1, 2. (a) Ul­lumik­kut inup­pas­suit sunik ajor­nar­torsiuteqar­pat, qanorlu kinguneqar­tumik? (b) Esaja 41:10, 13-ilu tutsuiginar­tumik qanoq neriorsuuteqar­pat?

QATAN­NGUT ar­naq pioneri utoq­qaaner­tamil­lu uilik ima oqar­poq: “Anersaak­kut ingerlal­luaraluarlunga ukior­pas­suar­ni aarlerineq naner­tisimas­sutigisar­para. Taman­na sinis­saarus­sutigisar­para, peq­qiil­liulis­sutigaara, al­lanut pis­susilersor­tar­nin­nut sun­niuteqar­poq ilaan­nik­kul­lu piumas­suseerus­sutigisarlugu.”

² Qatan­ngutip misigis­susii paasisin­naavigit? Ajoraluar­tumik Saatanip silarsuaani ajor­tumi inuugat­ta tatineqangaar­tar­pugut. Soorlu kisaq umiatsiamik unin­ngatitsisar­toq, taamatut­taaq isumakuluuteqar­neq ingerlariaq­qin­nis­samut ajoqutaasin­naavoq. (Us­s 12:25) Sooq isumakuluuteqar­tar­pit? Im­maqa asasavit toqusimanera aliasuutigaat, perulup­putit imaluun­niit malersor­neqarlutit. Im­maqaluun­niit aningaasaqar­nik­kut ajor­nar­torsiuteqangaar­nis­sin­ni ilaqut­tatit ilungersorlutit pilersor­patit. Pif­fis­sap ingerlanerani misigis­sutsik­kut naner­tisimaneq qasoq­qalis­sutigisin­naavat im­maqalu al­laat nuan­naarun­naas­sutigalugu. Qularin­ngis­sin­naaval­li Guutip ilin­nik ikiuinis­samut piareeq­qanera. – Esaja 41:10, 13 atuak­kit.

3, 4. (a) Biibilimi oqaaseq ‘as­saat’ sumut as­sersuutaasar­pa? (b) Qasusunik as­saqaler­nitsin­nut suut pis­sutaasin­naap­pat?

 ³ Biibilimi timip pisatai pis­suserineqar­tus­sanut iliuutsinul­luun­niit as­sigiin­ngitsunut as­sersuutitut ator­neqakulasar­put. As­sersuutigalugu as­saat eq­qaaneqaqat­taar­put. Biibilimi inuup as­sai pis­satsis­simasut eq­qaaneqaraangata inuk qiim­mas­sar­neqarsimasoq, nakus­satsis­simasoq iliuuseqar­nis­samul­lu piareeq­qasoq pineqar­tar­poq. (Job 4:3; Es 35:3) Aam­ma as­saat pis­satsis­simasut isumal­luar­nermut siunis­samul­lu neriul­luar­nermut as­sersuutaasin­naap­put.

⁴ Biibilimi ilaan­nik­kut inuup as­sai nak­kangasut, imaluun­niit qasusut, eq­qaaneqaraangata inuk nikal­lungasoq neriuutaarut­torluun­niit pineqar­tar­poq. (2 Nal 15:7; Hebr 12:12) Ulapip­pal­laaraangavit, qasoq­qagaangavit Jehovamul­luun­niit at­taveqarluarun­naar­tutut misigigaangavit piumas­suseerus­sin­naasar­putit. Pis­satsin­nis­san­nut suut iluaqutigisin­naavigit? Piner­tusaar­nis­samut nuan­naar­nis­samul­lu qanoq kajumis­suseqalersin­naal­lutil­lu nakus­satsis­sin­naavit?

5. (a) Ajor­nar­torsiuteqaleraangat­ta qanoq misigisin­naasar­pugut, sunali eq­qaamas­savar­put? (b) Suut misis­sus­savavut?

