1. Silarsuup nam­minis­sarsior­tumik isigin­nit­taaseqar­nera maniguun­nitsin­nut qanoq sun­niuteqarsin­naava?

SOOQ Guutip oqaasiani ilik­kak­kat­ta maleruar­nis­saat saper­nar­tar­pa? Eq­qor­tumik iliorumal­luta maniguut­tariaqar­ner­put tamatumun­nga pis­sutaasut ilagaat. ‘Ul­luni kingul­ler­ni’ mak­kunani inuit tas­saam­mata “nam­minis­sarsior­tut, aningaaserituut, usorsitsaar­tut, an­neruniar­tut” aam­ma “im­minut naalak­kersin­naan­ngitsut” (NW) maniguun­nis­saq saper­nar­tar­poq. (2 Tim 3:1-3) Guutimut kif­faagat­ta nalun­ngilar­put pis­susipalaat taak­ku ajor­tuusut, pis­susipalaaqar­tul­li im­maqa ingerlal­luar­pasit­tarlutil­lu inuunermin­nik as­sut nuan­naarutigin­nip­pasit­tar­put. (Tus­s 37:1; 73:3) Al­laat eq­qarsarsin­naavugut: ‘Al­lat pisariaqar­titaat uanga pisariaqar­titan­nit ilumut pingaar­nerutit­tariaqar­pak­ka? Maniguuk­kuma al­lat suli ataq­qis­savaan­nga?’ (Luk 9:48) Silarsuup nam­minis­sarsior­tumik isigin­nit­taaseqar­neranit sun­ner­tik­kut­ta qatan­ngutitsin­nut at­taveqarluar­ner­put  in­narlersin­naal­lugulu al­lat kristumiuuner­put takujuminaatsilersin­naavaat. Guutil­li kif­fai aalajaatsut pil­lugit oqalut­tuat atuaq­qis­saarutsigit ilaarlugil­lu angusaqarluas­saagut.

2. Itsaq Guutip kif­fai aalajaatsut qanoq ilin­niarfigisin­naavavut?

² Itsaq Guutip kif­fai aalajaatsut Guutimut ikin­ngutaanis­samin­nut suut iluaqutigaat? Sooq Guutimit iluarisaap­pat? Eq­qor­tulior­nis­samut qanoq nakus­satsin­neqar­pat? Taak­kua misigisaan­nik atuar­neq eq­qarsaatigin­neq­qis­saar­nerlu up­per­nik­kut nakus­satsis­sutigis­savar­put.

3, 4. (a) Jehovap qanoq ilin­niar­tit­tar­paatigut? (b) Sooq up­per­nik­kut nukit­tujumal­luta ilisimasaqaan­nar­nata iliuuseqar­tariaqar­pugut?

³ Jehovap pisariaqar­titatsin­nik up­per­nik­kut nakus­satsit­tar­paatigut. Biibili, Biibililersaarutit, nit­tar­tagar­put, JW Broadcasting, ataatsimiin­nerit ataatsimeersuar­neril­lu aq­qutigalugit pitsaasunik siun­nersor­neqar­tarlutalu ilin­niar­tin­neqar­tar­pugut. Jiisusil­li nas­suiar­paa ilisimasaqaan­nar­nata iliuuseqar­tariaqar­tugut. Ima oqar­poq: “Uanga nerisas­sara tas­saavoq aal­lar­titsisima piumasaa malillugu iliornissaq suliassarititaatalu naam­mas­sinis­saa.” – Joh 4:34.

⁴ Guutip piumasaatut ilior­neq Jiisusip neriner­tut isigaa. Peq­qin­nar­tunik nerinit­ta nalerisimaar­titsisar­neratut timitsin­nil­lu nakus­satsitsisar­neratut Guutip piumasaatut ilior­ner­put nalerisimaalis­sutigalugulu up­per­nik­kut nakus­satsis­sutigisar­par­put. As­sersuutigalugu misiginikuuiuk qasul­lutit katersuut­tunukaravit oqaluus­sereerlutit nuan­naarlutit nakus­satsil­lutil­lu angerlarlutit?

