1, 2. (a) Jehovap in­nut­taminut pis­susilersoriaasia inuit pis­saanil­lit pis­susilersoriaasian­nit qanoq al­laanerua? (b) Al­laaserisami matumani suut eq­qar­tus­savavut?

INUIT pis­saanil­lit amerlaner­tigut inun­nik ‘naqisiman­nit­tarlutil­lu’ naalagaaniar­tar­put. (Matt 20:25; Oqal 8:9) Jehova taamaaliun­ngisaan­nar­poq! Ajugaqan­ngitsuugaluarluni, qilam­mi nunamilu pis­saaneqar­ner­paagaluarluni, inun­nut naam­mal­luin­nan­ngitsunut as­sut in­nimit­tar­tuuvoq. Inus­siar­nersuul­lunilu misigis­sutsivut pisariaqar­titavul­lu soqutigivai. Naam­mal­luin­nan­ngitsuusugut pisin­naasavul­lu kil­leqar­tut eq­qaamagamiuk sapik­katsin­nik piumaf­figin­ngisaan­nar­paatigut. – Tus­s 103:13, 14.

² Biibilimi paasivar­put Jehova in­nut­taminut qanoq in­nimit­tar­tigisoq. Oqalut­tuat pingasut eq­qar­tus­savavut: Siul­ler­tut, Jehovap nukap­piaraq Samueli palasiunermut Elimut eq­qar­tuus­sum­mik tusarlius­sisoq qanoq inus­siar­nersumik ikioraa. Aap­paat­tut, Mosesi Israelik­kun­nik Egyptenimit aniguisitsinis­samut ajuk­kum­mat Jehova qanoq  kamagit­tar­toq. Pingajuat­tul­lu, Israelik­kut Egyptenimit anim­mata Jehova qanoq in­nimit­tar­toq. Oqalut­tuanit taak­kunan­nga Jehova pil­lugu suut ilin­niarfigisin­naavavut, qanorlu ilaarsin­naavar­put?

3. Un­nuit ilaan­ni nukap­piaraq Samueli nalingin­naan­ngitsumik qanoq misigisaqar­pa, qanorlu aperisin­naavugut? (Al­laaserisap aal­laq­qaataani as­siliaq takuuk).

³ Samueli nukap­piaran­nguul­luni Tupermi Naapeqatigiit­tarfim­mi kif­far­tuler­poq. (1 Sam 3:1) Un­nuit ilaan­ni in­nareersoq nalingin­naan­ngil­luin­nar­tumik pisoqar­poq. * (1 Samueli 3:2-10 atuakkit). Suaar­neqar­nini tusaavaa. Samueli palasiunermit utoq­qarmit Elimit qaaq­quneqarsorigami naalal­luni makeriarluni tuaviorluni Elimukar­poq imalu oqarfigalugu: “‘Qaaq­qusoralunga agger­punga!’ Elili oqar­poq: ‘Qaaq­qun­ngilak­kit.’” Suli marloriarluni taama pisoqaq­qim­mat Elip paasivaa Samueli Guutimit oqaluun­neqar­toq. Taamaat­tumik Elip tul­liani Samueli qanoq oqas­sasoq paasitip­paa, Samuelilu naalap­poq. Sooq Jehovap Samueli ingerlaan­naq paasitin­ngilaa nam­mineq oqaluul­lugu? Taman­na Biibilimi al­las­siman­ngilaq. Ilimanar­porli Samuelip misigis­susii in­nimigigamigit Jehova taamaalior­toq.

4, 5. (a) Samueli Jehovamit Elimut tusarlius­seq­quneqarami sua? (b) Oqalut­tuamit tas­san­nga Jehova pil­lugu suna ilik­kar­par­put?

⁴ 1 Samueli 3:11-18 atuakkit. Jehovap inatsisai naaper­torlugit meeq­qat utoq­qar­nik, pingaar­tumik oqar­tus­saas­susilin­nik, ataq­qin­nit­tus­saap­put. (2 Mos 22:27; 3 Mos 19:32) Taamaat­tumik nukap­piaq­qap Samuelip ul­laak­kut Eli or­neriarlugu Guutip sukan­nersumik eq­qar­tuus­sutaanik oqalut­tuun­nis­saa saper­nar­tis­simas­savaa. Biibilimi al­las­simavoq Samuelip ‘im­minut takutitaasunik Elip nalunaarfiginis­saa siooragigaa’. Guutil­li Eli paasitip­paa nam­mineq Samueli suaarlugu. Taamaat­tumik Elip peq­quaa Guutip oqaatigisaanik sumil­luun­niit iser­tuus­seq­qunagu. Samueli naalal­luni “oqaatsinik tusak­kaminik tamanik” Eli oqalut­tuup­paa.

