1-2. Oqaluus­sisar­tup oqaasii 11:6-imi al­las­simasut nutaarsias­sanik nuan­nersunik oqaluus­sinitsin­nut qanoq at­tuumas­suteqar­pat?

NUNAT ilaan­ni inup­pas­suit nutaarsias­sanik nuan­nersunik soqutigin­nil­lutik tusar­naarusungaar­tar­put. Nunanili al­lani soqutigin­nit­tut amerlan­ngil­lat. Il­lim­mi najugaqarfigisan­niit­tut qanoq qisuariar­tar­pat? Qanorluun­niit ik­kaluar­pat suliap naam­mas­sinis­saata tungaanut oqaluus­siuar­nis­sar­put Jehovap piumasaraa.

² Jehovap pif­fis­salius­saa nal­liup­pat oqaluus­siner­put naam­mas­sis­saaq, “taavalu naggatis­saq nal­liutis­saaq”. (Matt 24:14, 36) Taman­nali pitin­nagu qanoq ‘as­savut sarliaan­nar­naveersaarsinaavavut’? * – Oqaluussisartup oqaasii 11:6 atuaruk.

3. Al­laaserisami matumani suut sam­mis­savavut?

³ ‘Inun­nik aalisar­tuul­luarumal­luta’ iliuuserisin­naasavut sisamat al­laaserisap siuliani sam­mineqar­put. (Matt 4:19) Oqaluus­siner­pul­li qanoq aalajangiusimanerulersin­naavar­put? Atuk­kavut qanorluun­niit ik­kaluar­pata allamut saasar­tin­naveer­saar­neq, erinitsajuinneq, aam­ma upper­luar­tuujuar­neq iluaqutigisin­naavavut. Maan­na taak­ku sam­meriar­tigit.

4. Sooq Jehovap sulias­siis­sutaa aalajangiusimasariaqar­par­put?

⁴ Jiisusip ajoqersuk­kani paasitip­pai ul­luni kingul­ler­ni pis­sutsit  qanoq ik­kumaar­nersut. Nalun­ngin­namiuk ajoqersuk­kami oqaluus­sinermin­ni pis­sutsit tamak­ku al­lamut saasaatigisin­naagaat ‘eq­qumaq­quai’. (Matt 24:42) Noap nalaani inuit al­lamut saasar­tik­kamik taas­suma mianersoq­qus­sutaanik tusar­naar­neq ajor­put. Nalitsin­nit­taaq uagut taamatorluin­naq al­lamut saasar­neqar­niar­tar­pugut. (Matt 24:37-39; 2 Petr 2:5) Taamaat­tumik Jehovap sulias­siis­sutaa aalajangiusimarusup­par­put.

5. Oqaluus­sinit­ta qanoq siam­mar­tiginis­saa Apustilit Suliaat 1:6-8 qanoq nas­suiar­neqar­pa?

⁵ Oqaluus­sinitsin­ni al­lamut saasar­tin­ngin­nis­sar­put pingaaruteqar­poq. Jiisusip siulit­tuutigisimavaa suliaq taman­na toqunermi kingor­na unin­navian­ngitsoq siam­mar­nerus­sasorli. (Joh 14:12) Toqoreermat ajoqersugaasa ilaat aalisar­tun­ngoq­qip­put. Jiisusip makititaanermi kingor­na tupin­nar­tulior­nik­kut ajoqersuk­kani aalisagar­pas­suar­nik pisaqar­tip­pai. Taamaalior­nermigut paasitip­pai inun­nik aalisar­tuuner­tik sulianit al­lanit pingaar­nerutit­tariaqaraat. (Joh 21:15-17) Jiisusip qilalian­ngitsiar­nermini ajoqersuk­kani oqarfigai oqaluus­sineq aal­lar­tis­simasani ‘nunarsuup isua tikil­lugu al­laat’ ingerlan­neqas­sasoq. (Apustilit Suliaat 1:6-8 atuakkit). Ukior­pas­suit qaangium­mata apustili Johan­nesi “Naalak­kap ul­luani” qanoq pisoqar­nis­saanik takorluuisip­paa. * Takusaasa tupin­nangaar­tut ilaat tas­saavoq in­ngilip ‘nutaarsias­sat nuan­nersut atajuar­tus­sat’ (NW) “nunarsuarmi najugaqar­tunut, inuiaqatigiin­nut naggueqatigiin­nul­lu, im­mik­kut oqaasilin­nut inuian­nul­lu tamanut” nalunaarutigigai. (Saqq 1:10; 14:6) Ersarip­poq Jehovap nunarsuaq tamak­kerlugu suliap naam­mas­sinis­saata tungaanut oqaluus­seqataanis­sar­put piumasarigaa.

