1, 2. (a) Angajoq­qaat sumik unam­miniagas­saqar­pat, taman­nalu qanoq qaangersin­naavaat? (b) Im­mik­koor­tut sisamat suut eq­qar­tus­savavut?

ANGAJOQ­QAAT Frankrigimeersut ima oqar­put: “Jehova up­peraar­put, imaan­ngilarli taman­na pis­sutigiin­narlugu qitor­nat­ta up­perilis­sagaat. Up­per­neq kingor­nut­tagaan­ngilaq. Arriitsumik up­persuseqaleriar­tor­tar­put.” Qatan­ngut angut Australiamiu ima al­lap­poq: “Qitor­nap uum­mam­migut up­per­nermik ineriar­tor­titsinis­saanik ikior­nera sunit tamanit unam­miniar­nar­ner­paavoq.” Ima nangip­poq: “Ilaan­nik­kut isumaqar­tar­punga apeq­qut meeq­qap naam­magisaanik akil­lugu. Kingusin­nerusuk­kul­li aam­ma taamatut apereq­qit­tarsin­naavoq! Akis­sut ul­lumi qitor­navit naam­magisaa aqaguani im­maqa naam­magis­san­ngilaa.” Qitor­natik peroriar­tor­til­lugit angajoq­qaar­pas­suit eq­qar­toriik­katik sukumiinerusumik nas­suiar­tariaqar­tar­paat. Aam­ma paasisar­paat qitor­natik Jehovamik asan­nin­nermik ilin­niar­tik­kumal­lugit  periutsit as­sigiin­ngitsut ator­tariaqarlugit.

² Meeraqaruit ilaan­nik­kut qitor­natit Jehovamik asan­nin­nermik perorunil­lu taas­sumun­nga kif­far­tor­tuar­nis­samik ilin­niar­tis­sin­naanerlugit eq­qarsaatigisar­piuk? Arlaan­nar­pul­luun­niit nam­mineq taamaaliorsin­naan­ngilaq. (Jer 10:23) Taamaat­tumik tatigisariaqar­par­put Jehovamit ikior­neqar­nis­sar­put. Taas­suma angajoq­qaat ilitsersuutinik amerlasuunik tunereer­pai. Qitor­natit qanoq ikiorsin­naavigit? (1) Ilisarisimal­lualik­kit. (2) Uum­mam­mit pisumik Jehova pil­lugu ilin­niar­tik­kit. (3) As­sersuusior­tarit. (4) Anersaaq il­ler­nar­toq qin­nutigisaruk qitor­nan­nul­lu erinitsajuitsuul­lutit.

3. Jiisusip ilin­niar­titseriaasia angajoq­qaat qanoq ilaarsin­naavaat?

³ Jiisusip ajoqersuk­kani qanoq isumaqar­nersut aperikulasar­pai. (Mat­t 16:13-15) Jiisusi ilaarsin­naavat. Qitor­natit oqaloqatigigaangak­kit arlaan­nil­luun­niit sam­misaqaqatigigaangak­kit qanoq isumaqar­nersut qanorlu misiginersut apereriarlugit tusar­naar­tak­kit. Arlaan­nut tun­ngatil­lugu qular­pat? Qatan­ngut nukap­piaraq 15-inik ukiulik Australiamiu ima oqar­poq: “Ataatama up­per­nera pil­lugu aperikulasar­paanga tun­ngavilersuinis­san­nil­lu ikior­tarlunga. Ima aperisar­paanga: ‘Biibilimi qanoq al­las­simava?’ ‘Al­las­simasut up­peraagit?’ ‘Sooq taman­na up­peraajuk?’ Nam­mineq oqaatsini anaanamaluun­niit oqaasii ilaagin­nar­nagit nam­mineq oqaatsik­ka atorlugit akeq­qusar­paanga. Perorama itinerusumik akisaleq­quaanga.”

4. Sooq qitor­nap apeq­qutaanik pimoorus­sinis­saq pingaaruteqar­pa? As­sersuuteqarit.

⁴ Qitor­navit Biibilimi ajoqersuutigineqar­tut ingerlaan­naq up­perilin­ngip­patigit erinitsajuigit. Apeq­qutimin­nut akis­sutis­sarsior­neran­ni ikiuk­kit. Ataataasoq ima oqar­poq: “Qitor­navit apeq­qutai suusupaginagit pimoorut­tak­kit. Aam­ma sam­misaq peq­qusiileqinarsorisat eq­qar­tuler­pagu al­lamut saan­nias­san­ngilatit.” Qitor­navit aperisar­nerat pitsaasuuvoq, taman­nami paasisaqarusun­neran­nut ersiutaam­mat. Al­laat Jiisusi inuusut­tuaraal­luni apersor­tar­poq. (Lukasi 2:46 atuaruk). Inuusut­toq qal­lunaaq ima oqar­poq: “Ilumoor­tumik up­perisaqar­nerluta eq­qarsaatigisarlugu oqaatigigak­ku angajoq­qaak­ka – im­maqa er­numagaluarlutik – eq­qis­sisimajuar­put. Biibili atorlugu apeq­qutik­ka tamaasa akivaat.”

