1. Jehovamik pal­lorfigin­nit­tut qanoq im­min­nut asan­nit­tuliorfigisar­pat?

NUNARSUAQ tamak­kerlugu Jehovamik pal­lorfigin­nit­tut ilaqutariiup­put. Qatan­ngutaap­put angutit ar­nal­lu asaqatigiit­tut. (1 Joh 4:16, 21) Ilaan­nik­kut qatan­ngutitik pil­lugit an­ner­tuunik pil­liuteqar­tar­put, amerlaner­tigul­li iliuutsitigut an­nikitsutigut asan­nit­tulior­tar­put. As­sersuutigalugu qatan­ngutitik qiim­maal­lan­nar­tumik oqarfigalugil­luun­niit inus­siar­nersumik pisar­paat. Al­lanut in­nimit­tar­nik­kut Ataatar­put qilam­miusoq ilaar­tar­par­put. – Ef 5:1.

2. Jiisusip Ataatami asan­nin­nera qanoq ilaar­paa?

² Jiisusip Ataatani ilaaq­qis­saar­paa. Al­lat inus­siar­nersumik piuaan­nar­pai. Ima oqar­poq: “Or­nis­singa tamas­si sulerulut­tusi naner­tugaasusilu, qasuer­tis­savas­si.” (Matt 11:28, 29) Jiisusi ilaarlugu ‘san­ngiitsut isumas­sorutsigit’ Jehova nuan­naar­tis­sal­lugulu nam­mineq nuan­naalis­saagut. (Tus­s 41:2) Al­laaserisami matumani ilaqut­tatsin­nut,  anersaak­kut qatan­ngutitsin­nut oqaluus­sif­figisatsin­nul­lu qanoq in­nimit­tarsin­naasugut sam­mis­savar­put.

3. Uiusoq nuliaminut qanoq in­nimit­tar­tuusin­naava? (Al­laaserisap aal­laq­qaataani as­sit takuk­kit).

³ Uiusut in­nimit­tar­nermut tun­ngatil­lugu ilaqut­tamin­nut maligas­saal­luar­tariaqar­put. (Ef 5:25; 6:4) Biibilimi al­las­simavoq uiusut nuliamin­nut in­nimit­tar­tuusariaqarlutil­lu paasin­nit­tuusariaqar­tut. (1 Petr 3:7) Uiusup paasin­nit­tuusup naluneq ajor­paa as­sigiin­ngitsor­pas­suar­tigut nuliaminit al­laanerugaluarluni pitsaanerunani. (1 Mos 2:18) Nuliami misigis­susii in­nimigisarlugil­lu ataq­qin­nit­tuusar­poq. Nuliaasup Canadamiup uini pil­lugu oqar­poq: “Misigis­sutsik­ka suusupagin­ngisaan­nar­pai imalu oqarfigineq ajorlunga: ‘Taamatut misigis­san­ngilatit.’ Tusar­naaq­qis­saar­tar­poq. Isigin­nit­taatsin­nik al­lan­nguinis­samut ikioraangaminga inus­siar­nersumik pis­suseqar­tar­poq.”

4. Uiusup ar­nanut al­lanut pis­susilersoriaatsimigut nuliami misigis­susii in­nimigalugit qanoq ersersis­sin­naavaa?

⁴ Uiusoq nuliami misigis­susiinut in­nimit­tar­toq ar­nanut al­lanut qanin­niarujoor­neq ajorlunilu naleq­qutin­ngitsumik inut­tut, inter­netik­kut at­taveqaqatigiit­tarfitsigul­lu soqutigin­nin­nermik ersersitsineq ajor­poq. (Job 31:1) Inter­netik­kut at­taveqaqatigiit­tarfiit qanin­niarujoor­nis­samut ator­neq ajorlugil­lu nit­tar­tak­kat naleq­qutin­ngitsut isigin­naar­neq ajor­pai. Aap, nuliani Jehovalu asagamigit ajor­tul­lu uumigigamigit nuliani ilumoorfigiuar­paa. – Tussiaat 19:15; 97:10 atuakkit.