6. Oqaluus­sinitsin­ni qanoq al­lamut saasar­tin­naveersaarsin­naavugut?

⁶ Jehovap qanoq ikiuisimatiginera eq­qarsaatigisarutsigu  oqaluus­sinitsin­ni al­lamut saasar­tin­navian­ngilagut. As­sersuutigalugu anersaak­kut inuus­sutis­satsin­nik naam­mat­torsuar­nik tunisimavaatigut, soorlu Biibililersaarutinik naqitik­kanik elektroniskiusunil­lu, tusar­naagas­sianik isigin­naagas­sianil­lu, kiisalu inter­netik­kut aal­lakaatitas­sianik. Una eq­qarsaatigeriaruk: Nit­tar­tak­katsin­ni paasis­sutis­sat oqaatsini 1.000-nit amerlanerusuni pis­sarsiarineqarsin­naap­put! (Matt 24:45-47) Silarsuarmi politik­kik­kut, up­perisarsior­nik­kut aningaasaqar­niar­nik­kul­lu avis­saar­tuuf­fiusumi Guutip kif­fai 8 mil­lioninit amerlanerusut nunarsuaq tamak­kerlugu ataasioqatigiip­put. As­sersuutigalugu tal­liman­ngor­nermi apriilip 19-ian­ni 2019-imi nunarsuaq tamak­kerlugu Nalunaajaasut ul­lormut al­las­simaf­fim­mik eq­qar­tuineq inter­netik­kut isigin­naarsin­naasimavaat. Un­nuk­kuani inuit 20.919.041-t Jiisusip toquneranik eq­qaaniaaqataap­put. Nalitsin­ni pisumik tupin­narluin­nar­tumik tamatumin­nga takun­nit­tuul­lutalu peqataasin­naaner­put kil­lin­neqaatigalugu al­lamut saasar­tin­nata Guutip kun­ngeqarfia, tas­sa naalagaaf­fia, pil­lugu oqaluus­sinermik ulap­puteqar­tuarusup­pugut.

7. Al­lamut saasar­tin­naveersaar­nis­samut Jiisusip maligas­siaa qanoq iluaqutigaar­put?

⁷ Oqaluus­sinitsin­ni al­lamut saasar­tin­ngin­nis­samut iluaqutigisin­naasar­put al­la tas­saavoq Jiisusip maligas­siaanik malin­nin­ner­put. Sal­lusuis­sut pil­lugu nalunaajaanermini Jiisusi al­lamut saasar­tin­ngivip­poq. (Joh 18:37) Al­laat Saatanip “silarsuarmi naalagaaf­fiit tamaasa taak­kualu alutor­nas­susiat” neqeroorutigim­magit inun­nil­luun­niit kun­ngin­ngor­tin­niar­neqarami us­ser­nar­torsiun­ngilaq. (Matt 4:8, 9; Joh 6:15) Pigisalerituujun­ngilaq sak­kor­tuumil­lu akerlilersor­neqaraangami siooraneq ajorluni. (Luk 9:58; Joh 8:59) Up­per­nik­kut misilin­neqar­til­luta apustilip Paulusip siun­nersuutaa eq­qaamasarutsigu al­lamut saasar­tis­san­ngilagut. Kristumiut ‘qasuleq­qunagit nikal­loq­qunagil­lu’ Jiisusip maligas­siaanik malin­neq­qul­lugit kajumis­saar­pai. – Hebr 12:3.

8. Erinitsajuin­neq suua, aam­ma sooq pingaar­tumik maan­nak­kut pisariaqar­pa?

⁸ Erinitsajuin­neq tas­saavoq pis­sutsit al­lan­ngor­nis­saan­nut naam­magit­tarluni utaq­qineq. Sivisuumik kis­saatigisimasat­ta pinis­saa atuk­kat­taluun­niit nuan­niitsut qaangiun­nis­saat utaq­qitil­lugit erinitsajuitsuusariaqar­pugut. Pruf­fiitip Habak­kukip Judami nakuuser­toqar­tarun­naar­nis­saa kis­saatigaa. (Hab 1:2) Jiisusip ajoqersugaasa siul­liit neriuutigaat Guutip kun­ngeqarfiata ‘er­niin­naq tikiul­luni’ Romamiut naalak­kersuineran­niit aniguisik­kiar­tus­sagaatik. (Luk 19:11) Uagut Guutip kun­ngeqarfiata nunarsuarmi ajus­suseerutsitsinis­saa naaper­tuil­luar­nermil­lu tamak­kiisumik atuutilersitsinis­saa qilanaareqaar­put. (2 Petr 3:13) Jehoval­li pif­fis­salius­saata utaq­qinerani erinitsajuit­tariaqar­pugut. Jehovap erinitsajuin­nis­satsin­nik ilin­niar­titsinera eq­qarsaatigiuk.

