1. Naggam­mik ajoqersuk­kani un­nus­sioqatigigamigit Jiisusip pingaarutilik suna eq­qar­tor­paa?

AJOQERSUK­KANI naggam­mik un­nus­sioqatigigamigit Jiisusip asan­nin­neq 30-t pal­lil­lugit eq­qaavaa. Ajoqersuk­kani oqarfigai ‘asaqatigiis­sasut’. (Joh 15:12, 17) Asan­nin­nerat ima maluginiar­nar­tigis­saaq Kristusip ajoqersugaatut ilumoor­tutut ilisar­naatigilis­sal­lunik­ku. (Joh 13:34, 35) Asan­nin­neq Jiisusip eq­qaasaa misigis­susiin­naan­ngilaq; im­minut pil­liutigeriaan­naanermik pis­susiuvoq. Jiisusi oqar­poq: “An­nerusumik asan­nin­neqan­ngilaq ikin­ngutini pil­lugit inuunerminik akigin­nit­tup asan­nin­neranit. Inas­sutik­ka malil­lugit iliorus­si tas­saas­saasi ikin­ngutik­ka.” – Joh 15:13, 14.

2. (a) Guutip kif­faasa suna ilisimaneqaatigaat? (b) Apeq­qutit suut al­laaserisami matumani akis­sutis­sarsis­savavut?

² Nalitsin­ni Jehovap kif­fai ilumoor­tumik im­minul­lu pil­liutigeriaan­naasumik asan­nin­ner­tik ataasius­suseqarluar­ner­til­lu ilisimaneqaatigaat. (1 Joh 3:10, 11) Inuiaas­suser­put, naggueqatigiis­suser­put, qanoq oqaaseqar­nersugut, sumin­ngaan­neer­nersugut  qanorluun­niit tunuliaqutaqar­nersugut apeq­qutaan­ngilaq. Nunarsuaq tamak­kerlugu Jehovap kif­fai ilumoorlutik im­min­nut asaqatigiip­put. Sooq nalitsin­ni asan­nin­neq taama pingaaruteqar­tigaa? Jehovap Jiisusil­lu asan­nin­nermik qanoq nakus­satsit­tar­paatigut? Asan­nin­nermik tamatumin­nga al­lat qanoq tup­pal­lersarsin­naal­lugil­lu nakus­satsis­sin­naavavut? – 1 Kor 8:1.

3. ‘Ul­lut atugarliungaarfiit’ inun­nut qanoq sun­niuteqar­pat?

³ ‘Ul­luni atugarliungaarfiusuni’ inuugat­ta inuunermi ‘naal­liun­nar­tut ajunaar­neril­lu’ imaagin­navip­put. (2 Tim 3:1-5; Tus­s 90:10) Inup­pas­suit ima naal­liutsigip­put al­laat tun­niutiin­narusul­lutik. Ukiut tamaasa inuit 800.000-t sin­nerlugit im­minor­tar­put, tas­sa 40 sekundik­kaarlugit inuk ataaseq. Ajoraluar­tumik al­laat qatan­ngutivut ilaat taama misigigamik im­minorsimap­put.

4. Biibilimi oqalut­tuarineqar­tut kik­kut toquin­narusuk­kaluar­pat?

⁴ Biibilip nalaani Guutip kif­faasa aalajaatsut ilaat ajor­nar­torsiutitik ajus­sutigingaaramik­kit toquin­narusup­put. As­sersuutigalugu Jobi ima naal­liutsigigami oqar­poq: “Taamaan­nera qatsuteqaara, inuuin­narusun­ngilanga!” (Job 7:16; 14:13) Jona pakatseq­qangaarami ima oqar­poq: “Maan­na toqutiin­nar­nian­nga, Naalagaq, toqunis­sara inuugin­nar­nis­san­nit pitsaanerutip­para.” (Jon 4:3) Pruf­fiiti Elia ima neriuutaarutsigivoq oqarluni: “Naalagaq, naam­maler­poq! Toqutiin­nan­nga.” (1 Kng 19:4) Jehoval­li kif­fani aalajaatsut taak­ku asavai inuuin­nar­nis­saal­lu kis­saatigalugu. Taama misiginerat pil­lugu eq­qar­tuutin­ngilai. Aalajaal­lutil­li im­minut kif­far­tor­tuar­nias­sam­mata inoorusus­suseqaleq­qin­nis­saan­nut ikior­pai.

