1. Sooq inup­pas­suit paatsiveerusimaar­pat?

NALITSIN­NI up­perisarsioqatigiip­pas­suit kristumiuunerar­tuup­put Guutimil­lu iluarisaanerar­tuul­lutik. Tupin­nan­ngilaq inup­pas­suit paatsiveerusimaarmata! Ima aperisar­put: “Up­perisarsior­neq ilumoor­toq ataasiin­naava, imaluun­niit up­perisarsioqatigiit tamarmik Guutimit iluarisaap­pat?” Uagum­mi? Ilin­niar­titsis­sutigisat­ta ilumoor­tuunerat aam­ma Jehovap Nalunaajaasuisa guutisioriaasiata Guutimit iluarineqar­nera up­peril­luin­nar­par­put? Taman­na ilumut up­per­narsineqarsin­naava? Up­per­narsaatis­saqar­nerluta misis­soriar­tigu.

2. Thes­salonikamiunut al­lak­kat siul­liit 1:5 naaper­torlugu sooq apustilip Paulusip up­perisami ilumoor­tuunera qularutigin­ngilaa?

² Apustilip Paulusip up­perisami ilumoor­tuunera up­peril­luin­nar­paa. (1 Thessalonikamiut 1:5 atuaruk). Up­per­nera misigis­sutsinik tun­ngaveqan­ngilaq. Guutip oqaasianik atuaq­qis­saar­tarsimavoq. ‘Al­lak­kat Il­ler­nar­tut tamarmik Guutimit isumas­sarsiarititaanerat’ up­peril­luin­nar­paa. (2 Tim 3:16, NW) Misis­sueq­qis­saar­tar­nermini suna paasivaa? Jiisusip Mis­siarsiuneranik up­per­narsaatit juutit up­perisarsior­nik­kut siut­tuisa suusupagisaat nas­saarai. Up­perisarsior­nik­kut siut­tuusut ilumoor­tuusaar­tut taak­ku Guutimut sin­niisuuneraraluarlutik taas­suma maajugisaanik iliuuseqar­tar­put. (Tit 1:16) Taak­kua Guutip oqaasiata ilaan­naa up­pererusut­tar­paat, Paulusili taak­kunatut in­ngilaq. “Guutip piumasaa tamak­kiisumik” oqaluus­sis­sutigalugulu inuunermini maleruar­paa. – ApS 20:27.

3. Up­perluar­tuujumal­luta apeq­qutigisin­naasagut tamarmik akineqar­tariaqar­pat? (Aam­ma takuuk ungalusaq “ Jehovap suliai eq­qarsaataalu ‘amerlaval­laaramik taagor­neqarsin­naan­ngil­lat’”).

 ³ Inuit ilaat isumaqar­put apeq­qutitik tamarluin­naasa up­perisarsior­nerup ilumoor­tup akisin­naasariaqarai, al­laat apeq­qutit Biibilimi akineqan­ngik­kaluar­tut. Taman­nali piviusorsior­nerua? Paulusi qanoq al­las­simasoq maluginiaruk. Up­peqatini kajumis­saar­pai sunut tamanut tun­ngatil­lugu eq­qor­toq paasinias­sagaat, aam­mali nas­suer­poq paasisin­naan­ngisani amerlaqisut. (1 Th 5:21) Ima al­lap­poq: “Ilaan­nakuuvormi ilisarsiner­put [paasisimasaqas­suser­put] ... Suli isigisaqar­pugut tarrarsuum­mi, nalorsitsaarutaasumik.” (1 Kor 13:9, 12) Paulusip paasisin­naasai kil­leqar­put, uagutsin­nut aam­ma taamaap­poq. Jehovali pil­lugu ilumoor­tut tun­ngaviusut paasivai. Ilisimasanilu kil­leqaraluar­tut up­perisami ilumoor­tuuneranut qularun­naas­sutigai!

4. Up­perisat­ta ilumoor­tuuneranik up­perin­nil­luin­nalerumal­luta susin­naavugut, kristumiul­lu ilumoor­tut pil­lugit suut sam­mis­savagut?

