1. ‘Anersaak­kut pisariaqar­titaqar­ner­put’ qanoq paasisariaqarpa, aamma pil­luar­nis­samut qanoq attuumas­suteqarpa?

 PIL­LUAVIN­NEQ tas­saan­ngilaq qiimasaagin­nar­neq. Inuuneq tamaat pil­luar­toqarsin­naavoq. Qanoq? Jiisusip qaq­qami oqalugiar­nermini tamanna nas­suiar­paa: “Pil­luar­put anersaak­kut pisariaqar­titaqar­nermin­nik eqqumaf­figin­nit­tut.” (Mat 5:3) Jiisusip nalun­ngilaa inuit Pin­ngor­titsisimin­nik, Jehovamik Guutimik, ilisarisiman­nik­kusul­lutillu guutisiorfigin­nik­kusut­tutut pin­ngor­titaasut. Tamanna tas­saavoq ‘anersaak­kut pisariaqar­titsineq’. Jehova ‘Guutium­mat pil­luar­toq’ guutisiorfigin­nit­tai aamma pil­luarsin­naap­put. – Tim 1. 1:11.

2-3. (a) Jiisusi naaper­torlugu kik­kut aamma pil­luarsin­naap­pat? (b) Allaaserisami matumani suut eqqar­tus­savagut, aamma sooq pisariaqarpa?

² Aatsaat ajor­nar­torsiun­ngik­kaangatta pil­luarsin­naavugut? Naamik. Oqalugiar­nermini Jiisusi tupaal­lan­nar­tumik oqaaseqar­poq. Allaat “aliasut­tut” – immaqa ajor­tuliatik pil­lugit pisuusutut misigisimanermik inuunermin­niluun­niit ajor­nar­torsiungaar­nermik aliasuutigin­nit­tut – pil­luarsin­naap­put. Aamma oqar­poq “eqqor­tulior­ner­tik pis­sutigalugu malersugaasimasut” Jiisusimullu ilin­niar­titaaner­tik pil­lugu ‘nikas­sar­neqar­tut’ pil­luarsin­naasut. (Mat 5:4, 10, 11) Pis­sutsinili taama ittuni qanoq pil­luar­toqarsin­naagami?

³ Jiisusip ilin­niar­tip­paatigut inuunitsinni atuk­kagut pil­luar­nis­samut aalajangiisuun­ngitsut anersaak­kulli pisariaqar­titatsin­nik matus­susiineq Guutimullu qanil­lineq pil­lualis­sutaasut. (Jaak 4:8) Taamaat­tumik pil­lualivis­sagutta iliuuserisariaqak­kagut pingasut allaaserisami matumani eqqar­tus­savagut.

4. Pil­lualivin­nis­samut iliuuserisas­saq siul­leq suua? (Tus­siaat 1:1-3)

⁴ ILIUUSERISASSAQ 1: Pillualivissagutta anersaakkut inuussutissanik pisariaqartitsivugut. Guutip oqaasia Jiisusip nerisas­sanut assersuup­paa. Inuit uumasullu uumaan­nas­sagunik timik­kut nerisas­sanik pisariaqar­titsip­put. Inuilli kisimik Guutip oqaasia atuarsin­naavaat, taamaalior­tariaqar­pullu. Jiisusi oqar­poq: “Inuup nerisas­sat kisiisa inuus­sutigis­san­ngilai, Jehovalli oqaasii suul­luun­niit inuus­sutigis­savai.” (Mat 4:4) Taamaat­tumik ullut tamaviisa Guutip oqaasia erlin­nangaar­toq, Biibili, atuarusus­savar­put. Tus­siaasior­toq allap­poq Jehovap ‘inatsisaanik nuan­narisaqar­toq ulluk­kullu unnuak­kullu atuar­toq pil­luar­toq’. – Tussiaat 1:1-3 atuakkit.

5-6. (a) Biibilimi ilin­niarsin­naasagut suup­pat? (b) Biibilimik atuar­neq sutigut iluaqutigisin­naavar­put?