5. Ilisimas­suseq qanoq iluaqutigisar­par­put?

⁵ Jehovap piumasaatut iliorut­ta ilisimas­suseqas­saagut. (Jaak 3:13) Ilisimas­suseqar­tut ajun­ngitsor­pas­suar­nik atugaqar­tar­put. “Pil­luar­poq inuk ilisimas­susermik pis­sarsisoq, inuk siuneqarluar­tun­ngorsimasoq. ... Ilisimas­sut sapan­ngaris­sunit erlin­nar­neruvoq, pisuus­sutivit suugaluar­tul­luun­niit al­lat nal­lersin­naan­ngilaat. ... Aalajangius­sisiminut tamanut or­piuvoq inuunar­toq, pil­luar­put taas­sumin­nga iperaanaveersaar­tut.” (Uss 3:13-18) Jiisusi oqar­poq: “Taman­na ilisimagus­siuk taava pil­luas­saasi taamaaliorus­si.” (Joh 13:17) Ajoqersuk­kat Jiisusip peq­qusineratut ilior­tuarunik pil­luas­sap­put. Ilin­niar­titsis­sutaanik maligas­siaanil­lu maleruaaneq inooriaaseriler­paat.

6. Sooq ilik­kak­kavut maleruar­tuar­tariaqar­pavut?

⁶ Uagut­taaq ilik­kak­kavut maleruar­tuar­tariaqar­pavut. Biililerisoq sak­kulik, ator­toris­saarutilik ilisimasaqar­torlu eq­qarsaatigiuk. Taak­kua aatsaat ator­tarunigit biilileril­laq­qis­suusin­naavoq. Ukior­pas­suar­ni misilit­tagaqaraluaruniluun­niit biilileril­laq­qis­suujuarumal­luni ilik­kak­kani ator­tuar­tariaqar­pai. Taamatut­taaq sal­lusuis­sut ilin­niaq­qaaleratsigu Biibilimi atuak­kavut malerualeratsigit pil­luar­pugut. Pil­luar­tuarumal­lutali Jehovap ilin­niar­titsis­sutai ul­lut tamaasa maleruar­tariaqar­pavut.

7. Biibilimi oqalut­tuat ilin­niarfigiumal­lugit susariaqar­pugut?

⁷ Al­laaserisami matumani pis­sutsit maniguun­nis­satsin­nik saper­nar­titsisin­naasut eq­qar­tus­savavut. Itsaq aalajaatsut qanoq maniguut­tuar­tut ilin­nias­savar­put. Paasis­sutis­sal­li atuaan­nar­nagit eq­qarsaatigisariaqarlugil­lu inuunitsin­ni maleruar­tariaqar­pavut.

8, 9. Pisunit Apustilit Suliaat 14:8-15 al­laatigineqar­tunit Paulusip maniguun­nera pil­lugu suna ersersin­neqar­pa? (Al­laaserisap aal­laq­qaataani as­siliaq takuuk).

⁸ Guutip kis­saatigaa inuit tamalaat ‘an­naan­neqas­sasut sal­lusuis­sum­mil­lu ilisarsis­sasut’. (1 Tim 2:4) Inuit sal­lusuis­sum­mik suli paasin­nis­siman­ngitsut qanoq isumaqarfigaagit? Apustilip Paulusip juutit Jehova pil­lugu ilisimasaqalaareersut oqaluus­sif­figai. Inuil­li guutipilun­nik pal­lorfigin­nit­tut aam­ma oqaluus­sif­figai. Taak­kunun­nga oqaluus­sineq Paulusip maniguun­neranut misilin­neqaataavoq. Qanoq?

