Oqaluus­sineq siumukar­neruler­til­lugu Biibililersaarutinik pisariaqar­titsineq anner­tuneruler­poq. Brooklynimi Betelimi qatan­ngutit atuagas­sianik naqiterisar­put atuak­kalli qeratasuunik ungalulil­lit sanajumal­lugit naqiteriveqarfiit allat aqqutigalugit akiliil­lutik naqiter­neqar­tit­tar­paat. Naqiterisitsisar­tut qaam­matit arlal­lit oqaluus­sinermi atugas­sanik naam­mat­tunik naqiterisin­naan­ngim­mata qatan­ngutip Rutherfordip naqiterivim­mik akisus­saasoq, qatan­ngut Rober­t Mar­tin, aperaa nam­min­neq atuak­kanik naqiterisin­naanerlutik.

Isumaa qatan­ngutip Mar­tinip pis­sanganar­nerar­paa taman­nami atuak­kanik nam­min­neq naqiterisaler­nermik kinguneqarsin­naam­mat. Qatan­ngutit Brooklynimi Concord Street 18-mi attar­tugas­sarsip­put naqiterinis­samullu ator­tut pisariaqar­tut pis­sarsiaralugit.

Qatan­ngutit atuak­kanik nam­min­neq naqiterisaler­nerat tamanit nuan­narineqan­ngilaq. Sulif­fimmi atuak­katsin­nik naqiterisarfiusarsimasup pisor­taata naqiterivit­taar­put alak­karamiuk ima oqar­poq: “Naqiteriviit pitsaanerit ilaat aajuna, maaniit­tulli kialuun­niit suliaq qanoq ingerlan­neqas­sasoq naluaa. Ukiup affaata ingerlaneriin­naani ator­tut tamaasa sequmereersimas­savasi.”

Pisoq pil­lugu qatan­ngut Mar­tin ima oqalut­tuar­poq: “Ilumoor­palus­sin­naagaluar­poq, Naalagarli apeq­qutaavoq. Taas­sumalu najor­tuaan­narsimavaatigut.” Qatan­ngut Mar­tin ilumoor­poq. Sivitsun­ngitsoq ullormut atuak­kat 2.000-t naqiter­neqar­taler­put.

Atuak­kat naqiter­nerisa saniatigut Jehovap innut­taasa tusagas­sat nuan­nersut tusarliun­niarlugit allamik periaaseqaler­put – radiuk­kut aal­lakaatitsineq. 1922-mi februaarip 26-anni sapaammi ualik­kut qatan­ngut Rutherford siul­lermeerluni  radiuk­kut oqalugiar­poq. Los Angelesimi Califor­niami Radioqarfik KOG aqqutigalugu ima qulequtalim­mik oqalugiar­poq: “Inuit maanna inuusut mil­lionil­lit toqun­ngisaan­nas­sap­put.”

Inuit 25.000-t mis­saat aal­lakaatitas­siaq tusar­naar­paat. Ilaallu qujas­sutinik allagaqar­put. Allak­kat ilaat Wil­lard Ashfordip, Santa Anami Califor­niamiit­tumi najugal­lip, allagarai. Nuan­nerlunilu soqutiginar­tumik saq­qum­miinera pil­lugu qatan­ngut Rutherford qutsavigaa. Taava ima nangip­poq: “Ilaqut­tatsinni pingasunik nap­parsimasoqaratta qanit­tumiluun­niit oqalugiarsimagaluaruit tusar­naariar­nis­satsin­nut periarfis­saqarsimas­san­ngik­kaluar­pugut.”

Sapaatit-akun­nerini tul­liut­tuni oqalugiaatit allat aal­lakaatin­neqar­put. 1922-llu naanerani The Watch Tower-ip naliler­paa “min­ner­paamik inuit 300.000-t tusarlius­saq radiuk­kut tusar­naarsimas­sagaat”.