⁵ Jehovap asagamisigut pil­luar­nar­tumik inooriaaseqas­sagutta qanoq ilior­tariaqar­nitsin­nik Biibilimi paasitip­paatigut. Inuunerup siuner­taa suunersoq ilin­niar­par­put. Guuti qanil­lisin­naagip­put ajor­tuliatsin­nillu isumak­keerfigineqarumal­luta qanoq ilius­sanersugut ilin­niar­par­put. Aamma siunis­saq nuan­nersoq pil­lugu Guutip neriorsuutai paasisaqarfigaagut. (Jer 29:11) Ilumoor­tut taakku Biibilimik misis­suinik­kut paasisagut qamuuna assut nuan­naalis­sutigaagut!

⁶ Nalun­ngilar­put Biibili inuunitsin­nut atoriaan­naasunik siun­nersuuteqarluar­toq. Siun­nersuutai maleruarutsigit pil­luarsin­naavugut. Ajor­nar­torsiutit nikal­lungas­sutigigaangak­kit Jehovap oqaasiata atuar­nis­saa  eqqarsaatigeq­qis­saar­nis­saalu pif­fis­saqarfiginerusak­kit. Jiisusi oqar­poq: “Pil­luar­put Guutip oqaasianik tusar­tut maleruaasullu!” – Luk 11:28.

7. Biibilimik atuar­nermut pif­fis­saq atuk­kat qanoq pis­sarsif­figil­luarsin­naaviuk?

⁷ Biibilimik atuaraangavit atuak­kavit nuan­naarutiginis­saa pif­fis­saqarfigil­luar­taruk. Assersuusioriarta, immaqa misigisaq una ilisar­nas­saaq: Nerisas­sanik mamariner­paasan­nik sas­saal­liif­figineqar­putit. Tuavior­pal­laar­nermilli eqqarsaatik­kul­luun­niit allanut saaq­qajaagavit suk­kasuumik neripal­lap­putit. Aatsaat nunguk­kak­kit paasiler­pat suk­kaval­laar­tumik nerisimal­lutit. Mamarsan­ngitsoorsimavutit. Biibilimik atuar­nermut tun­ngatil­lugu assingusumik misigisaqar­nikuuit? Ilaan­nik­kut tuavior­pal­laarluta atuar­nitsinni Biibilip oqariar­tuutaa nuan­naarutigin­ngitsoor­tar­par­put. Biibilimik atuar­ner­pit nuan­naarutiginis­saa pif­fis­saqarfigil­luar­taruk. Pisut nipaallu takorloor­tak­kit, atuak­katillu eqqarsaatigisak­kit. Taamaalioraangavit nuan­naar­neruler­tar­putit.

8. ‘Inus­siap aalajaal­lunilu silatuup’ akisus­saaf­fini qanoq pimoorup­paa? (Aamma takuuk qup­per­nerup ataani ilan­ngus­saq).

⁸ Jiisusip “inus­siaq aalajaal­lunilu silatooq” nerisas­sanik pif­fis­saq eqqorlugu tun­nius­sisar­tus­satut toq­qarsimam­magu anersaak­kut inuus­sutis­saqarluar­pugut. * (Mat 24:45) Inus­siap aalajaatsup pilersitaani tamani Allak­kat Iller­nar­tut isumas­sarsiarititaasut pingaar­ner­paap­put. (Tes 1. 2:13) Anersaak­kut inuus­sutis­sat taakku Jehovap eqqarsaataanik Biibilimi allaatigineqar­tunik ilin­niar­nitsinni iluaqutaap­put. Taamaat­tumik atuagas­siat Napasuliaq Alapernaarsuiffik aamma Iteritsi! allaaserisallu jw.org-imiit­tut atuar­tar­pagut. Ulluin­narni weekendimilu ataatsimiin­ner­nut piareersar­tar­pugut. Aamma JW Broadcasting^® aqqutigalugu qaam­mam­mut aal­lakaatitas­siaq isigin­naar­tar­par­put. Anersaak­kut ittunik immersorluar­tar­ner­put isumagereerutsigu pil­lualivis­sagutta iliuuserisas­sat aap­paata iliuuserinis­saanut piareersimas­saagut.

