1, 2. Sooq Jehovap Nalunaajaasui atisalersor­nermut qutsis­sunik najoq­qutas­siaqar­pat? (Al­laaserisap aal­laq­qaataani as­seq takuuk).

HOL­LANDIMI palasit ataatsimiin­nermin­ni atisalersoriaasiat aviisimi ima al­laatigineqar­poq: “Amerlasuut, ingam­mik kiatsil­lugu, ul­luin­narsiutaasunik atisaqar­tar­put.” Aviisimili tas­sani Jehovap Nalunaajaasui ataatsimeersuar­nermin­ni taamatut atisalersoriaaseqar­neq ajor­tut al­laatigineqar­poq. Al­las­simavoq nukap­piaq­qat angutil­lu as­suuteqarlutil­lu qiler­neruseqar­tar­tut aam­ma niviarsiaq­qat ar­nal­lu mutinik naleq­qut­tumil­li takis­susilin­nik atequteqar­tar­tut. Jehovap Nalunaajaasui atisalersoriaaser­tik pil­lugu nersualaar­neqakulasar­put. Apustili Paulusi al­lap­poq kristumiut Guutip kif­faanut naleq­qut­tunik “isor­naatsunik perroor­niutaan­ngitsunil­lu atisaqas­sasut”. (1 Tim 2:9, 10) Paulusi ar­nat pil­lugit al­lak­kaluar­toq najoq­qutas­siaq kristumiut angutit aam­ma maleruar­tus­saavaat.

² Atisalersor­nermut najoq­qutas­siat qutsis­sut Jehovap in­nut­taasa Guutil­lu pal­lorfigisat­ta pingaar­tip­paat. (1 Mos 3:21) Biibilimi ersaris­sumik al­las­simavoq Jehova, nunami  qilam­milu Kisimi Oqar­tus­saasoq, kif­fami atisalersoriaasian­nut tun­ngatil­lugu najoq­qutas­siaqar­toq. Taamaat­tumik atisat nuan­narisat­ta toq­qar­nis­saat pingaar­nerunani Jehovamut, Naalak­kamut Kisimi Oqar­tus­saasumut, iluarinar­tut toq­qar­nis­saat pingaar­neruvoq.

3. Inatsisini Guutip Israelik­kun­nut tun­nius­saani atisalersoriaaseq pil­lugu suna paasivar­put?

³ Mosesip inatsisaani Israelik­kut inuiaqatigiin­nut eq­qamin­niit­tunut kinguaas­siuutitigut inuunerlut­tunut il­lersuutigisaan­nik malit­tarisas­siaqar­poq. Inatsisini Jehovap atisalersoriaatsinik angutinik ar­nanil­lu im­mik­koor­titsiuminaatsitsisunik iluarin­nin­ngil­luin­nar­nera ersersin­neqar­poq. (5 Mosesi 22:5 atuaruk). Ul­lumik­kut taamatut atisalersoriaaseqar­neq nalingin­naavoq. Inatsisinit paasivar­put Jehovap atisalersoriaatsit angutinik ar­nar­palulersitsisut ar­nanil­lu anguter­palulersitsisut imaluun­niit angutinik ar­nanil­lu im­mik­koor­titsiuminaalersitsisut iluarin­ngik­kai.

4. Atisalersoriaatsimut tun­ngatil­lugu kristumiut silatusaar­tumik aalajangiinis­samut suut iluaqutigisin­naavaat?

⁴ Atisalersoriaatsimut tun­ngatil­lugu silatusaar­tumik aalajangiinis­samut najoq­qutas­siat Biibilimeersut iluaqutigisin­naavavut. Najoq­qutas­siat taak­ku sumi najugaqar­ner­put, silap pis­susaa kulturer­pul­lu apeq­qutaatin­nagit maleruarsin­naavavut. Atisat suut akuerineqarsin­naasut pil­lugit al­lat­torsimaf­fiit takisuut pisariaqar­tin­ngilavut. Atisanik nuan­narisatsin­nik toq­qaaniar­nermi najoq­qutas­siat Biibilimeersut maleruaan­narsin­naavavut. Taak­kua ilaat ‘Guutip piumasaatut ajun­ngitsumik, iluarinar­tumik naam­mal­luin­nar­tumil­lu’ aalajangiinis­samut iluaqutigisin­naasavut misis­soriar­tigit. – Rom 12:1, 2.