Ajun­ngitsumik qisuariar­toqar­nera pis­sutigalugu Biibilimik Atuaq­qis­saar­tar­tut aalajanger­put Brooklynimi Betelip ungasin­ngisaani Staten Islandimi radioqarfik pilersin­niarlugu. Ukiullu tul­liut­tut Kun­ngeqarfim­mik tusarlius­saq inup­pas­suar­nut anngun­niarlugu Biibilimik Atuaq­qis­saar­tar­tut radioqarfik taanna, WBBR, ator­paat.

The Watch Tower juunip 15-at 1922-moor­tumi nalunaarutigineqar­poq septembarip 5-13, 1922-mi Cedar Pointimi Ohiomiit­tumi ataatsimeersuar­toqas­sasoq. Biibilimik Atuaq­qis­saar­tar­tut Cedar Pointimut apuuk­kamik qiim­matsas­simaaqaat.

Qatan­ngutip Rutherfordip oqalugiaammi siul­lermi tusar­naar­tut oqarfigai: “Qularin­ngil­luin­nar­para Naalak­kap … ataatsimeersuar­neq manna pil­luaq­qul­lugulu oqaluus­sinis­saq nunarsuarmi aatsaat taama anner­tutigisoq isumagis­sagaa.” Ataatsimeersuar­nermi oqalugiar­tut qatan­ngutinik oqaluus­sinis­samut kajumis­saarisaqat­taar­put.

Taava tal­liman­ngor­nermi septembarip arfineq-pingajuanni ataatsimeersuariat 8.000-t mis­saan­niit­tut inersuarmut iser­put qatan­ngutip Rutherfordip oqalugiaatis­saa pis­sangal­lutik tusar­naariarlugu. Qaaq­qusis­summi allaq­qasoq “ADV” nas­suias­sagaa neriuutigaat. Ingik­kamik oqalugiar­tarfiup qulaatungaani annoraaminersuaq imusaq  ilaasa maluginiarsimas­savaat. Arthur Claus, Oklahomami Tulsamiit ataatsimeersuariarluni angalasimasoq qujanar­tumik tusar­naarluarfigisin­naasaminik ingif­fis­sarsivoq, taamanik­kummi mikrofoneqar­nanilu højtalereqan­ngilaq.

Ajoqusersor­neqan­ngin­nias­sagamik saq­qum­mius­sas­sanik aqutsisup nalunaarutigaa Qatan­ngutip Rutherfordip oqalugiar­nerani inersuarmut inor­tuisunik iser­toqas­san­ngitsoq. Ullaap tungaa qulit qeqqa oqalugiar­nini aal­lar­ner­paa Jiisusip oqaasii Matiusi 4:17-imiit­tut issuarlugit: ‘Qilaap kun­ngeqarfia qanil­livoq.’ Inuit Kun­ngeqarfik pil­lugu qanoq tusarler­neqas­sasut eqqar­toramiuk ima oqar­poq: “Jiisusi nam­mineq oqar­poq najuun­nermini innut­taminik – ilumoor­tunik ilumoorfigin­nit­tunillu – katersuiumaarluni.”

Qatan­ngut Arthur Claus inersuarmi issiasoq eqqaamasalik­kersaar­poq: “Oqaasii tamaasa tusar­naaq­qis­saar­pagut.” Inuum­marluler­porli inersuarmiillu anisariaqarluni. Arthur nalunagu iser­titaaq­qin­naviarani anerusun­ngik­kaluarluni anivoq.

Minutsialuit qaangiut­tut misigivoq iluarsiimil­luni. Oqar­poq inersuup tungaanukarluni ersaat­taat­tut tusaramigit pis­sangaam­mersimal­luni. Aalajanger­poq oqalugiaatip nuan­nersup sin­nera tusar­naarumal­lugu qalianut qal­lor­tariaqaraluaruniluun­niit taamaaliorumal­luni. Qatan­ngut Arthur Claus, taamani 23-nik ukiulik, qal­lorfis­sarsigami qaqivoq. Igalaat qul­ler­paat ammasut qanil­ligamigit paasivaa oqalugiaat tusar­naarluarsin­naal­lugu.