9. Jehovap erinitsajuitsuunera qanoq erser­pa?

⁹ Erinitsajuin­nermut tun­ngatil­lugu Jehova maligas­saal­luar­ner­paavoq. Noa umiarsualior­nis­saanut ‘naaper­tuil­luar­nermil­lu oqaluus­sis­sutigin­nin­nis­saanut’ naam­mat­tumik pif­fis­saqar­tip­paa. (2 Petr 2:5, NW; 1 Petr 3:20) Jehovap Sodomami Gomorramilu najugaqar­tunik nungutitsiniarluni aalajangigaanik Aaperaat arlaleriarluni apeq­qusiim­mat erinitsajuil­luni tusar­naar­paa. (1 Mos 18:20-33) Aam­ma Israelik­kut ilumoorfigin­nin­ngitsut ukior­pas­suar­ni erinitsajuif­figingaar­pai. (Neh 9:30, 31) Nalitsin­nit­taaq inuit ‘al­lamik isumataar­nis­saan­nut’ naam­mat­tumik pif­fis­saqar­tim­magit  Jehovap erinitsajuin­nera takusin­naavar­put. (2 Petr 3:9; Joh 6:44; 1 Tim 2:3, 4) Jehovap maligas­siuineranit ilik­kar­par­put uagut­taaq oqaluus­sinermi ilin­niar­titsinermilu erinitsajuitsuusariaqar­tugut. Aam­ma as­sersuusiat Biibilimiit­tut atorlugit erinitsajuitsuunis­satsin­nik ilin­niar­tip­paatigut.

10. Naasoris­saasumik as­sersuusiaq Jaaku 5:7, 8-milu al­las­simasoq qanoq ilin­niarfigisin­naavar­put?

¹⁰ Jaaku 5:7, 8 atuakkit. Erinitsajuin­nermut tun­ngatil­lugu naasoris­saasumik as­sersuusiaq ilin­niarfigisin­naavar­put. Naasut ilaat naajar­tupal­lat­tar­put, amerlaneril­li, ingam­mik inerititaqar­tar­tut, sivisuumik naajar­tor­tar­put. Israelimi naatsiias­sat ukiup af­faata mis­saani naajar­tor­tar­put. Naasoris­saasup naatsiias­sat ukiak­kut sial­lereeraangat ik­kus­sor­tar­pai uper­naak­kul­lu sial­lereeraangat inerititat katersor­tarlugit. (Mark 4:28) Qanor­toq uagut­taaq naasoris­saasutul­li erinitsajuitsuugisa. Taman­nali ajor­naatsuujuaan­nan­ngilaq.

11. Erinitsajuitsuuneq oqaluus­sinermi qanoq iluaqutigis­savar­put?

¹¹ Amerlaner­tigut inuit naam­mal­luin­nan­ngitsut suliamik kinguneri ingerlaan­naq takorusut­tar­paat. Naasoris­saanermili inerititaqarluar­tunik naatitsiniarut­ta suliuar­tariaqar­pugut, soorlu as­saal­luta, ik­kus­suil­luta, naasupiluiaal­luta imer­teril­lutalu. Taamatut­taaq ajoqersugan­ngor­titsior­tor­nermi ilungersor­tuar­tariaqar­pugut. Kinaas­susersior­tuun­ngin­nis­saq asan­nit­tuunis­sarlu Biibilimik atuaq­qis­saaqatigisar­tak­kat­ta ingerlaan­naq ilik­kar­navian­ngilaat. Tamatuma saniatigut inuit tusar­naaruman­ngip­pata erinitsajuitsuuneq nikal­lun­ngin­nis­satsin­nut iluaqutigis­savar­put. Aam­ma tusar­naarusuk­kaluar­pataluun­niit erinitsajuitsuusariaqar­pugut. Biibilimik atuaq­qis­saaqater­put pin­ngitsaalil­lugu up­per­neruler­tis­sin­naan­ngilar­put. Al­laat Jiisusip ilin­niar­titsis­sutai ajoqersugaasa aal­laq­qaam­mut paasiuminaatsip­paat. (Joh  14:9) Eq­qaamas­savar­put uagut ik­kus­suisuugaluarluta imer­terisuugaluarlutalu Guuti naajar­tor­titsisuusoq. – 1 Kor 3:6.