5. Qitor­naasut Jehovamut up­persuseqar­pasik­kaluar­tut angajoq­qaat susariaqar­pat?

⁵ Qitor­natit ilisarisimal­lualik­kit. Isumaqar­niaqinak oqaluus­seqataasar­ner­tik ataatsimiigiaqataasar­ner­til­lu pis­sutigiin­narlugit Jehova up­perigaat. Jehova pil­lugu qanor­piaq misigip­pat, aam­ma Biibili qanoq isumaqarfigaat? Jehovamut aalajaat­tuar­nis­samut arlaan­nik akor­nuteqar­nersut sapin­ngisan­nik  paasiniar­taruk. Ul­luin­nar­ni sam­misaqaqatigiik­kaangas­si Jehova pil­lugu oqaloqatigisak­kit. Qitor­natit ilagigaangak­kit kisimiik­kaangavil­lu qin­nut­tak­kit.

6. Angajoq­qaat Jehova Biibililu pil­lugit ilisimasaqar­nerujar­tor­ner­tik qitor­namin­nik perorsaanermin­ni qanoq iluaqutigis­savaat?

⁶ Jiisusi Jehovamik asan­nim­mat Al­lak­kanil­lu Il­ler­nar­tunik ilisiman­nil­luarmat inuit tusar­naas­sal­lugu nuan­narisar­paat. Aam­ma Jiisusimit asaneqar­tutut misigisaramik tusar­naaq­qis­saar­tar­put. (Luk 24:32; Joh 7:46) Taamatut­taaq Jehovamik asan­nin­nerit qitor­navit taas­sumin­nga asan­nin­nis­samut kil­litsis­sutigis­savaat. (5 Mosesi 6:5-8; Lukasi 6:45 atuak­kit). Taamaat­tumik Biibilimik atuaq­qis­saar­tarlutil­lu Biibililersaarutivut atuar­tak­kit. Jehovap pin­ngor­titai pil­lugit ilisimasaqar­nerulerit. (Mat­t 6:26, 28) Jehova pil­lugu ilisimasaqar­nerujar­tor­til­lutit taan­na pil­lugu qitor­natit ilin­niar­til­luar­nerusin­naas­savatit. – Luk 6:40.

7, 8. Jehova pil­lugu ilik­kagaqaraangavit susarsin­naavit, angajoq­qaal­lu ilaat qanoq taamaaliorsimap­pat?

⁷ Jehova pil­lugu ilik­kak­katit qitor­nan­nut oqalut­tuarisak­kit. Ataatsimiin­ner­nut piareersar­nermi ilaqutariit­tul­luun­niit atuaq­qis­saar­nermi taamaal­laat taamaalior­nak qaquguk­kul­luun­niit ilagigaangak­kit taamaalior­tarit. USA-mi angajoq­qaat pin­ngor­titarsuarmi alutor­nar­tunik takusaqaraangamik mamar­tunil­luun­niit nerisaqaraangamik Jehova pil­lugu qitor­natik oqalut­tuut­tar­paat. Ima oqalut­tuar­put: “Jehovap tunis­sutimigut asan­nin­nermik isumas­suinermil­lu ersersitsineranik qitor­navut eq­qaasit­tar­pavut.” Aap­pariit Sydafrikamiut naatsiivim­min­ni suliaqaraangamik pin­ngor­titarsuaq pil­lugu panitik marluk oqaloqatigis­sal­lugit nuan­narisar­paat. As­sersuutigalugu naatsiias­sap naasun­ngorsin­naanerata tupin­nar­tua eq­qaasar­paat. Angajoq­qaat ima oqar­put: “Qitor­navut inuunermik tamatumalu tupin­nar­tuanik ataq­qin­nil­luin­nar­nis­samik ilin­niar­tin­niar­tar­pavut.”

