1. Sooq Jehovap Nalunaajaasui pil­luar­tuup­pat? (Al­laaserisap aal­laq­qaataani as­sit takuk­kit).

JEHOVAP NALUNAAJAASUI pil­luar­tuup­put. Katerisimaaraangamik, ataatsimiin­ner­ni, ataatsimeersuar­ner­ni al­latigul­luun­niit peqatigiik­kaangamik oqaloqatigiil­lutil­lu il­laqatigiit­tar­put. Sooq taama pil­luar­tigip­pat? Pingaar­ner­tut Jehova, ‘Guuti pil­luar­toq’, ilisarisimagamik­ku. Kif­far­torfigaat ilaar­niar­tarlugulu. (1 Tim 1:11; Tus­s 16:11) Jehova pil­luar­nermut pilerfiuvoq, pil­luar­nis­sar­put kis­saatigaa nuan­naar­nis­satsin­nul­lu pis­sutis­sar­pas­suar­nik tunisarluta. – 5 Mos 12:7; Oqal 3:12, 13.

2, 3. (a) Pil­luar­neq qanoq paasisariaqar­pa? (b) Pil­luar­nis­saq sooq ajor­nakusoorsin­naava?

² Il­lim­mi? Pil­luar­pit? Pil­luar­neq tas­saavoq iluarusun­neq, inuunermik nalerisimaarutigin­nin­neq nuan­naangaar­nerluun­niit. Biibilimi ersersin­neqar­poq inuit Jehovamit pil­luaq­qusaasut pil­luavis­sin­naasut. Kisian­nili sooq silarsuarmi ul­lutsin­ni pil­luar­nis­saq ajor­nakusoorsin­naava?

³ Anigoruminaatsunik nalaataqarut­ta pil­luar­nis­saq  ajor­nakusoorsin­naavoq, soorlu asasatsin­nik toqusoqar­pat ilaajun­naarsitaasoqar­pal­luun­niit, aap­patsin­nit avik­kut­ta sulif­fip­pul­luun­niit an­naagutsigu. Aam­ma angerlarsimaf­fitsin­ni eq­qis­siviil­lior­toqar­pat akerleriit­toqar­tuarlunilu, suleqatitsin­nit atuaqatitsin­nil­luun­niit il­laruaatigineqarut­ta imaluun­niit up­per­ner­put pil­lugu malersor­neqarut­ta par­naarus­saagut­taluun­niit pil­luar­nis­sar­put ajor­nakusoor­tis­sin­naavar­put. Im­maqaluun­niit peq­qiil­liuler­pugut, nakorsar­neqarsin­naan­ngitsumik nap­paateqaler­pugut isumatsaq­qangaar­nermil­luun­niit naal­liuuteqar­pugut. Eq­qaamajul­li Jiisusip Kristusip, “pil­luar­tup naalagaasutuaasup”, inuit tup­pal­lersas­sal­lugit nuan­naalersis­sal­lugil­lu nuan­narim­magu. (1 Tim 6:15; Matt 11:28-30) Saatanip silarsuaani ajor­nar­torsiuter­pas­suaqaraluarluta pil­lualer­nis­samut pis­susit ilaat iluaqutigisin­naasavut Jiisusip qaq­qami oqaluutsimini eq­qaavai.

4, 5. Pil­luarumal­luta pil­luar­tuarumal­lutalu susin­naavugut?

⁴ Jiisusip eq­qaasaa siul­leq ingam­mik pingaaruteqar­toq unaavoq: “Pilluarput anersaakkut pisariaqartitsinerminnik eqqumaffiginnittut, taak­kuami qilaat naalagaaf­fiat pigaat.” (Matt 5:3, NW) Anersaak­kut pisariaqar­titavut eq­qumaf­figigutsigit Guuti ilisarisimasariaqarlugulu taas­suma ikiuinera siulersuineralu pisariaqar­til­lugu nas­suerutigisar­par­put. Qanoq taman­na takutit­tar­par­put? Biibilimik atuaq­qis­saar­nik­kut, Guutimut naalan­nik­kut taas­sumin­ngalu pal­lorfigin­nin­nitsin­nik inuunitsin­ni pingaar­ner­paatitsinik­kut. Taamaalior­neq pil­lualivis­sutigis­savar­put. Guutip neriorsuutaasa piviusun­nguler­neran­nut up­per­ner­put nakus­satsis­saaq. Biibilimi ‘neriuuter­put pil­luar­nar­toq’ kajumis­sis­sutigis­savar­put. – Tit 2:13.