⁵ Sefania 3:16, 17 atuak­kit. Ajor­nar­torsiuteqalerut­ta as­savut nak­kangatis­san­ngilavut, tas­sa ersiler­natalu nikal­lus­san­ngilagut. Petrusip ima kajumis­saar­paatigut: ‘Isumakuluutisi tamaasa taas­sumun­nga [Jehovamut] pisis­sigit.’ (1 Petr 5:7) Jehovap Ataatatut asan­nit­tutut inuiaqatigiit Israelik­kut isumas­sor­pai. Oqarfigai ‘talini ima naatsigin­ngitsoq an­naas­sisin­naanani’. Kif­fami ilumoorfigin­nit­tut an­naan­nis­saan­nut piareersimajuaan­nar­poq. (Es 59:1) Al­laaserisami matumani angutit pingasut pil­lugit Biibilimi oqalut­tuat Jehovap in­nut­taminik pis­satsitsinis­samut piumas­suseqar­neranik pis­saaneqar­neranil­lu ersersitsisut sam­mis­savavut. Oqalut­tuat ilin­nik qanoq pis­satsitsisin­naasut misis­soriar­tigu.

6, 7. Israelik­kut Amalekik­kun­nut ajugaanerat qanoq ilin­niarfigisin­naavar­put?

⁶ Israelik­kut Egyptenimi inus­siaataanermit aniguisitaanermik kingor­na Amalekik­kun­nit saas­sun­neqar­put. Mosesip Josva, angut sapiitsoq, Israelik­kut sorsuk­kiar­tor­neran­ni siulersueq­quaa. Taava Mosesip Aroni Hurilu qaq­qan­nguamut ungasin­ngitsumiit­tumut majuaqatigai. Tas­san­ngaan­niit sorsun­neq isigin­naarsin­naavaat. Angutit pingasut taak­ku ersil­lutik sorsut­tuniit qimaap­pat? Naamerluin­naq!

⁷ Mosesi pilersaarut Israelik­kut Amalekik­kun­nut sorsun­nermi ajugaas­sutigisaat malil­lugu ilior­poq. Ajaap­piaq Guutip ilumoor­tup tun­nius­saa qilaap tungaanut qul­lar­tis­simavaa. Taamaalior­neratigut Jehovap Israelik­kut Amalekik­kun­nut sorsun­nermi iluatsitsisit­tar­pai. Mosesil­li talii nukil­laarlutik nak­kangalermata Amalekik­kut iluatsitsisaler­put. Aroni Hurilu Mosesi ikior­niarlugu iliuuseqapal­lap­put. “Ujaq­qamik ingif­fis­sip­paat, tas­sungalu ingip­poq; Aronip Huril­lu il­lugiil­lutik Mosesip as­sai najum­mivaat taliilu qul­larsimatit­tuarlugit seqineq tarritserlugu.” Aap, Guutip talia  pis­saasoq pis­sutigalugu Israelik­kut sorsun­nermi ajugaap­put. – 2 Mos 17:8-13.

8. (a) Nubiamiut Judak­kun­nik saas­sus­silermata Asa sua? (b) Asa qanoq ilaarsin­naavar­put?

⁸ Jehovap aam­ma talini pis­saasoq atorlugu in­nut­tani kun­ngip Asap nalaani aniguisip­pai. Biibilimi sak­kutooqatigiit arlal­lit eq­qaaneqar­put, taak­kualu an­nersaat sak­kutuut 1.000.000-t misilit­tagaqarluar­tut Nubiamiumit Zeramit siulersor­neqar­put. Nubiamiut sak­kutuui Asap sak­kutuuinit marloriaatingajam­mik amerlanerup­put. Asa isumakululerlunilu an­nilaangalerlunilu nikal­lor­pa? As­sani nak­kangatiler­pai? Naamik! Asa ingerlaan­naq Jehovamut ikioq­quvoq. Nubiamiunut sorsun­neq sak­kutuup isaanit neriunaateqar­pasin­ngilaq. “Guutimul­li ajor­nar­toqan­ngilaq.” (Mat­t 19:26) ‘Asa inuunini tamaat uum­matimigut iluun­ngarluni Jehovamut ilumoormat’ Guutip pis­saaneratigut angingaar­tuk­kut ‘Nubiamiut ajorsar­titaap­put’. – 1 Kng 15:14; 2 Nal 14:7-12.

9. (a) Jerusalemip qarmarsuinik qarmaaq­qin­nis­samut Nehemiap suna unis­sutigin­ngilaa? (b) Nehemiap qin­nutaa Guutip qanoq akivaa?

