1, 2. (a) Im­minut naalak­kersin­naan­ngin­neq qanoq kinguneqarsin­naava? (b) Sooq im­minut naalak­kersin­naaneq sam­misariaqar­par­put?

IM­MINUT naalak­kersin­naaneq pis­susiuvoq Jehovamit Guutimit ikior­neqarluta ineriar­tor­tis­sin­naasar­put. (Gal 5:22, 23) Jehova naam­mal­luin­nar­tuugami im­minut naalak­kersin­naal­luar­poq, uagul­li naam­mal­luin­nan­ngitsuuvugut. Im­minut naalak­kersin­naan­ngin­neq pis­sutigalugu ul­lumik­kut inuit ajor­nar­torsiuter­pas­suaqar­put. Im­minut naalak­kersin­naan­ngik­kaan­ni iliuuserisas­sanik pingaarutilin­nik kinguar­titerisoqarsin­naavoq, imaluun­niit atuarfim­mi sulif­fim­miluun­niit ilaan­nakuusumik suliaqar­toqarsin­naavoq. Aam­ma im­minut naalak­kersin­naan­ngin­nerup uku kingunerisin­naavai: Oqaasipilun­neq, imerajun­neq, nakuuser­neq, avin­neq, pisariaqan­ngitsumik akiitsoqar­neq, pin­ngitsuuisin­naan­ngin­neq, par­naarus­saaneq, misigis­sutsik­kut an­niaateqar­neq, kinguaas­siuutitigut tunil­laat­tar­tunik nap­paateqar­neq kis­saatigin­ngisamil­lu naar­tuler­neq. – Tuss 34:12-15.

² Inuit im­minut naalak­kersin­naan­ngitsut im­minut ajor­nar­torsior­tit­tar­put al­lanil­lu ajor­nar­torsior­titsisarlutik.  Pif­fis­sap ingerlanerani erseq­qis­siar­tuin­nar­poq inuit im­minut naalak­kersin­naajun­naaralut­tuin­nar­tut. Taman­na tupaal­laatigis­san­ngilar­put Guutim­mi oqaasiani siulit­tuutigineqar­poq im­minut naalak­kersin­naan­ngin­neq “ul­lus­sani kingul­ler­ni” inuunitsin­nut nalunaaqutit ilagis­sagaat. – 2 Tim 3:1-3.

3. Sooq im­minut naalak­kersin­naasariaqar­pugut?

³ Sooq im­minut naalak­kersin­naasariaqar­pugut? Pingaarutil­lit marluk pis­sutigalugit. Siul­lermik, misigis­sutsimin­nik aqutsisin­naasut ajor­nar­torsiutikin­nerusar­put. Aam­ma al­lanut at­taveqarluar­nerusar­put aam­ma kaman­neq, isumakulun­neq nikal­lungarujus­suar­nerlu pin­ngitsoor­tit­tar­paat. Aap­pas­saanik, Guutimut ikin­ngutaajuas­sagut­ta us­ser­nar­tut akior­tariaqar­pavut kis­saatigisavul­lu eq­qun­ngitsut iliuuserinaveersaarlugit. Adami Evalu taamaaliun­ngitsoor­put. (1 Mos 3:6) Taak­ku as­sigalugit inup­pas­suit ul­lumik­kut im­minut naalak­kersin­naan­ngin­namik ajor­nar­torsiuter­pas­suaqar­put.

4. Kis­saatipilun­nik akiugaqar­tut suna qiim­maal­laatigisin­naavaat?

⁴ Jehovap nalun­ngilaa naam­mal­luin­nan­ngitsuusugut im­minul­lu naalak­kersin­naaneq ajor­nakusoor­tit­tarip­put. Kis­saatipilun­nik akiuinitsin­ni ikiorusup­paatigut. (1 Kng 8:46-50) Ikin­ngutitut asan­nit­tutut misigis­sutsimin­nik kis­saatimin­nil­lu aqutsiuminaatsitsisut kaam­mat­tor­pai. Al­laaserisami matumani Jehovap im­minut naalak­kersin­naanera ilin­niarfigis­savar­put. Aam­ma maligas­saal­luar­tut maligas­siuinerlut­tul­lu Biibilimi oqalut­tuarineqar­tut siun­nersuutil­lu iluaqutigisin­naasavut sam­mis­savavut.

5, 6. Jehovap im­minut naalak­kersin­naanermut tun­ngatil­lugu qanoq maligas­sip­paatigut?