⁵ Inuunitsin­ni qanorluun­niit pisoqaraluar­toq pil­luarumagut­ta Jehovamut at­taveqar­ner­put nakus­satsit­tuar­tariaqar­par­put. Apustili Paulusi al­lap­poq: “Naalak­kami [Jehovami, NW] tipaatsut­tuin­naritsi! Oqaq­qip­punga: Tipaatsugitsi!” (Fil 4:4) Jehovamik qanimut ikin­nguteqarumal­luta Guutimit pisumik ilisimas­suseqar­tariaqar­pugut. Guutip oqaasiani al­laq­qavoq: “Pil­luar­poq inuk ilisimas­susermik pis­sarsisoq, inuk siuneqarluar­tun­ngorsimasoq. Aalajangius­sisiminut tamanut or­piuvoq inuunar­toq, pil­luar­put taas­sumin­nga iperaanaveersaar­tut.” – Uss 3:13, 18.

6. Pil­luar­tuarumal­luta aam­ma al­la suna pisariaqar­tip­par­put?

⁶ Pil­luar­tuarumal­luta Biibilimit ilik­kak­katsin­nik maleruaajuar­nis­sar­put pingaaruteqangaar­poq. Taman­na erseq­qis­sar­niarlugu Jiisusi ima oqar­poq: “Taman­na ilisimagus­siuk taava pil­luas­saasi taamaaliorus­si.” (Joh 13:17; Jaaku 1:25 atuaruk). Taman­na anersaak­kut  pisariaqar­titatsin­nik matus­suseerusuk­kut­ta pil­luar­tuarusuk­kut­talu pingaaruteqangaar­poq. Pil­luarun­naas­sutigisin­naasavul­li amerlagaluar­tut qanoq pil­luarsin­naavugut? Qaq­qami oqaluutsimini Jiisusi nangil­luni qanoq oqar­nersoq paasiniariar­tigu.

7. Aliasut­tut qanoq pil­luarsin­naap­pat?

⁷ “Pilluarput aliasuttut, taak­kumi tup­pal­lersar­neqas­sap­put.” (Matt 5:4) Im­maqa eq­qarsar­pugut, ‘Aliasut­tut qanoq pil­luarsin­naagamik?’ Jiisusip aliasut­tut tamaasa pin­ngilai. Inup­pas­suim­mi ajor­tut ‘ul­luni kingul­ler­ni atugarliungaarfiusuni’ inuul­lutik ajor­nar­torsioramik aliasup­put. (2 Tim 3:1) Im­minuin­narli eq­qarsaatigigamik Jehovamik ikin­nguteqar­nermik ineriar­tor­titsinatil­lu pil­luarsin­naan­ngil­lat. Anersaak­kut pisariaqar­titsinermin­nik eq­qumaf­figin­nit­tut Jiisusip pivai. Taak­ku aliasuutigaat inup­pas­suit Guutimik itigar­titsil­lutil­lu Guutip piumasaatut inooriaaseqan­ngin­nerat. Aam­ma ajor­tiliuner­tik ilisimaaraat silarsuarmilu ajor­tut pisar­tut nalunagit. Aliasungaar­tut taak­ku Jehovap maluginiar­pai oqaatsinilu aq­qutigalugu tup­pal­lersar­tarlugit, pil­lualersil­lugit naas­saan­ngitsumil­lu inuunermik tunil­lugit. – Ezekieli 5:11; 9:4 atuakkit.

8. Qanilaar­tuuneq pil­luar­nis­samut qanoq iluaqutigisin­naaviuk?

⁸ “Pilluarput qanilaartut, taak­kuami nunarsuaq kingor­nutis­savaat.” (Matt 5:5) Qanilaar­tuuneq pil­luar­nis­samut qanoq iluaqutigisin­naaviuk? Inup­pas­suit sorraal­lutil­lu kamajap­put, taman­nalu ajor­nar­torsiuter­pas­suar­nik kinguneqarsin­naavoq. Sal­lusuis­sul­li ilin­niaraangamik­ku al­lan­ngorlutil­lu inut­tut pis­suseq nutaaq atisar­paat. Maan­na “nal­lit­tuingaar­neq, ajun­ngis­suseq, nikanar­tin­neq, qanilaar­neq naam­magit­tas­suserlu” ersersit­tar­paat. (Kol 3:9-12) Kingunerisaanik eq­qis­sisimasun­ngor­put, al­lanut at­taveqarluarlutil­lu pil­luar­put. Aam­ma Guutip oqaasiani neriorsuuteqar­poq inuit taamaat­tut ‘nunarsuaq kingor­nuk­kumaaraat’. – Tus­s 37:8-10, 29.