5. Nuliaasoq uiminut qanoq in­nimit­tarsin­naava?

⁵ Uiusoq niaq­quminik, Jiisusimik Kristusimik, asan­nit­tumik ilaarsip­pat nuliata qaman­nga pisumik ataq­qinis­saa ajor­nan­ngin­nerutis­savaa. (Ef 5:22-25, 33) Nuliaasup ataq­qin­nit­tup uimi misigis­susii paasinias­savai ilagiin­nul­lu tun­ngasunik ulap­puteqaraangat ajor­nar­torsiutinil­luun­niit aaq­qiiniaraangat inus­siar­nersumik pisarlugu. Tuluit Nunaan­ni uiusoq ima oqar­poq: “Pis­susilersoriaasera al­lan­ngoraangat nuliama arlaan­nik isumakuluuteqar­tunga malugisar­paa. Taava Us­satit 20:5-imi najoq­qutas­siaq maleruar­tar­paa, naak taamaalior­neq sam­misaq eq­qar­torsin­naas­saguk­ku eq­qarsaatima ‘qaloorar­nis­saan­nut’ pif­fis­samut eq­qor­tumut utaq­qinis­samik kinguneqarsin­naagaluar­toq.”

6. Tamat­ta meeq­qat al­lanut in­nimit­tar­tuunis­samut qanoq kajumis­saarsin­naavavut, taman­nalu qanoq iluaqutigis­savaat?

⁶ Angajoq­qaat im­min­nut in­nimit­tar­tumik pisarunik meeq­qamin­nut maligas­saal­luas­sap­put. Aam­ma meeq­qatik al­lanut in­nimit­tar­nis­samik ilin­niar­tit­tariaqar­paat. As­sersuutigalugu angajoq­qaat meeq­qatik naalagaaf­filersaarfim­mi ar­pat­tan­ngin­nis­samik ilin­niar­tis­sin­naavat. Imaluun­niit katerisimaar­ner­ni meeq­qatik oqarfigisin­naavaat utoq­qaat siul­liul­lutik nerisas­sanik tigusisas­sasut.  Soorunami ilagiin­niit­tut tamarmik angajoq­qaanik tapersersuisin­naap­put. Taamaat­tumik meeraq in­nimit­taraangat, as­sersuutigalugu matumik am­maak­kaangatigut, nersualaar­tas­savar­put. Taman­na meeq­qap nuan­naalis­sutigis­savaa ‘tunisinerul­lu tigusinermit pil­luar­nar­nerunerata’ paasinis­saanut iluaqutigis­sal­lugu. – ApS 20:35.

7. Jiisusi angum­mut tusilar­tumut qanoq in­nimit­tar­pa, maligas­siaalu qanoq ilin­niarfigisin­naavar­put?

⁷ Taamaal­luni Jiisusi Dekapolisimiit­toq inuit “tusilar­toq oqalun­neq sapingajat­toq” aggiup­paat. (Mark 7:31-35) Jiisusip ajorun­naarsip­paa, inuil­li al­lat isigitin­nagit. Sooq? Angutip tusilar­tuugami imaas­sin­naavoq inup­pas­suit akor­nan­niis­sal­luni toq­qis­sisimanarin­ngik­kaa. Jiisusip misigis­susii paasigamigit ‘inun­nit nigor­teriarlugu’ inoqan­ngitsumi ajorun­naarsip­paa. Soorunami uagut tupin­nar­tuliorsin­naan­ngilagut, qatan­ngutit­tali pisariaqar­titaat misigis­susiilu in­nimigisariaqar­pavut inus­siar­nersuul­lutalu. Apustili Paulusi al­lap­poq: “Im­mitsin­nut isumageqatigiin­niar­ta asaqatigiin­nermut ajun­ngitsulior­nermul­lu kajumis­saaqatigiit­tarluta.” (Hebr 10:24) Jiisusip angut tusilar­toq qanoq misigisoq paasivaa inus­siar­nersumil­lu pil­lugu. Uagutsin­nut maligas­siuil­luangaarami!

8, 9. Utoq­qaat in­narluutil­lil­lu isumas­sorlugit qanoq ersersis­sin­naavar­put? (As­sersuuteqarit).