5, 6. Atisalersoriaaser­put al­lanut qanoq sun­niuteqar­tariaqar­pa?

⁵ Apustili Paulusi Korinthimiunut al­lak­kat aap­paat 6:4-mi najoq­qutas­siap pingaarutil­lip al­lan­nis­saanut isumas­sarsisin­neqar­poq. (Atuaruk). Isik­kor­put qanoq it­tuunitsin­nik ersersitsisarmat taman­na tun­ngavigalugu inup­pas­suit isum­merfigisar­paatigut. (1 Sam 16:7) Guutimut kif­faagat­ta iluarisavut nuan­narisavul­lu kisiisa eq­qarsaatigineq ajor­pavut. Najoq­qutas­sianik Biibilimeersunik maleruaaner­put at­tuumaval­laar­tunik timil­lu pisataanik aalajangersimasunik ersersitsisunik atisaqar­tan­ngin­nis­samut iluaqutigis­savar­put. Tas­sa atisat tiingarusulersitsisut ator­tas­san­ngilavut. Atisalersoriaaser­put al­lat peq­qusiileqilis­sutigis­sanagulu al­lamut qiviar­tariaqar­tutut misigilis­sutigis­san­ngilaat.

 ⁶ Pikatan­ngitsumik, ipiitsumik isor­naatsumil­lu atisalersoriaaseqarut­ta isik­korik­kut­talu im­maqa al­lat Jehovap, Naalak­kap Kisimi Oqar­tus­saasup, kif­faasut ataq­qinerulis­savaatigut. Aam­ma imaas­sin­naavoq Guutimik pal­lorfigisatsin­nik soqutigin­nin­nerulis­sasut, peqatigiis­sor­tatsin­nik ataq­qin­nin­nerulis­sasut tusarlius­satsin­nul­lu an­nas­sutaasin­naasumut tusarusun­nerus­sasut.

7, 8. Pingaar­tumik qaquguk­kut atisalersoriaaser­put eq­qumaf­figisariaqar­par­put?

⁷ Atisalersoriaaser­put Guutitsin­nut il­ler­nar­tumut, qatan­ngutitsin­nut inun­nul­lu oqaluus­sif­figisatsin­nut sun­niuteqar­tarmat tusarlius­samut oqaluus­sis­sutigisatsin­nut Jehovamul­lu ataq­qinaataasumik atisalersoriaaseqar­tariaqar­pugut. (Rom 13:8-10) Pingaar­tumik kristumiutut ataatsimiin­ner­ni oqaluus­sinermilu qanoq atisalersoriaaseqar­nerluta eq­qumaf­figisariaqar­par­put. Guutimik pal­lorfigin­nit­tunut naleq­qut­tumik atisalersoriaaseqar­tariaqar­pugut. (1 Tim 2:10) Soorunami atisat ilaat sumiif­fim­mi aalajangersimasumi naleq­quk­kaluar­tut al­lami naleq­qun­neq ajor­put. Taamaat­tumik sumiik­kaluarut­taluun­niit  Jehovamik Nalunaajaasuugat­ta atisalersoriaaser­put al­lanut narrujuum­minar­tuus­san­ngilaq.

⁸ 1 Korinthimiut 10:31 atuaruk. Ataatsimeersuar­ner­ni naleq­qut­tunik isor­naatsunil­lu atisaqar­tariaqar­pugut. Silarsuarmi inup­pas­suit ingasat­tajaar­tumik atisalersoriaasil­lit ilaas­san­ngilavut. Al­laat ataatsimeersuar­nerup sior­na kingor­nalu aam­ma hotelimut inis­sileraangat­ta hotelimil­lu anigaangat­ta atisavut ul­luin­narsiutaanatik kusanar­tariaqar­put. Taamaalil­luta tul­luusimaarluta Jehovamik Nalunaajaasuuner­put oqaatigisin­naas­sal­lugulu qaquguk­kul­luun­niit oqaluus­sinis­samut piareersimas­saagut.

