak­kavit paasis­savaa Biibilimi najoq­qutas­siat inuunermini qanoq iluaqutaasin­naatigisut.

9. Atuaq­qis­saaqatigisar­tak­kat ilisimasaminik ilaqut­taminut ikin­ngutiminul­lu ingerlatitseq­qiinis­saanut qanoq kajumis­saarsin­naaviuk?

⁹ Atuaq­qis­saaqatigisar­tak­kat katisimasuup­pat aap­paa atuaq­qis­saar­nis­sin­nut ilaserisin­naavat. Atuaq­qis­saaqatigisar­tak­kat ilik­kak­kaminik  ilaqut­taminut ikin­ngutiminul­lu ingerlatitseq­qiisar­nis­saanik kajumis­saaruk. (Joh 1:40-45) Qanoq? Ima aperisin­naavat: “Una qanoq ilaqut­tan­nut nas­suias­sagaluar­piuk?” imaluun­niit “Ikin­ngutin­nut una nas­suiar­niaruk­ku al­las­simaf­fik suna atus­sagaluar­piuk?” Taamaalioruit ilin­niar­titsisaler­nis­saanut sungiusas­savat. Taava oqaluus­sisar­tun­ngorsin­naan­ngoruni kuisiman­ngitsoq oqaluus­seqataasaler­nis­saminut piareersimas­saaq. Aperisin­naavat Biibilimik atuaq­qis­saarusut­tunik nalun­ngisaqar­nersoq. Taamaap­pat taan­na soqutigin­nit­tumut apereq­qujuk filmi Qanoq Biibilimik atuaq­qis­saar­toqar­tarpa? takutis­sin­naanerit. *

10. Paulusip maligas­siaa Thes­salonikamiunut al­lak­kat siul­liit 2:7, 8-milu al­laatigineqar­toq Biibilimik atuaq­qis­saaqatigin­nit­tar­tup qanoq ilaarsin­naavaa?

¹⁰ Biibilimik atuaq­qis­saaqatigin­nit­tar­tup atuaq­qis­saaqatigisar­tak­kani inut­tut soqutigisariaqar­paa. Imaas­sin­naavoq anersaak­kut qatan­ngutaalerumaar­toq. (1 Thessalonikamiut 2:7, 8 atuakkit). Jehovamut kif­far­tulerumal­luni silarsuarmi ikin­ngutiminik qimatsinis­sani pisariaqar­tunil­lu al­lan­nguinis­sani saper­nar­tis­sin­naavaa. Ilagiin­ni ikin­ngutitaar­torluar­nis­saanut ikior­tariaqar­par­put. Il­lit atuaq­qis­saaqatigisar­tak­kat qanoq ikiorsin­naaviuk? Nam­mineq ikin­ngutaagit. Atuaq­qis­saan­ngik­kaluarlusiluun­niit ilagisaruk. Sianerfigisar­neratigut, al­laf­figisar­neratigut pulaalaar­tar­neratigul­lu soqutigin­nin­nerit ersersit­taruk.

11. Atuaq­qis­saaqatigisar­tak­kavut ilagiit pil­lugit sunik paasitik­kusup­pavut, aam­ma sooq?

¹¹ Ajoqersugan­ngor­titsis­sagut­ta ilagiin­niit­tut tamarmik ikiuut­tariaqar­put. Taamaam­mat ilin­niar­titsil­laq­qis­sut atuaq­qis­saaqatigisar­tak­katik qatan­ngutinut maligas­saal­luar­tunut ilisaritit­tar­paat. Taamaalil­lutik atuaq­qis­saar­tar­tut Guutip in­nut­taanik peqateqar­ner­tik anersaak­kut misigis­sutsik­kul­lu iluaqutigisin­naas­savaat. Ilagiin­nut anersaak­kul­lu ilaqutariin­nut ilaasutut misiginis­saat kis­saatigaar­put. Atuaq­qis­saaqatigisar­tagar­put qatan­ngutigiis­suatsin­nut asan­nit­tunut qanil­linis­saanut kajungilersik­kusup­par­put. Taava Jehovamik asan­nin­nis­samut ikiuin­ngitsunik ikin­nguteqarun­naar­nis­sani ajor­nan­ngin­nerutis­savaa. (Uss 13:20) Ikin­ngutigisimasaminit alar­neqaruni paasis­savaa Jehovap peqatigiis­sor­taani ilumoor­tunik ikin­nguteqalersin­naal­luni. – Mark 10:29, 30; 1 Petr 4:4.

12. Sooq tun­niul­luin­nar­neq morsutsin­neqar­nerlu eq­qar­tor­tas­savavut?

¹² Atuaq­qis­saaqatigisar­tak­kat­ta Jehovamut tun­niul­luin­nar­nis­saa morsutsin­neqar­nis­saalu siuner­tarigatsigu tamak­ku eq­qar­tukulasariaqar­pavut. Atuaq­qis­saar­tar­tup qaam­matialun­ni atuaq­qis­saar­tareersimaguni, ingam­mil­lu ataatsimiigiar­talereersimaguni, paasisariaqar­paa Jehovamik Nalunaajaasun­ngor­nis­saanut ikior­niarlugu atuaq­qis­saaqatigisarip­put.