⁸ Ataataasup Australiamiup er­nini qulit mis­saan­nik ukiulik Jehovap Pin­ngor­titsisuuneranik up­per­narsaatit misis­sor­nerisigut up­persuseqar­nerulersik­kusuk­kamiuk katersugaasivim­mukaqatigaa. Ima oqar­poq: “Qalerual­lit ujaran­ngor­nikut pisoqarujus­suit takuavut. Uumasut piujun­naar­nikut nalitsin­ni uumasutut takusar­tak­katsitut kusanar­nerat tupin­narluin­nar­tumil­lu pin­ngor­titaanerat ajasoorutigaar­put. Inuuneq pin­ngoriar­tuaarsimap­pat sooq uumasut itsar­nitsat taama tupin­nar­tigisumik katitigaap­pat? Taman­na ajasoorutigeqisara er­neralu oqaloqatigiis­sutigaar­put.”

9. Sooq as­sersuusior­tar­neq pitsaasuua, anaanarlu qanoq as­sersuusior­pa?

⁹ Jiisusi as­sersuusior­nermigut pingaarutilin­nik ilin­niar­titsisar­poq. (Mat­t 13:34, 35) As­sersuusior­nik­kut qitor­natit takorluuilersis­sin­naavatit. Taman­na ilin­niar­titsis­sutigisavit eq­qarsaatiginis­saanut,  paasil­luar­nis­saanut eq­qaamanis­saanul­lu iluaqutigis­savaat. Aam­ma ilin­niar­ner­tik nuan­narilis­savaat. As­sersuutigalugu Japanimi anaanap er­nini marluk Jehovap isumas­suinini ersersin­niarlugu nunarsuup silaan­naanik pin­ngor­titsineranik ilin­niar­tik­kusup­pai. Nukarleq arfineq-pingasunik angajul­lerlu qulinik ukioqarmata paasisin­naasaan­nik as­sersuusior­poq. Nukap­piaq­qat im­mum­mik, sioraasanik kaf­fimil­lu tuneriarlugit kaf­filioq­quai. Ima oqar­poq: “Peq­qis­saarlutik kaf­filiuler­put. Aperigak­kit sooq taama peq­qis­saar­tiginersut oqar­put mamarisan­nik kaf­filiuun­niarlunga. Nas­suiaap­pak­ka Guutip gas­sit peq­qis­saarluni silaan­narmut akuliuk­kai uagutsin­nut naleq­qut­tun­ngorlugit.” Nukap­piaq­qat ilin­niar­ner­tik nuan­naraat ilik­kak­katil­lu puiuk­kiul­lugit.

10, 11. (a) Qitor­natit Pin­ngor­titsisoqar­neranik ilin­niar­tin­niarlugit qanoq as­sersuusiorsin­naavit? (Al­laaserisap aal­laq­qaataani as­seq takuuk). (b) Qanoq as­sersuusior­nikuuit?

¹⁰ Qitor­natit Pin­ngor­titsisoqar­neranik ilin­niar­tin­niarlugit qanoq as­sersuusiorsin­naavit? Najoq­qutas­saq malil­lugu qitor­nat kaagilioqatigisin­naavat. Najoq­qutas­samik malin­nin­nis­sap pingaaruteqas­susianik nas­suiaaguk. Taava qitor­nat iipilimik paar­namil­luun­niit tuneriarlugu aperisin­naavat: “Nalun­ngiliuk iipili aam­ma najoq­qutas­saqar­toq?” Taama oqareeruit iipilip qeq­qatigut averiarlugu kigutaanik tunisin­naavat. Kigutip najoq­qutas­satut in­nera nas­suiaruk. Iipililior­nis­samut ilitsersuutit taas­suma iluaniip­put. Taak­kuali kaagilior­nermut ilitsersuutinit pisariunerujus­suup­put. Ima aperisin­naavutit: “Kaagimut najoq­qutas­saq inum­mit al­lan­neqar­poq. Kiam­mi iipilimut najoq­qutas­saq al­lap­paa?” Qitor­nat ukioq­qor­tunerulaar­pat nas­suiaas­sin­naavat iipilequtilior­nermut amerlanerusunil­lu iipililior­nermut ilitsersuutit kigutip iluani DNA-miit­tut. Aam­ma qup­persak­kami Fem gode spørgsmål om livets oprindelse-mi qup­per­ner­ni 10-miit 20-mut as­sit takutis­sin­naavatit.