12. Ilaqut­tat­ta Nalunaajaasuun­ngitsut oqaluus­sif­figinerini qanoq erinitsajuitsuusin­naavugut?

¹² Ilaqut­tatsin­nut Nalunaajaasuun­ngitsunut oqaluus­sinitsin­ni erinitsajuitsuunis­saq saper­narsin­naavoq. Taman­na saper­nar­tik­kutsigu Oqaluus­sisar­tup oqaasii 3:7-imi najoq­qutas­siaq una iluaqutigisin­naavar­put: “Nipangersimaf­fis­saqar­poq oqaluf­fis­saqarlunilu.” Ileq­qoris­saar­ner­put nalunaajaataal­luarsin­naavoq, sal­lusuis­sum­mil­li eq­qar­tuinis­samut piareersimajuar­tariaqar­pugut. (1 Petr 3:1, 2) Oqaluus­sinitsin­ni ilin­niar­titsinitsin­nilu ilungersoraluarluta inuit tamaasa, aam­ma ilaqut­tavut, erinitsajuif­figisariaqar­pavut.

13-14. Erinitsajuin­nermut tun­ngatil­lugu maligas­siuisut ilaat oqalut­tuarik­kit.

¹³ Angutit ar­nal­lu aalajaatsut Biibilimi eq­qaaneqar­tut inuil­lu nalitsin­ni inuusut maligas­siuineran­nit erinitsajuin­neq ilin­niarsin­naavar­put. Habak­kukip Israelimi ajus­suseerun­nis­saq kis­saatigigaluar­paa, erinitsajuil­lunili alaper­naarsuiuar­nis­sani aalajangiusimavaa. (Hab 2:1) Apustili Paulusi kif­far­tor­nerminik naam­mas­sin­nin­nis­saminik kis­saateqaraluarluni erinitsajuil­luni ‘nutaarsias­samik nuan­nersumik peq­qis­saar­tumik nalunaajaatigin­nit­tuar­poq’. – ApS 20:24, NW.

¹⁴ Aap­pariit Gileadimi ilin­niarsimasut nunamul­lu Nalunaajaasoqar­pian­ngitsumut aal­lar­tin­neqarsimasut eq­qarsaatigik­kit. Nunami tas­sani inuit amerlanersaat kristumiuun­ngil­lat Biibilimil­lu atuaq­qis­saarusut­tut ikit­tuin­naal­lutik. Gileadimi atuaqataat nunani al­lani kif­far­tor­tut oqalut­tuar­tar­put Biibilimik atuaq­qis­saaqater­pas­suatik kuisin­nis­saan­nut ikiorsimal­lugit. Aap­pariil­li erinitsajuip­put naak nam­min­neq oqaluus­sif­figisar­tak­kamin­ni inuit amerlanersaat tusar­naaruman­ngikaluar­tut. Ukiuni arfineq-pingasuni oqaluus­sereerlutik Biibilimik atuaq­qis­saaqatigisar­tagaasa ilaat kuisip­poq. Itsaq nalitsin­nilu maligas­siuisut sutigut as­sigiis­suteqar­pat? Eqiasuleratil­lu as­satik sarliaan­nalin­ngilaat, erinitsajuin­neral­lu pil­lugu Jehovap pil­luaq­quai. Qanor­toq uagut “up­per­nik­kut nikal­lujuin­nik­kul­lu Guutip neriorsuutigisaanik kingor­nus­sisus­sat” ilaar­tigit. – Hebr 6:10-12.

15. Up­per­neq oqaluus­sinis­samut ilaatigut qanoq aalajangiusiman­nin­nerulis­sutigaar­put?

¹⁵ Tusarlius­sar­put up­perigatsigu sapin­ngisamik inun­nut amerlaner­paanut ingerlateq­qik­kusup­par­put. Biibilimi neriorsuutit up­peraavut. (Tuss 119:42; Es 40:8) Siulit­tuutit Biibilimiit­tut nalitsin­ni eq­quun­nerat misigaar­put. Aam­ma najoq­qutas­siat Biibilimeersut inuit inuuneran­nut ajun­ngitsumik al­lan­nguisitsisimanerat takusimavar­put. Tamak­ku pis­sutigalugit inuit tamarmik Guutip kun­ngeqarfia pil­lugu nutaarsias­sanik nuan­nersunik tusarler­neqar­tariaqar­nerat qularin­ngin­neruler­par­put.