⁵ Siusin­nerusuk­kut “Guutip kif­faata” Eli as­singusumik tusarlereermagu tusarlius­saq tupaal­lan­nar­pal­laan­ngilaq. (1 Sam 2:27-36) Oqalut­tuamit paasivar­put Jehova qanoq in­nimit­tar­tigalunilu ilisimas­suseqar­tigisoq.

6. Guutip nukap­piaq­qamik Samuelimik ikiuinera qanoq ilin­niarfigisin­naavar­put?

⁶ Il­lit inuusut­tuuit? Taamaap­pat nukap­piaraq Samueli pil­lugu oqalut­tuamit ersersin­neqar­poq Jehovap il­lit ajor­nar­torsiutitit misigis­sutsitil­lu paasisin­naagai. Im­maqa it­tuutuvutit inersimasunul­lu oqaluus­sinis­saq imaluun­niit ukioqatin­nit al­laanerunis­saq saper­nar­tit­tarlugu. Qularin­ngis­sin­naavat Jehovap ikiorusuk­kaatit. Qin­nuigisaruk qanor­piarlu  misiginin­nik oqalut­tuut­tarlugu. (Tus­s 62:9) Inuusut­tut soorlu Samuelitut it­tut pil­lugit Biibilimi oqalut­tuat eq­qarsaatigeq­qis­saar­tak­kit. Aam­ma qatan­ngutit ilit­tut ukiul­lit angajul­liuneril­luun­niit im­maqa il­lit ajor­nar­torsiutin­nut as­singusunik qaangiisimasut oqaloqatigisak­kit. Ilimanar­poq Jehovamit, im­maqa ilimagin­ngisamit­tut, ikior­neqar­nermin­nik oqalut­tuutis­sagaatsit.

7, 8. Mosesip misigis­susii soqutigingaarlugit Jehovap qanoq ersersip­paa?

⁷ Mosesi 80-nik ukioqar­toq Jehovap saper­nar­torujus­suarmik, inuiaqatigiin­nik Israelik­kun­nik Egyptenimi inus­siaataanermit aniguisitsinis­samik, sulias­sip­paa. (2 Mos 3:10) Sulias­siis­sut Mosesimut tupan­narsimas­saaq, ukiunimi 40-ni Midjanimi savanik paarsisuusimavoq. Mosesi oqar­poq: “Kinaagama Faraomukar­tin­niar­pinga Israelik­kun­nik Egyptenimit anisitsiar­tor­til­lunga?” Jehovap ima neriorsor­paa: “Uanga najus­savak­kit.” (2 Mos 3:11, 12) Jehovap aam­ma neriorsor­paa Israelik­kut utoq­qaaner­taasa ‘naalas­sagaat’. Mosesili ima aperivoq: “Up­perin­ngip­pan­ngami naalak­kumanangalu?” (2 Mos 3:18; 4:1) Aap, Mosesi oqar­poq Jehova kuk­kusin­naasoq. Jehoval­li Mosesi kamagit­tarfigaa. Al­laat tupin­nar­tuliorsin­naatiler­paa. Biibilimi Mosesi inun­ni siul­ler­paal­luni taamatut pis­saanermik tunineqar­tutut eq­qaaneqar­poq. – 2 Mos 4:2-9, 21.

⁸ Taamaak­kaluar­toq Mosesi al­lamik utoq­qatsis­sutis­saqar­poq. Oqal­lorin­ngin­nerar­poq. Taamaat­tumik Guutip akivaa: “Uanga qar­nit najorumaar­para, ajoqersorumaar­pak­kil­lu qanoq oqar­nis­san­nik.” Kiisami Mosesi qularun­naar­pa? Naamik, Guuti qin­nuigaa al­lamik aal­lar­titseq­qul­lugu! Taava Jehova kamaler­poq. Mosesil­li misigis­susii suli soqutigigamigit Aroni Mosesip oqaaseqar­tar­tuatut toq­qar­paa. – 2 Mos 4:10-16.

9. Jehovap kamagit­tar­nera inus­siar­ner­neralu Mosesip siulersuisutut pik­koris­sun­ngor­nis­saminut qanoq iluaqutigaa?

 ⁹ Oqalut­tuamit tas­san­nga Jehova pil­lugu suna ilik­kar­par­put? Jehova Ajugaqan­ngitsuugami pis­saanini atorlugu Mosesi ersilersis­sin­naagaluar­paa naalatsilerlugu. Jehoval­li kamagit­tarluni inus­siar­nerlunilu kif­fani an­neruniajuil­lunilu maniguut­toq neriorsor­paa najorumal­lugu. Periuseq taan­na iluaqutaava? Aap! Mosesi Guutip in­nut­taanut siulersuisun­ngor­poq pik­koris­soq. Jehovamit pineqar­nermisut al­lat saamasumik in­nimit­tar­tumil­lu pis­suseqarfiginiar­tar­pai. – 4 Mos 12:3.