¹¹ Angajoq­qaar­pas­suit meeq­qatil­lu Vågn op!-imi al­laaserisat “Står der en designer bag?” eq­qar­tor­tar­paat. Qitor­naasut ukiukip­pata angajoq­qaat paasiuminar­nerusumik nas­suiaasin­naap­put. As­sersuutigalugu Danmarkimi angajoq­qaat tim­misar­tut tim­mis­sanut as­sersuup­paat. Ima oqar­put: “Tim­misar­tut tim­mis­satut ip­put. Kisian­ni tim­misar­tut tim­mis­satut man­niliorsin­naap­pat tim­misar­tuaran­ngor­tus­sanik? Tim­mis­sat im­mik­kut it­tumik mit­tarfeqar­tariaqar­pat?  Tim­misar­tup nipaa tim­mis­sap qarlor­tup nipaanit qanoq al­laanerutigaa? Taamaat­tumik tim­misar­tulior­toq imaluun­niit tim­mis­sanik Pin­ngor­titsisoq silatunerua?” Qitor­natit eq­qarsalersin­niarlugit aperisaruk­kit ‘eq­qarsarluarsin­naas­sutsimik’ (tastamantitoĸaĸ) atuinis­samik Jehovamul­lu up­per­nermik ineriar­tor­titsinermik ilin­niar­tis­savatit. – Us­s 2:10-12.

12. Qitor­natit Biibilimi al­las­simasut tamarmik eq­qor­tuuneran­nik ilin­niar­tin­niarlugit qanoq as­sersuusiorsin­naavit?

¹² Biibilimi al­las­simasut tamarmik eq­qor­tuuneran­nik qitor­natit ilin­niar­tin­niarlugit as­sersuusiorsin­naavutit. As­sersuutigalugu Jobi 26:7 atuarsin­naavat. (Atuaruk). Qitor­nat oqarfigiin­nas­san­ngilat al­las­simaf­fim­mi paasis­sutis­saq Jehovameersuusoq. Takorluuisin­niarluguli ikius­savat. Oqarsin­naavutit Jobip nalaani inup­pas­suit nunarsuup silaan­narsuarmi qangatanera up­perin­ngik­kaat. Nalun­ngilaat sunaluun­niit, soorlu arsaq ujaral­lu, arlaan­nik tun­ngaveqar­tariaqar­toq. Taamani qin­nguteqaranilu avataarsualiar­taateqan­ngim­mat nunarsuup silaan­narsuarmi qangatanera up­per­narsineqar­nikuun­ngilaq. Qitor­navit taamaalil­luni paasis­savaa Biibilimi al­las­simasut itsaq al­lan­neqaraluar­tut Jehovameersuugamik eq­qor­tuujuaan­nar­tut. – Neh 9:6.

13, 14. Angajoq­qaat qitor­natik najoq­qutas­sianik Biibilimeersunik maleruaanermik qanoq ilin­niar­tis­sin­naavaat?

¹³ Qitor­navit aatsaat Biibilimi al­las­simasunik maleruaanik­kut pil­luarsin­naaneran­nik ilin­niar­tin­nis­saat pingaaruteqar­poq. (Tus­siaat 1:1-3 atuak­kit). As­sersuutigalugu qitor­natit qeqer­tamut nuut­tus­saal­lutik kik­kut ilagis­sanerlugit nam­min­neq aalajanger­tus­saal­lugu inun­nik qanoq it­tunik ilagisaqarusus­sanersut aperisin­naavatit. Taava Galatiamiut 5:19-23 atuarsin­naavatit Jehovap silarsuas­sami nutaami inuit qanoq it­tut inuus­sasut kis­saatigaa takutin­niarlugu.

¹⁴ Taamaalil­lutit qitor­natit marlun­nik pingaarutilin­nik ilin­niar­tis­savatit. Siul­ler­tut, pil­lualeq­qul­luta al­lanil­lu eq­qis­seqateqaq­qul­luta Jehovap ilin­niar­tit­tar­paatigut. Aap­paat­tut, silarsuas­sami nutaami inuunermut piareersarluta ilin­niar­tip­paatigut. (Es 54:13; Joh 17:3) Aam­ma qatan­ngutit­ta Biibili qanoq iluaqutigisimaneraat qitor­nan­nut oqalut­tuarisin­naavat. As­sersuutigalugu Biibililersaarutitsin­ni misigisalik­kersaarutit, soorlu Napasuliaq Alaper­naarsuif­fik-mi al­laaserisat “Biibili inuit inuuneran­nik al­lan­nguisitsisar­poq”, takutis­sin­naavatit. Imaluun­niit ilagiin­neersoq aperisin­naavat Jehovamit iluarisaalerumal­luni Biibili al­lan­nguil­luin­nar­nis­samut qanoq iluaqutigisimanerlugu qitor­nan­nut oqalut­tuarisin­naaneraa. – Hebr 4:12.