9. (a) Jiisusip suna pivaa oqarami qanilaar­tut ‘nunarsuaq kingor­nutis­sagaat’? (b) Naaper­tuil­luar­nermut “kaat­tut imerusut­tul­lu” sooq pil­luas­sap­pat?

⁹ Jiisusip suna pivaa oqarami ‘qanilaar­tut nunarsuaq kingor­nutis­sagaat’? Tanitat kun­ngisut palasitul­lu naalak­kersuilerunik nunarsuaq kingor­nutis­savaat. (Saqq 20:6) Mil­lionilip­pas­suit al­lat qilam­miin­nis­samik neriugisaqan­ngitsut naas­saan­ngitsumik inuunis­samut akuerisaagunik nunarsuaq kingor­nutis­savaat. Naam­mal­luin­nar­tuus­sap­put eq­qis­sis­sal­lutil­lu pil­luas­sal­lutik. Inuit taak­ku pil­lugit Jiisusi aam­ma oqar­poq: “Pil­luar­put iluarnermut [naapertuilluarnermut, NW] kaattut imerusuttullu.” (Matt 5:6) Naaper­tuil­luar­nermik kis­saateqar­nerat Jehovap ajus­suseq tamaat piuneerup­pagu piviusun­ngorumaar­poq. (2 Petr 3:13) Silarsuar­taas­sami inuit naaper­tuil­luar­tut pil­luas­sal­lutil­lu inuit al­lat iluan­ngitsut ajor­tuliaat pis­sutigalugit aliasoq­qin­ngisaan­nas­sap­put. – Tuss 37:17.

10. Nal­lit­tuineq qanoq paasisariaqar­pa?

¹⁰ “Pilluarput nallittuisut, taak­kumi nal­lit­tor­neqas­sap­put.” (Matt 5:7) Nal­lit­tuineq isumaqar­poq kis­salaar­tuuneq, saamasuuneq misigin­neqataanerlu. Tas­sa  naal­liut­tunik naak­kin­nin­neq. Nal­lit­tuinerli misigis­susiin­naan­ngilaq. Biibilimi ilin­niar­titsis­sutigineqar­poq nal­lit­tuineq al­lanut ikiuiniarluni iliuuseqarnerusoq.

11. Samariamiumik tul­lerminik asan­nit­tumik as­sersuusiaq sumik ilin­niarfigaar­put?

¹¹ Lukasi 10:30-37 atuakkit. Jiisusip Samariamiumik tul­lerminik asan­nit­tumik as­sersuusiaa nal­lit­tuinerup isumaanik ersersitsivoq. Samariamiu misigin­neqataal­lunilu angut naal­liut­toq nal­ligigamiuk ikiorusuler­paa. Jiisusi taama as­sersuusioreerluni oqar­poq: “Il­lit­taaq taamaalioriar­torit.” Im­minut ima aperisin­naavugut: ‘Uanga taamaalior­tar­punga? Samariamiu tul­lerminik asan­nit­toq ilaar­tar­para? Al­lat naal­liuk­kaangata ikiorumal­lugit iliuuseqarsin­naavunga? As­sersuutigalugu ilagiin­nit­tut utoq­qaat, uil­lar­nerit meeq­qal­luun­niit Jehovamik kif­far­tor­tuun­ngitsunik angajoq­qaal­lit ikiorsin­naavak­ka? Nikal­lungasut tup­pal­lersarsin­naavak­ka?’ – 1 Th 5:14; Jaak 1:27.

12. Sooq nal­lit­tuigaangat­ta pil­luar­tar­pugut?

¹² Sooq nal­lit­tuigaangat­ta pil­lualer­tar­pugut? Al­lanut nal­lit­tuigaangat­ta tun­nius­sisar­pugut, Jiisusilu oqar­poq tunisineq pil­lualis­sutigisarip­put. Pis­sutaasoq al­la tas­saavoq nalun­ngin­natsigu Jehovap iluarisaatut iliorluta. (ApS 20:35; Hebræerit 13:16 atuaruk). Inuk nal­lit­tuisoq pil­lugu kun­ngi Daavi ima al­lap­poq: “Naalak­kap ser­nigis­savaa inuutil­lugulu, pil­luar­tis­savaa nunami.” (Tus­s 41:2, 3) Al­lanut nal­lit­tuil­lutalu misigin­neqataagut­ta Jehovamit nal­lit­tor­neqas­sal­lutalu naas­saan­ngitsumik pil­luarsin­naavugut. – Jaak 2:13.