10. Jehovatut al­lanut in­nimit­tar­ner­put qanoq iluaqutigis­savar­put?

¹⁰ Taman­na qanoq ilin­niarfigisin­naavar­put? Uiuguit, angajoq­qaajuguit utoq­qaaner­taaguil­luun­niit al­lanut oqar­tus­saaf­feqar­putit. Taamaat­tumik nulian­nut, meeq­qan­nut ilagiin­niit­tunul­lu in­nimit­tar­tuunik­kut, inus­siar­nersuunik­kut kamagit­tar­tuunik­kul­lu Jehovamik ilaarsinis­sat pingaaruteqarluin­nar­poq. (Kol 3:19-21; 1 Petr 5:1-3) Jehova Guuti aam­ma Jiisusi Kristusi, Mosesi an­neq, ilaaruk­kit al­lanut oqaloqatik­kuminar­tuul­lutil­lu qiim­mas­saataas­saatit. (Matt 11:28, 29) Aam­ma maligas­saal­luas­saatit. – Hebr 13:7.

11, 12. Jehovap Israelik­kut Egyptenimit aal­larmata qanoq toq­qis­sisimatip­pai?

¹¹ Ukiumi 1513-imi Kr.in.si Israelik­kut Egyptenimit aal­larmata inuit 3 mil­lioninit amerlanerusimasin­naap­put. Meeq­qat, utoq­qaat, nap­parsimasut in­narluutil­lil­lu taak­kua ilagisimas­savaat. Inuit taama amerlatigisut isumas­suisumik paasin­nit­tumil­lu Siulersor­teqar­nis­sar­tik pisariaqar­tip­paat. Jehovalu Mosesi aq­qutigalugu siulersuisuuvoq taamaat­toq. Taman­na pis­sutigalugu Israelik­kut angerlarsimaf­fit­tut isigiuarsimasar­tik qimak­kamik­ku toq­qis­sisimap­put. – Tus­s 78:52, 53.

¹² Jehovap in­nut­tani qanoq toq­qis­sisimasutut misigilersip­pai? Inuiaqatigiit Israelik­kut taas­suma siulersuineratigut “sorsun­nis­samut inis­sititersimal­lutik Egyptenimit aal­lar­put”. (2 Mos 13:18) Taamatut aaq­qis­suus­saagamik takusin­naal­luar­paat Guutip pis­sutsit aquk­kai. Jehovap aam­ma im­minit najor­neqar­neran­nik, siulersor­neqar­neran­nik il­lersor­neqar­neran­nil­lu eq­qaasin­niarlugit ‘ul­luk­kut  nuiaqar­tip­paa un­nuak­kul­lu in­nermik qaamatitsil­luni’. (Tus­s 78:14) Pisus­sat tul­liut­tut pis­sutigalugit inuiaqatigiit Israelik­kut taman­na pisariaqar­tip­paat.

13, 14. (a) Jehovap Israelik­kut Im­mami Aap­palaar­tumi qanoq isumagai? (b) Jehovap Egyptenimiunit pis­saaneqar­nerungaar­nini qanoq takutip­paa?

¹³ 2 Mosesi 14:19-22 atuakkit. Takorlooruk Israelik­kut ungutit­tut ilagigitit. Egyptenimiut sak­kutuui tunus­sin­niip­put Imarlu Aap­palaar­toq saas­sin­niil­luni. Taava Guuti iliuuseqar­poq. Napasoq nuiaasoq tam­maarfiup saavaniik­kun­naarluni kingunis­sin­nut, ilis­si Egyptenimiul­lu akor­nis­sin­nut, pivoq. Maan­na taak­kua taarmiuup­put, ilis­sili tam­maarfis­si tupin­nar­tulior­nik­kut qaamavoq! Taava Mosesip as­sani im­map tungaanut isatsik­kaa, sak­kor­tuumik as­sar­nilersoq akianul­lu aq­qutis­saqalersoq takuat. Taamaalil­lusi il­lit, ilaqut­tatit uumasuutisilu im­map naq­qatigut aaq­qis­suus­saasumik tamas­si ingerlasin­naan­ngor­pusi. Im­map naq­qa marul­luunanilu quasan­ngim­mat tupigusuutigaat. Paq­qersimam­mat man­ngerlunilu pisuf­figiuminar­poq. Taamaat­tumik al­laat arriin­ner­paat toq­qis­sisimal­lutik ikaarsin­naap­put.