⁴ Up­perisat­ta ilumoor­tuuneranik up­perin­nil­luin­nalerumal­luta ilaatigut Jiisusip guutisior­nermut ilumoor­tumut najoq­qutas­siaa Jehovap Nalunaajaasuisa guutisioriaasian­nut sanil­lius­sin­naavar­put. Al­laaserisami matumani paasis­savar­put kristumiut ilumoor­tut (1) guutipilus­sior­neq ajor­tut, (2) Jehovap aq­qanik ataq­qin­nit­tut, (3) ilumoor­toq nuan­narigaat aam­ma (4) asaqatigiit­tut.

5. Jiisusip guutisior­nermut tun­ngatil­lugu suna ilin­niar­titsis­sutigaa, taman­nalu qanoq maleruarsin­naavar­put?

⁵ Jiisusip Jehovamik asan­ningaar­nini kajumis­sis­sutigalugu qilam­miin­nermini nunarsuarmiin­nerminilu taan­na kisiat guutisiorfigaa. (Luk 4:8) Aam­ma ajoqersuk­kani taamaalior­nis­saan­nik ilin­niar­tip­pai. Jiisusip  ajoqersugaasalu ilumoor­tut guutisior­nermin­ni as­silis­sat ator­neq ajor­paat. Guuti anersaajugami as­silialiarineqarsin­naan­ngilaq. (Es 46:5) Taavami iluar­tuutitanik taaneqar­tar­tunik as­silialior­neq taak­kunun­ngalu qinusar­neq? Inas­sutini Qulini inas­sutip aap­paan­ni Jehova ima oqar­poq: “Ilin­nut guutilialiuutis­san­ngilatit suulluunniit qilam­mi pavani nunamiluun­niit maani ... Tamak­ku pal­lorfigis­san­ngilatit guutisiorfiginagil­lu.” (2 Mos 20:4, 5) Guutimit iluarisaarusut­tut oqaatsit taak­ku paasil­lugil­lu maleruarusut­tar­paat.

6. Jehovap Nalunaajaasui qanoq it­tumik guutisioriaaseqar­pat?

⁶ Oqalut­tuarisaanik­kut ilisimatuut oqar­put kristumiut siul­liit Guuti kisiat guutisiorfigigaat. As­sersuutigalugu atuak­kat ilaan­ni (History of the Christian Church) al­las­simavoq kristumiut siul­liit guutisiorfim­min­ni as­silialiat ator­neqas­sagaluar­pata “maajugis­sagaat”. Jehovap Nalunaajaasuisa kristumiut siul­liit guutisioriaasiat ilaar­paat. “Iluar­tuutitanik” in­ngilinil­luun­niit as­silialianut qinuneq ajor­pugut, Jiisusimul­luun­niim­mi qinuneq ajor­pugut. Aam­ma erfalasumik ilas­sin­nin­neq ajorlutalu nunagisamik pingaar­titsiniutit al­lat pal­lorfigineq ajor­pagut. Qanorluun­niit pisoqaraluar­pat Jiisusip oqaasiisa ukua naalan­nis­saat aalajangiusimavar­put: “Naalagaq Guutit pal­lorfigis­savat.” – Matt 4:10.

7. Jehovap Nalunaajaasui up­perisarsioqatigiin­nit al­lanit qanoq al­laanerup­pat?

⁷ Ul­lumik­kut up­perisarsior­nik­kut siut­tut nuan­narineqar­tut inup­pas­suar­nit malin­neqar­put. Nuan­narineqangaaramik guutipilus­siorfigineqar­pul­lusooq. Taak­kua oqaluf­fii or­nigar­neqar­tar­put, atuak­kiaat pisiarineqarluar­tar­put tapersersugaal­lu aningaasar­pas­suar­nik tunis­suteqarfigineqar­tarlutik. Oqaasii suul­luun­niit up­perineqar­tar­put. Al­laat Jiisusimit nuan­narineqar­neror­pasip­put! Jehovamil­li guutisiorfigin­nit­tut ilumoor­tut palaseqan­ngil­lat. Peqatigiis­sor­tatsin­ni siut­tut ataq­qisaraluarlugit Jiisusip ilin­niar­titsis­sutaa una maleruar­par­put: “Tamas­si qatan­ngutigiip­pusi.” (Matt 23:8-10) Inuit – up­perisarsior­nik­kut siut­tuugaluar­pataluun­niit naalak­kersuisuugaluar­pataluun­niit – pal­lorfigineq ajor­pagut. Taak­kua arlaan­naataluun­niit siuner­taat tapersersor­neq ajor­pagut. Politik­kimut silarsuarmul­lu akuliun­naveersaar­tar­pugut. Tamak­kunun­nga tun­ngatil­lugu kristumiuunerar­tunit al­laanerujus­suuvugut. – Joh 18:36.