9. Pil­lualivin­nis­samut iliuuserisas­sat aap­paat suua?

⁹ ILIUUSERISASSAQ 2: Pillualivissagutta Jehovap najoqqutassiaanik maleruaasariaqarpugut. Tus­siaasior­toq allap­poq: “Pil­luar­poq Naalak­kamik mianerin­nit­toq ingerlasorlu aqqutigeq­qusaasigut.” (Tuss 128:1) Jehovamik mianerin­nin­neq isumaqar­poq Jehova ataq­qingaarlugu iluarin­ngisaanik sumil­luun­niit iliuuseqarusun­ngil­luin­nar­neq. (Uss 16:6) Taamaat­tumik eqqor­toq eqqun­ngitsorlu pil­lugit Guutip najoq­qutas­siai Biibilimiit­tut sapin­ngisamik maleruar­niar­tar­pagut. (Kor 2. 7:1) Jehovap uumigisaanik ilior­nata iluarisaanik iliorutta pil­luas­saagut. – Tuss 37:27; 97:10; Rom 12:9.

10. Romamiut 12:2 naaper­torlugu sumik akisus­saaf­feqar­pugut?

¹⁰ Romamiut 12:2 atuaruk. Jehovap suup eqqor­tuuneranik suullu eqqun­ngitsuuneranik aalajangersin­naatitaanera inuup ilisimasinnaavaa, aam­mali aalajanger­tariaqar­poq najoq­qutas­siai maleruarniarlugit. Assersuusioriarta. Biiler­nermi suk­kas­susis­sap kil­liligaanera oqar­tus­saasut aalajangersin­naagaat inuup ilisimavaa. Imaas­sin­naavorli maleruarusunngikkaa, kingunerisaanillu suk­kaval­laar­tumik biiler­poq. Pis­susilersor­nitsigut ersersit­tar­par­put Jehovap najoq­qutas­siaanik maleruaaneq inooriaasiusoq nuan­ner­ner­paaq upperil­luin­narlugu. (Uss 12:28) Daavip  taama misiginera Jehovamut oqaasiinit ukunan­nga erser­poq: “Ajoqersuup­parma inuunermut aqqutaasumik. Qaarsil­lar­tip­parma nuan­naar­nermik kiin­navit saani, assanni taler­perlermi alutor­nar­tunik tigumiaqar­tuar­tar­putit.” – Tuss 16:11.

11-12. (a) Ernumanermi nikal­lunganermilu sooq mianersor­tariaqar­pugut? (b) Aliik­kutas­sanik toq­qaanermi Filip­pimiut 4:8 qanoq iluaqutigisin­naavar­put?

¹¹ Ernumagutta nikal­lungagut­taluun­niit immaqa ajor­nar­torsiutit puioral­lar­niarlugit sukisaarsaatit allamut saasaatitut isigivagut. Tamanna paasinar­poq, Jehovalli uumigisaanik iliuleq­qunata mianersor­tariaqar­pugut. – Ef 5:10-12, 15-17.