5. Sooq qatan­ngutivut maan­nak­kut asaneqar­nis­sar­tik pisariaqar­tip­paat?

⁵ Ul­lumik­kut qatan­nguter­pas­suavut pis­sutsit atugaat imaan­naan­ngil­lat, uagutsin­nil­lu asaneqar­nis­sar­tik pisariaqar­tip­paat. Ilaat il­laruaatigineqarlutil­luun­nit malersor­neqar­put. Al­lat sulif­fim­min­ni uumis­sugaaneq oqaluuserinerlun­neqar­nerluun­niit naam­magalugit ator­tariaqar­paat. Im­maqaluun­niit sivisuumik sulisariaqar­tarlutil­lu qasunar­tunik sulif­feqaramik qasup­put. Aam­ma al­lat ilaqutariin­ni ajor­nar­torsiungaar­put. Im­maqa Jehovamik kif­far­tor­tuun­ngitsumik isor­nar­torsiuiuar­tumil­lu aap­paqar­put. Tamak­kunan­nga al­lanil­lu naner­tisimaneqar­ner­tik pis­sutigalugu amerlasuut nukis­saarut­tutut misigalutil­lu al­laat naleqar­ner­tik qularutigiler­tar­paat. Kik­kun­nit ikior­neqarsin­naap­pat?

6. Jehovap kif­fani asan­nin­nerminik qanoq nakus­satsit­tar­pai?

⁶ Jehovap kif­fani asanerar­nerisigut naas­saan­ngitsumil­lu asan­nik­kumaar­nerminik up­per­narsaavigai. Takorlooruk Israelik­kut qanoq misiginersut Jehovamit ima oqarfigineqaramik: “Uanga isin­ni erlin­naravit, ataq­qisaangaarlutit, asagak­kil­lu ... siooraqinak ilagigak­kit.” (Es 43:4, 5) Tamat­ta im­mik­kut Jehovamut erlin­nar­tuuner­put nalun­ngilar­put. *  Biibilimi ima neriorsuuteqar­poq: “Guutivit najor­paatit, pis­sarsuaq an­naas­siumaar­toq. Qiim­mat­tarluni tipaatsuutigaatit.” – Sef 3:16, 17.

7. Jehovap asan­nin­nera anaanap kis­sumiar­tup asan­nin­neranut qanoq as­sersuun­neqarsin­naava? (Al­laaserisap aal­laq­qaataani as­siliaq takuuk).

⁷ In­nut­tani qanorluun­niit ajor­nar­torsiuteqaraluar­pata nakus­satsitsiumaar­nerminik tup­pal­lersaajumaar­nerminil­lu Jehovap neriorsor­pai. Ima oqar­poq: “Kivil­lusi kis­sumias­savaasi, seeq­qumik qaasigut sarlias­savaasi. Soorlu qitor­ni anaanaata tup­pal­lersararaa, taama tup­pal­lersarumaar­pas­si.” (Es 66:12, 13, tastamantitoĸaĸ) Naalungiarsuk anaanaminit kis­sumiar­neqarlunilu pin­nguaqatigineqaraangat qanoq toq­qis­sisimasar­tigisoq takorlooruk! Jehovap asangaar­paatit toq­qis­sisimanis­sal­lu kis­saatigalugu. Jehovamut erlin­nangaar­tuunerit qularutigin­ngisaan­naruk. – Jer 31:3.

8, 9. Jiisusip asan­nin­nera qanoq nakus­satsis­sutigisin­naavar­put?