8. Qanoq nalun­ngilar­put Jehovap atermi naalan­narsisin­neqar­nis­saa ilisimaneqaler­nis­saalu kis­saatigigaa?

⁸ Ilaan­ni Jiisusi ima qinuvoq: “Ataataq, aq­qit naalan­narsisiguk!” Jehovap qin­nut taman­na qilam­mit nipituumik akivaa neriorsuil­luni aq­qi naalan­narsisis­sal­lugu. (Joh 12:28) Jiisusip kif­far­tor­nermini ataatami aq­qa naalan­narsisip­paa. (Joh 17:26) Taamaat­tumik kristumiut ilumoor­tut tul­luusimaarlutik Guutip aq­qanik atuinis­saat al­lanul­lu ilisimalersitsinis­saat ilimagisas­saavoq.

9. Kristumiut siul­liit Guutip aq­qanik ataq­qin­nit­tuuner­tik qanoq ersersit­tar­paat?

⁹ Kristumiut siul­liit nalaan­ni Jehova ‘Guutimik nalusunik aterminut in­nut­tas­sarsivoq’. (ApS 15:14) Kristumiut siul­liit taak­kua Guutip aq­qata ator­nera al­lanul­lu ilisimalersin­nera tul­luusimaarutigaat. Oqaluus­sinermin­ni al­lak­kamin­nilu Guutip aq­qa atukulasar­paat. * Taamaalior­nermik­kut ersersit­tar­paat Guutip aq­qanut in­nut­tas­sarsiarineqar­ner­tik pingaar­til­lugu. – ApS 2:14, 21.

10. Jehovap Nalunaajaasuisa Jehovap aq­qanut in­nut­taaneran­nut suut up­per­narsaataap­pat?

 ¹⁰ Jehovap Nalunaajaasui Jehovap aq­qanut in­nut­taap­pat? Up­per­narsaatit misis­soriar­tigit. Up­perisarsior­nik­kut siut­tor­pas­suit Guutip ateqar­nera sapin­ngisamin­nik iser­tor­niarsaraat. Ateq taan­na Biibilimik nutsik­kamin­ni peersimavaat, ilaasalu oqaluf­fim­mi ator­neqar­nis­saa iner­teq­qutigaat. * Erseq­qip­poq Jehovap Nalunaajaasuisa kisiar­taal­lutik Jehovap aq­qa ataq­qineqar­nis­saatut ataq­qigaat. Guutip aq­qa ilisimalersin­niarlugu up­perisarsioqatigiin­nit al­lanit iliuuseqar­nerungaar­pugut! Taaguuter­put “Jehovap Nalunaajaasui” eq­qor­tin­niarlugu sapin­ngisatsin­nik iliuuseqar­tar­pugut! (Es 43:10-12) Biibilimik nutsigaq New World Translation of the Holy Scriptures 240 mil­lioninit amerlanerusun­ngorlugu naqitersimavar­put, nutsik­kamilu tamatumani Jehovap aq­qa tamatigut ator­neqar­tar­poq. Biibililersaarutil­lu Jehovap aq­qanik atuisut oqaatsinut 1.000-nit amerlanerusunut saq­qum­mersit­tar­pagut!