¹² Filip­pimiunut allak­kamini Paulusip kristumiut kajumis­saar­pai “naaper­tuil­luar­tut, minguitsut, asanar­tut” aamma “assuar­naatsut” eqqarsaatigiuaq­qul­lugit. (Filippimiut 4:8 atuaruk). Aliik­kutas­sat pil­lugit allan­ngik­kaluar­toq allatai aliik­kutas­sanik toq­qaanitsin­nut sun­niuteqar­tariaqar­put. Isumak­kut versi allan­ngor­tilaarlugu misiliguk, assersuutigalugu imatut: ‘Eqqarsaatigiuk nipilersuk­kat minguitsuunersut, filmit atuak­kallu assuar­naatsuunersut qarasaasiak­kullu spil­lit nersor­tarialiunersut.’ Taamaalil­lutit suut Guutip iluarisin­naagai suullu iluarinavian­ngik­kai immik­koor­tis­sin­naas­savatit. Jehovap najoq­qutas­siai qutsis­sut maleruarusup­pagut. (Tuss 119:1-3) Taava minguitsumik nalun­ngeqatigin­nis­suteqarluta iliuuserisas­sap tul­lia pil­lualersitsisoq iliuuserilersin­naavar­put. – ApS 23:1.

13. Pil­lualivin­nis­samut iliuuserisas­sat pingajuat suua? (Johan­nesi 4:23, 24)

¹³ ILIUUSERISASSAQ 3: Jehovamik guutisiornerup inuuninni salliutinnissaa qulakkeeruk. Jehova Pin­ngor­titsisorigatsigu guutisiorfigisariaqar­par­put. (Saqq 4:11; 14:6, 7) Taamaat­tumik Jehovap iluarisaatut guutisiorfiginis­saa allanit tamanit pingaar­nerutit­tariaqar­par­put. (Johannesi 4:23, 24 atuakkit). Guutip anersaavanit iller­nar­tumit siulersor­neqarluta Biibilimi ilumoor­tunut naaper­tuut­tumik guutisiorusup­pugut. Aamma nunami suliatsin­nik kil­lilersuif­fiusumi iner­teq­qutaaf­fiusumiluun­niit najugaqarutta guutisior­ner­put sal­liutit­tariaqar­par­put. Maan­nak­kut qatan­ngutitta ilaat 100-t sin­nerlugit Jehovamik Nalunaajaasuuner­tik pis­sutigiin­narlugu par­naarus­saaq­qap­put. * Taamaak­kaluar­toq nuan­naarlutik sapin­ngisamin­nik qinusar­put, atuaq­qis­saar­tar­put aamma Guuti kun­ngeqarfialu pil­lugit allanut oqalut­tuar­tarlutik. Nikas­sar­neqarutta malersor­neqarut­taluun­niit Jehovap piner­tusaar­tit­tarmatigut akis­sarsisik­kumaarlutalu nuan­naarsin­naavugut. – Jaak 1:12; Pet 1. 4:14.

14. Qatan­ngut angut inuusut­toq qanoq pineqarpa, aamma sooq?

¹⁴ Qatan­ngutitta ilaat artor­nar­torsiungaaraluarlutik eqqar­toriik­kagut pingasut iliuuserigamik­kit pil­luar­put. Jovidon Bobojonov 19-inik ukiulik Tadsjikistanimiuusoq sak­kutuun­ngorusun­ngin­nami qanoq pineqar­toq eqqarsaatigiuk. 2019-imi oktobarip sisamaanni angerlarsimaf­fim­minit nakuuserfigineqarluni tigusarineqariarluni qaam­matit arlal­lit par­naarus­saaq­qavoq pinerlut­tutullu pineqarluni. Naaper­tuil­luan­ngitsumik pineqar­nera nunani arlalinni tusagas­siuutini allaatigineqar­poq. Qatan­nguter­put sak­kutuunut ilumoorumal­luni neriorsueq­quneqar­poq sak­kutuullu atisaanik atiseq­quneqar­poq, piuman­ngin­namilu  unatar­neqar­poq. Tamatuma kingorna eqqar­tuus­sisunit pisuutin­neqariarluni pin­ngitsaalisatut sulisus­san­ngor­titaavoq, naggataatigulli præsidentip pil­lagas­saajun­naarsil­lugulu iperagaatip­paa. Misilin­neqar­nermini Jovidonip aalajaan­nini pil­luar­ninilu attatiin­nar­pai. Qanoq? Anersaak­kut pisariaqar­titaqar­nerminik eqqumaf­figin­nit­tuar­nermigut.