⁵ Jehova sutigut tamatigut naam­mal­luin­nar­tuugami im­minut naalak­kersin­naal­luar­poq. (5 Mos 32:4) Uagul­li naam­mal­luin­nan­ngitsuuvugut. Jehovali ilaar­nerusin­naajumal­lugu im­minut naalak­kersin­naanera misis­sus­savar­put. Taman­na narrujuum­mis­sutigisatsin­nik pisoqaraangat tamatuma eq­qor­tumik qisuariarfiginis­saanut iluaqutigis­savar­put. Jehovap im­minut naalak­kersin­naaneranik oqalut­tuat misis­soriar­tigit.

⁶ Saatani Edenimi pikitsitsim­mat Jehovap qisuariar­nera eq­qarsaatigiuk. Diaavulup un­nerluutigin­nin­nera pis­sutaal­luni Guutip kif­fai ilumoorfigin­nit­tut qilam­mi tuparujus­suarlutil­lu kamal­lutil­lu maajusup­put. Im­maqa aam­ma il­lit taamatut misigisar­putit naal­liuuter­pas­suit Saatanip pisuus­sutigisai eq­qarsaatigigaangak­kit. Jehovali qisuariapiluun­ngilaq. Jehova Saatanimik pikitsitsisumik pin­nin­nermini kamajaal­lunilu naaper­tuil­luar­tumik pivoq. (2 Mos 34:6; Job 2:2-6) Sooq? Jehova pif­fis­saqar­titsivoq kis­saatigin­ngin­namiuk kik­kul­luun­niit piuneerus­saas­sasut ‘tamaasali al­lamik isumataar­nis­samut periarfis­sik­kumagamigit’. – 2 Petr 3:9.

7. Jehovap maligas­siuineranit suna ilik­kar­par­put?

⁷ Jehovap maligas­siuineranit ilik­kar­par­put oqalulersin­nata eq­qarsarluar­tas­sasugut qisuariapal­lat­tas­san­ngitsugul­lu. Taamaat­tumik pingaarutilim­mik aalajangigas­saqaraangavit eq­qarsar­nis­samut pif­fis­saqar­tarit. Eq­qor­tumik oqaaseqar­nis­samut iliuuseqar­nis­samul­luun­niit  ilisimas­suseq Guutimut qin­nutigisaruk. (Tuss 141:3) Kamak­kaangat­ta narrujuum­meq­qagaangat­taluun­niit qisuariapilooriaan­naasar­pugut. Taamaat­tumik inup­pas­suit peq­qis­simis­sutigisamin­nik oqaaseqarlutil­luun­niit iliuuseqarsimap­put. – Uss 14:29; 15:28; 19:2.

8. (a) Im­minut naalak­kersin­naasunik maligas­siuil­luar­tunik sumi oqalut­tuaqar­pa? (b) Potifarip nuliata kan­ngunar­tulioqatiginiarmani Josefip us­ser­nar­tumik akiuinis­saminut suna iluaqutigaa? (Al­laaserisap aal­laq­qaataani as­siliaq takuuk).

⁸ Biibilimi oqalut­tuat sorliit im­minut naalak­kersin­naanerup pingaaruteqar­nera erseq­qis­sar­paat? Ilaatigut Jaakup er­nera Josefi pil­lugu oqalut­tuami. Potifarip, Faraop paarsisuisa naalagaata, il­luani sulitil­luni us­ser­nar­toq Josefip akior­paa. Potifarip nuliata Josefi ‘kusanar­tuum­mat inugis­suul­lunilu’ ajuutigaa arlaleriarlunilu kan­ngunar­tulioqatiginiarsaralugu. Josefip us­ser­nar­tumik akiuinermini suna iluaqutigaa? Potifarip nulia nak­kaan­narfigis­saguniuk susoqarsin­naasoq eq­qarsaatigil­luareersimas­sagunar­paa. Taava atisamigut tigum­mani qimaapal­lap­poq. Ima oqar­poq: “Qanoq taama kan­ngunar­tigisumik ilius­saanga Guutimut ajor­tuliorlunga?” – 1 Mos 39:6, 9; Ussatit 1:10 atuaruk.

