“ARLARSI Frangkrigimut imaluun­niit Tuluit Nunaan­nut sorsoqataarusun­ngip­pat tamassi toqus­saasi!” Nazistit sak­kutuut naalagaata sorsun­nersuarmi kingul­lermi Jehovap Nalunaajaasuisa ilaat taamatut suaar­tarfigai. Sak­kutuut S­S-it sak­kulisarlutik ungasin­ngitsumi utaq­qigaluar­tut qatan­ngutitta arlaan­naal­luun­niit Jehovap inatsisaanik unioq­qutitserusun­ngilaq. Sapiitsuliungaaramik! Taman­nalu Jehovap Nalunaajaasuisa sorsun­nis­samut isigin­nit­taasian­nik ersersitsil­luar­poq. Nunarsuarmi sorsun­ner­nut sorsoqataarusun­ngilagut. Allaat toqumik siorasaar­neqaraluarutta nunarsuarmi akersuun­ner­nut tun­ngatil­lugu arlaan­naan­nul­luun­niit illersuineq ajor­pugut.

1. GUUTIP INNUTTAI INUIAAPPUT ATAATSIT

Itsaq Jehovap inuiaqatigiit ataatsit – Israalik­kut – innut­tas­samisut toq­qar­pai. Israalik­kut ‘inuiaqatigiin­nit tamanit immik­koor­til­lugit pigisas­samisut’ taavai. (Mos 2. 19:5) Aamma nunas­samik aalajangersimasumik tunivai. Tassa Guutip Israalik­kut inuiaqatigiin­nut allanut sorsuk­kiar­toq­qugaangamigit uppeqatitik sorsuf­figinagillu toqun­neq ajor­paat. *

Nalitsinni guutisior­tut ilumoor­tut tas­saap­put “inuiaqatigiin­nit, naggueqatigiin­nit inuian­nillu tamaneersut qanorluun­niillu oqaasil­lit”. (Saqq 7:9) Guutip innut­tai sorsoqataasar­tuugunik uppeqatitik akiorlugillu allaat toqus­sin­naagaluar­paat.

 2. JEHOVAP ISRAALIKKUT SORSUGIAQQUSARPAI

Itsaq Jehovap aalajanger­tar­paa qaqugu aamma sooq Israalik­kut sorsugiar­tariaqar­tut. Assersuutigalugu Guutip Israalik­kut Kaanaanik­kun­nut eqqar­tuus­sutini naam­mas­sitin­niarlugu sorsoq­qusar­pai. Kaanaanik­kut anersaapilus­sior­neq, atoqatigiin­nik­kut ajorluin­nar­tumik eqqun­ngitsulior­neq meeq­qanillu pil­liisar­neq ilisimaneqaatigaat. Nunami neriorsuutigisami taama ajor­tumik sun­niisarun­naar­nias­sam­mata Jehovap Israalik­kut peq­quai taakku nungutis­sagaat. (Mos 3. 18:24, 25) Israalik­kut nunamik neriorsuutigisamik nunas­sereerlutik Israali akeq­qanit naqisiman­nit­tunit illersor­niarlugu Guutip ilaan­nik­kut sorsugiaq­qusar­pai. (Sam 2. 5:17-25) Jehovalli Israalik­kut nam­min­neq isumar­tik malil­lugu sorsuk­kiar­tor­nis­saat akuerineq ajor­paa. Taamaalioraangamik ajorluin­nar­tunik kinguneqarajup­poq. – Mos 4. 14:41-45; Nal 2. 35:20-24.

Nalitsinni Jehovap inuit sorsugiaq­quneq ajor­pai. Inuiaqatigiit nam­min­neq soqutigisatik pil­lugit sorsut­tar­put, Guutip soqutigisai pin­nagit. Nunamik tiguaaniarlutik, aningaasatigut iluanaar­niarlutik politik­kik­kul­luun­niit isum­mar­tik siuarsar­niarlugu sorsuk­kiar­tor­tar­put. Taavami Guutip aqqani sorsun­nerar­tut guutisior­nermin­nik illersuineq, Guutil­luun­niit akeraanik toqutsineq patsisigalugit sorsut­tut? Jehovap kif­fani illersorlugit siunissami sorsun­nis­sami, tassa Harmagedon­nimi, akeq­qani suujun­naarsis­savai. (Saqq 16:14, 16) Sorsun­nermi tas­sani Guutip kif­fani inuit pin­nagit anersaajusut kisiisa sak­kutooris­savai. – Saqq 19:11-15.

3. ISRAALIKKUT JEHOVAMUT UPPERTUNIK ASATTUUSSIPPUT

Itsaq Israalik­kut sak­kutuuisa Guutimut upper­tut asat­tuut­tar­paat Jehovallu asat­tuuk­kusun­ngisai kisiisa toqut­tarlugit. Marlun­nik assersuuteqariarta. Jeerikop piuneerus­saanis­saanik Jehova peq­qusigaluar­toq Israalik­kut Raahabbi ilaqutaalu upper­tuum­mata asat­tuup­paat. (Jos 2:9-16; 6:16, 17) Kingusin­nerusuk­kut Gibeonimiut Guutimik mianerin­nim­mata illoqarfiat Gibeoni asat­tuun­neqar­poq. – Jos 9:3-9, 17-19.