⁸ Guutip asan­nin­neranut kajungilis­sutigisar­put al­la unaavoq: “Guutim­mi silarsuaq ima asatigaa er­nituani tun­nius­simal­lugu taas­sumun­nga up­per­toq kinaluun­niit tam­maq­qunagu naas­saan­ngitsumil­li inooq­qul­lugu.” (Joh 3:16) Jiisusip aam­ma uagutsin­nik asan­nin­nera pil­liutaanit erser­poq, asan­nin­neralu nakus­satsis­sutigaar­put. Biibilimi al­las­simavoq al­laat “naal­liun­nar­tut siooranar­tul­luun­niit” ‘Kristusip asan­nis­susianit avis­saar­tis­sin­naan­ngik­kaatigut’. – Rom 8:35, 38, 39.

⁹ Ilaan­nik­kut timik­kut misigis­sutsik­kul­lu san­ngiil­lis­sutigisatsin­nik Jehovamul­luun­niit kif­far­tor­nitsin­ni nuan­naarun­naas­sutigisatsin­nik ajor­nar­torsiuteqar­tar­pugut.  Kristusil­li qanoq asatigineraatigut eq­qaamagutsigu piner­tusaar­nis­samut nukis­saqalis­sutigis­savar­put. (2 Korinthimiut 5:14, 15 atuakkit). Jiisusip asan­nin­nera inuuin­narusun­nis­samut Jehovamil­lu kif­far­tor­tuar­nis­samut piumas­suseqalis­sutigaar­put. Taman­na tun­niutiin­nan­ngin­nis­samut iluaqutigisin­naavar­put, aam­ma ajutoor­neq, malersugaaneq, pakatsineq er­numanerluun­niit pis­sutigalugit naal­liuk­kaluarut­ta.

10, 11. Kik­kut qatan­ngutinik nikal­lungasunik nakus­satsitsinis­samut akisus­saaf­feqar­pat? Nas­suiaruk.

¹⁰ Jehovap asan­nin­nerminik nakus­satsin­niarluta ilagiit aam­ma ator­tar­pai. Qatan­ngutivut asagaangatsigit Jehovamut asan­nin­ner­put up­per­narsar­tar­par­put. Qatan­ngutit­ta pingaaruteqar­neran­nik Jehovamil­lu asaneqar­neran­nik paasitin­niarlugit sapin­ngisatsin­nik ilior­tar­pugut. (1 Joh 4:19-21) Apustili Paulusi al­lap­poq: “Taamaat­tumik tup­pal­lersaqatigiigitsi ineriar­tor­teqatigiigitsilu – soorlut­taaq taamaalior­tar­tusi.” (1 Th 5:11) Utoq­qaaner­tat taamaaliorsin­naasutuaan­ngil­lat. Tamat­ta im­mik­kut Jehova Jiisusilu ilaarlugit qatan­ngutitsin­nik tup­pal­lersaasin­naavugut. – Romamiut 15:1, 2 atuakkit.

¹¹ Ilagiin­niit­tut ilaat naal­liut­tut isumatsas­simangaarlutil­luun­niit er­numanermik nap­paateqar­tut imaas­sin­naavoq nakorsanit ikior­neqar­tariaqar­tut. (Luk 5:31) Utoq­qaaner­tat ilagiin­niit­tul­lu  al­lat nakorsatut ilin­niagaqan­ngin­ner­tik nalun­ngilaat, taamaat­torli ikiuinerat tup­pal­lersaaneral­lu pingaarutilerujus­suuvoq. Ilagiin­niit­tut tamarmik ‘tup­pal­lersaasin­naap­put er­numasunik, isumagin­nis­sin­naap­put san­ngiitsunik, tamaasalu nikal­lujuisaarfigisin­naal­lugit.’ (1 Th 5:14) Qatan­ngutit­ta misigis­susaat paaserusup­pavut. Taak­ku nikal­lungagaangata erinitsajuif­figisariaqarlugil­lu tup­pal­lersaataasumik oqaluut­tariaqar­pavut. Al­lat nakus­satsin­niar­tar­pigit? Tup­pal­lersaaneq qiim­mas­saanerlu pik­korif­figinerulersin­naavigit?