9. Us­ser­nar­tumik akiuinis­samut qanoq piareersarsin­naavit?

⁹ Josefi qanoq ilin­niarfigaar­put? Guutip inatsisaasa ilaan­nik unioq­qutitsinis­saq us­ser­nar­torsiorfigigutsigu taman­na akior­tariaqar­par­put. Jehovap Nalunaajaasuisa ilaasa nalunaajaasun­ngun­ngik­kal­laramik nerival­laar­tar­neq, imer­pal­laar­tar­neq, pujor­tar­tar­neq, ikiaroor­tar­neq, kinguaas­siuutitigut inuunerlun­neq ajor­nar­torsiutil­lu al­lat akiorsimavaat. Al­laat kuisereer­nermik kingor­na ilaan­nik­kut tamak­ku us­ser­nar­torsiorfigisar­paat. Il­lit taama nalaataqaruit unil­lutit eq­qarsaatigiuk us­ser­nar­toq nak­kaan­narfigiguk­ku Jehovamut at­taveqar­nerit qanoq in­narler­neqas­sasoq. Us­ser­nar­torsiorfigisin­naasatit suunersut qanorlu nigorsimasin­naagitit paasiniarsarik­kit. (Tuss 26:4, 5; Uss 22:3) Us­ser­nar­torsiorlutit misigiguit taman­na akiorsin­naaq­qul­lugu im­minul­lu naalak­kersin­naaq­qul­lutit Jehova ilisimas­susermik qin­nuigiuk.

10, 11. (a) Inuusut­tor­pas­suit atuarfim­mi qanoq misigisaqar­tar­pat? (b) Kristumiut inuusut­tut Guutip inatsisaanik unioq­qutitsinaveersaar­nis­samin­nut suna iluaqutigisin­naavaat?

¹⁰ Ul­lumik­kut kristumiut inuusut­tor­pas­suit Josefip misigisaatut misigisaqar­tar­put. Ar­naq inuusut­toq Kim taama misigisaqarsimavoq. Atuaqatai weekendimi atoqateqarsimaner­tik pil­lugu oqalut­tuar­tar­put. Kim taamaat­tunik oqalut­tuas­saqar­neq ajor­poq. Nas­suerutigaa ilaan­nik­kut al­laanerunini “qimataasutut kisimiit­tutul­lu” misigis­sutigisarlugu angutaateqar­nerlu ajorami atuaqatimi sianiin­nerar­taraan­ni. Kimili silatusaar­poq.  Nalun­ngilaa inuusut­tuutil­luni atoqateqarusun­neq sak­kor­toorujus­suusin­naasoq. (2 Tim 2:22) Atoqateqar­nikuunerluni atuar­tut ilaan­nit aperitit­tar­poq. Taava sooq atoqateqar­niar­nani aalajangersimanerluni nas­suiaanis­saminut periarfis­saqaler­tar­poq. Kristumiut inuusut­tut kinguaas­siuutitigut inuunerlun­nis­samut tatineqar­nermin­ni aalajaatsut tul­luusimaarutigaavut, aam­ma Jehovap taak­ku tul­luusimaarutigai!

¹¹ Kinguaas­siuutitigut inuunerlun­nermut us­ser­nar­torsiorluni nak­kaan­nar­tunik aam­ma Biibilimi oqalut­tuaqar­poq. Aam­ma tas­sani ersersin­neqar­poq im­minut naalak­kersin­naan­ngin­neq kingunerlus­sin­naasoq. Kimitut misigisaqar­taruit angut inuusut­toq sianiitsoq Us­satit kapitali 7-imi al­laatigineqar­toq aam­ma Amnonip pis­susilersor­nerata kingunerlungaar­nera eq­qarsaatigik­kit. (2 Sam 13:1, 2, 10-15, 28-32) Angajoq­qaat oqalut­tuat taak­ku ilaqutariit­tut atuaq­qis­saaqatigiin­nermi eq­qar­tor­tarunik­kit qitor­natik im­minut naalak­kersin­naanermik ineriar­tor­titsinis­saan­nik ilisimas­suseqaler­nis­saan­nil­lu ikius­savaat.

12. (a) Josefip qatan­ngutiminut misigis­sutsini qanoq aqup­pai? (b) Qaquguk­kut misigis­sutsivut aqut­tas­savavut?