⁸ Utoqqarnut innarluutilinnullu innimittartuugit. Kristumiut ilagiivisa naam­mas­sisaqarsin­naaneq taamaal­laat ilisar­naatiginagu asan­nin­neq pingaar­ner­tut ilisar­naatigaat. (Joh 13:34, 35) Asan­nin­neq kajumis­sis­sutigalugu qatan­ngutivut utoq­qaat in­narluutil­lil­lu ataatsimiin­nermut oqaluus­sinis­samul­lu peqataaq­qul­lugit sapin­ngisatsin­nik iliuuseqar­tar­pugut. Pisariunera al­laal­lu ikiuk­kat­ta iliuuseqar­piarsin­naan­ngin­nerat apeq­qutaatin­nagit taamaalior­tar­pugut. (Matt 13:23) Michael, is­siavim­mi kaas­suar­tak­kamiit­toq, qujamasungaar­poq ilaqut­taminit ilagiin­niit­tunil­lu ikior­neqar­tarami. Ima oqar­poq: “Kik­kut tamarmik ikiorluar­tarman­nga ataatsimiin­nerit tamangajaasa najuuf­figisar­pak­ka akulikitsumil­lu oqaluus­seqataasarlunga. Pingaar­tumik tamanut oqaluus­sineq nuan­naraara.”

⁹ Betelini amerlasuuni qatan­nguteqar­poq aalajaatsunik utoq­qar­nik in­narluutilin­nil­lu. Nak­kutil­liisut isumas­suisut al­lak­katigut oqarasuaatik­kul­lu oqaluus­sinis­saasa isumagineratigut asan­nit­tulior­tar­put. Bil­l, 86-inik ukiulik inun­nul­lu isorliunerusuni najugalin­nut al­lat­tar­toq, ima oqar­poq: “Al­las­sin­naaner­put im­mik­kut pisin­naatitaaf­fit­tut qujamasuutigaar­put.” Nancy, 90-t pal­lil­lugit ukiulik, oqar­poq: “Al­lan­neq al­lak­kat-puuan­nut al­lak­kanik man­ngus­suus­sinerin­nar­tut isigin­ngilara. Oqaluus­sineruvoq. Inuit  sal­lusuis­sut paasisariaqar­paat!” Ethel, 1921-imi inuusoq, ima oqar­poq: “An­niar­neq inuunerma ilagiin­nar­paa. Ilaan­nik­kut atisalersor­nerin­naq saper­nar­tit­tar­para.” Taamaak­kaluar­toq oqarasuaat atorlugu oqaluus­sineq nuan­nersumil­lu pulaaq­qiisar­neq nuan­naarutigai. Barbara, 85-inik ukiulik, ima nas­suiaavoq: “Peq­qiil­liorama akulikitsumik oqaluus­sisar­nis­sara saper­nar­tingaar­para. Oqarasuaatik­kul­li oqaluus­sinik­kut al­lat oqaloqatigisin­naavak­ka. Jehova, qujanaq!” Ukiup ataatsip ingerlanerin­naani utoq­qaat eqimat­tat asanar­tut nalunaaqut­tap-akun­neri 1.228-it atorlugit oqaluus­sip­put, al­lak­kanik 6.265-inik al­lap­put, oqarasuaatik­kut oqaloqateqar­nerat 2.000-init amerlanerup­put Biibililersaarutinil­lu 6.315-inik tun­nius­sil­lutik! Qularin­ngis­sin­naavar­put iliuusiat Jehovap nuan­naarutigigai! – Us­s 27:11.

10. Qatan­ngutivut ataatsimiin­ner­ni sapin­ngisamik an­ner­paamik pis­sarsiaqar­nis­saan­nut qanoq ikiorsin­naavavut?

¹⁰ Kristumiut ataatsimiinnerini innimittartuugit. In­nimit­taraangat­ta qatan­ngutivut ataatsimiin­ner­ni sapin­ngisamik an­ner­paamik pis­sarsiaqar­nis­saan­nut ikior­tar­pavut. Qanoq? Ilaatigut ajoqusersuin­ngin­nias­sagat­ta aggiaar­tar­nik­kut. Ilaan­nik­kut pis­sutsit ilimagin­ngisat pis­sutigalugit kingusinaar­tar­pugut. Inor­tuiuaan­narut­tali qanoq in­nimit­tar­nerusin­naanerluta eq­qarsaatigisariaqar­par­put. Aam­ma eq­qaamas­savat Jehova Er­neralu ataatsimiin­ner­nut qaaq­qusisuum­mata. (Matt 18:20) Aggiaar­tar­nitsigut taak­kua ataq­qisariaqar­pavut!