¹⁴ 2 Mosesi 14:23, 26-30 atuakkit. Taama pisoqar­til­lugu Farao, makitasooq sianiitsorlu, ilin­nik nunaq­qatin­nil­lu malersuiler­poq. Taava Mosesip im­map tungaanut as­sani isatseq­qip­paa, im­mal­lu qarmai marluk nak­kaap­put. Im­map Farao sak­kutuuilu matoor­pai. Ataatsimil­luun­niit aniguisoqan­ngilaq! – 2 Mos 15:8-10.

15. Oqalut­tuamit tas­san­nga Jehova pil­lugu suna ilik­kar­piuk?

 ¹⁵ Oqalut­tuamit tas­san­nga Jehova pil­lugu al­lamik ilik­kagaqar­pugut. Guutiuvoq aaq­qis­suus­sil­laq­qin­ner­paaq, pis­suserlu taan­na toq­qis­sisimanis­samut iluaqutigisar­par­put. (1 Kor 14:33) Savanik paarsisutut savanik isumas­suinermik nuan­narisaqar­tutut Jehovap in­nut­tani as­sigiin­ngitsutigut isumagisar­pai. Toq­qis­sisimatit­tarlugil­lu akeq­qanut il­lersor­tar­pai. Taman­na naggatis­sap qanil­liar­tor­til­lugu as­sut isumal­lualis­sutigalugulu toq­qis­sisimalis­sutigaar­put. – Uss 1:33.

16. Jehovap Israelik­kun­nik an­naas­sinerata sam­minera qanoq iluaqutigisin­naavar­put?

¹⁶ Nalitsin­ni Jehovap in­nut­tani eqimat­tatut suli isumas­sor­tar­pai. Im­minut qanimut at­taveqar­tuar­nis­saan­nut ikior­tarlugil­lu akeraan­nut il­lersor­tar­pai. An­nikil­lior­nar­tus­sarsuarmi nal­liutingajalersumi aam­ma taamaalius­saaq. (Saqq 7:9, 10) Guutip in­nut­tai, inuusut­tut, peq­qis­sut in­narluutil­lil­lu an­nikil­lior­nar­tus­sarsuup nalaani paatsiveerutis­sanatil­lu an­nilaangalis­san­ngil­lat. * Tamatuma akerlerluin­naanik qisuarias­sap­put! Jiisusip oqaasii eq­qaamas­savaat: “Nikuigitsi niaq­qusilu mas­sitsil­lugit aniguisitaanis­sarsimi qanil­lim­mat.” (Luk 21:28) Al­laat Gogimit, inuian­nit eqimat­tanit Faraomit pis­saaneqar­nerungaar­tunit, saas­sun­neqarunik Guutip in­nut­taasa Jehovamit il­lersor­neqar­nis­sar­tik qularis­san­ngilaat. (Ez 38:2, 14-16) Sooq? Nalun­ngin­namik­ku Jehova al­lan­ngor­neq ajor­toq. In­nut­taminik asan­nit­tumik isumas­suisumil­lu An­naas­sisar­tuul­luni up­per­narsaq­qis­savaa. – Tus­s 91:14; Es 26:20.

17. (a) Biibilimi oqalut­tuani Jehovap in­nut­taminik isumas­sueriaasianik atuaq­qis­saar­neq qanoq iluaqutigisin­naavar­put? (b) Al­laaserisami tul­liut­tumi suut sam­mis­savavut?

¹⁷ Al­laaserisami matumani oqalut­tuat Jehovap in­nut­taminik isumas­suinermini, siulersuinermini an­naas­sinerminilu qanoq in­nimit­tarlunilu inus­siar­ner­tar­neranik ersersitsisut sam­mivavut. Oqalut­tuat taamaat­tut eq­qarsaatigeq­qis­saar­neran­ni an­nikitsualuit siusin­nerusuk­kut eq­qarsaatigisiman­ngisavit maluginiar­nerisigut Jehova pil­lugu nutaamik ilik­kagaqar­niar­tarit. Jehovap pis­susii nuan­nersut pil­lugit ilik­kagaqar­nerujar­tor­til­lutit taas­sumin­nga asan­nin­nerit up­per­neril­lu nakus­satsis­sap­put. Al­laaserisami tul­liut­tumi ilaqut­tatsin­nut, ilagiin­niit­tunut oqaluus­sif­figisatsin­nul­lu in­nimit­tar­tuunik­kut Jehovamik qanoq ilaarsisin­naasugut sam­mis­savar­put.