¹² Josefi pisimasumi al­lami im­minut naalak­kersin­naanermi maligas­siuil­luaq­qip­poq. Tas­sa qatan­ngutini nerisas­sarsiniarlutik Egyptenimut tikim­mata. Taak­ku qanor­piaq eq­qarsar­nersut paasiumal­lugu qatan­ngutigalugit oqalut­tuutin­ngilai. Misigis­sutsinilu sak­kor­tusingaarmata qatan­ngutini qimal­lugit kisimiil­luni qiajar­tor­poq. (1 Mos 43:30, 31; 45:1) Qatan­ngutip arlaatigut misigis­sutsik­kut aalas­satsip­patit Josefip im­minut naalak­kersin­naanera ilaaruk­ku kingusin­nerusuk­kut peq­qis­simis­sutigisan­nik oqaaseqan­ngin­nis­samut iliuuseqan­ngin­nis­samul­luun­niit iluaqutigis­savat. (Uss 16:32; 17:27) Im­maqaluun­niit ilagiin­nut ilaajun­naarsin­neqarsimasumik ilaqutaqar­putit. Taamaap­pat pisariaqan­ngitsumik at­taveqarfiginaveersaar­niarlugu misigis­sutsitit aqut­tariaqar­patit. Saper­narsin­naavoq. Jehovali ilaarlugu peq­qus­sutaatul­lu iliorlutit eq­qaamaguk­ku saper­nan­ngin­nerus­saaq.

13. Kun­ngip Daavip misigisai qanoq ilin­niarfigaavut?

¹³ Aam­ma kun­ngimik Daavimik oqalut­tuat iluaqutigaavut. Saulip Shim’il­lu ajor­tumik pim­man­ni Daavi kamaler­nanilu pis­saanini taak­kunun­nga ajor­tumik atun­ngilaa. (1 Sam 26:9-11; 2 Sam 16:5-10) Daavili im­minut naalak­kersin­naajuaan­nan­ngilaq. Taamaan­nera Batsebamik ajor­tulioqateqar­neranik Nabalimul­lu erlituumut qisuariar­neranit nalun­ngilar­put. (1 Sam 25:10-13; 2 Sam 11:2-4) Daavi pingaarutilin­nik ilin­niarfigisin­naavar­put. Siul­lermik, ingam­mik Guutip in­nut­taanik nak­kutil­liisut im­minut naalak­kersin­naasariaqar­put oqar­tus­saas­suser­tik ator­nerloq­qunagu. Aap­pas­saanik, kinaluun­niit im­minut tatigival­laalis­san­ngilaq eq­qarsarluni us­ser­nar­tumut nak­kan­ngisaan­nas­sal­luni. – 1 Kor 10:12.

14. Qatan­ngut qanoq misigisaqar­pa, aam­ma sooq tamatumun­nga as­singusumik pisoqar­til­lugu uagut qisuariar­ner­put pingaaruteqar­pa?

¹⁴ Im­minut naalak­kersin­naanerujumal­lutit susin­naavit? Luigi biiler­til­luni apor­tit­toq  qanoq misiginersoq eq­qarsaatigiuk. Apuisup ajutoor­neq pisuus­sutigigaluarlugu Luigi nil­liaf­figiler­paa oq­qas­saarilerlunilu. Luigi eq­qis­sisimaan­naq­qul­luni Jehovamut qinuvoq apuisorlu eq­qis­sisar­nialerlugu. Angul­li nil­liaan­naavip­poq. Taamaat­tumik Luigip apuisup biiliata normua al­lariarlugu taan­na suli nil­liasoq qimap­paa. Sapaatip-akun­nera qaangiut­toq ar­naq pulaaq­qit­tak­kani pulaar­paa sunaaf­falu uia aporsisuusoq! Uiusoq peq­qusiileqivoq pis­susilersor­ninilu utoq­qatsis­sutigalugu. Luigip sil­lim­masiisarfia at­taveqarfigiumavaa Luigip biilia iluarsaatijaarsin­niarlugu. Biibilimik eq­qar­tuineran­nut angut taan­na peqataavoq nuan­naringaarlugulu. Taman­na pis­sutigalugu Luigip paasivaa ajutooramik eq­qis­sisimaan­narsimanini qanoq pingaaruteqar­tigisoq kamalersimagaluarunilu qanoq ajor­tigisumik kinguneqarsimas­sagaluar­toq. – 2 Korinthimiut 6:3, 4 atuakkit.

15, 16. Biibilimik atuaq­qis­saar­neq im­minut naalak­kersin­naaneruler­nis­samut ilaqut­tatil­lu qanoq iluaqutigisin­naavisiuk?

¹⁵ Aalajangersimasumik siuner­taqarluar­tumil­lu Biibilimik atuaq­qis­saar­tar­neq  kristumiut im­minut naalak­kersin­naanerunis­samut iluaqutigisin­naavaat. Guutip Josvamut oqaasii uku eq­qaamak­kit: “Inatsisit al­las­simaf­fiat taan­na qarlun­niitit­tuas­savat; ul­luk­kut un­nuak­kul­lu eq­qarsaatigiuaan­naruk tas­sanilu al­las­simasut tamaasa maleruaq­qis­saarlugit; taava iluatsitsil­luas­saatit pil­luarumaarlutil­lu.” (Jos 1:8) Biibilimil­li atuaq­qis­saar­tar­neq im­minut naalak­kersin­naaneruler­nis­san­nut qanoq iluaqutigisin­naaviuk?