⁹ Nehemiap Jerusalemimukarami suna takuaa? Juutit akeq­qat al­lamiut qunugalugit Jerusalemip qarmarsuinik sanaar­torun­naar­tut takuai. Il­loqarfik il­lersor­neqan­ngilaq, juutil­lu nikal­lungap­put. Nehemia qanoq misigiva? Nikal­lungaler­pa as­sanilu nak­kangatilerlugit? Naamik! Mosesi, Asa Jehoval­lu kif­fai aalajaatsut al­lat as­sigalugit Nehemiap Jehova tatigiuar­paa. Aam­ma pisumi tamatumani ikioq­qul­luni qin­nuigim­mani Jehovap Nehemia akivaa. Guutip ‘pis­saanersuani as­sanilu nukit­tooq’ atorlugit juutit pis­satsip­pai. (Nehemia 1:10; 2:17-20; 6:9 atuak­kit). Il­lit Jehovap ul­lumik­kut kif­fani pis­satsin­niarlugit ‘pis­saanersuani as­sanilu nukit­tooq’ ator­tarai up­peraajuk?

10, 11. (a) As­savut nak­kangaler­nias­sam­mata Saatani susar­pa? (b) Nakus­satsin­niarluta pis­satsin­niarlutalu Jehovap suut ator­tar­pai? (c) Jehovap ilitsersuutai qanoq iluaqutigisar­pigit?

¹⁰ Diaavulup as­sani sarliaan­nas­san­ngik­kai qularin­ngis­sin­naavar­put. Saas­sut­tuas­sal­lutalu kristumiutut suliavut unitsin­niar­tuas­savai. Sal­luliuutit aam­ma naalak­kersuisunit, up­perisarsior­nik­kut siut­tunit tunus­sisunil­lu sioorasaarutit ator­tar­pai. Sooq? Naalagaaf­fim­mik nutaarsias­saq nuan­nersoq oqaluus­sis­sutigineqarun­naas­sasoq kis­saatigigamiuk. Jehovali uagutsin­nik ikiuinis­samut piumas­suseqarlunilu pis­saaneqarlunilu nakus­satsin­niarluta anersaaminik il­ler­nar­tumik tunisisar­poq. (1 Nal 29:12) Saatani taas­sumalu silarsuaa ajor­toq akior­tuarsin­naanias­sagatsigit Guutip anersaavata qin­nutigisar­nis­saa pingaaruteqarluin­nar­poq. (Tus­s 18:40;  1 Kor 10:13) Aam­ma Guutip oqaasianit ikior­neqar­tar­ner­put qujamasuutigeqaar­put. Eq­qarsaatigik­kit­taaq qaam­matit tamaasa Biibililersaarutitsin­nit ilik­kagar­pas­suavut. Zakaria 8:9, 13 (atuak­kit) Jerusalemimi naalaf­fiup sanaar­toq­qin­neqar­nerani al­lan­neqaraluar­tut iluaqutigingaarsin­naavavut.

¹¹ Jehovap aam­ma kristumiutut ataatsimiin­nerit, ataatsimeersuar­nerit ilin­niarfiil­lu as­sigiin­ngitsut aq­qutigalugit ilitsersor­tar­paatigut. Taamatut ilitsersor­neqar­ner­put eq­qor­tunik pis­sutiginiagaqarluta Guutimut kif­far­tor­nis­samut, anguniagaqar­nis­samut kristumiutul­lu akisus­saaf­fip­pas­suat­ta isumaginis­saan­nut iluaqutigisar­par­put. (Tus­s 119:32) Nakus­satsik­kumal­lutit Jehovap ilitsersuutai iluaqutigisar­pigit?