⁹ Paulusi ajoqersuiar­tor­titatut angalanermini siul­lermi Bar­naba ilagalugu il­loqarfim­mut Lystramukar­poq. Lykaoniamiut Paulusi Bar­nabalu pis­saanilis­suar­tut pivaat guutimil­lu ilumuun­ngitsut atiinik, Zeusimik Hermesimil­lu, taal­lugit. Paulusi Bar­nabalu usorsisimaaler­pat? Il­loqarfin­ni marlun­ni siuliini tikeraak­kamin­ni malersor­neqaramik pis­sutsit pitsaanerulersoraat? Eq­qarsar­pat taamatut pineqar­ner­tik inun­nut amerlanerusunut nutaarsias­samik nuan­nersumik oqaluus­sinis­samut periarfis­saas­sasoq? Naamik! Tupap­put imalu suaarlutik: “Arraa ukorsii! Suleqaasiuna? Ilis­situl­liuna inuin­naasugut.” – ApS 14:8-15.

10. Sooq Paulusi Bar­nabalu Lykaoniamiunit pitsaanerusutut misigin­ngil­lat?

¹⁰ Paulusi Bar­nabalu inuin­naaneraramik naam­mal­luin­nan­ngitsuuner­tik pivaat. Isumaqan­ngil­lat pal­lorfigin­nin­ner­tik Lykaoniamiut pal­lorfigin­nin­nerat­tut it­toq. Paulusi Bar­nabalu Guutimit ajoqersuiar­tor­titatut aal­lar­titaap­put. (ApS 13:2) Anersaamik il­ler­nar­tumik tanin­neqar­put nuan­nersumil­lu neriuuteqarlutik. Pitsaanerusutul­li misiginis­samut pis­sutis­saqan­ngil­lat. Nalun­ngilaat inuit taak­kua nutaarsias­sanik nuan­nersunik akuersigunik qilaliar­nis­samik aam­ma neriuuteqalersin­naasut.

11. Oqaluus­sinermi Paulusitut qanoq maniguus­sin­naavugut?

¹¹ Tamatumani Paulusitut maniguun­ner­put ilaatigut ersersis­sin­naavar­put. Misigin­ngisaan­nar­pugut oqaluus­sinis­samik sulias­sar­put imaluun­niit Jehovap ikiuineratigut naam­mas­sisavut pis­sutigalugit im­mik­kuul­laris­suul­luta. Im­minut ima aperisin­naavugut: ‘Oqaluus­sif­figisar­tak­kavut qanoq isigin­nit­taaseqarfigaak­ka? Inuit eqimat­tat aalajangersimasut pil­lugit siumut isum­mius­sereeq­qasar­punga?’ Jehovap Nalunaajaasuisa nunarsuaq tamak­kerlugu nutaarsias­samik nuan­nersumik tusarusut­tut ujar­tor­tar­paat. Ilaasa al­laat inuit al­lanit nikanar­tutut isigineqar­tut oqaasii ileq­quilu ilin­niar­tar­paat. Misigin­ngisaan­nar­pul­li oqaluus­sif­figisamin­nit pitsaanerul­lutik. Inuil­li sapin­ngisamik amerlaner­paat Naalagaaf­fim­mik tusarlius­samik akuersinis­saan­nut ikiorsin­naajumal­lugit tamaasa im­mik­kut paasiniar­tar­paat.

12. Epafrasip al­lat ilumoorluni soqutigalugit qanoq ersersip­paa?

¹² Aam­ma maniguun­nitsin­nik ersersitsisin­naavugut “uagut up­per­nitsitut erlin­nar­tigisumik up­persuseqalersimasunut” qin­nus­sisar­nik­kut. (2 Petr 1:1) Epafrasi taama ilior­poq. Biibilimi pingasoriaan­narluni al­laatigineqar­poq. Paulusip Romami il­lumit aneq­qusaan­ngin­nermini kristumiut Kolos­semiit­tut Epafrasi pil­lugu ima al­laf­figai: “Taas­suma qin­nutimini ilungersuutigiuar­tar­paasi.” (Kol 4:12) Epafrasip qatan­ngutit ilisarisimal­luar­pai qaman­ngalu pisumik soqutigalugit.  Paulusip ‘par­naarus­saaqatimisut’ taam­magu Epafrasi nam­mineq ajor­nar­torsiuteqar­poq. (Fiil 23) Al­lal­li pisariaqar­titaat soqutigai ikior­niarlugil­lu iliuuseqarluni. Epafrasip qatan­ngutini qin­nup­pai, uagut­taaq qatan­ngutivut atiisigut taasarlugit qin­nut­tarsin­naavavut. Qin­nutit taamaat­tut sun­niuteqangaar­tar­put. – 2 Kor 1:11; Jaak 5:16.