11. Kristumiut siul­liit ilumoor­tumik nuan­narin­nin­ner­tik qanoq ersersip­paat?

¹¹ Jiisusip sal­lusuis­sut, tas­sa Guuti siuner­taalu pil­lugit ilumoor­toq, nuan­naraa. Inooriaasianit erser­poq ilumoor­toq nalun­ngik­kaa, ilumoor­torlu taan­na al­lanut oqaluus­sis­sutigisar­paa.  (Joh 18:37) Jiisusip malin­nit­taasa aam­ma ilumoor­toq nuan­naringaar­paat. (Joh 4:23, 24) Apustilip Petrusip kristumiuus­suseq ima taavaa: ‘Sal­lusuis­sum­mut aq­qut.’ (2 Petr 2:2) Kristumiut siul­liit ilumoor­tumik nuan­narin­ningaar­ner­tik pis­sutigalugu up­perisarsior­nik­kut ilin­niar­titsis­sutigineqar­tut, ileq­qulersuutit kulturimut tun­ngasut inuil­lu isumaat ilumoor­tumut naaper­tuutin­ngitsut itigar­tit­tar­paat. (Kol 2:8) Ul­lumik­kut­taaq kristumiut ilumoor­tut up­perisamik inooriaatsimil­lu Jehovap oqaasianik tun­ngaveqar­tin­nerisigut ‘sal­lusuis­sum­mi inoorusun­ner­tik’ ersersip­paat. – 3 Joh 3, 4.

12. Siulersuisoqatigiit paasin­nit­taatsitsin­nik al­lan­nguisariaqar­ner­put paasigaangamik­ku susar­pat, aam­ma sooq taamaalior­tar­pat?

¹² Jehovap Nalunaajaasui isumaqan­ngil­lat ilumoor­toq eq­qoq­qis­saar­tumik tamak­kiisumil­luun­niit paasisimal­lugu. Ilaan­nik­kut Biibilimik paasin­nit­taatsimik­kut peqatigiis­sor­tamin­nilu aaq­qis­suus­sinermik­kut kuk­kusar­put. Taman­na tupaal­laatigin­ngilar­put. Biibilimimi al­las­simavoq pif­fis­sap ingerlanerani eq­qorluar­nerusumik ilisimasaqalis­sasugut. (Kol 1:9, 10) Jehovap ilumoor­toq tamaat ataatsik­kut paasitin­ngilaa, uagul­lu ilumoor­tup qaam­maris­siar­tuler­neranut utaq­qisin­naas­suseqar­tariaqar­pugut. (Uss 4:18) Siulersuisoqatigiit paasin­nit­taatsitsin­nik iliuuserisar­tak­katsin­nil­luun­niit al­lan­nguisariaqar­ner­put paasigaangamik­ku ingerlaan­naq aaq­qiisar­put. Up­perisarsioqatigiit kristumiuunerar­tut al­lan­nguigaangamik ilaasor­tamin­nit silarsuarmil­luun­niit iluarineqarumal­lutik taamaalior­tar­put, Jehoval­li peqatigiis­sor­tai al­lan­nguigaangamik Guutimut qanil­linerujumal­lutik Jiisusil­lu guutisior­nermut najoq­qutas­siaa maleruarluar­nerujumal­lugu taamaalior­tar­put. (Jaak 4:4) Imaan­ngilaq silarsuarmi inuit isumaat pis­sutigalugit al­lan­nguisar­tugut, Biibilimil­li paasin­nin­neruler­ner­put pis­sutigalugu taamaalior­tar­pugut. Ilumoor­toq nuan­naraar­put! – 1 Th 2:3, 4.

13. Kristumiut ilumoor­tut pingaar­ner­tut suna ilisar­naatigaat, Jehoval­lu Nalunaajaasuisa taman­na qanoq ersersit­tar­paat?

¹³ Kristumiut siul­liit pingaar­ner­tut asaqatigiin­ner­tik ilisar­naatigaat. Jiisusi ima oqar­poq: “Asaqatigiik­kus­si tamatumuuna tamarmik paasis­savaat ajoqersugarigis­si.” (Joh 13:34, 35) Ul­lumik­kut Jehovap Nalunaajaasui nunarsuaq tamak­kerlugu asaqatigiil­lutil­lu ataasioqatigiip­put. Up­perisarsioqatigiit al­lat as­siginagit nunanit kulturinil­lu as­sigiin­ngitsuneersuugaluarluta ilaqutariit­tut ip­pugut. Ataatsimiin­nitsin­ni ataatsimeersuar­nitsin­nilu asaqatigiin­ner­put misigisar­par­put. Taman­nalu pis­sutigalugu up­perineruler­par­put Jehovap guutisioriaaser­put iluarigaa.