11. Sooq qatan­ngutit angutit ataatsimiin­ner­ni pisas­saqar­tut Paulusip ilitsersuutaa malit­tariaqar­paat?

¹¹ Qatan­ngutitsin­nut in­nimit­tarut­ta Biibilimi Paulusip ilitsersuutaa una  malis­savar­put: “[Suut] tamarmik ip­pin­nan­ngitsumik torersumil­lu ingerlalit.” (1 Kor 14:40) Qatan­ngutit angutit ataatsimiin­nermi pisas­saqar­tut pif­fis­saq eq­qorlugu naam­mas­sisar­nik­kut taman­na malit­tar­paat. Taamaalil­lutik pisas­saqar­tumut tul­liut­tumut in­nimit­taan­nar­natik ilagiin­niit­tunut tamanut in­nimit­tar­tar­put. Eq­qarsaatigiuk kingusinaarluni naam­mas­sineq al­lanut qanoq kinguneqarsin­naasoq. Ilaat ungasis­sumut biilerlutik angerlar­tus­saap­put. Al­lat bus­sit qimut­tuitsul­luun­niit angumerisus­saavaat. Ilaal­lu al­lamik up­perisalim­mik aap­paqar­put pif­fis­sami aalajangersimasumi angerlar­tar­nis­samik piumasaqar­tar­tumik.

12. Sooq utoq­qaaner­tat ataq­qisariaqarlugil­lu asasariaqar­pavut? (Takuuk ungalusaq “ Siulersuisunut in­nimit­tar­tuugit”).

¹² Utoq­qaaner­tat ilagiin­ni oqaluus­sinermilu tamaviaarlutik sulisarmata ataq­qisariaqarlugil­lu asasariaqar­pavut. (1 Thessalonikamiut 5:12, 13 atuakkit). Qular­nan­ngitsumik ilis­si pil­lusi iliuuserisar­pas­sui qujamasuutigaasi. Taman­na takutis­sin­naavarsi kajumil­lusi naalan­nerisigut tapersersor­nerisigul­lu, “taak­kuami tar­nisi pigaap­paat nalun­ngin­namik­ku taak­ku pil­lugit akisus­saatitaajumaarlutik”. – Hebr 13:7, 17.

13. Jiisusip inun­nut pis­susilersoriaasia qanoq ilin­niarfigisin­naavar­put?

¹³ Jiisusi pil­lugu Esaja ima siulit­tuivoq: “Sul­lor­tooq naf­falik napivis­san­ngilaa iperarlu pujoor­toq qamivis­sanagu.” (Es 42:3) Jiisusip inuit asagamigit misigin­neqatigisar­pai. Nikal­lungasut san­ngiitsul­lu ‘sul­lor­tuutut naf­falit­tut’ it­tut aam­ma ‘iperar­tut pujoor­tutut’ it­tut misigis­susii paasigamigit inus­siar­nersumik kamagit­tar­tumil­lu pisar­pai. Al­laat meeq­qat Jiisusi ilagerusut­tar­paat. (Mark 10:14) Soorunami inuit paasinis­saan­nut ilin­niar­tin­nis­saan­nul­lu Jiisusitut pik­koritsigin­ngilagut! Oqaloriaatsitsigul­li aam­ma oqaloqatigiin­nit­ta sivisus­susaatigut oqaluus­sif­figisavut in­nimit­tar­nermik ersersitsivigisin­naavavut.

14. Sooq inun­nut qanoq oqaloriaaseqar­nerluta eq­qarsaatigisariaqar­par­put?

¹⁴ Inuit qanoq oqaluuttassavavut? Nalitsin­ni inuit mil­lionil­lit silarsuarmi matumani niuer­tunit aam­ma politik­kik­kut up­perisarsior­nik­kul­lu siut­tunit peq­quserlut­tunit soq­qusaatsunil­lu ‘paarinerlugaap­put’. (Matt 9:36) Tamatuma kingunerisaanik inup­pas­suit tatigisaqar­natil­lu neriuuteqan­ngil­lat. Taamaat­tumik oqaloriaatsitsin­nit nipitsin­nil­lu tusaaneqarsin­naasariaqar­poq inus­siar­nersuul­lutalu isumas­suisuusugut! Inup­pas­suit Biibilimik atuil­laq­qin­ner­put pis­sutigiin­nar­nagu kisian­ni aam­ma ilumoorluta soqutigin­nin­ner­put ataq­qin­nin­ner­pul­lu pis­sutigalugit tusarlius­sar­put tusarusut­tar­paat.