15. Par­naarus­sivimmi Jovidon qanoq anersaak­kut inuus­sutis­saqarsin­naasimava?

¹⁵ Par­naarus­saaq­qanermini Jovidon atuagas­siaateqaranilu Biibileqan­ngik­kaluarluni anersaakkut inuussutissanik pisarpoq. Qanoq taamaaliorsin­naagami? Ullut tamaasa qatan­ngutit timik­kut nerisas­saanik pajut­tar­paat ullormullu allas­simaf­fik puus­sianut allat­tarlugu. Taamaalil­luni ullut tamaasa Biibilimik atuar­nis­samut eqqarsaatigin­neq­qis­saar­nis­samullu periarfis­saqar­poq. Iperagaanermi kingorna suli sak­kor­tuumik misilin­neqarsiman­ngitsut ima siun­nersor­pai: “Kif­faan­ngis­susersi atorluarlugu Jehovap oqaasiata Biibililersaarutit­talu atuar­nerisigut Jehova ilisarisimal­luar­neruler­tariaqar­parsi.”

16. Jovidonip suut eqqarsaatigingaar­tar­pai?

¹⁶ Qatan­nguter­put Jehovap najoqqutassiaanik maleruaavoq. Jovidonip pileris­susipiluit eqqarsaatiginagit ajor­tumillu ilior­nani Jehova  pingaar­titaalu eqqarsaatigingaar­tar­pai. Jehovap pin­ngor­titai kusanar­tut alutorisar­pai. Ullaat tamaasa iteraangami tim­mis­sat qarlor­tar­tut tusaasar­pai. Unnuak­kut qaam­mat ulloris­sallu qimerloor­tar­pai. Ima oqar­poq: “Tunis­sutit Jehovameersut taakku qiim­matsaatigisar­pakka.” Jehovap anersaak­kut timik­kullu pilersitai qujamasuutigigutsigit nuan­naaler­tar­pugut, nuan­naar­nerlu tamanna piner­tusaar­titsisar­poq.

17. Petrusimit allak­kat siul­liit 1:6, 7-imilu allas­simasut Jovidonitut nalaataqar­tumut qanoq tun­ngatin­neqarsin­naap­pat?

¹⁷ Jovidonip aamma Jehovamik guutisiorneq salliutippaa. Guutimut ilumoor­tutuamut aalajaat­tuar­nis­sani pingaaruteqangaar­toq nalun­ngilaa. Jiisusi oqar­poq: “Jehova Guutit guutisiorfigis­savat taan­nalu kisiat kif­far­torfigalugu.” (Luk 4:8) Sak­kutuut naalagaasa sak­kutuullu kis­saatigaat Jovidon Nalunaajaasuujun­naas­sasoq. Ullulli tamaasa unnuillu tamaasa qaman­nga pisumik Jehovamut qinunik­kut aalajaat­tuar­nis­samut ikioq­qusar­poq. Jovidon naaper­tuil­luan­ngitsumik pineqaraluarluni aalajaat­tuar­poq. Tamatuma kingunerisaanik tigusaanermi, unatar­neqar­nermi par­naarus­saaq­qanermilu kingorna annerusumik nuan­naarutis­saqaler­poq – upper­nini misilin­neqarmat upperluar­neruler­poq. – Petrusimit 1. 1:6, 7 atuakkit.

18. Qanoq pil­luar­tuarsin­naavugut?

¹⁸ Pil­lualivis­sagutta suut pisariaqar­tik­kigut Jehovap nalun­ngilaa. Iliuuserisas­sat pil­lualersitsisut pingasut iliuuseriguk­kit imaan­naan­ngitsunik ajor­nar­torsioraluarlutit pil­luar­tuarsin­naavutit. Taava aamma illit oqarsin­naas­saatit: “Pil­luar­put inuiaat Naalak­kamik [Jehovamik, NW] Guuteqar­tut!” – Tuss 144:15.