14. Kolos­semiut 3:12-14 naaper­torlugit asaqatigiin­ner­put ilaatigut qanoq ersersis­sin­naavar­put?

¹⁴ Biibilimi kajumis­saar­neqar­pugut ‘asaqatigiin­ner­put at­tat­tuin­nas­sagip­put’. (1 Petr 4:8) Ilaatigut taamaaliorsin­naavugut isumak­keerfigeqatigiit­tar­nik­kut up­peqatit­talu naam­mal­luin­nan­ngitsuunerisa isiginiar­pal­laar­tan­ngin­nerisigut. Ilagiin­niit­tunut tamanut, al­laat uagutsin­nik ajual­latsitsisimasunut, tuk­kor­tuuniar­tarlutalu inoroorsaar­niar­tar­pugut. (Kolossemiut 3:12-14 atuakkit). Taamatut asaqatigiik­kaangat­ta up­per­narsar­tar­par­put tas­saasugut kristumiut ilumoor­tut.

15. Kristumiut siul­liit guutisioriaasiat aam­ma al­latigut qanoq ilaar­tar­par­put?

¹⁵ Kristumiut siul­liit guutisioriaasiat aam­ma  al­latigut ilaar­tar­par­put. As­sersuutigalugu peqatigiis­sor­tatsin­ni aaq­qis­suus­siner­put kristumiut siul­liit aaq­qis­suus­sineran­nut apustilinit pilersin­neqar­tumut as­singuvoq. Taak­kunatul­li ilagiin­nik nak­kutil­liisoqar­pugut, utoq­qaaner­taqar­pugut ilagiin­nilu kif­far­tor­toqarluta. (Fil 1:1; Tit 1:5) Aam­ma kristumiut siul­liit pisar­nerat­tut atoqatigiin­neq aap­pariin­nerlu pil­lugit Jehovap inatsisai akuerisar­pagut, aap il­ler­nar­tuunera ataq­qisar­par­put ilagiil­lu ajor­tulior­tunit peq­qis­simin­ngitsunit il­lersorusut­tarlugit. – ApS 15:28, 29; 1 Kor 5:11-13; 6:9, 10; Hebr 13:4.

16. Efesosimiut 4:4-6 al­las­simasunit suna paasivar­put?

¹⁶ Jiisusi oqar­poq inup­pas­suit taas­sumun­nga ajoqersugaaneras­sasut, ilaan­naasali pimoorutis­sagaat. (Matt 7:21-23) Biibilimi siulit­tuutigineqar­poq ul­lus­sani kingul­ler­ni inup­pas­suit ‘Guutimik mianerin­nin­neq ileq­qorisuusaagin­nas­sagaat’. (2 Tim 3:1, 5) Aam­ma al­las­simavoq “up­perisaq ataaseq” Guutimit iluarineqar­toq. – Efesosimiut 4:4-6 atuakkit.

17. Ul­lumik­kut kik­kut Jiisusimik malin­nit­tuul­lutil­lu ilumoor­tumik up­perisaqar­pat?

¹⁷ Ul­lumik­kut kik­kut ilumoor­tumik up­perisaqar­pat? Up­per­narsaatit misis­soreer­pagut. Jiisusip guutisior­nermut najoq­qutas­siaa kristumiunit siul­ler­nit maleruar­neqar­toq sam­mereer­par­put. Erser­poq Jehovap Nalunaajaasui kisimik ilumoor­tumik up­perisaqar­tut. Jehovap in­nut­taanut ilaaner­put aam­ma Jehovap piumasaanik ilisimasaqar­ner­put ataq­qinaatigaar­put. Qanor­toq up­perluarluta ilumoor­toq aalajangiusimajuar­tigu!