Arthurili kisimiin­ngilaq. Ikin­ngutaasa ilaat aamma tas­saniip­put. Ilaata Frank Johnsonip tuaviorluni ornip­paa aperalugulu: “Ipit­tumik ukusar­tumik saveeraateqar­pit?”

“Aap”, Arthur akivoq.

Frank oqar­poq: “Qin­nutitsin­nut akis­sutaavutit. Annoraaminersuaq imusaq takusin­naaviuk? Allagar­tarsuuvoq allunaasai kikias­suar­nut qiler­neqar­put.  Eqqar­tuus­sisoq * tusar­naarluaruk. Oqar­pallu ‘oqaluus­sis­sutigisiuk, oqaluus­sis­sutigisiuk’ allunaasat sisamat uku kipis­savatit.”

Taava Arthurip saveeraq paaralugu taamatut oqar­nis­saa utaq­qivaa. Taavalu qatan­ngutip Rutherfordip oqalugiaammi pingaar­nersaa nal­ler­paa. Pik­kusun­nermik aal­lus­sil­luar­nermillu suaar­tangajavis­simas­saaq: “Naalak­kamut aalajaal­lusilu nalunaajaasuugitsi.” Babylonersuullu suujun­naarluin­nar­nis­saata tungaanut sumi tamani oqaluus­siuaq­qul­lugit kajumis­saareerlugit ima nangip­poq: “Silarsuarmiut paasisariaqar­paat Jehova Guutiusoq aamma Jiisusi Kristusi kun­ngit Kun­ngigigaat naalak­kallu Naalagarigaat. Maan­nak­kut oqalut­tuarisaanerup pingaar­ner­paaf­fiani inuuvugut. Ata, kun­ngi naalak­kersuivoq! Ilissi oqariar­tor­tigaasi. Taamaat­tumik kun­ngi taas­sumalu kun­ngeqarfia oqaluus­sis­sutigisigik, oqaluus­sis­sutigisigik, oqaluus­sis­sutigisigik.”

Arthur oqalut­tuar­poq qatan­ngutillu allat allunaasat kipim­matigit allagar­tarsuaq iluatsit­tumik siaar­toq. “ADV” tulut­tut oqaatsimut ‘adver­tise’-mut, oqaluus­sinermik isumalim­mut, naalisagaavoq, allagar­tamilu allaq­qavoq: “Kun­ngi taas­sumalu kun­ngeqarfia oqaluus­sis­sutigisigik.”

Cedar Pointimi ataatsimeersuar­nermi qatan­ngutit kajumis­sisin­neqaramik Kun­ngeqarfim­mik oqaluus­sinermik sulias­saq pingaarutilik aal­lun­neruler­paat. Pif­fis­saq tamaat kif­far­tor­toq (maanna pionerimik taaneqar­tar­toq) Oklahomameersoq ima allap­poq: “Oqaluus­sif­figisar­tak­katta ilar­pas­sui aamaruutis­sarsiorfinni sulisuup­put piitsuungaarlutillu.” Nangil­luni oqar­poq atuagas­siami Golden Age-mi tusarlius­saq inuit tusaraangamikku qialer­tar­tut. “Nuan­naarutigeqaar­put tup­pal­lersarsin­naagatsigit.”

Biibilimik Atuaq­qis­saar­tar­tut taakku Luk­karsi 10:2-mi Jiisusip oqaasii pingaaruteqangaar­tut paasivaat: “Karrit katersugas­sat amerlaqaat, sulisulli ikeqalutik.” Ukioq naam­mat Guutip kun­ngeqarfianik tusarlius­sap tamagin­nut oqaluus­sis­sutiginis­saa aatsaat taama aalajangiusimatigaat.