12. Ilagiit asan­nin­neran­nit qiim­mas­sar­neqarsimasumik as­sersuuteqarit.

¹² Qatan­ngut ar­naq Europameersoq ima oqar­poq: “Im­minor­nis­saq eq­qarsaatigeq­qajaasar­para, al­lanil­li an­ner­toq­qusersor­neqarluar­tar­punga. Ilagiit at­tavigisama inuunera an­naap­paat. Qatan­ngutit qiim­mas­saajuaan­narlutil­lu as­sut asan­nip­put. Isumatsas­simangaar­tar­nin­nik nalun­ngin­nit­tut ikit­tuin­naagaluar­tut ilagiin­niit­tut ikiueriaan­naajuaan­nar­put. Aap­pariit ataatsit uan­nut anersaak­kut angajoq­qaatut ip­put. Isumagil­luar­paan­nga, ilumul­lu ul­lormut nalunaaqut­tap-akun­neri 24-t ikiueriaan­naasar­put.” Soorunami tamat­ta imaan­ngilaq taama ikiuutsigisin­naasugut. Tamat­tali qatan­ngutivut tapersersorluarsin­naavavut. *

13. Al­lat tup­pal­lersar­niarlugit susariaqar­pugut?

¹³ Tusarnaarluarit. (Jaak 1:19) Misigin­neqataal­luni tusar­naar­neq asan­nin­nermik ersersitsineruvoq. Qatan­ngutivit misigis­susii paasil­luar­neruniarlugit saamasumik aperisarit. Taas­suma ilumoorluni soqutigin­nin­nerit takusin­naas­savaa, aam­ma kiin­navit isik­kuatigut. Oqalut­tuar­neranilu erinitsajuil­lutit akor­nuseqinagu. Tusar­naarluar­nik­kut inut­taa paasil­luar­nerulis­savat ilin­nil­lu tatigin­niler­nis­saanut ikius­sal­lugu. Taava il­lit ikiuiniar­nin­ni oqaasis­san­nut tusar­naar­nis­saa ajor­nan­ngin­nerulis­saaq. Al­lanut ilumoorlutit soqutigin­nik­kuit tup­pal­lersaataangaarsin­naavutit.

14. Sooq isor­nar­torsiuis­san­ngilagut?

¹⁴ Isornartorsiueqinak. Inuk isumatsaq­qasoq misigiguni isor­nar­torsiorip­put ajor­nerusutut misigiliin­nas­saaq. Taava ikiuiniar­ner­put ajor­nar­nerulersin­naavoq. “Eq­qarsariaq­qaar­nani oqaaserisat panatut kapisisar­put, ilisimasul­li oqaa katsorsaataasar­poq.” (Uss 12:18) Inuk isumatsaq­qasoq oqaatsitsin­nik piaaraluta nikal­lor­tin­nis­saa kis­saatigin­ngisaan­naraluarip­put eq­qarsaq­qaar­nata oqaaseqarut­ta an­nersitsingaarsin­naavugut. Qatan­nguter­put tup­pal­lersar­niarlugu qularun­naarsit­tariaqar­par­put taas­suma pis­sutsit atugai ilumoorluta paasiniarsarigivut. – Matt 7:12.

15. Al­lat tup­pal­lersar­niarlugit suna atorsin­naavar­put?

¹⁵ Allat tuppallersarniarlugit Biibili atoruk. (Romamiut 15:4, 5 atuaruk). Biibili ‘Guutimit nikal­lujuitsuutitsisumeersuul­lunilu  tup­pal­lersaasumeersuuvoq’, taamaat­tumik oqaasiani tup­pal­lersaatis­saqar­nera tupaal­lan­nan­ngilaq. Aam­ma Internetikkut atuagaateqarfik aam­ma Jehovap Nalunaajaasuisa ujarliutaat pigaavut. Qatan­ngutivut tup­pal­lersar­niarlugit qiim­mas­sar­niarlugil­lu al­las­simaf­fin­nik Biibililersaarutinil­lu ujarler­nitsin­ni ator­tus­sat taak­ku iluaqutigisin­naavavut. Ator­tus­sat taak­ku atorlugit qatan­ngutivut tup­pal­lersar­niarlugit qiim­mas­sar­niarlugil­lu al­las­simaf­fiit Biibililersaarutil­lu nas­saarisin­naavavut.