9, 10. Sooq Filip­pimiut 2:4 atisalersoriaatsitsin­nut sun­niuteqar­tariaqar­pa?

⁹ Filip­pimiut 2:4 atuaruk. Sooq atisalersoriaaser­put qatan­ngutitsin­nut qanoq sun­niuteqar­nersoq eq­qarsaatigisariaqar­par­put? Guutip in­nut­taasa siun­nersuum­mik matumin­nga sapin­ngisamik maleruaaniar­tar­nerat pis­sutaasut ilagaat: “Taamaat­tumik toqutis­sigit nunamut atasut ilis­sin­niit­tut: Kinguaas­siuutitigut inuunerlun­neq, mingut­tuuneq, pileritsaas­sineq.” (Kol 3:2, 5) Qatan­ngutit­ta ilaat kinguaas­siuutitigut inuunerluk­kun­naareeraluarlutik pileris­susipiloqar­nermik suli akiugaqar­put. Mianersun­ngik­kut­ta atisalersoriaaser­put pis­sutigalugu siun­nersuutinik Biibilimeersunik maleruaanis­sar­tik pileris­susipiloqan­ngin­nis­sar­til­lu saper­nar­nerulersis­sin­naavaat. (1 Kor 6:9, 10) Eq­qun­ngitsunik akiugaqar­nerat saper­nar­nerulersik­kusun­ngilar­put, ilaa?

¹⁰ Qatan­ngutivut peqatigigaangatsigit inun­nut kinguaas­siuutitigut inuunerlun­nermik siuarsaasunut il­lersor­neqar­tar­pugut. Ataatsimiin­ner­ni sun­ngif­fim­miluun­niit peqatigiik­kaluarut­ta atisalersoriaaser­put ilagiit minguitsuuneran­nik ersersitsisariaqar­poq. Atisanik qanoq it­tunik toq­qaanis­samut kif­faan­ngis­suseqaraluarluta al­lat Guutip isaani minguitsunik eq­qarsaateqar­nis­samut, oqaloriaaseqar­nis­samut pis­suseqar­nis­samul­lu iluaqutigisaan­nik atisaqar­tariaqar­pugut. (1 Petr 1:15, 16) Asan­nin­neq ilumoor­toq ‘kan­ngunar­tulior­tar­nanilu nam­minis­sarsior­tan­ngilaq’. – 1 Kor 13:4, 5.

11, 12. Oqaluus­sisar­tup oqaasii 3:1, 17-ilu ingasaas­sinaveersaar­nis­samut qanoq iluaqutigaavut?

¹¹ Guutip kif­fai atisanik toq­qaaleraangamik naluneq ajor­paat ‘pisar­tut ilior­neril­lu tamarmik pif­fis­saligaasut’. (Oqal 3:1, 17) Silap pis­susaa, ukiup qanoq ilinera, inuunermi atugarisat pis­sutsil­lu atisalersoriaatsitsin­nut sun­niuteqarsin­naap­put. Jehoval­li najoq­qutas­siai al­lan­ngun­ngisaan­nar­put. – Mal 3:6.

¹² Nunani kiat­tuni isor­naatsunik atisaqar­nis­saq qulak­keeruminaan­nerusin­naavoq. Qatan­ngutit angutit ar­nal­lu at­tuumaval­laan­ngitsunik timil­lu pisataanik nuisaval­laar­titsin­ngitsunik atisaqar­ner­put qujamasuutigisar­paat. (Job 31:1) Aam­ma sis­samiik­kut­ta  nalut­tarfim­miik­kut­taluun­niit naluusivut isor­naatsuusariaqar­put. (Us­s 11:2, 20) Al­laat silarsuarmi naluusit timip pisataanik nuisatitsival­laar­tut nalingin­naagaluar­tut atisat­ta Guutimut il­ler­nar­tumut, Jehovamut, ataq­qinaataanis­saat qulak­keer­tariaqar­par­put.