13, 14. Sooq ‘uum­matik­kut minguitsuunis­saq’ pingaaruteqar­pa?

¹³ Jiisusi oqar­poq: “Pilluarput uummatimikkut minguitsuusut, taak­kuami Guuti takus­savaat.” (Matt 5:8) Uum­matik­kut minguitsuujumal­luta eq­qarsaativut pilerigisavul­lu minguitsuutit­tariaqar­pavut. Taman­na pingaaruteqangaar­poq pal­lorfigin­nin­nit­ta Jehovamit akuerineqar­nis­saa kis­saatigigutsigu. – 2 Korinthimiut 4:2 atuaruk; 1 Tim 1:5.

¹⁴ Inuit uum­matimik­kut minguitsuusut  Jehovamut at­taveqarluarsin­naap­put, taan­na ima oqar­poq: “Pilluarput atisaminnik errorsisimasut.” (Saqq 22:14) “Atisamin­nik errorsisimasut” qanoq paasisariaqarami? Kristumiut tanitat Jehovamit minguitsutut isigineqar­put, qilam­mi toqujuis­susermik tunis­savai naas­san­ngitsumil­lu pil­luas­sap­put. Inup­pas­suit nunarsuarmi inuunis­samik neriugisal­lit, Jehovap naaper­tuil­luar­tuutik­kamigit im­minik ikin­nguteqarsin­naatip­pai. Biibilimi al­laq­qavoq “[atisamin­nik] Savaaq­qap aavanut eq­qiaasimasut qaqor­titil­lugit.” – Saqq 7:9, 13, 14.

15, 16. Uum­matimik­kut minguitsut qanoq ‘Guuti takusin­naavaat’?

¹⁵ Jehova ima oqar­poq: “Uan­nik takun­nit­toq [inuugin­narsin­naan­ngilaq].” (2 Mos 33:20) Qanormi uum­matimik­kut minguitsut ‘Guuti takusin­naagamik­ku’? Oqaaseq grækerisooq ‘takun­nin­nermik’ nutser­neqar­toq isumaqarsin­naavoq takorluuineq, paasin­nin­neq ilisiman­nin­nerluun­niit. Tas­sa ‘Guutimik takun­nin­neq’ isumaqar­poq taas­suma qanoq it­tuuneranik paasin­nin­neq pis­susaanil­lu nuan­narin­nin­neq. (Ef 1:18) Guutip pis­susii Jiisusip ilaaq­qis­saaramigit oqarsin­naavoq: “Uan­nik takun­nit­tup Ataataq takuaa.” – Joh 14:7-9.

¹⁶ Aam­ma ‘Guuti takusar­par­put’ taas­suma inuunitsin­ni ikiuinera misigigaangatsigu. (Job 42:5) Aam­ma ‘takusin­naavavut’, imaluun­niit eq­qarsaatiginiar­nerusin­naavavut, Jehovap ilumoorfigin­nil­lutik kif­far­tor­tunut minguitsuujuar­tunul­lu neriorsuutai nuan­ningaar­tut. Tanital­lu makititaagunik qilaliarunil­lu ilumoor­tumik Jehova takus­savaat. – 1 Joh 3:2.

17. Sooq eq­qis­seqatigiis­sitsisut pil­luar­pat?

¹⁷ Jiisusi nangil­luni oqar­poq: “Pilluarput eqqisseqatigiissitsisut.” (Matt 5:9) Al­lanik eq­qis­seqateqar­niarluta iliuuseqaq­qaar­tuugaangat­ta pil­luarsin­naavugut. Ajoqersugaq Jaaku ima al­lap­poq: “Iluar­neq eq­qis­sinermi siaruar­tik­kat inerititaraat, eq­qis­sisitsisul­lu pisas­saraat.” (Jaak 3:18) Taamaam­mat ilagiin­ni ilaqut­tan­niluun­niit arlaat isumaqatigiin­ngis­suteqarfigigaangak­ku eq­qis­seqatigiis­sitsisuunis­san­nik ikioq­qul­lutit Jehova kimigiiserfigisaruk. Taava Jehovap anersaaminik il­ler­nar­tumik tunis­savaatit, kristumiutul­lu pis­suserineqar­tus­sanik ersersitsinis­samut iluaqutigis­savat nuan­naar­nerulis­saatil­lu. Eq­qis­seqateqar­niarluni iliuuseqaq­qaar­tuunis­sap pingaaruteqas­susia ersersin­niarlugu Jiisusi oqar­poq: “Taamaat­tumik tunis­sutis­sat pil­liivim­mukaak­kuk­ku tas­sanilu eq­qaalerlugu qatan­ngutit il­lit pil­lutit un­nerluus­sutis­saqar­toq, taava tunis­sutis­sat pil­liivim­mut qimal­lugu qatan­ngutit saam­maak­kiar­toq­qaaral­laak [eq­qis­seqatigiar­toq­qaaral­laak, NW], taavalu aatsaat kingor­na tunis­sutis­sat pil­liutigiar­torlugu.” – Matt 5:23, 24.