16. Jehovamut Jiisusimul­lu up­per­neq oqaluus­sinis­samut qanoq aalajangiusiman­nin­nerulis­sutigaar­put, taamaalior­nis­samul­lu Tus­siaat 46:2-4 al­las­simasut qanoq iluaqutigaavut?

¹⁶ Aam­ma Jehova tusarlius­satsin­nik pilersitsisoq kun­ngeqarfim­minilu kun­ngin­ngor­titaa, Jiisusi, up­perfigaavut. (Joh 14:1) Qanorluun­niit atugaqaraluarut­ta Jehova tas­saajuas­saaq “qimar­nguf­fip­put nakuus­suter­pul­lu”. (Tussiaat 46:2-4 atuakkit). Aam­ma qularin­ngilar­put Jiisusip pis­saaneq oqar­tus­saas­suserlu Jehovamit pisani atorlugit oqaluus­siner­put qilam­miit siulersoraa. – Matt 28:18-20.

17. Sooq oqaluus­siuar­tariaqar­pugut? As­sersuuteqarit.

¹⁷ Up­perat­ta qularutigin­ngilar­put Jehovap suliavut pil­luaq­qujumaarai, ilaan­nik­kut al­laat ilimagin­ngisatsitut. (Oqal 11:6) As­sersuutigalugu  nerriviit atuagaasiviil­luun­niit angal­lat­tak­kat atorlugit oqaluus­sisut ul­lut tamaasa inun­nit tuusintilin­nit saneq­qun­neqar­tar­put. Oqaluus­seriaaseq taman­na sun­niuteqarluar­pa? Ilaana! Guutip naalagaaffianut kiffartorneq-mi 2014-imi novembarimoor­tumi ar­naq inuusut­toq universitetimi ilin­niar­toq Jehovap Nalunaajaasui pil­lugit al­laaserin­nin­niar­toq oqalut­tuarineqar­poq. Naalagaaf­filersaarfik nas­saarisin­naasiman­ngilaa, nerrivil­li atorlugu oqaluus­sisut ilin­niarfim­mi qanit­tuaniit­tut naam­mat­toorsimavai tas­sanilu paasis­sutis­sat al­laaserisas­saminut pisariaqar­titani pis­sarsiaralugit. Naggataatigut kuisimasun­ngor­poq pioneritul­lu kif­far­tulerluni. Misigisat taamaat­tut oqaluus­siuar­nis­satsin­nut kajumis­sis­sutigisar­pavut paasisaratsigu suli inoqar­toq Guutip kun­ngeqarfia pil­lugu tusarlius­satsin­nik tusar­tariaqar­tunik.

18. Sooq oqaluus­sinerup Jehovap piumasaatut naam­mas­siumaar­nera qularin­ngis­sin­naavar­put?

¹⁸ Qularin­ngis­sin­naavar­put oqaluus­siner­put pif­fis­saq eq­qorlugu naam­mas­siumaar­toq. Noap nalaani pisimasut eq­qarsaatigik­kit. Jehovap pif­fis­saal­luar­ner­paami iliuuseqar­tuaan­nar­tuunini takutip­paa. Ulersuar­titsinis­sani ukiut 120-t mis­saat sioq­qul­lugu aalajangiup­paa. Ukior­pas­suit tamatuma kingor­na Jehovap Noa umiarsualioq­quaa. Ulersuaq nal­liutserlugu Noa ukiuni 40-ni 50-iniluun­niit ilungersorluni suliuar­poq. Inuit tusaajuman­ngik­kaluar­tut Jehovap uumasunik umiarsuarmut ikioraatitseq­qusinis­saata tungaanut Noa mianersoq­qusil­luni oqaluus­siuar­poq. Pif­fis­sarlu eq­qorlugu Jehovap “umiarsuup matua matuaa”. – 1 Mos 6:3; 7:1, 2, 16. 

19. As­savut sarliaan­nan­ngik­kutsigit suna qilanaarisin­naavar­put?

¹⁹ Oqaluus­siner­put Jehovap qanit­tuk­kut unitsis­savaa. Taava Saatanip silarsuaa suujun­naarsis­savaa nunarsuarmilu naaper­tuil­luar­nermik tamak­kiisumik atuutilersitsil­luni. Taman­na pitin­nagu qanor­toq Noa, Habak­kuki al­lal­lu ilaarlugit as­savut sarliaan­nan­ngik­kitigit. Aam­ma al­lamut saasar­tin­ngik­kisa, erinitsajuitsuugisa Jehovamul­lu up­perluar­tuujuarisa neriorsuutaalu tatigalugit.