13. Sooq Korinthimiunut al­lak­kat siul­liit 10:32, 33-ilu atisanik toq­qaariaatsitsin­nut sun­niuteqar­tariaqar­pat?

¹³ Najoq­qutas­siaq al­la pingaarutilik atisanik toq­qaaniar­nitsin­nut sun­niuteqar­tariaqar­poq. Al­lat nalun­ngeqatigin­nis­sutaat in­nimigisariaqar­pavut. (1 Korinthimiut 10:32, 33 atuak­kit). Qatan­ngutitsin­nik Jehovamul­lu kif­faan­ngitsunik narrujuum­misitsisunik atisaqan­ngin­nis­sar­put akisus­saaf­figaar­put. Apustili Paulusi ima al­lap­poq: “Tamat­ta im­mik­kut eq­qarsaatigis­savavut tul­lit­ta iluaqutis­saat ineriar­tor­nis­saal­lu.” Paulusip nangil­luni pis­sutaasoq ima eq­qaavaa: “Kristusiluun­niim­mi im­minut eq­qarsaatigin­ngilaq.” (Rom 15:2, 3) Jiisusi as­sigalugu Guutip piumasaa al­lanil­lu ikiuineq nuan­narisatsin­nit pingaar­nerutit­tariaqar­pavut. Taamaat­tumik atisat nuan­narisavut al­lat tusarlius­satsin­nut tusar­naarun­naas­sutigisin­naasaat toq­qar­tas­san­ngilavut.

14. Angajoq­qaat qitor­natik atisalersoriaatsik­kut Guutimik ataq­qinarsisitsinermik qanoq ilin­niar­tis­sin­naavaat?

¹⁴ Kristumiut angajoq­qaat qitor­natik najoq­qutas­sianik Biibilimeersunik maleruaanis­saan­nik ilin­niar­tit­tus­saavaat. As­sersuutigalugu ilaqutariit­tut isor­naatsumik atisalersoriaaseqar­nik­kut isik­koris­sar­tar­nik­kul­lu Guutimik nuan­naar­titsinis­sar­tik qulak­keer­tariaqar­paat. (Us­s 22:6; 27:11) Angajoq­qaat qitor­natik Guutitsin­nik il­ler­nar­tumik taas­sumalu najoq­qutas­siaanik ataq­qin­nileq­qul­lugit qanoq ilin­niar­tis­sin­naavaat? Qitor­namin­nut maligas­siuil­luar­nermik­kut. Aam­ma sumi atisanik naleq­qut­tunik pisisoqarsin­naasoq asan­nit­tumik ilin­niar­titsis­sutigisariaqar­paat. Qitor­naasut atisanik nuan­narisaan­narmin­nik toq­qaanis­saat pingaar­nerunani atisanik Jehovamik, Guutimik sin­niisuuf­figisamin­nik, ataq­qinarsisitsisunik toq­qaanis­saat pingaar­neruvoq.

15. Suna silatusaar­tumik aalajangiisar­nis­samut iluaqutigis­savar­put?

¹⁵ Guutimut ataq­qinaataasumik silatusaar­tumik aalajangiisar­nis­samut Biibili iluaqutigaar­put. Taamaak­kaluar­torli atisavut inut­tut nuan­narisatsin­nik ersersitsisar­put. Atisalersoriaatsit nuan­narisavut atisal­lu akis­saqar­titavut al­lanit al­laanerusin­naap­put. Atisavul­li pikatat­tuunatik ipiitsuus­sap­put, isor­naatsuus­sap­put, pis­sutsinut naleq­qutuus­sap­put il­loqarfitsin­nilu akuerinar­tuus­sal­lutik.

16. Sooq atisanik naleq­qut­tunik ujarler­neq im­minut akilersin­naava?

¹⁶ Atisanik isor­naatsunik naleq­qut­tunil­lu pis­sarsinis­saq ajor­nakusoorsin­naasar­poq. Pisiniarfip­pas­suit taamaal­laat atisanik mutinik tuniniaasar­put. Taamaat­tumik atequtinik, kjolenik, tujuuluaq­qanik angutinul­lu as­suutinik at­tuumaval­laan­ngitsunik isor­naatsunil­lu ujarler­neq pif­fis­sar­tor­narsin­naal­lunilu ilungersor­nar­nerusin­naavoq. Qatan­ngutit­tali kusanar­tunik naleq­qut­tunil­lu atisarsiumal­luta iliuuserisavut maluginiar­tarlugil­lu qujamasuutigisar­paat. Ataatatsin­nik  qilam­miusumik asan­nit­tumik ataq­qinarsisitsinerup nalerisimaar­nar­tua iliuuserisanit al­lanit tamanit nal­ler­nis­saqan­ngilaq.