13. Atuaq­qis­saar­tar­toq Nalunaajaasun­ngorusut­toq qanoq iliuuseqar­tariaqar­pa?

¹³ Atuaq­qis­saar­tar­toq Nalunaajaasun­ngorusut­toq arlalin­nik iliuuseqar­tariaqar­poq. Siul­lermik Jehova ilisarisimalerlugulu asaler­tariaqar­paa up­perfigilerlugulu. (Joh 3:16; 17:3) Aam­ma Jehovamut ikin­ngutaaler­tariaqar­poq ilagiin­nul­lu at­taveqalerluni. (Hebr 10:24, 25; Jaak 4:8) Taamaalioruni ajor­tuliarisimasani peq­qis­simis­sutigalugil­lu ileq­qupalaani soraarutis­savai. (ApS 3:19) Tamatuma saniatigut up­per­nini kajumis­sis­sutigalugu oqaluus­serusut­talis­saaq. (2 Kor 4:13) Naggataatigut Jehovamut tun­niul­luin­nas­saaq taman­nalu imermut morsutsin­neqar­nermigut takutil­lugu. (1 Petr 3:21; 4:2) Ul­loq taan­na tamanut nuan­naarutaangaas­saaq! Atuaq­qis­saar­tar­toq Nalunaajaasun­ngorumal­luni iliuuserisariaqak­kaminik iliuuseqaraangat nersualaar­taruk taamatul­lu ingerlaan­nar­nis­saanut kajumis­saar­tarlugu.

14. Atuaq­qis­saaqatigisar­tak­kavit siumukar­nera qanoq nalilersorsin­naaviuk?

¹⁴ Atuaq­qis­saaqatigisar­tak­kat­ta Nalunaajaasun­ngor­nis­saanut ikior­nerani erinitsajuitsuusariaqar­pugut. Aam­ma Jehovamut kif­far­torusun­nersoq paasiniar­tariaqar­par­put. Jiisusip peq­qus­sutaanik maleruaarusun­nerminik ersersitsiva? Imaluun­niit Biibili pil­lugu paasisaqarusuin­nar­pa?

15. Atuaq­qis­saar­tar­tup siumukar­nera nalilersorumal­lugu suut maluginiar­neqar­tariaqar­pat?

¹⁵ Atuaq­qis­saaqatigisar­tak­kavit siumukar­nera akut­tun­ngitsumik nalilersor­taruk. Jehova qanoq misigis­suseqarfigalugu takutit­tar­paa? Jehovamut qinusar­pa? (Tuss 116:1, 2) Biibilimik atuar­tar­neq nuan­naraa? (Tuss 119:97) Aalajangersimasumik ataatsimeeqataasar­pa? (Tuss 22:23) Ilik­kak­kani kil­litsis­sutigalugit  inuunermini al­lan­nguisar­pa? (Tuss 119:112) Ilaqut­tani ikin­ngutinilu oqaluus­sif­figisar­pai? (Tuss 9:2) Pingaar­ner­tul­lu, Jehovamik Nalunaajaasun­ngorusup­pa? (Tuss 40:9) Atuaq­qis­saaqatigisar­tak­kat siumukan­ngip­pat pis­sutaasoq periaaseril­lutit paasiniaruk, taman­nalu pil­lugu toq­qarlugu inus­siar­nersumil­li oqaloqatigiuk. *

16. Sooq atuaq­qis­saaqatigiin­neq unitsit­tariaqarsin­naava?

¹⁶ Atuaq­qis­saar­tar­nersi ingerlatiin­nas­sanerlugu ilaan­nik­kut nalilersor­taruk. Atuaq­qis­saaqatigisar­tak­kat eq­qarsaatigalugu im­minut ima aperisarit: ‘Atuaq­qis­saar­nis­samut piareersan­ngitsoor­tar­pa? Ataatsimiigiarusus­suseqan­ngila? Suli ileq­qupalaaqar­pa? Up­perisarsior­nermut eq­qun­ngitsumut suli ilaasor­taava?’ Taamaas­simap­pat atuaq­qis­saaqatigiit­tar­nersilu ingerlatiin­naruk­ku tamatuma as­sigiin­nas­savaa inum­mik masatserusun­ngitsumik nalun­nermik ilin­niar­titsiniarsariuar­neq. Atuaq­qis­saaqatigisar­tak­kavit ilik­kak­kani pingaar­tin­ngip­pagit al­lan­nguiuman­ngip­pal­lu, taava sooq atuaq­qis­saar­tar­nersi ingerlatiin­nas­saviuk?

17. Timotheusimut al­lak­kat siul­liit 4:16 naaper­torlugu atuaq­qis­saaqateqar­tar­tut tamarmik susariaqar­pat?

¹⁷ Ajoqersugan­ngor­titsior­tor­nis­samik akisus­saaf­feqar­ner­put pimoorup­par­put, atuaq­qis­saaqatigisar­tak­kavul­lu Nalunaajaasun­ngor­nis­saan­nut ikiorusup­pavut. Taamaat­tumik ilin­niar­titsinitsin­ni Biibili ator­tar­par­put, aam­ma pik­kusul­luta qularun­naar­nar­tumil­lu ilin­niar­titsisar­pugut. Atuaq­qis­saaqatigisar­tak­kavut ilagiin­ni ikin­ngutitaar­tor­nis­saan­nut kajumis­saar­tar­pavut. Aam­ma tun­niul­luin­nar­nis­saq imermul­lu morsutsin­neqar­nis­saq eq­qar­tukulasar­pavut siumukar­neral­lu nalilersor­tarlugu. (Ungalusaq “ Atuaq­qis­saaqatigisar­tak­kavut Nalunaajaasun­ngor­nis­saan­nut qanoq ikiorsin­naavavut?” takuuk). Inuunermik an­naas­siniaqataaner­put nuan­naarutigeqaar­put! Biibilimik atuaq­qis­saaqatigisar­tak­kavut Nalunaajaasun­ngor­nis­saan­nut ikior­niarlugit ilungersor­nis­sar­put aalajangiusimatigu.