12. Nukit­tujuarumal­luta susariaqar­pugut?

¹² Jehovap in­nut­tani Amalekik­kun­nut Nubiamiunul­lu ajugaatip­pai, aam­ma Nehemia juutil­lu Jerusalemip qarmarsuinik naam­mas­sin­nin­nis­samut pis­satsip­pai. Taamatut­taaq isumakuluuteqar­taraluar­tugut oqaluus­sinermilu akerlilersor­neqar­taraluar­tugut tusarusut­toqan­ngik­kaluar­torlu Guutip oqaluus­siuar­nis­samut pis­satsit­tar­paatigut. (1 Petr 5:10) Jehovap tupin­nar­tulior­nik­kut ajor­nar­torsiutivut piis­sagai naatsorsuutigis­san­ngilar­put. Paarlat­tuanil­li iliuuseqar­tariaqar­pugut. Qanoq? Ul­lut tamaasa Guutip oqaasia atuar­tariaqar­par­put, sapaatit-akun­neri tamaasa ataatsimiin­ner­nut piareersar­tariaqarlutalu ataatsimiigiar­tariaqar­pugut, nam­mineq ilaqutariit­tul­lu atuaq­qis­saar­tuar­tariaqar­pugut tatigin­nil­lutalu Jehovamut qinujuar­tariaqarluta. Jehovap nakus­satsitseriaasiisa qiim­mas­saariaasiisalu iluaqutiginis­saan­nut suul­luun­niit akor­nutigin­ngisaan­nas­savavut. Taak­kua arlaan­nut tun­ngatil­lugu as­satit nak­kangasut paasiguk­ku Guutimut ikioq­qul­lutit qinugit. Taamaalioruit Guutip anersaavata ‘piumas­suseqar­til­lutil­lu naam­mas­sisaqar­tis­savaatit’. (Fil 2:13) Qanorli al­lat as­saat pis­satsis­sin­naavigit?

13, 14. (a) Qatan­ngut nuleer­neq qanoq nakus­satsin­neqar­pa? (b) Al­lat qanoq nakus­satsis­sin­naavavut?

¹³ Jehova nunarsuaq tamak­kerlugu qatan­ngutigiis­suar­nik tapersersueqatigiit­tar­tunik pilersitsivoq. Apustili Paulusi ima al­lap­poq: “As­saat qasusut seeq­qul­lu nukil­laar­tut pis­satsis­sigit, narlumuin­narlu pisul­lusi ingerlagitsi.” (Hebr 12:12, 13) Kristumior­pas­suit siul­liit qatan­ngutimin­nit taamatut ikior­neqar­tar­put. Aam­ma ul­lumik­kut taamaap­poq. Qatan­ngut nuleer­neq al­latigul­lu erloqinar­tunik nalaataqarsimasoq eq­qarsaatigiuk. Ima oqar­poq: “Paasivara qaquguk­kut qanorlu akulikitsigisumik misilin­neqas­sanerluta nam­mineq aalajangersin­naan­ngik­kip­put. Qinuneq nam­minerlu atuaq­qis­saar­neq anersaak­kut an­nas­sutigaak­ka. Anersaak­kul­lu qatan­ngutin­nit tapersersor­neqar­neq tup­pal­lersaatigeqaara. Paasivara erloqinar­torsiulin­ngin­nermi Jehovamut at­taveqarlualer­nis­saq pingaaruteqarluin­nar­toq.”

¹⁴ Amalekik­kun­nut sorsun­nermi Aroni Hurilu Mosesip taliinik qul­larsimatitsinermik­kut ikiuip­put. Uagut­taaq al­lanik tapersersuinis­samut ikiuinis­samul­lu periarfis­sarsiorsin­naavugut. Qatan­ngutit­ta  ilaat ukioq­qor­tusiner­tik, peq­qiil­lior­ner­tik, ilaqut­tamin­nit malersor­neqar­ner­tik, kiserlior­ner­tik asasamin­nil­luun­niit an­naasaqar­ner­tik pis­sutigalugu erloqip­put. Aam­ma inuusut­tut ajor­tulior­nis­samut silarsuarmiluun­niit iluatsin­nis­samut tatineqarajut­tut nakus­satsis­sin­naavavut. (1 Th 3:1-3; 5:11, 14) Naalagaaf­filersaarfim­mi, oqaluus­sinermi, nereqatigiin­nermi oqarasuaatik­kul­luun­niit oqaloqateqar­nermi ilumoorluni soqutigin­nin­nermik ersersitsiniar­tas­saagut.