17. Qatan­ngutip angutip umeqarsin­naaneranut suut aalajangiisuusin­naap­pat?

¹⁷ Qatan­ngutit angutit umeqarsin­naap­pat? Mosesip inatsisaani angutit umeqar­nis­saat piumasarineqar­poq. Kristumiul­li Mosesip inatsisaanik maleruaasariaqan­ngil­lat. (3 Mos 19:27; 21:5; Gal 3:24, 25) Kulturit ilaan­ni pikatan­ngitsunik umeqar­neq akuerineqarsin­naasarlunilu inuit tusarlius­samut tusar­naar­nis­samut ajoqutigineq ajor­paat. Aam­ma qatan­ngutit angutit akisus­saaf­fil­lit ilaat umeqar­put. Taamaat­torli qatan­ngutit ilaat umeqar­niar­natik aalajangersin­naap­put. (1 Kor 8:9, 13; 10:32) Kulturit sumiif­fiil­lu ilaan­ni umeqar­neq nalingin­naananilu Jehovamik Nalunaajaasunut naleq­qutin­ngitsutut isigineqar­tar­poq. Al­laat qatan­ngutip umeqar­nini Guutimik ataq­qinarsisitsinis­samut ‘as­suar­naatsuunis­samul­lu’ ajoqutigisin­naavaa. – 1 Tim 3:2, 7; Rom 15:1-3.

18, 19. Mika 6:8 qanoq iluaqutigaar­put?

¹⁸ Jehovap atisat isik­koris­sar­neril­lu qanoq it­tut akuerineqarsin­naaneran­nut al­lat­torsimaf­fin­nik takisuunik tunineq ajormatigut qujamasuutigaar­put. Najoq­qutas­sial­li Biibilimeersut tun­ngavigalugit ingasaas­sinian­ngitsumik aalajangiinis­samut kif­faan­ngis­susermik tunivaatigut. Taamaat­tumik al­laat atisanut isik­koris­sar­nermul­lu tun­ngatil­lugu aalajangiisar­nik­kut ‘Guutimut kif­far­tor­nitsin­ni maniguun­ner­put’ ersersis­sin­naavar­put. – Mika 6:8, NW.

¹⁹ Maniguul­luta nas­suerutigaar­put Jehova minguil­lunilu il­ler­nar­tuum­mat taas­suma najoq­qutas­siaanik maleruaaneq uagutsin­nut pitsaanerujuaan­nar­toq. Maniguuk­kusuk­kut­ta najoq­qutas­siai inuunitsin­ni maleruas­savavut. Aam­ma maniguuk­kut­ta al­lat misigis­susii isumaal­lu ataq­qis­savavut.

20. Atisalersoriaaser­put isik­koris­sariaaser­pul­lu al­lanut qanoq sun­niuteqar­tariaqar­pat?

²⁰ Atisalersoriaatsitsigut Jehovamut kif­faaner­put takuneqarsin­naasariaqar­poq. Jehovap najoq­qutas­siai qutsis­sut maleruas­sal­lugit nuan­naraar­put. Qatan­nguter­pas­suit isik­koris­sar­tar­ner­tik pis­suseris­saar­ner­til­lu pil­lugu nersualaar­neqar­tariaqar­put. Taman­na inuit eq­qor­tuliorusut­tut Biibilip tusarlius­saanut an­nas­sutaasin­naasumut kajungilis­sutigisarlugulu Jehovamut ataq­qinaataal­lunilu nuan­naarutaasar­poq. Atisanut tun­ngatil­lugu silatusaar­tumik aalajangiisarut­ta Jehovamik, ‘ataq­qinangaarsusermik alutor­nas­susermil­lu atisaqar­tumik’, ataq­qinarsisitsis­saagut. – Tus­s 104:1, 2.