16. Isumatsaq­qasumut qiim­mas­saajumal­luta qanoq pis­suseqar­tariaqar­pugut?

¹⁶ Qanilaarlutillu saamasuugit. Jehova Ataataavoq “nal­lit­tuisoq Guutilu tup­pal­lersaajuar­toq” kif­faminul­lu ‘nal­lit­tuingaar­toq’. (2 Korinthimiut 1:3-6 atuakkit; Luk 1:78; Rom 15:13) Paulusi Jehovamik ilaarsigami tamatumuuna maligas­siuil­luar­poq. Ima al­lap­poq: “Saamal­luta akor­nas­sin­ni inuuvugut. Soorlu anaanap qitor­nani paaq­qisarai taamatut asal­lusi kis­saatigisimavar­put Guutip iivangkiiliuanik tuniin­narasi aam­mat­taaq inuuner­put tun­niutis­sal­lugu, nuan­narisarilersimagas­simi.” (1 Th 2:7, 8) Jehovatut qanilaar­tuugaangat­ta qatan­ngutit­ta qin­nutigisaatut tup­pal­lersaasin­naavugut!

17. Qatan­ngutivut qiim­mas­sar­niarlugit piviusorsior­tumik isigin­nit­taaseqar­neq suna iluaqutigis­savar­put?

¹⁷ Qatanngutivit naammalluinnartuunissaat naatsorsuutigeqinagu. Piviusorsior­tuugit. Qatan­ngutivit kuk­kun­ngisaan­nar­nis­saat naatsorsuutigiguk­ku pakatsis­saatit. (Oqal 7:21, 22) Jehovap uagutsin­nit piumasaqaatimigut piviusorsior­tuunera eq­qaamajuk. Taamaat­tumik al­lat kamagit­tarfigisariaqar­pavut. (Ef 4:2, 32) Qatan­ngutivut iliuuseqar­pian­ngitsutut misigilersik­kusun­nagil­lu al­lanut sanil­liuk­kusun­ngilavut. Qiim­mas­sarlugil­li iliuusaat ajun­ngitsut pil­lugit nersualaar­pavut. Taman­na Jehovamik kif­far­tor­nermin­ni nuan­naar­nis­samin­nut iluaqutigisin­naavaat. – Gal 6:4.

18. Sooq al­lat nakus­satsis­sutaasumik asarusup­pavut?

¹⁸ Jehovap kif­fai tamarmik taas­sumun­nga Jiisusimul­lu erlin­nar­tuup­put. (Gal 2:20) Qatan­ngutivut asagatsigit saamasumik pis­susilersorfigisariaqar­pavut. “Taamaat­tumik eq­qis­sinar­tut ineriar­tor­teqatigiin­nerlu noq­qaas­sutiginiar­tigit.” (Rom 14:19) Paratiisimi inuunis­saq qilanaaringaar­par­put, kinaluun­niim­mi nikal­lunganis­saminut pis­sutis­saqas­san­ngilaq! Sorsut­toqar­nanilu nap­parsimasoqas­san­ngilaq. Ajor­ti pis­sutigalugu kingor­nus­samik inun­nik toqusoqaq­qis­san­ngilaq, malersugaasoqas­san­ngilaq, ilaqutariin­nik­kut ajor­nar­torsior­toqaq­qin­nanilu pakatsisoqas­san­ngilaq. Ukiut 1.000-t naap­pata inuit tamarmik naam­mal­luin­nar­tuus­sap­put. Misilin­neqar­nermi kingul­lermi aalajaatsut nunarsuarmi Jehovamit qitor­navis­siatut pigineqalis­sap­put ‘Guutil­lu qitor­naasa naalan­narsif­fis­sami kif­faan­ngis­suseq’ pigilis­sal­lugu. (Rom 8:21) Taamaam­mat tamat­ta nakus­satsis­sutaasumik asan­nil­lutalu Guutip silarsuar­taas­saanut nuan­nersumut an­nan­nis­samut ikioqatigiik­kisa.