¹⁶ Soorlu sam­mereerip­put im­minut naalak­kersin­naanerup iluaqutaaneranik im­minul­lu naalak­kersin­naan­ngin­nerup naal­liuutaasar­neranik ersersitsisunik Biibilimi oqalut­tuaqar­poq. Jehova pis­sutis­saqarluni tamak­ku al­latsip­pai. (Rom 15:4) Tamak­ku atuarutsigit, atuaq­qis­saarutsigit eq­qarsaatigeq­qis­saarutsigil­lu silatusaas­saagut. Ilin­nut ilaqutan­nul­lu qanoq iluaqutaanersut paasiniaruk. Jehovap oqaasiani siun­nersuutit maleruarsin­naaq­qul­lugit taas­sumun­nga ikioq­qugit. Paasiguk­ku arlaatigut im­minut naalak­kersin­naan­ngif­feqar­tutit nas­suerutigiuk. Taava taman­na pil­lugu qinugit, qanorlu im­minut naalak­kersin­naanerulersin­naanersutit paasiumal­lugu ilungersorit. (Jaak 1:5) Atuagas­siaatitsin­ni siun­nersuutinik iluaqutigisin­naasan­nik misis­suigit.

17. Angajoq­qaat qitor­natik im­minut naalak­kersin­naanermik ineriar­tor­titsinis­saan­nut sutigut ikiorsin­naavaat?

¹⁷ Qitor­natit im­minut naalak­kersin­naanermik ineriar­tor­titsinis­saan­nut qanoq ikiorsin­naavigit? Angajoq­qaat nalun­ngilaat pis­suseq taman­na qitor­namik inun­nguuserin­ngik­kaat. Taamaat­tumik maligas­siuil­luar­nermik­kut qitor­natik pis­susinik nuan­nersunik ilin­niar­tit­tariaqar­paat. (Ef 6:4) Paasiguk­ku qitor­natit im­minut naalak­kersin­naar­pian­ngitsut nam­mineq maligas­siuil­luar­nerlutit im­minut aperigit. Aalajangersimasumik oqaluus­seqataasar­nik­kut ataatsimeeqataasar­nik­kut ilaqutariit­tul­lu atuaq­qis­saaqatigiin­nermi aqutsisar­nik­kut maligas­siuil­luarsin­naavutit. Pisariaqaraangal­lu qitor­natit naameer­tar­nis­saat nangaagisas­san­ngilat! Jehovap Adami Evalu kil­liler­pai. Kil­lilius­sat tamak­ku Jehovap oqar­tus­saaneranik ataq­qin­nin­nis­samin­nut paasin­nis­sutigisimas­sagaluar­paat. Taamatul­li angajoq­qaat qitor­namin­nik perorsaagaangamik maligas­siuil­luaraangamil­lu im­minut naalak­kersin­naanermik ilin­niar­tit­tar­paat. Guutip oqar­tus­saaneranik nuan­narisaqar­neq najoq­qutas­siaanil­lu ataq­qin­nin­neq qitor­nan­nut ilin­niar­titsis­sutigisin­naasavit naleqar­ner­paar­taasa ilagaat. – Ussatit 1:5, 7, 8 atuakkit.

18. Sooq ikin­ngutinik toq­qaanermi silatusaar­tariaqar­pugut?

¹⁸ Angajoq­qaajugut­ta angajoq­qaajun­ngik­kut­taluun­niit tamat­ta ikin­ngutinik toq­qaanermi silatusaar­tariaqar­pugut. Ikin­ngutivit Jehova asagunik­ku siuner­taqar­tumik anguniagaqar­nis­samut ajor­nar­torsior­naveersaar­nis­samul­lu kajumis­saas­savaatsit. (Uss 13:20) Maligas­siuil­luar­nerat kajumis­sis­sutigalugu im­minut naalak­kersin­naanerat ilaarusus­savat. Qular­nan­ngilarlu pis­suserin­ner­put aam­ma taak­kunun­nga kajumis­sis­sutaas­sasoq. Im­minut naalak­kersin­naagut­ta Guutimit iluarisaas­saagut, inuuneq nuan­naarutigis­savar­put asasavul­lu nuan­naaqatigisas­sal­lugit.