13. Qinunin­ni Epafrasi qanoq ilaarsin­naaviuk?

¹³ Kina atiatigut taal­lugu qin­nus­sin­naanerlugu eq­qarsaatigiuk. Im­maqa ilagiin­ni ikin­ngutit ilaqutariil­luun­niit unam­miniagaqar­tut ilisimavatit. Im­maqa saper­nar­tunik aalajangigas­saqarlutil­luun­niit us­ser­nar­tunik akiugas­saqar­put. Aam­ma qatan­ngutit jw.org-imi al­laaserisami “Jehovas Vidner fængslet på grund af deres tro”-mi eq­qaaneqar­tut qin­nus­sin­naavatit. (Tuuk­kit NYHEDSRUM > DEN JURIDISKE UDVIKLING). Aam­ma asasamin­nik toquk­kut an­naasaqarsimasut, qanit­tuk­kut pin­ngor­titami ajunaar­nersuarmi sorsun­nermiluun­niit aniguisimasut aningaasaqar­nik­kul­lu ajor­nar­torsiuteqar­tut qin­nus­sin­naavatit. Qatan­nguter­pas­suit uatsin­nit qin­nun­neqar­nis­sar­tik pisariaqar­tip­paat! Qin­nuk­kaangatsigit ersersit­tar­par­put pisariaqar­titavut kisiisa pin­nagit al­lat pisariaqar­titaat eq­qarsaatigisarlugit. (Fil 2:4) Jehovap qin­nutit taamaat­tut tusar­naar­tar­pai.

14. Sooq Jehova tusar­naal­laq­qin­ner­paava?

¹⁴ Aam­ma tusar­naarluar­tar­nitsigut maniguun­nitsin­nik ersersitsisin­naavugut. Jaaku 1:19-imi ‘tusarasuar­taq­quneqar­pugut’. Jehova tusar­naal­laq­qin­ner­paavoq. (1 Mos 18:32; Jos 10:14) As­sersuutigalugu Mosesimik allakkat aappaat 32:11-14 oqaloqatigiin­neq al­lan­neqarsimasoq qanoq ilin­niarfigisin­naal­lugu eq­qarsaatigiuk. (Atuakkit). Jehovap Mosesi isumasior­tariaqan­ngik­kaluarlugu misigis­sutsiminik oqaasin­ngor­titsinis­samut periarfis­sip­paa. Il­lit kuk­kusimasoq erinitsajuil­lutit tusar­naas­saviuk siun­nersuutaalu maleruarlugit? Taamaat­torli Jehovap inuit  up­perlutik qinusut tamaasa erinitsajuil­luni tusar­naar­tar­pai.

15. Al­lat ataq­qinerisigut Jehova qanoq ilaarsin­naavar­put?

¹⁵ Im­minut aperigit: ‘Jehovap maniguul­luni Aaperaamut, Rakelimut, Mosesimut, Josvamut, Manoamut, Eliamut Hizkijamul­lu tusar­naar­nermisut inuit tusar­naarsin­naap­pagit uangat­taaq taamaalior­tariaqan­ngin­ner­punga? Qatan­ngutik­ka tusar­naar­nerisigut ajor­nan­ngik­kaangal­lu siun­nersuutaasa maleruar­nerisigut ataq­qin­nin­nermik tamaasa ersersitsiviginerusin­naavak­ka? Ilagiin­ni ilaqut­tan­niluun­niit kina suli an­nerusumik soqutigin­nin­nermik ersersitsivigisin­naavara? Taman­na qanoq iliuuseqarfigis­savara?’ – 1 Mos 30:6; Eqq 13:9; 1 Kng 17:22; 2 Nal 30:20.