15. Qitor­nan­nik ilin­niar­titsinin­ni suut iluaqutigisin­naavigit?

¹⁵ Qitor­nan­nut ilin­niar­titsis­sutigisat pis­sanganarlunilu soqutiginar­nias­sam­mat takorluuisin­naas­sutsit ator­taruk. Jehova pil­lugu ilin­niar­ner­tik taas­sumun­ngalu qanil­liniar­ner­tik nuan­nariler­nias­sam­mas­suk ilin­niar­titseriaatsit as­sigiin­ngitsut atuk­kit. Peroriar­tor­til­lugit taamaalior­tuarit. Ataataasoq ima oqar­poq: “Sam­minikuusatit al­laanerusumik nas­suiarumal­lugit periutsit as­sigiin­ngitsut misilerar­tak­kit.”

16. Qitor­nan­nik ilin­niar­titsinin­ni erinitsajuin­nis­sat sooq pingaaruteqar­pa? As­sersuuteqarit.

¹⁶ Qitor­natit Jehovap anersaavanit ikior­neqar­nermik­kut up­per­nermin­nik ineriar­tor­titsisin­naap­put. (Gal 5:22, 23) Pif­fis­sarli sivisooq atorlugu up­persuseqarlualer­niar­tus­saam­mata erinitsajuil­lutit ilin­niar­tit­tuak­kit. Ataataasoq Japanimiu ima oqar­poq: “Nuliaralu pif­fis­sarujus­suaq atorlugu qitor­navut ilin­niar­tit­tar­pavut. Meeran­nguusul­li ul­lut tamaasa, ul­lut kristumiutut ataatsimiigiarfis­savut minil­lugit, minutsit 15-it atorlugit atuaq­qis­saaqatigisar­pak­ka. Taman­na taak­kunun­nga uagutsin­nul­lu ajor­nan­ngin­neruvoq.” Ilagiin­nik nak­kutil­liisoq ima al­lap­poq: “Inuusut­tuaraal­lunga qularutigisak­ka amerlasuut oqaasin­ngor­tin­neq ajor­pak­ka. Pif­fis­sap ingerlanerani taak­kua amerlaner­paar­taat ataatsimiin­ner­ni aam­ma ilaqutariit­tut nam­minerlu atuaq­qis­saar­nermi akis­sutis­sarsivak­ka. Taamaat­tumik angajoq­qaat ilin­niar­titsiuar­nis­saat pingaaruteqar­poq.”

17. Sooq angajoq­qaat maligas­siuil­luar­nis­saat pingaaruteqar­pa, aap­pariil­lu panim­min­nut qanoq maligas­saal­luar­pat?

¹⁷ Soorunami il­lit up­per­nik­kut maligas­siuinerit pingaaruteqarluin­nar­poq. Iliuutsitit maluginiar­tarmatigit up­per­nerit ineriar­tor­tit­tuaruk. Jehova ilin­nut qanoq piviusuutigisoq qitor­navit takusin­naasariaqar­paat. As­sersuutigalugu angajoq­qaat Bermudamiut er­numas­suteqaraangamik panitik Jehovamut siulersoq­qul­lutik qinoqatigisar­paat. Aam­ma qitor­natik nam­min­neq qinusaq­qul­lugit kajumis­saar­tar­paat. “Aam­ma panip­put angajul­leq ima oqarfigisar­par­put: ‘Er­numaval­laar­nak Jehova tatigil­luin­narlugulu Naalagaaf­fim­mut kif­far­tor­nermi ulap­puteqar­tuarit.’ Unam­miniar­nar­tut qaangeraangatsigit naluneq ajor­paa Jehovamit ikior­neqar­tugut. Taman­na Guutimut Biibilimul­lu up­per­neranut aalajangiisuul­luin­nar­poq.”

18. Angajoq­qaat suna puiun­ngisaan­nar­tariaqar­paat?

¹⁸ Angajoq­qaajususi, puiun­ngisaan­narsiuk qitor­nasi up­persuseqaq­qul­lugit pin­ngitsaalisin­naan­ngin­nas­sigit. Ilis­si ik­kus­suil­lusilu imer­terivusi, Jehovali kisimi naajar­tor­titsisin­naavoq. (1 Kor 3:6) Taamaat­tumik taan­na pil­lugu qitor­nasi asasasi ilin­niar­tit­tuarsigit, up­persuseqaleq­qul­lugil­lu ikior­neran­ni taas­suma anersaava qin­nutigisarsiuk. Tamaviaarlusi iliuuseqar­tar­nersi Jehovap pil­luaq­qus­sagaa qularin­ngis­sin­naavarsi. – Ef 6:4.