QAS­SIN­NGOR­NERSOQ paasiniaraangak­ku susar­pit? Nalunaaqutaaq­qat qiviar­tarunar­pat. Im­maqa ul­loqeq­qa akun­nermik ataatsimik minutsinil­lu 30-nik qaangeraa takuat. Qanoq akis­sagaluar­pit ikin­ngutivit ima aperigaluar­patit: “Qas­sin­ngor­pa?”

Taman­na sumi najugaqar­nin­nut apeq­qutaavoq. As­sersuutigalugu ima oqarsin­naavutit: “Marlup qeq­qa”. Sumiif­fiit ilaan­ni aam­ma ima oqar­toqar­tar­poq, “1.30” imaluun­niit “13.30”, tas­sa ataatsip qaangerlugu qiteq­qut­toq.

Biibilip nalaani pif­fis­saq qanoq oqaatigineqar­tar­pa? Aam­ma oqariar­taatsit arlaqar­put. Al­lak­kani Hebræerisuuni oqaatsit soorlu ‘ul­laaq’, ‘ul­loqeq­qanut’ aam­ma ‘un­nuler­nerani’ ator­neqar­tar­put. (1 Mos 8:11; 19:27; 43:16; 1 Kng 18:26) Ilaan­nik­kul­li aam­ma Biibilimi pif­fis­saq aalajangersimanerusumik al­lan­neqar­tar­poq.

Itsaq Israelimi paarsisunik pigaar­toqar­tar­neq nalingin­naavoq, pingaar­tumik un­nuak­kut. Israelik­kut un­nuk pingasun­ngorlugu im­mik­koor­tit­tar­paat, ‘pigaarfin­nik’ taak­ku taaneqar­tar­put. (Tus­s 119:148) Eq­qar­tuus­sisut 7:19-imi atuar­par­put “pigaarfiit aap­paat aal­lar­tit­toq”. Jiisusip inun­ngor­nerata nalaani juutit un­nuk pigaarfiit sisaman­ngorlugit im­mik­koor­tit­tar­paat, soorlu Grækerit Romamiul­lu taamaalior­tar­tut.

Iivangkiiliuni un­nuk­kut pigaarfiit taak­ku arlaleriarlutik eq­qaaneqar­tar­put. As­sersuutigalugu ‘pigaarfiit sisamaan­ni’ Jiisusi umiatsiamut ajoqersuk­kami tungaan­nut im­mak­kut pisup­poq. (Matt 14:25) Aam­ma Jiisusi as­sersuusiami ima oqar­poq: “Il­lumi it­tuusup nalun­ngik­kaluaruniuk til­lin­niaq pigaarfim­mi sorlermi tak­kutis­sasoq eq­qumas­sagaluar­poq il­luminut iser­toqar­nis­saa pinaveersaar­tin­niarlugu.” – Mat­t 24:43.

Jiisusip ajoqersuk­kani eq­qumaq­qugamigit pigaarfiit sisamat taak­ku eq­qaavai, oqarfigai nalugaat “il­lup naalagaa qaqugu tikiuk­kumaar­nersoq – un­nuk­kul­luun­niit un­nuaqeq­qar­neraniluun­niit kuk­kukuul­luun­niit angutivis­sap qarlorfiani ul­laan­nguler­neraniluun­niit.” (Mark 13:35) Pigaarfik siul­leq, ‘un­nuk­kut’, seqer­nup tarrin­neraniit un­nuk­kut qulingiluat tungaan­nuuvoq. Aap­paat, ‘un­nuaqeq­qa’, un­nuk­kut qulingiluaniit un­nuaqeq­qa tungaan­nuuvoq. Pingajuat, ‘kuk­kukuup angutivis­sap qarlorfia’ un­nuaqeq­qaniit un­nuak­kut pingasut tungaan­nuuvoq. Un­num­mi Jiisusip tigusaaf­fiani kuk­kukuup angutivis­sap qarlor­nera tamatuma nalaaniusimas­saaq. (Mark 14:72) Pigaarfiit sisamaat, ‘ul­laan­nguler­nera’, un­nuak­kut pingasut nalaan­niit ul­laak­kut seqer­nup nuiler­nerata tungaan­nuusar­poq.

Taamaam­mat inuit taamanik­kut ul­lumik­kut ator­tak­katsin­nik nalunaaqutaqan­ngik­kaluarlutik qas­sin­ngor­nersoq naluneq ajor­paat.