16. Kun­ngi Daavi Shim’imit ajor­tumik pineqarami qanoq qisuariar­pa?

¹⁶ Aam­ma al­lanit ajor­tumik pineqaraangat­ta im­minut naalak­kersin­naanis­samut maniguun­neq iluaqutigisar­par­put. (Ef 4:2) Samuelimik allakkat aappaat 16:5-13 taman­na ersersin­neqarluar­poq. (Atuakkit). Shim’ip, kun­ngimut Saulimut ilaqutaasup, Daavi kif­faalu kan­ngunarsarlugil­lu saas­sup­pai. Daavip Shim’i unitsis­simasin­naagaluar­paa, kamagit­tarlunili taas­suman­nga kan­ngunarsar­neqar­nermini piner­tusaar­poq. Sooq Daavi im­minut naalak­kersin­naava? Tus­siaatit pingajuat misis­sor­neratigut taman­na paasis­savar­put.

17. Daavip im­minut aqun­nis­saminut suna iluaqutigaa, qanorlu ilaarsin­naavar­put?

¹⁷ Daavip er­nerminit Absalomimit toqun­niar­neqar­nermini Tus­siaatit pingajuat al­lap­paa. Tamatuma nalaani Daavi Shim’imit saas­sun­neqar­poq, taamaak­kaluar­toq eq­qis­sisimasin­naavoq. Sooq? Tus­siaat 3:5-imi Daavi ima al­lap­poq: “Naalak­kap torlorfigigan­ni akivaanga qaq­qaminit il­ler­nar­tumit.” Ajor­tumik pineqaraangat­ta Daavitut qinusariaqar­pugut. Taamaaliorut­ta Jehovap piner­tusaaq­qul­luta anersaaminik il­ler­nar­tumik tunis­savaatigut. Takorloorsin­naaviuk pisumi qanoq it­tumi suli an­nerusumik im­minut naalak­ker­tariaqarlutil­lu isumak­keerfigin­nit­tuusariaqarlutit? Qularin­ngiliuk Jehovap naal­liun­nerit soqutigigaa aam­ma ikius­sal­lutil­lu pil­luaq­qus­sagaatit?

18. Jehovap ilitsersuus­sutaanik maleruaaneq qanoq iluaqutigis­savar­put?

¹⁸ Eq­qor­tumik aalajangiisarut­ta ilisimas­suseqas­sal­lutalu Jehovamit pil­luaq­quneqas­saagut. Us­satit 4:7-imi al­las­simavoq ‘ilisimas­suseq pingaar­ner­paasoq’. Ilisimas­suseq ilisimasaqar­nermik tun­ngaveqaraluar­toq paasis­sutis­sanik ilisiman­nin­nerin­naan­ngilaq. Ilisimas­suseq aalajangiiner­nut at­tuumas­suteqar­poq. Al­laat uniaaluit ukior­nis­saanut peq­qumaasior­nik­kut ilisimas­suseqar­nermik ersersitsisar­put. (Uss 30:24, 25) Kristusi, ‘tas­saasoq Guutip ilisimas­susia’, Ataatami iluarisaatut ilior­tuaan­nar­poq. (1 Kor 1:24; Joh 8:29) Eq­qor­tumik aalajangiisar­nik­kut maniguut­tuar­nik­kul­lu ilisimas­suseqarut­ta Guutip uagut­taaq akis­sarsisis­savaatigut. (Matthæusi 7:21-23 atuakkit). Taamaat­tumik ilagiin­ni kik­kut tamarmik maniguul­lutik Jehovamut kif­far­torsin­naanis­saat sulis­sutigiuaruk. Eq­qor­tumik aalajangiinis­saq pif­fis­samik atuinarmat erinitsajuit­tariaqar­pugut. Taamaalior­nerli maniguun­nermik ersersitsineruvoq, maniguun­nerlu maan­na naas­saan­ngitsumil­lu pil­lualis­sutigis­savar­put.