15. Oqaatsit qiim­maal­lan­nar­tut qatan­ngutitsin­nut qanoq sun­niuteqarsin­naap­pat?

¹⁵ Asap tupin­naan­nar­tumik Nubiamiut sak­kutuuinut amerlaqisunut ajugaanerata kingor­na pruf­fiiti Azarja kun­ngimik in­nut­taanil­lu ima kajumis­saarivoq: “Tatitusaaritsi, as­sasi nak­kaan­nar­teqinasigit, suliarsimi akis­sarsis­sutigiumaar­parsi.” (2 Nal 15:7) Taman­na Asap ilumoor­tumik pal­lorfigin­nin­neq atuutilerseq­qik­kumal­lugu arlalitsigut al­lan­nguinis­samut kajumis­sis­sutigaa. Taamatut­taaq oqaatsivut qiim­maal­lan­nar­tut al­lat Jehovamut kif­far­tor­tuar­nis­samut kajumis­sis­sutigisin­naavaat. (Us­s 15:23) Aam­ma ataatsimiin­ner­ni qiim­maal­lan­nar­tunik akis­suteqaraangavit qatan­ngutivit nakus­satsin­neqar­tar­nerat puiun­ngisaan­nas­savat.

16. (a) Utoq­qaaner­tat Nehemia qanoq ilaarsin­naavaat? (b) Qatan­ngutin­nit qanoq ikior­neqarsimanerlutit oqalut­tuariuk.

¹⁶ Jehovap ikiuineratigut Nehemiap  juutil­lu as­saat pis­satsin­neqar­put. Ul­lut 52-it ingerlanerin­naan­ni Jerusalemip qarmarsui naam­mas­sivaat! (Neh 2:18; 6:15, 16) Nehemiap al­lat sulisut isigin­naagin­nan­ngilai. Jerusalemip qarmarsuinik sanaar­tor­nermi suleqataavoq. (Neh 5:16) Taamatut­taaq utoq­qaaner­tat amerlasuut Nehemia ilaarlugu naalagaaf­filersaarfin­nik sanaar­tor­nermi, eq­qiaanermi aserfal­latsaaliuinermiluun­niit suleqataasar­put. Angutit asan­nit­tut taak­kua aam­ma qatan­ngutitik “uum­matimik­kut qus­salasut” pulaar­nerisigut oqaluus­seqatiginerisigul­lu pis­satsit­tar­paat. – Esaja 35:3, 4 atuak­kit.

17, 18. Ajor­nar­torsiuteqarut­ta isumakuluuteqarut­taluun­niit suna qularin­ngis­sin­naavar­put?

¹⁷ Qatan­ngutivut suleqatigigaangatsigit ataasius­suser­put nakus­satsit­tar­poq. Aam­ma qaqugorsuarmut ikin­ngutis­satsin­nik ikin­ngutitaar­tarlutalu qanit­tuk­kut Guutip naalagaaf­fianit pil­luaq­quneqar­nis­satsin­nik up­perin­nin­ner­put nakus­satsit­tar­poq. Al­lat as­saat pis­satsik­kaangatsigit erloqinar­torsior­nermin­ni piner­tusaar­nis­samut siunis­samul­lu tun­ngatil­lugu neriul­luar­tuar­nis­samut ikior­tar­pavut. Aam­ma al­lanik ikiuiner­put as­satsin­nik pis­satsitsisarlunilu siunis­samik nuan­nersumik eq­qarsaatigin­nin­nis­samut iluaqutigisar­par­put.

¹⁸ Itsaq Jehova kif­faminik qanoq ikiuil­lunilu il­lersuisoq eq­qarsaatigigaangatsigu taan­na up­perinerulerlugulu tatigineruler­tar­par­put. Taamaat­tumik ajor­nar­torsior­nin­ni isumakulun­nin­nilu “as­satit nak­kangatin­naviik­kit!” Qularin­ngis­sin­naavat ikioq­qul­lutit Jehovamut qinuguit taas­suma talianit pis­saasumit nakus­satsin­neqar­nis­sat qanit­tuk­kul­lu Naalagaaf­fim­mit pil­luaq­quneqar­nis­sat. – Tus­s 73:23, 24.