18, 19. Sooq kristumiut malersugaagaluarlutil­luun­niit nuan­naarsin­naap­pat?

 ¹⁸ “Pilluarpusi ilissi uanga pillunga mitaatigippasi qinugalusilu tamanillu ajortunik oqaatigippasi sallullutik.” Jiisusimuna suna pigaa? Ima nangip­poq: “Tipaatsugitsi nuan­naarlusilu akis­sarsias­sarsi qilan­niit­toq angeqim­mat; taamatut­taarmi pruf­fiitit qinugisar­paat ilis­si siunis­sigut.” (Matt 5:11, 12) Apustilit persut­tar­neqarlutil­lu oqaluus­siun­naar­nis­samik peq­quneqaramik “kil­lisiuisarfik qimap­paat nuan­naarlutik”. Soorunami persut­tar­neqar­ner­tik nuan­naarutigin­ngilaat. Kisian­ni nuan­naar­put “Jiisusip aq­qa pil­lugu narrunarsagaanis­samut qin­ngaq­qun­nar­titaan­ngin­namik.” – ApS 5:41.

¹⁹ Ul­lumik­kut Jehovap in­nut­tai aam­ma Jiisusip aq­qa pil­lugu malersor­neqaraangamik nuan­naarlutik piner­tusaar­tar­put. (Jaaku 1:2-4 atuakkit). Apustilit as­sigalugit naal­liun­neq malersor­neqar­nerluun­niit nuan­naarutigineq ajor­pavut. Jehovali ilumoorfigiuarutsigu piner­tusaar­nis­satsin­nut pisariaqar­titatsin­nik sapiis­susermik taas­suma tunis­savaatigut. Henryk Dor­nik qatan­ngutaalu qanoq pineqar­nersut eq­qarsaatigiuk. Aggustimi 1944-mi tigusanut inis­siarsuarmukaan­neqar­put. Akerlilersuisui oqar­put: “Al­latut iliuuseqar­tin­neqarsin­naan­ngil­luin­nar­put. Up­perisaq pil­lugu toqus­sagunik nuan­naarutigaat.” Henryk ima nas­suiaavoq: “Toqutaanis­sara kis­saatigin­ngik­kaluarlugu Jehovamut ilumoorfigin­nil­lungalu sapiil­lunga naal­liun­nera nuan­naarutigaara.” Ima nangip­poq: “Torlulal­lunga qinusar­nik­ka Jehovamut qanin­nerulis­sutigaak­ka, up­per­narsar­paalu ikiuisuul­luni tatiginar­toq.”

20. Sooq ‘Guuti pil­luar­toq’ kif­far­torfigigatsigu pil­luar­pugut?

²⁰ Malersugaagaluarut­ta, ilaqut­tatsin­nit akerlilersor­neqaraluarut­ta, nap­parsimaleraluarut­ta utoq­qaligaluarut­taluun­niit Jehovap, ‘Guutip pil­luar­tup’, iluarigaangatigut pil­luarsin­naavugut. (1 Tim 1:11) Aam­ma Guutit­ta, “sal­lusuitsup” nuan­nersor­pas­suar­nik neriorsorsimam­matigut pil­luarsin­naavugut. (Tit 1:2) Jehovap neriorsuutini piviusun­ngor­tip­pagit maan­na ajor­nar­torsiutigisavut eq­qaamas­san­ngilavul­luun­niit. Tas­sami maan­na takorluuk­kavut akimorlugit paratiisimi inuuneq nuan­ningaarlunilu pil­luar­nangaas­saaq! Aap, ‘eq­qis­sineqangaar­neq tipaatsuutigil­luin­nas­savar­put’. – Tus­s 37:11, NW.