15. Inun­nut oqaluus­sif­figisar­tak­katsin­niit­tunut ilaatigut qanoq in­nimit­tar­tuusin­naavugut?

¹⁵ Oqaluus­sif­figisatsin­nut as­sigiin­ngitsor­pas­suar­tigut in­nimit­tar­tuusin­naavugut. Inus­siar­nersumik ataq­qin­nit­tumil­lu aperisariaqar­pugut. Pioneri inup­pas­suar­nut it­toor­tunut oqaluus­sisarami apeq­qutit eq­qor­tumik akisin­naan­ngin­nerat pis­sutigalugu peq­qusiileqilersitsisin­naasut ator­naveersaar­tar­pai. Ima aperineq ajor­poq: “Guuti qanoq ateqar­toq nalun­ngiliuk?” imaluun­niit “Guutip  naalagaaf­fia suusoq nalun­ngiliuk?” Imali oqar­tar­poq: “Biibilimit ilik­kar­para Guuti ateqar­toq. Qanoq ateqar­toq takutis­sin­naavara?” Inuit kulturil­lu as­sigiin­ngitsuum­mata periuseq taan­na sumiif­fiit ilaan­ni im­maqa pisariaqan­ngilaq. Inuil­li oqaluus­sif­figisar­tak­katsin­niit­tut tamatigut inus­siar­nersumik ataq­qin­nit­tumil­lu pisariaqar­pavut. Taamaaliorumal­luta ilisarisimal­lualer­tariaqar­pavut.

16, 17. Qanoq inus­siar­nersuusin­naavugut aalajanger­nialerutsigu (a) qaquguk­kut inuit kasut­torfigis­sal­lugit? (b) qanoq sivisutigisumik oqaloqatigis­sal­lugit?

¹⁶ Qaqugukkut kasuttortassaagut? Matumiit matumut oqaluus­sigaangat­ta inuit qaaq­qusiman­ngim­matigut agger­nis­sar­put naatsorsuutigineq ajor­paat. Taamaat­tumik pingaaruteqarluin­nar­poq pif­fis­sami oqaloqateqar­nis­samut periarfis­saqar­neran­ni agger­tar­nis­sar­put. (Matt 7:12) As­sersuutigalugu inuit oqaluus­sif­figisar­tak­kan­niit­tut weekendini sivisuumik sinik­kusut­tar­pat? Taava im­maqa aq­qusinermi oqaluus­sinik­kut, tamanut oqaluus­sinik­kut inun­nul­lu oqaloqateqar­nis­samut periarfis­saqar­tunut pulaaq­qiinik­kut oqaluus­sinerit aal­lar­tis­sin­naavat.

¹⁷ Qanoq sivisutigisumik oqaloqatigissavavut? Inup­pas­suit as­sut ulapit­tarmata im­maqa pitsaas­saaq, pingaar­tumik aal­laq­qaam­mut, sivikitsumik oqaloqatigisarutsigit. Sivikitsumik oqaloqateqar­neq sivisual­laamik oqaloqateqar­nermit ajun­ngin­neruvoq. (1 Kor 9:20-23) Inuit ulapin­nermin­nik paasin­nit­tugut takugunik­ku im­maqa tul­liani aggeq­qik­kut­ta oqaloqatigerusun­nerus­savaatigut. Guutip anersaavanit pisumik pis­suseqarut­ta tas­saalis­saagut “Guutip suleqatai”. Im­maqa al­laat Jehovap al­lamik sal­lusuis­sum­mik ilin­niar­titsinermi atus­savaatigut! – 1 Kor 3:6, 7, 9.

18. Al­lanut in­nimit­tar­tuugut­ta qanoq pil­luaq­quneqar­nis­sar­put neriuutigisin­naavar­put?

¹⁸ Taamaat­tumik sapin­ngisatsin­nik ilaqut­tatsin­nut, anersaak­kut qatan­ngutitsin­nut oqaluus­sif­figisatsin­nul­lu in­nimit­tar­tuugisa. Taamaaliorut­ta maan­na siunis­samilu pil­luaq­quneqangaas­saagut. Tus­siaat 41:2, 3-milu al­las­simavoq: “Pil­luar­poq san­ngiitsumik isumas­suisoq; taan­na Naalak­kap an­naak­kumaar­paa ul­lormi perlulim­mi. Naalak­kap ser­nigis­savaa inuutil­lugulu, pil­luar­tis­savaa nunami.”