 Nalitsinni inuiaqatigiit sorsut­tut upper­tunik asat­tuus­sineq ajor­put. Ilaan­nik­kullu inuin­naat pisuus­suteqan­ngitsut sorsun­nermi toqutaasar­put.

4. ISRAALIKKUT SORSUNNISSAMUT JEHOVAP INATSISAI MALERUARTUSSAAVAAT

Itsaq Jehovap sorsun­nermik ingerlatsineq pil­lugu ilitsersuutini Israalik­kut sak­kutuuisa maleruas­sagaat piumasaqaatigaa. Assersuutigalugu Guutip ilaan­nik­kut Israalik­kut peq­qusar­pai illoqarfim­miut akeraasut “sorsun­ner­taqan­ngitsumik tun­niutiin­naq­qul­lugit” kajumis­saas­sagaat. (Mos 5. 20:10) Jehovap aamma Israalik­kut sak­kutuuisa timik­kut ileq­qus­satigullu minguitsuunis­saat piumasaqaatigaa. (Mos 5. 23:10-15) Inuiaat eqqaamiuusut sak­kutuuisa arnat illoqarfin­niit tiguarsimasamin­neersut pin­ngitsaalil­lugit atoqatigisar­paat, Jehovalli Israalik­kut taamaalior­nis­saat iner­teq­qutigaa. Illoqarfim­mik tiguaanermik kingorna aatsaat qaam­mat ataaseq qaangiuk­kaangat arnaq tigusaq nuliar­taarisin­naavaat. – Mos 5. 21:10-13.

Nalitsinni nunat amerlanerit sorsun­nermik ingerlatsinermik isumaqatigiis­sutit atsiorsimavaat. Inuin­nar­nut illersuutaasus­saagaluar­tut ajoraluar­tumik aalajangersak­kat taakku unioq­qutin­neqar­tar­put.

5. JEHOVA ISRAALIKKUT ILLERSORLUGIT SORSUTTARPOQ

Itsaq Jehova Israalik­kut illersorlugit sorsut­tar­poq tupin­nar­tulior­nermigullu ajugaatit­tarlugit. Assersuutigalugu Israalik­kut illoqarfiup Jeerikop ajugaaf­figinis­saanut Jehovap qanoq ikior­pai? Jehovap peq­qusineratigut Israalik­kut “saas­sus­seq­qusis­sum­mik nil­ler­put ima nipitutigisumik, allaat tamatumuuna qarmat uppikaatin­neqarlutik”, taamaalil­lutik illoqarfik ajor­nan­ngin­nerusumik tiguarsin­naaler­paat. (Jos 6:20) Amorik­kut qanoq ajugaaf­figaat? Jehovap “qilam­miit ujaras­suar­nik nak­kaatitsivigai … Nataq­qor­nat ujaraasut toqutaat Israelik­kut sak­kutuuisa panamik toqutaan­nit amerlanerup­put”. – Jos 10:6-11.

KRISTUMIUT ILUMOORTUT EQQISSISITSISUUPPUT

Soorlu sam­mereerip­put, nalitsinni atuk­kagut itsaq Israalik­kut atugaan­nit allaanerul­luin­nar­put. Assigiin­ngis­sutilli taakku sorsugian­ngin­nis­satsin­nut pis­sutaasut ilagiin­nar­paat. Allanik pis­sutis­saqar­pugut. Assersuutigalugu Guuti siulit­tuim­mat ulluni kingul­lerni imminit ilin­niar­tin­neqar­tut ‘sorsun­nis­samut sungiusarun­naas­sasut’ soorunami sorsoqataas­san­ngil­lat. (Es 2:2-4) Aamma Kristusi oqar­poq ilin­niar­titani inun­nit allanit allaanerus­sasut, nunarsuarmi akersuun­ner­nut tun­ngatil­lugu arlaan­naan­nul­luun­niit illersuis­san­ngitsut. – Joh 15:19.

Kristusip ilin­niar­titani aamma allanik iliuuseqaq­qul­lugit kajumis­saar­pai. Assuarliutinik, kaman­nermik akersuun­nermillu kinguneqar­titsisunik isigin­nit­taaseqaq­qunagit ilin­niar­tip­pai. (Mat 5:21, 22) Aamma ilin­niar­tip­pai eqqis­sisitsisuus­sasut immin­nullu akeraasunik asan­nis­sasut. – Mat 5:9, 44.

Tamatta immik­kut qanoq taamaaliorsin­naavugut? Sorsoqataanavian­ngilagut, imaas­sin­naavorli ilagiin­niit­tut arlaan­nut qamuuna akeq­qersimaar­neq pis­suserigip­put? Taamaap­pat taama misigis­suseqarun­naar­nis­sar­put sulis­sutigisigu. – Jaak 4:1, 11.

Inuiaqatigiit sorsun­nerinut akuliun­nata eqqis­seqatigiin­neq asaqatigiin­nerlu sapin­ngisamik sulis­sutigaagut. (Joh 13:34, 35) Jehovap sorsun­ner­nik tamanik atuuk­kun­naarsitsinis­saa qilanaariitigalugu politik­kimut sorsun­ner­nullu akuliut­tan­ngin­ner­put aalajangiusimatigu. – Tuss 46:10.